བཙན་ བྱོལ་དུ་ཡོད་པའི་བོད་རིགས་གཞོན་སྐྱེས་མང་པོ་ཞིག་གིས་ང་ལ་ཁྱོད་ཀྱི་ལྟ་བ་ རང་བཙན་ཡིན་ནམ་དབུ་མའི་ལམ་ཡིན་ཞེས་དྲི་བ་འདོན་གྱི་འདུག དེས་ཤུགས་ཀྱིས་ང་ཚོའི་སྤྱི་ཚོགས་ནང་བོད་ཀྱི་གནད་དོན་སེལ་ཐབས་བྱེད་རྒྱུའི་ ཐད་འགལ་བ་ཞིག་ཡོད་པ་གསལ་པོར་མཚོན་གྱི་ཡོད། འདྲི་བ་འདིར་ངས་ལན་འདི་འདྲ་ཞིག་རྒྱག་གི་ཡོད། ངའི་ལྟ་བ་ནི་རང་བཙན་ཡང་མིན་ལ་དབུ་མའི་ལམ་ཡང་མིན། ངའི་ལྟ་སྤྱོད་གཉིས་ནི་བཙན་བྱོལ་རེད། གློ་བུར་དུ་བལྟས་ན་ལན་འདི་ཡ་མཚན་ཅན་ཞིག་ཏུ་མཐོང་སྲིད། ཡིན་ནའང་འདི་དངོས་ཡོད་གནས་སྟངས་ཞིག་ཡིན་པ་རེད། ད་ལྟའི་ཆར་དངོས་ཡོད་གནས་ཚུལ་ནི་ང་ལ་རང་བཙན་གྱི་གདམ་ག་མེད་ལ་རང་སྐྱོང་གི་ གདམ་ག་ཡང་མེད། ང་ལ་གདམ་ག་གཅིག་ཡོད་པ་དེ་ནི་མུ་མཐུད་དེབ་གསེར་པོ་འཁྱེར་ཏེ་བཙན་བྱོལ་བྱེད་ རྒྱུའམ་ཡང་ན་རང་དབང་ཅན་གྱི་རྒྱལ་ཁབ་ཨ་རི་ལྟ་བུ་ཞིག་གི་མི་སེར་བྱེད་རྒྱུ་དེ་ ཡིན་པ་རེད།
སྤྱིར་ རང་བཙན་དང་རང་སྐྱོང་གཉིས་ཀ་བོད་མིའི་བསྒྲུབ་བྱའམ་མ་འོངས་མངོན་འདོད་ཅིག་ཡིན་ ཅིང་། མདོར་བསྡུས་ན་དེ་གཉིས་ཀ་བོད་རིགས་གཞིས་བྱེས་མཉམ་འཛོམས་ཡོང་རྒྱུའི་དམིགས་ ཡུལ་ཙམ་ཞིག་རེད། དམིགས་ཡུལ་དེ་གཉིས་ནས་གང་རུང་ཞིག་བསྒྲུབ་པར་གནས་སྟངས་མང་པོ་ཞིག་ལ་རག་ལུས་ ཀྱི་ཡོད་པ་རེད། གང་ལྟར་བོད་ཀྱི་གནད་དོན་འདི་ནི་བོད་མི་རིགས་ཀྱི་ལས་དབང་དང་འབྲེལ་བའི་གནད་ དོན་རྐྱང་པ་ཞིག་མིན་ལ། གནད་དོན་འདིའི་ཐད་སྟོབ་ཆེན་རྒྱལ་ཁབ་མང་པོ་ཞིག་གི་ཆབ་སྲིད། དཔལ་འབྱོར། དེ་བཞིན་སྲུང་སྐྱོབ་ཁེ་ཕན་སོགས་དང་འབྲེལ་བ་གཏིང་ཟབ་ཡོད་པ་ཞིག་རེད། བོད་ཀྱི་ལས་དབང་ནི་རྒྱ་ནག་དང་རྒྱ་གར་ཨ་རི་སྟོབས་ཆེན་རྒྱལ་སོགས་ཀྱི་དབར་ འབྲེལ་ལམ་འཕེལ་རྒྱས་ཇི་བྱུང་དང་འབྲེལ་བ་ཟབ་པོ་ཡོད་པ་ཞིག་ཡིན་པ་ནི་སྨོས་མི་ དགོས།
ད་ ལྟའི་ཆར་ཨ་རི་དང་རྒྱ་ནག་གཉིས་ཀྱི་དབར་མང་གཙོ་དང་འགྲོ་བ་མིའི་ཐོབ་ཐང་གནད་ དོན་ཐད་མི་མཐུན་ཕྱོགས་མང་པོ་ཡོད་ནའང་རྒྱལ་ཁབ་གཉིས་ཀྱི་དཔལ་འབྱོར་གཅིག་ལ་ གཅིག་རྟེན་དུ་གནས་ཡོད་པ་རེད། ཨ་རིའི་ཚོང་བདག་མང་པོ་ཞིག་གིས་རྒྱ་ནག་གི་ལས་མི་རིན་གོང་དམའ་པོ་ཡོད་པ་དེ་ བེད་སྤྱད་ཀྱིས་རྒྱ་ནག་ནང་མ་འཛུགས་ཤུགས་ཆེ་བྱེད་བཞིན་ཡོད། དེ་རྐྱེན་པས་ཚོང་ཟོག་རྣམས་རིན་གོང་དམའ་པོར་བཟོ་སྐྲུན་གྱིས་ཚོང་བདག་དང་། ཚོང་ཟོག་ཉོ་སྒྲུབ་བྱེད་མཁན་གྱི་ཨ་རིའི་མི་སེར་རྣམས་ལ་ཁེ་ཕན་ཤུགས་ཆེ་རག་གི་ ཡོད་པ་རེད། ལྷག་པར་དུ་ད་ལྟའི་ཆར་ཨ་རིའི་དཔལ་འབྱོར་ཉམས་རྒུད་འགྲོ་བཞིན་པ་དང་། བྱང་ཀོ་རི་ཡའི་རྡུལ་ཕྲན་མཚོན་ཆའི་དཀའ་རྙོག་སེལ་རྒྱུའི་ཐད་ཨ་རིར་རྒྱ་ནག་གི་ རོགས་རམ་དགོས་ཀྱི་ཡོད་སྟབས་བོད་དོན་ཐོག་ཨ་རི་གཞུང་ནས་རྒྱབ་སྐྱོར་གྱི་རྣམ་པ་ ཤུགས་ཆུང་དུ་བཏོན་དགོས་ཀྱི་ཡོད། དཔེར་ན་སྲིད་འཛིན་ཨོ་སྦ་མས་ན་ནིང་རྒྱ་ནག་ཏུ་གཟིགས་སྐོར་མ་བསྐྱོད་གོང་བོད་ རྒྱ་ནག་གི་ཆ་ཤས་རེད་ཅེས་བརྗོད་པ་དང་གོང་ས་མཆོག་ཨ་རིའི་རྒྱལ་ས་ཝ་ཤིང་ཏོན་དུ་ ཡོད་སྐབས་མཇལ་འཕྲད་མི་གནང་རྒྱུའི་ཐག་གཅོད་གནང་བ་དེ་ཚོས་ད་ལྟའི་ཆར་རྒྱ་ནག་ འདི་ཨ་རིར་དགོས་མཁོ་ཡོད་པ་གསལ་པོར་མཐོང་ཐུབ།
སྤྱིར་ ཨ་རི་གཞུང་གིས་བོད་རྒྱ་ནག་གི་ཆ་ཤས་ཡིན་པར་ངོས་འཛིན་བྱེད་ཀྱི་ཡ ོད་ནའང་། ཞོར་དུ་བོད་མི་རིགས་ཀྱི་མཐུན་མོང་མིན་པའི་ཆོས་དང་རིག་གཞུང་། སྐད་ཡིག་གོམས་གཤིས་སོགས་མི་ཉམས་རྒྱུན་འཛིན་ཡོང་རྒྱུའི་སྲིད་བྱུས་ཤིག་གཏན་ འབེབས་བྱེད་ཀྱི་ཡོད། འདིས་བོད་ཀྱི་གནད་དོན་འདི་ཨ་རིས་བློས་གཏོང་མེད་པ་གསལ་པོར་མཚོན་ཐུབ། མདོར་ན་ཨ་རིའི་གཞུང་ནས་རྒྱལ་བ་རིན་པོ་ཆེའི་སྐུ་ཚབ་ཚོགས་མི་རྣམ་པ་དང་། རྒྱ་ནག་གཞུང་དབར་གྲོས་མོལ་ཡོང་རྒྱུའི་སྐུལ་འདེད་མུ་མཐུད་བྱེད་དེ་བོད་ལ་ཚད་ མཐོའི་རང་སྐྱོང་ཞིག་འཐོབ་རྒྱུའི་སྲིད་བྱུས་ལག་བསྟར་བྱེད་བཞིན་ཡོད། ཡིན་ནའང་ད་ལྟའི་ཆར་སྲིད་བྱུས་འདི་ལམ་ལྷོང་བྱུང་མེད། དེའི་རྒྱུ་རྐྱེན་གཙོ་བོ་ནི་རྒྱ་ནག་གི་འཁྲེགས་བཟུང་སྲིད་བྱུས་ལ་ཐུག་ཡོད།
ཉེ་ ཆར་ལྷོ་ཕྱོགས་གཞིས་ཆགས་སྦེལ་ཀོབ་ཏུ་གོང་ས་སྐྱབས་མགོན་ཆེན་པོས་བོད་ཀྱི་གཞོན་ ནུ་ལྷན་ཚོགས་ཀྱིས་རང་བཙན་རྩོད་བཞིན་ཡོད་པ་དེ་བོད་མི་རིགས་ཀྱི་ཐོབ་ཐང་རྩོད་ ཀྱི་ཡོད་པ་རེད་དེ་ང་ཚོས་དབུ་མའི་ལམ་གྱི་ཐོག་ནས་བོད་ལ་ཚད་མཐོའི་རང་སྐྱོང་ རྩོད་ཀྱི་ཡོད་པ་དེ་དངོས་ཡོད་ཆབ་སྲིད་ག ནས་སྟངས་དང་མཐུན་གྱི་ཡོད་པ་རེད་ཅེས་གསུངས་ཡོད། བཀའ་མོལ་དེ་ནི་ད་ལྟའི་ཆར་བདེན་པ་ཞིག་ཡིན་ཏེ། བོད་རང་བཙན་ལ་ཨ་རི་དང་རྒྱ་གར་གཙོས་རྒྱལ་ཁབ་སུ་ཞིག་གིས་ཀྱང་རྒྱབ་སྐྱོར་བྱེད་ ཀྱི་མེད། གོང་དུ་བཤད་པ་བཞིན་སྟོབས་ཆེན་རྒྱལ་ཁབ་དེ་ཚོས་བོད་རྒྱ་ནག་གི་ཆ་ཤས་སུ་ངོས་ འཛིན་གྱིས་བོད་ཀྱི་ཐུན་མོང་མ་ཡིན་པའི་ཆོས་དང་རིག་གཞུང་། སྐད་ཡིག་གོམས་གཤིས་སོགས་སྲུང་སྐྱོབས་ཏེ། མདོར་ན་བོད་ལ་ཚད་མཐོའི་རང་སྐྱོང་ཡོང་བའི་སྐྱབས་སྐྱོར་དངོས་ཤུགས་རྒྱུད་གསུམ་ ནས་བྱེད་ཀྱི་ཡོད།
ཡིན་ ནའང་ང་ཚོས་ཤེས་དགོས་པ་ཞིག་ལ་སྲིད་བྱུས་ཞེས་པ་དེ་འགྱུར་བའི་རང་བཞིན་ཞིག་ཡིན་ ཅིང་། དེ་ནི་རྟག་པ་ཞིག་ག་ལ་ཡིན། དཔེར་ན་ད་ལྟའི་ཆར་རྒྱ་གར་དང་ཨ་རི་གཉིས་ནས་བོད་ལ་རང་སྐྱོང་མ་གཏོགས་རང་བཙན་ གྱི་རྒྱབ་སྐྱོར་བྱེད་ཀྱི་མེད་པ་དེ་བདེན་ཞིང་། འོན་ཀྱང་མ་འོངས་སྲིད་བྱུས་འདི་རང་གར་གནས་སྲིད་ལ། དེར་འགྱུར་ལྡོག་གིས་བོད་ལ་རང་ཐག་རང་གཅོད་དམ་རང་བཙན་གྱི་རྒྱབ་སྐྱོར་བྱེད་ པའི་སྲིད་བྱུས་ཤིག་ཀྱང་གཏན་འབེབས་བྱེད་མི་སྲིད་པ་ཞིག་མིན། གཙོ་བོ་འགྱུར་བ་གང་འདྲ་ཞིག་འགྲོ་མིན་ནི་གོང་དུ་བརྗོད་པ་ལྟར་ཨ་རི་དང་རྒྱ་གར་ དེ་བཞིན་རྒྱ་ནག་དབར་གྱི་འབྲེལ་ལམ་འཕེལ་ཕྱོགས་ལ་རག་ལུས་པ་ཞིག་རེད།
དཔེར་ ན་ཨ་རི་དང་རྒྱ་གར་གྱིས་བོད་ཐོག་འཛིན་པའི་སྲིད་བྱུས་ཀྱི་འདས་པའི་ལོ་རྒྱུས་ལ་ ཞིབ་ལྟ་བྱེད་ན་ང་ཚོར་ལེགས་བྱ་མང་པོ་ཞིག་རག་རྒྱུ་ཡོད། ཕྱི་ལོ་ ༡༩༥༩།༥༠ སྐབས་བོད་གཞུང་གྱིས་ཞུ་གཏུགས་ཇི་ལྟར་བྱས་ཀྱང་རྒྱ་གར་གྱི་སྲིད་འཛིན་ནེ་རུས་ བོད་རང་བཙན་གྱི་རྒྱབ་སྐྱོར་གནང་མེད་མོད། བོད་ལ་གྲོས་མཐུན་དོན་ཚན་བཅུ་བདུན་གྱི་གནས་བབ་འོག་རང་སྐྱོང་ཡོང་རྒྱུའི་རྒྱབ་ སྐྱོར་གནང་བ་མ་ཟད། གྲོས་མཐུན་དེ་དག་ལྷག་བསམ་རྣམ་དག་གིས་རྒྱ་ནག་གཞུང་ནས་ལག་བསྟར་བྱ་དགོས་ཞེས་ སྲིད་བློན་ཀྲའོ་ཨེན་ལེར་ཐད་ཀར་བརྗོད་ཡོད་པ་རེད། ཡིན་ནའང་སྐབས་དེར་ཨ་རིས་བོད་ལ་རང་ཐག་རང་གཅོད་ཀྱི་སྐྱབས་སྐྱོར་བྱས་ཡོད། དེའི་རྒྱུ་རྐྱེན་གཙོ་བོ་ནི་སྐབས་དེར་ཨ་རིའི་སྲིད་བྱུས་གཙོ་བོ་ནི་ཨུ་རུ་ མཚོན་པས་དམར་པོའི་རྒྱལ་ཁབ་རྒྱ་ནག་སོགས་ཁ་གཏད་གཅོག་རྒྱུ་ཡིན་པས་ཡིན།
སྐབས་ དེར་རྒྱ་གར་གཞུང་གིས་བོད་རྒྱ་ནག་གི་ཆ་ཤས་སུ་ངོས་འཛིན་དང་། རྒྱ་ནག་དམར་པོའི་གཞུང་འདི་རྒྱ་ནག་མི་དམངས་ཀྱི་སྐུ་ཚབ་ངོ་མ་ཡིན་པ་སོགས་ཀྱི་ རྒྱབ་སྐྱོར་མང་པོ་བྱས་ཡོད། དེའི་རྒྱུ་རྐྱེན་གཙོ་བོ་ནི་སྲིད་བློན་ནེ་རུས་རྒྱ་དཀར་ནག་གཉིས་ཀར་བཙན་རྒྱལ་ རིང་ལུགས་ཀྱི་ཉམས་མྱོང་གཅིག་མཚུངས་ཡོད་སྟབས་ཕྱོགས་གཉིས་བར་རང་བཞིན་གྱིས་ སྐྱིད་སྡུག་ཉམས་མྱོང་བརྗེད་རེས་ཀྱིས་ཨེ་ཤའི་མཐུན་སྒྲིལ་ཞིག་ཏུ་འགྱུར་རྒྱའི་ རེ་བ་བཅངས་ཡོད། ཡིན་ནའང་ཕྱི་ལོ་ ༡༩༦༢ ལོར་རྒྱ་གུང་བྲན་གྱིས་རྒྱ་གར་ལ་བཙན་འཛུལ་བྱས་པ་དེས་ནེ་རུའི་དམིགས་ཡུལ་དང་ རེ་བ་ཡོང་རྫོགས་དམར་གསོད་ཀྱིས་རྒྱ་དཀར་ནག་གི་བུ་སྤུན་གྱི་འབྲེལ་བར་འགྱུར་ ལྡོག་གིས་གཅིག་གིས་གཅིག་ལ་དགྲ་བོར་ངོས་འཛིན་བྱེད་འགོ་འཚུགས་པ་རེད།
འགྱུར་ ལྡོག་དེ་འདྲ་བྱུང་བར་བརྟེན་རྒྱ་གར་གྱིས་བོད་ཐོག་འཛིན་པའི་སྲིད་བྱུས་ལའང་ འགྱུར་བ་ཤུགས་ཆེ་ཕྱིན་ཡོད་ཅིང་། དེའི་མཚོན་དོན་གཙོ་བོ་ནི་ཕྱི་ལོ་ ༡༩༦༥ ལོར་ཐེངས་དང་པོར་རྒྱ་གར་གྱིས་བོད་ཀྱི་གནད་དོན་ཐོག་མཉམ་འབྲེལ་རྒྱལ་ཚོགས་ ཀྱིས་བཞག་པའི་གྲོས་ཆོད་ལ་རྒྱབ་སྐྱོར་བྱས་ཡོད་པ་མ་ཟད། སྲིད་བློན་ཤ་སྟྲི་མཆོག་ནས་བཙན་བྱོལ་བོད་གཞུང་ལ་རྒྱ་གར་གཞུང་ནས་ཁྲིམས་མཐུན་ ངོས་འཛིན་གནང་རྒྱུའི་ཐག་གཅོད་གནང་ཡོད། འོན་ཀྱང་བློ་ཕམ་པ་ཞིག་ལ་སྲིད་བློན་ཤ་སྟྲི་མཆོག་གློ་བུར་དུ་འདས་གྲོངས་སུ་ ཕྱིན་ནས་སྲིད་བྱུས་དེ་ལམ་ལྷོང་བྱུང་མེད།
དེ་ བཞིན་ཨ་རིའི་གྲོས་ཚོགས་ནས་ཀྱང་བོད་ཆོལ་གསུམ་ཡོངས་རྫོགས་རྒྱ་ནག་མི་དམངས་ སྤྱི་མཐུན་རྒྱལ་ཁབ་ཀྱིས་བཙན་འོག་ཏུ་ཡིན་པ་དང་། གོང་ས་མཆོག་གིས་སྣེ་འཁྲིད་པའི་བཙན་བྱོལ་བོད་གཞུང་དེ་བོད་མི་མང་གི་སྐུ་ཚབ་ ངོ་མ་ཡིན་པའི་གྲོས་ཆོད་གཅིག་བཞག་ཡོད་པ་རེད། དེས་ག་རེ་བཏོན་གྱི་ཡོད་ཅེ་ན། ཨ་རིའི་མང་ཚོགས་ནས་བོད་རང་བཙན་ལ་རྒྱབ་སྐྱོར་ཡོད་པ་དང་ཨ་རིའི་གཞུང་ནས་བོད་ ཐོག་འཛིན་པའི་སྲིད་བྱུས་དེ་མཁྲེགས་བཟུང་ཞིག་མིན་པར་འགྱུར་བའི་རང་བཞིན་ཞིག་ ཡིན་པ་དེ་རེད། མདོར་ན་ཨ་རི་གཞུང་ནས་དེ་རིང་བོད་རང་སྐྱོང་ལ་རྒྱབ་སྐྱོར་ཡོད་ནའང་མ་འོངས་་ བོད་ལ་རང་ཐག་རང་གཅོད་དམ་རང་བཙན་གྱི་རྒྱབ་སྐྱོད་བྱེད་སྲིད་པ་དེ་རེད།
ཨ་ རིའི་གཞུང་གིས་རྒྱལ་སྤྱིའི་ཐོག་སྲིད་བྱུས་འཛིན་པའི་དམིགས་ཡུལ་གཙོ་བོ་ནི་ཨ་ རི་རྒྱལ་ཁབ་དེ་མུ་མཐུད་འཛམ་གླིང་གི་སྟོབས་ཆེན་རྒྱལ་ཁབ་ཆེ་ཤོས་སུ་གནས་རྒྱུ་ དེ་རེད། ད་ལྟའི་ཆར་ཨ་རིའི་ནང་མ་འོངས་རྒྱ་ནག་དེ་ཨ་རིའི་སྟོབས་ཤུགས་ལ་ཉེན་ཁ་བསྐྲུན་ སྲིད་པའི་དོགས་པ་བྱེད་མཁན་ཇེ་མང་དུ་འགྲོ་གི་ཡོད། ཉེན་ཁ་དེ་དག་གདོང་ལེན་བྱེད་པར་ཨ་རིའི་གཞུང་ནས་རྒྱ་ནག་དང་སྙིང་ཉེ་པོ་མེད་ པའི་རྒྱལ་ཁབ་རྒྱ་གར་དང་ཝི་ཏི་ནམ་སོགས་དང་འབྲེལ་ལམ་དམ་ཟབ་འཛུགས་གི་ཡོད། དཔེར་ན་ཨ་རིའི་གཞུང་ནས་རྒྱ་གར་དང་ཝི་ཏི་ནམ་གཉིས་ཀར་རྡུལ་ཕྲན་འཁྲུལ་ཆས་ཀྱི་ རྒྱབ་སྐྱོར་བྱེད་བཞིན་པ་དེས་རྒྱ་ནག་གི་སྟོབས་ཤུགས་འཕེལ་རྒྱས་འགྲོ་བཞིན་པ་ དེར་བཀག་རྒྱ་བྱེད་པའི་སྲིད་བྱུས་ཤིག་རེད་ཅེས་བརྗོད་ན་མི་འགྲིགས་པ་མེད་སྙ།
དམག་ ཆེན་གཉིས་པའི་རྗེས་ཨ་རི་དང་ཨུ་རུ་སུ་གཉིས་བར་གྲང་དམག་བྱུང་ཞིང་། སྐབས་དེར་ཨ་རིའི་སྟོབས་ཤུགས་ལ་ཨུ་རུ་སུས་ཉེན་ཁ་ཚད་མེད་བསྐྲུན་ཡོད། དེར་བརྟེན་ཨ་རིའི་དམིགས་ཡུལ་དང་སྲིད་བྱུས་ཡོངས་རྫོགས་ཨུ་རུ་སུའི་དམར་པོའི་ ཕྱོགས་ཁག་རྩ་མེད་གཏོང་རྒྱུར་ཟིན་པ་རེད། རྒྱུ་མཚན་དེར་བརྟེན་ཨ་རིའི་གཞུང་ནས་སྐབས་དེར་བོད་ལ་རང་ཐག་རང་གཅོད་ཀྱི་ཐོབ་ ཐང་ལ་རྒྱབ་སྐྱོར་དང་དེ་བཞིན་བོད་ལ་དྲག་པོའི་རོག་རམ་ཡང་སྤྲད་ཡོད་པ་རེད། ཡིན་ནའང་ཕྱི་ལོ་ ༡༩༧༨ ལོར་ཨ་རི་དང་རྒྱ་གུང་བྲན་དབར་འབྲེལ་ལམ་བསྐྱར་གསོ་བྱས་པར་བརྟེན་ཨ་རི་གཞུང་ ནས་བོད་ལ་དྲག་པོའི་རོགས་རམ་དེ་མཚམས་འཇོགས་བྱས་ཡོད། ཡིན་ནའང་ཨ་རིས་བོད་ལ་ཞི་བའི་རོགས་སྐྱོར་མུ་མཐུད་བྱས་ཡོད། སྐབས་དེར་ཨ་རིས་རྒྱ་གུང་བྲན་ཏང་མཉམ་གྲོགས་འབྲེལ་བྱེད་རྒྱུའི་དམིགས་ཡུལ་གཙོ་ བོ་ནི་ཨུ་རུ་སུའི་སྟོབས་ཤུགས་ཁ་གཏད་གཅོག་རྒྱུའི་ཆེད་དུ་རེད། གང་ལྟར་ཨ་རིས་ཨུ་རུ་སུའི་ཉེན་ཁ་དེ་མཐའ་མ་མེད་པར་བཟོས་ཏེ་སླར་ཡང་འཛམ་གླིང་ ནང་འགྲན་ཟླ་བྲལ་བའི་སྟོབས་ཆེན་རྒྱལ་ཁབ་ཅིག་ཏུ་གནས་ཐུབ་པ་བཟོས་ཡོད།
ཨ་ རིས་གུང་བྲན་ཏང་དང་ལག་འབྲེལ་གྱིས་ཨུ་རུ་སུའི་སྟོབས་ཤུགས་རྩ་མེད་བཏང་བ་དེ་ ནས་ང་ཚོར་ལེགས་བྱ་ཞིག་ལེན་རྒྱུ་ཡོད་ལ། གོང་དུ་བརྗོད་པ་བཞིན་ཨ་རིའི་ནང་སྣེ་ཡོད་མི་སྣ་མང་པོ་ཞིག་གིས་མ་འོངས་རྒྱ་ནག་ དེ་བཞིན་དེ་སྔའི་ཨུ་རུ་སུ་ནང་བཞིན་སྟོབས་ལྡན་རྒྱལ་ཁབ་ཅིག་ཏུ་འགྱུར་ཏེ་ཨ་ རིར་ཉེན་ཁ་བསྐྲུན་སྲིད་པའི་དོགས་པ་དང་དཔྱད་ཞིབ་མང་པོ་བྱེད་བཞིན་ཡོད། གལ་ཏེ་དངོས་གནས་དེ་འདྲ་ཞིག་བྱུང་ན་ཨ་རིས་བོད་ཐོག་འཛིན་པའི་ད་ལྟའི་སྲིད་ བྱུས་དེར་འགྱུར་ལྡོག་གིས་བོད་ལ་དངོས་ཤུགས་རྒྱུད་གསུམ་ནས་རང་ཐག་རང་གཅོད་དམ་ རང་བཙན་གྱིས་རྒྱབ་སྐྱོར་བྱེད་དེ་རྒྱ་ནག་གི་སྟོབས་ཤུགས་ལ་དོ་ཕོག་གཏོང་རྒྱུ་ ཡིན་པ་ཐེ་ཚོམ་མེད།
གཙོ་བོ་མུ་མཐུད་དཔལ་འབྱོར་སྟོབས་ཤུགས་འཕེལ་རྒྱས་འགྲོ་བཞིན་པའི་ རྒྱ་ནག་འདི་བཞིན་མ་འོངས་ཁ་ཕྱོགས་གང་འདྲ་ཞིག་ཏུ་འགྲོ་རྒྱུ་ཡིན་པ་དང་དེས་ཨ་ རིའི་སྟོབས་ཤུགས་ལ་ཉེན་ཁ་བསྐྲུན་མིན་དེ་དང་ཨ་རིས་བོད་ཐོག་འཛིན་པའི་སྲིད་ བྱུས་ལ་འབྲེལ་བ་ཐད་ཀར་ཡོད། གལ་ཏེ་རྒྱ་ནག་འདི་བཞིན་གུང་བྲན་ཏང་གི་བརྗོད་པ་བཞིན་ཞི་བའི་སྒོ་ནས་ཡར་རྒྱས་ ཏེ་རྒྱ་ནག་དམག་ཆེན་གཉིས་པའི་རྗེས་ཀྱི་ཉེ་ཧོང་ལྟར་དཔལ་འབྱོར་ཡར་རྒྱས་དང་ སྟབས་བསྟུན་ཆབ་སྲིད་དམངས་གཙོའི་རང་དབང་ལའང་ཡར་རྒྱས་གཏོང་ན་ཨ་རིས་ད་ལྟའི་ཆར་ འཛིན་བཞིན་པའི་བོད་ཀྱི་སྲིད་བྱུས་ཏེ་བོད་ལ་ཚད་མཐོའི་རང་སྐྱོང་ཡོང་བའི་ སྐྱབས་སྐྱོར་བྱེད་རྒྱུ་ཡིན། འོན་ཀྱང་རྒྱ་གུང་བྲན་ཏང་གིས་རྒྱ་ནག་གི་དཔལ་འབྱོར་དང་དམག་དོན་ཁོ་ནར་རྒྱ་ བསྐྱེད་གཏོང་རྒྱུ་ལས་ཆབ་སྲིད་རང་དབང་དང་དམངས་གཙོར་རྡོག་རོལ་མུ་མཐུད་གཏོང་ ཚེ་རྒྱ་ནག་མི་དམངས་སྤྱི་མཐུན་རྒྱལ་ཁབ་དེས་ཨ་རིར་ཉེན་ཁ་བཟོ་རྒྱུ་ཡིན་ན་ཨ་ རིས་དེ་དག་གདོང་ལེན་བྱེད་ཆེད་རྒྱ་གར་གྱི་དམག་དོན་དང་དཔལ་འབྱོར་ལ་རྒྱབ་ སྐྱོར་དང་བོད་རང་བཙན་ལ་རྒྱབ་སྐྱོར་བྱེད་རྒྱུ་ཡིན་པ ་ཐེ་ཚོམ་མེད།
དེར་བརྟེན་ང་ཚོ་བོད་མིའི་ངོས་ནས་བོད་ཀྱི་ཙ་དོན་ཐོག་ འཛིན་པའི་སྲིད་བྱུས་དང་ལྟ་བ་རྣམས་འཁྲེགས་བཟུང་མིན་པར་གུ་ཡངས་སམ་དབྱིན་ཇིའི་ ནང་བརྗོད་པ་བཞིན་ flexible དགོས་པ་མ་ཟད་བོད་ཀྱི་རང་དབང་འཐབ་རྩོད་ཐད་རྒྱ་གར་དང་ཨ་རི་སོགས་སྟོབས་ཆེན་ རྒྱལ་ཁབ་ཀྱི་དཔལ་འབྱོར་དང་ཆབ་སྲིད་ཁེ་ཕན་སོགས་དང་འབྲེལ་བ་གཏིང་ཟབ་ཡོད་པ་དེ་ ཤེས་པར་བྱེད་དགོས། གལ་ཏེ་དེ་འདྲ་ཤེས་ཚེ་བཙན་བྱོལ་ནང་རང་བཙན་དང་དབུ་མའི་ལམ་མམ་རང་སྐྱོང་གི་ གཞོང་པ་སྟོང་པའི་གཞོང་འཛིང་འདི་འཚམ་འཇོག་གིས་ཕྱོགས་གཉིས་དབར་མཐུན་སྒྲིལ་དང་ གཅིག་སྒྲིལ་བརྟན་པོ་ཞིག་ཡོང་ཐུབ།།
གང་ ལྟར་ད་ལྟའི་དངོས་ཡོད་གནས་སྟངས་ནི་ང་ལ་བོད་རང་བཙན་ཡང་མེད་ལ། ཚད་མཐོའི་རང་སྐྱོང་ཡང་མེད། ང་ལ་གནས་བབ་གཅིག་ཡོད་པ་དེ་ནི་བཙན་བྱོལ་བྱེད་རྒྱུ་དེ་རེད། གལ་ཏེ་མ་འོངས་བོད་ལ་རང་བཙན་འཐོབ་ནའང་ཕྱིར་ལོག་བྱེད་རྒྱུ་ཡིན་ལ། ཚད་མཐོའི་རང་སྐྱོང་ཐོབ་ནའང་ཕྱིར་ལོག་བྱེད་རྒྱུ་ཡིན། གནས་བབ་དེ་གཉིས་ནས་གང་འདྲ་ཞིག་འཐོབ་མིན་ནི་རྒྱ་ནག་དང་རྒྱ་གར་དེ་བཞིན་ནུབ་ ཕྱོགས་སྟོབས་ཆེན་རྒྱལ་ཁབ་ཨ་རིས་རྣམས་ཀྱི་དབར་དཔལ་འབྱོར་དང་ཆབ་སྲིད་འཐབ་ བྱུས་འབྲེལ་ལམ་གྱི་འགྱུར་ལྡོག་ལ་རག་ལུས་པ་ཡིན།།
རྣམ་དཔྱོད་དང་ཤེས་རབ་ལྡན་པའི་དྲ་གྲོགས་སྡེ་དགེ་བ་འཇིགས་མེད་ཡེ་ཤེས་བློ་གྲོས་དང་རྨེའུ་དཀོན་རྒྱམ་ལགས་རྣམ་གཉིས་ཁམས་བཟང།
ཁྱེད་རྣམ་པ་གཉིས་དྲ་ཐོག་ཕེབས་ཡོང་རྒྱུ་མི་འདུག་པས་ང་ཅོ་རི་སེམས་པ་སྐྱོ་ཙམ་ཡོང་གི་འདུག་ལགས།
ཁྱེད་རྣམ་པ་གཉིས་སྤྱི་དོན་གླེང་ཡ་ཉམ་སོང་ངམ། འོན་ན་གྲུབ་འབྲས་མི་འདུག་བསམ་པས་ཡིན་ནམ།
ལུང་རིག་རྒྱལ་ལགས་ཁམས་བཟང་་་་་་ཁྱེད་ཡང་གོ་རྒྱུ་མེད་མཁན་འདྲ་ཞིག་ཆགས་སོང་ད། དེ་འདྲ་གནང་མི་ཉན་ཨ། བཀའ་ཁྲིས་ང་ཚོ་ལ་བཀའ་རྒྱ་བཏང་བ་ནི་ཕ་མས་ཕྲུ་གུ་ལ་བཀའ་རྒྱ་བཏང་བ་བཞིན་རེད་སྙམ། ང་ནི་སེམས་པ་དགའ་ནས་བསྡད་ཡོད། གོ་དགོས་མཁན་དེའི་གོ་འདུག་བསམ་ནས།
ཁྱེད་ཚོ་གསུམ་དྲ་ཐོག་ཏུ་ཕེབས་རོགས་ཞུ་རྒྱུ་ཡིན།
ཁྱེད་རྣམ་པ་གོང་གི་རྩོམ་བྲིས་པ་དང་འོག་གི་མཆན་འདེབས་པ་ཚང་མས་གནད་ལུགས་ཡོད་པ་ཤ་དག་གསུངས་འདུག
དཔེར་ན། རྒྱལ་ཁབ་སུ་འདྲ་ཅིག་ཡིན་ནའང་རང་གི་རྒྱལ་ཁབ་ཐོབ་པའི་ཆེད་དུ་རང་གི་ཁ་གཏད་ཀྱི་དགྲ་བོ་དེ་དང་ལྟ་སྤྱོད་མི་མཐུན་མཁན་ཚོ་མཉམ་འབྲེལ་བྱེད་ནས་ཁ་གཏད་དགྲ་བོར་འདུལ་ཐབས་བྱེད་ཀྱི་ནི་དགྲ་འདུལ་གཉེན་སྐྱོང་གི་ཆོས་ཉིད་ཤིག་ཡིན་པར་སྣང།
རྒྱ་གར་དང་ཨ་རི་གཉིས་ཀྱིས་དངོས་ཡོད་གནས་སྟངས་ཀྱི་ཐོག་གི་དགྲ་བོ་ནི་རྒྱ་དམར་གཞུང་འདི་རེད། འདིའི་སྟོབས་ཤུགས་བཅག་པའི་ཆེད་དུ་བོད་འདིར་རང་བཙན་དང་ཁ་བྲལ་གྱི་ལམ་ནས་སྟོབས་ཤུགས་བཅག་དགོས་པ་ལས་རང་སྐྱོང་དང་རྒྱ་བོད་མི་རིགས་མཐུན་སྒྲིལ་གྱི་ཐོག་ནས་སྟོབས་ཤུགས་བཅག་ཐབས་མེད་པ་རེད་འདོད།
རྒྱ་གར་གྱིས་བོད་ཐོག་འཛིན་པའི་སྲིད་ཇུས་ནི་རྒྱ་གར་ནག་གཉིས་བུ་སྤུན་འགྲིག་མཐུན་བྱུང་དུས་བོད་རང་བཙན་ལ་རྒྱབ་སྐྱོར་བྱས་མེད་པ་ཞིག་རེད། བུ་སྤུན་གཉིས་དགྲ་ཆགས་དུས་བོད་རང་བཙན་རེད་ཟེར་བ་ལས་ལྷག་གཅིག་ཁེ་ཕན་གང་ཡང་མེད་པ་རེད།
དེས་སང་ཨ་རི་དང་རྒྱ་གར་གཉིས་ཀྱིས་བོད་རང་བཙན་ལ་འདོད་མོས་ཡོད་པ་ལས་རྒྱ་བོད་མཐུན་སྒྲིལ་དང་རང་སྲིད་རང་སྐྱོང་བྱེད་ན་འདོད་པ་ག་ནས་ཡོང།
གལ་སྲིད་ཨ་མེ་རི་ཀས་མཐའ་གཅིག་ཏུ་རྒྱ་བོད་གཉིས་མཐུན་སྒྲིལ་བྱུང་ན་བསམ་པ་ཡིན་ན་དམར་ཕྱོགས་པ་དང་འགྲིག་མཐུན་འཛུགས་མཁན་༧གོང་ས་མཆོག་ལ་མང་གཙོ་གསེར་གྱི་རྟགས་མ་ཕུལ་གྱི་མ་རེད་པྭ།
ང་རང་ཚོ་རྒྱ་ནག་དམར་པོའི་རྩ་ཁྲིམས་འོག་ཏུ་འགྲོ་མཁན་མི་ཞིག་ལ་ཡང་དག་པའི་མང་གཙོ་ལྟ་བ་ཁུར་ནས་ཡོང་བཅུག་གི་མ་རེད་པྭ།
ཁྱེད་ཚོ་སུ་ཡིས་གསུང་རོགས་བྱེད་ན་འགྲིག
སྐུ་ཚབ་རྒྱ་ནག་ཏུ་སྐད་ཆ་བཤད་མཁན་ཕེབས་བཞིན་པ་དང་༧གོང་ས་མཆོག་ལ་ཨ་རི་གྲོས་ཚོགས་ཀྱིས་མང་གཙོ་གསེར་གྱི་རྟགས་མ་ཕུལ་དོན་གང་ཡིན་ནམ་?????????????ལེན་དགོས་དོན་གང་ཡིན་ནམ།
ངས་བསམ་ཚུལ་ལ་ང་རང་ཚོ་ཕྱོགས་གཅིག་ལ་ཡིད་ཆེས་བློ་གཏད་བྱེད་དགོས་པ་ལས་ཕར་ཕྱོགས་ཚུར་ཕྱོགས་གཉིས་ཀ་ཡིན་མདོག་མདོག་བྱས་བསྡད་ན་མཐར་མ་སུ་གང་གི་རྒྱབ་སྐྱོར་མ་རག་པ་གཅིག་ཡོང་གི་རེད་སྙམ།
དཔེར་ན། སྐྱེས་དམན་ཞིག་ལ་ཆ་བཞག་ནའང་ཁྱོ་ག་གཉིས་ལ་ཡིན་མདོག་མདོག་བྱས་བསྡད་མཁན་ཚོ་མཐར་མ་ཕྲུ་གུ་ཞིག་སྐྱེས་ཀྱང་ཁྱོ་ག་གཉིས་ཀས་ཁ་ཡ་མ་བྱེད་པས་ཉ་ལུ་རེ་ཁུར་ནས་འགྲོ་བ་མང་ཙམ་མཐོང་རྒྱུ་ཡོད།
དགའ་དང་བཀྲ་ཤིས་ལ་དགའ་་ཆང་ས་ལྭ་ལྭའི་མཉམ་དུ་རྒྱག་པ་ཡིན་ན་་་་་་་་་་་ག་རེ་ག་རེ་ཡོང་གི་རེད་དམ།
ཁྱེད་ཀྱིས་དཔྱད་ཞིབ་ཧ་ཅང་ལེགས་པོ་ཞིག་གནང་འདུག ངས་ཀྱང་ནམ་རྒྱུན་དེ་འདྲ་ཞིག་བསམ་བཞིན་ཡོད། རྒྱལ་ཁབ་སུ་ཡིན་ཡང་རང་གི་སྟོབས་ཤུགས་ལ་གདོང་ལེན་བྱེད་མཁན་དེ་མེད་པར་གཏོང་རྒྱུ་དང་ཡང་ན་དེའི་སྟོབས་ཤུགས་གཅོག་པའི་ཐབས་ཤེས་ཙམ་ཡིན་རུང་ངེས་པར་དུ་བྱེད་ཀྱི་རེད། དེའི་ཆེད་དུ་གང་ཡང་བྱེད་ཀྱི་རེད། ལོ་རྒྱུས་དང་དྲང་བདེན་གང་ལ་ཡང་མི་བལྟ། གྲུབ་འབྲས་ལ་བལྟ། དེས་ན་མ་འོངས་པར་བོད་ཀྱི་རང་བཙན་ལ་རྒྱབ་སྐྱོར་མི་བྱེད་པའི་ངེས་པ་ཡེ་ནས་མེད་ལ། མ་གཞི་ནས་ད་ལྟ་ཡང་རང་བཙན་ལ་རྒྱབ་སྐྱོར་མེད་པར་བདག་གིས་ཡེ་ནས་མི་བསམ། མདུན་དུ་ཐོན་ནས་རྒྱབ་སྐྱོར་མེད་པ་ཙམ་གྱིས་དོན་དུ་མེད་པ་ནམ་ཡང་མཚོན་མི་ཐུབ།
ལྷག་པར་དུ་རྒྱ་གར་དང་ཨ་རི་གཉིས་ཀྱིས་ནག་འདི་ཁོང་གཉིས་ལ་ཁ་གཏད་གཅོག་མཁན་ཞིག་ཏུ་འགྱུར་བཞིན་པའི་ངེས་ཤེས་གཅིག་མཐུན་དུ་བྱུང་ན་ཁོང་གཉིས་མཉམ་འབྲེལ་གྱིས་འཐབ་ཇུས་འདིང་སྲིད། དེ་དུས་བོད་ཀྱི་རང་སྐྱོང་ཕར་ཞོག་རང་བཙན་བྱེད་ལ་རྒྱབ་སྐྱོར་བྱ་ངེས་ཡིན།
“མ་འོངས་བོད་ལ་རང་གབཙན་འཐོབ་ནའང་ཕྱིར་ལོག་བྱེད་རྒྱུ་ཡིན་ལ། ཚད་མཐོའི་རང་སྐྱོང་ཐོབ་ནའང་ཕྱིར་ལོག་བྱེད་རྒྱུ་ཡིན།”་གསུང་པ་དངོས་འབྲེལ་རེད། འོན་ཀྱང་ད་ལྟ་ནས་བཟུང་རང་བཙན་བློས་བཏང་ན་མ་འོངས་པར་རང་བཙན་ཞེས་པ་ཞིག་ཐོབ་རྒྱུ་ཧ་ཅང་ཇེ་རིང་དུ་སོང་བ་རེད།
སྤྱི་བམ་གྱི་ཆ་ནས་ད་ལྟའི་དངོས་ཡོད་གནས་ཚུལ་ལ་དེ་ལྟར་དུ་སྣང་། ཡིན་ནའང་། མི་རིགས་ཤིག་གི་འཐབ་རྩོད་ཡིན་པའི་ཆ་ནས་གནད་གཙོ་བོ་གཅིག་མ་གཏོགས་གཉིས་ཡོད་པ་མ་རེད། དེ་ནི་བོད་མི་རིགས་འདི་དུས་ནས་དུས་སུ་རང་གི་ངོ་བོ་དང་འདུ་ཤེས་མ་བརླགས་པར་རང་སྟེང་ནས་གསོན་པོར་གནས་ཐུབ་མིན་དེ་རེད། རྒྱའི་ཚད་མཐོའི་རང་སྐྱོང་སྤྲད་ཀྱང་རུང་། ཨ་རིའི་རང་ཐག་གཅོད་ལ་རྒྱབ་སྐྱོར་བྱས་ཀྱང་རུང་། རྒྱ་གར་གྱིས་བོད་རྒྱ་ནག་གི་ཆ་ཤས་སུ་ཁས་བླངས་ཡར་རུང་། མི་རིགས་ཐར་ལམ་དེར་མ་སོན་ཚེ་བོད་མི་རིགས་ཀྱི་གནད་དོན་སྔར་བཞིན་གནས་ཀྱི་རེད། ང་ཚོའི་མི་རབས་འདིས་གྲོས་ཆོད་རེ་བཞག་ཏེ་ཐག་གཅོད་འདྲ་བྱས་ཀྱང་། མ་འོངས་པར་དེ་བརྡལ་བཤིག་ཏུ་འགྲོ་ངེས།
གནད་དོན་གཅིག་པུ་འདི་གཞི་རྩ་བཟུང་ནས་ད་གཟོད་རྒྱལ་སྤྱིའི་ཆབ་སྲིད་གར་སྟེགས་བེད་སྤྱོད་བྱེད་དགོས་པ་རེད། རང་བཙན་དང་རང་སྐྱོང་ཟེར་བ་དེ་ནི་དུས་རབས་གཅིག་གཉིས་རིང་གི་ཆབ་སྲིད་སྒྲིག་གཞིའི་མངོན་སྟངས་ལྟ་བུ་རེད། མི་རིགས་ཤིག་གི་འཆི་གསོན་ནི་ད་གཟོད་མི་རིགས་དེས་དུས་ནས་དུས་སུ་བརྩོན་ལེན་བྱེད་དགོས་པའི་འཐབ་རྩོད་ངོ་མ་དེ་རེད་ལ། མི་རིགས་དེའི་བུ་རབས་ཚ་རྒྱུད་ཀྱི་ཕྲག་ཏུ་ཡོད་པའི་འོས་འགན་ལྕི་མོ་དེའང་རེད། མཐར་དེད་ན་མི་རིགས་ཟེར་བ་ནི་རིག་གཞུང་གི་མངོན་མཚོན་རེད། དཔེར་ན། བོད་མི་སུ་ཞིག་ཡིན་རུང་། དེས་བོད་སྐད་མི་ཤེས་པ། བོད་ཀྱི་གོམས་གཤིས་ལ་དགའ་འགུ་མེད་པར་གྱུར་ཟིན་པའི་ཚེ་ན། མི་དེའི་ངོས་ཐད་ནས་བཤད་ན་ཁོ་རང་གི་མི་རིགས་ཀྱི་འཐབ་རྩོད་རྩ་བ་ནས་རྫོགས་ཚར་བ་རེད། ཁོས་ཅི་ཞིག་བརྩད་ནའང་དེ་ནི་མི་རིགས་དང་རིག་གཞུང་གི་འདུ་ཤེས་དང་དབྱེ་བའི་མ་ཁྱབ་པའི། འགྲོ་བ་མི་སྤྱི་ལ་སྤྱི་མཚུངས་སུ་ཡོད་པའི་ལྟོ་གོས་འཚོ་རྒྱབ་ཀྱི་ཁེ་དབང་ཙམ་རེད། མི་རིགས་ལས་དོན་འཐབ་རྩོད་པ་ཞིག་ལ་མཚོན་ན་འདི་གཉིས་ཀྱི་དབྱེ་བ་གསལ་བོ་རྟོག་རྒྱུ་གལ་ཆེ་གི། དེང་སྐབས་འུ་ཅག་བཙན་བྱོལ་བ་ཕལ་མོ་ཆེ་འདི་གཉིས་དབྱེ་བགར་མ་ཤེས་པར་མགོ་རྨོངས་ནས་བསྡད་འདུག་པ་འདྲ།
བསྟན་འཛིན་ཉིན་བྱེད་ངེད་གཉིས་ཀྱི་བསམ་ཚུལ་རྦད་དེ་མཐུན་སོང་། དེ་རིང་ལུས་པོ་ཐང་ཆད་ཀྱང་། ཁྱེད་ཀྱི་རྩོམ་འདི་བཀླགས་རྗེས་གཅིག་མ་བྲིས་རང་བྲིས་ཆགས་སོང་།
ངས་ཀྱང་གནད་དོན་དེ་ཐེངས་དུ་མར་ནན་བཤད་བྱས་པ་ཡིན། ད་ལྟའི་འཕེལ་ཕྱོགས་ལ་བལྟས་ན། ཨ་རི་དང་རྒྱ་གར་གྱིས་བོད་རང་བཙན་ལ་རྒྱབ་སྐྱོར་བྱེད་མ་སྲིད་པ་མ་རེད། དཔེར་ན། རྒྱ་ནག་གིས་མངོན་སུམ་འཛེམས་མེད་དུ་བྱང་ཀོ་རི་ཡའི་དྲག་པོའི་སྲིད་གཞུང་ལ་རྒྱབ་སྐྱོར་དང་འབྲེལ་ལམ་མངོན་གསལ་དུ་འཛིན་བཞིན་ཡོད་སྟབས། ཨ་རིས་ལྷོ་ཀོ་རི་ཡ་དང་མཉམ་སྦྲེལ་གྱིས་དཔུང་ངོམ་དམག་སྦྱོང་བྱས་པ་རེད། དེ་ཡང་རྒྱ་ནག་རང་གི་ས་མཚམས་མདུན་དེར་བྱས་པ་རེད། དེ་བཞིན་ཨ་རིས་ཉི་ཧོང་དང་རྒྱ་གར་གཉིས་ལའང་དམིགས་བསལ་གྱིས་འབྲེལ་ལམ་ཉེ་བོ་བསྐྲུན་ཏེ། རྒྱ་ནག་གི་འཕེལ་རྒྱས་ལ་བཀག་རྒྱ་བཟོ་བཞིན་ཡོད། ཐེ་ཝན་ལའང་རོགས་སྐྱོར་ཆེན་པོ་བྱས་ཡོད། ཨོ་བྷ་མ་སྲིད་གཞུང་གིས་ཚོང་དང་ཁྲལ། འགྲོ་བ་མིའི་ཐོབ་ཐང་སོགས་ཀྱི་ཐད་ནས་རྒྱ་ནག་ལ་མཁྲེགས་པོ་བྱས་མེད་ཀྱང་། རྒྱལ་སྲུང་དང་དམག་དོན་གྱི་ཐད་ནས་ཨོ་བྷ་མས་སྲིད་ཇུས་ཧ་ཅང་མཁྲེགས་པོ་བྱེད་ཐུབ་སོང་། དེ་ནི་མི་མང་པོའི་ཚོད་དཔག་ལས་བརྒལ་བ་ཞིག་རེད།
རྒྱ་ནག་གིས་ཨ་རིའི་སྤྱོད་ཚུལ་དེར་མ་འདོད་པ་མཚོན་བྱེད་དུ། ཉེ་དུས་ཨ་རིའི་མཐུན་ཕྱོགས་རྒྱལ་ཁབ་་རྒྱ་གར་གྱི་དམག་དཔོན་ཞིག་ལ་ཐོངས་མཆན་ལུགས་མཐུན་མ་སྤྲད་པའི་གནས་ཚུལ་བཟོས་ཏེ། ཀ་ཤི་རྨིར་རྒྱ་གར་གྱི་མ་རེད་མདོག་མདོག་བྱེད་བཞིན་ཡོད། དེར་རྒྱ་གར་མི་དམངས་ཁོང་ཁྲོ་ལངས་ཏེ། དེས་ན། བོད་དང་ཤིན་ཅང་གཉིས་ནས་རྒྱ་གར་དུ་ཡོང་མཁན་ཚོར་ཡང་། ཤོག་སྟེབས་ཅན་གྱི་ཐོངས་མཆན་མི་འདྲ་བ་ཞིག་སྤྲོད་དགོས་ཟེར་བཞིན་འདུག དེ་བཞིན་རྒྱ་དཀར་ནག་གཉིས་བར་གྱི་ས་མཚམས་ཀྱི་རྙོག་དྲ་དེ་ཧ་ཅང་ཆེན་པོ་ཆགས་ཡོད། ལོ་འདིར་ལས་དབང་ལྟ་བུས་པ་ཀི་སི་ཐན་ནང་ཆུ་ལོག་ཚབས་ཆེན་རྒྱུག་སྟེ། དཀའ་ངལ་ཧ་ཅང་ཆེན་པོར་གྱུར་ཡོད། དཀའ་ངལ་དེ་ནི་ཕལ་ཆེར་ལོ་ ༥ ནང་སེལ་ཐུབ་པ་ཞིག་མ་རེད། དེར་བརྟེན་དེ་སྔོན་པ་ཀི་སི་ཐན་གྱིས་རྒྱ་གར་ལ་འཇིགས་ཉེན་བཟོ་བཞིན་པའི་ཉེན་ཁ་དེ་ཧ་ཅང་གིས་ཆུང་དུ་སོང་བ་རེད། འོན་ཀྱང་རྒྱ་ནག་གི་སྟོབས་ཤུགས་མངོན་གསལ་གྱིས་འཕེལ་རྒྱས་སོང་ཡོད། ད་ལྟ་རྒྱ་གར་ལ་ཉེན་ཁ་ཆེ་ཤོས་ཀྱི་ཁ་གཏད་དམ་དགྲ་གཙོ་བོ་དེ་རྒྱ་ནག་ཆགས་ཚར་བ་རེད། རྒྱ་ནག་གིས་པ་ཀི་སེ་ཐན་ལ་དྲག་པོའི་རོགས་རམ་བྱེད་ངེས་རེད། དེ་བཞིན་བལ་ཡུལ་ལའང་བྱེད་བཞིན་པ་རེད། གནས་ཚུལ་གྱི་འཕེལ་རིམ་འདི་ཚོར་དཔྱད་ན། ཁྱེད་ཀྱིས་གསུངས་པ་བཞིན། མ་འོངས་པར་རྒྱ་གར་དང་ཨ་རིས་བོད་ལ་འཛིན་པའི་སྲིད་ཇུས་འགྱུར་སྲིད་པ་རེད།
འགྱུར་བ་དེ་ཧོབ་སྟེ་ཡོང་སྲིད་ལ་རིམ་པས་ག་ལེ་ག་ལེར་ཡོང་སྲིད་པའང་རེད། གཙོ་བོ་ང་ཚོས་འདི་ཚོའི་འཕེལ་རིམ་ལ་བལྟས་ཏེ་གོ་སྐབས་མ་ཤོར་བ་བྱེད་དགོས། ༡༩༦༠ ནས་ ༡༩༨༠ བར་གྱི་བཙན་བྱོལ་བོད་མིའི་ཚགས་ཤོག་དེ་ཚོའི་ཐོག་འཕོ་འགྱུར་དེ་ཚོའི་སྐོར་མང་ཙམ་གསལ་འདུག ཉེ་ལམ་ནས་རང་རེའི་ཚགས་ཤོག་ཁག་གིས་གནད་དོན་འདི་ཚོར་དོ་སྣང་བྱེད་ཚད་ཧ་ཅང་གིས་ཉུང་དུ་སོང་འདུག དེ་ཆབ་སྲིད་ཐོག་ནས་བཤད་ན་སྐྱོན་ཆེན་པོ་ཞིག་རེད།