བོད་ནང་དམ་དྲག

ད་ནི་བཅོམ་འཕྲོག་རྡུང་གསུམ་གྱི་ངང་ནས་བོད་མི་ལྷག་བསམ་ཅན་དག་རིམ་བཞིན་རྒྱ་དམར་གྱི་ལག་འོག་ནས་ཚེའི་ཕན་པ་རྫོགས་བཞིན་འདུག
བོད་དུ་དམ་དྲག་དང་བཙན་གནོན་ཞེས་པའི་མིང་ཚིག་གི་འཇིགས་སྣང་རང་བཞིན་དེ་ད་ནི་བག་ཕེབས་ཀྱི་མིང་ཚིག་ཞིག་ལ་འགྱུར་བཞིན་སྣང་།
གངས་ཅན་པའི་ལས་དབང་།
མི་རབས་འདི་སྟོང་བར་ཉེ།
སྙིང་ཉེ་བའི་གཞི་ལུས་ཚོའི་གནས་སྟངས་ཐོས་སྐབས།
ཡིད་སྐྱོ་དུངས་ངེ་།
ལུས་འདར་ཞུམ་མེ།

བརྟན་ལྷིང་ཡོང་དགོས་ན་བོད་མི་རིགས་དེ་མི་ཡི་འདུ་ཤེས་བཞག་ནས་རང་དབང་དང་ཐོབ་ཐང་སྤྲད་དགོས་པ་ལས་རྡུང་རྡེག་ཚ་ནོན་བྱེད་ན་རྙོག་གྲ་ཆེན་རེ་འགྲོ་བ་ལས་ཞི་བདེ་དང་ལྷིང་འཇགས་ག་ལ་ཡོང་ཐུབ།
སྤྱིར་རྒྱ་གཞུང་གིས་རྡུང་རྡེག་ཚ་ནན་ཟེར་བ་དེ་ནི་བསམ་བཞིན་དུ་བོད་མི་ལ་སྡུག་པོ་གཏང་བ་རེད་ལ་བོད་མི་རིགས་ཀྱིས་སྡུག་མི་ཆོག་ནས་སྐད་བརྒྱབ་ཡོང་དུས་ཁོ་ཚོས་དེ་ལ་ཁ་བྲལ་བ་སོགས་ཀྱི་མིང་འདྲ་མིན་བརྟགས་སྟེ་བོད་མི་མེད་པ་བཟོ་ཆོག་ཙང་རེད།
མདོར་ན་བོད་མི་རིགས་མེད་པ་བཟོ་ཡག་གི་ཐབས་ཤེས་ཤིག་རང་རེད།

སྤུན་ཟླ་ཚོ། སེམས་ཤུགས་མ་ཆག བློ་རྒྱ་བསྐྱེད། ད་ལྟའི་ཆར་རྒྱ་དམར་གྱིས་བཙན་གནོན་དང་སྡིགས་མཛུབ་འོག་སྡུག་བསྔལ་མྱང་དང་མྱོང་བཞིན་ཡིན་ན་ཡང་། འདུས་བྱས་སོ་ན་མི་གནས་པ་ཡིན་པས་ནམ་ཞིག་སྡུག་བསྔལ་རྒྱ་མཚོ་ལས་བསྒྲལ་ཏེ་མི་མོས་རང་སྐྱིད་ཀྱི་འཚོ་བར་སྤྱོད་ཐུབ་པའི་དུས་ཤིག་ལོས་ཡོང་།