ཁ་སང་ཕྱི་ཚེས་ ༡༣ ཉིན་གྱི་ཞོགས་པར་༸གོང་ས་མཆོག་བཞུགས་སྒར་ནས་ཆིབས་བསྒྱུར་གྱིས་ལ་དྭགས་རྒྱལ་ས་སླེ་རུ་ཞབས་སོར་བཀོད་ཡོད་པ་དང་། ཉིན་རྒྱབ་ཉེ་ཆར་ཡུལ་དེའི་ཆུ་ལོག་གི་གནོད་འཚེའི་འོག་རྐྱེན་འདས་སུ་གྱུར་བ་རྣམས་ལ་ཐུགས་སྨོན་སྐྱབས་འཇུག་དང་བསྔོ་བ་སྨོན་ལམ་གནང་ཡོད་ཅིང་། དེ་རིང་ནས་ཉིན་གྲངས་གཉིས་རིང་དཀར་འཁྱིལ་ Kargil དང་མུལ་བྷེག་ Mulbekh ཁུལ་ཏུ་ཆིབས་བསྒྱུར་གྱིས་ས་གནས་མང་ཚོགས་ལ་བཀའ་སློབ་དང་། ཡུལ་དེའི་གྲོང་ཚོ་བོད་དཀར་པོ་ཟེར་བ་དེར་ཆིབས་བསྒྱུར་གྱིས་ས་གནས་མི་མང་ལ་སྤྱན་རས་གཟིགས་ཀྱི་བཀའ་དབང་གནང་རྒྱུ་ཡིན་འདུག
ཐེངས་འདིར་ཉིན་གསུམ་རིང་གི་ལ་དྭགས་ཁུལ་གྱི་མཛད་འཕྲིན་གྲུབ་རྗེས། ཕྱི་ཚེས་ ༡༨ ཉིན་ཧང་གྷ་རི་སྤྱི་མཐུན་རྒྱལ་ཁབ་ཀྱི་དད་ལྡན་མང་ཚོགས་ཀྱིས་གསོལ་བ་བཏབས་པ་ལྟར། ༧གོང་ས་མཆོག་ཡུལ་དེའི་རྒྱལ་ས་བྷོ་ཌ་པོ་སི་ཊ་རུ་ཆིབས་བསྒྱུར་གྱིས་དད་ལྡན་མང་ཚོགས་ལ་ནང་ཆོས་ངོ་སྤྲོད་དང་། ཕྱི་ཚེས་ ༢༠ ཉིན་སྤྱན་རས་གཟིགས་ཀྱི་བཀའ་དབང་སྩོལ་འཆར་ཡོད་པ་མ་ཟད། ཧང་གྷ་རི་སྤྱི་མཐུན་རྒྱལ་ཁབ་ཀྱི་གྲོས་ཚོགས་འཐུས་མི་དང་གནད་ཡོད་མི་སྣར་ཐུག་འཕྲད་དང་། སྐབས་དེ་དང་བསྟུན་ཏེ་རྒྱལ་ས་བྷོ་ཌ་པོ་སི་ཊའི་མི་སེར་གྱི་ཆེས་བསྟོད་གཟེངས་རྟགས་ཤིག་ཀྱང་༸གོང་ས་མཆོག་ལ་འབུལ་འཆར་ཡོད་འདུག
གསར་འགོད་པ། དོན་གོ
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
༧གོང་ས་མཆོག་ལ་རྒྱ་ནག་མི་དམངས་ཀྱིས་རང་དབང་གཟེངས་སྟགས་ཤིག་མ་ཕུལ་ན་དེ་མིན་གྱི་གཟེངས་རྟགས་ཚང་མར་འོད་སྣང་མི་འདུག
ང་རང་ཚོས་༧གོང་ས་མཆོག་གི་གཟེངས་རྟགས་བཞེས་པར་སྤོབས་པས་ཁེངས་ནས་འགུལ་བསྐྱོད་མེད་པར་བཞུགས་ན་མགོན་པོ་གང་ཉིད་སྐུ་ན་བགྲེས་པོར་ཕེབས་ཚར་བ་རེད།
དེའི་ཐོག་ལ་བསམ་བློ་ཞིག་བཏང་ནས་ཚ་ཚ་འུར་འུར་གྱི་ལས་འགུལ་ཞིག་སྤེལ་ན་གོང་ས་མཆོག་གི་གཟེངས་རྟགས་ཀྱི་ནུས་སྟོབས་ལས་བྱ་བ་བསྒྲུབ་པར་དཔལ་འབྱོར་གྱི་རྒྱབ་སྐྱོར་ཡང་ཐོབ་སྲིད་ལ་རང་ཉིད་ཀྱི་ལས་འགུལ་གྱི་ལམ་བུ་ཡང་ཡང་དག་པ་ཞིག་བཟོ་ཐུབ།
མགོན་པོ་གང་ཉིད་སྐུ་ཚེ་སྲིད་མཐར་བརྟན་པའི་སྨོན་འདུན་ཞུ།