ཕྱི་ཚེས་ ༡༨ ཉིན་གྱི་མཚན་མོ་སི་ཁྲོན་དཔལ་ཡུལ་རྫོང་ཁྲོམ་མཐར་ཆུ་རྒྱ་ཤོད་སྡེ་བའི་སྡེ་དཔོན་བཀྲ་ཤིས་བཟང་པོའི་གཙོས་པའི་སྡེ་དམངས་བརྒྱ་ལྷག་ལ་རྒྱ་དམག་གིས་མེ་མདའ་བརྒྱབ་སྟེ། མི་ ༤ བསད་ཡོད་པ་དང་མི་ ༣༠ ལ་རྨས་སྐྱོན་ཚབས་ཆེན་ཕོག་ཅིང་། རྨས་མ་དག་གིས་མཚོན་པའི་སྡེ་མི་མང་པོ་ཞིག་འཛིན་བཟུང་བྱས་ཡོད་འདུག
བལ་ཡུལ་དུ་གནས་བཞུགས་གྲགས་པ་ཡེ་ཤེས་ལགས་ཀྱིས་གནས་ཚུལ་མཁོ་སྤྲོད་བྱས་པའི་ནང་བཀོད་དོན། སི་ཁྲོན་ཞིང་ཆེན་དར་མདོ་ཁུལ་དཔལ་ཡུལ་རྫོང་ཁྲོམ་མཐར་ཆུ་རྒྱ་ཤོད་སྡེ་བའི་སྟོང་མཐའ་འཁྱིལ་དུ་རྒྱ་གཞུང་གིས་སྔོན་མ་ནས་གསེར་གྱི་གཏེར་ཁ་སྔོག་འདོན་གྱི་ལས་གཞི་རྒྱ་ཆེན་པོ་བརྩམས་ཡོད་པ་དང་། ཉེ་ཆར་ལས་གཞི་དེ་རྒྱ་ཆེ་རུ་གཏོང་གི་ཡོད་སྟབས། སྡེ་བའི་དཔོན་པོ་བཀྲ་ཤིས་བཟང་པོ་ལགས་ཀྱིས་གཏེར་ཁ་སྔོག་འདོན་བྱས་ཏེ་ཁོར་ཡུག་གཏོར་བཅོམ་བཏང་མི་ཆོག་པའི་སྐོར་གྱི་སྙན་ཞུ་ཞིག་རྫོང་སྲིད་གཞུང་ལ་ཕུལ་ཏེ། ཁོང་དང་མཉམ་དུ་སྡེ་མི་བརྒྱ་ལྷག་རྫོང་སྲིད་གཞུང་གི་འགྲམ་དུ་སྙན་ཞུའི་ལན་ལ་སྒུག་ཡོད་པ་དང་། ཟླ་འདིའི་ཚེས་ ༡༨ ཉིན་གྱི་མཚན་མོ་ཁོང་ཅག་གཉིད་ཁུག་ཡོད་སྐབས་གློ་བུར་དུ་རྒྱ་ནག་ཐོན་ཏེ། ཁོང་ཅག་གི་ཁྲོད་དུ་དུག་རླངས་གཏོར་ཏེ། མི་ཚང་མ་བརྒྱལ་དུ་བཅུག་རྗེས་རླངས་འཁོར་ནང་བཞག་ནས་འདྲུད་རྩིས་བྱས་སྐབས། སྡེ་དཔོན་དུག་གིས་བཟི་མ་ཐུབ་པར་ཡར་ལངས་ཏེ་དམག་མིར་ངོ་རྒོལ་བྱས་ཤིང་། སྐབས་དེར་དམག་མིས་མེ་མདའ་བརྒྱབ་སྟེ་ཁོའི་རྐང་པར་རྨས་ཕོག་ཡོད་པ་དང་། སྐབས་དེར་མི་གཞན་དག་གིས་ཀྱང་ངོ་རྒོལ་བྱས་ཤིང་། སྡེ་དཔོན་བཀྲ་ཤིས་བཟང་པོའི་སྤུན་བསོ་བསོ་ཞེས་པ་དམར་གསོད་བཏང་བ་དང་། གཞན་མི་གཉིས་བསད་དེ་བེམ་པོ་དམག་མིས་ཁྱེར་འདུག
དེ་བཞིན་སྡེ་དཔོན་བཀྲ་ཤིས་བཟང་པོའི་སྤུན་མཆེད་པ་པོ་ཞེས་པ་ཡང་དམར་གསོད་བཏང་སྟེ། བཀྲ་ཤིས་བཟང་པོ་ལ་ཁྱོད་ཀྱི་སྤུན་མཆེད་ཤི་ཚར་འདུག སང་ཉིན་མ་ཤི་གོང་ནས་མེར་བསྲེག་བཏང་སོང་ཟེར་མི་ཆོག་ཅེས་ཁོང་གི་མཐོང་ས་ནས་མེ་བསྲེག་བཏང་འདུག ཐེངས་འདིར་མི་བསད་པའི་གྲངས་ཀ་ནི་དངོས་སུ་མཐོང་བ་ ༤ དང་། མེ་མདས་རྨས་པ་ ༣༥ བཅས་ཡོད་པ་དང་། དེ་དག་ཤི་གསོན་གྱི་གནས་བབ་ཀྱང་ཤེས་རྟོགས་ཅི་ཡང་བྱུང་མེད་ཅིང་། ཡུལ་མི་དག་ཀྱང་དམག་མིས་བཀག་ནས་ཐུག་འཕྲད་བྱེད་དཀའ་བའི་གནས་སུ་གྱུར་འདུག སྡེ་དཔོན་བཀྲ་ཤིས་བཟང་པོ་གཙོས་རྨས་མ་རྣམས་ད་ལྟ་བཙོན་ཁང་དུ་བཅུག་ཡོད་འདུག ད་དུང་ས་གནས་དེར་དམག་མི་ཁྱོན་ཆེ་བ་ཕྱོགས་སོ་སོ་ནས་ཡོང་བཞིན་འདུག་ཅིང་། ཕར་འགྲོ་ཚུར་འོང་དང་སྐད་ཆ་བཤད་པ་ཚུན་ལ་བཀག་སྡོམ་ནན་མོ་བྱེད་ཀྱི་འདུག ཅེས་བཀོད་འདུག
འདྲེན་འགོད་པ། དོན་འགྲུབ་བཀྲ་ཤིས།
ངོ་མ་ཡིད་སྐྱོ་དགོས་པ་ཞིག་རེད།བཙན་བྱོལ་བའི་རྒྱ་རིགས་སྤུན་ཟླ་ཟེར་བའི་དཀའ་དྲིན་ཡིན་རྒྱུ་རེད།༢༠༡༠་ལོར་གཞིས་སུ་ཤེས་ཡོན་ཅན་གཙོ་བྱེད་པའི་མི་མང་མང་པོ་བཙན་འཇུག་དང་དམར་བསད་གཏོང་བཞིན་པ་རེད།ཡིན་ནའང་ང་ཚོ་བཙན་བྱོལ་བ་༢༠༡༠་ལོར་ཚང་མ་གཉིད་སྐྱིད་པོ་ཁུག་ནས་སྡད་ཡོད་པ་འདྲ་ཁྲོམ་གཞུང་དུ་མི་སྐད་མི་དགོས་ཁྱི་སྐད་ཅིག་ཀྱང་གོ་རྒྱུ་མི་འདུག།གཅིག་བྱས་ན་བཀའ་ཁྲི་ལོངས་མཁན་དེ་ཚོ་ལ་གཉིད་སྨན་ཤུགས་ཆེ་ཞིག་གཏོར་རྒྱུ་ཡོད་པ་འདྲ།
ང་ཚོའི་གཞུང་གི་དབུ་མའི་ལམ་གྱི་ལང་ཕྱོགས་དང་། བོད་རྒྱ་ཞི་མོལ་གྱི་ཁོར་ཡུག་ལ་བསྐྲུན་རྒྱུ་དེ་ཡང་བོད་རྒྱ་ཆེའི་མི་མང་ལ་བདེ་སྐྱིད་དང་རང་དབང་གི་ཆེད་དུ་ཡིན་དགོས་པ་ལས། བོད་ནང་དུ་དགྱ་མིས་རང་སྣང་གང་དྲན་གྱི་བོད་མི་དམར་གསོད་དང་གདུག་རྕུབ་ཚད་མེད་བཏང་ན་ཡང་རེ་མེད་ཞི་མོལ་གྱི་ཁོར་ཡུག་ལ་གནོད་དོགས་ཀྱི་བོད་ནང་དགྱ་དམར་གྱིས་རང་རིགས་དམར་གསོད་དང་བཏང་ན་ཡང་འཛམ་གླིང་ནང་ལ་གསལ་བསྒྲགས་གཅིག་ཀྱང་མི་སྤེལ་བ་ནི་ཅི་འདྲའི་ཡིད་སྐྱོ་དགོས་པ་ཞིག་རེད་ཨང།
གྲོགས་པོ་དག།
བཙན་བྱོལ་ནང་ང་ཚོས་བཤད་མ་ཕོད་པ་དང་བྱེད་མ་ཕོད་པ་མེད། དེ་ལས་ང་ཚོས་འདི་དག་གི་སྡུག་སྔལ་བསམ་སྟེ་རྒྱལ་བའི་བཀའ་བཞིན་སློབ་སྦྱོང་ཐོན་པ་དང་
ཕྱིར་རང་ཡུལ་ཏུ་ཕེབས་ནས་རང་ས་རང་སྲུང་དང་རང་མི་རང་གསོ་ཡི་ལས་འགན་འདྲ་
མིན་ནང་ཞུགས་རྒྱུ་ཡི་གྲ་སྒྲིག་བྱོས། དེ་མིན་གཞུང་དང་ཚོགས་པ་ཁག་གིས་མ་འགྲིགས་སྟངས་
རྐྱང་པ་བཤད་ན་སུ་ལ་ཡང་ཕན་ཐོག་མེད་པས་ཟིན་བྲིས་པ་དང་རྩོམ་པ་པོ་དག་གིས་ཆབ་སྲིད་
ཀྱི་ནུས་པ་གཅིག་ཏུ་སྤུང་ཐབས་དང་གཞུང་དང་ཚོགས་པ་ཁག་གི་ལས་དོན་འཐུས་སྒོ་ཅེ་ཚང་
ཡོང་བའི་ཐབས་ལ་འགན་བཞེས་རོགས། བཟོད་པས་བདེ་ཞིང་བརྩོན་པས་རྗིད་ཞེས་པའི་
དོན་ལྟར་བྱེད་དགོས་པ་ལས་རྐང་རྗེས་ལག་སྲབ་ཁྱོན་ནས་མ་ཡོང་བ་བྱེད་དགོས།
གནས་ཚུལ་འདི་མཐོང་བ་དང་སྐྱོ་སྣང་གིས་མིག་ཆུ་ཡང་ཤོར་། ཡིན་ནའང་ཕྲན་ལྟ་བུར་མཚོན་ན་བོད་གཞུང་གི་སྲིད་ཇུས་ལས་བོད་མི་དང་བོད་ཡུལ་བདེ་ཐབས་
ཀྱི་ཇུས་ཤིག་མ་མཐོང་། རྒྱུ་མཚན་ནི་ང་ཚོས་གཞིས་ལུས་ཀྱི་སྤུན་ཟླ་དག་གི་ལུས་སེམས་ལ་
རང་དབང་ཐོབ་ཆེད་དང་རྒྱུན་གནས་ཡོང་ཆེད་དུ་འབད་དགོས་པ་མ་ཟད། རང་ཉིད་གང་མཐོང་བ་ལའང་ཡིད་མ་ཆེས་པའི་སྐབས་འདིར་ཁྱོད་ཤི་ང་གསོན་གྱི་བསམ་བློ་
བཏང་དེ་ནི་ཐབས་ཟད་པ་དང་རྒྱལ་ཁབ་ཅིག་དང་མི་རིགས་ཤིག་གི་འཐབ་བརྩོད་ཀྱི་ལས་
ཡང་དག་པ་ཞིག་མ་མཐོང་། དེས་ན་སུར་དཔའ་འཛངས་ལྡན་ན་བཙན་བྱོལ་ནང་དུ་
སློབ་སྦྱོང་བྱས་ཟིན་ན་ཕ་ཡུལ་ཏུ་ཕེབས་ནས་དཀའ་སྡུག་ཉམས་མྱོང་ན་ལེགས།
http://www.youtube.com/watch?v=sRHz50z5Fl8&feature=related དྲ་གྲོགས་ཚང་མས་དྲ་གནས་འདི་ལ་ཐེངས་གཅིག་གཟིགས་དང་ཕྱིར་དྲན་ཞིག་བྱེད་ཐུབ། ང་ཚོས་དུས་ཚོད་འདི་དུས་གཏན་ཏུ་བརྗེད་མི་རུང་།
ད་སྡོད་དུ་མ་བཅུག་པ་རེད། བཙན་བྱོལ་བོད་གཞུང་གི་ཀུན་མཐུན་ཀྱི་བྱ་སྤྱོད་དེ་དོར་ནས་དགྲ་ལ་གདོང་ལེན་བྱེད་རན་འདུག
བོད་ནང་གི་སྤུན་ཟླ་དེ་ཚོ་ལངས་ན་རེད། བསྡད་ན་རེད། རྒྱ་ནག་གི་མིག་ལམ་དུ་འབུ་དགའི་འདུ་ཤེས་ཀྱང་མི་འདུག ལམ་དུ་སླེབས་ན་གསོད་ཀྱང་བྱེད་འདུག
ཁ་ཡོད་ཀྱང་མིག་མེད་པའི་བཙན་བྱོལ་བོད་གཞུང་། ཁྱོད་ཀྱི་རྒྱལ་སྤྱིའི་རྒྱབ་སྐྱོར་གང་ན་ཡོད། ཁྱོད་ཀྱི་བོད་རྒྱ་ཞུ་མོལ་གང་ན་ཡོད། ཁྱོད་ཀྱི་གཉིས་ཕན་གང་ན་ཡོད། ཁྱོད་ལ་བོད་རིགས་མི་དགོས་ན་ང་ཚོར་བོད་མི་ས་ཡ་དྲུག་གི་མིང་ཐོག་ནས་རོགས་དངུལ་བསྡུ་བའི་ཚོགས་པའི་མིང་སྟོང་བ་ཞིག་དགོས་དོན་མེད།
འུ་ཅག་བཙན་འབྱོར་བོད་མི་ཚོས་ཁ་སྟོང་པ་མང་ཙམ་བཤད་བོད་གཞུང་དང་གཞུང་འབྲེལ་མ་ཡིན་པའི་ཚོགས་པོ་ཚོས་མར་མེའི་ཁྲོམ་སྐོར་ཐེངས་གཅིག་འགྲོ། དོན་དངོས་བྱེས་ལུས་བོད་པ་ཚོ་་་་་་་
འདི་ལ་ད་དུང་ང་ཚོས་གཉེན་དང་དཔུང་དུ་བརྩིས་ནས་འདུག་གམ། གསོད་བསམ་ན་གསོད་རྐྱང་དང་འཛིན་བསམ་ན་འཛིན་རྐྱང་བྱས་ནས་སྡུག་པོ་གཏོང་གིན་པ་འདི་འདྲ་ན། ད་དུང་ང་ཚོས་ཕར་བསྟུན་ཁུལ་བྱས་པ་ནི་དངོས་གནས་ཕངས་པོ་རེད་ཡ།
ཤ་ཁྲག་རིགས་རྒྱུད་གཅིག་པའི་བོད་རིགས་སྤུན་ཟླ་ཡོངས།གཞེས་ལུས་མི་མང་ཚང་མ་རྒྱ་དམག་གིས་བསད་ཚར་ཐལ།ད་ཡིན་ན་བཙན་བྱོལ་སྤྱི་ཚོགས་ཁྲོད་ནས་ཐོབ་དང་དབང་ཆ་རྩོད་ལེན་བྱེད་རན་མ་རེད།བོད་མི་ཚང་མ་་སྡོག་རྩ་གཅིག་སྒྲིལ་བྱོས་ནས་ཡར་ལ་ལངས་ཤོག་་
གཞིས་ལུས་མི་མང་གི་ཆེད་དུ་ལངས་ཤོག་ཡ་་་་་་་་་་་་་་་་་་་་་་་་་་་་་་་་་་་་་་་་་་་་་་་་་
འདི་དང་འདི་འདྲ་བའི་གནས་ཚུལ་ད་ནི་རྒྱུན་ཏན་ཞིག་ཏུ་གྱུར་འདུག
ཉམས་ཐག་པའི་གཞིས་ལུས་སྤུན་གྲོགས།
ངས་ཁྱེད་རང་རྣམས་ལ་གདུངས་སེམས་མཉམ་མྱོང་ཙམ།
ཁ་སྟོང་པའི་དཔའ་སྐད་མང་ཡང་ཁྱེད་རང་རྣམས་ལ་ཕན་དཀའ།
འོན་ཀྱང་ངས་ཉན་འདོད་པ་ནི་ཁྱེད་རང་ཚོའི་གནས་སྟངས་ཡིན་ལ།
ངས་བཤད་འདོད་པ་ནི་གངས་ཅན་པའི་ལ་རྒྱ་ཡིན།
མ་འོངས་པའི་ཆེད་དུ་དཔའ་མ་ཞུམ།
མ་འོངས་པའི་བོད་རིགས་ཆེད་དུ།
སྐྱེས་མ་རྣམས་ཀྱི་བུ་ཕྲུག་མང་ཙམ་བསྐྱེད་སྲིང་གནང་དང་།
སྐྱེས་པ་རྣམས་ཀྱི་མི་རིགས་ཀྱི་རང་དབང་རྩོད་དང་།
ཆོས་པ་རྣམས་ཀྱི་སྐུ་སྲོག་ཤོར་བའི་རྒྱལ་གཅེས་དཔའ་རྒོད་ཀྱི་ཆེད་དུ་བསྔོ་སྨོན་གནང་དང་།
གཞོན་ནུ་རྣམས་ཀྱི་མི་རིགས་ཀྱི་ཚེ་སྲོག
ཕ་སྐད་དང་མ་ཡིག་སྦྱངས་དང་།
གཞུང་འཛིན་པ་རྣམས་ཀྱི་ཞི་དྲག་གཉིས་ཀྱི་ཐབས་ལམ་གནང་དང་།
ངའི་ཤ་རུས་གཅིག་པའི་བོད་རིགས་ཚོ།
དགྲ་བོ་དམར་གཞུང་དང་གྲོས་མོས་བྱས་ནས་ཕན་ཐོགས་མེད་པ་ད་དུང་ཧ་གོ་གི་ཡོད་པ་མ་རེད། བརྙད་བཅོས་འདི་འདྲ་བྱས་མཁན་ཞིག་མཉམ་དུ་འབྲེལ་མོས་དང་གྲོས་བསྡུ་བྱས་པ་འདི་ཡིད་ཐང་ཆད་པའི་ལས་ཀ་རང་རེད།
དེ་ལས་བོད་མི་ས་ཡ་དྲུག་གིས་ཤི་ན་མཉམ་ཤི་དང་གསོན་ན་མཉམ་གསོན་བྱེད་ཐུབ་པའི་ཆབ་སྲིད་ལམ་ཕྱོགས་ཞིག་བཏོན་ན་ཅི་མ་རུང་།
ཤ་ཁྲག་གཅིག་པའི་བོད་རིགས་སྤུན་ཟླ་རྣམས་གསོན་པོ་མེ་བསྲེག་བཏང་གི་ཡོད་རེད། བསད་ནས་ཤ་ཙོང་གི་ཡོད་རེད། ད་དུང་རྒྱ་རིགས་སྤུན་ཟླ་དང་མཐུན་སྒྲིལ་དགོས་གསུངས་བསྡད་པ་ཡིན་ན་གནད་ལུགས་དང་མཐུན་པ་ཞིག་མ་རེད་སྙམ།
དེ་ལས་རྒྱ་མིའི་ཉལ་ས་ནང་དུ་ཤིག་གཅིག་ལས་འཕེན་མ་ཐུབ་ཀྱང་འཕེན་དགོས་རེད་སྙམ། ལུག་གིས་སྤྱང་ཀི་ལ་བྱམས་དང་སྙིང་རྗེ་བཤད་པ་འདི་ནི་ཡོང་ཡ་མེད་པའི་སྟོང་སེམས་ཙམ་རེད།
གནམ་སྔོན་པོ་འདིའི་བོད་མི་དག་དངོས་ནས་གཉིད་སད་རན་རེད། ད་དངོས་ནས་འདུག་མི་མ་འཆུགས་པ་རེད། ཨ་་ ཤུ་རེ་གོ སྙིང་རེ་རྗེ། རང་ས་ནས་རང་ཁུལ་སྲུང་བའི་སྐོར་ལ་སྐད་ཆ་བཤད་དབང་ཡང་མེད་པའི་སྐབས་འདིར། དངོས་ནས་བོད་མི་གང་ན་སུ་ཡོད་པ་དག་གིས་ཁ་བདེ་བོ་ཙམ་རེ་བཤད་དེ་ཉིན་མ་འཕུད་དེ་བསྡོད་རན་མ་རེད། བོད་ཀྱི་སྤུན་ཟླ་འཛམ་གླིང་ཤར་ནུབ་གང་སར་གནས་པ་ཚོ། ང་ཚོ་བོད་རེད། བོད་ཀྱི་བདག་དབང་བོད་མིར་ཡོད་པ་ལས་རྒྱ་དམར་གཞུང་ལ་དུས་དང་བསྐལ་བའི་བར་དུ་མེད་པ་ངེས་རན་རེད།