ང་བཀའ་བློན་ཁྲི་པའི་འོས་གཞིར་ལངས་རྒྱུ་ཡིན། ཕྱི་ཟླ་དགུ་བའི་ཚེ་ཤར་ལ་ང་ལ་རྒྱབ་སྐྱོར་བྱེད་མཁན་ཚོས་སྤྱི་ཚོགས་ནང་དངོས་སུ་ཁྱབ་བསྒྲགས་བྱས་ཏེ། ང་རང་གི་ཉམས་མྱོང་དང་། ཁྱད་ཆོས། དམིགས་འདུན་གསུམ་འཁོད་ཡོད་པའི་སྦྱར་ཤོག་ཆུང་ཆུང་ཞིག་བཙན་བྱོལ་བོད་མིའི་གཞིས་ཆགས་ཁག་ཏུ་འགྲེམ་རྒྱུ་རེད། དེ་བཞིན་ང་རང་གི་ངོས་ནས་ཀྱང་བཀའ་ཁྲིའི་སྐོར་གྱི་བགྲོ་གླེང་རིགས་ལ་ཞུགས་རྒྱུ་ཡིན་ཟེར།
དེ་རིང་སྔ་དྲོ་འདི་གའི་གསར་འགོད་པ་སྦེལ་ཀོབ་མཉམ་འབྲེལ་ལས་ཁུངས་ཀྱི་བོད་མི་མང་སྤྱི་འཐུས་ལྷན་ཚོགས་ཀྱི་འཕྲལ་སེལ་ཚོགས་དྲུང་ལས་ཁུངས་སུ་བཅར་ཏེ། སྤྱི་འཐུས་ཚོགས་གཙོ་སྤེན་པ་ཚེ་རིང་ལགས་སུ་བོད་གཞུང་དམངས་རྒྱལ་ཡོངས་ཚོགས་ཆེན་དང་འབྲེལ་ཏེ། ཕྱི་ལོ་ ༢༠༡༡ ལོའི་བཀའ་སྤྱིའི་འོས་བསྡུ་ཆེན་མོ་སླེབས་ལ་ཉེ་བའི་སྐབས་འདིར་བཞུགས་སྒར་ངྷ་རམ་ས་ལ་དང་ལྡི་ལི་བོད་སྒར་བསམ་ཡས་གླིང་། ལྷོ་ཕྱོགས་སྦེལ་ཀོབ་བོད་མིའི་གཞིས་སྒར་སོགས་སུ་ཚ་ཚ་འུར་འུར་གྱིས་བཀའ་བློན་ཁྲི་པའི་སྐོར་ལ་བགྲོ་གླེང་དང་། ལས་འགུལ་སྣ་ཚོགས་གོ་སྒྲིག་ཞུ་བཞིན་ཡོད་པ་དང་། གཞུང་འབྲེལ་མིན་པའི་ཚོགས་པ་ཁག་ཅིག་གི་བཀའ་ཁྲིའི་འོས་མིའི་ཁྲོད་སྐུ་ཉིད་སླེབས་ཡོད་སྟབས། སྐུ་ཉིད་སྒེར་ངོས་ནས་བཀའ་བློན་ཁྲི་པའི་འོས་གཞིར་ལངས་རྒྱུའི་ཐུགས་འདོད་ཡོད་མེད་བཅར་འདྲི་ཞུས་སྐབས་ཁོང་གིས། ང་བཀའ་བློན་ཁྲི་པའི་འོས་གཞིར་ལངས་རྒྱུ་ཡིན། ཕྱི་ཟླ་དགུ་བའི་ཚེ་ཤར་ལ་ང་ལ་རྒྱབ་སྐྱོར་བྱེད་མཁན་ཚོས་སྤྱི་ཚོགས་ནང་དངོས་སུ་ཁྱབ་བསྒྲགས་བྱས་ཏེ། ང་རང་གི་ཉམས་མྱོང་དང་། ཁྱད་ཆོས། དམིགས་འདུན་གསུམ་འཁོད་ཡོད་པའི་སྦྱར་ཤོག་ཆུང་ཆུང་ཞིག་བཙན་བྱོལ་བོད་མིའི་གཞིས་ཆགས་ཁག་ཏུ་འགྲེམ་རྒྱུ་རེད། དེ་བཞིན་ང་རང་གི་ངོས་ནས་ཀྱང་བཀའ་ཁྲིའི་སྐོར་གྱི་བགྲོ་གླེང་རིགས་ལ་ཞུགས་རྒྱུ་ཡིན། ཞེས་གསུངས་སོང་།
ཡང་ཁོང་གིས་བཀའ་འོས་གཞིར་བཞེངས་དགོས་པའི་རྒྱུ་མཚན་གསུངས་དོན། སྤྱིར་ང་རང་ལངས་ཚད་ཅུང་འཕྱི་དྲགས་ཡོད། ཐོག་མར་ང་མུ་མཐུད་སྤྱི་འཐུས་ནང་བསྡད་དེ། ཡང་བསྐྱར་ཚོགས་གཙོ་ཐོབ་རྒྱུར་རེ་བ་ཡོད་ན། སྤྱི་འཐུས་ཚོགས་གཙོ་དེ་དམངས་གཙོའི་ཀ་བ་གསུམ་གྱི་ཡ་གྱལ་ཞིག་ཆགས་ཡོད་སྟབས། ཚོགས་གཙོའི་ལས་འགན་འཁུར་བསྡད་ན་བཟང་གི་རེད་བསམ་སོང་། འོན་ཀྱང་ངས་ཉེ་ཆར་བཤད་པ་ལྟར། ང་རང་གི་སེམས་ན་རེ་བ་རྒྱག་སའི་མི་གཅིག་གཉིས་ཤིག་ཡོད། ཁོང་ཚོ་བཀའ་ཁྲིར་བཞེངས་པ་ཡིན་ན་ང་རང་མི་ལངས་བསམ་ཡོད། འོན་ཀྱང་ང་རང་གིས་རེ་བ་རྒྱག་སའི་མི་དེ་དག་ལངས་མ་སོང་། གཉིས་པ་ད་ཆར་བཀའ་བློན་ཁྲི་པའི་འོས་གཞི་མང་པོ་ཞིག་སླེབས་ཀྱིན་ཡོད་པའི་ནང་ལ་བལྟས་ཡོང་ན། སྤྱིར་ཁོང་རྣམ་པར་ངས་གུས་བརྩི་བྱེད་ཀྱི་ཡོད་ཀྱང་། ལས་ཀའི་ཉམས་མྱོང་དང་དགོངས་པ་བཞེས་སྟངས་ལ་གཞིགས་ན། ང་རང་ཡང་བཀའ་བློན་ཁྲི་པར་བཞེངས་ན་མ་འཐུས་པ་དང་། འགན་འཁུར་མ་ཐུབ་པ་མི་འདུག་སྙམ་པའི་སྤོབས་པ་ཞིག་ཡོང་གི་འདུག ཆུང་ས་ནས་བསམ་བློ་བཏང་ན་འོས་གཞིའི་གྲངས་འབོར་གྱི་གྲས་སུ་ཞུགས་ཏེ། མི་དམངས་ལ་གདམ་ཀ་ཡོད་པ་ཙམ་གྱིས་ཕན་ཆེན་པོ་ཐོགས་གི་རེད། ཚོགས་པ་སྒྲིག་འཛུགས་དང་མི་ཆེན་པོ་དེ་འདྲའི་ངོས་ནས་ད་སྔ་ང་ལ་རྒྱབ་སྐྱོར་བྱུང་མེད་ཀྱང་མང་ཚོགས་ལ་ཡིད་ཆེས་ཆེན་པོ་ཡོད། སོ་སོའི་འདོད་འདུན་དེ་སུ་ཞིག་གིས་བསྒྲུབ་ཐུབ་ཀྱི་འདུག་བསམ་པ་དེ་ལ་འོས་ལྡུག་གི་རེད། ཅེས་གསུངས་སོང་།
ཚོགས་གཙོ་སྤེན་པ་ཚེ་རིང་མཆོག་གིས་ཁོང་ ༢༠༡༡ ལོའི་བཀའ་བློན་ཁྲི་པའི་འོས་གཞིར་བཞེངས་རྒྱུའི་ལས་འཆར་གྱི་སྦྱར་ཤོག་སྟེང་ཁོ་རང་གི་ཉམས་མྱོང་གི་སྐོར་ལ་ཚན་པ་ ༡༣ བཀོད་ཡོད་པའི་ནང་། འཛིན་རིམ་དགུ་པ་ནས་བཅུ་གཉིས་བར་སྦེལ་ཀོབ་སློབ་གྲྭའི་སྤྱི་ཁྱབ་རྒན་བདག་བྱས་ཤིང་། མ་རྡི་ར་སི་མཐོ་སློབ་ཏུ་དཔལ་འབྱོར་རིག་པའི་སློབ་སྦྱོང་བྱས་རིང་། ས་གནས་རང་བདེན་ཚོགས་ཆུང་གི་དྲུང་ཆེ་དང་། བོད་དང་ནཱི་ཇི་རི་ཡའི་སློབ་ཕྲུག་མཐུན་ཚོགས་ཀྱི་དྲུང་ཆེ་ཡི་ལས་འགན་ཁུར། བོད་མི་མང་སྤྱི་འཐུས་ལྷན་ཚོགས་ནང་ལོ་ ༡༤ རིང་ཕྱག་ལས་གནང་ཞིང་། ད་ལྟ་ཚོགས་གཙོའི་ལས་འགན་འཁུར་མུས་ཡིན། བོད་ཀྱི་གྲོས་ཚོགས་དང་སྲིད་བྱུས་ཉམས་ཞིབ་ཁང་གི་ངེས་སྟོན་པ་ལོ་ ༧ རིང་བྱས་ཤིང་། རྒྱ་གར་དང་བཙན་བྱོལ་བོད་མིའི་འདུ་གནས་ཕལ་ཆེ་བར་ངོ་སྐྱོད་ཀྱིས་གཞི་རིམ་གནས་སྟངས་ལ་རྒྱུས་ལོན་བྱས། ཡུ་རོབ་དང་ཨ་རིའི་བོད་རིགས་ཚོར་རྒྱ་ཁྱབ་ཏུ་ཐུག་འཕྲད་ཀྱིས། དེ་དག་གི་གནས་སྟངས་ལ་རྒྱུས་མངའ་ཡོད། རྒྱ་གར་གྲོས་ཚོགས་འཐུས་མིའི་བོད་དོན་རྒྱབ་སྐྱོར་ཚོགས་པ་བསྐྱར་འཛུགས་དང་། གནད་ཡོད་དཔོན་རིགས་ལ་འབྲེལ་གཏུགས་བྱས་པའི་ཉམས་མྱོང་གང་ལེགས་ཡོད་ཅིང་། རྒྱལ་སྤྱིའི་བོད་དོན་རྒྱབ་སྐྱོར་ཚོགས་པའི་ཚོགས་ཆེན་ཐེངས་གཉིས་དང་། རྒྱལ་སྤྱིའི་གྲོས་ཚོགས་འཐུས་མིའི་བོད་དོན་རྒྱབ་སྐྱོར་ཚོགས་ཆེན་ཐེངས་གཉིས་གོ་སྒྲིག་བྱས། རྒྱལ་སྤྱིའི་ཚོགས་ཆེན་སྣ་མང་གོ་སྒྲིག་དང་མཉམ་ཞུགས། གཏམ་བཤད་སོགས་བྱས་མྱོང་ཡོད། རྒྱ་བལ་ནང་ཟབ་སྦྱོང་དང་སྦྱོང་བརྡར། བགྲོ་གླེང་སྣ་ཚོགས་གོ་སྒྲིག་དང་མཉམ་ཞུགས། གཏམ་བཤད་སོགས་ཐེངས་མང་བྱས་མྱོང་ལ། རྒྱ་ནག་གི་ཁྲིམས་སྒྲིག་དང་། རྒྱལ་སྤྱིའི་རང་སྐྱོང་གི་གནས་བབ་ཐོག་ལ་ཟབ་སྦྱོང་དང་བགྲོ་གླེང་མང་པོ་གོ་སྒྲིག་བྱས་ཤིང་། དབུ་མའི་ལམ་གྱི་སྲིད་བྱུས་དང་། བོད་རྒྱ་འབྲེལ་མོལ་གྱི་བརྒྱུད་རིམ་ཆ་ཚང་ལ་རྒྱུས་མངའ་ཆེན་པོ་ཡོད། ཅེས་བཀོད་འདུག
ཚན་པ་གཉིས་པ་ཁོང་རང་སྒེར་གྱི་ཐུན་མིན་གྱི་ཁྱད་ཆོས་ཁག་ ༦ ཙམ་བཀོད་ཡོད་པའི་ནང་། སྐྱ་སེར་དང་མཐོ་དམའ་རྒན་གཞོན་གྱི་དབྱེ་བ་མེད་པར་འདྲིས་གཤིབ་བདེ་ཞིང་། བཙན་བྱོལ་བོད་གཞུང་གི་ཁྲིམས་སྒྲིག་དང་འགྲོ་སྟངས། བྱེད་སྒོ་རྣམ་བཞག་ལ་ཤེས་རྟོགས་ལེགས་པ། བཙན་བྱོལ་བོད་གཞུང་གི་ལས་ཁུངས་མ་ལག་དང་བཅས་པར་མྱོང་རྒྱུས་ཟབ་པ། བོད་གཞུང་གི་སྲི་ཞུ་ལས་བྱེད་མཐོ་དམན་བར་མ་ཀུན་ལ་འབྲེལ་འདྲིས་བཟང་བ། བོད་དང་རྒྱ་ནག རྒྱལ་སྤྱི་སོགས་ཀྱི་ཆབ་སྲིད་འགྱུར་འགྲོས་ལ་ཆ་རྒྱུས་ཆེ་ཞིང་དོ་སྣང་ཟབ་པ། བོད་དབྱིན་ཧིན་གསུམ་གྱི་སྐད་ཡིག་རང་རྐྱ་འཕེར་ངེས་ཡོད་པ་བཅས་གསལ་འདུག
ཚན་པ་གསུམ་པ་དམིགས་འདུན་དང་ལས་འཆར་ཁག་ ༡༦ ཙམ་ངོ་སྤྲོད་བྱས་ཡོད་པའི་ནང་། ༧གོང་ས་མཆོག་གི་དགོངས་གཞི་ཁག་ལག་ལེན་བསྟར་རྒྱུར་ནུས་པ་རྩེ་གཅིག་ཏུ་འདོན་རྒྱུ་དང་། གཉིས་སྨན་དབུ་མའི་ལམ་གྱི་སྲིད་བྱུས་ཐོག་ཆབ་སྲིད་ཀྱི་འགྱུར་འགྲོས་དང་མཐུན་པའི་ནུས་པ་གང་ཡོད་འདོན་རྒྱུ། ཆབ་སྲིད་ཀྱི་གནད་དོན་གལ་ཆེན་ཐད་ཉམས་མྱོང་དང་ཤེས་ཡོན་ཅན་ལ་སྐབས་འཕྲལ་སོ་སོར་གོ་བསྡུར་བྱ་རྒྱུ་ཡིན་པ། བཀའ་ཤག་ཏུ་བུད་མེད་གསུམ་བསྐོ་བཞག་དང་། བཀའ་བློན་མཉམ་འདུས་ཀྱི་འགན་ཁུར་གོང་མཐོར་བཏང་སྟེ། སྤྱི་འཐུས་ལྷན་ཚོགས་དང་ནུས་པ་མཉམ་སྤུངས་ལ་འབད་འབུངས་བྱ་རྒྱུ་ཡིན། ལས་བྱེད་ཀྱི་ཕོགས་ཐོབ་དང་མཐུན་རྐྱེན་ཇེ་ལེགས་སུ་གཏོང་རྒྱུ་དང་། ལས་བྱེད་སོ་སོར་ཤེས་འཇོན་རྩལ་དུ་སྤྲུགས་པའི་གོ་སྐབས་སྤྲོད་རྒྱུ་ཡིན། གཞུང་དང་མི་དམངས་གི་འབྲེལ་ལམ་དམ་ཟབ་བཏང་སྟེ། རྒྱ་བལ་འབྲུག་གསུམ་དང་ཕྱི་རྒྱལ་ཡུལ་གྲུ་ཁག་གི་བོད་མིའི་གཞི་རིམ་སྒྲིག་འཛུགས་དང་ཚོགས་པ་ཁག་སྲ་བརྟན་དང་། དམངས་གཙོ་འཕེལ་རྒྱས་ལ་སྒོ་ཀུན་ནས་ཤུགས་རྒྱག་རྒྱུ། བོད་ནང་ཆོས་རིག་དང་ཤེས་ཡོན། འཕྲོད་བསྟེན། ཁོར་ཡུག་སྲུང་སྐྱོབ་སོགས་ཀྱི་ལས་གཞི་གང་མང་སྤེལ་རྒྱུར་ཐབས་ལམ་འཚོལ་རྒྱུ་དང་། གཞིས་བྱེས་བོད་མིའི་འབྲེལ་ལམ་གོང་མཐོར་གཏོང་ཐབས་སུ་འཕྲལ་ཕུགས་ཀྱི་འཆར་གཞི་སྣ་མང་འདིང་རྒྱུ། ཁྲིམས་ཡིག་གཏན་འབེབས་ལྟར་ཆོས་དོན་ལྷན་ཚོགས་འཛུགས་ཐབས་བྱ་རྒྱུ་དང་། གཞིས་ཆགས་ཡར་རྒྱས་གཏོང་ཐབས་སུ། ནང་སྲིད་ལས་ཁུངས་ཀྱིས་རྒྱ་ཁྱབ་ཞིབ་འཇུག་བྱེད་བཞིན་པ་དེའི་གྲུབ་དོན་གཞིར་བཟུང་། ཞིབ་ཕྲའི་ལས་འཆར་བང་བསྒྲིག་རྒྱུ་དང་། སྲོལ་རྒྱུན་སོ་ནམ་ལ་ཤུགས་སྣོན་དང་ཁྲོམ་ར་ཐབས་འཚོལ། ས་ཁང་སྒྲིག་གཞི་ལག་བསྟར་མི་ཐུབ་པའི་རིགས་བསྐྱར་བཅོས་བྱ་རྒྱུ་འཆར་ཡོད། ཅེས་དང་།
དེ་བཞིན། གཞི་རིམ་ཤེས་ཡོན་སྲིད་བྱུས་རྒྱུན་འཁྱོངས་དང་འབྲེལ། རྒྱ་ཁྱབ་ཏུ་ལག་བསྟར་ཡོང་ཐབས་དང་། བཙན་བྱོལ་བོད་མིའི་དགོས་མཁོ་དང་འཚམས་པའི་མཐོ་རིམ་ཤེས་ཡོན་སྲིད་བྱུས་གང་མྱུར་གཏན་འབེབས་དང་། རིགས་གཅིག་རྐང་འཛིན་གྱི་ཤེས་ཡོན་རོགས་རམ་མང་དུ་གཏོང་ཐབས་བྱ་རྒྱུ། དཔལ་འབྱོར་འདུ་འགོད་ཀྱི་ལས་གཞིར་བསྐྱར་ཞིབ་ཐོག བོད་མི་རང་ངོས་ནས་དང་། ཕྱི་རྒྱལ་ནས་མཐུན་འགྱུར་ཤུགས་ཆེན་ཡོང་ཐབས་བྱ་རྒྱུ་དང་། མི་མང་གི་དཔལ་འབྱོར་ཡར་རྒྱས་གཏོང་ཆེད་མཉམ་འབྲེལ། བལ་གོས་འཚོང་མཁན་ཚོར་གཞུང་ངོས་ནས་མཐུན་རྐྱེན་གང་ཐུབ་སྦྱར་རྒྱུ་དང་། ལུགས་མཐུན་ཐོག་ཕྱི་རྒྱལ་དུ་གཏོང་ཐབས་བྱ་རྒྱུ། བོད་དོན་རྒྱབ་སྐྱོར་གྱི་ནུས་པ་མཐོར་འདེགས་གཏོང་སླད། རྒྱལ་སྤྱིའི་གཞུང་འབྲེལ་དང་གཞུང་འབྲེལ་མིན་པའི་སྒྲིག་འཛུགས་དང་ཚོགས་སྡེ་ཁག་ལ་འབྲེལ་གཏུགས་ཚད་མཐོ་རུ་གཏོང་རྒྱུ། རྒྱ་ནག་སྐམ་ས་ཆེན་མོ་དང་ཕྱི་རྒྱལ་ཡུལ་ལུང་ཁག་གི་རྒྱ་མིའི་ཚོགས་སྒེར་ལ་བོད་དོན་དཀའ་གནད་ངོ་སྤྲོད་དང་མཐུན་འབྲེལ་འཛུགས་ཐབས་བྱ་རྒྱུ་ཡིན། ཕྱི་རྒྱལ་དུ་གནས་སྡོད་བོད་མི་ཚོའི་གཞི་རིམ་གྱི་དཀའ་ངལ་ཁག་སེལ་ཐབས་དང་། བོད་མིའི་ཆོས་རིག་སྐད་ཡིག་སྲུང་འཛིན་ལ་མཐུན་འགྱུར་བྱ་རྒྱུ། དེ་བཞིན། བོད་ནས་གསར་དུ་འབྱོར་བ་རྣམས་ཀྱི་དཀའ་ངལ་སེལ་ཐབས་གང་ཡོང་དང་། ལུང་ཁུག་གཞིས་ཆགས་ཁག་ཏུ་ནད་པ་བོར་འདྲེན་སོགས་ལ་སྣུམ་འཁོར་གྱི་མཐུན་འགྱུར་བསྐྲུན་རྒྱུ་བཅས་ངོ་སྤྲོད་གནང་འདུག
༼གསར་འགོད་པ་དོན་འགྲུབ་བཀྲ་ཤིས་ཀྱིས་ལྷོ་ཕྱོགས་སྦེལ་ཀོབ་བོད་མིའི་གཞིས་སྒར་ནས་སྤེལ༽
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
དགེ་སྐྱོན་མི་ཤེས་བའི་བཀའ་བློན་གྱི་འོས་གྲངས། གཅིག་བཅས་ན་ང་ར་ལངས་ངེས་ཡིན།
༼གསལ་བཤད།༽དེ་སྔ་ངའི་བསྡུས་མིང་ལ་ཨ་འཇིགས་ཟེར། ཡིན་ནའང་དྲ་གྲོགས་ཨ་འཇིགས་ཟེར་པའི་ཅན་གཞན་ཞིག་ཀྱང་འདུག་པས་མིང་ནོར་ཤས་ཆེ་བར་བརྟེན་དེ་རིང་ནས་བཟུང་ཧར་གདོང་ཨ་འཇིགས་ཞེས་མིང་ཐོག་ནས་ང་འོང་ངེས་ཡིན།༽
ཚོགས་གཙོ་མཆོག་ལ་བཀྲིས་བདེ་ལེགས་ཡོད། བྱང་ཨ་རི་དང་ཡུ་རོབ་ཁུལ་གྱི་མི་དམངས་ནས་སྐུ་ཉིད་ལས་རྒྱབ་སྐྱོར་ཤུགས་ཆེར་བྱེད་བཞིན་པས། སྐབས་སྔོན་མར་ཟམ་གདོང་རིན་པོ་ཆེ་འགྲན་ཡ་ཀུན་ལས་རྒྱལ་བའི་རྣམ་ཐར་སྐྱོང་བར་སྨོན།
བཀྲས་མཐོང་བསྟན་རྣམ་ལོ་ན་རྒས་དང་གཅིག བློ་བཟང་སེང་གེར་ཉམས་མྱོང་དབེན་དང་གཉིས། རྒྱ་རིར་སྒྲོལ་མར་ལངས་ཕྱོགས་མེད་དང་གསུམ། ཕུར་བུ་རྡོ་རྗེར་གད་མོ་འཆོར་དང་བཞི། བློ་བཟང་སྦྱིན་པར་རེ་བ་བྲལ་དང་ལྔ།
འོས་གཞིའི་ཁྲོད་ཀྱི་ཁྱུ་མཆོག་ཁྱེད་ཉིད་ལ། གནའ་དེང་ཤེས་ཡོན་འཛོམས་དང་གཅིག ལྷག་བསམ་ཉམས་མྱོང་ལྡན་དང་གཉིས། ཕྱི་ནང་སྐད་ལ་མཁས་དང་གསུམ། ན་ཚོད་དུས་ལས་མ་ཡོལ་བཞི། ༧རྒྱལ་བའི་བཀའ་དགོངས་མཐུན་དང་ལྔ། ཁྱད་ཡོན་ཕུན་ཚོགས་ལྔ་ལྡན་པས། དམངས་ཀྱིས་འོས་ཤོག་ཁྱེད་ལ་འབུལ།
དེ་ཡང་བྱང་ཨ་རིར་གནས་བཞུགས་ཁང་གསར་གྱིས། ཚོགས་གཙོ་སྤེན་པ་ཚེ་རིང་འདི། དབྱིན་བོད་ཧིན་གསུམ་གྱི་སྐད་དང་དཔལ་འབྱོར་ཆབ་སྲིད། རྩིས་སོགས་ལ་མཁས་པ་དང་གཅིག སློབ་གྲྭ་ཐོན་པ་ནས་ད་བར་སྤྱི་འཐུས་དང་གྲོས་ཚོགས་སྲིད་ཇུས་ཉམས་ཞིབ་ཁང་སོགས་ལ་ཕྱག་ལས་འབུར་དུ་ཐོན་པ་གནང་སྟེ། བཙན་བྱོལ་བོད་གཞུང་གི་ལས་དོན་ལ་རྒྱུས་མངའ་ཟབ་པ་དང་གཉིས། ཕྱི་རྒྱལ་གྱི་ཡུལ་ལུང་མང་པོར་ཕེབས་ཏེ་མི་ཆེན་དུ་མར་མཇལ་ཏེ་འབྲེལ་བཙུགས་པས་མཐོང་རྒྱ་ཐོས་རྒྱ་ཆེ་བ་དང་གསུམ། ཆབ་སྲིད་ཀྱི་ལངས་ཕྱོགས་བརྟན་ཅིང་གསལ་བ་དང་བཞི། ན་སོ་གཞོན་ཞིང་ལྷག་བསམ་སེམས་ཤུགས་ཆེ་བ་དང་ལྔ། ད་ཕན་གཞུང་གི་ལས་དོན་གནང་སྐབས། ཉེ་དགའ་ཕྱོགས་ལྷུང་དང་གཞུང་དངུལ་བར་ཟོས་སོགས་ཀྱི་སྐད་ཆ་སྦྲང་སྐད་ཙམ་ཡང་མེད་པ་དང་དྲུག མཐོ་དམའ་ཀུན་ལ་འདྲིས་གཤིབས་བདེ་བ་ཀུན་གྱི་གཟིགས་ཆོད་ལྟར་དང་བདུན། བཙན་བྱོལ་བོད་གཞུང་གི་ཁྲིམས་དང་སྒྲིག་གཞི་ཁག་དང་གནས་ཡུལ་རྒྱ་གར་གྱི་ཁྲིམས་དང་འགྲོ་ལུགས་སོགས་ལ་མྱོང་རྒྱུས་ཧ་ཅང་ཆེ་བ་དང་བརྒྱད། ཟམ་གདོང་རིན་པོ་ཆེས་དབུས་ཁྲིད་པའི་བཀའ་ཤག་གི་སྲིད་ཇུས་དང་ལས་དོན་ནང་ནས་ལེགས་ཆ་ཅན་རྣམས་མུ་མཐུད་འདོད་ཡོད་པ་དང་དགུ། རང་ངོས་ནས་ལས་དོན་མང་པོ་ཞིག་གསར་གཏོད་ལག་བསྟར་གནང་རྒྱུའི་འཆར་གཞི་ཟབ་པ་དང་བཅུ་བཅས་ཀྱི་ཆ་ནས། ད་ཡོད་བཀའ་བློན་ཁྲི་བའི་འོས་གཞིའི་ནང་ནས། ཕྱི་ནང་གི་ཆ་རྐྱེན་འཛོམས་ཤོས་ཤིག་ནི། ཚོགས་གཙོ་སྤེན་པ་ཚེ་རིང་ཡིན་པར་མཐོང་བས། རྣམ་དཔྱོད་ཀྱི་མིག་དང་ལྡན་པ་ཚོས་ཕྱོགས་རིས་དོར་ཏེ་འདི་པ་རང་ལ་རེ་བཅོལ་བྱས་ན་ལེགས་སམ་སྙམ་མོ།། ཞེས་པའང་རྨད་དུ་བྱུང་བའི་ལེགས་བཤད་དུ་མཐོང་བས་འདིར་བསྐྱར་དུ་འགོད་པའི་ངལ་བ་ཁུར་དུ་བླངས་པའོ།།
བཀུར་འོས་ཚོགས་གཙོ་མཆོག་ལ་བཀྲ་ཤེས་བདེ་ལེགས་ཞུ། མ་ཟད་སོ་སོའི་མངོན་འདོད་དེ་སྦ་གསང་མེད་པར་མདུན་དུ་གཤམ་པ་འདི་ནི་ཧ་ཅང་གི་ཡག་པོ་འདུག གཞན་ཚོགས་གཙོ་མཆོག་གི་གསུང་བཤདཚང་མ་མཐོང་མ་སོང་པས་བསམ་ཚུལ་བཤད་ཐུབ་མ་སོང་།༼གསལ་བཤད། གོང་དུ་ཨ་འཇིགས་མིང་ཅན་ཞིག་ཡོད་པ་དེ་ང་མིན་ད་ནས་བཟུང་ངའིམིང་ལ་ཧར་གདོང་ཨ་འཇིགས་ཞེས་ཟེར་ངེས་ཡིན།༽
ཚོགས་གཙོ་མཆོག་བཀའ་བློན་ཁྲི་བའི་འོས་གཞིར་ལངས་པར་ངས་སྙིང་ཐག་པ་ནས་ཐུགས་རྗེ་ཆེ་ཞུ་བཞིན་ཡོད་ལ། ང་ཁྱེད་རང་ལ་རེ་བ་ཆེན་པོ་ཡོད། མ་འོངས་ལོ་ལྔའི་ནང་ཁྱེད་རང་གིས་༧གོང་ས་མཆོག་གི་ཐུགས་དགོངས་བཞིན་ལས་དོན་ཆེན་པོ་མང་པོ་ཞིག་སྒྲུབ་ཐུབ་པའི་རེ་བ་དང་། བོད་མི་མང་གི་རེ་འདོད་ཆེན་པོ་ཞིག་མིག་མཐོང་ལག་ཟིན་ཡོང་གི་རེད་བསམ་བཞིན་ཡོད། །
http://translate.wordpress.com/projects/wpcom དྲ་ཐག་འདིའི་མིང་གཞུང་ནང་གི་ Tibetan ཟེར་བ་དེར་སྣུན་ན། wordpress ཟིན་བྲིས་བོད་ཡིག་ཏུ་སྒྱུར་བའི་ལས་དོན་ལ་རོགས་རམ་བྱེད་ཐུབ།
མི་རྗེ་ཁོང་ལ་ཡོན་ཏན་ནི་མི་སྣ་ལ་དབྱེ་བ་མིན་པ་དང་དེང་དུས་ཤེས་ཡོན་ཡོད་པ། མཐོ་དམའ་མི་དམངས་ཡོང་ལ་འདྲེས་ཆེ་ཡིན་པ་དངོས་ཡོད་གནས་ཚུལ་ཡིན། ཡིན་ན་ཡང་བཀའ་ཁྲི་གིས་འོས་ནི་མི་ཐོབ་ཀྱང་ཕྱག་རོགས་བཀའ་བློན་ཞིག་གིས་འཇོན་ཐང་ཡོད་ངེས་ཡིན། དེས་ན་བྲན་གཡོག་པའི་དབང་དུ་མི་སོང་བ་ཁྱིམ་ཚང་གིས་མིང་ཆེན་འོག་ཡོད་པའི་ཤོག་ཁའི་དབང་དུ་མི་སོང་བ་ཡིན་གཅིག་མིན་གཉིས་ད་རིང་མཁས་དབང་བློ་བཟང་སེངྒེ་བཀའ་བློན་ལ་སླེབས་ཐུབ་པ་གནང་དོགས་རྒྱུ་ནི་ཞུ་མི་དགོས་སོ།
ཚོགས་གཙོ་ལགས་འོས་འཚམས་རེད་དེ་ཁྱོད་ལ་ལྡུག་མཁན་ཉུང་བས་འོས་གཞིར་མ་ལངས་རོགས་ངས་འདོད་པའི་བློ་སེང་གེའི་འོས་དེའང་རྩ་ཐོར་ཏུ་འགྲོ་ཉེན་ཆེ།
ངས་ན་གཞོན་ཞིག་ངེས་པར་དུ་བཀའ་ཁྲིར་ཡོང་ཐུབ་པའི་རེ་བ་བྱེད་ཀྱི་ཡོད
་དེ་འདྲ་ཡིན་དུས་ཁྱེད་བཀའ་ཁྲིའི་འོས་མིར་བཞེངས་བར་དགའ་བསུ་ཞུ།
ཚོགས་གཙོའི་ཐུན་མིན་གྱི་ཁྱད་ཡོན་མང་ཚོགས་ཀྱི་བདེ་སྡུག་ལ་གཟིགས་ཐུབ་པ་དང་།ཁོ་ཚོའི་རེ་འདུན་ལ་ཉན་བསམ་ཐུབ་པ་མང་ཚོགས་ལ་འདྲེས་བདེ་བ་དཔོན་ཉམས་མི་འཛིན་པ་བཅས་ཚོགས་གཙོའི་ཐུན་གྱི་ཁྱད་ཡོན་རེད་བསམ།གཞན་མང་མང་གི་བཏོན་པའི་ཆ་རྐྱེན་དེ་ཚོ་ཕལ་ཆེར་གཞན་དང་འདྲ་མཚུངས་སུ་འདུག་པས་ངས་ཁྱེད་ལའང་འོས་བླུག་ཐུབ་ས་རེད།
བཀའ་བློན་ཁྲི་བ་
གསེར་ཁྲིའི་བདག་པོ
རྒྱལ་ཁྲིམས་འདི་རྒྱ་ཡན་ལ་མི་གཏོང་ན།
མི་རིགས་འདིའི་བདག་པོ་ཁྱོད་ཡིན
བཀའ་བློན་ཁྲི་བ
རྒྱལ་ཁབ་ཀྱི་དབང་འཛིན
མི་རིགས་ཀྱི་ལ་རྒྱ་ཐུགས་ནས་མི་དོར་ན
འཆི་གསོན་བར་གྱི་རེ་ལྟོས་ཁྱོད་ཡིན །
ཚོགས་གཙོ་མཆོག་གི་དམིགས་འདུན་དང་ལས་འཆར་ཁག་དངོས་གནས་ཡག་པོ་གསུང་འདུག་ཀྱང་།གསུང་བ་ནང་བཞིན་ལག་ལེན་དོན་འཁེལ་ཐུབ་མིན་ནི་བཤད་ཚོད་དཀའ་ལས་ཁ་པོ་རེད་།
ང་ཚོས་ངེས་པར་དུ་ཟིན་དྲིས་རྒྱབ་དགོས་པ་གཅིག་ནི་ད་བར་དུ་བཀའ་ཁྲིའི་དང་སྤྱི་མཐུས་ཀྱི་འོས་མི་རྣམས་ཀྱི་མཉམ་མྱོང་དང་ཁོ་ཚོའི་ལས་འཆར་དེ་དག་ནི་བཙན་བྱོལ་ནང་ད་བར་དུ་གཙང་སེལ་མ་ཐུབ་པར་ལྷག་པའི་དཀའ་ངལ་གལ་ཆེ་ཞིག་དང་།མ་འོངས་པར་ངེས་པར་དུ་གོ་རིམ་ལྟར་ལེགས་བསྒྲུབ་བྱ་དགོས་པའི་བྱ་བཞག་ཡིན།ད་ནས་བཟུང་སྟེ་ང་ཚོས་དཀའ་དངོས་གང་ཡིན་དང་ཡར་རྒྱས་གང་ནས་གཏོང་དགོས་མ་ཤེས་པར་བསྡོད་མ་དགོས་པར་འགོ་འཛུག་བྱ་མཆོག
དེ་དག་ནི་ད་རེས་ཀྱ་འོས་མི་མང་ཙམ་ལངས་པས་ཡིན།དེ་ལེགས་པའི་ཆ་ཞིག་ཡིན།སྤྱི་མཐུས་སྤེན་པ་ལགས་ཀྱིས་གསུངས་པ་རྣམས་དངོས་ཡོད་ཀྱི་དཀའ་ངལ་རེད།
དེར་བརྟེན།གོ་སྐབས་འདི་བརྒྱུད་འོས་མི་ལངས་གནང་མཁན་གྱི་སྐུ་ཞབས་ཚང་མར་འབུལ་གུལ་ཞུ་རྒྱུར་ཁྱེད་རྣམ་པས་རྒྱ་གར་གི་སྲིད་རྩོད་པའི་བྱ་ལུགས་ལྟར་མིན་པར་མ་འོངས་པར་བོད་མི་རིགས་ཀྱི་རྕ་དོན་དང་འགྲེལ་དཀའ་ངལ་དངོས་ལ་གདོང་ལེན་དང་བསྒྱུབ་དགོས་ངེས་ཀྱི་བརྕན་བྱོལ་ལས་གཞི་ཁག་ཐུགས་དབུས་སུ་བཞག་ནས་དམངས་ལ་གོ་རྟོགས་སྤེལ་རྒྱུ་དང་།འདྲི་སྒྲག་གང་མང་གནང་དགོས།
དེ་བཞིན་བོད་གཞུང་ལྷན་ཁང་ཁག་ནས་ཀྱང་ཁོང་རྣམས་ཀྱིས་བསྒྲུབ་དགོས་ངེས་ཀྱི་ལས་རིགས་དང་དཀའ་ངལ་ཁག་ཅིག་བརྗོད་རྣམས་ལས་ལྷན་ཁང་སུ་ཞིག་དང་འགྲེལ་བ་ཆག་རུང་།དེ་ནི་རིན་བབ་སྤྲོད་མ་དགོས་པར་སེར་རྡོག་གཅིག་རག་ཡོད་པས་ངེས་པར་གཞེས་དགོས་ལ་ལག་ལེན་ཏུ་བལྟར་གནས་དགོས།
ཐུགས་རྗེ་ཆེ།
འོན་ཀྱང་འུ་ཚོས་གསལ་བོ་ཤེས་ཐུབ་པ་ཞིག་ལ།རེབ་འདིར་ཚོགས་གཙོ་མཆོག་ལ་ཐོབ་པའི་རེ་བ་མེད་པ་ཐག་གིས་ཆོད་ཐུབ།འདི་ནི་ཁོང་ལ་འཇོན་ཐང་དང་ཤེས་ཡོན།ཉམས་མྱོང་བཅས་མེད་པས་ག་ལ་ཡིན་ཏེ་མིན་མོད།རྒྱབ་སྐྱོར་བྱེད་མཁན་གྱི་མི་མི་འབོར་དང་ཕྱོགས་འཐེན་གྱི་དཀའ་ངལ་འོག་ཁོང་ནི་ཅིས་ཀྱང་ཤོར་དགོས་པའི་མི་དེ་ཡིན་སྲིད།
ཕྱིར་འཚོང་གི་ཚོང་རའི་སྐོར་དང་ཁྲོམ་ར་ཐབས་འཚོལ་སྐོར་ལ་ད་སྔ་བཀའ་བློན་དང་བཀའ་ཁྲི་སུ་གཅིག་གིས་ཀྱང་མངོན་གསལ་དོད་པོ་སྐད་ཆ་བཤད་མྱོང་མེད།རེབ་འདིར་ཚོགས་གཙོ་མཆོག་གིས་ཕྱིར་ཚོང་གི་སྐོར་ལ་སྐད་ཆ་གསལ་བོ་བཤད་པ་ནི་ཅིས་ཀྱང་དགའ་དགོས་པ་ཞིག་ཡིན།བོད་སྤྱི་དང་སྒོས་སུ་བཙན་བྱོལ་སྤྱི་ཚོགས་ཀྱི་གནས་བབ་དང་དགོས་མཁོ་བཅས་ལ་བལྟས་ཡོང་ན་འདི་ནི་སྐབས་རྗེས་མའི་བཀའ་བློན་ཁྲི་བར་ཅིས་ཀྱང་ཚང་དགོས་ཤིང་མ་ཚང་ན་མི་འགྲིག་པའི་དགོངས་ཚུལ་ཁྱད་པར་བ་དེ་རེད།
ཞིབ་འདང་ཞིག་བརྒྱབ་ན།ཕྱིར་འཚོང་གི་ལས་རིགས་འདི་ལ་ལམ་ལྷུང་ཡག་པོ་འབྱུང་ཐུབ་པར་གདོང་ཚོད་བརྟན་པོ་བྱས་ཆོག་སྟེ།བོད་ཀྱི་ཁྱད་ཐོན་དངོས་རྫས་བོད་སྨན་དང་ཐང་བྲིས།རྒྱན་གོས་བཅས་ཀྱིས་འགྲེམ་ཚོང་དང་།དེ་མིན་དངུལ་རྩའི་ཚོང་ལས་ཀྱི་ཐོན་ཁུངས་རྣམས་༧གོང་ས་མཆོག་དང་ནང་ཆོས་ཀྱི་མཛད་པ་ཤིན་ཏུ་རྒྱས་བཞིན་པའི་བར་ལམ་འདིར་གཞི་འཛུག་པའི་གོ་སྐབས་དང་འཕེལ་རྒྱས་ཀྱི་མཐུན་རྐྱེན་མི་དམན་པ་ཡོད་པས།རྒྱལ་ཁབ་གང་སར་དཔལ་འབྱོར་འདུ་འགོད་ཀྱི་ཐོན་ཁུངས་ཨེན་ཙམ་འཛུག་ཐུབ་ན།བོད་མི་རིགས་ཀྱི་ངོ་བོ་དང་རྩ་དོན་བཅས་ཡུན་རིང་དུ་གནས་པར་གསོན་ཤུགས་ཁྱད་པར་བ་འདོན་ཐུབ་པ་དང་།མི་རིགས་ལ་ཞེ་འཐོག་སའི་རེ་བ་གཞན་ཞིག་ཀྱང་ཡོང་ངེས།
ཁང་གསར་རྡོ་རྗེ་ལགས་ཀྱིས་ཚོགས་གཙོ་མཆོག་འོས་ཤོས་སུ་མཐོང་བའི་ཁྱད་ཆོས་མང་ཙམ་སྨྲས་པར་དགའ་བསུ་ཞུ། ཡིན་ནའང་མི་ཤས་ཀྱིས་ཚིག་རིས་ཇི་བཞིན་མ་ཡིན་པའི་ཁྱད་ཆོས་ཇི་བཞིན་དུ་བརྗོད་ནས་རི་བོང་ཅལ་འདྲོགས་མིན་ནམ་སྙམ་པ་བྱུང་། ངས་བལྟས་ན་བཀའ་ཁྲི་ཟེར་བ་དེ་རི་བོང་ཅལ་འདྲོགས་ཀྱི་དབང་དུ་འགྲོ་བཞིན་ཡོད་པ་ཤིན་ཏུ་བདེན། དེ་རིང་འདི་བཟང་གི སང་ཉིན་གན་བཟང་གི་མི་ཟེར་བའི་ངེས་པ་མེད།
སྔོན་མ་ཟམ་གདོང་བས་ཁོང་བཀའ་བློན་གྱི་ནང་དུ་ཡར་འཐེན་སྐབས། མདོ་སྟོད་སྤྱི་འཐུས་བསོད་ནམས་སྟོབས་རྒྱལ་སོགས་ཀྱིས་གཞུང་དངུལ་ལྐོག་ཟའི་ཉེས་པ་བཀལ་བ་དེ་མ་ཐོས་སམ། དེ་གཙང་རིལ་རིལ་བཟོ་ཐུབ་ན་ཡག དེ་མ་ཡིན་པར་དགའ་ཁ་འཁྱེར་ཕྱོགས་དང་རི་བོང་ཅལ་འདྲོགས་བྱས་པ་ནི་རང་མཚང་འབའ་ཞིག་གོ་ཞུ་རྒྱུ་ཡིན།
དེ་དུས་གྲོས་ཚོགས་ནས་མང་མོས་མ་ཐོབ་པ་རེད། ད་རེར་ཡང་ཁོང་ལ་ཐོབ་ཁག་ཙམ་མིན་འགྲོ་དྲན་གི གལ་སྲིད་ཐོབ་སོང་ན་ཟམ་གདོང་བའི་ཡན་ཞིག་ཡིན་པ་ལ་ཡིད་ཆེས་ཡོད། ཡང་མི་ཁ་ཤས་ཀྱིས་ཟམ་གདོང་བའི་ཟླ་རུ་བོང་བུ་རྟ་རེད་ཟེར་མོད། དེ་ནི་ཕལ་ཆེར་ཟམ་གདོང་བའི་གྲིབ་བསིལ་ལ་བསྙེས་པའི་གང་ཟག་ཅིག་ལོས་ཡིན་འདོད།
ཇོ་ཇོ་སྤེན་པ་ལགས།
ང་ཕྱི་ལ་རྒྱལ་གཏོང་རོགས་བྱོས་དང་ངའི་འོས་ཤོག་ཁྱེད་ལ་སྤྲོད་ཆོག
སྤྱི་འཐུས་ཚོགས་གཙོ་མཆོག་ལ་མཚམས་འདྲི་ཞུ་རྒྻུ་ཡིན། ད་བར་གྱི་བཀའ་བློན་ཁྲི་བའི་འོས་གཞི་རྣམས་སྤེན་པ་ཚེ་རིང་ལེགས་ཤོས་རེད་འདུག རྒྱུ་མཚན་ཅི་ཡིན་ཞེ་ན། རྒྱ་རི་སྒྲོལ་མ་བཀའ་ཁྲི་ལ་ལངས་སྟངས་དེ་ནི་དུས་བབ་ཀྱི་གོ་སྐབས་ལ་བརྟེན་ནས་ལངས་ཀྱི་ཡོད་ལ། མ་ཟད་མོ་རང་ལ་མཚོན་ན་ལངས་ཕྱོགས་བརྟན་པོ་མི་འདུག ཆབ་སྲིད་ཀྱི་ལྟ་བ་འདི་ཡིན་ཟེར་བ་ཞིག་ཀྱང་མི་འདུག བློ་བཟང་སེང་གེ་ལ་ཉམས་མྱོང་མེད་པ་མ་ཟད། ད་དུང་ཁོས་བཤད་པ་དག་ལ་འུར་གྱི་ཆ་མང་བ་དང་དོན་དངོས་ཀྱི་ཆ་ཉུང་བ་ཡིན། སྐུ་ངོ་བཀྲས་མཐོང་ལེགས་ཤོས་གྲས་སུ་གཏོགས་ནའང་རྒྱུ་དངུལ་ལྐོག་ཟས་ཀྱི་ཉེས་པ་ཕོག་ཡོད། ཚོགས་གཙོ་སྤེན་པ་ཚེ་རིང་འདི་ཤེས་ཡོན་ལེགས་ཤིང་། གཞུང་དང་ཚོགས་པ་སྒེར་གྱི་ལས་དོན་གང་ལའང་ཉམས་མྱོང་ཆེ་བ་ཡོད་ལ། དེ་མིན་ཆབ་སྲིད་ཀྱི་ལྟ་བའང་བརྟན་པོ་ཡོད། རྒྱུ་དངུལ་ཟོས་པའང་གོ་རྒྱུ་མེད། ཁ་ཤས་ཀྱི་ཟེར་ན་ཟམ་གདོང་གི་པར་གློག་རེད་ཟེར་མོད་ཟམ་གདོང་རིན་པོ་ཆེའི་ནང་བཞིན་འཇོན་ཐུབ་ན་བོང་བུ་རྟ་ལ་དོ་བ་རེད། གང་ལྟར་སྤེན་པ་ཚེ་རིང་འདི་ལས་དགའ་བ་ཞིག་མི་འདུག སྐྱོན་གཅིག་ཀྱང་མེད་པའི་བཀའ་བློན་ཁྲི་བ་ཞིག་འཚོལ་དགོས་ན་སུའང་རེག་གི་མ་རེད།
སྤྱི་འཐུས་ཚོགས་གཙོ་སྤེན་པ་ཚེ་རིང་དང་ བློ་བཟང་སེངྒེ་ལ་གཉིས་གང་རུང་ལ་བཀའ་བློན་ཁྲི་བར་འོས་ཤོག་འཕེན་རྒྱུར་གངས་ཆུས་བོད་ཕྱི་ནང་གི་གྲོགས་པོ་མང་བོ་ཞིག་གི་ཚབ་བྱས་ནས་རེ་འབོད་ཞུ་བཞིན་ཡོད།
མི་ངོ་ཁ་ཤས་ཤིག་གི་ནང་ཁུལ་གྱི་རྙོག་ཟིང་ཞི་འཇམ་དུ་གཏོང་མི་ཐུབ་མཁན་ཞིག ད་ལྟ་བོད་མི་ས་ཡ་དྲུག་གི་འགོ་འཁྲིད་བྱ་འདོད་ཡོད་ན་དགོས་བྲོ་བ་ཞིག་རང་རེད། ཚོགས་གཙོ་ཁྱེད་ལ་སྔོན་མ་བཀའ་བློན་ཁྲི་བ་བྱེད་རྒྱུར་རྨི་ལམ་ཙམ་ཡང་གཏོང་མ་མྱོང་ཏོང་བ་དེ་ད་ལྟ་གཏོང་བཞིན་ཡོད་འདྲ་ཁྱེད་རྙིང་མ་རྗེ།
ཚོགས་གཙོ་སྤེན་པ་ཚེ་རིང་བཀའ་བློན་ཁྲི་བའི་འོས་གཞིར་ལངས་བ་དེ་ལ་དགའ་བསུ་ཞུ་རྒྱུ་ཡིན།
ཚོགས་གཙོ་ལགས་ཁྱེད་ལ་རྨི་ལམ་ཙམ་ཡང་གཏོང་མ་མྱོང་ཞེས་པའི་རྨི་ལམ་དེ་གཏོང་བཞིན་པ་འདྲ་རེད་དམ།
བཀའ་བློན་ཁྲི་བའི་ལས་རིགས་དང་འབྲེལ་བའི་བཅར་འདྲི་དེ་ལ་སྒུག་གི་ཡིན།
ཚོ་སྒོ་བ་ཨ་ཚོ་སྒོ་བ། ཁྱོད་ཀྱིས་ངའི་སྐད་ཆ་དེས་གོ་རྒྱུ་ག་རེ་གཏོང་གི་ཡོད་མེད་ཧ་གོ་མི་འདུག ལྐུགས་པ་ལ་ཕུག་རྗེན་པ་ཟ་མཁན་རང་རེད། ད་དུང་སྔ་མོ་སྡེ་པ་གཞུང་གི་སྐུ་དྲག་གི་ན་ཚས་ཁྱེར་ཡོང་བ་དཔེར་ན། ཏོག་ཙམ་མ་འགྲིག་ན་རྒྱ་མིའི་མྱུལ་མ་ཡིན་ལུགས་ཀྱི་བཤད་སྟངས་དེར་གཅིག་ལྟོས་དང་། ཅི་འདྲའི་འཇིགས་སུ་རུང་བ་ཞིག་རེད་ཨང་།
ངས་ཟེར་ན་སྐུ་ངོ་ཚོགས་གཙོ་གཞོན་གཉིས་ལ་དྲང་ཚུགས་ཀྱི་བསམ་བློ་མེད་པ་དང་། གཞན་རྟེན་གྱི་བསམ་བློ་ཤུགས་ཆེ་དྲགས་འདུག་ཟེར་བ་དེ་ལ་གོ་རྒྱུ་ཞིག་མི་འདུག་གམ། མ་གཞི་བོད་གཞུང་གི་སྲིད་བྱུས་ལག་བསྟར་མ་བྱས་ན་དེ་ནི་ཁྱོད་ཀྱིས་བཤད་པ་ཡིན་དགྲ་བོའི་ཕྱོགས་སུ་གཏོགས་པ་ཞིག་ཡིན་དགོས་སམ། ཡིན་སྲིད་དམ།
མ་གཞི་བཀའ་ཁྲི་གསར་པ་ཡོང་ནས་ལས་ཀ་གསར་པ་ཞིག་་བྱེད་རྒྱུ་མེད་ན། བཀའ་ཁྲི་གསར་པ་བསྐོ་བའི་དགོས་པ་རྒྱུ་མཚན་ག་རེ་ཡོད་རེད། མི་གཤིས་ལ་བསྙོན་འདིང་མི་འདིང་ནི་མི་གཤིས་ལ་ནག་ཐིག་ཡོད་མེད་ལྟ་རྒྱུ་རེད་གྲོགས་པོ། གཞན་གཅིག་གིས་བཀྲ་ཤིས་བདེ་ལེགས་ལབ་ན་ཚང་མ་དེའི་རྐུབ་ལ་རྒྱུག་དགོས་དོན་ཞིག་མི་འདུག་གཱ
ཚོགས་གཙོ་སྤེན་པ་ཚེ་རིང་འདི། དབྱིན་བོད་ཧིན་གསུམ་གྱི་སྐད་དང་དཔལ་འབྱོར་ཆབ་སྲིད། རྩིས་སོགས་ལ་མཁས་པ་དང་གཅིག སློབ་གྲྭ་ཐོན་པ་ནས་ད་བར་སྤྱི་འཐུས་དང་གྲོས་ཚོགས་སྲིད་ཇུས་ཉམས་ཞིབ་ཁང་སོགས་ལ་ཕྱག་ལས་འབུར་དུ་ཐོན་པ་གནང་སྟེ། བཙན་བྱོལ་བོད་གཞུང་གི་ལས་དོན་ལ་རྒྱུས་མངའ་ཟབ་པ་དང་གཉིས། ཕྱི་རྒྱལ་གྱི་ཡུལ་ལུང་མང་པོར་ཕེབས་ཏེ་མི་ཆེན་དུ་མར་མཇལ་ཏེ་འབྲེལ་བཙུགས་པས་མཐོང་རྒྱ་ཐོས་རྒྱ་ཆེ་བ་དང་གསུམ། ཆབ་སྲིད་ཀྱི་ལངས་ཕྱོགས་བརྟན་ཅིང་གསལ་བ་དང་བཞི། ན་སོ་གཞོན་ཞིང་ལྷག་བསམ་སེམས་ཤུགས་ཆེ་བ་དང་ལྔ། ད་ཕན་གཞུང་གི་ལས་དོན་གནང་སྐབས། ཉེ་དགའ་ཕྱོགས་ལྷུང་དང་གཞུང་དངུལ་བར་ཟོས་སོགས་ཀྱི་སྐད་ཆ་སྦྲང་སྐད་ཙམ་ཡང་མེད་པ་དང་དྲུག མཐོ་དམའ་ཀུན་ལ་འདྲིས་གཤིབས་བདེ་བ་ཀུན་གྱི་གཟིགས་ཆོད་ལྟར་དང་བདུན། བཙན་བྱོལ་བོད་གཞུང་གི་ཁྲིམས་དང་སྒྲིག་གཞི་ཁག་དང་གནས་ཡུལ་རྒྱ་གར་གྱི་ཁྲིམས་དང་འགྲོ་ལུགས་སོགས་ལ་མྱོང་རྒྱུས་ཧ་ཅང་ཆེ་བ་དང་བརྒྱད། ཟམ་གདོང་རིན་པོ་ཆེས་དབུས་ཁྲིད་པའི་བཀའ་ཤག་གི་སྲིད་ཇུས་དང་ལས་དོན་ནང་ནས་ལེགས་ཆ་ཅན་རྣམས་མུ་མཐུད་འདོད་ཡོད་པ་དང་དགུ། རང་ངོས་ནས་ལས་དོན་མང་པོ་ཞིག་གསར་གཏོད་ལག་བསྟར་གནང་རྒྱུའི་འཆར་གཞི་ཟབ་པ་དང་བཅུ་བཅས་ཀྱི་ཆ་ནས། ད་ཡོད་བཀའ་བློན་ཁྲི་བའི་འོས་གཞིའི་ནང་ནས། ཕྱི་ནང་གི་ཆ་རྐྱེན་འཛོམས་ཤོས་ཤིག་ནི། ཚོགས་གཙོ་སྤེན་པ་ཚེ་རིང་ཡིན་པར་མཐོང་བས། རྣམ་དཔྱོད་ཀྱི་མིག་དང་ལྡན་པ་ཚོས་ཕྱོགས་རིས་དོར་ཏེ་འདི་པ་རང་ལ་རེ་བཅོལ་བྱས་ན་ལེགས་སམ་སྙམ་མོ།།
དེ་མིན་གྱི་འོས་གཞིའི་ནང་ནས། ལ་ལར་ཉམས་མྱོང་དང་ཤེས་ཚད་ལྡན་ཡང་ལོ་ན་རྒས། ལ་ལ་ལོ་ན་གཞོན་ཡང་བོད་གཞུང་གི་ནང་དུ་ཉིན་གཅིག་ཀྱང་བྱ་བ་སྒྲུབ་པའི་ཉམས་མྱོང་ཙམ་ཡང་མེད། ལ་ལ་ལངས་ཕྱོགས་མི་བརྟན་པ་བཅས་ཀྱི་ཆ་ནས། ད་འོས་མི་ཡག་ཤོས་ནི་སྤེན་པ་ཚེ་རིང་མིན་ནམ་སྙམ།
མི་བཞི་བཅུ་ཡས་མས་ཞིག་གི་ནང་ཁུལ་གྱི་རྙོག་ཟིང་ཞི་ལྷིང་གཏོང་མི་ཐུབ་མཁན་ཞིག་བོད་མི་ས་ཡ་དྲུག་གི་འགོ་འཁྲིད་བྱ་འདོད་ཡོད་ན་སྔོན་མ་ཁོང་ལ་རྨི་ལམ་ཙམ་ཡང་གཏོང་མ་མྱོང་ཞེས་པའི་རྨི་ལམ་དེ་གཏོང་བཞིན་པ་འདྲ། འབྱུང་གྱུར་གྱི་བཀའ་ཁྲི་ཟེར་དུས་གངས་སྐྱིད་ཁུལ་གྱི་གཞུང་ཞབས་རྣམས་བརྡ་འདེད་གཏོང་མཁན་གཅིག་པུ་ཞིག་མ་རེད་ལ། མདུན་ལྕོག་སྟེང་དུ་ཞིང་ཁ་རྨོ་བའི་གཏམ་རྒྱུད་འཁྲབ་མཁན་ཞིག་ཀྱང་དེ་བས་མི་དགོས། དེ་ནི་ལོ་རྒྱུས་ཡུན་རིང་ལྡན་པའི་བོད་རྒྱལ་ཁབ་ཆེན་པོ་དེ་ཐབས་ལམ་གང་ཞིག་འཚོལ་དགོས་ཀྱང་བོད་མི་ས་ཡ་དྲུག་གི་ལག་ཏུ་ཕྱིར་ལེན་ཐུབ་པའི་གྲོས་གཏོང་ཐུབ་མཁན་ཞིག་ཡིན་དགོས། དེ་མིན་སྤེན་ཚེ་ཁྱོད་རང་ལྟ་བུ་ཞིག་ཡང་སྐྱར་བཀའ་བློན་གྱི་རྐུབ་སྟེགས་སུ་ལོ་ལྔར་འབྱར་བསྡད་པ་ཡིན་ན། ཉིན་གཅིག་རྒྱ་གཞུང་ལ་ད་སྐུ་མཁྱེན་ང་ཚོ་ཕར་ཡོང་དུ་འཇུག་རོགས། ཁྱེད་ཚོས་དགོས་འདུན་ག་རེ་གཏང་ནའང་ཁས་ལེན་བྱ་རྒྱུ་ཡིན་ལབ་ནའང་། ཕར་ཡོང་དུ་མི་འཇུག་པའི་དུས་ཞིག་སླེབས་མི་སྲིད་པ་མ་རེད་སྙམ།
མ་གཞི་རང་ཉིད་ལ་སྤོབས་པ་ཡོད་པ་ཡག་པོ་རེད་དེ། རང་ཉིད་ཀྱི་རྒྱབ་ལྗོངས་ཀྱི་ལོ་རྒྱུས་ལ་བསམ་གཞིགས་བྱ་དགོས། བོད་མི་རྒན་རབས་ཀྱི་ནང་དུ་སྤེན་པ་ཚེ་རིང་ལོ་རྒྱུས་རྒྱ་གར་གྱི་ཡུལ་པོན་ཊ་ཅ་རིས་ཀྱི་དོན་རྐྱེན་ནས་འགོ་འཛུག་སྟེ་བཤད་དགོས་ན་མི་ཤེས་མཁན་ཕལ་ཆེར་མེད་པ་རེད། ཚང་མས་གཟབ་དགོས།
ཟམ་གདོང་རིན་པོ་ཆེའི་དཔར་གློག་ཅིག་ཡིན་པ་འདྲ། ཁ་གྲགས་ཚད་ཐམས་ཅད་སྲོལ་རྒྱུན་སོ་ནམ་གྱི་སྐོར་རེད། འདི་ནི་གཞན་ལ་བརྟེན་ནས་ཡོང་ཐབས་མེད་པ་ཞིག་རེད། ཁོས་དེའི་སྟེང་ལ་ཕྱིར་འཚོང་གི་ཁྲོམ་ར་ཞིག་གླེང་གི་ཡོད་པ་འདི་གསར་བ་ཞིག་ཡིན་ནའང་། དེ་ལ་རེ་བ་མེད་པར་མཐོང་།
ཚོགས་གཙོ་སྤེན་པ་ཚེ་རིང་འདིའི་མིག་གཉིས་ཀ་ཡང་མཚོ་ཕག་ཅིག་ལ་འདྲ་བར་ད་རེར་ག་རེ་དྲན་ནི་ཡིན་ནམ། གལ་སྲིད་ཁོང་བཀའ་ཁྲིར་ལངས་ངེས་ན་སྤྱི་འཐུས་ནས་སྔ་ས་ས་ནས་ཕྱིར་འཐེན་བྱེད་དགོས་པ་མ་རེད་དམ། གང་ལྟར་ཁོང་ནི་མི་གཟི་བརྗིད་ཅན་ཞིག་ནི་རེད། ཡིན་ནའང་་་་་་་་་་
སྤྱིར་བཀའ་བློན་ཁྲི་བར་མི་འཇོན་ཐང་ཡོད་པ་དང་ཤེས་ཡོད་ལྡན་པ་སོགས་ང་ཚོས་གྲངས་སུ་རྩི་བཞིན་པའི་ཆ་རྐྱེད་གང་དག་ལྡན་ཡང་འགྱུར་བ་དང་ནུས་བ་ཆེན་པོ་ཞིག་འདོན་ཐུན་ཀི་མ་རེད་སྙམ། དེ་ནི་གཙོ་བོ་གྲོས་ཚོགས་ལ་རག་ལས་ཡོད་པས་ན། བཀའ་ཁྲིས་ཅི་བྱས་ལ་གྲོས་ཚོགས་ཀྱིས་རྒྱབ་སྐྱོར་མེད་ཚེ། གང་ཡང་བྱེད་ཐུབ་ཀི་མ་རེད་སྙམ། དེ་བས་བཀའ་ཁྲིར་སུ་ལངས་ཀྱང་བག་ལེབ་སྟེང་འོག་བརྗེས་པ་ལྟ་བུའི་འགྱུར་བ་ཞིག་གཏོང་ཐུབ་ཀི་མ་རེད་ལ། དེ་ལྟར་རེ་བ་ཡང་བྱེད་ཀྱི་མེད།
དགྲ་ལྷ་རྩེ་རྒྱལ་ཨ་དགྲ་ལྷ་རྩེ་རྒྱལ། ཁྱེད་ནི་དགྲ་བོའི་ལྷ་ངོ་མ་ཞིག་ཡིན་ས་རེད། སྐུ་ངོ་ཚོགས་གཙོ་མཆོག་བཀའ་ཁྲིར་ཐོབ་ན་༧གོང་ས་སྐྱབས་མགོན་ཆེན་པོ་མཆོག་གི་བཀའ་དགོངས་དང་བོད་མི་མང་སྤྱི་ལྷན་ནས་གཏན་པ་ཕབ་པའི་སྲིད་ཇུས་ལག་ལེན་དུ་བསྟར་རྒྱུ་མ་གཏོགས། དགྲ་བོའི་ལྷ་སྲུང་གིས་རྒྱུད་བརླམ་པ་བཞིན་གནམ་ས་མགོ་རྟིང་བསློག་རྒྱུ་ཡིན་ནམ། དགོངས་ཚུལ་འདྲ་གསུངས་རྒྱུ་མེད་ན་གང་ཟག་སྒེར་གྱི་མི་གཤིས་ལ་བསྙོན་འདིང་བ་དེ་སྐྱེ་བོ་ཚད་ཐུབ་ཞིག་གི་བྱེད་སྟངས་མིན་པའང་དགོངས་ལ་འཇགས་རོགས།
ང་ཚོའི་ཚོགས་གཙོ་དང་ཚོགས་གཞོན་འདི་གཉིས་ཅི་འདྲའི་མ་རབས་གཉིས་རེད། འོས་ཤོག་ཐོབ་པའི་ཆེད་དུ་ཕྱི་རྒྱལ་ལ་གཏོང་རྒྱུ་ཡིན་ལུགས་ཟེར། ནམ་རྒྱུན་ཁོང་གཉིས་ཀ་ཟམ་གདོང་བླ་མ་གང་གསུང་ཉན་མཁན་གྱི་གྲས་མིན་ནམ།
སྤྱིར་སྤེན་ཚེ་བཀའ་ཁྲིར་ལངས་པར་དགའ་བསུ་ཡོད། རྒྱ་རི་སྒྲོལ་མ་ལས་ཁྱོད་རང་ཡག་གི་རེད། རྒྱ་རི་སྒྲོལ་མ་དང་ཁྱེད་གཉིས་མ་གཏོགས་མེད་ན་ངས་ཁྱོད་རང་ལ་འོས་འཕེན་རྐྱང་ཡིན། མ་གཞི་སྤེན་ཚེ་སླེབས་ནས་གསར་པ་གང་ཡང་བྱེད་ཐུབ་ཀྱི་མ་རེད། ཟམ་གདོང་བླ་མས་གསུངས་བཞག་པ་དེ་སྐྱར་ཟློས་འདྲ་མ་གཏོགས་གཞན་ཞེ་དྲག་བྱེད་རྒྱུ་ཡོད་ཀྱི་མ་རེད།
འདྲེ་རིག་ལྡན་གྱིས་མ་འོང་ལུང་བསྟན་བརྒྱབས་བཞག་། འོ་ད་ཚོགས་གཙོ་ ཚོགས་གཞོན་ བློ་སེང་དང་བཅས་པ་ ཁ་འཐོར་ དགུ་འཐོར་འགྲོ་རྒྱུ་རང་རེད་། གླེན་རྟགས་བསྟན་སོང་ དོན་ངོ་མ་བཀའ་ཁྲི་་་་་་་་་་་་་་་་་་་་མི་རྙིང་པ་ཞིག་་་་་་
ད་རེ་བཀའ་ཁྲི་འདི་ངེས་པར་གཞོན་སྐྱེས་གསར་གཏོད་བྱེད་ཕོད་པ་ཅན་ཞིག་འདམ་དགོས་པ་དུས་ལ་བབ་འདུག
ཚོགས་གཞོན་རྒྱ་རི་ཚང་གི་སྲས་མོ་སྒྲོལ་མ་ཡར་ལངས་རྗེས་གཞི་ནས།
ཚོགས་གཙོ་སྐུ་ངོ་སྤེན་པ་ཚེ་རིང་མཆོག་ལངས་དགོས་ཡག་ག་རེ་ཡིན་ནམ།
གཅིག་བྱས་ན་སྐུ་ཞབས་ཀླུ་མཁར་བྱམས་ལགས་ཀྱིས་༼ ཁྱིམ་ཚང་ཆེན་མོ་གསུམ་ ༽གྱི་སྐོར་བཤད་རྗེས་སྐུ་ངོ་མཆོག་ལ་ཡང་ངར་ཤུགས་ཐེངས་གཅིག་སྟེར་ཡོད་ཚོད་རེད།
གཉིས་ནས་ང་བཀའ་ཁྲི་དང་ང་བཀའ་ཁྲི་ཟེར་བའི་འུར་སྒྲ་དེ་ཆེ་རུ་ཕྱིན་པའི་རྐྱེན་གྱིས་རང་ཉིད་ཀྱང་འཇོན་ཐང་དང་། ཤེས་ཡོན། སྤོབས་པ་བཅས་གྱིས་མི་བསླུ་བར་སྤྱི་ཚོགས་སུ་གསལ་སྟོན་བྱེད་པ་ཞིག་རེད།
ད་དུང་་་་་་་་ད་དུང་་་་་་་།
ཚོགས་གཙོ་ལ་རྟེན་འབྲེལ་དང་བཀྲ་ཤིས་བདེ་ལེགས་ཞུ།
དྲ་གྲོགས་ཚོ། ད་ཕལ་ཆེར་་(ཐབས་ཇུས་གཙོར་བཟུང་མེད་པར་ཚོར་བའི་རྗེས་སུ་རྒྱུག་ན་་་་་་) ༢༠༡༡ ལོའི་བཀའ་ཁྲི་སུར་ཐོབ་གསལ་ཐག་ཆོད་སོང་པ་འདྲ། དེ་སྔོན་ཞིག་ལ་མཐོ་རིམ་སློབ་མ་ཞིག་ཡོད་པ་དེས་ནམ་ཡིན་རུང་་་བློ་བཟང་སེངྒེར་འོས་འཕེན་རྒྱུ་ཡིན་་་ལུགས་ཏག་ཏག་བཤད་སོང་། དབྱར་པའི་གུང་གསེང་སྐབས་ཕ་ཡུལ་གཅིག་པ་མང་ས་ཞིག་ལ་སོང་ནས་ཕྱིར་ལོག་མ་ཐག བཀྲས་མཐོང་སྐུ་ངོ་ལགས་་་་སུ་འགྱུར་འདུག དེ་སྣང་ཚུལ་གཅིག་རེད།
ད་འདི་ལྟར་བལྟས་ན་་་་་
༡ དེང་གི་གཞོན་སྐྱེས་བསམ་བློ་ཡོད་པ་རེ་ཟུང་དང་ཨ་མདོ་བ་མང་ཤོས་ཀྱི་ཚོགས་གཙོ་སྤེན་པ་ཚེ་རིང་ལ་འོས་འཕེན་རྒྱུ་རེད།
༢ དེང་གི་གཞོན་སྐྱེས་བསམ་བློ་ཡོད་པ་རེ་ཟུང་དང་ཁམས་པ་མང་ཤོས་ཀྱིས་བློ་བཟང་སེངྒེ་ལ་འོས་འཕེན་རྒྱུ་རེད།
༣ གཞོན་སྐྱེས་རེ་ཟུང་དང་གཞིས་ཆགས་ཁག་མང་ཤོས་ཀྱི་དབུས་གཙང་བ་མང་ཤོས་ཀྱིས་བཀྲས་མཐོང་བསྟན་འཛིན་རྣམ་རྒྱལ་ལ་འོས་འཕེན་རྒྱུ་རེད།
ཁོང་གསུམ་ཕལ་ཆེར་སྔོན་འགྲོའི་འོས་གཞིའི་སྐབས་སུ་འོས་མཐོ་ཤོས་སུ་ཐོན་རྒྱུ་རེད།
ད་དུང་རྒྱ་རི་སྒྲོལ་མ་དང་། རྟ་བོ་བློ་བཟང་དཔལ་ལྡན། ཕུར་བུ་ཚེ་རིང་། བློ་བཟང་སྦྱིན་པ་བཞི་བོར་ཡང་ཆོལ་ཁ་གསུམ་གྱི་འོས་ཤོག་གང་འཚམས་ཤིག་ཁ་འཐོར་རྒྱུ་ཡིན་པ་དང་། འདིས་སྤེན་པ་ཚེ་རིང་དང་བློ་བཟང་སེངྒེ་གཉིས་ཀྱི་འོས་གྲངས་ལ་ཤུགས་རྐྱེན་ཆེན་པོ་ཐེབས་སྲིད་པ་རེད། ད་འདི་ལྟར་སོང་ན་བཀའ་ཁྲི་་་་་་་་་་་་་་།
འབྱུང་འགྱུར་གྱི་བཀའ་ཁྲི་ལ་ཕུལ་བ།
རང་རིགས་གཞོན་ནུས་རང་བློའི་ཐབས་རྩལ་ལས།།
ཡར་ཐོན་གོམ་པ་རང་སྤོས་མ་བྱས་པར།།
གཞན་གྱི་རྒྱབ་སྐྱོར་ཁོ་ན་བརྟེན་བསྡད་ན།།
བསྐལ་བརྒྱར་འདས་ཀྱང་རྗེས་ལུས་ཉིད་ལས་མེད།།
ཚོགས་གཙོ་མཆོག་བཀའ་བློན་བཞེངས་པར་དགའ་བསུ་གྲངས་མེད་ཞུ་རྒྱུ་ཡིན།
གང་ཡིན་ཟེར་ན་ད་ལྟའི་བཀའ་བློན་དང་ལངས་ནང་ནས་ཚོགས་གཙོ་ལས་གཞན་
༧གོང་ས་མཆོག་གི་བཀའ་གསུང་སྤྱི་བསྒྲུབ་བྱེད་མཁན་ཞིག་ཡོད་པར་མ་མཐོང་
བས་ཡིན།
སྐུ་ངོ་སྤེན་ཚེ་ཁྱེད་ཀྱི་ལོ་རྒྱུས་ཆ་ཚང་སྦྱར་ཤོག་གཅིག་གི་ནང་འཁོད་ཐུབ་མེད་ཚེ་སྐུ་ཉིད་བཀའ་ཤག་སྐབས་བཅུ་གཉིས་སྐབས་ཟམ་གདོང་བླ་མས་སྐུ་ཉིད་བཀའ་བློན་འོས་མིག་སྟོན་སྐབས་མདོ་སྟོད་སྤྱི་འཐུས་བསོད་ནམས་སྟོབས་རྒྱལ་གྱིས་ཁྱེད་ཀྱི་ལོ་རྒྱུས་རྒྱས་པ་ཞིག་གསུང་གནང་ཡོད་དེ་ཡང་གློག་རྙན་མཐུང་མཐུང་ཞིག་བཟོ་ནས་བཀྲམ་ན་འོས་ཤོག་འཐོབ་རྒྱུར་ཕན་སྲིད།
སྐུ་ངོ་ཚོགས་གཙོ་མཆོག་གི་རེ་བ་དང་འདུན་པ་མཐོ་ཐག་ཆོད་འདུག གང་ཡིན་ཟེར་ཁོང་བློན་ལ་སླེབས་མ་ཐུབ་པའི་མི་ཞིག་བཀའ་བློན་ཁྲི་པར་ཇི་ལྟར་སླེབས་ཐུབ་ཀྱི་རེད། སྤྱི་འཐུས་ཚོགས་གཙོ་སླེབས་པར་དཀའ་ངལ་ག་ཚོད་འཕྲད་སོང༌། མཐའ་མ་ཚོགས་གཙོ་ལོ་གཉིས་དང་ཕྱེད་ཙམ་བྱེད་རྒྱུ་གོ་སྐབས་བྱུང་དེ་ཁོ་རང་ལ་རྒྱལ་ཁ་དང་བོད་མི
བློ་བཟང་སེང་གེ་ལ་བཀའ་ཁྲིའི་འོས་ཤོག་ཐོབ་བསམ་འཆར་མེད།
ཁོང་ལ་བཀའ་ཁྲིའི་འོས་ཤོག་ཐོབ་ན་བསམ་འཆར་མེད་ཅེས་པའི་གནད་དོན་གཙོ་བོ་དེ།བཀྲ་ས་མཐོང་བསྟན་འཛིན་རྣམ་རྒྱལ་ནི་སྔོན་ཆེད་བོད་གཞུང་གི་བཀའ་བློན་ལ་བསྐོས་ཟིན་པ་རེད།
ཡིན་ནའང་གྲུབ་འབྲས་གང་ཡང་མ་འཐོན་པ་མ་ཟད་ད་དུང་བོད་གཞུང་གི་ཧུན་སྒོར་འབུམ་བརྒྱ་ཙམ་ལྐོག་ཟ་བྱས་པའིི་ཀུན་གསབ་ཀྱང་ད་དུང་བྱ་ཐུབ་མེད་ཁར་སླར་ཡང་བཀའ་བློན་ལ་བསྐོ་བཞག་བྱེད་རྒྱུ་ཡིན་ཟེར་ན་ཕ་ཆེར་བོད་རིགས་ཚང་མ་སྨྱོན་པ་ཆགས་པ་མིན་ནམ།
ལོ་ན་ཡོལ་ཟིན་པའི་བཀའ་ཟུར་ཕན་མེད་གྱི་བེམ་པོ་དེ་ལ་རེ་བ་རྩ་བ་ནས་རྒྱགས་མི་འོས། གང་ཡིན་ཟེར་ན་ཁོང་ཚོ་སྐུ་དྲག་གི་རྒྱུད་པ་མ་རེད་དམ། ང་ཚོས་རྒོལ་ལེན་སྤྲོད་སའི་མིག་འབེན་གཙོ་བོ་སྐུ་དྲག་མ་ཡིན་ནམ། ད་དུང་ང་ཚོས་ཁོང་ཚོར་རེ་བ་བཅིངས་པ་ཡིན་ན་ནོར་བ་བརྒྱ་ཆ་བརྒྱ་ཡིན་པ་ཚིག་ཐག་བཅད་ནས་བཤད་ཆོག
ང་ཚོ་ད་ལྟའི་པར་དུ་སྡུག་གྱོང་ཚད་མེད་མྱངས་དགོས་པ་དེ་ཡང་སྐུ་དྲག་གིས་བཟོས་པ་རེད།དེའི་རྐྱེན་གྱི་སྐུ་དྲག་གི་རིགས་ལ་ལམ་ཁ་རྩ་བ་སྟེར་རྒྱུ་མེད་པ་དེ་ཤེས་དགོས། ད་དུང་རྒྱལ་རི་སྒྲོལ་མ་ཡིན་ནའང་གཅིག་པ་རེད།
ཁོ་ཡང་སྐུ་དྲག་གི་རྒྱུད་པ་ཡིན་པ་གསལ་བོ་རེད།
ང་ཚོ་ལ་དགོས་པ་དེ་ས་ཡ་དྲུག་རྡོག་རྩ་ཆིག་སྒྲིལ་བཟོ་མཁན་དང༌། གཞིས་བྱེས་བོད་མིའི་བདེ་སྡུག་ལ་ཐད་ཀར་བལྟ་ཐུབ་མཁན་གྱི་མི་བུ་འཇོན་ཐང་མངོན་གྱུར་བྱེད་ནུས་མཁན་གྱི་དཔའ་བོ་གདོང་མཆོངས་པ་ཞིག་དགོས་གལ་ཆེ་བར་སེམས། དེ་འདྲ་སོང་ཙང་སྤེན་པ་ཚེ་རིང་གིས་བཀའ་བློན་ཁྲི་པའི་འོས་གཞིར་ལངས་པ་དེ་ལ་དགའ་བསུ་ཚད་མེད་ཞུ་རྒྱུ་ཡིན།
ཚོགས་གཙོ་སྤེན་པ་ཚེ་རིང་ལགས་འབྱུར་འགྱུར་བཀའ་ཁྲིའི་འོས་གཞིར་བཞེངས་པ་ལ་བཀྲ་ཤིས་བདེ་ལེགས་ཞུ་བ་དང་ཆབས་ཅིག་ངས་ཀྱང་བསམ་ཚུལ་ཐུང་ཐུང་ཞིག་བཤད་ན་བསམ་བྱུང་།ད་ལོའི་སྤྱི་འཐུས་ནང་ཁུལ་དུ་རྙོག་དྲ་བྱུང་དུས་ཁྱེད་རང་གིས་རྙོག་དྲ་བཟོ་མཁན་དེ་ཚོའི་མགོ་གནོན་པའི་ནུས་པ་ཞིག་མེད་སོང་པ་དེ་མི་དམངས་ཀྱིས་ཤེས་ཟིན་པ་རེད།དེ་འདྲ་སོང་ཙང་ཁྱེད་རང་མ་འོངས་པའི་བཀའ་ཁྲི་ཞིག་་འཇོན་ཨེ་ཡོང་།
སྐུ་འོས་ཚོགས་གཙོ་མཆོག་ལ་བཀྲ་ཤིས་བདེ་ལེགས་ཡོད་
་གཞོན་སྐྱེས་གང་མང་ཞིག་ལ་བཀའ་ཁྲིའི་ཤེས་འཇོན་ཡོད་པ་ཕྱི་གསལ་ནང་གསལ་ཆགས་ཡོད་པ་ནི་དགའ་འོས་པ་དང་བཀྲ་ཤིས་བདེ་ལེགས་རེད་ཡིན་ན་ཡང་ཁྱེད་ལྟ་བུའི་གཞོན་སྐྱེས་རྣམས་ལ་རྒྱལ་ཁ་ཐོབ་བའི་རེ་བ་ཧ་ཅང་ཆུང་གང་ལགས་ཞུ་ན་གཞིས་ཆགས་ཁག་གི་ནང་མི་རྒན་པ་མང་པོ་ཞིག་ལ་འོས་འཕེན་རྒྱུའི་སེམས་ཤུགས་ཡོད་ན་ཡང་འོས་འདེབས་བྱ་ཕྱོགས་ཐད་ཤེས་ཚད་མེད་པ་དེ་རེད་བརྟེན་ན་རྒན་ཁོག་ཞིག་ལ་རྒྱལ་ཁ་ཐོབ་ངེས་རེད་བསམ་།
བཀྲིས་བདེ་ལེགས་ཡོད།
བསྟན་འཇམ་ཟེར་བ་འདི་ཡང་མ་ཚོས་ཚོས་མདོག་དང་མ་ཤེས་ཤེས་མདོག་བྱེད་མཁན་ཞིག་ཡིན་ཐག་ཆོད་རེད་འདུག ཁྱེད་ཀྱི་འོས་གཅིག་པོ་དེ་སུ་ལ་བླུག་མ་བླུག་རང་དབང་རེད་ཀྱང་། མི་དམངས་ཀྱི་འོས་སུ་ལ་བླུགས་མིན་དང་ཚོགས་པ་ཁག་གི་སུ་ལ་རྒྱབ་སྐྱོར་སུ་ལ་བྱེད་ཀྱི་ཡོད་མེད། དུས་སྔ་འཕྱི་བྱུང་ཡོད་མེད་སོགས་བརྒྱ་ཁ་གཅིག་གཅོད་ཀྱིས་བཤད་པ་ནི་ཁྱེད་རང་མ་ཚོས་པའི་རང་རྟགས་ངོ་མ་དེ་རེད་འདོད།
དུས་སྐབས་འདིར་འུ་ཚོས་སྐྱེས་བ་དང་བུད་མེད་གཉིས་ཀྱི་ཐོབ་ཐང་འགྲན་རྩོད་བྱེད་པའི་དུས་བབ་ཞིག་མིན་པར།མི་རིགས་ཀྱི་གནད་དོན་ཐག་གཅོད་བྱེད་པའི་ཤེས་འཇོན་ལྡན་པའི་མི་བུ་ཞིག་བཀའ་ཁྲི་འདེམས་དགོས་པ་གལ་ཆེ།
དེ་རིང་མི་རབས་གསར་བའི་ཆོད་སེམས་དང་།སླད་མེད་པའི་མི་རིགས་ལ་བཅིངས་བའི་ལྷག་བསམ།ད་དུང་མ་འོངས་པའི་མུན་སེལ་སྒྲོན་མེ་ཞིག་འཁྱེར་བཞིན་སྟག་ཤར་གཞོན་ནུ་ཞིག་སླེབས་བྱུང་།
ཚོགས་གཙོ་མཆོག་ལ་བཀྲ་ཤིས་བདེ་ལེགས་ཞུ། ཁྱེད་ལ་རྒྱལ་ཁ་ཐོབ་པར་སྨོན། རྒྱ་རི་ཚང་དང་བཀྲས་མཐོང་ཚང་གི་ཁྱིམ་རྒྱུད་རྙིང་ཁ་རོ་ལང་རྒྱག་པ་ལས་ཚོགས་གཙོ་ལ་རྒྱལ་ཁ་ཐོབ་ན་ཕྱོགས་གང་ཅིའི་ཐལ་ནས་ཡག་པོ་ཡོད་པ་ཡིད་ཆོས་ཡོད།
ཚོགག་གཙོ་མཆོག་བཀའ་ཁྲིའི་འོས་གཞིར་ལངས་པ་དགའ་བསུ་ཡོད།
བཀའ་ཁྲིའི་རྐུབ་སྟེགས་འཐོབ་མི་ཐོབ་ཀྱི་ཆ་ནས་གླེང་ན་ཅུང་ཁག་པོ་རེད་འདུག་བསམ།
སྐུ་ཉིད་ཀྱི་འོས་གཞིར་ལངས་ཆ་རྐྱེན་ཁྱབ་སྒྲོག་ཡང་འཕྱི་དྲག་པས་རེད།
གཅིག་ནས་ད་ལྟ་མི་ཚང་མའི་སེམས་ལ་བློ་བཟང་སེང་གེ་དང་བཀྲིས་མཐོང་ལས་རེ་བ་རྒྱག་ས་ཡག་པོ་རྙིད་མི་འདུག
རྒྱུ་མཚན་ནི་ཁོང་གཉིས་ལ་གཞུང་དང་མ་འབྲེལ་བའི་ཚོགས་པའི་ཁྱབ་སྒྲོག་དང་རྒྱབ་སྐྱོར་ཡང་གང་ཙམ་ཞིག་ཐོབ་འདུག་པས་མི་ཚང་མའི་མིག་ལ་ཤར་བ་དེ་གཉིས་ལས་མི་འདུག་སྙམ །
ང་སྒེར་གྱི་འོས་གཅིག་པོ་དེ་ད་ལྟ་སུ་འཕེན་མི་འཕེན་བསམ་བློ་གཏོང་བའི་སྒང་ཡིན་་། ཡིན་ནའང་། བློ་བཟང་སེང་གེ་ལ་བླུགས་ན་བསམ་ཡོད་ཀྱང་ཁོང་གིས་རྒྱ་རི་སྒྲོལ་མ་དང་ཚོགས་གཙོ་གཉིས་ལས་འགན་བྱེད་ཕྱོགས་ལ་ཁ་གསལ་མེད་པས་ཐེ་ཙོམ་གྱི་གནས་སུ་ལྷག་ཡོད།
ཕྲན་གྱིས་ཚོ་དཔག་བྱེད་སྟངས་ནོར་མེད་ན་ཚོགས་གཙོ་མཆོག་སྔར་བཞིན་ཚོགས་རང་རེད། རྒྱ་རི་སྒྲོལ་མ་བཀའ་ཁྲི་མ་ཐོབ་ཀྱང་བཀའ་བློན་ཅིག་ལ་གཏན་ཁེལ་འདུག
ཞིབ་བཤེར་བྱེད་རྒྱུ་ཟེར་ནས་རང་གིས་གང་བྲིས་ལའང་ཐད་ཀར་ལྟ་མི་ཐུབ་པར་ཡུན་རིང་སྒུགས་དགོས་པ་དེ་སུན་སྤྱད་རེད།
སྤེན་པ་ཚེ་རིང་བཀའ་ཁྲི་བྱས་ན་མི་མང་ཕྱི་རྒྱལ་ལ་གཏོང་ཐུབ་ཟེར་བ་དང་གསར་འབྱོར་ཚོར་ཅིག་བྱེད་རྒྱུ་ཟེར་བ་དེ་ཚོ་བདེན་མིན་གང་ལྟར་ཀྱང་ཟམ་གདོང་སླར་ཡང་བྱོན་པ་འདྲ་ཞིག་ཡིན་ངེས་རེད། ད་་ནི་དབུས་གཙང་མི་མང་གིས་ཞེན་ཁོག་མ་བྱས་ན་ཁྱིམ་ཚང་ཆེན་པོ་གསུམ་དང་འབྲེལ་ཡོད་ཚོར་རེ་བ་མེད་པས་ཚོགས་གཙོ་སྤེན་པ་ཚེ་རིང་དང་བློ་བཟང་སེང་གེ་གཉིས་ཀྱིས་འགྲན་བསྡུར་བྱེད་དགོས་ངེས་རེད།