མི་རིགས་ཀྱི་ཁྱད་ཆོས་ལྡན་པའི་དེང་རབས་རྩོམ་རིག་གི་དཔུང་སྡེ་ཞིག་བསྐྱེད་སྲིང་བྱ་རྒྱུའི་ཧམ་སེམས་བཟུང་ཡོད། རེ་བ་དང་ཕུགས་བསམ་གྱིས་བརྟས་པའི་སློབ་ཕྲུག་མང་པོ་ཞིག་གིས་ཀྱང་ཆེད་དུ་ཁོར་ཡུག་འདི་བདམས་ཏེ་ཡོང་བ་ཡིན་སྟབས། ང་ཚོའི་བར་ཐུན་མོང་གི་འཚོལ་སྙེགས་ཤིག་དང་ཐུན་མོང་གི་ཕུགས་འདུན་ཞིག་ཡོད་ལ། ཐུན་མོང་གི་སྤྲོ་སྣང་ཞིག་དང་ཐུན་མོང་གི་མཛའ་བརྩེ་ཞིག་ཀྱང་ཡོད་སྟབས། ངའི་རྨི་ལམ་དེ་རྨི་ལམ་ཁོ་ན་མིན་པའི་ཡིད་ཆེས་ཡོད་ཟེར།
རྒྱ་གར་ལྷོ་ཕྱོགས་སྦེལ་ཀོབ་བོད་མིའི་གཞིས་སྒར་དུ་དམངས་གཙོའི་དུས་དྲན་ཐེངས་ལྔ་བཅུ་བ་དང་། བོད་གཞུང་དམངས་རྒྱལ་ཡོངས་ཚོགས་ཆེན་ཐེངས་དང་པོ་གཉིས་ཡོངས་སུ་གྲུབ་སྟེ། ཕྱོགས་མཐའ་ཁག་ནས་ཕེབས་པའི་སྐུ་མགྲོན་རྣམས་རང་རང་སར་ལོག་པ་དང་མཉམ་དུ་འདི་གའི་གསར་འགོད་པས་ཀྱང་ལྷོ་ཕྱོགས་སྦེལ་ཀོབ་ཀྱི་ལས་རིམ་མཇུག་བསྡུས་ཏེ་བྱང་ཕྱོགས་ངྷ་རམ་ས་ལར་ལམ་ལ་ཆས། ཕྱིར་ལོག་པའི་ལམ་བར་དུ་སྔར་ལོ་གསར་དུ་སྒོ་འབྱེད་བྱས་པའི་༼ ༧གོང་ས་ཏཱ་ལའི་བླ་མ་མཐོ་རིམ་སློབ་གཉེར་ཁང་། ༽ ཞེས་པའི་སློབ་གྲྭའི་འཛུགས་སྐྲུན་དང་། དགེ་ལས་སློབ་ཕྲུག་ཡོངས་ཀྱི་སྤྱིའི་གནས་སྟབས་སོགས་ལ་རྒྱུས་ལོན་ཐེངས་གཅིག་བྱས་པ་ཡིན། ཕྱི་ཚེས་ ༥ ཉིན་ནི་གཟའ་ཉི་མར་འཁེལ་ཡོད་སྟབས། གསར་འགོད་པ་མཐོ་སློབས་དེར་འབྱོར་སྐབས་སློབ་གྲྭའི་འགན་འཛིན་བཞུགས་མི་འདུག་ལ། སློབ་ཕྲུག་མང་ཆེ་བ་ཡང་ཕྱི་ལོགས་སུ་ཕྱིན་ཏེ་སློབ་གྲྭ་ཡོངས་ཁ་ཁུ་སིམ་མེར་གནས་འདུག ཏཱ་ལའི་བླ་མ་མཐོ་སློབ་ཀྱི་ཁང་བརྩེགས་དག་ལས་བོད་པའི་སྲོལ་རྒྱུན་གྱི་རྣམ་པ་ཞིག་མངོན་ཞིང་། སློབ་གྲྭའི་ཁོ་ར་ཁོར་ཡུག་ཡངས་ཤིང་རྒྱ་ཆེ་བ་དང་། སློབ་གྲྭ་སྤྱིའི་རྒྱ་ཁྱོན་ཆེ་ཞིང་ཕྱི་རོལ་ཁོར་ཡུག་ལྷིང་འཇགས་ཡིན་པ་བཅས་ཀྱིས་ཞི་བདེ་བག་ཕེབས་ཀྱི་ཚོར་སྣང་ཞིག་བསྟེར་ཐུབ་ཅིང་། སྣང་ཚུལ་འདིས་སློབ་གཉེར་ལ་གཞོལ་མཁན་ཡོངས་ལ་རང་བྱུང་གི་མཐུན་རྐྱེན་ཞིག་བསྐྲུན་འདུག
སློབ་གྲྭ་འདི་ད་དུང་འཆར་འགོད་དཔར་རིས་ལྟར་ལེགས་འགྲུབ་བྱུང་མེད་ཀྱང་། བུའི་ཉལ་ཁང་དང་བུ་མོའི་ཉལ་ཁང་། དགེ་རྒན་གྱི་ལས་ཤག་དང་། ལས་བྱེད་ཀྱི་ལས་ཤག དེ་བཞིན་སློབ་ཁང་དང་ཡིག་ཚང་བཅས་ཡོངས་སུ་འགྲུབ་འདུག གསར་འགོད་པ་ཏཱ་ལའི་བླ་མ་མཐོ་སློབ་བོད་ཡིག་སྡེ་ཚན་གསར་འཛུགས་ཀྱི་འགན་འཛིན་དང་དགེ་རྒན་གཅིག་ལྕོགས་བློ་བཟང་རྒྱལ་མཚན་ལགས་ཀྱི་གམ་དུ་བཅར་ཏེ། སློབ་གྲྭའི་སྐོར་ངོ་སྤྲོད་གནང་རྒྱུར་རེ་བ་ཞུས་དོན་ལྟར་ཁོང་གིས་གསུངས་དོན། ད་ཆར་སློབ་གྲྭ་འདིར་སྡེ་ཚན་ཁག་བཞི་ཡོད། ༢༠༠༨ ལོར་གསར་འཛུགས་གནང་བའི་དམའ་རིམ་དགེ་རྒན་འོས་སྦྱོང་དང་། བོད་ཡིག་སྡེ་ཚན། གློག་ཀླད་སྡེ། སྔོན་འགྲོའི་དགེ་རྒན་འོས་སྦྱོང་སྡེ་ཚན་གཅིག་བཅས་ཡོད། ད་ཆར་དགེ་རྒན་འོས་སྦྱོང་དང་གློག་ཀླད། བོད་ཡིག་སྡེ་ཚན་བཅས་ལ་ཁྱོན་བསྡོམས་སློབ་ཕྲུག་ ༡༡༧ ཙམ་ཡོད། བོད་ཡིག་སྡེ་ཚན་ནང་འཛིན་གྲྭ་བཅུ་བ་དང་བཅུ་གཉིས་ཐོན་མཁན་ཚོ་བསྡུ་རྒྱུའི་གསལ་བསྒྲགས་བྱས་ཡོད་ཀྱང་། དངོས་སུ་ཐོ་འགོད་བྱེད་མཁན་ ༢༤ དང་། ཆ་རྐྱེན་ཚང་བ་ ༡༠ ཙམ་ལས་བྱུང་ཡོད་པ་མ་རེད། གློག་ཀླད་སྡེ་ཚན་དང་། དགེ་རྒན་འོས་སྦྱོང་སྡེ་ཚན་བཅས་ལ་འཛུལ་མཁན་མང་པོ་འདུག ཅེས་གསུངས་སོང་།
ཡང་ཁོང་ལ་སློབ་གྲྭ་འདིར་སློབ་མ་བསྡུ་སྟངས་གང་འདྲ་ཡོད་མེད་དྲིས་པར། མ་འོངས་པར་རྒྱ་གར་རྒྱལ་ཡོངས་འཛིན་གྲྭ་བཅུ་གཉིས་ཀྱི་ལག་འཁྱེར་ཆ་རྐྱེན་ལ་འཇོག་རྒྱུ་རེད། སློབ་ཡོན་སློབ་མ་སོ་སོའི་ཡོང་ཁུངས་ནས་ཐབས་ཤེས་བྱ་དགོས་པ་རེད། སློབ་མ་སུ་ཞིག་ཕེབས་ཀྱང་ཐོག་མའི་ཟླ་བརྒྱད་རིང་མཚམས་སྦྱོར་འཛིན་གྲྭ་ནས་འདུག་དགོས་པ་དང་། དེ་ནས་མཐོ་རིམ་ལོ་གསུམ་བཅས་ཁྱོན་ལོ་གསུམ་དང་ཟླ་བརྒྱད་འདུག་དགོས་པ་རེད། ད་ཆར་ང་ཚོས་མཚམས་སྦྱོར་འཛིན་གྲྭའི་སློབ་ཚན་གཏན་འབེབས་ཟིན་ཏེ་ལག་ལེན་བསྟར་བཞིན་ཡོད། མཐོ་རིམ་འཛིན་གྲྭའི་སློབ་ཚན་དེ་ས་རྭ་དང་ཝ་རཱ་ན་སའི་སློབ་ཚན་གཞི་རྩར་བཞག་སྟེ་བཟོ་མུས་རེད། སློབ་གྲྭ་འདི་ནས་མཐོན་སྐབས་ B A ཡི་ཐོབ་ཐང་ཡོད་པ་རེད། འོན་ཀྱང་། མཐོ་སློབ་འདི་རྒྱ་གར་གཞུང་ལ་དེབ་སྐྱེལ་ཡོད་པའི་ཚོགས་པ་དེ་འདྲ་མིན་སྟབས། ཕྱག་འཁྱེར་ཚད་ལྡན་ཞིག་དང་རྒྱ་གར་གཞུང་གིས་ངོས་ལེན་ཡོད་པ་ཞིག་ཁག་པོ་རེད། ཨ་མ་རྗེ་བཙུན་པད་མས་ཀྱང་ཕྱག་འཁྱེར་གཙོ་བོ་མ་རེད། སློབ་མ་སོ་སོའི་ཤེས་ཡོན་གནས་ཚད་ཀྱིས་སྤྱི་ཚོགས་ནང་ངོས་ལེན་ཡོད་པ་ཞིག་བྱ་དགོས་པ་རེད་གསུངས་ཡོད། མུ་མཐུད་བོད་ཀྱི་རིག་གནས་གང་རུང་ཐོག་རིགས་གཅིག་རྐང་འཛིན་གནང་མཁན་ཡོད་ན་ལམ་ཁ་བསྐྲུན་རྒྱུའི་འཆར་གཞི་ཡོད་པ་རེད། ཅེས་ངོ་སྤྲོད་གནང་སོང་།
དེའི་རྗེས་དགེ་རྒན་ལས་ཤག་ཏུ་བསྐྱོད་དེ་སློབ་གྲྭ་འདིར་གསར་དུ་ཕེབས་མ་ཐག་པའི་དགེ་རྒན་ཨ་འཇམ་ལགས་སུ་སློབ་གྲྭ་འདིར་ཐོག་མར་འབྱོར་སྐབས་ཀྱི་གཟིགས་ཚོར་སྐོར་བཅར་འདྲི་ཞུས་སྐབས་ཁོང་གིས། ང་སློབ་གྲྭ་འདིར་འབྱོར་མ་ཐག་ཚོར་སྣང་ཟབ་ཤོས་ཤིག་བྱུང་བ་ནི། སློབ་གྲྭའི་ཕྱིའི་ཁོར་ཡུག་གི་བཀོད་པར་བོད་གངས་ཅན་ཀྱི་ཁོར་ཡུག་ལྟར་རང་བྱུང་ལྷུན་ཆགས་སུ་གནས་པ་དང་། སློབ་གྲྭའི་ནང་གི་འཛུགས་སྐྲུན་བོད་པའི་གྲོང་སྡེ་ལྟར་མི་རིགས་ཀྱི་སྲོལ་རྒྱུན་བཟོ་བཀོད་སྤྲས་པ་འདི་དག་རེད། དེ་ནས་སློབ་གྲྭའི་ལས་གནས་སུ་ཞུགས་ཏེ་སློབ་ཁྲིད་བྱེད་སྐབས། ང་བོད་ཡིག་སྡེ་ཚན་གྱི་དགེ་རྒན་རེད། སྡེ་ཚན་དེར་སློབ་མ་བཅུ་གྲངས་ཤིག་ལས་མི་འདུག སློབ་མའི་ཁ་གྲངས་ཉུང་བ་དང་། སློབ་མའི་ཡོང་ཁུངས་ཀྱང་ཤེས་ཡོན་རྩེ་བཏོག་བྱས་པ་དེ་འདྲ་མིན་སྟབས། བསམ་བློ་བརྗེ་རིས་དང་སློབ་སྦྱོང་འགྲན་བསྡུར་གྱི་ཁོར་ཡུག་འཁྲུག་པོ་ཞིག་བསྐྲུན་ཐུབ་རྒྱུ་མ་རེད་སྙམ་པ་ཞིག་བྱུང་སོང་། ཞེས་གསུངས་སོང་།
ཡང་ཁོང་ལ་འདི་གའི་སློབ་ཕྲུག་ཚོའི་སྟེང་ནས་རེ་བ་དང་ཡིད་ཆེས་གང་འདྲ་ཞིག་མཐོང་གི་འདུག་གམ་ཞེས་དྲིས་པར། འཛིན་རིམ་བཅུ་གཉིས་ཐོན་པའི་སློབ་མ་ཞིག་གི་ངོས་ཐད་ནས་བསམ་བློ་བཏང་ན། སློབ་མ་ཚོའི་བོད་ཡིག་གི་གནས་ཚད་སྐྱོ་བོ་རེད། འདི་བཙན་བྱོལ་བོད་མིའི་ཤེས་ཡོན་སློབ་གསོའི་ཁྱབ་ཁོངས་སྤྱིའི་གནད་དོན་ཞིག་རེད། ཁོང་ཅག་གི་ཞན་ཆ་དེ་དག་སློབ་གྲྭ་འདི་བརྒྱུད་དེ་ཁ་སྐོང་དང་ཇེ་ལེགས་སུ་གཏོང་མ་ཐུབ་ན། རྗེས་མ་སློབ་གྲྭ་ཐོན་ཏེ་སྤྱི་ཚོགས་ནང་འགྲོ་སྐབས། ཏཱ་ལའི་བླ་མ་མཐོ་སློབ་ཀྱི་མིང་ཆུ་ལ་མི་བསྐུར་བའི་ངེས་པ་མི་འདུག ངས་སློབ་ཕྲུག་ཁོ་རང་ཚོར་ཡང་ཞུས་པ་ཡིན། སློབ་གྲྭ་འདིའི་སྒོ་ཐེམ་ལ་གོམ་པ་དང་པོ་སྤོས་པ་ནས་བཟུང་ལས་འགན་ཆེན་པོ་ཞིག་ཕྲག་ཏུ་བབ་ཡོད། དེ་ནི་བཙན་བྱོལ་ནང་གི་མཐོ་སློབ་ཨང་དང་པོའི་སློབ་ཕྲུག་ཡིན་པ་དང་། དེ་བས་གལ་ཆེ་བ་ནི་སློབ་གྲྭ་འདིའི་མཚན་བྱང་དུ་ཏཱ་ལའི་བླ་མའི་མཐོ་སློབ་ཅེས་བཀོད་ཡོད་པ་དེ་བརྗེད་ཉན་གི་མ་རེད། ཅེས་གསུངས་སོང་།
ཡང་ཁོང་ལ་ཁྱེད་ཀྱིས་དམིགས་ཡུལ་དང་ཕུགས་རེ་གང་འདྲ་ཞིག་བཟུང་སྟེ་སློབ་ཕྲུག་ཚོར་སློབ་སྦྱོང་སྤྲོད་ཀྱི་ཡོད་མེད་དྲིས་པར། ང་སློབ་གྲྭ་འདིའི་བོད་ཡིག་སྡེ་ཚན་གྱི་དགེ་རྒན་རེད། འཕྲལ་དུ་འགྲུབ་ཐུབ་རྒྱུ་ཁག་པོ་རེད་དེ། ད་བར་བཙན་བྱོལ་ནས་བོད་ཡིག་བོད་སྐད་ཐོག་ཉམས་ཆག་ཕྱིན་ཡོད་པ་མངོན་གསལ་རེད། འདིའི་ཐད་༧གོང་ས་མཆོག་གིས་ཀྱང་ཐུགས་ཕམ་མཛད་ཀྱི་ཡོད་པ་རེད། མ་འོངས་པར་སློབ་གྲྭ་འདི་ནས་རྐང་བཙུགས་ཏེ་བོད་པའི་སྐད་ཡིག་རིག་གནས་དང་། ལྷག་པར་དུ་སྤྱི་ཚོགས་ཧྲིལ་བོའི་བསམ་བློའི་ཀུན་སྤྱོད་ལ་གཡོ་འགུལ་བསླང་ཐུབ་པའི་རྩོམ་རིག་གི་མཐོ་རླབས་ཤིག་སློབ་གྲྭ་འདི་ནས་འཕྱུར་ཐུབ་ན་སྙམ་པ་དང་། མི་རིགས་ཀྱི་ཁྱད་ཆོས་ལྡན་པའི་དེང་རབས་རྩོམ་རིག་གི་དཔུང་སྡེ་གསར་པ་ཞིག་བསྐྱེད་སྲིང་བྱ་རྒྱུའི་ཧམ་སེམས་ཤིག་བཟུང་ཡོད། ཕུགས་བསམ་དང་རེ་བ་ཆེ་བས་བརྟས་པའི་སློབ་ཕྲུག་མང་པོ་ཞིག་གིས་ཀྱང་ཆེད་དུ་ཁོར་ཡུག་འདི་བདམས་ཏེ་ཡོང་བ་ཡིན་སྟབས། ང་ཚོའི་བར་ཐུན་མོང་གི་འཚོལ་སྙེགས་ཤིག་དང་ཐུན་མོང་གི་ཕུགས་འདུན་ཞིག་ཡོད་ཅིང་། ཐུན་མོང་གི་སྤྲོ་སྣང་ཞིག་དང་ཐུན་མོང་གི་མཛའ་བརྩེ་ཞིག་ཡོད་སྟབས། ངའི་རྨི་ལམ་དེ་རྨི་ལམ་ཁོ་ན་མིན་པའི་ཡིད་ཆེས་ཡོད། ཅེས་གསུངས་སོང་།
བོད་ཡིག་སྡེ་ཚན་གྱི་སློབ་མ་བསོད་ནམས་མཚོ་ལགས་སུ་སློབ་གྲྭའི་མཐུན་རྐྱེན་དང་སློབ་སྦྱོང་སྤྲོད་སྟངས་ཀྱིས་འདོད་པ་ཁེངས་པ་ཞིག་ཡོང་གི་ཡོད་མེད་དང་། མ་འོངས་པར་ལས་ཀ་གང་འདྲ་བྱ་འདོད་ཡོད་སྐོར་དྲིས་པར་ཁོ་མོས། ང་རང་ ༡༩༩༨ ལོར་རྒྱ་གར་དུ་ཡོང་སྟེ་མ་སུ་རི་བོད་ཁྱིམ་ནས་འཛིན་གྲྭ་བཅུ་གཉིས་ཐོན་རྗེས་སློབ་གྲྭ་འདིར་འཛུལ་ཞུགས་བྱས་པ་ཡིན། ང་ཆུང་དུས་ནས་བོད་ཡིག་ལ་དགའ་བོ་ཞེ་དྲག་ཡོད། མ་འོངས་པར་བོད་ཡིག་ཐོག་མཁས་པ་ཞིག་བྱ་དགོས་དྲན་བསྡད་པ་དེ་ད་ཆར་ལམ་ཁ་རག་སོང་། སློབ་གྲྭའི་ཞལ་ལག་དང་ཉལ་ཁང་། ལྷག་པར་དུ་ཁོར་ཡུག་གུ་ཡངས་པོ་དང་ཁུ་སིམ་པོ་ཡོད་པ་འདིས་སློབ་སྦྱོང་ལ་རོགས་འདེགས་ཐུབ་ཀྱི་འདུག སློབ་གྲྭ་འདི་ནས་བོད་ཡིག་ཐོག་ཁུངས་འཁྱོལ་བ་ཞིག་བཟོ་དགོས་དྲན་ཡོད། མ་འོངས་པའི་ལས་ཀར་བསམ་བློ་གཏོང་གི་མེད། དེ་ལ་སེམས་ཁྲལ་ཡང་ཡོད་རྒྱུ་མ་རེད་དྲན་ཡོད། གང་ཡིན་ཟེར་ང་ཚོ་སྐལ་བ་བཟང་པོ་རེད། ཏཱ་ལའི་བླ་མ་མཐོ་སློབ་ཀྱི་སློབ་མ་སྐབས་དང་པོ་ཡིན་ལ་སྦྱང་བྱ་ཡང་བོད་ཡིག་རིགས་གཅིག་རྐང་འཛིན་རེད། སློབ་གྲྭ་དང་སློབ་ཚན་གྱི་ཐད་ནས་སོ་སོར་སྤོབས་པ་ཡོད། རང་གི་སློབ་སྦྱོང་གི་ཆུ་ཚད་ཀྱིས་མ་འོངས་པའི་ལས་ཀ་ཐག་གིས་གཅོད་གི་རེད། ཅེས་ཤར་མར་བརྗོད་བྱུང་།
ཡང་སློབ་ཕྲུག་བློ་བཟང་ཆོས་སྒྲོན་ལགས་སུ་མཐོ་སློབ་འདིར་ཞུགས་རྒྱུའི་དམིགས་ཡུལ་གང་ཡིན་དང་སྐོར་བཅར་འདྲི་ཞུས་པར་ཁོ་མོས། ང་རང་སློབ་གྲྭ་འདིའི་དགེ་རྒན་འོས་སྦྱོང་ལོ་རིམ་དང་པོའི་ནང་། ཚན་རིག་དང་སྤྱི་ཚོགས་རིག་གནས། རྩིས་རིག་སོགས་ལ་སློབ་སྦྱོང་བྱེད་ཀྱི་ཡོད། སྔོན་མ་ངའི་ཕུ་བོ་སློབ་གྲྭ་འདི་ནས་དགེ་རྒན་འོས་སྦྱོང་ཐོན་པ་རེད། ཁོས་སློབ་གྲྭ་འདི་ཡག་པོ་ཡོད་པ་རེད་ལབ་ཏེ། ང་སློབ་གྲྭ་འདིར་ཞུགས་པ་ཡིན། མ་འོངས་པར་རྩིས་རིག་དགེ་རྒན་ཞིག་བྱ་དགོས་བསམ་ཡོད། ༢༠༠༩ ལོར་ང་རང་སློབ་གྲྭ་འདིར་འབྱོར་སྐབས་ཁོར་ཡུག་ཚང་མ་སྟོང་པ་རེད། མཐོ་སློབ་ཅིག་ཏུ་སླེབས་པའི་ཚོར་བ་མི་འདུག སློབ་གྲྭ་འཛུགས་སྐྲུན་བྱེད་མཁན་གྱི་འཕྲུལ་འཁོར་གྱི་སྒྲ་ཆེན་པོ་འདུག ཧ་ཅང་སུན་པོ་བྱུང་སོང་ལ། དགེ་རྒན་གྱི་སློབ་ཁྲིད་ཡང་གོ་ཐུབ་ཀྱི་མི་འདུག ལྷག་པར་དུ་སློབ་གྲྭའི་ཁོར་ཡུག་ན་ཚོང་དང་ཟ་ཁང་གཅིག་ཀྱང་ཡོད་པ་མ་རེད། སྐབས་རེར་རྔན་པ་ཉོ་ས་མེད་པའི་དཀའ་ངལ་ཡང་འཕྲད་ཀྱི་འདུག་ཅེས་བརྗོད་སོང་།
གསར་འགོད་པ། དོན་འགྲུབ་བཀྲ་ཤིས།
དེ་སྔོན་ཁོ་བོས་བཤད་པའི་དྲི་བ་དེར་མིག་ཤར་ཡག་པོ་ཞིག་བྱས་ནས་ལན་རྒྱོབས་དང་། དེ་ནས་རིམ་གྱིས་ཁ་བརྡ་བྱེད་ཆོག
ལྷག་པར་དུ་ཡིག་ནོར་ལ་གཟབ་གཟབ་བྱེད་དགོས།
འཕགས་པ་ཤེལ་དཀར་ལགས།
དགེ་བཤེས་ལགས་འདི་ནང་ཆོས་ཀྱི་དགེ་རྒན་རེད་དམ་ཡང་ན་བོད་ཡིག་གི་དགེ་རྒན་རེད།
གལ་སྲིད་བོད་ཡིག་གི་དགེ་རྒན་ཞིག་ཡིན་པའི་དབང་དུ་བཏང་ན་བོད་ཡིག་སུམ་རྟག་དག་གསུམ་གཅིག་པུ་བསླབ་བཞིན་ཡོད་པ་རེད་དམ་ཡང་ན་དེ་ལས་བཟློག་ཏེ་བོད་ཀྱི་རྒྱལ་རབ་དང་ད་ལྟའི་གནས་བབས་མ་འོངས་པའི་བྱེད་ཕྱོགས་སྐོར་ལ་ཆབ་སྲིད་དང་འབྲེལ་བའི་བཀའ་སློབ་གནང་གི་རེད།
གལ་སྲིད་ནང་ཆོས་ཀྱི་དགེ་རྒན་ཡིན་ན་ནང་ཆོས་ཁྱབ་བརྡལ་བཏང་ས་དགོན་པ་གྲྭ་ཚང་ཡིན་པས་དེའི་ནང་ནས་བཏང་ན་མི་འགྲིག་པ་རེད་དམ།
ཡང་ན་དགོན་པ་གྲྭ་ཚང་ནང་ནང་ཆོས་བཤད་ས་མེད་པ་རེད།
གྲྭ་པ་ཕལ་ཆེར་རྫོགས་པ་རེད་པས།
བོད་ཀྱི་ཆོས་དང་རིག་གཞུང་ཞེས་བོད་ཀྱི་རིགས་གཞུང་དགེ་འདུན་པས་དར་སྤེལ་བཏང་ན་འཇིག་རྟེན་སྐྱངས་པ་དེ་ལ་ཟེར་གྱི་རེད།
བོད་ཀྱི་རིག་གཞུང་ཡིན་ན་ནང་ཆོས་གཅིག་པུ་མ་རེད།
ཁྱེད་རང་དེའི་ཐད་ལ་ཐུགས་དགོངས་རྒྱ་མཚོ་ལས་ཟབ་ཀྱང་མི་རིགས་ཀྱི་ཞེན་ཁོག་ཆེ་བ་དང་ད་ལྟའི་གནས་སྟངས་འདི་ཐུགས་ཚབ་བྱུང་ཡོད་ཀྱི་རེད།
ད་དུང་ཁྱིམ་མེད་པར་རབ་ཏུ་བྱུང་བ་ཞེས་པ་དེ་ཁྱིམ་ཐབས་སྤངས་པའི་གང་ཟག་ལ་གོ་དགོས་པའི་གནད་དོན་ཡིན་པའི་ཚིག་འདི་ཁྱེད་རང་ཕུལ་གྱི་ཡིན།
དེ་མིན་སྡོད་གནས་ཀྱི་མིང་ལ་ཁྱིམ་ཞེས་གོ་དགོས་པ་དང་།
ཆུང་མ་དང་བུ་ཕྲུག་ཡོད་པ་རྣམས་ལ་ཁྱིམ་པ་ཞེས་གྲགས། རབ་ཏུ་བྱུང་བ་ཚང་མར་སྡོད་གནས་མེད་པར་ག་འདྲ་ཞིག་ལ་བཞུགས་ཡོད་པ་རེད་ཞེས་ཁྱེད་རང་ལ་དྲི་བ་ཞིག་ཡོད།
ལམ་སྟོན་ལྷུག་སྩོལ་ཡོང་བའི་སྨོན་འདུན་ཡོད།
ཨ་འཇམ་ཁོང་ལ་ཏཱ་ལའི་བླ་མའི་མཐོ་སློབ་ཀྱི་དགེ་རྒན་འདི་ཇི་ལྟར་ཐོབ་པ་རེད་དམ།
ངོ་མ་ཤ་ཚ་གཅེན་པོའི་མིང་ཅན་ཁྱོད། དགེ་བཤེས་ལགས་དེ་ཡིས་ཆབ་སྲིད་དང་འཇིག་རྟེན་ཇི་ལྟར་བསྐྱངས་འདུག ཅི་འདྲ་ཞིག་ལ་རབ་ཏུ་བྱུང་བས་ཆབ་སྲིད་དང་འཇིག་རྟེན་བསྐྱངས་པ་ཟེར་།
ཁྱེད་ཀྱིས་བཤད་པ་ལྟར་རབ་ཏུ་བྱུང་བའི་བྱ་བ་ལ་ཀློག་པ་ཐོས་བསམ་དང་། སྤོང་བ་བསམ་གཏན། བྱ་བ་ལས་ཀྱི་འཁོར་ལོ་གསུམ་ཡོད་པ་ཡིན་པས་ཤེས་ཡོན་གྱི་བསྟི་གནས་སློབ་གྲྭ་ཁག་དང་། མཁྱེན་ཡོན་ལྡན་པའི་མི་དམངས་ཁག་ལ་ནང་ཆོས་སྤྱི་དང་། ལྷག་པར་བོད་ཀྱི་མཐུན་མོང་མ་ཡིན་པའི་ཆོས་དང་རིག་གཞུང་དར་སྤེལ་གནང་ན་བྱ་བ་ལས་ཀྱི་འཁོར་མ་ཡིན་ནམ། ག་འདྲ་ཞིག་ལ་བྱ་བ་ལས་ཀྱི་འཁོར་ལོ་ཟེར་།
༸མགོན་པོ་མཆོག་གིས་ནུབ་ཕྱོགས་ཡུལ་གྲུ་ཀུན་ལ་ནང་ཆོས་དང་ཡ་རབས་བཟང་སྤྱོད་དར་སྤེལ་བཏང་བ་དེ་རབ་ཏུ་བྱུང་བའི་བྱ་བ་མ་ཡིན་ནམ།
ཁྱིམ་ནས་ཁྱིམ་མེད་པར་རབ་ཏུ་བྱུང་བ་ཞེས་པའི་ཁྱིམ་སྔ་ཕྱི་གཉིས་ཀར་དགག་སྒྲ་སྦྱར་བ་ཁྱེད་ཀྱིས་ཨེ་ཤེས། གྲོང་ལས་རྒྱང་རིང་དུ་གནས་པའི་དགོན་པར་ཁྱིམ་རེད་ཅེས་པ་ནི་བརྡ་ལ་མ་བྱང་པའི་སོ་སོ་སྐྱེ་བོའི་རང་གདངས་སོ།
མིག་ཟུང་ལྡན་ཞིང་བློ་རྒྱ་ཆེ་བའི་ཤེལ་དཀར་ལགས།
༧གོང་ས་མཆོག་གི་དུས་རབ་ཉེར་གཅིག་པའི་ཆོས་པ་ཞིག་བྱེད་དགོས་གསུང་པ་ལས་དུས་རབ་ཉེར་ཅིག་པའི་རབ་བྱུང་རྣམས་ཀྱི་ཆབ་སྲིད་དང་འཇིག་རྟེན་སྐྱོངས་ཞེས་གསུངས་མི་འདུག
སྤྱིར་ཆོས་པ་ཞེས་པ་དེ་ཆོས་བྱེད་མཁན་ཡོད་དོ་ཅོག་ལ་གོ་བ་ལས་རབ་བྱུང་གཅིག་པུ་མ་ཡིན།
ཁྱེད་རང་གིས་གསུངས་པ་ལྟར་གོས་དཀར་ལྕང་ལོའི་སྡེ་མང་ཙམ་གཙུགས་པ་ཡིན་ན་ད་གཟོད་མི་འབོར་ལ་ཤུགས་སྣོན་ཡོང་གི་རེད་ལ་ཆོས་པ་རྣམས་གྲོང་དུ་ཅི་འདོད་དུ་འཇིག་རྟེན་དར་སྤེལ་དང་འཇིག་རྟེན་གསར་འདོད་འཇིག་རྟེན་སྲ་བརྟན་བཏང་ཆོག་གི་རེད།
སངས་རྒྱས་ཀྱི་བསྟན་པ་འདུལ་བའི་སྡེ་ལ་རག་ལས་གསུངས་པ་བཞིན་རེད་ལ་འདུལ་བའི་སྡེའི་ལས་ནི་གསུམ་སྟེ། ཀློག་པ་ཐོས་བསམ། སྤོང་བ་བསམ་གཏན། བྱ་བ་ལས་ཀྱི་འཁོར་ལོ་གསུམ་ཡིན་པས། ཚུལ་ཁྲིམས་ཕུན་སུམ་ཚོགས་པ་དང་ལྡན་པའི་འདུལ་སྡེ་དེ་ནི་མཁས་མཆོག་དབྱིགས་གཉེན་གྱི་གསུངས་པའི་ལུང་དེ་འཛིན་མཁན་ཞིག་འདུལ་སྡེ་འདི་ལས་ལོགས་སུ་གྱུར་བ་ཞིག་སྔོན་ཆད་མ་བྱུང་ལ་ཕྱིས་ཀྱང་འབྱུང་བར་མི་འགྱུར།
དོན་དངོས་ཐོག་དགོན་པ་དང་བལ་ཐ་དབེན་པ་ཀུན་དགའ་ར་བ་སོགས་རབ་ཏུ་བྱུང་བའི་ཁྱིམ་མ་ཡིན་ན་ཅི་ཞིག་རེད་ཤེལ་དཀར་ལགས།
དྲ་གྲོགས་འབྲོང་བུ་ཟླ་བ་ལགས།
མཐོ་རིམ་སློབ་གཉེར་ཁང་དེའི་ངོ་སྤྲོད་ཞིབ་ཚགས་གནང་བར་བཀའ་དྲིན་ཆེ།
ང་ཚོས་དུས་རབས་འདིའི་ནང་སློབ་གྲྭ་འདི་ནས་མི་བུ་གསར་གཏོད་དང་སྙིང་སྟོབས་ཀྱི་ཕྱུག་མཁན་མང་བོ་ཞིག་ཐོན་པའི་རེ་བ་བཅིང་ཆོག འདི་ནི་མགསེར་གྱི་མཆོད་རྟེན་ཞིག་བཞེངས་པ་ལས་རིན་ཐང་བརྒལ་ཡོད། ་
དྲ་གྲོགས་ཚོ་གཟིགས་དང་། གཅེན་པོས་བཤད་སྟངས་བྱས་ན་རབ་བྱུང་རྣམས་ལ་སྤང་རྒྱུའི་ཁྱིམ་གཅིག་དང་བསྟེན་རྒྱུའི་ཁྱིམ་གཅིག་འདུག། འདི་སྔོན་ཆད་སུས་ཀྱང་གསུངས་མ་ཐུབ་པའི་གཏམ་གསར་ཞིག་རེད།
ཁྱིམ་ནས་ཁྱིམ་མེད་པར་རབ་ཏུ་བྱུང་བ་ཞེས་པ་ཁྱེད་ལྟར་ན་རབ་བྱུང་རྣམས་ཁྱིམ་སྔ་མ་སྤངས་ནས་ཁྱིམ་ཕྱི་མ་ལ་འཛུལ་བ་ཞེས་བརྗོད་དགོས་པ་རེད། ཡ་མཚན་ལས་ཀྱང་འདི་ཡ་མཚན་ཏེ་ཚིག་དོན་གང་ལ་ཡང་མི་འཇུག་གོ།
སངས་རྒྱས་ཀྱི་བསྟན་པ་གནས་མིན་ནི་ལམ་བསླབ་པ་གསུམ་གྱི་ཉམས་ལེན་དང་ལུང་སྡེ་སྣོད་གསུམ་གྱི་འཆད་ཉན་ཡོད་མེད་ལ་རག་ལས་པ་རེད།
མཁས་མཆོག་དབྱིག་གཉེན་གྱིས།
སྟོན་པའི་དམ་ཆོས་རྣམ་གཉིས་ཏེ།།
ལུང་དང་རྟོགས་པའི་བདག་ཉིད་དོ།།
དེ་འཛིན་བྱེད་དང་སྨྲ་བྱེད་དང་།།
སྒྲུབ་པར་བྱེད་པ་ཁོ་ན་ཡིན།། ཞེས་ཁོ་ནའི་སྒྲས་ཤེས་ནུས་སོ།
བསྟན་པ་འཛིན་སྐྱོང་སྤེལ་གསུམ་དེ་རབ་བྱུང་ངུར་སྨྲིག་གི་སྡེ་ཙམ་དུ་མ་ཟད་གོས་དཀར་ལྕང་ལོའི་སྡེར་ཡང་དར་སྤེལ་བྱས་ན་རྗེས་སུ་ཡི་རང་གི་གནས་ལས་དེ་ལ་ཡ་མཚན་རྒྱུ་ཅི་ཡོད།
ཁྱེད་ལྟར་ན་བདག་ཅག་སྟོན་པས་རབ་ཏུ་བྱུང་བར་ཆོས་འཁོར་བསྐོར་བ་ལས་གཞན་དུ་ཁྱིམ་བདག་སྐྱ་བོ་རྣམས་ལ་ཆོས་སྐོར་གསུངས་པ་དེ་ཡང་ཡ་མཚན་ཞིག་མཐོང་གི་ཡོད་ཚོད་རེད།
༸མགོན་པོ་མཆོག་གིས་ང་ཚོ་བོད་མི་ཡོད་དོ་ཅོག་མཁས་བཙུན་བཟང་གསུམ་གྱི་མི་ཞིག་བྱེད་དགོས་ཞེས་དང་། དུས་རབས་ཉེར་གཅིག་པའི་ཆོས་པ་ཞིག་བྱེད་དགོས་གསུངས་པ་སོགས་ལ་ཞིབ་ཏུ་ལྟོས།
མདོར་ན་མ་ཤེས་ཤེས་མདོག་དེ་རེ་ཞིག་བོར་ནས་བློ་རྒྱ་ཆེན་པོས་ཕྱོགས་དུས་གནས་སྐབས་ཀུན་ལ་བྱང་པར་གྱིས།།
དྲ་གྲོགས་འབྲོང་བུ་ཟླ་བ་ལགས།
སྐུ་ཉིད་ཀྱིས་མཐོ་སློབ་དེའི་བྱུང་རབས་ཞིབ་ཚགས་འགྲེལ་བརྗོད་གནང་བར་ཐུགས་རྗེ་ཆེ།
ཤེལ་དཀར་ལགས།
ཁྱིམ་ནས་ཁྱིམ་མེད་པར་རབ་ཏུ་བྱུང་བ་ཟེར་བ་དེ་བདག་ཅག་གི་སྟོན་པ་བཀའ་དྲིན་ཅན་ཁོང་བཞུགས་པའི་སྐབས།
དགོན་པ་དང་གཙུག་ལག་ཁང་དེང་དུས་ཀྱི་ང་རང་ཚོའི་རྒྱས་སྤྲོས་འདི་འདྲ་ཡོད་རབས་བཀའ་བསྟན་གང་ཞིག་ནང་དུ་ཡོད་རབས་མི་འདུག
ཁྱིམ་དང་པོ་དེ་རང་གཉིས་ཀྱི་ལྟེ་ཁྲག་འཕོས་སའི་ནང་དང་ཡང་ན་རང་ཉིད་ཀྱི་ལུང་པ་དེ་སྤངས་དགོས་རབས་འདུག
དེ་ཡང་རྒྱལ་སྲས་ཐོགས་མེད་ཀྱི་ཞལ་ནས།
གཉེན་གྱི་ཕྱོགས་ལ་འདོད་ཆགས་ཆུ་ལྟར་གཡོ།།
དགྲ་ཡི་ཕྱོགས་ལ་ཞེ་སྡང་མེ་ལྟར་འབར།།
བླང་དོར་བརྗེད་པའི་གཏི་མུག་མུན་ནག་ཅན།།
ཕ་ཡུལ་སྤོང་རྒྱལ་སྲས་ལག་ལེན་ཡིན་ཞེས་གསུང་པ་ལྟར་ཡིན་གྱི་རེད་ལ།
དེ་ནི་ཁྱིམ་སྔ་མ་སྤངས་དགོས་པའི་གནད་དོན་ཞིག་ལ་རེད།
ཁྱིམ་ཕྱི་མ་གང་ཞིག་བསྟེན་དགོས་ཞེ་ན།
སྟོན་པས།
དགེ་སློང་དག་རབ་ཏུ་བྱུང་བས་གྲོང་ལས་རྒྱང་གྲགས་ལྔ་བརྒྱ་བརྒལ་བའི་དགོན་པ་བལ་ཐ་དབེན་པའི་གནས་བསྟེན་པར་བྱའོ་གསུངས་པར་ལྟར་དང་། རབ་ཏུ་བྱུང་ཞེས་པ་ནི་སྲིད་པ་ཁམས་གསུམ་འཁོར་བའི་སྡུག་བསྔལ་གྱི་རྒྱ་མཚོ་འདི་ལས་ཐར་འདོད་དང་ཞི་བའི་གོ་འཕང་ཐོབ་འདོད་ཀྱི་བསམ་བློ་ཞིག་ངེས་པར་དུ་དགོས་པ་མ་ཏོགས་འཚོ་གོས་དང་འཇིག་རྟེན་སྐྱོང་ལུགས་སོགས་སྲིད་པ་འཕེལ་བའི་ཆེད་དུ་རབ་ཏུ་བྱུང་བ་ཞིག་ངེས་པར་དུ་མིན་པ་འདྲ།
སངས་རྒྱས་ཀྱི་བསྟན་པ་རིན་པོ་ཆེ་གནས་མི་གནས་ཀྱི་ཚད་གཞི་དེའང་རབ་བྱུང་ཡོད་མེད་ཀྱི་ཐག་བཅད་ཀྱི་ཡོད་བཟོ་འདུག
སངས་རྒྱས་ཀྱི་བསྟན་པ་དར་སྤེལ་བྱེད་སའི་གཏི་གནས་ཀྱང་དེང་སྐབས་དགོན་པ་གྲྭ་ཚང་འདི་དག་ནང་ནས་དར་སྤེལ་མི་བྱེད་པར་སློབ་གྲྭ་ཁག་གི་ནང་ནས་དར་སྤེལ་བྱེད་ཡག་འདི་ཡ་མཚན་པའི་ཕྱག་ལས་ཤིག་རེད།
དེང་དུས་གཡག་མིག་ཟུང་ལྡན་པའི་རྩ་ཟ་སྟངས་འདི་དངོས་གནས་ཁྱད་མཚར་ཞིག་འདུག
སེར་མོ་བ་རེ་འགས་གཅིག་བྱེད་ཀྱི་འདུགཧཧཧཧཧཧཧཧཧཧཧཧཧཧཧཧཧཧཧཧཧ
ཤེལ་དཀར་བློ་བཟང་ལགས།
མཐོ་སློབ་འདིའི་མིང་ནི་༧གོང་ས་མཆོག་གིས་གནང་བ་དང། འཛིན་སྐྱོང་བོད་ཁྱིམ་སྤྱི་ཁྱབ་ཡིག་ཚང་གིས་གནང་བཞིན་ཡོད། ད་ལྟའི་ཆར་མཐོ་སློབ་འདིའི་དབུ་འཛིན་ནི་བོད་ཁྱིམ་གྱི་ཤེས་ཡོན་འགན་འཛིན་ཟུར་བ་རྒན་ངག་དབང་རྡོ་རྗེ་ལགས་རེད།
གླིང་སྐལ་རྒྱམ་ལགས།
མཐོ་སློབ་འདི་ནི་སྦེང་ལོར་གྲོང་ཁྱེར་ནས་མེག་སོར་ལམ་དུ་བསྐྱོད་ན་སྤྱི་ལེ་༢༧ སར་ཆགས་ཡོད་པ་ཞིག་རེད།
མཐོ་སློབ་འདིའི་སྐོར་ལ་མཁྱེན་འདོད་ཡོད་ན། གཤམ་གྱི་དྲ་རྒྱ་ཁག་ལ་གཟིགས་དང། གནས་ཚུལ་ཅུང་ཙམ་རེ་འདུག
http://www.tcv.org.in/tcvcollege.shtml
http://www.phayul.com/news/article.aspx?id=23836
གསར་འགོད་པས་གནས་ཚུལ་ཡག་པོ་ཞིག་བྲིས་འདུག་མོད། སློབ་གྲྭ་འདི་རྡ་སའི་གཡས་གཡོན་གང་ཞིག་ན་ཡོད་མེད་གསལ་བོ་ཞིག་བྲིས་མི་འདུག ངས་སློབ་གྲྭ་ག་བ་ཡོད་མེད་དེ་ཅང་ཙམ་གལ་ཆེན་པོ་མཐོང་སོང་བས། གསར་འགོད་པའམ་སུ་ཞིག་གིས་ལན་ཞིག་གནང་རོགས།
དྲ་གྲོགས་གཅེན་པོའི་མིང་ཅན་ལགས། ཁྱེད་རང་གིས་སངས་རྒྱས་ཀྱི་བསྟན་པ་འཛིན་སྐྱོང་སྤེལ་གསུམ་བྱེད་ལུགས་ཕྱོགས་གཅིག་ལས་ཤེས་ཀྱི་མི་འདུག ཁྱེད་ཀྱིས་བསམ་ཚུལ་དེ་གཡག་ཞར་གྱིས་རྩྭ་ཟ་བ་ལྟར་རེད་འདུག
ཞར་བྱུང་དུ་བཀའ་དྲི་ཞུ་རྒྱུར་། ཁྱེད་ཀྱིས་བཤད་པའི་ཁྱིམ་ནས་ཁྱིམ་མེད་པར་རབ་ཏུ་བྱུང་བ་ཞེས་པའི་ཁྱིམ་སྔ་ཕྱི་གཉིས་དེ་གང་ལ་ངོས་འཛིན་དགོས་མིན་དང་། དེ་གཉིས་ལས་རབ་ཏུ་བྱུང་ཚུལ་མདོར་བསྡུས་ཤིག་གསུངས་རོགས།
ཕ་ལམ་ནག་པོ་ལགས། མཐོ་སློབ་འདི་ནི་ང་རང་ཐེ་བའི་བོད་མི་ཀུན་གྱི་རེ་འབྲས་ཀྱི་མིག་ཟུང་གཏད་ས་ཡིན་པས་་སེམས་ཁྲལ་ལོས་བྱེད། བདག་གིས་ནམ་རྒྱུན་མི་ལོ་ལྔ་བཅུའི་ཤེས་ཡོན་འཐུས་ཤོར་ལ་མཐོ་སློབ་འདིས་གུན་གསབ་བྱེད་ཐུབ་རྒྱུ་རེད་བསམ་ཀི་ཡོད། དེའི་ཕྱིར་མཐོ་སློབ་འདིའི་སློབ་གསོའི་ཁ་ཕྱོགས་ནོར་བ་ཡིན་ན་འཐུས་ཤོར་ཆེན་པོ་རེད་ལ། ཁྱད་པར་དུ་བོད་ཡིག་སྡེ་ཁག་གི་འགན་འཛིན་གྱིས་འཛིན་སྐྱོང་ལ་ནོར་འཁྱུགས་བྱུང་བ་ཡིན་ན་དེ་ལས་ཀྱང་འཚབ་ཆེན་དུ་མཐོང་གི་འདུག བཙན་བྱོལ་དུ་བོད་སྐད་ཡིག་གི་ཚེ་སྲོག་ཉག་ཕྲ་བའི་སྐབས་འདིར་མཐོ་སློབ་འདི་ནི་གསོན་ཤུགས་སྦྱིན་མཁན་གྱི་རེ་བ་ཆེ་ཤོས་ཤིག་ཏུ་གྱུར་ཡོད་པས་སོ།
ཤེལ་དཀར་བློ་བཟང་ལགས།
ངས་གྲྭ་བཙུན་ལ་སྨད་པ་མིན་ལ་དེ་ལས་ཟློག་ཏེ་གྲྭ་བཙུན་ལ་གུས་བཀུར་བྱེད་བཞིན་ཡོད་ལ་ང་རང་ཡང་ནང་ཆོས་ལ་དད་པའི་མི་སྣ་ཞིག་ཡིན་པས་སོ་སོའི་སྐྱབས་བཅོལ་ས་དང་སྐྱབས་ཀྱི་ལམ་སྐྱབས་ཀྱི་གྲོགས་བཅས་ལ་གུས་བཀུར་བླ་ན་མེད་པ་ཞུ་བཞིན་ཡོད།
ངེས་ཅག་གི་སྟོན་པ་དཀའ་དྲིན་ཅན་ཡང་ཁྱིམ་ནས་ཁྱིམ་མེད་པར་རབ་ཏུ་བྱུང་ཞིང་འཇིག་རྟེན་པའི་སྤྱི་ཚོགས་ལས་ཐག་རིང་དུ་བཞུགས་ནས་དམ་པའི་ཆོས་ཀྱི་ཆར་འཕབས་ནས་འགྲོ་རྣམས་འཁོར་བའི་སྡུག་བསྔལ་ལས་བསྒྲལ་བའི་ཕྱིར་དུས་རྟག་ཏུ་གྲོང་དུ་བསོད་བསྙོམས་ལ་མ་གཏོགས་མི་བྱོན་པས་ངས་དེ་ལ་བསམ་ནས་ཞུ་གི་ཡོད།
འཇིག་རྟེན་པའི་ཤེས་ཡོན་ནི་འཇིག་རྟེན་པ་ཞིག་གི་ལམ་སྟོན་གནང་དགོས་པ་དང་གལ་སྲིད་འཁོར་བ་སྡུག་བསྔལ་གྱི་རང་བཞིན་མཐོང་བའི་མི་བུ་ཞིག་ཡིན་ན་དེ་ངེས་པར་འབྱུང་ནས་རབ་ཏུ་བྱུང་བའི་སྡེ་རུ་བཞུགས་དགོས་པ་ལས་སློབ་གྲྭའི་ནང་བཞུགས་མི་དགོས།
རབ་ཏུ་བྱུང་བ་བཞུགས་ས་དང་སློབ་གྲྭ་གཉིས་ཁ་ཁ་ཡིན་པས་སོ།
གལ་ཏེ་དེ་ལ་ཁྱད་པར་མེད་ན་ང་རང་ཚོ་ད་ལྟ་མི་འབོར་མེད་པའི་དཀའ་ངལ་ཞིག་ཡོད་ནི་ཡོད་བདེན་པ་རེད་བྱས་ཙང་དགོན་པ་དགོས་བྱེད་མི་འདུག
སྔོན་ལ་དེ་ཙམ་ཡིན་རྗེས་སུ་རིམ་བཞིན་ཡིན་ཏ།
མིག་གསུམ་པ།
སེམས་ཁྲལ་མ་བྱེད།གྲྭབ་བློ་བཟང་རྒྱལ་མཚན་ནི་བོད་ཡིག་སྡེ་ཚན་གྱི་འགན་འཛིན་ཡིན་པ་མ་གཏོགས་་མཐོ་སློབ་ཀྱི་སློབ་སྤྱིའམ་འགན་འཛིན་མིན་པས།ྲ་་མཐོ་སློབ་ད
ེ་
འཇིག་རྟེན་མི་ཆོས་ཀྱི་བགྲོད་ལམ་ལ་ཏག་ཏག་བསྐྱོད་ཐུབ་པའི་ཡིད་ཆེས་ཡོད།
སྤྱིར་མཐོ་རིམ་སློབ་གྲྭ་འདིའི་དམིགས་དོན་ལེགས་འགྲུབ་ཡོང་བའི་སྨོན་འདུན་དང་། ནང་སྒོས་རྒན་ཨ་འཇམ་གྱིས་སྒྱུ་རྩལ་རྩོམ་རིག་གི་སྒོ་འཕར་ཡངས་པོར་ཕྱེས་ཏེ་དེ་གའི་སློབ་ཕྲུག་དག་གི་སེམས་ཁམས་ལ་སྒྱུ་རྩལ་གྱི་ས་བོན་འདེབས་ཐུབ་པའི་ཡིད་ཆེས་ཡོད། ཡིན་ནའང་། མཐོ་སློབ་དེའི་འགན་འཛིན་གྲྭ་བ་ཞིག་ཡིན་པ་དེས་འཇིག་རྟེན་མི་ཆོས་ཀྱི་བགྲོད་ལམ་ལ་ཏག་ཏག་ཅིག་འགྲོ་ཐུབ་ཀྱི་ཨེ་ཡོད་སྙམ་ཀི
གཞན་བཤད་རྒྱུ་ཞིག་ལ། སློབ་གྲྭ་འདི་བོད་གཞིས་བྱེས་གཉིས་ཀྱི་བོད་མི་ཚོས་རེ་བ་དང་ཡིད་ཆེས་བཅོལ་ས་ཡིན་པས་བློ་འགྱོད་མེད་པ་ཞིག་གི་འཕེལ་རྒྱས་ཀྱི་ངོ་བོར་ངེས་པར་དུ་གནས་དགོས། སློབ་གྲྭའི་སློབ་གསོའི་ཁ་ཕྱོགས་མ་ནོར་བ་ཞིག་དང་རེ་བ་ཡོད་པ་ཞིག་བཟོ་རྒྱུ་ནི་སློབ་གྲྭ་དེའི་འགན་འཛིན་དང་དགེ་ལས་ཡོངས་ལ་རེག་ལས་པས་འཐུས་ཤོར་དུ་མི་འགྲོ་བར་སྨོན། མ་འོངས་པའི་སློབ་གྲྭ། མ་འོངས་པའི་ཤེས་ཡོན་གྱི་བསྟི་གནས། རྒྱལ་གྱུར་ཅིག
སྤྱིར་མཐོ་རིམ་སློབ་གྲྭ་འདི་འཛུགས་དགོས་པའི་དམིགས་དོན་ལེགས་འགྲུབ་ཡོང་བའི་སྨོན་འདུན་དང་། ནང་སྒོས་སུ་རྒན་ཨ་འཇམ་གྱིས་རྩོམ་རིག་སྒྱུ་རྩལ་གྱི་ལམ་ཁ་ཡངས་པོར་ཕྱེས་ཏེ་དེ་གའི་སློབ་ཕྲུག་ཚོའི་སེམས་ཁམས་ལ་སྒྱུ་རྩལ་རྩོམ་རིག་གི་ས་བོན་འདེབས་ཐུབ་པའི་ཡིད་ཆེས་ཀྱང་ཡོད། ཡིན་ནའང་། མཐོ་རིམ་སློབ་གྲྭ་དེའི་འགན་འཛིན་གྲྭ་བ་ཞིག་ཡིན་པ་དེས་འཇིག་རྟེན་མི་ཆོས་ཀྱི་་བགྲོད་ལམ་ལ་ཏག་ཏག་ཅིག་འགྲོ་ཐུབ་ཀྱི་ཨེ་ཡོད་སྙམ་པའི་ཚོར་སྣང་ཞིག་སླེབས་སོང་། གྲྭ་བ་ཞིག་ཡིན་ན་དམ་པ་ལྷ་ཆོས་ཀྱི་ཁོར་ཡུག་དེ་རུ་རང་ཉིད་ལ་མཚམས་པའི་ལོངས་སྤྱོད་ཅིག་ལ་འབད་ཚེ་རབ་ཏུ་བྱུང་བའི་དམིགས་དོན་ཡང་འགྲུབ་པ་རེད་འདོད་ཀི གང་ལྟར་འཇིག་རྟེན་མི་ཆོས་ཀྱི་ལམ་ཁ་འདིར་རང་ཉིད་དང་མི་འོས་པའི་བྱ་བ་སྣ་ཚོགས་ཤིག་ཡོད་པས་དེ་དག་དང་རྒྱབ་འགལ་དུ་བྱ་མི་རུང་བར་སྙམ་མོ། གཞན། བོད་གཞིས་བྱེས་གཉིས་ཀྱི་བོད་མི་ཚོས་་སློབ་རིམ་སློབ་གྲྭ་འདིར་རེ་བ་དང་ཡིད་ཆེས་བཅོལ་ནས་མིག་ཟུང་ཅེར་གྱིས་བལྟས་ཡོད་པ་རེད། མ་འོངས་པའི་མཐོ་རིམ་སློབ་གྲྭ། མ་འོངས་པའི་ཤེས་ཡོན་བསྟི་གནས། རྒྱལ་གྱུར་ཅིག
ཧ་ཧ། གྲྭ་བཙུན་ལ་མཐོང་ཆུང་གི་སྐད་ཆ་རང་རེད། སྤྱི་ཚོགས་ནང་ཤེས་ཡོན་གྱི་ཞབས་འདེགས་ཞུས་ཏེ་ཁ་ཡོད་ལག་ཡོད་ཀྱི་གཞན་ཕན་བསྒྲུབས་ཀྱང་སངས་རྒྱས་ཀྱི་བསྟན་པའི་མཚན་སྙན་ཉམས་འགྲོ་ཡི་འདུག
དྲ་གྲགས་གཅེན་པོའི་མིང་ཅན་སྙིང་རྗེ། སངས་རྒྱས་ཀྱི་ཆོས་ཚུལ་མི་ཤེས་པ་ཁོ་ནས་ལན་འདུག
ཡང་འགན་འཛིན་སེར་མོ་བ་རེད་འདུག
འདི་དགོན་པ་གྲྭ་ཚང་ཞིག་རེད་དམ་སློབ་གྲྭ་ཞིག་རེད།
བོད་ཀྱི་སེར་མོ་བས་སྤྱི་ཚོགས་ཐོགས་ཉ་ཉུང་བསྲེས་ཡོང་དུས་མི་བདེ་བ་ཞིག་འདུག
མཁན་པོའམ་དགེ་བཤེས་ཞིག་ཡིན་ན་གཙོ་བོ་དགོན་པ་གྲྭ་ཚང་ནང་ནས་གྲྭ་བཙུན་ཐོག་ལ་ཆོས་འཁྲིད་དང་བཞུགས་གནས་དགོན་པ་རང་དུ་བཞུགས་ནས་དང་ལྡན་ཆོས་ཞུ་བ་རྣམས་ལ་དགོན་པ་རང་ནས་ཆོས་ཀྱི་བདུད་བརྩི་སྦྱིན་ན་ཡག་པོ་འདུག
དེ་མིན་སེར་མོ་བ་ཞིག་གིས་སྐྱ་བོའི་ལས་དོན་ཐོག་དང་ཆབ་སྲིད་ཐོག་ལ་ལག་པ་འཆང་དུས་ནང་པ་སངས་རྒྱས་པའི་བསྟན་པ་རིན་པོ་ཆེ་འདི་ཉིད་ཀྱི་མཚན་སྙན་ཉམས་འགྲོ་གི་འདུག
མཐོ་སློབ་དེ་རྒྱ་གར་གཞུང་ལ་དེབ་སྐྱེལ་ཡོད་པའི་ཚོགས་པ་དེ་འདྲ་མིན་སྟབས། ཕྱག་འཁྱེར་ཚད་ལྡན་ཞིག་དང་རྒྱ་གར་གཞུང་གིས་ངོས་ལེན་ཡོད་པ་ཞིག་ཁག་པོ་ཡིན་ན། སློབ་གཉེར་བ་ཚོའི་འབྱུང་འགྱུར་མདུན་ལམ་ཡང་ཁག་པོ་རེད། དེང་སང་ཚོགས་པ་ག་བར་ཡིན་ནའང་ལས་ཀའི་འཇུག་སྒོ་ལག་འཁྱེར་རེད་འདུག
ཞར་བྱུང་དུ་བཀའ་དྲི་ཞུ་རྒྱུར་སློབ་གྲྭ་དེའི་མིང་ཇི་ལྟར་ཐོགས་དང་། སུ་ཞིག་གིས་བཏགས་པ། འཛིན་སྐྱོང་སུ་ཞིག་གིས་བྱེད་པ་སོགས་ཞིབ་ཕྲ་ཞིག་གསུངས་རོགས།
དངོས་གནས་སློབ་ཕྲུག་འདི་ཚོ་སྐལ་པ་བཟང་པོ་རེད།
བོད་ནས་གསར་དུ་ཕེབས་ནས་འཛིན་གྲྭ་བཅུ་གཉིས་ཀྱི་ལག་ཁྱེར་མེད་མཁན་ཚོ་བོད་ཡིག་གི་ཤེས་ཚད་ཡག་པོ་ཡོད་པའི་དབང་དུ་བཏང་ཡང་སྔོན་བཞིན་གསར་འབྱོར་ཚོའི་སྐལ་བཅད་འདུག་ག