མདུན་ངོས།
About Us
Advertisement
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
No Result
ཆ་ཚང་གཟིགས།

ང་རང་མི་དགའ་ས་དང་བོད་མིའི་བླ་བཙོང་།

བོད། ཤ་ཁྲག་རུས་གསུམ།
༢༠༡༠/༠༩/༡༤
Share on FacebookShare on TwitterShare on EmailShare on Whatsapp

སུ་ལ་འཕོག་ཐུག་འགྲོ་བའི་ཆེད་དུ་ངས་གཏན་ནས་འབྲི་བཞིན་མེད། འདི་ནི་རང་ཉིད་བོད་རིགས་ཤིག་གི་ལས་དབང་འོག་དུ་ཡོད་སྟབས། བོད་མིའི་སྐྱིད་སྡུག་གི་འགག་འཕྲེང་དེ་ཉིད་འཐོར་ནས་བཤིག་བཞིན་ཡོད་པ་དེ་ཡི་སྐོར་ལ་ཞིག་ཞུ་འདོད་ཀྱི་ཡིན།

ཉེ་དུས་སུ་༧རྒྱལ་བ་རིན་པོ་ཆེ་ཚང་གིས་སྐུ་ངོས་སུ་ཨ་རིའི་གཞུང་ཚབ་ཁང་ལ་བོད་མི་རེ་ཟུང་གི་བྱས་ཉེས་ལ་བརྟེན་ནས་དགོངས་དག་ཁོང་གིས་བོད་མི་རིགས་ཀྱི་ཚབ་དུ་ཞུས་འདུག་པ་དེ་ཡི་སྐོར་ཡིན། ངས་སྔོན་ཆད་ནས་སྤུན་ཟླ་མི་ཉུང་བ་ཞིག་ལ་འདི་ལྟར་གླེང་མྱོང་ཡོད།

དེ་རིང་ངས་གང་གླེང་མྱོང་བ་དེ་དག་དྲ་ཐོག་ནས་གླེང་གི་ཡིན། དེ་ཡང་སྤུན་ཟླ་དག་གིས་ཤ་དང་རུས་པའི་གསེང་ནས་བསམ་བློ་བཏང་ནས་བསམ་ཚུལ་རེ་ཤོད། གནས་ལུགས་རེ་འཚོལ་རོགས། རྒྱུ་མཚན་ཐད་ཀར་ཡོད་ན་གསུང་རྒྱུ་མ་བརྗེད་ཅིག

དེ་ནི་ལོ་འགའི་སྔོན་ནས་བཟུང་། བྱེས་ཀྱི་གཙོ་བའི་བོད་ཀྱི་མི་རབས་གསར་བའི་སྙིང་ཁམས་སུ་ནད་ཚ་ཤུགས་ཆེན་པོ་ཞིག་བྱུང་ཡོད་པ་དེ་ཡིན། དེ་ནི་ཕྱི་རྒྱལ་ལ་འགྲོ་རྒྱུ་དེ་ཡིན། དེ་ཡི་ཆེད་དུ་ཐབས་ལམ་འདྲ་མིན་སྣ་ཚོགས་ཤིག་བསྟེན་བཞིན་ཡོད། དེ་དག་ལ་ཡང་རྒྱུ་མཚན་མང་བོ་ཞིག་ཡོད་ཀྱང་། གནད་འགག་གི་སྐབས་སུ་གླེང་བར་བྱ་བ་ནི། བོད་མི་རིགས་ཀྱི་ཚོགས་པ་དང་བོད་གཞུང་གི་མིང་ཐོག་ནས་སྒེར་གྱི་ཁ་ལྟོ་གཉེར་མཁན་དེ་ཡི་སྐོར་ཡིན།

དེ་ཡི་སྐོར་ལ་དྲང་མོ་ཞུས་པ་ཡིན་ན། མི་སྒེར་ཞིག་ཕྱི་རྒྱལ་དུ་འགྲོ་བ་དེ་ནི་སྒེར་དོན་ཞིག་རེད་ལ། སོང་ཡང་དེ་ལ་དོན་མེད་དུ་སྐྱོན་བརྗོད་བྱེད་ཁག་པོ་རེད། མི་རེ་ལ་གནས་ལུགས་རེ་དང་རྒྱུ་མཚན་རེ་ཡོད་པ་རེད། དེ་ལ་འགག་པ་མི་བྱེད་ལ། སྐྱོན་བརྗོད་ཀྱང་བྱེད་འདོད་གནས་སྐབས་རིང་མེད། འགྲོ་སྟངས་ཀྱི་ཐད་ནས་ངས་སྐྱོན་བརྗོད་བྱེད་འདོད་ཡོད། འགག་འདོད་འདུག དེ་ནི་ལོ་ངོ་ཁ་ཤས་ཀྱི་སྔོན་ནས་བཟུང་དེ། བོད་མི་ལྟོ་འདོད་ཆེན་པོའི་ནད་ཚ་དེ་དྲགས་བསྐྱེད་འགྲོ་རྒྱུ་ལས་སྡུག་དུ་ཕྱིན་པ་རེད།

བོད་གཞུང་གི་མིང་ཐོག་ནས་ཕྱི་བསྐྱོད་ལག་ཁྱེར་ཐོབ་ཐུབ་བྱེད་པ། ཐོབ་རྗེས་སུ་བོད་གཞུང་གི་མིང་ལས་རང་གི་ལྟོ་འདོད་ཆེ་བ། དགོན་པའི་མིང་ཐོག དེ་ནས་ཚོགས་པ་ག་གེ་མོའི་མིང་ཐོག་ནས་ཕྱི་བསྐྱོད་ལག་ཁྱེར་ཐོབ་རྗེས་སུ། ཚོགས་པ་སྐྱིད་སྡུག་གི་བརྟན་བརླིང་དང་། མ་འོངས་པའི་འབྲེལ་ལམ་ལ་འགན་མི་ལེན་པར་ངོ་ཚ་མེད་པར་སྤྲང་ཁྱི་བཞིན་བྲོས་འགྲོ་བ། ལྷག་པར་དུ་ཤེས་ཡོན་པའི་མིང་ཆེན་པོ་རེ་འཁུར་ནས་ཉེག་ཕྲ་བའི་དུས་འདིར་མི་རིགས་ཀྱི་བདེ་སྡུག་གི་མགྲིན་ཚབ་ཀྱི་སྟེགས་བུར་བསྡད་ནས་ལོ་མང་ཞབས་ཞུ་བྱས་ཀྱང་། མཐར་རང་ཉིད་ཀྱི་ཁེ་ཕན་ཕྲག་ཚེགས་ཤིག་གི་ཆེད་དུ་རྒྱལ་ཁབ་གཞན་དག་གིས་བོད་མིའི་ཤེས་ཡོན་པར་མཐོང་ཆེན་བྱེད་པའི་ལམ་ཁ་དེ་མེད་པར་བཟོ་བ། འདི་དག་གི་རིགས་ཡིན།

འདི་དག་ལ་ང་ཚོ་བོད་མི་དག་གིས་དོག་གཟོན་བྱེད་དགོས་པ་མ་ཟད། སྐྱོན་བརྗོད་ཀྱང་ཤུགས་ཆེན་བྱེད་དགོས་ལ། རྗེས་སུ་འདི་ཡི་རིགས་ལ་སླར་ཡང་གོ་སྐབས་གཏན་ནས་མི་སྤྲོད་པ་དང་། ཉེས་ཅན་དེ་ཡི་རིགས་རྗེས་སུ་བོད་མི་རིགས་ཀྱི་གནད་འགག་ཆེ་བའི་ལས་སྣེ་ཡི་རིགས་ལ་ཞུགས་པར་སྔོན་འགོག་བྱེད་དགོས།

སྤྱིར་ན། བོད་མི་དག་ཕྱི་རྒྱལ་དུ་འགྲོ་བའི་ནད་ཚ་འདི་ཚབ་ཆེན་པོ་ཆགས་ཡོད་སྟབས། དེ་ལ་ངོ་རྒོལ་བྱེད་པར་ཡང་ང་ལྟ་བུ་ཞིག་གིས་འཇོན་པ་མེད་ལ། སྐད་འགག་རེག་བར་དུ་བཤད་ཀྱང་གོ་མཁན་མེད་ངེས་ཡིན། འོན་ཀྱང་། མི་རིགས་ཀྱི་མིང་ཐོག་ནས་འགྲོ་བ་དང་། དགོན་པ་དང་ཚོགས་པ་སྐྱིད་སྡུག་གི་མིང་ཐོག་ནས་འགྲོ་བ་འདི་དག་དངོས་ནས་བསམ་བློ་གཏོང་རན་རེད།

སྒེར་དོན་དུ་ཕྱི་རྒྱལ་ལ་འགྲོ་ན་སོང་། ཡིན་ཡང་། བོད་མིའི་མིང་བཙོང་ནས་མ་འགྲོ རང་གིས་དཀའ་སྤྱད་སྡུག་རུས་ལ་བསྟེན་ནས་སོང་། གཞན་གྱི་མཐུན་འབྲེལ་རོགས་རམ་ལ་བསྟེན་ནས་སོང་། མི་རིགས་ཀྱི་མིང་བརྫད་དེ་མ་འགྲོ ཚོགས་པའི་འབྲེལ་ཐག་བཅད་དེ་མ་འགྲོ རྒྱལ་བ་རིན་པོ་ཡི་དགོངས་དག་ཞུ་དགོས་པའི་ལས་ཀ་བྱོས་དེ་མ་འགྲོ མཐའ་མཇུག་དུ། བོད་དོན་བྱེད་མི་ཐུབ་ཀྱང་། བོད་དོན་བྱེད་མཁན་གྱི་སྤུན་ཟླ་དག་གི་ཟམ་པ་མ་གཏོར་རོགས། མ་བཤིག་རོགས། ངས་ཁྱེད་ཅག་ལ་ཞུ་བ་བྱེད།

དངོས་ནས་ཁྱེད་ཅག་ཕྱི་རྒྱལ་དུ་འགྲོ་འདོད་ཡོད་ཀྱང་འགྲིག་གི་རེད། དེ་ནི་ཁྱེད་རང་གི་སྒེར་དོན་རེད། སོང་ན་ལོས་འགྲིག འགྲོ་སྟངས་དེར་དངོས་གནས་ཐུགས་བསམ་ལེགས་པོ་ཞིག་བཞེས་ཤིག ཤ་ཁྲག་གི་འབྲེལ་བ་དམ་པའི་བོད་རིགས་སྤུན་ཟླ་ཚོ།

འབྲེལ་ཡོད་གསར་འགྱུར།

His Holiness the Dalai Lama speaking to more than 500 graduates and students of the Nalanda Master and Diploma Course at the Main Tibetan Temple in Dharmsala, HP, India on June 2, 2023. Photo by Tenzin Choejor
༸གོང་ས་མཆོག གསར་འགྱུར།

ལྡི་ལི་བོད་ཁང་གི་ནཱ་ལེནྡྲའི་རིག་གཞུང་སློབ་གཉེར་བ་ཁག་ཅིག་ལ་བཀའ་ཆོས་བསྩལ།

ཆུ་ཚོད་ ༤ སྔོན་ལ།
༧གོང་ས་མཆོག་ནས་ལི་ཌི་ཝ་ཡའི་སྲིད་འཛིན་གསར་པར་འཚམས་འདྲི་མཛད།
༧གོང་ས་མཆོག གསུང་འཕྲིན།

༧གོང་ས་མཆོག་ནས་འཚམས་འདྲི་མཛད་འདུག

ཆུ་ཚོད་ ༨ སྔོན་ལ།
Vice President of Czech Senate Hon’ble Jiri Ruzicka and Senator Rabas, Chairman of Czech Senate Parliamentary Group for Tibet hoisting Tibetan National Flag on the Senate parliament, marking the Tibetan National Uprising Day on 10 March
Mobile App

ཅེག་གྲོས་ཚོགས་ཀྱིས་བོད་དོན་རྒྱབ་སྐྱོར་གྱི་གྲོས་ཆོད་ཅིག་གཏན་འབེབས་བྱས།

ཆུ་ཚོད་ ༩ སྔོན་ལ།
པར་གནས་ཚུལ་མཁོ་སྤྲོད་པས་འདི་གར་བདག་སྤྲོད་གནང་།
Mobile App

ཉག་ཆུའི་ནགས་ཚལ་ཞིག་ལ་མེ་སྐྱོན་ཚབས་ཆེན་བྱུང་།

༢༠༢༣/༠༦/༠༡
Opening ceremony prayers. Photo Courtesy: Tibet.net
Mobile App

མོན་གྷོ་འདོད་རྒུ་གླིང་ནས་ཁྱིམ་ཚང་ ༤༠ ལ་སྡོད་ཁང་མཁོ་སྤྲོད་བྱས་འདུག

༢༠༢༣/༠༥/༣༡
Director-General of the World Health Organisation (WHO) Dr. Tedros Adhanom Ghebreyesus attends the World Health Assembly at the United Nations in Geneva, Switzerland, May 21, 2023. (REUTERS/Denis Balibouse)
Mobile App

འཛམ་གླིང་འཕྲོད་བསྟེན་ཚོགས་ཆེན་ཐེངས་ ༧༦ པ་མཇུག་སྒྲིལ། 

༢༠༢༣/༠༥/༣༡

མཆན། 28

  1. lhamoo says:
    ལོ་ 13 སྔོན།

    དྲ་གྲོགས་ཚོ། ཉེ་ཆར་འཇམ་དབྱངས་ནོར་བུ་ལགས་ཀྱིས་ཁོང་གི་ཟིན་བྲིས་སུ་བསམ་ཚུལ་ཞིག་སྤེལ་ཡོད་པ་དང་། དེའི་ནང་གསུང་བཤད་ཅིག་གི་གློག་བརྙན་ཁུངས་སྐྱེལ་དུ་བཞག་ནས་གསུང་བཤད་དེའི་ནང་དོན་གྱི་ཐོག་ལ་ཧ་ལས་པའི་སྒོ་ནས་སྐྱོན་བརྗོད་དང་བློ་ཕམ་བྱས་འདུག གནད་དོན་འདིའི་ཐད་འདི་ལ་ལྟ་ཚུལ་གང་ཡོད་ཀྱང་དོ་སྣང་ངེས་པར་བྱེད་དགོས་པ་ཞིག་རེད། གཤམ་ལ་འཇམ་དབྱངས་ནོར་བུ་ལགས་ཀྱི་དྲ་བ་དང་། གློག་བརྙན་གྱི་འབྲེལ་ཐག་བཅས་བཞག་ཡོད། གནས་ཚུལ་འདི་ལ་ཕྱོགས་ཡོངས་ནས་དོ་སྣང་བྱེད་རོགས། དྲ་གྲོགས་ཚོ།
    ༡ འཇམ་དབྱངས་ནོར་བའི་ཟིན་བྲིས་ཀྱི་ནང་བཀོད་པའི་རྩོམ་དང་བཅས་པའི་ཁ་བྱང་། http://www.jamyangnorbu.com/blog/2010/09/10/dangerous-liaison-i/

    ༢ འཇམ་དབྱངས་ནོར་བུ་ལགས་ཀྱི་ཟིན་བྲིས་སུ་དྲངས་པའི་གསུང་བཤད་གློག་བརྙན་གྱི་དྲ་ཐག http://www.youtube.com/watch?v=c-_7sBcuyqA&feature=player_embedded

    Reply
  2. sha tak ri sim says:
    ལོ་ 13 སྔོན།

    བྱ་གཞུང་དཔལ་རྡོར་དང་མིག་གསུམ་པ་ལགས། ཁྱེད་གཉིས་ཕེབས་པ་དངོས་ནས་དགའ་བོ་བྱུང་། བདག་གིས་འདི་ན་གླེང་བཞིན་པ་དེ་ནི་གསལ་བོ་ཡིན། རྣམ་པ་གཉིས་ཀྱི་གཙོ་བའི་སྤུན་ཟླ་དག་གིས་ཀྱང་རང་གི་མི་རིགས་འདི་ཉིད་བསམ་ན་སྐད་ཆ་དྲང་མོ་རེ་ཤོད། དྲང་མོ་རེ་བྱོས། ལྟོ་དོན་དང་སྒེར་དོན་གཅིག་བུའི་ཆེད་དུ་དོན་མེད་དུ་འགན་འཁུར་མེད་པའི་ལས་ཀ་མ་བྱས་ན་ཡག་པོ་འདུག དེ་ཡིན། ཚང་མས་བསམ་བློ་ཐོངས། རང་ཉིད་བོད་ཡིན་པ་དེར་བསམ་བློ་ཐོངས།

    Reply
  3. kangjinpa says:
    ལོ་ 13 སྔོན།

    སྤྱིར་བཏང་བཤད་ན། བཙན་བྱོལ་དུ་གནས་པའི་བོད་མི་སུ་ཞིག་ཕྱི་རྒྱལ་འགྲོ་ཆོག་མི་ཆོག་ཟེར་བ་མི་གཅིག་གིས་བཤད་ནས་ཚོད་དུ་ཐུག་པ་ཞིག་མ་རེད་དེ། ཕྱི་རྒྱལ་དུ་འགྲོ་བ་ལ་ལུགས་མཐུན་གྱི་སྒོ་ནས་སོང་བ་ཡིན་ན་བདག་གཞན་གཉིས་ཀར་གླེང་རྒྱུར་གང་ཡང་ཡོད་པ་མ་རེད།

    གང་ལྟར། ལུགས་མཐུན་གྱི་སྒོ་ནས་སོང་བ་ཡིན་ནའང་འདྲ། ཁྲིམས་འགལ་གྱི་སྒོ་ནས་སོང་བ་ཡིན་ནའང་འདྲ། ཕྱི་རྒྱལ་དུ་སོང་ཚར་རྗེས་ནམ་ཡང་སེམས་ཀྱི་གཏིང་རིམ་ལ་ཉར་དགོས་པ་དེ་རང་ཉིད་བོད་པ་ཞིག་ཡིན་པའི་འདུ་ཤེས་འདོར་མི་ཉན་པ་དེ་རེད།

    རང་ཉིད་བོད་པ་ཡིན་པའི་འདུ་ཤེས་མ་དོར་བ་ཡིན་ན་དུས་ནམ་ཞིག་ལ་རང་ཉིད་ཀྱིས་རང་ཉིད་ལ་ཚ་འདྲི་བྱེད་སྲིད་ལ། དེ་དུས་འདས་ཟིན་པའི་ལོ་ཟླར་ཕྱིར་རྟོགས་ཐེངས་གཅིག་བགྱིས་པ་ཡིན་ན་བོད་མི་མང་ལ་ཞབས་འདེགས་ཞུ་བསམ་པའི་ཀུན་སློང་ཞིག་གིས་བསྐུལ་ཏེ་བོད་རིགས་སྤུན་ཟླ་དག་སེམས་ངོར་འཁོར་སྲིད། དེ་ནི་ཐད་ཀར་དུ་བརྗོད་ན་གང་ཉིད་རུས་པ་སྲ་མོ་ཡིན་པའི་རྟགས་མཚན་ཞིག་གོ།

    Reply
  4. wild-yak says:
    ལོ་ 13 སྔོན།

    བོད་གཞུང་དང་༸གོང་ས་མཆོག་སུས་ཀྱང་བོད་མི་ཕྱི་རྒྱལ་ལ་འགྲོ་བ་དེར་དགག་པ་རྒྱག་གི་མེད། ཡིན་ནའང་ཕྱི་རྒྱལ་ལ་འགྲོ་ཆེད་ཁྲིམས་དང་བཟང་སྤྱོད་དང་འགལ་ཏེ་འགྲོ་བ་དེ་དག་ཅིས་ཀྱང་འགོག་དགོས་བ་ཞིག་རེད། རྒྱུ་མཚན་ཅི་ཡིན་ཞེ་ན། དེ་བོད་མི་སྤྱིའི་མཚན་མཐོང་དང་བོད་མིའི་སྤྱི་དོན་ལ་གནོད་ཀྱི་ཡོད། ད་སྐབས་ཕྱི་རྒྱལ་གཞུང་ཚབ་ཁག་གིས་བོད་མི་ཞིག་ཡིན་ཕྱིན་ཁྲམ་པ་ཞིག་ཡིན་པར་བསམ་གྱི་ཡོད་ལ། དེ་ལ་བརྟེན་ནས་བོད་སྤྱི་བའི་དོན་སྒྲུབ་པར་རྒྱལ་སྤྱིའི་སྡིངས་ཆ་རྣམས་སུ་ཚོགས་ཞུགས་བྱེད་པ་རྣམས་ཡང་འགག་འགྲོ་གི་ཡོད། གང་ལྟར་རང་དོན་ཅི་འདྲ་ཞིག་གལ་ཆེ་ནའང་སྤྱི་བའི་མཚན་མཐོང་ལ་གནོད་པའི་བྱ་སྤྱོད་རིགས་ངེས་པར་དུ་ཐབས་ཤེས་ཅི་ཡོད་ཀྱིས་འགོག་དགོས་བ་རེད། ད་སྐབས་སྒོར་འབུམ་མང་པོ་བཏང་སྟེ་ཕྱི་རྒྱལ་ལ་འགྲོ་གི་ཡོད་པ་དེ་ཅིས་ཀྱང་གཏན་འགོག་བྱེད་དགོས། འདིའི་ཐད་ལ་བོད་གཞུང་བདེ་སྲུང་དང་རྒྱ་གར་གསང་བའི་ལས་ཁུངས་ཀྱི་ལས་འཆར་ཞིག་བརྩམ་དགོས་བ་རེད། ཉུལ་ཞིབ་པ་འདྲ་མིན་འཇོག་དགོས་བ་རེད། དེ་མིན་རྒྱལ་སྤྱི་ཚོགས་འདུ་དང་སློབ་སྦྱོང་སོགས་ལ་འགྲོ་མཁན་ཚོར་ཐབས་ཤེས་ཅི་ཡོད་འཚོལ་དགོས་བ་རེད། བོད་གཞུང་གིས་རྒྱལ་ཁག་དེ་དག་གི་མི་སེར་ལས་ཁུངས་ལ་འབྲེལ་བ་བྱས་ཏེ་ལས་འཆར་རྩོམ་ཐུབ་ན་ཅུང་ཕན་ཐོགས་པར་སྙམ།

    Reply
  5. sha tak ri sim says:
    ལོ་ 13 སྔོན།

    ཅོ་རི་ཉི་མ་ལགས། ངས་ཕྱི་རྒྱལ་དུ་འགྲོ་མཁན་དག་འགོག་གི་མེད། དེ་ནི་སྐྱེ་བོ་སྒེར་གྱི་ཐོབ་ཐང་ཞིག་དང་འཚོ་བ་བསྐྱེལ་ལུགས་ཤིག་རེད། ངས་གང་ཡང་བཤད་མེད། འོན་ཀྱང་། ཉིད་ནས་གོ་བ་ལོག་ནས་སྐད་ཆ་བཤད་འདུག ཞིབ་དུ་ཀློག་རྗེས་སུ་བསམ་ཚུལ་བསྐྱར་དུ་བྲིས་ཀྱང་དགའ་བསུ་ཡོད་ལགས།

    Reply
  6. sha tak ri sim says:
    ལོ་ 13 སྔོན།

    གནམ་ལྕགས་ལགས། ཁ་བརྡུང་ཞིག་གཏོང་འདོད་ཡོད་པ་མིན་ཡང་། བདེན་པའི་ཆེད་དུ་སྐད་ཆ་ཞིག་བཤད་པ་དེ་ནི་སྐྱེ་བོ་སྒེར་གྱི་ལྟོ་དོན་དུ་བཤད་མེད་ལ། མི་རིགས་ཤིག་གི་བདེན་དོན་དུ་བཤད་པ་ཡིན། སྐྱེ་བོ་སུ་ཡིན་ཡང་ཕྱི་རྒྱལ་དུ་འགྲོ་འདོད་ཡོད་ཀྱང་སོང་ན་འགྲིག་གི་རེད། ངས་ཁྲིམས་བཤད་ཀྱི་མེད། ཁྲིམས་འགལ་ཡིན་མིན་དེ་ནི་ང་ཚོས་གསལ་ཁ་བྱེད་ཁག་པོ་ཆགས་ཡོད། གང་ཡིན་ཟེར་ན་ང་ཚོ་ནི་ད་ལྟ་གང་དུ་བསྡད་ཀྱང་ཁྲིམས་འགལ་གྱི་རིགས་ཤིག་ཆགས་ཡོད་པ་རེད། དེ་ནི་གཅིག་བྱས་ན་ཁྲིམས་བཟོ་མཁན་གྱི་མི་དེ་དག་ལན་ཡོད་ན་ཐང་། གང་ལྟར། ཕྱི་རྒྱལ་ལ་འགྲོ་བ་དེ་ནི་སྐྱེ་བོ་སྒེར་གྱི་དོན་དུ་འགྲོ་བཞིན་ཡོད་ན། སྐྱེ་བོ་སྒེར་ནས་ཐབས་ཤེས་གཏོང་ཞེས་ཞུས་པ་དེ་ཡིན།

    Reply
  7. sha tak ri sim says:
    ལོ་ 13 སྔོན།

    འཇམ་མགོན་ལགས། ཡུན་རིང་གི་རྗེས་སུ་མཇལ་བ་སྤྲོ་བོ་བྱུང་། མགོ་དཔོན་ལྟས་ངན་རེ་ཟུང་གི་མི་བཙོང་བྱེད་པ་དང་མི་རིགས་ཀྱི་མིང་འཁུར་ནས་བརྫིག་པོ་བྱེད་ཀྱི་འདུག དེ་དག་གི་བྱེད་ན་ང་ཚོས་ཀྱང་བྱེད་དགོས་པ་རེད་ཟེར་ན་ང་ཡིས་དེ་ལ་ཁས་ལེན་བྱེད་མི་ཐུབ། ཕྱི་རྒྱལ་དུ་འགྲོ་མིན་དེ་ནི་སྐྱེ་བོ་སྒེར་རེ་རེ་ཡི་རང་དབང་ཡིན་པའི་སྐོར་ངས་གོང་དུ་ཞུས་ཟིན། འགྲོ་སྟངས་མི་གཞན་དག་གི་བྱས་ཉེས་དེ་ལ་ལད་ཟློས་བྱེད་ཐུབ་པ་ཡིན་ན་དེ་ནི་ཡག་པོ་འདུག་ཟེར་ནས་ཉིད་ནས་ཨུ་ཚུགས་རྒྱག་གི་ཡོད་ན་ནི་དངོས་ནས་མཚར་བོ་རེད། ང་ཚོ་ནི་བོད་མི་རིགས་ཀྱི་དོན་དུ་སྐད་ཆ་བཤད་མཁན་གྱི་གྲངས་དུ་འདུ་བའི་ཁུལ་རེད། འུ་ཅག་གིས་འགན་ཞིག་བླངས་དེ་སྐད་ཆ་དྲང་མོ་མ་བཤད་པ་ཡིན་ན། ད་གཟོད་ལྟད་མོ་ཡོད་རྒྱུ་རེད། གཏམ་དཔེ་གཞན་ཞིག་ཡོད་ཀྱང་བཙན་དྲགས་པ་འདྲ། སྐྱུར་ཞོག

    Reply
  8. sha tak ri sim says:
    ལོ་ 13 སྔོན།

    གཅེན་པོ་ལགས། ཁོང་ཚོ་ལ་ལག་ཁྱེར་དེ་དག་ཡོད་མེད་མི་ཤེས་ལགས།

    ཧི་མ་ལ་ཡའི་རི་རྒྱུད་ཀྱི་མི་དེ་དག་ལ་འཕྱ་ཁྲལ་རང་དབང་ལག་དེབ་རེག་གི་འདུག་ཟེར་ན་དེ་ཡང་ངས་རྒྱུ་མཚན་གསལ་བོ་ཞིག་མི་ཤེས། ཁོང་ཚོ་ལ་ཁུངས་བསྐྱེལ་འདྲ་ཡོད་ངེས་ཡིན་རྒྱུ་རེད། གཅིག་བྱས་ན་དེ་དག་གི་ཁོང་ཚོ་བོད་མི་ཡིན་པར་ཁས་ལེན་བླངས་པ་ཡིན་འགྲོ

    Reply
  9. sha tak ri sim says:
    ལོ་ 13 སྔོན།

    འབྲོང་བུ་ཟླ་བ་ལགས། དེང་སང་ཉིད་རང་མི་རིགས་སྣ་འདུས་ཀྱི་སློབ་གླིང་དེར་བདེ་ཐང་ཡིན་པར་རེ་བ་དང་བཅས་འཚམས་འདྲི་ཡོད། ཉིད་ནས་བདག་གི་བསམ་ཚུལ་ཀློག་གིན་པ་དེར་དགའ་ཡོད། བདག་གིས་ཉིད་ལ་རྟག་དུ་མ་འོངས་བོད་ཀྱི་སོན་རྩ་ཞིག་དུ་ངེས་འཛིན་བྱེད་ཀྱི་ཡོད། ཨ་མའི་བུ་ཤུ་རེ་བྱོས། མཚམས་རེར་དངོས་མཐོང་མྱོང་གསུམ་གྱི་ཟིན་བྲིས་རེ་སྤེལ་རོགས་ཞུ།

    Reply
  10. chokri nyima says:
    ལོ་ 13 སྔོན།

    དྲ་གྲོགས་ཤ་རུས་ཁྲག་དང་སྤོབས་མཐའ་ཡས་ཁྱེད་རང་གཉིས་ཀྱིས་བོད་མི་ཉམ་ཐག་ཚོའི་འཚོ་བ་ལ་བསམ་གཞི་རེ་བྱེད་ན་དགའ་གི་མ་རེད་པས།
    སོ་སོར་ག་ཡོད་ངོ་ཤེས་པས་ཐོག་ནས། བོད་མི་ཉམ་ཐག་ཚོ་ལ་བདེ་སྐྱིད་མེད་ན་བོད་རང་བཙན་ཐོབ་ཀྱང་ཕན་ཐོགས་ག་རེ་འདུག་གམ།

    གཙོ་བོ་ང་རང་ཚོས་འབད་བརྩོན་བྱས་ས་དེར་འཚོ་བའི་བདེ་བ་མ་རེད་པས།
    འཇིག་རྟེན་གཏམ་དཔེར།
    ཆོས་མི་ལ་བཤད་དུས་བོན་རྒན་མཁས་་་་་་སྡུག་རང་རྩ་འཁོར་དུས་འདྲ་འདྲ་་་་ཟེར་བ་དེར་བསམ་བློ་རེ་གཏོང་ཡ་མེད་འགྲོ

    Reply
  11. kkalsang says:
    ལོ་ 13 སྔོན།

    ཨ་རོགས། འདི་ལ་ད་ལགས་སོ་ཅིག་ཟེར་མི་ཐུབ་ཀི ངས་བལྟས་ན་འགྲོ་སྟངས་འདི་ད་དུང་ཡག་གི དེ་མིན་སྒོར་འབུམ་མང་བོ་བྱིན་ནས་འགྲོ་མཁན་དག་ལ་བལྟས་ན་འདི་ཡག་གི འདི་ཁྲིམས་མཐུན་རེད་འདོད་ཀི མི་སུ་ཡིན་རུང་ཁོ་ལ་ཕྱིར་བསྐྱོད་ལག་འཁྱེར་ཐོབ་རྒྱུའི་འཇོན་ཐང་ཡོད་སོང་ན་དེ་ལྟར་སོང་སྟེ་མ་ཡོང་ན་འགྲིག་གི་བསམ་གི རྗེས་ནས་བོད་པ་ནང་ཁུལ་ནས་ཉ་གེ་ཉོག་གེ་རེ་བཤད་ནས་མ་བསྡད་ནa་སྐྱོན་མེད་ཀི་འདོད། དྲང་མོར་བཤད་ན་དཔོན་པོ་ཚོ་སོང་ནས་མི་སེར་བཟོས། ཁང་བརྩེགས་བསླངས་བྱས་ཏེ་ཕྱིར་འཁོར་ནས་འདྲ་ཆགས་པོ་བྱེད་ཀྱིན་པར་ལྟོས་དང་། དེའི་གཤམ་འོག་གི་མི་སེར་དཀྱུས་མ་ཚོས་གོ་སྐབས་འདི་འདྲ་ཞིག་བཙལ་ནས་མི་འགྲོ་ག་མེད་ཡིན་ཡ། དེར་རང་དགར་ཁ་བརྡུང་གཏོང་ཨེ་ཉན་མི་ཤེས་ཀི གྲོགས་པོ།

    Reply
  12. jamgon says:
    ལོ་ 13 སྔོན།

    བོད། ཤ་ཁྲག་རུས་གསུམ་ལགས་སྐུ་བདེ། བོད་གཞུང་གི་མགོའི་ཏོག་འདྲ་བོ་ཚོ་ཡང་ཕྱི་རྒྱལ་ལ་ཤོར་འགྲོ་བཞིན་ཡོད། ཁོ་ཚོ་འགྲོ་ཆོག་ཆོག་རེད། བོད་དོན་ལ་བསམ་བློ་གཏོང་གི་མ་རེད། དེ་བས་མི་དཀྱུས་མ་ཚོ་འགྲོ་དགོས་དགོས་དང་རང་རང་གི་ལྟོ་རྒྱབ་ལ་བསམ་བློ་གཏོང་དགོས་པ་རེད། ད་དུང་ཁོ་ཚོས་ཞོར་ལ་བོད་ཀྱི་བླ་ཚོང་ནི་མ་རེད་ལ་ཕན་འདོད་ནི། མགོ་དཔོན་པོ་ཚོ་རང་ཉིད་གཅིག་པུ་མ་གཏོགས་སེམས་ན་ཅང་མེད།

    Reply
  13. tsekyis says:
    ལོ་ 13 སྔོན།

    སྒེར་པ་དེ་དག་ཕྱི་རྒྱལ་དུ་འགྲོ་སྐབས་བོད་གཞུང་དང་འབྲེལ་པའི་ལག་འཁྱེར་སམ་ཡང་ན་ངོ་སྤྲོད་ཡང་ན་སྣེ་ལེན་ཁང་གི་འབྱོར་ཐོ་ལ་སཽགས་པ་འཁྱེར་རྒྱུ་ཡོད་པ་རེད་དམ་མ་རེད།
    ད་དུང་རང་དབང་དཔྱ་དངུལ་གྱི་ལག་དེབ་རོང་པ་དང་ཧི་མ་ལ་ཡའི་མི་མང་པོ་ཞིག་ལ་ཐོབ་གྱི་འདུག་དེ་དག་ག་འདྲ་རེད།
    ངས་ལྟས་པ་ཡིན་ན་སྐབས་བབས་ཀྱི་ལས་བྱེད་པས་ལས་དོན་ཡག་པོ་མི་བསྒྲུབ་པར་ཉེ་དགའ་ཕྱོགས་ཞེན་གྱི་བྱ་བ་ཞིག་གནང་གི་ཡོད་པའི་སྐྱེན་རེད།

    Reply
  14. dongbu says:
    ལོ་ 13 སྔོན།

    ཤ་ཁྲག་རུས་གསུམ་ལགས།
    གླེང་མོལ་ཐན་ཐུན་དེའི་རྗེས་ནས་ཁྱེད་ཀྱིས་གླེང་རྒྱུ་ཡིན་པའི་གནད་དོན་གང་མང་ཞིག་གླེང་བཞིན་སླེབས་བྱུང། ཡིད་སྨོན་འཆོར་ནི་ཞིག་རེད། བཤད་དགོས་པ་ཞིག་བཤད་དགོས་པ་རེད་ལ། འབྲི་དགོས་པ་ཞིག་འབྲི་དགོས་པ་རེད། འདི་ནི་མང་གཙོའི་ཐོབ་ཐང་རེད་ལ། ཡར་རྒྱས་ལ་འགྲོ་བའི་ཐབས་ལམ་ཡང་རེད། ངས་ད་དུང་ཡང་ཉན་ནས་ཡོད། གླེང་མ་ཐུབ་པའི་གནད་དོན་དག་གླེང་དགོས་པར་གདའ།

    Reply
  15. sha tak ri sim says:
    ལོ་ 13 སྔོན།

    གཅེན་པོ་ལགས། ཉིད་ཀྱིས་གསུངས་དེ་ལ་རྒྱུ་མཚན་དངོས་ནས་ཡོད་ཡོད་པ་རེད། ཡིན་ཡང་། བོད་སྤྱིའི་མིང་འཁུར་མཁན་དེ་དག་གི་ཁྲོད་དུ་གཞུང་འབྲེལ་མིན་པའི་སྒེར་བ་ཡང་ཡོད་པ་རེད་ལགས། དེ་ཡི་སྐོར་ལ་ཡང་བསམ་བློ་ཞིག་ཐོངས་དང་།

    Reply
  16. sha tak ri sim says:
    ལོ་ 13 སྔོན།

    སྲ་མོ་རྡོ་ལགས། ངས་འདི་ན་ཁྲིམས་བཤད་ཀྱི་མེད་ལགས། ངས་འདི་ན་བོད་མི་རིགས་ཀྱི་མིང་འཁུར་ནས་རང་དོན་སྒྲུབ་ནས་བོད་མི་རིགས་ཀྱི་མདུན་ལམ་བློས་གཏོང་བྱེད་འཕོད་མཁན་གྱི་མི་དེ་ཡི་རིགས་ལ་བཤད་ཀྱི་ཡོད། མི་སུ་ཞིག་ལ་མཚོན་ན་ཡང་རང་དོན་དང་སྤྱི་དོན་གང་བྱེད་རྒྱུའི་འདམ་ག་མི་སོ་སོ་ལ་ཡོད་པ་རེད། དེ་ཡིན་དུས་སྤྱི་དོན་ལ་དམ་བཅའ་བཞག་ནས་སྒེར་དོན་སྒྲུབ་པ་དེ་ནི་འོས་པོ་མི་འདུག་ལ། མི་རིགས་ཀྱི་ལམ་པ་ནག་པོ་བཟོ་བཞིན་ཡོད་པ་དེ་ཡི་སྐོར་ཞུ་བཞིན་ཡོད་ལགས།

    Reply
  17. sha tak ri sim says:
    ལོ་ 13 སྔོན།

    བསྟན་འཛིན་དཔལ་སྒྲོན་ལགས། དུས་ཚོད་ཁོམ་དུས་ཤིག་ལ། བསམ་ཚུལ་ཡོད་དུས་ཤིག་ལ། ག་ལེར་ཕེབས་ཤོག ངས་སྒོ་ག་དུས་ཡིན་ཡང་ཕྱེ་ནས་ཡོད།

    Reply
  18. sha tak ri sim says:
    ལོ་ 13 སྔོན།

    ཕུན་ཚོགས་ལགས། ངས་ཀྱང་མི་ནི་འཚོ་བ་ལ་མ་བརྟེན་པར་མི་ཡུལ་འདིར་སུ་ཡང་འཚོ་གནས་བྱེད་མི་ཐུབ་ཤེས་ཀྱི་ཡོད་ལགས། དེ་ཡི་སྐོར་ལ་ཞིབ་དུ་བསམ་བློ་གཏོང་ཁུལ་གྱིས་གོང་གི་རྩོམ་ཆལ་འདི་བྲིས་པ་ཡིན། ཉིད་ནས་འཚོ་བའི་ཆེད་དུ་གང་ཡང་བྱེད་རུང་བར་གསུངས་པ་དང་། ངས་འཚོ་བའི་ཆེད་དུ་བྱེད་སྟངས་ལ་མ་འདྲ་བ་དང་། ཕྱི་རྒྱལ་དུ་འགྲོ་འདོད་ཀྱང་འགྲོ་སྟངས་ཀྱང་མ་འདྲ་བར་ཡོད་པར་བཤད་ཡོད། ཡིན་ཡང་། ཉིད་ནས་ཚིག་ཅུང་གཡོན་དུ་འཁྱེར་འདུག་ལགས། འོན་ཀྱང་། བསམ་ཚུལ་ལྷུག་པོར་གསུངས་པ་དེར་དགའ་ཡོད།

    Reply
  19. sha tak ri sim says:
    ལོ་ 13 སྔོན།

    སྤོབས་པ་མཐའ་ཡས་ལགས། ཉིད་ནས་བདག་གི་རྩོམ་ཆལ་འདི་ཞིབ་དུ་བཀླགས་ཟིན་པ་ཤེས་སོང་ལ། གོ་བ་ཡང་ཞིབ་དུ་བླངས་དེ་བསམ་ཚུལ་གསུངས་འདུག ང་ཚོས་དངོས་ནས་འགན་ཞིག་བླངས་དེ་སྐད་ཆ་རེ་བཤད་ཐུབ་པ་ཡིན་ན་ད་གཟོད་རེ་བ་ཞིག་ཡོད་ངེས་ཡིན་ལགས། ཐུགས་རྗེ་ཆེ།

    Reply
  20. sha tak ri sim says:
    ལོ་ 13 སྔོན།

    ནཱ་གྷཱ་རཀྵ་ལགས། ཉིད་ནས་དེ་ལྟར་གསུངས་པ་དེར་ངས་འགག་གི་མེད་ཀྱང་། ངས་གོང་དུ་ས་མཚམས་གསལ་བོ་ཕྱེ་ནས་བཞག་ཡོད་ལགས། དེ་ལ་བསམ་བློ་ཐོངས་ཤིག མིན་ན་ཡང་བསྐྱར་ཞིབ་དུ་བཀླགས་རྗེས་སུ་སྒེར་གྱི་བསམ་ཚུལ་ཞིག་གསུང་ན་འགྲིག་གི་རེད་ལགས།

    Reply
  21. sha tak ri sim says:
    ལོ་ 13 སྔོན།

    ཟ་ལེ་རྒྱལ་ལགས། འུ་གཉིས་ཀྱིས་སྐད་ཆ་འདི་བཤད་པ་ལ་འོས་འབབ་མེད་པར་གསུངས་ཀྱི་ཡོད་པ་དེར་ང་རང་གིས་མོས་མཐུན་མི་བྱེད། གང་ཡིན་ཟེར་ན་འུ་གཉིས་ཀྱིས་རང་རང་གི་སྒེར་དོན་ལ་བོད་དོན་གྱི་མིང་ཞིག་འཁུར་ནས་ཕྱི་ལོག་དུ་བྲོས་མེད་ལ། ད་ལྟ་བར་དུ་བོད་དོན་གྱི་མིང་འཁུར་ནས་བོད་མི་རིགས་ལ་ཞབས་འདྲེན་ཞུས་མེད་ཟེར་ན་མ་འགྲིག་པ་མེད། ཞབས་འདྲེན་ཞིག་ཞུས་ཡོད་པ་དེ་ནི་རང་རང་གི་སྒེར་དོན་འདམས་ནས་མི་རིགས་གཞན་གྱི་བུད་མེད་དང་རིགས་རྒྱུད་སྤེལ་བ་དེ་ཡིན། དེ་ནི་ངས་ཀྱང་སྔོན་ཆད་ནས་རང་གི་ནག་ཉེས་ངེས་ལེན་བྱོས་ཡོད་ལ། ད་ལྟ་ཡང་ནག་ཉེས་དེ་ལས་ཐར་ཐབས་མེད་པ་ཤེས་ཀྱི་ཡོད་ལགས།

    Reply
  22. tsekyis says:
    ལོ་ 13 སྔོན།

    དེ་དག་གི་འགན་ཚང་མ་ནི་བོད་གཞུང་གི་གཞུང་ཞབས་པ་ལ་ཡོད་པ་རེད།
    ཡིག་ཆ་སྤྲད་མཁན་གཞུང་ཞབས་པ་རེད་པ།
    གཞུང་ཞབས་པས་ནོར་ན་གཞུང་གི་འགན་འཛིན་པས་ནོར་འཁྲུལ་ངོས་ལེན་བྱས་པ་དེ་ལུགས་མཐུན་ཞིག་རེད།
    གཙོ་བོ་གཞུང་ཞབས་པའི་ལས་ཀའི་སྤུས་ཚད་ཡག་པོ་བསྒྲུབ་མི་ཐུབ་པས་བྱས་པ་རེད།
    ༧གོང་ས་མཆོག་གི་དགོངས་དག་ཞུ་དགོས་པ་དེ་གཞུང་ཞབས་པས་བཟོས་པ་རེད།

    Reply
  23. kyaba says:
    ལོ་ 13 སྔོན།

    རང་སྐྱོན་ཁྲིམས་མཐུན་ཡིན་ཚུལ་དང་གཞན་སྐྱོན་ཁྲིམས་འགལ་ཡིན་ཚུལ་ཨུ་ཚུགས་ཀྱིས་བསྒྲུབས་མ་བསྒྲུབ་མི་འདུག ཁྲིམས་མཐུན་གྱིས་ཕྱི་རྒྱལ་ལ་སོང་ནས་ཁྲིམས་འགལ་གྱིས་བསྡད་པ་དེ་ཛ་དྲག་རེད་ཟེར་ན་ཁྲིམས་འགལ་གྱིས་སོང་ནས་ཁྲིམས་འགལ་གྱིས་བསྡད་ཡོད་པ་དེ་ཚོ་ཅི་བྱེད། སྥྱིར་འཛིན་གླིང་གི་རྒྱལ་ཁབ་གཅིག་ལ་སྐྱབས་བཅོལ་ཞུས་ཏེ་ཐོབས་ཡོད་པའི་མི་ཞིག་གིས་སྐྱབས་བཅོལ་གཉིས་ཞུ་མི་ཆོག་པ་རྒྱལ་སྤྱིའི་ཁྲིམས་ཡིག་རེད། བོད་པ་ཕྱི་རྒྱལ་ན་སྐྱབས་བཅོལ་ཞུ་མཁན་ཚོའི་ནང་ན་སུ་རྒྱ་ལ་གར་གྱི་སྐྱབས་བཅོལ་ངོས་ལེན་བྱེད་པའི་དེབ་སེར་པོ་མེད། རང་ཉིད་ལ་ཆབ་སྲིད་ཀྱི་སྐྱབས་བཅོལ་སའི་རྒྱལ་ཁབ་ཞིག་ཡོད་བཞིན་དུ་དཔལ་འབྱོར་གྱི་སྐྱབས་བཅོལ་སའི་རྒྱལ་ཁབ་གཞན་ཞིག་བཙལ་ན་འདི་ཚང་མ་ཁྲིམས་འགལ་རེད། དེ་ན་ཕྱིའི་རྒྱལ་ཁབ་ཁག་ན་ཁྲིམས་འགལ་མིན་པའི་བོད་པ་ག་ཚོད་འདུག། ཕར་ཚུར་ལ་མ་གཡོན་པའི་སྐད་ཆ་ཞིག་ཤོད། དེ་དང་མཉམ་དུ་རང་ཉིད་ལ་སྐད་ཆ་དེ་བཤད་རྒྱུའི་ཐོབས་ཐང་ཡོད་མེད་ལའང་བསམ་བློ་རེ་ཐོངས་དང་དེ་མི་ཞིག་གི་འགྲོ་སྟངས་རེད།

    Reply
  24. sherab says:
    ལོ་ 13 སྔོན།

    ཨ་ཕ་ལགས། ཤ་ཁྲག་རུས་གསུམ་ཁྱེད།
    ང་ཤིན་ཏུ་ནུས་ཀྱང་འཐད་པ་ཡོད་པ་འདི་ཚོ་ཨ།
    ཨ་ལེ་དེ་རིང་ང་དུས་ཚོད་མེད།
    རྗེས་མ་སླེབས་ནས་གླེང་མོལ་བྱ་རྩིས་ཡོད།

    Reply
  25. phuntsok says:
    ལོ་ 13 སྔོན།

    སྙིང་ཉེ་བའི་གྲོགས་པོ་ལགས། མི་ཞིག་གི་སྐྱེས་པ་བླངས་ཚར་དུས་རང་ཉིད་ལ་སེམས་ཁྲལ་གཉིས་པ་གཏོང་ས་ཞིག་ཡོད་པ་ནི་འཚོ་བ་ཡིན། འཚོ་བ་ནི་རང་ཉིད་གསོན་ཞིང་དར་བ་དང་འཕེལ་བ་བཅས་བྱེད་སྤྱད་ཀྱི་འདྲུད་ཤིང་རྫོགས་པ་མེད་པ་དེ་ཡིན།

    འདི་ལྟར་བཤད་ན་ཁྱོད་མི་རློམ་ན་ཐང་། ཁྱོད་ཀྱིས་རང་ཉིད་ཀྱི་བྲང་ལ་ལག་པ་བཞག་སྟེ་སེམས་ཞིབ་མོས་འདང་ཞིག་རྒྱོབས་དང་། ད་སྔ་བར་ཁྱོད་རང་ཉིད་ཀྱིས་ཅི་ཞིག་འདོད་ཅིང་ཅི་ཞིག་འཚོལ་གྱིན་འདུག ད་དུང་ཡང་གང་ཞིག་ལ་རེ་ཞིང་ཅི་ཞིག་ལ་ཧུར་བརྩོན་བྱེད་ཀྱིན་ཡོད། དེ་དག་ལ་བསམ་ནས་མི་ཞིག་གི་འཚོ་བའི་བདེན་པ་ལ་ཉམས་ཞིབ་རགས་ཙམ་གནང་རོགས།

    དེ་ལྟར་བསམ་བློ་བཏང་ཏེ་ཡོང་ཐུབ་ན་ཁྱོད་ཀྱི་རང་ཉིད་མི་ཞིག་གི་འཚོ་བའི་རླབས་རྒྱུན་ཁྲོད་དེད་ཅིང་མིའི་རིགས་ཀྱི་འདོད་པའི་དང་དོད་ཀྱིས་སྒུལ་གྱིན་པའི་སྙིང་ཁམས་དག་ཞིབ་ཀློག་བྱེད་ཐུབ། དེ་ལྟར་བཀླགས་པས་མི་ནི་མ་གཞི་ནས་འཚོ་བ་མངོན་དུ་གཉེར་པའི་སྲོག་ཆགས་གསོན་སྙིང་ལྡན་པ་ཞིག་ཡིན་པ་ཤེས་ཐུབ་ངེས། དེ་ལྟར་ཤེས་པས་མིས་ནི་ནམ་ཡང་རང་ཉིད་ཀྱི་འདོད་པ་དང། དང་བ་དང་། རེ་བ་དང་། དམིགས་ཡུལ་དང་། དགའ་ཕྱོགས་བཅས་ལ་སྙེག་གིན་པའི་འདུ་ཤེས་དག་གསལ་བོ་མཐོང་ཡོང་ངེས། དེ་ལ་མིའི་བསླབ་བྱ་དང་ཆོས་ཀྱི་བསླབ་པ། བདེན་ལུགས་ཀྱི་རྟིང་སྐུལ་བཅས་ཀྱིས་ཀྱང་ཁོང་གཅུན་མི་ཐུབ་པ་ར་འཕྲོད་ཡོང་ངེས།

    དེ་བས་འུ་ཚོས་རང་ཉིད་ཀྱི་རྐང་འོག་གི་ས་ཆེན་པོ་འདི་ལ་ཞིབ་ཏུ་བསམ་ནས་རང་ཉིད་ཤོང་སའི་གཞིས་ཁྱིམ་འདི་དག་ཀྱང་རང་ཉིད་ཀྱིས་ཐབས་ཤེས་ཡོད་དགུ་བཙལ་ནས་སྒྲུག་པ་མིན་ནམ་སྙམ་པའི་ཚོར་བ་ཡོང་ངེས། གལ་སྲིད་རང་ཉིད་ཀྱང་རང་ཉིད་ཀྱི་འདོད་པ་དང་བ་བཅས་ལ་སྙེག་པའི་ལམ་ཁ་མ་རག་པ་ཡིན་ན། ཉམ་ང་གཉའ་ཞུམ་ནས་འདུག་གི་རེད་དམ། ཅི་ཞིག་གི་འདོད་པ་དང་བདེ་བ། རེ་བ་བཅས་འགྲུབ་པར་ཚེ་སྲོག་ཚུན་ཆོད་ཀྱི་འགྲོ་གྲོན་དང་ཟུངས་ཤུགས་འཕུད་ཀྱི་རེད་དམ།

    འདི་ནི་མ་གཞི་ནས་མི་རིགས་ཀྱི་དཀའ་ངལ་ཞིག་དང་ལོ་རྒྱུས་ཀྱི་གོད་ཆག་ཅིག་ལ་ངོས་བཟུང་ན་འགྲིག་པ་ལས། སྒམ་མདོག་གི་སྐད་ཆ་སྦོམ་པོ་བཤད་རྐྱང་ཞིག་རེད་མི་འདུག་སྙམ། སྐད་ཆ་འདི་དག་རང་ཉིད་དཔང་ལ་བཞག་སྟེ་བཤད་པ་ལས། ཧབ་འགེབ་ཀྱིས་སྐད་ཆ་རྫིག་པོ་བཤད་པ་ནི་མིན་ནོ།

    Reply
  26. Pobpathaye says:
    ལོ་ 13 སྔོན།

    ཤ་ཁྲག་རུས་གསུམ་གྱིས་བཤད་པ་གནད་ལ་ཁེལ་གྱིན་འདུག ལག་ཁྱེར་རྫུན་མ། མགྲོན་ཤོག་རྫུན་མ། རྒྱུ་མཚན་རྫུན་མ། ཚོགས་པ་རྫུན་མ་སོགས་བེད་སྤྱད་ནས་ཕྱི་རྒྱལ་དུ་སྡོད་མཁན་ཚོའི་ཆེད་དུ་རྒྱལ་བ་རིན་པོ་ཆེས་དགོངས་དག་ཞུ་དགོས་བྱུང་བ་རེད། ས་ལེ་རྒྱལ་གྱིས་རྒྱུ་མཚན་གང་ཞིག་གིས་ཤ་ཁྲག་རུས་གསུམ་ལ་སྐད་ཆ་འདི་འདྲ་ཤོད་པའི་ཐོབ་ཐང་མེད་གསུངས་པ་ཡིན་མི་ཤེས། ཆང་ས་བརྒྱབ་ནས་ཕྱི་རྒྱལ་དུ་སོང་རུང་དེ་ནི་ཁྲིམས་མཐུན་ལུགས་མཐུན་རེད། ཁྲིམས་ཐོག་ནས་བལྟས་ན་དགོངས་དག་ཞུ་དགོས་ས་ཞིག་མ་རེད། ཚོགས་པ་དང་ཚོགས་འདུར་འགྲོ་བའི་མིང་ཐོག་དུ་སོང་ནས་ཕྱིར་མ་ལོག་ན་ཡག་པོ་མ་རེད། ལས་སླ་བོ་ཡོད་པ་མ་རེད། རྫུན་ལུང་པ་གང་མ་བཤད་ན་སྐྱབས་བཅོལ་གྱི་གོ་སྐབས་རག་གི་མ་རེད། རྫུན་བཤད་པའི་རྫུན་རྐུབ་ག་ལེ་ག་ལེར་བུད་ཡོང་དུས་བོད་མིས་ཕྱི་རྒྱལ་གཞུང་དང་གཞུང་ཚབ་ལ་མགོ་སྐོར་བཏང་སོང་ཟེར་བའི་སྐད་ཆ་ཡོང་གིན་ཡོད་པ་རེད།

    Reply
  27. lingkalsang says:
    ལོ་ 13 སྔོན།

    བོད་ཤ་ཁྲག་ལགས། ཁྱེད་རང་མི་དགའ་བ་ལ་ངས་ཇུས་གཏོགས་བྱེད་ཐུབ་ཀྱི་མ་རེད་དེ། ཁྱེད་རང་གིས་མི་དེ་ཚོ་བོད་མིའི་བླ་བཙོང་རེད་ཟེར་བ་ཅང་ཐལ་དྲག་པ་རེད་བསམ།

    Reply
  28. salygyal says:
    ལོ་ 13 སྔོན།

    ཤ་ཁྲག་ལགས། འུ་གཉིས་ཀའི་བཟོ་ལྟར་བལྟས་ན་སྐད་ཆ་འདི་མོ་འདི་བཤད་རན་ཨེ་རེད། བྱི་ལས་སྐྱག་པ་བཏང་སྟེ་ས་འོག་ལ་བཅུགས་རྗེས་ཁྱིས་སྐྱག་པ་གཏོང་གིན་འདུག་ཅེས་བ་དང་འདྲ་བོ་མི་འདུག་གམ།

    Reply

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

+91-98823-47075 | +91-92189-38041 | +91-81972-44372
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese

Welcome Back!

OR

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist