རྒྱ་གཞུང་གིས་ལྷ་སར་མདོ་དབུས་མཐོ་སྒང་གི་གཏེར་རྫས་རྩད་ཞིབ་བསྔོགས་འདོན་ཐད་ཀྱི་ཚོགས་འདུ་བསྡུས་ཏེ་བོད་ཁུལ་གྱི་ཐོན་འབྱེད་ལས་གཞི་སྔར་ལས་མང་དུ་གཏོང་བ་ལས་ཉུང་འཕྲི་མི་བྱེད་པ་དང་། ཁྲག་ལྡུད་པ་དང་ཁྲག་འཇིབ་དུས་མཉམ་བྱེད་དགོས་པའི་སྲིད་ཇུས་བཏོན་འདུག
ཁྲག་ལྡུད་པ་དང་ཁྲག་འཇིབ་པ།
ཆེད་མཁས་པ་ ༢༠ འདེམས་སྒྲིག་གིས་བོད་ཁུལ་གྱི་གཏེར་ཁུངས་ཐོན་འབྱེད་རྐང་འཛིན་ལས་མི་ ༨༦༠ ལྷག་གསོ་སྐྱོང་བྱེད་བཞིན་པ་དང་། ད་ལྟ་ཆེད་སྦྱོང་ཐོབ་པའི་རྐང་འཛིན་ལས་མི་ ༣༩ བོད་ཁུལ་དུ་ཆེད་གཏོང་བྱ་རྒྱུ། བོད་རང་སྐྱོང་ལྗོངས་ཀྱི་ཆ་ས་ཐོན་ཁུངས་ཚན་པའི་མི་ ༢༦ ཙམ་རྒྱལ་ཁབ་ཀྱི་པུའུ་རིམ་པ་དང་ཁ་གཏད་རོགས་སྐྱོར་ཞིང་ཆེན་ཁག་ཏུ་ཆེད་སྦྱོང་དུ་གཏོང་རྒྱུ། གཞན་ཡང་། རྒྱ་ནག་ས་གཤིས་གཏེར་རྫས་བརྟག་དཔྱད་འབྲེལ་ཡོད་ཚན་པས་བོད་ཁུལ་ཡོངས་སུ་ ༡ བསྡུར་ ༢༥(ཁྲི) ་ས་ཁུལ་རིམ་པའི་ཞིབ་བཤེར་དང་། ༡ བསྡུར་ ༡༠༠ (ཁྲི) ་མཁའ་ཐོག་ཁབ་ལེན་དཔྱད་ཞིབ་ཀྱི་ལས་གཞི་ཡོངས་སུ་གྲུབ་སྟེ། མདོ་དབུས་མཐོ་སྒང་ནི་སའི་གོ་ལའི་དངོས་ཁམས་རྒྱུ་ཆའི་ས་གཤིས་རྨང་གཞི་ཆེས་ཕུན་སུམ་ཚོགས་པའི་ཁུལ་ཡིན་ལ། ད་ལྟ་མདོ་དབུས་མཐོ་སྒང་གི་སྐམ་ས་ཆེན་པོར་ཆེས་ཐོག་མར་ཐོན་འབྱེད་ཚན་རྩལ་མ་ལག་གསར་དུ་ཚུགས་བཞིན་ཡོད་པ་དང་། གངས་ཏི་སེ་དང་། སྤང་གོང་མཚོ། བོད་ཤར་ཁུལ་གྱི་གཙང་གསུམ་ཁུལ། མཚོ་བོད་ལྕགས་ལམ་གྱི་ལམ་རྒྱུད་དང་བོད་ནུབ་བྱང་ཚྭ་མཚོའི་ཁུལ་སོགས་སུ། ཟངས་བསགས་འབོར་ཏུན་ཁྲི་ ༢༠༠ དང་། ཞ་ཉེ་དང་ཏི་ཚའི་བསགས་འབོར་ཏུན་ཁྲི་ ༡༠༠ ། ཀེ་ལྕགས་བསགས་འབོར་ཏུན་ཁྲི་ ༥༠ བཅས་གཏེར་རིགས་སྣ་ཁ་ ༡༡༠ ་དང་། གཏེར་རྫས་ཅན་གྱི་ས་ཁུལ་ ༣༠༠༠ ལ་རྙེད་ཡོད་པ་རེད། དེའི་ཁྲོད་ཀེ་དང་ཟངས་ཀྱི་གཏེར་ཁའི་རྒྱ་ནག་རྒྱལ་ཡོངས་ཀྱི་ཨང་རིམ་ ༡ པོ་དང་། ཏེར་རིགས་སྣ་ཁ་ ༡༢ ཨང་རིམ་ ༥ པ་དང་། གཏེར་རིགས་སྣ་ཁ་ ༡༨ ་ཨང་རིམ་ ༡༠ ་པར་སླེབས་ཡོད་ལ། གཏེར་རྫས་ཐོན་ཁུངས་ཀྱི་མི་མངོན་པའི་རིན་ཐང་ནི་རྒྱ་སྒོར་དུང་ཕྱུར་ ༦༠༠༠ ཡན་ཟིན་ཡོད་ཟེར།
གསར་འགོད་པ། ཚེ་རིང་རྒྱལ།
ཁྲག་ལྡུད་པ་དང་ཁྲག་འཇིབ་པ་དུས་མཉམ་བྱེད་དགོས། ༽༽་ཚིག་འདི་ཀློག་ཚེ་ཚོལ་བ་ཡོད་ཚད་ཟང་ཟིང་དུ་གྱུར་སོང་། སྐྲགནི་ཞིག་རེད
ཚོལ་བ་གཏང་སྙོམས་པ་ཚོ་མངོན་དུ་གྱུར་རེན་ཚོད་དུ་གདའ
རྒྱ་ནག་གིས་ཕྱི་རྒྱལ་ཁབ་༡༧ཁག་ལ་ཚྭ་ཡི་ཚོང་འབྲེལ་བྱེད་ཀྱིན་ཡོད་ལ་ཚྭ་ཡི་གཏེར་ཁ་དེ་བོད་པའི་མཚོ་སྔོན་པོའི་ཉེ་འགྲམ་དུ་ཡོད།
བཙན་བྱོལ་བོད་གཞུང་གི་མགོ་གཙོ་ཚོ། བོད་དེ་ཤ་ཟད་ཀེང་རུས་ལ་ཐུག་དུས་ཁྱེད་ཚོ་གཞི་ནས་བོད་དུ་ལོག་རྒྱུ་ཡིན་པ་འདྲ། དེ་དུས་བོད་ཅེས་ཟུར་དུ་བརྗོད་མ་དགོས་པར་མེས་རྒྱལ་ཁྱིམ་ཚང་ཆེན་པོའི་ནང་མིའི་ཚུལ་གྱིས་ལོག་རྒྱུ་ཡིན་ཤག་རེད། ཁྱེད་ཚོས་བོད་ཅེས་ཟུར་དུ་གླེང་མི་ཐུབ་ན། ཁྱེད་ཚོས་རྒྱ་འདྲེ་ཚོར་སྐྱོན་བརྗོད་བྱེད་མི་ཐུབ་ན། ནམ་ཡང་བརྙས་བཅོས་དང་དཀའ་སྡུག་མྱོང་བཞིན་པའི་བོད་མི་རིགས་ཀྱི་མགྲིན་ཚབ་པ་ཇི་ལྟར་བྱེད་ཀྱི་ཡོད་དམ། ཁྱེད་ཚོར་བོད་དང་བོད་དོན་མི་དགོས་ན་བོད་མི་རིགས་འདི་ཁ་ལ་མ་འཁྱེར་རོགས།
ད་ཡིན་ན་ངའི་ཕ་གཞིས་དྲོད་མོ་ལོ་ངོ་སྟོང་ཕྲག་མང་པོའི་རིང་ཁྲག་དང་རྔུལ་ཆུར་བརྗེས་ནས་སྲུང་སྐྱོབ་བྱས་པ་ངའི་མི་ཐོག་འདིའི་སྒང་ཕ་ས་ཤོར་བ་མ་ཟད་ཕ་གཞིས་སྟོང་པར་བཟོས་སོང་།
བོད་མི་སྤྱིའི་བསོད་ནམས་མ་བསག་ན་རྒྱ་གཞུང་གིས་གཏེར་རྫས་བཏོན་ངེས་རེད། ཡང་བོད་ལ་ས་ཡོམ་དང་ཆུ་ལོག་ཡོང་ངེས་ཡིན། དེའི་སྐབས་ཡང་སྔོན་བསག་གི་ལས་རེད་ཅེས་གླེང་དགོས་རྒྱུ་རེད། དེང་དུས་ངན་སྙིགས་མ་ལྔ་བདོ་ཡིན་སྟབས། རྒྱུ་གཞན་གྱིས་བསག་ན་ཡང་འབྲས་བུ་ང་ཚོར་སྨིན་རྒྱུ་རེད།
ཨོ བཤད་རྒྱུ་ཅིག་ལ་གཟའ་ཉི་མར་ཡང་གསར་འགྱུར་རེ་གཉིས་བཏུས་ནས་སྤེལ་གྱིན་པ་འདི་ནི་དུས་བབ་ཚང་གི་ཡར་རྒྱས་ཅིག་རེད་མོད། ད་རུང་ཆ་སྙོམས་བྱས་ན་གསར་འགོད་པ་གཅིག་གིས་ཉིན་རེར་གསར་འགྱུར་གཅིག་ཙམ་ཡང་འགོད་ཀྱིན་མེད་པའི་དུས་བབ་ཚང་གི་གསར་འགོད་པ་འདི་ཚོ་ཡང་ཅི་འདྲའི་སྒྱིད་ལུག་ཏག་ཏག་རེད་ཨང་།
ཟམ་གདོང་ཚང་གཙོ་བྱས་པའི་བཙན་བྱོལ་སྲིད་གཞུང་གིས་ཕུག་བསམ་རིང་ལུགས་ཀྱི་འཚེ་མེད་ཞི་བའི་འཐབ་རྩོད་རྒྱུན་མཐུད་དེ་དུས་འདས་པར་བྱས་དང་། བོད་ཀྱི་ཁྲག་འཇིབ་ནས་ཚར་ནས་ཤ་དང་རུས་པ་ཁོ་ན་ལུས་དུས་རྒྱལ་ཁབ་ཐོབ་ངེས་ཡིན།
་་་་་། གཏེར་རྫས་ཐོན་ཁུངས་ཀྱི་མི་མངོན་པའི་རིན་ཐང་ནི་རྒྱ་སྒོར་དུང་ཕྱུར་ ༦༠༠༠ ཡན་ཟིན་ཡོད་ཟེར།