བོད་ཀྱི་དུས་བབ་སྤྱིའི་འདོན་ཐེང་ ༢༨༩ ཕྱི་ལོ་ ༢༠༡༠།༦།༣༠ འཁོད་པའི་ནང་དབུས་གཙང་གི་བཀའ་སྤྱིའི་འོས་མི་ཕྱིར་བསྒྲགས་ཅེས་པའི་གསལ་བསྒྲགས་དེ་ཀློག་སྐབས། རང་ཉིད་དབུས་གཙང་ཆོལ་ཁའི་ཁོངས་སུ་ཡོད་པ་དང་བཙན་བྱོལ་བོད་མིའི་བཅའ་ཁྲིམས་དང་འོས་བསྡུའི་སྒྲིག་གཞི་སོགས་ལ་ཡིད་ཆེས་དང་བློ་གཏད་བརྩི་བཀུར་ཞུ་མཁན་གྱི་བོད་ཀྱི་ཡུལ་མི་དཀྱུས་མ་ཞིག་ཡིན་པའི་ཆ་ནས་བསམ་ཚུལ་ཐུང་ཙམ་ཞིག་གླེང་འདོད་བྱུང་། གསལ་བསྒྲགས་དེའི་ནང་བཀའ་ཁྲིའི་འོས་མི་གཅིག་དང་སྤྱི་འཐུས་ཀྱི་འོས་མི་ཉི་ཤུ་བཏོན་འདུག་པ་བཀའ་སྤྱི་གཉིས་ཀྱི་སྔོན་འགྲོའི་འོས་གཞི་མ་བསྡུས་གོང་ལ། ཆོལ་ཁ་དང་ཚོགས་སྐྱིད་ཁག་ནས་འོས་མི་འདོན་རྒྱུའི་ཆ་རྐྱེན་བཅའ་སྒྲིག་གཉིས་ཀྱི་དོན་ཚན་གང་གི་འོག་ཏུ་འགན་འཁུར་བླངས་པ་ཡིན་གསལ་པོ་ཤེས་མ་སོང་ལ། ཀོ་ལི་གྷལ་གཞིས་ཆགས་འདིར་རང་ལོ་ ༡༨ ཡན་གྱི་དབུས་གཙང་མི་མང་ཙམ་ཡོད་པ་དེ་དག་གི་ངོ་ཚབ་སུའི་གནང་ན་བཀའ་ཁྲི་དང་སྤྱི་འཐུས་ཀྱི་འོས་མི་ ༡༥༠༠ བཏོན་པ་ཡིན་དེ་ཡང་གསལ་པོ་ཤེས་ཐུབ་མ་སོང། གསལ་བསྒྲགས་དེའི་ནང་ཆ་རྐྱེན་གཉིས་ཁས་ལེན་དུ་བཅུག་པ་དང་ས་ཡིག་རྒྱག་ཏུ་གཅུག་ཡོད་ཟེར་བ་དེ་དག་དངོས་བདེན་ཡིན་ཚེ། དམངས་གཙོ་གཅིག་སྡུད་ཀྱི་ལམ་ལུགས་ནང་གོམ་གང་མདུན་སྤོས་བྱས་པ་མ་རེད་དམ། བཅའ་ཁྲིམས་དོན་ཚན་ ༡༡ པ་སྤྱི་འཐུས་ཀྱི་འོས་བསྡུ་དང་། འོས་གཞི་ཐོབ་ཐང་ཅེས་པའི་ནང་ཁྲིམས་ལུགས་ཁག་གཞིར་བཟུང་འོས་བསྡུའི་ཐོབ་ཐང་བྲལ་བ་ཕུད་དེ་མིན་བོད་ཀྱི་ཡུལ་མི་སེར་སྐྱ་ཕོ་མོ་རང་ལོ་ ༡༨ ཧྲིལ་པོར་ལོན་པ་ཡན་ཚང་མར་འོས་བསྡུའི་ཐོབ་ཐང་དང་ཁྲིམས་ལུགས་ཁག་བཞིར་ཟུང་འོས་གཞིར་ཞུགས་རྒྱའི་ཐོབ་ཐང་བྲལ་བ་ཕུད། དེ་མིན་བོད་ཀྱི་ཡུལ་མི་སེར་སྐྱ་ཕོ་མོ་རང་ལོ་ཉེར་ལྔ་ཧྲིལ་བོར་ལོན་པ་ཡན་ཚང་མར་འོས་གཞིར་ཞུགས་པའི་ཐོབ་ཐང་ཡོད་ཅེས་གསལ་བ་དང་། འོས་བསྡུའི་སྒྲིག་གཞི་དོན་ཚན་ ༢༤ པའི་ནང་གསེས་དང་པོའི་ཀ་པའི་ནང་འོས་གཞིར་འཛུལ་ཞུགས་བྱེད་དུ་འཇུག་པ་དང་། བྱེད་དུ་མི་འཇུག་པ་ཅེས་གསལ་འདུག་ན་བཅའ་སྒྲིག་གི་དོན་ཚན་འདི་བདག་དང་ཕྱོགས་མཐུན་བྱུང་ཡོད་མེད་ཐེ་ཚོམ་ནང་དུ་ལྷག་འདུག་ན། འོས་བསྡུ་ལས་ཁང་ནས་ཐུགས་ཞིབ་ཀྱིས་འགན་འཁུར་བཞེས་དགོས་པ་མཐོང། བཅའ་ཁྲིམས་དོན་ཚན་ ༣༨ དང་། འོས་བསྡུའི་སྒྲིག་གཞི་དོན་ཚན་ ༣༩ བཅས་ཀྱི་ནང་སྤྱི་འཐུས་ཀྱི་འོས་ཆོས་གསལ་ཡོད་ན་དེའི་མ་ལྡང་བ་ད་དུང་འོས་ཆོས་འཕར་མ་དགོས་ཀྱི་ཡོད་ན། ཁྲིམས་ལུགས་གཞིར་བཟུང་ཁྲིམས་བཟོ་སྤྱི་འཐུས་གྲོས་ཚོགས་ནས་བཅའ་ཁྲིམས་བསྐྱར་བཅོས་ཀྱི་བརྒྱུད་ལམ་ནས་འོས་ཆོས་འཕར་བསྣོན་གཏན་འབེབས་གནང་དགོས་པ་ལས། ཆོལ་ཁ་བྱེ་བྲག་པ་ཞིག་གིས་སྤྱི་འཐུས་ཀྱི་འོས་ཆོས་ཟུར་དུ་བཏོན་པ་དེ་དག་ལྭ་ཐེད་སྒང་ལ་པགས་ཐེད་བརྒྱབ་པ་མ་རེད་དམ།
གསལ་བསྒྲགས་དེའི་ནང་ཆ་རྐྱེན་གཉིས་ནི་བཙན་བྱོལ་བོད་གཞུང་གི་གཏན་འབེབས་སྲིད་ཇུས་གཉིས་སྨན་དབུ་མའི་ལམ་ལ་ཁ་ཞེ་གཉིས་མེད་ཐོག་ཤར་བསྐྱོད་ཀྱིས་༸གོང་ས་མཆོག་གི་དགོངས་གཞི་ལམ་སྟོན་ཅི་ཕེབས་དབུ་འོག་དཔུང་འདེགས་ཀྱི་སྲི་ཞུ་བསྒྲུབ་ཐུབ་པ་ཅེས་པའི་ཐད་དབུ་མའི་ལམ་གྱི་སྲིད་ཇུས་ནི། ༸གོང་ས་མཆོག་གི་དབུ་ཁྲིད་པའི་བཙན་བྱོལ་བོད་གཞུང་གི་གཏན་ལ་ཕབ་པའི་ཕྱི་འབྲེལ་ཕྱི་སྲིད་ཀྱི་སྲིད་ཇུས་བོད་རྒྱའི་དཀའ་རྙོག་སེལ་རྒྱུའི་ལྡེ་མིག་གཉིས་སྨན་དབུ་མའི་ལམ་དེ་ཡིན་པ་གཞིས་བྱེས་བོད་མི་སྤྱི་བོ་གནམ་སྟན་ཚང་མས་ཡིད་ཆེས་དང་ཁས་ལེན་ཞུ་བཞིན་པ་བཅའ་ཁྲིམས་དོན་ཚན་ ༡༣ ནང་དུ་གསལ་བའི་བོད་ཀྱི་ཡུལ་མིའི་ལས་འགན་ཞིག་ཡིན་པ་ལས། དབུས་གཙང་གི་སྤྱི་འཐུས་མི་གྲངས་ ༡༠ དབུ་མའི་ལམ་ལ་ཤར་བསྐྱོད་བྱས་པ་ཙམ་གྱི་བོད་དོན་བདེན་མཐའ་གསལ་རྒྱུ་ཡོད་པ་དེ་ཤེས་ཐུབ་མ་སོང།
གསལ་བསྒྲགས་དེའི་ནང་གཞན་དེ་ནི་དབུས་གཙང་ཆོལ་ཁར་ཤ་ཚ་ཞེན་ཁོག་ལྡན་པ་དགོས་རྒྱུ་དེ་ཡིན་ཞེས་གསལ་བའི་ཐད་བཅའ་ཁྲིམས་དོན་ཚན་ ༣༧ པའི་ནང་བོད་མི་མང་སྤྱི་འཐུས་ལྷན་ཚོགས་ཀྱི་སྒྲིག་འཛུགས་གསལ་བ་བཞིན། མི་འགྲོའི་ཡོང་ཁུངས་ཟུར་དུ་གཏོད་ཡོད་ཀྱང་སྤྱི་འཐུས་སུ་ཕེབས་རྗེས་ཆོས་ལུགས་ཆོལ་གསུམ་དང་བཅས་པའི་བོད་མི་མང་གི་སྐུ་ཚབ་སྤྱི་མི་ཚད་ལྡན་ཞིག་དགོས་པའི་བཀའ་སློབ་༸གོང་ས་མཆོག་ནས་སྤྱི་འཐུས་གྲོས་ཚོགས་རིམ་པའི་ནང་ཡང་ནས་ཡང་དུ་བཀའ་གསལ་པོ་ཕེབས་པ་དེ་དག་ད་ལྟའི་དབུས་གཙང་ཆོལ་ཁའི་རྒྱུན་ལས་རྣམས་ནས་མ་གསན་པ་མིན་ནམ། ཡང་ན་ཤེས་བཞིན་དུ་བརྩི་བཀུར་མ་ཞུས་པ་ཡིན་པ་དེ་ཡང་གསལ་པོ་ཤེས་ཐུབ་མ་སོང་ན་རྒྱལ་གཅེས་ལྷག་བསམ་ཅན་གྱི་རྒྱ་ཆེ་དབུས་གཙང་མི་མང་ནས་དཔྱད་ཞིབ་ནན་པོ་གནང་ནས་བཀའ་ཁྲི་དང་སྤྱི་འཐུས་ཀྱི་འོས་བསྡུའི་ལས་རིམ་ལ་བཅའ་སྒྲིག་གི་འབྲུ་དོན་དང་མ་འགལ་བའི་ཐོག་ཕྱོགས་གཏོགས་ཆབ་སྲིད་དང་ལུང་ཚན་ཤོག་སྒྲིལ་གྱི་རྗེས་སུ་མ་ཕེབས་པར་མང་གཙོ་དང་། དྲང་བདེན། ཁྲིམས་ཀྱི་དབང་བརྒྱུར་ལ་འགན་འཁུར་ནས་གཞི་རིམ་མང་གཙོའི་འདམས་བྱ་འདེམས་བྱེད་ཀྱི་ཐོབ་ཐང་ངེས་པར་དུ་བཞེས་དགོས་པའི་འབོད་བསྐུལ་ནན་པོ་ཞུས་པ་འདིའི་ཀྱང་བཀའ་སྤྱི་གཉིས་ཀྱི་འོས་བསྡུའི་ལས་རིམ་ལ་བར་དུ་གཅོད་པའི་སྒེགས་རིགས་སེལ་བའི་བརྔོ་བ་མང་ཙམ་གྱིས་ཆོག
ཀོ་ལི་གྷལ་གཞིས་ཆགས་གཞུང་པ་ཚེ་དབང་བསོད་ནམས།
ལཱ་ཐེད་མ་རེད་ལ་ཐེལ་རེད་གྲོགས་པོ་ལགས།
རྩ་བའི་ཤ་ཚ་དང་ཞེན་ཁོག་ཟེར་བའི་ཚིག་འདི་རང་ཕྱོགས་ལ་སྙིང་ཉེ་བའམ་དགའ་བ་བྱེད་བའི་ཚིག་ཡིན་རུང་། ཤ་ཚ་ཞེན་ཁོག་དགོས་ཞེས་པར་འགྲེལ་བརྗོད་རིང་པོ་ཞིག་བྱས་འདུག་པར་ཡང་བསམ་བློ་གཏོང་རྒྱུ་འདུག་སྙམ། སྐབས་དེར་དུས་བབ་དུ་དེའི་སྐོར་འདི་ལྟར་བཀོད་འདུག༼སྤྱི་འཐུས་སྒྲོལ་མ་ཚེ་རིང་ལགས་ཀྱིས། ཐེངས་འདིར་དབུས་གཙང་གི་ཆོལ་ཁོངས་ཀྱི་སྤྱི་འཐུས་རྣམས་ལ། ཆ་རྐྱེན་གཉིས་ཁས་ལེན་དུ་བཅུག་པ་དང་ས་ཡིག་རྒྱག་ཏུ་བཅུག་ཡོད་ལ། ཆ་རྐྱེན་གཉིས་ནི་བཙན་བྱོལ་བོད་གཞུང་གི་ལངས་ཕྱོགས་བཞིན་དབུ་མའི་ལམ་གྱི་དགོངས་དོན་ལ་རྒྱབ་སྐོར་གནང་མཁན་དང་། རང་བཙན་གྱི་ལྟ་བ་ཁྱེར་མཁན་མིན་པ་དང་། གཞན་དེ་ནི་དབུས་གཙང་ཆོལ་ཁར་ཤ་ཚ་ཞེན་ཁོག་ལྡན་པ་དགོས་རྒྱུ་དེ་ཡིན།
གོང་གསལ་གྱི་དབུས་གཙང་ཆོལ་ཁོངས་ཀྱི་སྤྱི་འཐུས་འོས་མི་རྣམས་ཀྱིས་ཆ་རྐྱེན་དེ་གཉིས་ཁས་ལེན་དང་མཚན་རྟགས་བསྐྱོན་ཡོད། ཡིན་ནའང་། དབུས་གཙང་ཆོལ་ཁར་ཤ་ཞེན་ཞེས་པ་སྤྱི་པའི་འཐུས་མིའི་ཡོང་ཁུངས་བཅའ་ཁྲིམས་རིན་པོ་ཆེའི་ནང་ཆོལ་ཁ་ཆོས་བརྒྱུད་ཅེས་གསལ་ཡོད་པ་དང་། ཆོལ་ཁའི་སྒྲིག་འཛུགས་འདི་བཞིན་ཚགས་ཚུད་སྲ་བརྟན་ཡོང་དང་མི་ཡོང་སྤྱིར་ཆོལ་ཁའི་སེར་སྐྱ་མི་མང་ཡོངས་དང་། སྒོས་སུ་ཆོལ་ཁའི་གནད་དོན་མི་སྣ་རྣམས་ཀྱི་ཕྱར་གྲུ་མཉམ་འདེགས་ཀྱིས་ཆོལ་ཁའི་གོང་བུའི་ནུས་པ་དང་། བོད་སྤྱིར་རྣམ་དཔྱོད་འདོན་སྤེལ་གྱི་སྲི་ཞུ་སྒྲུབ་སའི་གླེང་སྟེགས་ཤིག་ཏུ་བསྐྲུན་ཐབས་མཐུན་འགྱུར་དགོས་པའི་གནད་དོན་ཁོ་ནའི་ཆེད་དུ་ཡིན་ཞེས་བརྗོད་ཡོད།༽
འདི་ལྟར་གདོང་དམར་བོད་པ་ཚང་གི་བུ་རྒྱུད་ཞིག་གིས་ཁྲིམས་དང་སྒྲིག་གཞི་གཞིར་བཟུང་ཏེ་བསམ་ཚུལ་བརྗོད་པ་ཐུགས་རྗེ་ཆེ།ཡང་བསྐྱར་བསལ་ཚུལ་འདི་འདྲ་བཀོད་རོགས།
ང་རང་དབུས་གཙང་བ་ཞིག་ཡིན་པའི་ངོས་ནས་དྲ་གྲོགས་ཡོངས་ལ་ཞུ་རྒྱུ།
དབུས་གཙང་ཆོལ་ཁར་ཤ་ཚ་ཞེན་ཁོག་ལྡན་པ་ཞེས་པ་དེ་དབུས་གཙང་རྤོ་ཏོ་རྨོ་ཏོ་འགའ་ཞིག་གིས་བསམ་ཚུལ་ཡིན་པ་ལས་མི་མང་བྱིངས་ཀྱི་བསམ་ཚུལ་དེ་ལྟར་མིན།
ད་རེས་ངས་དབུས་གཙང་གི་རྒྱུན་ལས་མིང་འཛིན་པ་ཚོར་སེམས་ཚོར་དྲག་པོའི་སྒོ་ནས་དྲི་བ་འགའ་ཞིག་དྲིས་འདོད་བྱུང།
ང་ཚོ་ད་ལྟ་དབུས་གཙང་གི་སྤྱི་འཐུས་འདེམས་ཀྱི་ཡོད་རེད་དམ་ཡང་ན་བོད་མང་གི་སྤྱི་འཐུས་འདེམས་ཀྱི་ཡོད། བོད་མང་གི་སྤྱི་འཐུས་འདེམས་ཀྱི་ཡོད་ན་༸གོང་ས་མཆོག་གིས་ང་ཚོ་རྐུབ་སྟེགས་དེའི་སྒང་ལ་བསྡད་ན་སྤྱི་མི་ཚད་ལྡན་ཞིག་བྱེད་དགོས་པ་ལས་ཆོལ་ཁ་ཆོས་ལུགས་ཀྱི་གཞན་དབང་དུ་མི་འགྲོ་བ་ཞིག་དགོས་ཀྱི་རེད་ཞེས་པའི་བཀའ་སློབ་ཁྱེད་ཚོ་མི་གོ་ཡིན་ནམ་ཡང་ན་བཀའ་ལ་ཁྱད་གསོད་བྱེད་པ་ཡིན།
གཞུང་པ་ཚེ་དབང་བསོད་ནམས་ཁག་ཅི་ཡོད། དབུས་གཙང་རྒྱུན་ལས་རྣམས་ཀྱིས་གང་ཟག་གཅིག་ལ་དམིགས་ནས་བཅག་བཅག་བྱས་པ་ཞིག་རེད། འོས་ཆོས་དེ་གཉིས་ཀྱིས་མདོར་ན་དབུས་གཙང་སྤྱི་འཐུས་ཀརྨ་ཆོས་འཕེལ་ལ་རྣམ་འགྱུར་བསྟན་ཁུལ་ཙམ་བྱས་པ་རེད། ཁྱེད་ཀྱིས་གསུངས་པ་བཞིན་དབུས་གཙང་རྒྱུན་ལས་དེ་ཚོས་ག་རེ་བྱེད་ཀྱི་ཡོད་མེད་མགོ་ཚོས་ཁག་པོ་རེད།
གཞུང་པ་ཚེ་དབང་བསོད་ནམས་ལགས་ཀྱིས་གང་བྲིས་ཐ་དག་བདེན་ནོ། མ་འོངས་པར་སྤྱི་ཚོགས་ནང་འགན་བཞེས་མཁན་ཚོས་ཅོལ་ཆུང་དེ་རིགས་ནམ་ཡང་གནང་མི་རིགས་སོ།