ང་བཀའ་ཁྲིར་ལངས་པ་ཡིན།

ཐོག་མར་གངས་ཆབ་ལ་ཐུགས་རྗེ་ཆེ་ཞུ་རྒྱུ་ཡིན།
གང་ཡིན་ཟེར་ན་ཁོང་གིས་གསུངས་པ་དེ་ཚོ་རྨད་དུ་བྱུང་པའི་ལེགས་བཤད་རང་རེད་འདུག དེ་མིན་དྲ་གྲོགས་གཞན་པ་ཚང་མས་གསུངས་པ་གཅིག་མཐུན་རེད། བདེན་པའི་རྒྱབ་སྐྱོར་ལས་ཞུ་ཡ་གཞན་ལྷག་མ་སོང་།

ཧ་ཧ་ཚེ་བརྟན་ནོར་བུ།ཁྱེད་རང་གིས་བཀའ་ཁྲི་བྱེད་ཀྱི་ཡིན་ཟེར་ན་བོད་མི་མང་ཚང་མས་བཀའ་ཁྲི་བྱ་ཐུབ་ངེས་རེད།ཁྱེད་རང་ལ་འཇོན་ཐང་དང་ཤེས་ཡོན།བློ་རྒྱ་ག་ཚོད་ཡོན་མེད་ང་ཙམ་མ་ཟད་མི་མང་ཕལ་ཆེར་བའི་ཧ་གོ་དོན་གསལ་རེད།
དེ་འདྲ་སོང་ཙམ་གཞན་ལ་དཔེ་འཇོག་དང་ཟུར་ཟ་ཐོག་རང་ལ་ཉམས་མྱོང་ཡོད་རབ་ཀྱི་གཏམ་གླིང་མ་བྱེད་ན་དགའ་གི་རེད།
ད་དུང་བོད་མི་རིགས་དང་སྤྱི་པའི་རྩ་དོན་ཐོག་འགན་མི་འཁུར་མཁན་བཀྲས་མཐོང་ལྟ་བུའི་མི་སྣ་ཞིག་ང་ཚོ་བཙན་བྱོལ་མི་མང་ལ་བཀའ་ཁྲི་ཞིག་གཏན་ནས་མི་དགོས།
རྒྱུ་མཚན་ནི་དེ་སྔོན་བཀའ་ཁྲི་ལས་ཐོག་སྐབས་སུ་ནང་མི་བུ་ཕྲུག་ཆེད་དུ་རྩ་དགོངས་ཞུས་ཨ་རིས་ཡུལ་དུ་བསྐྱོད་པ་དང་ད་དུང་ཡང་མ་འོངས་པ་ལ་དཀའ་ངལ་དེ་དང་དེ་འདྲ་བའི་རིགས་བྱུང་བ་ཡིན་ཁོང་གི་ནང་མི་བུ་ཕྲུག་ཆེད་དུ་རྩ་དགོང་ཞུ་རྒྱུ་ཡིན་ཟེར་བ་ནི་དངོས་གནས་བོད་མི་མང་ལག་རྩེད་དང་མཐོང་ཆུང་བྱེད་པ་མ་ཡིན་ནམ།བོད་ཕྱི་ནང་གཉིས་ནས་བོད་མི་རིགས་དང་བོད་སྤྱི་པའི་རྩ་དོན་ཆེད་དུ་རང་སྲོག་གློས་བཏང་བ་དང་གཏང་དང་གཏང་བཞིན་པ་རེད།མ་ཚད་ད་དུང་ཡང་གཏོང་ངེས་རེད།དེ་འདྲ་སོང་ཙམ་ང་ཚོ་ལ་དགོས་པའི་བཀའ་ཁྲི་ནི་བོད་མི་རིགས་གི་དོན་དུ་རང་སྲོག་གློས་གཏོང་མ་ཐུབ་ཀྱང་བོད་མི་རིགས་དང་སྤྱི་པའི་རྩ་དོན་གལ་གནད་ཆེ་བ་ལས་ནང་མི་བུ་ཕྲུག་གལ་གནད་ཆེ་བ་མི་འཛིན་མཁན་ཞིག་ངེས་པར་དུ་དགོས།

ད་བཀའ་ཁྲི་བྱེད་འདོད་ཡོད་མཁན་མང་རུ་འགྲོ་ཡི་འདུག འཆར་གཞི་ཉུང་རུ་འགྲོ་ཡི་འདུག བོད་དོན་ཛ་དྲག་གི་སྐབས་འདི་ལ་ད་དུང་བཀའ་བློན་ཁྲི་བ་ཚོ་ལ་འཆར་གཞི་མེད་ན་སེམས་ཕམ་ཡ་རང་རེད།

རླངས་འཁོར་ཐོན་གསར་ཁ་ལོ་སྒྱུར་རྒྱུ་ན་གཞོན་རྣམས་བྱང་ཆ་ཆེ་ན་ཡང་། ལོ་མང་རྒྱ་ལམ་དུ་ཡར་རྒྱུག་མར་རྒྱུག་བྱས་པའི་ཉམས་མྱོང་དེ་ཙམ་མེད་སྟབས་གློག་དམར་པོར་ཡང་བཏང་ནས་ཉེས་པ་ཕོག་པ་མང་། དེ་བས་ཉམས་མྱོང་དགོས་པའང་ཤིན་ཏུ་གལ་ཆེ། ལྷག་པར་སྤྱི་ཚོགས་ག་འདྲ་ཞིག་གི་དབུ་ཁྲིད་ཡིན་རུང་དེའི་སྐད་ཡིག་ལ་བྱང་ཆུབ་པ་ཞིག་མ་བྱུང་ན་ནང་ཁུལ་གྱི་ལས་དོན་ལའང་སྐད་སྒྱུར་དགོས་པ་བྱུང་ན་ཇི་ལྟར་ལས་དོན་བསྒྲུབ་ཐུབ། ཕྱིའི་ཆ་རྒྱེན་ཚང་བ་ཚོས་ཀྱང་ནང་གི་ཆ་རྐྱེན་ཚང་ཐབས་གནང་གལ།

བཟང་གི་ཨ་རོ་ལངས་ནོ་བཀའ་དྲིན་ཆེ་ཞུ་ཡ།
ཐོབ་རྒྱུ་ད་དཀའ་རྒྱུ་རེད།

གལ་ཏེ་རླངས་འཁོར་རྙིང་པ་གཏོང་མཁན་ཞིག་གིས་རླངས་འཁོར་གསར་པ་ཞིག་བཏང་བ་ཡིན་ན། རླངས་འཁོར་དེའི་མ་ལག་ཚང་མ་གསར་པ་ཡིན་སྟབས། ཁ་ལོ་བ་དེར་གཏོང་མི་བདེ་བ་དང་གཏོང་སྟངས་མི་ཤེས་པ་སོགས་ཀྱི་དཀའ་ངལ་མང་པོ་ཞིག་ཡོད་པ་མ་ཟད། རླངས་འཁོར་དུ་འགྲུལ་བཞུད་བྱེད་མཁན་དག་ལ་ཡང་བསུན་པོ་དང་འཇིགས་སྣང་སྣ་ཚོགས་ཤིག་སྟེར་ངེས། རྒྱུ་མཚན་ནི་ཁོང་ཚོའི་ཚེ་སྲོག་ལ་ཉན་ཁ་ཡོད་པས་ཡིན། དེ་མིན་རླངས་འཁོར་གསར་པ་ཡིན་པ་གང་ཞིག་ལ་ཁ་ལོ་བ་ཡང་རླངས་འཁོར་དེར་རྒྱུས་མངའ་ཡོད་མཁན་ཞིག་ཡིན་ཚེ། ཁ་ལོ་བ་དེས་རླངས་འཁོར་དེའི་ཤུགས་ཚད་དང་མཐུན་པའི་ཁ་ལོ་བ་བྱེད་ཐུབ་ལ། དེ་བཞིན་རླངས་འཁོར་གསར་པ་དེའི་བཞུད་ལམ་ཡང་ན་ནོར་བ་ཞིག་འདེམས་ངེས། ལྷག་པར་དུ་རླངས་འཁོར་དེའི་ནང་དུ་འགྲུལ་བཞུད་པ་དེ་དག་གི་བློ་ཡང་བདེ་ལ་སེམས་ཀྱང་སྐྱིད། རྒྱུ་མཚན་ནི། ཁ་ལོ་བ་དེས་རླངས་འཁོར་གསར་པ་དེ་གཏོང་སྟངས་ཤེས་པ་མ་ཟད་འགྲུལ་པ་དག་གི་ཚེ་སྲོག་ལ་ཡང་ཉན་ཁ་མེད་པས་ཡིན། འདི་ནི་དཔེ་མཚོན་ཙམ་ལས་སྐྱོན་བརྗོད་བྱས་པ་མིན།

ད་ངོ་མ་མང་གི་ཡ། བཙན་བྱོལ་གཞུང་གི་འོས་ཤོག་ཁ་འཐོར་དགུ་འཐོར་དུ་འགྱུར་ས་རེད། འོས་ཤོག་གི་ཚད་གཞི་ལོངས་དགོས་ན་རྒྱན་དཀྲུགས་པ་ལས་ཐབས་ཡོད་ས་མ་རེད།

ཚེ་བརྟན་ནོར་བུ་ལགས་རང་ཉིད་ཀྱིས་རང་ཉིད་བཀའ་ཁྲིའི་འོས་ཤོག་ལ་འདེམས་པ་ངོ་མཚར་ཆེ། ཡིན་ན་ཡང་ངས་ལྟས་ཚོད་ལ་སྔོ་མོ་ནས་རླང་འཁོར་གཏོང་མཁན་རྙིང་པ་ཞིག་ཡིན་ན་ཡང་ནད་རྙིང་ཡོད་མཁན་ཞིག་ཡིན་པ་མ་ཟད་ད་དུང་ར་བཟི་བའི་རྒན་འཁོགས་ཞིག་གི་ལག་དུ་ཤོར་ན་ད་ང་ཚོའི་རླང་འཁོར་འདི་ལ་ལམ་འགྲོ་དེ་བས་ཀྱང་ཡོད་རྒྱུ་མ་རེད། དཔེར་ན་སྐུ་ཉིད་ལྟ་བུ་རེད།

ཚེ་བརྟན་ནོར་བུ་ལགས་བཀའ་ཁྲིའི་འོས་མིར་བཞེངས་པར་བཀྲ་ཤིས་བདེ་ལེགས་ཞུ། ཇི་ཙམ་འོས་མི་མང་ཡང་ལེགས་བའི་རང་བཞིན་རེད། གཙོ་བོ་རྒྱ་ཆེའི་མི་མང་གི་རྒྱབ་སྐྱོར་ལ་རག་ལུས་པ་རེད། ད་ལྟའི་ཕྱི་སྡོད་བོད་མི་རྣམས་ཐོག་མར་བཙན་བྱོལ་དུ་འབྱོར་དུས་དང་གཏན་ནས་མི་འདྲ་བའི་ཤེས་ཡོན་གང་ཙམ་ཡོད་པ་ཕལ་ཆེ་བ་ཡིན་པས་འཕྱུག་མི་སྲིད། དྲྭ་གྲོགས་འགའ་ཞིག་གིས་འོལ་ཚོད་ཀྱིས་འགྲེལ་བཤད་མང་པོ་གསུངས་འདུག ལྷག་པར་ཆོལ་ཁ་ཆོས་ལུགས་སྐོར་གསུངས་པ་དེ་ཏག་ཏག་ཅིག་མ་མཐོང་། ཚེ་བརྟན་ནོར་བུ་ལགས་ཀྱིས་ཉམས་མྱོང་ཡོད་མེད་སྐོར་གསུངས་པ་དོན་ལ་གནས་ཤིང་མང་ཚོགས་ནས་ཀྱང་ཉམས་མྱོང་ཡོད་པ་ཞིག་བཀའ་ཁྲིར་ཕེབས་ཐུབ་ན་བློ་བདེ་བ་བྱེད་པ་དངོས་ཡོད་གནས་སྟངས་རེད། དེས་ན་མཁྱེན་ཡོན་ཅན་གྱི་ན་གཞོན་ཚོས་ཀྱང་དྲུང་ཆེ་བཀའ་བློན་སྐུ་ཚབ་སྤྱི་འཐུས་སོགས་ཐེག་པ་རིམ་འཛེག་གནང་ནས་ཕེབས་ཐུབ་ན་དགེ་མཚན་ཆེ་སྙམ།།

ཚེ་བརྟན་ནོར་བུའི་བཀའ་ཁྲི་ཡོང་མདོག་ཁ་པོ་ཞིག་ཁྱོན་ནས་མི་འདུག
འོན་ཀྱང་ཁོང་གིས་བཤད་པ་བཞིན་བློ་བཟང་སེང་གེ་ལྟ་བུ་ཞིག་བཀའ་ཁྲིར་བཞག་པ་ཡིན་ན། དཔེ་མཚོན་ལོ་ངོ་གཅིག་གཉིས་ནང་ཉམས་དམས་སུ་གྱུར་བའི་སྲིད་འཛིན་ཨོ་བྷ་མ་དང་གཅིག་མཚུངས་རེད་

དཔེ་མཚོན་སྙན། དོགས་པ་ཡང་ཆེ། ད་དུང་མི་རབས་གསར་པ་བཞག་ནས་རྙིང་པ་རྐྱང་རྐྱང་ལུ་གུ་བརྒྱུད་འབྲེལ་གྱིས་རྙིང་དྲི་ཁ་བཅུག་ཡག་རེད་འདུག་། འཚང་ཀ་མ་རྒྱག་ད་ནི་འགྲིག་སོང། ང་ཚོའི་སེམས་པ་དཀྲུགས་མི་ཐུབ། ང་ནི་རྟག་ཏུ་འགྱུར་བ་མེད་པར་དཀའ་སྡུག་ཁྲོད་ནས་གཟི་བརྗིད་འབར་བའི་བོད་ཀྱི་ཨོ་བྷ་མ་མཁས་དབང་བློ་བཟང་སེང་གེ་ལགས་ཡིན།།། བློ་བཟང་སེང་གེ་ལགས་རྒྱལ་གྱུར་ཅིག།།།

གཞེན་སྐུལ་ཞུ་རྒྱུར། དྲ་གྲོགས་ལྷོ་ཕྲུག་སྣ་བོ་ཆེའི་གསུངས་པ་ལྟར་རེད། ངོ་མ་ཆབ་སྲིད་པའི་སྐད་ཆ་དེ་ཚོ་སྣང་གནས་མཐུན་པ་ཞིག་རྩ་བ་ནས་མི་འདུག ང་ཚོ་རྒྱ་ཆེ་མི་མང་རྣམས་ཀྱིས་ཆབ་སྲིད་ཀྱི་གཡོ་བྱུས་སུ་མ་ཚུད་པར་དངོས་ཤུགས་བརྒྱུད་གསུམ་གྱིས་རྟག་དཔྱད་ནན་པོ་གནང་སྟེ་འདེམས་སྒྲུག་བྱ་རྒྱུ་གལ་ཆེ།
མཇུག་ཏུ་བསམ་ཚུལ་ཞུ་རྒྱུར། ༸གོང་ས་མཆོག་སྐུ་འཚོ་བཞུགས་ཀྱི་བསྐལ་བཟང་དུས་བཟང་འདིར་མི་རབས་གསར་པ་ཞིག་ལ་བཀའ་བློན་ཁྲི་པའི་ཐུགས་འགན་དེ་ལྟ་ཚོད་ཅིག་གནང་ཐུབ་ན་ཡག་པོ་འདུག འབྱུང་འགྱུར་རྒན་རབས་པ་རྣམས་རིམ་གྱིས་བྱོན་ཏེ་གློ་བུར་དུ་གཞོན་སྐྱེས་ཚོར་འགན་དེ་བསླེབ་ན་བློ་ཡུལ་ལས་འདས་པའི་སྐུ་ངལ་འཕྲད་སྲིད།
དེར་བརྟེན་མི་རབས་རྒན་པ་རྣམས་ཀྱིས་སློབ་སྟོན་འོག་མི་རབས་གསར་པ་ཞིག་བསྐོ་གཞག་གནང་ཐུབ་ན་ཡག་པོ་འདུག་སྙམ།།

ཚེ་བརྟན་ནོར་བུ་ལགས་བཀའ་ཁྲི་འོས་ལངས་པ་ཡག་པོ་རེད་། ཡིན་ཡང་ང་ཚང་མི་རབས་གསར་པ་རྣམས་ལ་དགོས་པའི་བཀའ་ཁྲི་ནི་བློ་བཟང་སེང་གེ་ལྟ་བུ་ཞིག་དགོས་།

བློ་གྲོས་མཐའ་ཡས་ནས་

བློ་བཟང་སེང་གེ་ལ་བཀའ་ཁྲིའི་རྒྱལ་ཁ་ཐོབ་ན་བཀའ་ཁྲིའི་འོས་གཞི་གཞན་རྣམས་ལ་མེད་པའི་ཁྱད་ཆོས་གང་མང་ཞིག་ཡོད། &nb sp; དཔེར་མཚོན་ཁ་ཤས་ཤིག་བཀོད་ན།

༡༽ སྟོང་ལོ་འདིའི་ནང་འཛམ་གླིང་ན་མདུན་བསྐྱོད་ཀྱི་མཚན་སྙན་བླ་ན་འབར་བའི་ཨ་རིའི་སྲིད་འཛིན་བྷ་རག་ཨོ་བྷ་མ་དང་སློབ་གྲྭ་གཅིག་ནས་སློབ་མཐར་ཕྱིན་མཁན་ཞིག་ཡིན་པས་ཨ་རིས་མཚོན་པའི་རྒྱལ་སྤྱིའི་ཐོག་ཏུ་མཚན་མཐོང་དང་སྙན་གྲགས་གདེངས་འཇོག་རྣམས་གཞན་ལས་ཆེ་བ་ཡོད།

༢༽ རྒྱ་ནག་གཞུང་གིས་བོད་དོན་ཟེར་བ་འདི་རང་ཉིད་ཀྱི་ཐོབ་ཐང་རྩོད་པའི་སྐུ་དྲག་ཁག་ཅིག་གི་རྙོག་དྲ་ཡིན་པ་དང་། སྐུ་དྲག་དེ་ཚོ་ཞི་བར་གཟིམ་ཚར་ན་བོད་དོན་ཡང་ཞི་བར་གཟིམ་རྒྱུ་ཡིན་ཚུལ་ཤོད་བཞིན་པར་ཁ་ཆུ་འཐོར་བའི་འགྲམ་ལྕགས་ཆེན་པོ་ཞིག་རྒྱག་ཐུབ།

༣༽ རྒྱ་ནག་གཞུང་དང་བོད་ཕྱི་ནང་གང་སར་བཙན་བྱོལ་བོད་གཞུང་འདི་སྐུ་དྲག་གི་ཁྱིམ་ཚང་ཆེན་པོ་གསུམ་གྱིས་གྲུབ་པར་ངོས་འཛིན་བྱེད་བཞིན་པའི་བག་ཆགས་ངན་པ་དེ་གཙང་མར་བཀྲུ་ཐུབ།

༤༽ གལ་སྲིད་བློ་བཟང་སེང་གེ་ཕམ་ན་བོད་ཕྱི་ནང་གི་གཞོན་སྐྱེས་རྣམས་སེམས་ཤུགས་ཆགས་སྲིད་པ་དང་། བོད་དོན་ལ་དོ་སྣང་བྱེད་རྒྱུར་ཤུགས་རྐྱེན་ངན་པ་ཐེབས་སྲིད་ལ། བློ་བཟང་སེང་གེ་བཀའ་ཁྲིར་སླེབ་ན་མི་རབས་གསར་བའི་གཞོན་སྐྱེས་ཚོའི་སེམས་ཤུགས་འཕར་ནས་བོད་དོན་ལ་སྔར་ལས་ལྷག་མེད།

བཀའ་ཁྲིར་ལངས་མཁན་མང་དྲག་སོང།ད་ཡིན་ན་ཆོག་ཁ་དང་ལུང་ཚན་སོགས་ཀྱི་རྙོག་དྲ་འབྱུང་མི་སྲིད་པ་མིན་པས་ཚང་མའི་ཡིད་གཟབ་གནང་དགོས།བདག་གི་བཀའ་ཁྲི་ནི་ནམ་ཡང་ཚོགས་གཙོ་སྤེན་པ་ཚེ་རིང་ལས་གཞན་མ་འདས་སོ།

ང་ཚོས་འདས་པའི་མི་ལོ་ལྔ་བཅུའི་རིང་གཞོན་སྐྱེས་ཚོ་ང་ཚོའི་མ་རྩའམ་སོན་རྩ་ཡིན་ཞེས་ང་ཚོ་ཚང་མས་བཤད་བསྡད་པ་ཙམ་དུ་མ་ཟད། ༧རྒྱལ་བ་རིན་པོ་ཆེ་མཆོག་དང་། བཙན་བྱོལ་གཞུང་གིས་ཁོང་ཚོར་དམིགས་བསལ་བདག་གཅེས་དང་། ཤེས་ཡོན་གྱི་གོ་སྐབས་བསྐྲུན་རྒྱུ་སོགས་ལ་ཐུགས་འཁུར་ཆེན་པོ་བཞེད་པའི་བཀའ་དྲིན་དང་། གང་ཟག་སྒེར་སོ་སོས་འབད་བརྩོན་བྱས་པའི་གྲུབ་འབྲས་སུ་ད་ཆ་འཛམ་གླིང་རྒྱལ་ཁབ་གཞན་གྱི་ཤེས་ཡོན་པ་དང་དཔུང་པ་མཉམ་བཤིབས་ཐུབ་པའི་ང་ཚོའི་གཞོན་སྐྱེས་ལས་དོན་འཕེར་ངེས་མང་པོ་ཐོན་དང་། འདོན་བཞིན་པར་སོང་ཁོང་ཚོའི་གྲས་ནས་བོད་མི་ས་ཡ་དྲུག་གི་རྩ་དོན་ཆེད་དུ་ལས་འགུལ་ནང་ཞུགས་འདོད་ཡོད་པ་ཚོ་བཀའ་སྤྱིའི་འོས་གཞིར་སླེབས་པ་ཡིན་གྱི་རེད། བྱས་ཙང་བཀའ་སྤྱིའི་འོས་གཞིར་ཆ་རྐྱེན་ཚང་བའི་སེར་སྐྱ་ཕོ་མོ་རྒན་གཞོན་སུ་ཡང་ཕེབས་འདོད་ཡོད་ན་རང་དབང་རེད་མ་གཏོགས་རྒན་པ་དགོས་ཡོད། གཞོན་པ་དགོས་ཡོད་ཅེས་རང་འདོད་ཨུ་ཚུགས་རྒྱབ་ནི་ཕན་ཐོག་ཨེ་ཡོད། མཐའ་མའི་ཐག་གཅོད་ནི་རྒྱ་ཆེའི་མང་ཚོགས་ཀྱིས་གནང་གི་རེད།

སྐུ་ཉིད་བཀའ་བློན་ཁྲིའི་པའི་འོས་མིར་བཞེངས་པར་གུས་སེར་གཙང་འཇམ་དབྱངས་པས་
ལག་གཉིས་ཀྱི་ཐལ་མོ་སྙིང་ཁར་སྦྱར་ཏེ་བཀྲ་ཤིས་བདེ་ལེགས་ཞུ། དོན་ངོ་མ་ང་ཅག་བོད་པ་ཚང་གི་བཀའ་བློན་དེ་སུ་ཞིག་འོས་སམ་
དཔེ་དོན་སྙན་པོ་འདུག་ཡིན་ཡང་དོག་པ་ཡོད།།

ད་ང་ཚོར་བཀའ་ཁྲིའི་འོས་མི་མང་བའི་སྐྱོན་འབྱུང་གི་འདུག རྒྱུ་མཚན་ཡོད་མེད་གང་ལྟར་མི་མང་བོ་ཞིག་བཀའ་ཁྲི་གཅིག་ལངས་གཉིས་ལངས་བྱས་ན། ཏན་ཏན་དཀའ་ངལ་ཞིག་ལ་འཕྲད་ངེས་རེད་སྙམ་ནས་བདག་ལ་སེམས་ཁྲལ་ཏོག་ཙམ་འདུག སྐད་ཆ་འདི་ངས་ཚེ་བརྟན་ནོར་བུ་ལ་བཤད་པ་མིན།

བཀའ་ཁྲི་གཅིག་ལངས་གཉིས་ལངས་ཀྱི་རྣམ་པ་འདི་ཕྱོགས་གཅིག་ནས་བཟང་ལས་ངན་དུ་མི་འགྱུར་བ་ཡིན་སྲིད་ཀྱང་། འོས་མི་འོས་ཚང་མ་ལངས་ན། འདིའི་རྗེས་སུ་ཆོས་བརྒྱུད་ཆོས་ལུགས་དང་ཆོལ་ཁ་ལུང་ཚན་གྱི་ཆུ་མཛོད་ཁ་ཤོར་རྒྱུའི་ཉེན་ཁ་ཞིག་མཐོང་གི་འདུག འདི་བསམ་བློ་མང་བོ་བཏང་བའི་སྐད་ཆ་ཞིག་ཡིན།

བཙན་བྱོལ་ནང་གི་མི་ཁ་ཤས་ཤིག་གི་དབུ་ཁྲིད་ཅིག་བྱེད་རྒྱུར་དགའ་མདོག་ལ་ཨང་།

ཚེ་བརྟན་ནོར་བུའི་མི་ཚེའི་ལོ་རྒྱུས་དང་། ཁོང་གི་རང་རེའི་སྤྱི་ཚོགས་ལ་བཟུང་བའི་འགན་འཁྲིའི་འདུ་ཤེས་ཀྱང་མིག་ཡོད་ཀྱི་རི་ལ་བལྟས་པ་ལྟར་གསལ་གསལ་ཐིང་ཐིང་མཐོང་ཐུབ་པ་ཞིག དཔེར་ན། ༼ད་ལྟ་རླངས་འཁོར་འདི་གཏོང་མཁན་གྱི་མི་རབས་རྒན་པ་དང་ལོ་མང་རིང་ཕྱག་ལས་གནང་མྱོང་མཁན་མང་བོ་ཕྱིར་འཐེན་བྱས་པ་དང་། རླངས་འཁོར་གཏོང་སྦྱོང་ཙམ་བྱས་པ་ལས་བཏང་བའི་ཉམས་མྱོང་མེད་མཁན་དེ་ལྟ་བུར་འོས་བླུགས་ཚེ་ང་ཚོ་བསླེབ་དགོས་སར་མ་ཐོན་པའི་གོང་དུ། ཚང་མ་སྡེབ་གཅིག་ལ་ཁ་ལོ་སྒོར་བར་དོགས་པས་ཡིན༽ ཟེར་བ་འདིས་ཅི་ཞིག་སྟོན་ཁུལ་བྱས་པ་རེད་ཟེར་ན། བློ་བཟང་སེང་གེ་བཀའ་ཁྲིར་འོས་བླུག་རྒྱུ་ཡོད་པ་མ་རེད་ཅེས་བརྗོད་ཡོད་པ་དང་། དངོས་གནས་རིགས་པ་རྒྱུ་མཚན་ལྡན་ན་དེ་ལྟར་བརྗོད་ཀྱང་མ་ཆོག་པ་གང་མི་འདུག་མོད། འདི་ལས་ཚོར་ཐུབ་པ་ནི་བློ་སེང་བཀའ་ཁྲིར་སླེབས་ན་མི་དགའ་བའི་ཁོག་དོགས་བློ་ཆུང་གི་སྣང་ཚུལ་ཞིག་ལས་ཅི་ཡང་མཐོང་མི་ཐུབ། བསྟན་ཀྱང་མེད། ཁག་བཞག་ས་ཉག་གཅིག་ཡོད་པ་ནི་ཡུན་རིང་ལས་ཀ་ལས་པའི་ཉམས་མྱོང་མེད་པ་ཟེར་བ་ཙམ་རེད། ལོ་སུམ་ཅུར་ལས་ཀ་བྱས་པའི་ཅི་ཕན། སྔར་གྱི་བྱུང་རབས་ནང་ཚེ་བརྟན་ནོར་བུས་ལས་ཀ་ཅི་བྱས་གསལ་བོར་ཤེས་པ་མ་ཟད། ཚོགས་ཆུང་ཁག་བགོས་ཀྱི་ལས་འགན་ནང་ཁོ་རང་ཞུགས་པའི་མཇུག་འབྲས་དང་། གྲུབ་དོན་མང་པོ་ཞིག་ཀྱང་གསལ་གསལ་ཐིང་ཐིང་ཤེས་ཀྱི་ཡོད། འདི་ལྟར་མདོག་ངན་ཞིང་བྱེད་སྟངས་རྡུགས་པ་འདི་འདྲ་བྱས་ན། དྲ་ལམ་ཙམ་མིན་པར་སྤྱི་ཚོགས་ཁྱོན་དུ་ནུས་མེད་ཁོག་ཆུང་གི་མི་འདི་ཚོའི་བྱ་སྤྱོད་རེ་རེ་བཞིན་གསལ་བསྒྲགས་བྱས་ཏེ། བཙན་བྱོལ་སྤྱི་ཚོགས་ལ་དོན་དངོས་ཀྱི་གསར་བརྗེ་མི་སློང་ཐབས་མེད་ཡིན་སྟབས། ད་ནས་བཟུང་གཞན་ལ་ཁོག་ཆུང་བྱེད་པའི་ལས་ངན་རྡུགས་པོ་འདི་འདྲ་མ་བྱས་ན་བཟང་སྙམ། རྒྱུ་མཚན་ནི་རང་ཅག་ད་ལྟ་ཉེན་ཁའི་གནས་སུ་ལྷཧུང་ཡོད་སྟབས། ལུང་ཚན་གྱི་དབྱེ་འབྱེད་སྡུག་ཐུག་པོ་དེ་འདྲ་མི་བྱེད་པར། ཚང་མས་ ་་བོད་་་་་་་་ཅེས་པའི་ཚིག་འདི་ལ་གཅེས་སེམས་སྤུངས་དགོས་པས་སོ། །

ཡང་བཀའ་བློན་ཞིག་སླེབས་ཐལ། ངོ་མ་མི་བུ་སུ་འདྲ་ཞིག་ང་ཚོའི་བཀའ་བློན་ཁྲི་བར་འོས་སམ། མང་གི་ཡ།