ཝན་ཁོ་ཝར་བོད་རིགས་མི་དམངས་ཀྱིས་གཟའ་ཉི་མའི་ཉིན་མཚན་སྒྲོགས་རིན་པོ་ཆེ་མཆོག་གི་དགོན་པའི་ནང་དུ་༧གོང་ས་མཆོག་གི་ཞབས་རིམ་སྒྲུབ་མགོ་བཙུགས་ཡོད་པ་རེད།
ཕྱི་ཚེས་ ༡༢ ཉིན་ཁེ་ན་ཌའི་ཝན་ཁོ་ཝར་དུ་གནས་བཞུགས་མཚན་སྒྲོགས་ཧོ་ཐོག་ཐུ་སྐུ་ཕྲེང་བདུན་པ་བསྟན་འཛིན་ཆོས་ཀྱི་རྒྱལ་མཚན་མཆོག་དང་། ཝན་ཁོ་ཝར་བོད་རིགས་ཚོགས་པའི་ཚོགས་གཙོ་སྐུ་ཞབས་ངག་དབང་ལགས་གཉིས་ཀྱི་གོ་སྒྲིག་འོག་དེ་གར་གནས་སྡོད་བོད་རིགས་རྣམས་མཚན་སྒྲོགས་རིན་པོ་ཆེ་མཆོག་གི་དགོན་པར་འདུ་འཛོམས་ཀྱིས་སྔ་དྲོ་ནས་ཕྱི་དྲོ་བར་དུ་ཐུབ་པའི་གཟུངས་སྔགས་དང་། སྒྲོལ་མའི་མཚན་སྔགས། ལྷ་མོའི་འཕྲིན་བཅོལ་སོགས་༧གོང་ས་མཆོག་གི་ཞབས་བརྟན་སྒྲུབ་ཡོད་ལ། ཞབས་རིམ་འདི་བཞིན་འབྱུང་འགྱུར་གྱི་གཟའ་མཇུག་དག་ལ་ཡང་མུ་མཐུད་ནས་བསྒྲུབ་རྒྱུ་ཡིན་འདུག
ཞབས་བརྟན་འདི་ནི་བཙན་བྱོལ་བོད་གཞུང་ཆོས་དོན་ལྷན་ཁང་གིས་འཛམ་གླིང་གང་སར་གནས་སྡོད་བོད་རིགས་ཚོགས་པ་དང་། བོད་རིགས་མི་དམངས་ཚོར་རྒྱལ་བའི་ཞབས་བརྟན་གནད་སྨིན་དུ་བསྒྲུབ་དགོས་པའི་བཀོད་ཁྱབ་བཏང་བ་ཇི་བཞིན་དུ་འཚོགས་ཡོད་པ་རེད།
ཕྱི་ཟླ་ ༡༠ པའི་ནང་༧གོང་ས་མཆོག་ཊོ་རོན་ཊོར་ཆིབས་སྒྱུར་སྐྱོང་གི་ཡོད་ལ། ཟླ་དེའི་ཚེས་ ༢༤ ཉིན་མཚན་སྒྲོགས་དགོན་པ་དང་ཊོ་རོན་ཊོ་བོད་མིའི་རིག་གཞུང་ཚོགས་པ་གཉིས་ཀྱིས་༧གོང་ས་མཆོག་ལ་བརྟན་བཞུགས་འབུལ་གཏན་འཁེལ་ཡོད་པ་རེད།
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
རྒན་རིན་པོ་ཆེ་མཚན་སྒྲོགས་ཧོ་ཐོག་ཐུ་སྐུ་ཕྲེང་བདུན་པ་བསྟན་འཛིན་ཆོས་ཀྱི་རྒྱལ་མཚན་མཆོག་དང་། ཝན་ཁོ་ཝར་བོད་རིགས་ཚོགས་པའི་ཚོགས་གཙོ་སྐུ་ཞབས་ངག་དབང་ལགས་གཉིས་རྣམ་གཉིས་ཀྱིས་བཀོད་སྒྲིག་གནང་སྟེ་༸རྒྱལ་བའི་ཞབས་རིམ་སྨིན་སྒྲུབ་གནང་བར་སྙིང་ཐག་པ་ནས་ཐུགས་རྗེ་ཆེ་ཞུ།
རྒན་རིན་པོ་ཆེ་མཚན་སྒྲོགས་ཧོ་ཐོག་ཐུ་སྐུ་ཕྲེང་བདུན་པ་བསྟན་འཛིན་ཆོས་ཀྱི་རྒྱལ་མཚན་མཆོག་གི་བཞེད་དགོངས་ཐ་དག་ལྷུན་གྱིས་འགྲུབ་པའི་སྨོན་འདུན་ཡང་ཞུ་ཞུ་ཞུ།
བསྟན་པ་རིན་ཆེན་མཆོག་གིས་མ་ཁྱབ་བམ་།།
ཁྱབ་ཅིང་ཉམས་པར་གྱུར་པའི་ཕྱོགས་དེ་ལ།།
སྙིང་རྗེ་ཆེན་པོ་ཡིད་རབ་དྲངས་བྱས་ཏེ།།
ཕན་བདེ་གཏེར་དེ་གསལ་བར་བྱེད་པར་ཤོ།།
ཅེས་གསུངས་པ་ལྟར་ཁྱེད་ཚོས་བསྟན་པས་མ་ཁྱབ་པའི་ཡུལ་འདིར་༧གོང་ས་མཆོག་གི་ཞབས་བརྟན་སྒྲུབ་པ་ནི་དངོས་གནས་དགའ་འོས་པའི་གནས་ཚུལ་བཟང་པོ་ཞིག་རེད།
ཐུགས་རྗེ་ཆེ།