མདུན་ངོས།
About Us
  • English
Advertisement
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
English
No Result
ཆ་ཚང་གཟིགས།

སྤྱི་འཐུས་སྐབས་ ༡༤ པའི་ཚོགས་དུས་ ༡༠ པ་འཚོགས་པ།

བོད་ཀྱི་དུས་བབ།
༢༠༡༠/༠༩/༠༧
Share on FacebookShare on TwitterShare on EmailShare on Whatsapp
དེ་རིང་ནས་བཟུང་ཉིན་བཅུའི་རིང་བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་དུས་བཅུ་པ་འཚོགས་མགོ་བརྩམས་ཡོད་ལ། ཉིན་དེ་དག་གི་རིང་ལྷན་ཁང་ཁག་གི་ལས་སྡོམ་སྙན་ཐོར་ཞིབ་འཇུག་དང་ཁྲིམས་བཟོའི་ལས་དོན་ཁག་དང་སྤྱི་འཐུས་ལྷན་ཚོགས་ཀྱི་ཆེད་འཛུགས་ཚོགས་ཆུང་གི་ཞིབ་འཇུག་སྙན་ཐོ་སོགས་ལ་བགྲོ་གླེང་གནང་རྒྱུ་ཡིན་འདུག
དེ་རིང་ཞོགས་པའི་ཆུ་ཚོད་ ༩ དང་སྐར་མ་ ༣༠ སྟེང་སྐབས་བཅུ་བཞི་པའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་བཅུ་པ་འཚོགས་མགོ་བརྩམས་ཡོད་ལ། ཚོགས་དུས་བཅུ་པ་འདི་ཉིད་ཟླ་འདིའི་ཕྱི་ཚེས་ ༡༧ བར་ཉིན་བཅུ་རིང་འཚོགས་རྒྱུ་ཡིན་འདུག
ཚོགས་འདུའི་ཐོག་མར་ཚོགས་དུས་བཅུ་པའི་ཐོག་བཅར་བའི་སྤྱི་འཐུས་གྲོས་ཚོགས་ཀྱི་ཚོགས་མི་ཡོངས་དང་ལྷན་ཁང་ཁག་གི་གཞུང་ཞབས་ལས་བྱེད་སོགས་ཟུར་ཞུགས་པ་རྣམས་ཀྱིས་བོད་རྒྱལ་ཁབ་ཆེན་མོའི་རྒྱལ་གླུ་བཏང་རྗེས། བོད་མི་མང་སྤྱི་འཐུས་ཚོགས་གཙོ་སྤེན་པ་ཚེ་རིང་མཆོག་གིས་ཚོགས་འདུ་མགོ་འཛུགས་ཀྱི་གསུང་བཤད་གནང་དོན། ཐེངས་འདིའི་ཚོགས་དུས་འདི་བཞིན་ཉེ་ཆར་བོད་གཞུང་མང་རྒྱལ་ཡོངས་ཚོགས་ཆེན་ཐེངས་དང་པོ་གྲུབ་པ་དང་། བོད་མི་མང་སྤྱི་འཐུས་ལྷན་ཚོགས་ཀྱིས་བོད་གཞིས་བྱེས་གཉིས་ཀྱི་ཚབ་ཞུས་ཏེ་༧གོང་ས་མཆོག་ལ་བརྟན་བཞུགས་འདེགས་འབུལ་ཞུས་པ། དེ་བཞིན་བོད་མི་སྐྱབས་བཅོལ་བ་རྣམས་བཙན་བྱོལ་དུ་འབྱོར་ནས་མི་ལོ་ལྔ་བཅུ་འཁོར་བའི་མང་གཙོའི་དུས་དྲན་སྲུང་གཙི་ཞུས་ཏེ། མཛད་རིམ་ཁྱད་པར་ཅན་གསུམ་གྱི་རྗེས་སུ་འཚོགས་ཀྱིན་ཡོད་ལ། ཐེངས་འདིའི་ཚོགས་ཆེན་འདི་ནི་བཙན་བྱོལ་དུ་འབྱོར་ནས་མི་ལོ་ལྔ་བཅུ་ཕྱིན་པའི་རྗེས་ཀྱི་བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་ཆེན་ཐེངས་དང་པོ་ཆགས་ཀྱི་ཡོད། ཅེས་དང་། བོད་གཞུང་མང་རྒྱལ་ཡོངས་ཚོགས་ཆེན་ནང་མི་མང་གིས་འོས་འདེམས་བྱས་པའི་འཐུས་མི་དང་། གཞུང་འབྲེལ་མ་ཡིན་པའི་འཐུས་མི། དེ་བཞིན་དུས་རྒྱུན་བོད་དོན་ཐོག་ཐུགས་སྣང་གནང་མཁན་གྱི་འཐུས་མི་བཅས་མི་ ༣༣༦ ཙམ་འཛོམས་ཏེ། ཉིན་ལྔ་ལྷག་གི་རིང་བརྗོད་གཞི་གཞིར་བཟུང་ཆབ་སྲིད་དང་མང་གཙོ། དེ་བཞིན་བཙན་བྱོལ་བོད་གཞུང་གི་ལས་ཁུངས་དྲུག་དང་འབྲེལ་བ་ཡོད་པའི་བརྗོད་གཞིའི་ཐོག་བགྲོ་གླེང་ལྷུག་པོར་གནང་ཡོད།
བགྲོ་གླེང་གང་བྱུང་བའི་བསམ་ཚུལ་རྣམས་ཤོག་གྲངས་ ༣༢ ནང་ཕྱོགས་བསྡོམས་བྱས་ཡོད་ལ། བསམ་ཚུལ་ཕྱོགས་བསྡོམས་བྱས་པ་ཚང་མ་ལག་ལེན་དུ་བསྟར་ཐུབ་གི་རེད་ཅེས་ཞུ་ཐུབ་ཀྱི་མེད་མོད། དེའི་ནང་དེ་རིང་ནས་བརྩིས་པའི་དུས་ཡུན་ཐུང་ངུ་ཞིག་གི་ནང་དུ་བྱེད་དགོས་པ་ཁག་ཅིག་དང་། ཡང་མ་འོངས་པའི་བཀའ་སྤྱིས་གནང་དགོས་པའི་ལས་དོན་ཁག་ཅིག་ཡོད་སྟབས། མ་འོངས་པའི་བཀའ་སྤྱི་དང་ལས་ཀྱི་སྣེ་མོ་བ་སུ་ཡིན་རུང་ཐེངས་འདིར་བསམ་འཆར་ཕྱོགས་བསྡོམས་བྱས་པའི་ནང་གང་འཁོད་པ་རྣམས་ལག་བསྟར་ཐུབ་པ་བྱ་རྒྱུ་དང་། ལག་བསྟར་བྱ་མ་ཐུབ་པ་རྣམས་མང་ཚོགས་ནང་གསལ་བཟོ་གནང་རྒྱུར་གནད་འགག་ཆེན་པོར་མཐོང་གི་ཡོད་ཅེས་གསུངས།
ཡང་ཁོང་གིས། འདི་ལོའི་མང་གཙོའི་དུས་དྲན་ཉིན་དང་སྟབས་བསྟུན་༧གོང་ས་མཆོག་ལ་བོད་གཞིས་བྱེས་གཉིས་ཀྱི་ཚབ་ཞུས་ཏེ། གསེར་གྱི་ཕྱག་དམ་ཞིག་འབུལ་རྒྱུའི་གོ་སྐབས་བྱུང་ཡོད་ལ། ༧གོང་ས་མཆོག་གིས་མཛད་རིམ་དེ་གསུམ་དང་གསེར་གྱི་ཕྱག་དམ་ཕུལ་བ་ཐུགས་དགྱེས་ཚོར་ཆེན་པོའི་ཞལ་བཞེས་གནང་བ་དང་། སྐབས་དུས་སོ་སོར་བཀའ་སློབ་གནང་བ་དག་གནད་འགག་ཆེན་པོ་ཡིན་སྟབས། བཀའ་སྤྱི་གཉིས་དང་ལས་ཀྱི་སྣེ་མོ་བ་གཞན། དེ་བཞིན་བོད་ཕྱི་ནང་གཉིས་ཀྱི་བོད་མི་ཚང་མས་བསྒྲུབ་དགོས་ཐོག་ནུས་པ་མཉམ་དུ་སྤུངས་རྒྱུ་གལ་ཆེན་པོ་རེད་ཅེས་གསུངས།
ཡང་ཁོང་གིས། ད་ལྟའི་བོད་ནང་གི་ཆབ་སྲིད་གནས་སྟངས་མུ་མཐུད་ཉག་ཕྲ་བ་དང་། བོད་ནང་མུ་མཐུད་དམ་དྲག་དང་བལ་བོད་ཀྱི་མཐའ་མཚམས་སུ་དམ་དྲག་བྱེད་ཤུགས་ཆེ་རུ་བཏང་སྟབས། བོད་ནས་བཙན་བྱོལ་དུ་ཡོང་མཁན་གང་འཚམ་ཉུང་དུ་ཕྱིན་ཡོད། ལྷག་པར་དུ་དགོན་སྡེ་ཁག་ལ་དམ་དྲག་དང་། བླ་མ་དང་སྤྲུལ་སྐུ། མཁས་པ་དང་གཞས་པ་གཞས་མ་སོགས་སོ་སོ་རང་ཉིད་ཀྱིས་རྣམ་དཔྱོད་རྩལ་དུ་བཏོན་ཏེ། བོད་ནང་གི་བོད་མིའི་ཁོར་ཡུག་དང་ཆོས་དང་རིག་གཞུང་སོགས་སྤྱི་ཚོགས་ལ་སྨན་པའི་རླབས་ཆེན་གྱི་ཕྱག་ལས་གནང་མཁན་དང་། བོད་མིའི་སྤྱི་ཚོགས་ཀྱི་བསམ་སྤྱོད་ལ་འགྱུར་བ་གཏོང་ཐུབ་མཁན་མང་བོ་ཞིག རྒྱ་ནག་གིས་འཛིན་བཟུང་བཀག་ཉར་གྱི་ལས་འགུལ་སྣ་ཚོགས་སྤེལ་གྱིན་ཡོད་ཅིང་། དེ་ལྟ་བུའི་གནས་སྟངས་ཛ་དྲག་པོ་ཞིག་གི་འོག་རྒྱ་ནག་གི་ད་ལྟའི་ཆབ་སྲིད་ཀྱི་གནས་སྟངས་དེས་བོད་མིའི་ཚེ་སྲོག་ཚུན་ཆད་ལ་དོ་ཕོག་འགྲོ་བཞིན་ཡོད་ཐོག ཉེ་ལམ་སྐྱེ་རྒུ་མདོར་ས་ཡོམ་དང་འབྲུག་ཆུར་ས་རུད་དང་ཆུ་ལོག་གིས་གནོད་སྐྱོན་ཐེབས་ཏེ། མི་མང་སྟོང་ཕྲག་མང་བོའི་ལུས་སྲོག་ལོངས་སྤྱོད་ལ་གོད་ཆག་ཆེན་པོ་བྱུང་ཡོད་པ་སོགས་ཀྱིས། བོད་རྒྱ་འབྲེལ་མོལ་གྱི་གནད་དོན་ཡང་རྒྱ་ནག་གི་འཕྲལ་སེལ་གྱི་སྲིད་བྱུང་འོག་གནས་སྐངས་རིང་མདུན་སྐྱོད་བྱེད་མ་ཐུབ་པར་ལྷག་ཡོད།
དེར་བརྟེན་ཐེངས་འདིའི་གྲོས་ཚོགས་ནང་གནད་དོན་ག་རེའི་ཐོག་བགྲོ་གླེང་གནང་གི་ཡོད་ནའང་། གནད་དོན་དེ་དག་གཞིར་བཞག་སོ་སོས་རྣམ་དཔྱོད་རྩལ་དུ་བཏོན་ཏེ་ཆ་ཤས་ལེན་དགོས་པའི་འབོད་སྐུལ་ཞུ་རྒྱུ་ཡིན་ཞེས་གསུངས་ཡོད།
བོད་མི་མང་སྤྱི་འཐུས་ལྷན་ཚོགས་ཀྱིས་ལོ་སྔོན་མར་བཅའ་ཁྲིམས་དང་སྒྲིག་གཞི་ཁག་ལ་བསྐྱར་ཞིབ་བྱེད་པའི་ཚོགས་ཆུང་ཞིག་བཙུགས་ཏེ། ད་ལོའི་ཟླ་ ༣ ཚོགས་དུས་ ༩ སྐབས་ཚོགས་ཆུང་གི་སྙན་ཐོའི་ནང་བཅའ་ཁྲིམས་དང་སྒྲིག་གཞི་བསྐྱར་བཅོས་དགོས་རིགས་ཁག་ཅིག་ཚར་ཟིན་ནའང་། དེ་མིན་གྱི་ཁྲིམས་བཟོའི་ལས་དོན་མང་བོ་མུ་མཐུད་ལྷག་ཡོད་སྟབས་ཐེངས་འདིའི་གྲོས་ཚོགས་སྐབས་ཚར་ཐུབ་པ་བྱ་རྒྱུ་ཡིན་འདུག དེ་བཞིན་ཟླ་ ༣ པའི་ཚོགས་དུས་སྐབས་ཆེད་འཛུགས་ཚོགས་ཆུང་ཁག་བགོས་ཀྱིས་ཚོགས་ཆུང་ཁག་ཅིག་གིས་ལས་སྡོམ་ཚར་བ་དང་ཁག་ཅིག་གིས་ཚར་མེད་སྟབས། ཚར་ཟིན་པ་རྣམས་ཐེངས་འདིའི་གྲོས་ཚོགས་སྐབས་བགྲོ་གླེང་མཐིལ་ཕྱིན་པ་གནང་རྒྱུ་དང་། མ་ཚར་བ་རྣམས་ཞིབ་ཚགས་པོ་ཡོང་ཆེད་དུས་འགྱང་དང་གྲོས་ཆོད་འཇོག་པ་སོགས་བྱ་རྒྱུ་ཡིན་འདུག
ཐེངས་འདིའི་གྲོས་ཚོགས་ཚོགས་དུས་ཀྱི་ཉིན་དང་པོར་འཐུས་མི་བཅུ་ཙམ་བཅར་ཐུབ་མེད་སྟབས། ཚོགས་གཙོ་མཆོག་གིས་དེ་ནི་ཅུང་བློ་ཕམ་པའི་རྒྱུ་ཡིན་པ་དང་། མ་འོངས་པར་ཚང་མས་གྲོས་ཚོགས་གལ་ཆེན་པོ་དང་། གྲོས་ཚོགས་ནང་དུ་མཉམ་ཞུགས་བྱ་རྒྱུ་ནི་མི་མང་གིས་གྲོས་ཚོགས་འཐུས་མིར་བདམས་པའི་སྤྱི་འཐུས་ཀྱི་འོས་འགན་གཙོ་བོ་ཡིན་པར་ངོས་འཛིན་བྱེད་དགོས་པར་མ་ཟད། མང་གཙོའི་ལམ་སྲོལ་ནང་དུ་གྲོས་ཚོགས་ཟེར་བ་ནི་ཁྲིམས་བཟོ་ལྷན་ཚོགས་ཀྱི་སྒྲིག་འཛུགས་རྩ་ཆེན་པོ་ཡིན་སྟབས། སྒྲིག་འཛུགས་དེའི་ཆེ་མཐོང་ཉར་ཆེད་ཚོགས་ཁང་འདིའི་ནང་ཡོད་པའི་ཚོགས་མི་ཚང་མས་དེའི་སྟེང་དུ་ཐུགས་སྣང་གནང་དགོས་ཞེས་འབོད་སྐུལ་ཞུས་ཡོད།
ཐེངས་འདིའི་ཚོགས་དུས་མགོ་འཛུགས་སྐབས་འདི་ལོའི་ཟླ་ ༤ བར་སྐྱེ་རྒུ་མདོར་ས་ཡོམ་བརྒྱབ་པ་དང་ཟླ་སྔོན་མའི་ནང་འབྲུག་ཆུ་ཁུལ་དུ་ས་རུད་དང་ཆུ་ལོག་གི་གོད་ཆག་བྱུང་བ། དེ་བཞིན་ཟླ་ ༥ ནང་མདོ་སྨད་ཀྱི་སྤྱི་འཐུས་ཟུར་བ་རྒན་སྒོ་མང་བསྟན་པ་མཆོག་སྐུ་གྲོངས་པ་དང་། ཟླ་ ༧ ནང་བོད་མི་མང་སྤྱི་འཐུས་ཚོགས་དྲུང་ཕུར་བུ་ཚེ་རིང་མཆོག་སྐུ་གྲོངས་པ་བཅས་ལ་གཞུང་འབྲེལ་ཐོག་མྱ་ངན་གུས་འདུད་སྐར་མ་གཅིག་རིང་ཞུས་ཡོད།
 
གསར་འགོད་པ། ཨ་རིག་འགྱུར་མེད།
པར་བ། བནྡེ་སྐྱབས།

འབྲེལ་ཡོད་གསར་འགྱུར།

༸གོང་ས་མཆོག གསར་འགྱུར།

བོད་ལྗོངས་མདོ་སྨད་ཆོལ་ཁས་༧གོང་ས་རྒྱལ་བ་རིན་པོ་ཆེ་མཆོག་ལ་བརྟན་བཞུགས་བསྟར་འབུལ་ཞུས།

ཆུ་ཚོད་ ༡༥ སྔོན་ལ།
 འབུམ་རམས་པ་ལྷ་མོ་འཚོའི་དཔེ་དེབ་དབུ་འབྱེད་གནང་། བོད་ཀྱི་དུས་བབ་གསར་ཁང་གི་པར། ༢༠༢༥།༦།༢༧
Mobile App

འབུམ་རམས་པ་ལྷ་མོ་འཚོའི་དཔེ་དེབ་དབུ་འབྱེད་གནང་། 

༢༠༢༥/༠༦/༢༧
Mobile App

དབུས་གཙང་གཞོན་སྐྱེས་ཚོགས་ཆེན་ཐེངས་དང་པོ་འཚོག་བཞིན་འདུག

༢༠༢༥/༠༦/༢༧
In this handout image released by the Chinese Embassy on June 26, 2025, the first batch of Indian pilgrims at the Manasarovar Lake, in Tibet.
Mobile App

རྒྱ་གར་གྱི་གནས་མཇལ་བ་ཚོ་དངོས་སུ་བོད་ནང་གནས་མཇལ་དུ་ཕྱིན།

༢༠༢༥/༠༦/༢༧
Close view of Chinese PLA combat helicopter in Tibet_January 05 2021
Mobile App

བོད་ནང་གི་ཛ་དྲག་གི་གནས་སྟངས་ལ་གཟིགས་ཞིབ་དགོས་པའི་རེ་སྐུལ་ཞུས། 

༢༠༢༥/༠༦/༢༦
Mobile App

མི་འགྱངས་བར་སྟོབས་ཆེན་རྒྱལ་ཁབ་ལྔ་ཡིས་ཚོགས་ཆེན་འཚོག་རྒྱུ་ཡིན་འདུག 

༢༠༢༥/༠༦/༢༦

མཆན། 21

  1. གཡག says:
    ལོ་ 15 སྔོན།

    ད་མང་པོ་མི་བཤད་ད་ལན་ཡང་ཁ་ཤས་ཀྱིས་ལུང་ཚན་གྱི་ཞེན་ཁོག་ཤུགས་ཆེན་གནང་གི་འདུག་ད། དེ་ནི་ཡག་པོ་ཁྱོན་ནས་མ་རེད། གྲོས་ཚོགས་སྒང་ནས་ཐུགས་བསམ་ཡག་པོ་གནང་གལ་ཆེ།

    འཇུ་ཆེན་དཀོན་མཆོག་ལགས་ལ་ཆེད་དུ་ཞུ་སྙིང་། སྔོན་ཆུང་དུས་སྐུ་པར་ཞིག་གང་སར་སྦྱར་ནས་ཁྱབ་བསྒྲགས་གནང་འདུག་མོད། ད་ལན་རེ་བ་ཡོད་ས་མ་རེད། ན་ནིང་གི་སྦོར་ཞོད་ཚ་བོ་དེས་མང་པོ་ཞིག་གི་གྲོད་པ་སྦས་བཅུག་སོང་།

    གཞན་ཚེ་རིང་གཡུ་སྒྲོན་དང་ཡེ་ཤེས་སྒྲོལ་མ་གཉིས་ལགས། དངོས་གནས་ད་ཡིན་ན། ཅང་ཤེས་ལམ་ཁ་བོང་གུས་མ་བཀག་ན་ཡག་ཚོད་རེད་ལོ།

    ད་ལན་ཡང་དེ་ཙམ་ཡིན།

    Reply
  2. དགྲ་འདུལ། says:
    ལོ་ 15 སྔོན།

    ཚོགས་གཙོ་མཆོག་གིས་གསུངས་པ་ལྟར་བོད་མིའི་སྤྱི་ཚོགས་ཀྱི་བསམ་སྤྱོད་ལ་འགྱུར་བ་གཏོང་ཐུབ་མཁན་མང་པོ་ཞིག རྒྱ་ནག་གིས་འཛིན་བཟུང་བཀག་ཉར་གྱི་ལས་འགུལ་སྣ་ཚོགས་སྤེལ་གྱིན་ཡོད། ཞེས་པ་ནི་དམིགས་བསལ་གྱིས་སྤྱི་འཐུས་རྣམ་པ་དང་ཚོགས་འདུ་བ་ཡོངས་ཀྱི་དུས་རྟག་དུ་དྲན་དགོས་པ་ཞིག་དང་། ཁོང་རྣམ་པར་དགོས་ངེས་ཀྱི་རྒྱབ་སྐྱོར་སོགས་དུས་ཐོག་འཛམ་གླིང་མི་དམངས་ཡོངས་ལ་ཁྱབ་བསྒྲགས་བྱེད་གལ་ཆེ་སྙམ། ད་ལན་ཞུ་རྒྱུ་ཞིག་ལ་གཞུང་ཞབས་པ་དང་མི་སྒེར་སུ་ཞིག་ཡིན་རུང་སྤྱི་སྒེར་གྱི་ཕྱག་ལས་ཆེ་ཆུང་གང་མང་ཞིག་ཡོད་པ་ནི་བཤད་ཅི་ལ་དགོས། མ་ཟད་ཚོགས་འདུ་བ་ཡོངས་སུ་རྫོགས་པ་དུས་གཅིག་མཉམ་འཛོམས་བྱུང་དགོས་པའང་ཤིན་ཏུ་བཀའ་མོད།
    རེད་དེ་ཐེངས་འདིའི་གྲོས་ཚོགས་ཚོགས་དུས་ཀྱི་ཉིན་དང་པོར་འཐུས་མི་བཅུ་ཙམ་ཕེབས་མེད་པ་ནི་བློ་ཕམ་གྱི་རང་བཞིན་ཞིག་ལས་མ་འདས། གང་ལགས་ཞེ་ན་ཁྱེད་ཅག་ནི་བོད་མི་སྤྱི་བོ་གནམ་བསྟན་ཡོངས་ཀྱིས་སྐུ་ཚབ་བམ་སྣེ་འཁྲིད་པ་ཡིན་པས་སོ།། རྗེས་ཕྱོགས་གནས་དོན་དེ་རིགས་མི་ཡོང་བ་ཞུ།

    Reply
  3. མཐའ་མཚམས་ཀྱི་ཕོ་ཉ། says:
    ལོ་ 15 སྔོན།

    ད་རེ་སྤྱི་འཐུས་བཅུ་གྲངས་ཤིག་ཉིན་དང་པོར་ཕེབས་མེད་པའི་གནས་ཚུལ་འདུག་ལ་དེ་དངོས་གནས་ལྡན་པ་ཐབས་སྐྱོ་བོ་ཞེ་དྲག་རེད།
    གྲོས་ཚོགས་འཚོགས་ཐེངས་ཁ་ཤས་ལ་བསྐྱར་མི་ཐུབ་པའི་མི་ཞིག་གིས་བོད་སྤྱི་བའི་ལས་དོན་གཏན་འབེབས་ཇི་ལྟར་བྱ་ཐུབ།
    དངོས་གནས་སྤྱི་འཐུས་ཕེབས་མེད་པ་འདི་ཚོ་ངོ་ཚ་རྒྱུ་མིན་འདུག
    རང་ཉིད་ཀྱིས་མི་འབྱོན་ན་ས་མིག་དེ་བཀག་ནས་ཅི་བྱ་དགོངས་ཤོག་འབུལ་རོགས།

    Reply
  4. ཤྰ་རིའི་བུ། says:
    ལོ་ 15 སྔོན།

    གྲོས་ཚོགས་ཚོགས་པ་དགའ་བསུ་ཡོད་ལགས་བྱ་བ་ཐམས་ཅད་འགྲུབ་པའི་རེ་བ་ཆེ། ད་ཐེངས་རེ་བསྐུལ་ཞིག་ལ།
    རྒྱ་རི་སྒྲོལ་མ་དང་པདྨ་འབྱྭང་གནས་གཉིས་ནས་སྐུགས་ཀྱག་རྙིང་པ་རྙིང་རྐྱང་ཆགས་ཚར་འདུག་བསམ་ནས་མིག་གིས་མཐོང་ཨེ་ཡོད་ཞུ་ཡག་ཡིན་

    Reply
  5. པད་མ་མཁའ་འགྲོ། says:
    ལོ་ 15 སྔོན།

    སྤྱི་འཐུས་སྐབས་ ༡༤ པའི་ཚོགས་དུས་ ༡༠ པ་འཚོགས་དབུ་ཚུགས་པ་ཡག་པོ་རེད། ད་ཐེངས་ཁོ་ཚོ་སྟོན་རྒྱུ་མེད་པ་ཞིག་མ་བྱས་ན་འོས་ཐོབ་ཡ་ཁག་པོ་རེད། སྤོ་ཏོ་དང་མོ་ཏོ་དེ་ཚོའི་དགོངས་པ་ཞུས་ན་འཚམས་པོ་འདུག རྟ་ལམ་བོང་བུས་བཀག་པ་རང་རེད།

    Reply
  6. སྟོང་བསྐོར་ཐུབ་བསྟན། says:
    ལོ་ 15 སྔོན།

    བོད་མི་མང་སྤྱི་འཐུས་ལྷན་ཚོགས་ཀྱིས་བོད་གཞིས་བྱེས་གཉིས་ཀྱི་ཚབ་ཞུས་ཏེ་༧གོང་ས་མཆོག་ལ་བརྟན་བཞུགས་འདེགས་འབུལ་ཞིག་སེར་སྨད་གྲྭ་ཚང་དེ་ཞུས་ཡོད་པ་དང། བརྟན་བཞུགས་གྲལ་སྒྲིག་ཆ་ཚང་སེར་སྨད་གྲྭ་ཚང་ནས་ཞུས་ཡོད་ཀྱང། རྒྱ་རི་སྒྲོལ་མ་མཆོག་ནས་མཇུག་བསྡུ་གསུང་བཤད་སྐབས་། སེར་བྱེས་གྲྭ་ཚང་ནས་རོག་པ་ཡག་པོ་བྱེད་སོང་ཐུགས་རྗེ་ཆེར་ཡང་ནས་ཡང་དུ་གསུང་ཡོད་ཀྱང་། ཉམ་ཆུང་སེར་སྨད་གྲ་ཚང་ནི་མིང་ཙམ་ཡང་བརྗོད་མེད་པ་རེད། གྲྭ་ཚང་སྨད་ཀྱི་གྲྭ་པ་རྣམས་བློ་ཕམ་བྱེད་གི་ཡོད་པ་རེད།
    རྒྱ་རི་སྒྲོལ་མ་མཆོག་ནས་བཀའ་ཁྲིའི་འོས་ཐོབ་པའི་ཆད་དུ་སེར་བྱེས་གྲྭ་ཚང་ལ་དཔོན་ལེན་བཤད་པ་མ་རེད་པས།
    རྗེ་སུ་ཚོགས་གཙོ་དང་ཚོགས་གཞོན་གཉིས་ནས་སེར་སྨད་གྲྭ་ཚང་ལ་དགོངས་དག་ཞུ་ཡོད་པ་རེད།

    སྐབས་ ༡༤ པའི་ཚོགས་དུས་ ༡༠ པ་འཚོགས་པར་རྟེན་འབྲེལ་ཞུ།

    Reply
  7. སྟོང་བསྐོར་ཐུབ་བསྟན། says:
    ལོ་ 15 སྔོན།

    བོད་མི་མང་སྤྱི་འཐུས་ལྷན་ཚོགས་ཀྱིས་བོད་གཞིས་བྱེས་གཉིས་ཀྱི་ཚབ་ཞུས་ཏེ་༧གོང་ས་མཆོག་ལ་བརྟན་བཞུགས་འདེགས་འབུལ་ཞིག་སེར་སྨད་གྲྭ་ཚང་དེ་ཞུས་ཡོད་པ་དང། བརྟན་བཞུགས་གྲལ་སྒྲིག་ཆ་ཚང་སེར་སྨད་གྲྭ་ཚང་ནས་ཞུས་ཡོད་ཀྱང། རྒྱ་རི་སྒྲོལ་མ་མཆོག་ནས་མཇུག་བསྡུ་གསུང་བཤད་སྐབས་། སེར་བྱེས་གྲྭ་ཚང་ནས་རོག་པ་ཡག་པོ་བྱེད་སོང་ཐུགས་རྗེ་ཆེར་ཡང་ནས་ཡང་དུ་གསུང་ཡོད་ཀྱང་། ཉམ་ཆུང་སེར་སྨད་གྲ་ཚང་ནི་མིང་ཙམ་ཡང་བརྗོད་མེད་པ་རེད། གྲྭ་ཚང་སྨད་ཀྱི་གྲྭ་པ་རྣམས་བློ་ཕམ་བྱེད་གི་ཡོད་པ་རེད།
    རྒྱ་རི་སྒྲོལ་མ་མཆོག་ནས་བཀའ་ཁྲིའི་འོས་ཐོབ་པའི་ཆད་དུ་སེར་བྱེས་གྲྭ་ཚང་ལ་དཔོན་ལེན་བཤད་པ་མ་རེད་པས།
    རྗེ་སུ་ཚོགས་གཙོ་དང་ཚོགས་གཞོན་གཉིས་ནས་སེར་སྨད་གྲྭ་ཚང་ལ་དགོངས་དག་ཞུ་ཡོད་པ་རེད།

    སྐབས་ ༡༤ པའི་ཚོགས་དུས་ ༡༠ པ་འཚོགས་པར་རྟེན་འབྲེལ་ཞུ།

    Reply
  8. འཇམ་གྲགས says:
    ལོ་ 15 སྔོན།

    སྤྱིར་བཏང་གྲོས་ཚོགས་ནང་ཚིག་རྩུབ་བྱས་པ་ཙམ་ལ་ཧ་ལས་ཧོན་ཐོར་བྱེད་པ་མཐོང་རྒྱ་ཅུང་ཆུང་བ་ཡིན་པ་འདྲ། དམངས་གཙོ་ཚད་ལྡན་གྱི་རྒྱལ་ཁབ་མང་པོའི་གྲོས་ཚོགས་ནང་ལག་འཛིང་བྱས་པ་མཐོང་མེད་པ་འདྲ།

    Reply
  9. གྱེར་སྟོན་ཚུལ་ཁྲིམས་རྒྱ་མཚོ། says:
    ལོ་ 15 སྔོན།

    གྲོས་ཚོགས་ལ་རྟེན་འབྲེལ་ཞུ།
    ད་རེ་ནད་རོ་གྱེན་དུ་མ་སླེངས་ན་བཟང་། འཆམ་མཐུན་ངང་བོད་སྤྱི་དོན་ལ་ཤུགས་རྒྱོབས་དང་། ཁྱེད་ཚོ་ནི་ང་ཚོའི་འོས་མི་དང་ཡིད་ཆེས་བྱེད་ས་ཡིན།
    ས་གར་སོང་ཟེར་ན་འདིར་སོང་། གནས་གར་འཇལ་ཟེར་ན་འདི་འཇལ། ཟེར་བའི་དཔེ་ལྟར་ད་ཐེངས་འཚོགས་ཆེན་ལའང་གྲུབ་འབྲས་བཟང་པོ་ཡོང་བར་ཞུ།

    Reply
  10. ནགས་མཚོ says:
    ལོ་ 15 སྔོན།

    འབོད་སྐུལ་ཞུ་ཡག་ལ་ཚོགས་དུས་སྐབས་སྙིད་ཁུག་པ་དང་བག་མེད་ཀྱི་བཀའ་མོར་མ་གསུངས་རོག་ཐུགས་རྗེ་གཟིགས་

    Reply
  11. ནགས་མཚོ says:
    ལོ་ 15 སྔོན།

    སྐབས་བཅུ་བཞི་པའི་སྤྱི་མཐུན་གྲོགས་ཚོགས་ཀྱི་ཚོགས་འདུ་རྣམས་བཀྲིས་བདེ་ལེགས་ཞུ།
    ཁྱེད་རྣམས་དེང་གི་འཚོགས་འདུས་སྐབས་བཟབ་བཟབ་བྱེད་མ་ཏོག་སྐབས་རྗེས་མའི་གོ་སྐབས་ཤོར་ཡོང་ཧཧཧཧཧཧཧཧཧཧཧཧཧཧཧཧ
    ཕར་ཆེར་མང་པོ་གོ་སྐབས་ཤོར་ཚར་སོང་་ཧོཧོཧོཧོཧོཧོཧོཧོ་

    Reply
  12. གཡག says:
    ལོ་ 15 སྔོན།

    དགོངས་དག དམིགས་བསལ་ཞིག་ཞུ་རྒྱུ་ཞིག་ལ་ལྷ་མོ་སྐྱབས་ལགས་ད་ཐེངས་ཁྱོད་ཀྱང་ཁ་ཞིག་གྲག་ན་མ་གཏོགས་ཐེངས་རྗེས་མར་རེ་བ་ཡོད་ས་མ་རེད་ལོ། ཧ་ཧ་ཧ་་་་་་

    དབུས་གཙང་ཟླ་བ་ཚེ་རིང་དང་སྒྲོལ་མ་མཚོ་མོ་ཟུང་ལགས། དགོངས་དག་ཞུ། ཐེངས་རྗེས་མ་ནས་འདེམས་མདོག་ཁ་བོ་མ་རེད་ལོ། རེ་བ་མ་རྒྱག་རེ་བ་ཡོད་ས་མ་རེད། ཧ་ཧ་ཧ་་་་་

    བོན་པོ་གཡུང་དྲུང་རྒྱལ་མཚན་ལགས། ད་རུང་མུ་མཐུད་དུ་ཐུགས་ཤུགས་རྒྱོབ་དང་མདོ་སྟོད་མི་མང་ནས་རེ་བ་ཆེན་པོ་འདོན་བཞིན་འདུག་ད། ཧ་ཧ་ཧ་་་་་་་

    རྒྱ་རི་སྒྲོལ་མ་ལགས། མ་ངུ་དང་ཨ་མ་ཡོང་ཀི་ཡོད་པའི་དཔེ་རང་རེད་ལོ། ཧ་ཧ་ཧ་་་་

    སྤེན་པ་ཚེ་རིང་ལགས། རི་བོང་སྡོམ་པ་གཉིས་ཀ་ཤོར་ཉེན་འདུག་ད། ད་ཁྱོད་བསྡད་ས་ཡོད་ན་ཉལ་ས་ཞིག་ཀྱང་དྲན་གྱིན་འདུག་ག ཧ་ཧ་ཧ་་་་་་

    སྒྲོལ་དཀར་ལྷ་མོ་ལགས། ད་ཡང་བསྐྱར་རི་ཐང་ལ་ནོར་རྫིར་སོང་ན་དགའ་ས་རེད་མ་གཏོགས། ཡང་བསྐྱར་ལངས་ན་ ཡང་བསྐྱར་ལོ་ལྔ་རིང་ནག་འཐོམ་སེ་འགྲོ་ས་རེད་ལོ། ཧ་ཧ་ཧ་་་་་

    བསྟན་འཛིན་མཁས་གྲུབ་དང་ཡེ་ཤེས་སྒྲོལ་མ་ཟུང་ལགས། ད་རྐུབ་སྟེགས་ཚ་བོ་ལོ་ལྔ་ལ་བཟོས་པ་རེད། ཡང་བསྐྱར་ལོ་ལྔ་ལ་བཟོ་འཆར་ཡིན་ནམ། ཧ་ཧ་ཧ་་་་་་

    རེ་ཞིག་དེ་ཙམ་གྱིས།

    Reply
  13. གཡག says:
    ལོ་ 15 སྔོན།

    ཚོགས་ཆེན་འདི་ལམ་ལྷོང་ཡོང་བའི་རེ་སྐུལ་དང་སྨོན་ལམ་གྱིས་ཐོག་དྲངས་ཏེ་ཞུ་འབྲས་ཁྱོད་རང་ཚོས་ད་ཐེངས་བོད་མི་མང་ལ་ཕན་འབྲས་ཡོད་པའི་དོན་དག་མངོན་ཐུབ་པ་ཞིག་བྱུང་ན་ཐེངས་རྗེས་མའི་སྐབས་ངེས་པར་དུ་ཁྱོད་ཚོ་འདེམས་རྒྱུར་ཤུགས་ཆེན་རྒྱག་རྒྱུའི་རེ་བ་ཡོད།

    སྐབས་སུ་བབ་པའི་གཏམ། དུས་སུ་བབ་པའི་ཆར། ལས་བཅོལ་བའི་དང་བླངས། བསྐོས་པའི་བྱ་བཞག དོན་གྱི་རྡོག་ཁ་བསྒྲིལ་ནས་གནད་ལ་བབ་རྒྱུ་ཞིག་ཡོད་ལེ་བགྱིས་རོགས། སྦྲང་ཆར་སྒུག་མི་རྒྱ་ཞིང་། གེ་སར་སྒུག་མི་འབྲུག་མོ་ཞེས་པའི་དཔེ་ལྟར་གཞིས་བྱེས་བོད་མི་མང་ནས་རྣ་བས་ཀྲོང་ཀྲོང་དང་། སེམས་པ་ཀྲིག་ཀྲིག་བྱས་ནས་བསྡད་ཡོད་པ་ཐུགས་དབུས་སུ་ཟུངས་རོགས་ཞུ།

    Reply
  14. མཁའ་དབུགས་གསར་བ says:
    ལོ་ 15 སྔོན།

    ཆེད་ལས་ཚོགས་འདུ་ཞེས་བྲིས་ན་ག་འདྲ་རེད། བོད་ནང་དུ་ཆེད་ལས་ཞེས་འབྲི་བཞིན་ཡོད། གང་ལྟར་གནས་ཚུལ་འདི་ལེགས་པོ་རེད།

    Reply
  15. སེར་ཆེན་ says:
    ལོ་ 15 སྔོན།

    ད་ཐེངས་་ཀྱི་སྐབས་བཅུ་བཞི་བའི་ཚོགས་དུས་འདི་ལམ་ལྷིང་ཡག་པོ་མ་ཡོང་ཚེ་གཞིས་ལུས་བོད་མི་ཚོར་འགྲེལ་བ་ཅི་བྱེད།ངོ་མ་ངོ་ཚ་རེད།བོད་ནང་བོད་མི་ཚོས་རང་རང་ས་ནས་རྒྱ་ནག་གི་དམ་དྲག་དང་གནོན་ཤུགས་གང་མང་ལ་མ་འཛེམ་པར་རང་སྲོག་བློས་བཏང་གིས་རྒྱལ་ཁབ་དང་མི་རིགས་ཀྱི་བདེ་སྡུག་གི་ཆེད་དུ་ལས་འགུལ་སྣ་མང་བེད་སྤྱོད་ཀྱིས་སྡུག་གྱོང་མནར་བཅོད་ཕོག་བཞིན་ཡོད་པ་མ་བརྗེད་པ་གནང་རོགས།

    Reply
  16. འཇམ་དབྱངས། says:
    ལོ་ 15 སྔོན།

    སྐབས་བཅུ་༡༤པའི་ཚོགས་དུས་༡༠འཚོགས་པར་རྟེན་འབྲེལ་ཞུ། བོད་ཀྱི་དབུ་ཁྲིད་ཆེན་པོས་བོད་སྡེ་བ་གཞུང་གི་བག་ཆགས་རྙིང་པའི་ཤན་ཤུགས་ངན་པ་དེ་དག་ཐབས་མཁས་ཀྱིས་བསྒྱུར་བཀོད་བཏང་སྟེ་དམངས་གཙོའི་ལམ་ལུགས་སུ་བཅོས། ད་བར་ཡུལ་གྱར་སྲིད་གཞུང་གི་ལས་ཀྱི་སྣེ་མོར་གཏོགས་པ་ཆེས་མང་པོ་ཞིག་དཔོན་ཉམས་རིང་ལུགས་དང་སྔར་གྱི་སྐུ་དྲག་ཚོའི་གཤིས་ཀས་ལྷད་ནས་ད་བར་དམངས་གཙོའི་གཞུང་ཁུངས་འཁྱོལ་ལ་མ་འཁྱོལ་བ་ཞིག་ཚུགས་ཡོད། ད་ཡོད་སྤྱི་འཐུས་རྣམ་པས་བོད་སྤྱི་ལ་ཕན་པའི་ལས་དོན་རླབས་ཆེན་འདྲ་བྱེད་མི་ཐུབ་ན་ཡང་འཛམ་གླིང་དུ་བཀྲམས་ཟིན་པའི་སྤྱོད་ངན་ལྟར་དགྲ་དགའ་གཉེན་སྡུག་གི་སྤྱོད་པ་ངན་པ་དང་། ལུང་ཚན་གྱི་ཕྱོགས་རིས་སྐྱུགས་བྲོ་བ་དེ་ལྟ་བུ་མི་གནང་བར་ཞུ།

    Reply
  17. ཨ་རིག་འགྱུར་མེད། says:
    ལོ་ 15 སྔོན།

    ཁང་རྡོར་གྱིས་གསུངས་པ་ལྟར་ཁ་སང་དགོང་མོར་ངའི་གྲོགས་པོས་ཀྱང་། ད་ཐེངས་གྲོས་ཚོགས་ཞི་འཇམ་པོ་དང་ནང་མཐུན་པོ། ཀུན་སྤྱོད་བཟང་བོ། མཐོང་སྣང་སྙིང་རྗེ་བོ་ཞིག་གི་རྣམ་པའི་འཚོགས་གི་རེད། དཀའ་ངལ་ཁྱོན་ནས་འབྱུང་གི་མ་རེད་ཟེར།

    དེ་བཞིན་ད་ལྟ་སྤྱི་འཐུས་ཁག་ཅིག་ལ་སེམས་ཁྲལ་ལངས་མགོ་ཚུགས་འདུག ཁོང་ཚོས་རང་གི་ལྷག་བསམ་དང་འཇོན་ཐང་། ཡང་ན་བྱས་རྗེས་སོགས་གཞན་ལ་འགྲེལ་གང་ཐུབ་བྱེད་ཀྱིན་འདུག

    དེ་བཞིན་སྤྱི་ཚོགས་ནང་གི་སྤྱི་འཐུས་འོས་མི་གསར་བ་ཚོ་ཡང་རྡོ་ཚ་བོའི་སྟེང་གི་གྲོག་མ་ལྟ་བུར་གྱུར་འདུག གོ་ཐོས་བྱུང་བ་ལྟར་ན་ཉེ་ཆར་ལྷོ་ཕྱོགས་སུ་གཞུང་མང་ཚོགས་ཆེན་འཚོགས་སྐབས། སྤྱི་འཐུས་གསར་རྙིང་གང་ཡིན་རུང་འོས་མིར་ལངས་མཁན་ཚོ་དགོང་མོ་དགོང་མོར་འདུར་བྲེལ་ཆེ་གི་ཟེར།

    སྡེ་དཔོན་ཡ་གིའི་སར་ན་རང་གི་འཇོན་ཐང་འགྲེལ་བ་དང་། མཁན་པོ་མ་གིའི་རྩ་ན་རང་གི་འཆར་སྣང་བརྗོད་ནས་ཁོམ་གི་མེད་ཁུ་ཟེར།

    ད་ཡིན་ན། ལྟད་མོ་ཡོད་ཁུ།

    Reply
  18. ཤེལ་དཀར་བློ་བཟང་། says:
    ལོ་ 15 སྔོན།

    བལ་ཡུལ་གྱི་གནས་སྟངས་ཛ་དྲག་རེད་འདུག དེར་མི་ཆེན་དཔོན་ཆེན་ཚང་མས་རོགས་སྐྱོར་ངེས་པར་དུ་གནང་རོགས།
    གཞེན་སྐུལ་ཞུ་རྒྱུར། འབྱུང་འགྱུར་གྱི་བཀའ་བློན་ཁྲི་བ་གལ་ཆེན་པོ་ཡིན་པ་བཞིན་སྤྱི་འཐུས་ཀྱང་གལ་ཆེན་པོ་ཡིན་སྟབས་མི་མང་ཚང་མས་གཡབ་ཆུང་མེད་པའི་ཐོག་ནས་དོ་སྣང་བྱེད་རོགས།

    Reply
  19. ཁང་གསར་རྡོ་རྗེ། says:
    ལོ་ 15 སྔོན།

    ད་རེས་གྲོས་ཚོགས་འདི་སྤྱིར་བཏང་གཞིི་འཇམ་འཇམ་འདྲ་ཞིག་བྱས་ནས་འགྲོ་གི་རེད། སྤྱི་འཐུས་མང་ཆེ་བས་ལྷག་བསམ་དང་སེམས་ཤུགས་ཆེ་བའི་རྣམ་པ་སྟོན་གྱི་རེད།

    རྟ་བཞོན་ཞོར་མེ་ཏོག་འཐུ་ཞོར་ཟེར་བ་དེ། ད་རེས་ཀྱི་གྲོས་ཚོགས་འདི་ཆགས་ཀི་རེད། རྣམ་པ་ཚོས་གཟིགས་ཨ།

    Reply
  20. ཅོ་རི་ཉི་མ། says:
    ལོ་ 15 སྔོན།

    བལ་ཡུལ་གྱི་བོད་མིའི་གནས་སྟངས་སྡུག་རེ་འགྲོ་གི་ཡོད་པས་སྤྱི་འཐུས་གྲོས་འཚོགས་ཀྱིས་བལ་ཡུལ་བོད་མི་རྣམས་མ་འོང་པ་འཚོ་བའི་མདུན་ལམ་ཡག་ས་ཞིག་དང་ཚེ་སྲོག་ལ་དཀའ་ངལ་མེད་ས་ཞིག་ཏུ་གཏོང་རོགས་ཞེས་རེ་བ་ཞུ་རྒྱུ་ཡིན།

    བལ་ཡུལ་ནང་དུ་བོད་མི་རྣམས་ལ་དཀའ་ངལ་ག་ཚོད་ཡོད་མེད་བཤད་མ་དགོས་པ་ཞིག་རེད། བཤམ་གྱི་གནས་ཚུལ་འདིར་སེར་ཆེན་ཟིན་ནས་ཁུར་ཡོང་བ་ཡིན།

    སེར་ཆེན་གྱི་བསུང་ངལ།
    བལ་ཡུལ་ནང་འཛིན་བཟུང་བྱས་པའི་བོད་མི་གཉིས་ད་རུང་གློད་གྲོལ་བཏང་མེད།
    བལ་ཡུལ་ནང་གི་ཆབ་སྲིད་ཀྱི་རྙོག་འཛིང་ཆེན་པོ་དང་ཕྱིའི་གནོན་ཤུགས་འདྲ་མིན་ཡོད་རྐྱེན་བལ་ཡུལ་རྒྱལ་ཁབ་ནང་གནས་སྡོད་སྐྱབས་བཅོལ་བོད་མི་ཚོ་ཡང་དཀའ་བསྔལ་མི་མྱོང་བ་ཕྲད་དང་འཕྲད་བཞིན་པ་རེད།བོད་མི་སེམས་ཤུགས་ཅན་ཁོང་གཉིས་ཡིན་ན་ད་ཐེངས་ཀྱི་མང་གཙོའི་དུས་དྲན་ནང་མཉམ་ཞུགས་བྱས་ཏེ་ཁྲོམ་གཞུང་དང་རྒྱ་ནག་གཞུང་ཚབ་ཁང་སོགས་སུ་འཛུལ་ཞུགས་བྱེད་རྒྱུ་ཡིན་པའི་རྟོགས་གཞི་འོག་ནས་འཛིན་བཟུང་བྱེད་པ་ཞིག་རེད།མ་ཟད་བློ་ཡུལ་ལས་འདས་བ་ཞིག་ལ་དགོང་མོ་འཛིན་བཟུང་གི་སྐབས་དེར་བོད་མི་དེ་གཉིས་ལ་ཉེན་རྟོག་པའི་ཉེས་རྡུང་ཤུགས་ཆེན་བཏང་ཡོད་པའི་གནས་ཚུལ་ཡང་ཐོན་ཡོད།ད་དུང་ཁོང་གཉིས་མཆོད་རྟེན་མངའ་ཁུལ་གྱི་ཉེན་རྟོག་བཀག་གཉེར་ཁང་དུ་དམིགས་བསལ་རྒྱུ་མཚན་གང་ཡང་མེད་པ་དང་གཙོ་བོ་ཁྱིམ་ཚང་བསྔོག་བཤེར་སྐབས་བོད་ཀྱི་རྒྱལ་དར་ཞིག་རྙེད་སོན་བྱུང་བ་དང་དེར་ཁོག་བཞག་གིས་ད་ལྟ་ཡང་བཀག་བསྡད་ཡོད་པ་རེད།བོད་མི་དེ་གཉིས་གང་མགྱོགས་གློད་གྲོལ་ཡོང་ཆེད་བོད་མི་དོ་སྣང་ཅན་ཚང་མའི་རྒྱབ་སྐྱོར་དང་ཐུགས་ཁུར་མཉམ་བཞེས་གནང་རོགས།
    བོད་མི་དེ་གཉིས་ནི་ནམ་རྒྱུན་མཆོད་རྟེན་ཉེ་འཁོར་དུ་གནས་སྡོད་བྱེད་མཁན་སྐལ་བཟང་དང་བཀྲ་ཤིས་ཟླ་བ་གཉིས་རེད།སྐལ་བཟང་ལགས་ཡིན་ན་སྔ་མ་རྒྱ་ནག་གཞུང་ཚབ་ཁང་དུ་བོད་ཀྱི་རྒྱལ་དར་ཐེངས་གཅིག་བསྒྲེངས་འཛུགས་བྱེད་མྱོང་འདུག

    Reply
  21. གཅན་བཟོད་རྒྱམ། says:
    ལོ་ 15 སྔོན།

    སྐབས་ ༡༤ པའི་ཚོགས་དུས་ ༡༠ པ་འཚོགས་པར་རྟེན་འབྲེལ་ཞུ།

    Reply

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

+91-98823-47075 | +91-92189-38041 | +91-81972-44372

Welcome Back!

OR

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist

No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese