བློ་བཟང་སེང་གེ་ཕམ་ན་བོད་ཀྱི་མི་རབས་གསར་བ་ཕམ་པ་ཡིན།
བློ་གྲོས་མཐའ་ཡས།
ཕྱི་ལོ་ ༢༠༠༨ལོར་ངའི་སློབ་མའི་གྲྭལ་དུ་མི་རིགས་ནག་པོའི་གཟའ་འཚོ་གཉིས་ཡོད། ཕལ་ཆེར་ཁོང་གཉིས་ལོ་ཞི་བཅུ་ནས་ལྔ་བཅུ་བར་ཡིན་པ་འདྲ། ཁོང་གཉིས་ཀྱིས་ཟེར་ན་ཏཱ་ལའི་བླ་མའི་ཀུན་སྤྱོད་ལ་སེམས་ཤོར་ནས་ནང་པའི་ཆོས་ཉམས་སུ་ལེན་འདོད་བྱུང་བ་ཡིན་ཟེར། གང་ལྟར་ནུབ་ཕྱོགས་པའི་སློབ་སྦྱོང་གི་ཚད་གཞི་ཧ་ཅང་མཐོན་པོ་རེད། མ་གཞི་མི་རིག ས་ནག་པོ་འདི་འདྲིས་སླ་པོ་དང་། འདྲིས་ཚར་ན་བོད་པ་ལྟར་ཕན་ཚུན་སྙིང་གཏམ་ལྷུག་པོར་བཤད་མཁན་ཞིག་རེད། ང་ཚོས་ཕན་ཚུན་སྙིང་གཏམ་མང་པོ་འཛེམས་མེད་དུ་བཤད་པའི་ཁྲོད་ནས་ངའི་ནམ་ཡང་བརྗེད་ཐབས་མེད་པ་ཞིག་ནི། ཁོང་གཉིས་ཀྱིས་ད་རེས་ཀྱི་ཨ་རིའི་སྲིད་འཛིན་འགྲན་བསྡུར་ཐོག་ནས་བྷ་རག་ཨོ་བྷ་མ་ཕམ་ན་ཨ་རིའི་མི་རིགས་ནག་པོ་རྣམས་ཕམ་པ་དང་། & nbsp;མ་འོངས་པར་མི་རིགས་ནག་པོའི་མགོ་འགྱོག་རྒྱུ་ཧ་ཅང་དཀའ་བས་མ་ཚད། ཡར་ལངས་རྒྱུ་མེད་པ་ལྟ་བུ་ཞིག་ཟེར། ཁར་སང་ཁར་ཉིན་བལ་ཡུལ་ནས་རྟ་ནག་སྐལ་བཟང་ལུང་རིགས་ཀྱིས་ཀྱང་འདི་དང་གཅིག་མཚུངས་ཀྱི་སྐད་ཆ་བཤད་འདུག་པ་དོན་དངོས་དང་མཐུན་པའི་བདེན་གཏམ་ཉག་གཅིག་རེད།
ཕྱི་ལོ་ ༢༠༡༡ ལོའི་བཀའ་ཁྲིའི་འཚང་ཀར་ཞུགས་མཁན་བཀྲས་མཐོང་བསྟན་འཛིན་རྣམ་རྒྱལ་དང་། ཚོགས་གཙོ་སྤེན་པ་ཚེ་རིང་། ཚོགས་གཞོན་རྒྱ་རི་སྒྲོལ་མ་སོགས་ཀྱིས་སྐུ་ཚེ་གང་པོར་༧གོང་ས་ཡིད་བཞིན་ནོར་བུ་ལ་ཕྱག་རོགས་རླབས་ཆེན་ཞུས་དེར་ང་ཚོས་ངོས་ནས་སྐུ་དྲིན་དྲན་འོས་པ་དང་། མིག་དཔེར་བལྟ་འོས་པ། ཐུགས་རྗེ་ཆེ་ཞུ་འོས་པ་ཞིག་ཡིན་པ་སྨྲོས་ཅི་དགོས། ཡིན་ན་ཡང་ ༢༠༡༡ ལོའི་བཀའ་ཁྲིའི་རྐུབ་སྟེགས་ཀྱི་ཆེད་དུ། ད་སྐབས་ག་ས་གང་ནས་ཕྱོགས་ཁག་སྒྲིག་བཞིན་འདུག་པ་འདི་བོད་པའི་སྤྱི་དོན་གྱི་ཐོག་ལ་ཉེན་ཁ་ཤིན་ཏུ་ཆེན་པོ་ཞིག་རེད། དཔེར་ན་ཉེ་ཆར་བལ་ཡུལ་ནས་མི་གྲངས་སྟོང་ཕྲག་གཉིས་ཡོད་པའི་སྐྱིད་སྡུག་ཚོིགས་པ་ཞིག་གིས་བཀྲས་མཐོང་ལ་རྒྱབ་སྐྱོར་བྱེད་རྒྱུར་ཐག་གཅོད་བྱུང་བའི་སྐད་ཆ་འདུག་པར་མ་ཟད། ད་དུང་རྒྱ་གར་ལ་ཡང་འབྲེལ་བ་བྱས་ཟིན་པའི་སྐད་ཆ་བྱུང་བ་དང་། དེ་བཞིན་རྒྱ་གར་གྱི་ཕྱི་ཚེས་༡༧ ཉིན་བཞུགས་སྒར་དུ་མི་ཁག་ཅིག་གིས་བཀྲས་མཐོང་ལ་རྒྱབ་སྐྱོར་འཚོལ་ཆེད་དྲ་རྒྱ་གསར་བ་ཞིག་སྒོ་འབྱེད་བྱས་པའི་སྟེང་། སྐུ་མགྲོན་གཙོ་བོ་བཀའ་ཟུར་བསོད་ནམས་སྟོབས་རྒྱལ་གྱིས་གཏམ་བཤད་བྱས་པར། ༼ཕྱོགས་གཅིག་ནས་བལྟས་པ་ཡིན་ན་ཁ་སང་འདིར་ཤོག་ལབ་དུས་མ་བདེ་བ་ཞིག་བྱུང་། དེང་སང་སྤྱི་ཚོགས་ནང་དུ་སྐད་ཆ་མང་ཐག་ཆོད་ནས། ཁོ་ཚོ་གཅིག་གིས་གཅིག་ལ་ངན་པ་ལག་སྦྲེལ་བྱེད་ཀྱི་འདུག བཀའ་བློན་ཁྲི་ཟུར་ཞིག་གིས་བཀའ་བློན་ཁྲི་ཟུར་ཞིག་ལ་རྒྱབ་སྐྱོར་བྱེད་ཀྱི་འདུག ཁོ་ཚོ་མུ་མཐུད་དབང་འཛིན་པའི་ནང་ལག་བརྡང་སྦྲེལ་ནས་བྱེད་ཀྱི་འདུག་ཅེས་པའི་སྐད་ཆ་དེ་འདྲ་ང་ལ་ཡང་ལབ་མཁན་མང་པོ་བྱུང་། དེར་བརྟེན་མ་བདེ་བ་ཞིག་བྱུང་། བསམ་བློ་ཡག་པོ་གཏོང་དུས་དངོས་ཡོད་གནས་ཚུལ་ནི་དངོས་ཡོད་གནས་ཚུལ་རང་རེད། སྐད་ཆ་སྙན་པོ་ཡོད་མེད་གང་ཞིག་སུས་ག་རེ་བཤད་པ་ཡིན་ཡང་འགྱུར་བ་འགྲོ་རྒྱུ་གང་ཡང་ཡོད་མ་རེད། དངོས་ཡོད་གནས་ཚུལ་རེད།༽ ཟེར།
དེས་ན་དོན་ཚན་འདི་གཉིས་དཔེར་གཞག་ནས་གཅིག་བལྟས་ན། དོན་ཚན་སྔོན་མ་དེའི་སྐྱིད་སྡུག་ཚོགས་པར་མི་སྟོང་ཕྲག་གཉིས་ཡོད་ན་སྟོང་ཕྲག་གཉིས་པོ་དེས་མ་གྲོས་བསམ་པ་གཅིག་མཐུན་གྱིས་བཀྲས་མཐོང་ལ་འོས་ཤོག་འཕེན་འདོད་བྱུང་བ་ཡིན་ནམ་ཟེར་ན་དེ་ནི་ཕལ་ཆེར་མི་སྲིད་པ་ཞིག་རེད། ད་དུང་མི་གྲངས་སྟོང་ཕྲག་གཉིས་མཉམ་འཛོམས་ཀྱི་ཚོགས་འདུ་ཙམ་ཡང་བྱུང་ཡོད་དམ། ཚོགས་གཙོ་དང་རྒྱུན་ལས་སོགས་ལས་བྱེད་སྐོར་ཞིག་གིས་གྲོས་བྱས་ནས་མར་བཀའ་བབ་རྒྱུ་རེད། ང་ཚོའི་སྐྱིད་སྡུག་གི་མི་ཞིག་ཡིན་ན་བཀྲས་མཐོང་ལ་འོས་འཕེན་དགོས་ཟེར་ནས་བཙན་བཀའ་གཏོང་རྒྱུ་རེད། མགོ་སྐོར་གཏོང་རྒྱུ་རེད། དེས་ན་མང་གཙོའི་ལམ་སྲོལ་དང་མི་མང་གི་ཐོབ་ཐང་དང་ཡང་མཐུན་གྱི་མེད། ད་དུང་རྒས་འཁོག་དང་སློབ་སྦྱོང་མེད་པའི་མི་ཕལ་ཆེ་བ་ལ་རང་ཚུགས་དང་ལྟ་གྲུབ་མེད་པས་འཛུབ་མོ་གར་བསྟན་ཤར་རེད།
གཉིས་པ་ལ་བལྟས་ན་བསོད་ནམས་སྟོབས་རྒྱལ་གྱིས་བོད་པའི་ཕྱི་དོན་ལ་བསམ་བློ་གཏོང་གི་མི་འདུག གང་ཟག་སྒེར་གྱི་གྲོགས་པོའི་འབྲེལ་བ་ལ་བསམ་བློ་བཏང་ནས་རྒྱབ་སྐྱོར་བྱེད་ཀྱི་འདུག དེ་ཡིན་པ་ཁོ་རང་གིས་ཁ་གསལ་གཏིང་གསལ་བྱས་ནས་བཤད་འདུག་པ་གོང་གི་དེ་རེད། དེས་ན་འདི་ཚོས་གང་ཟག་སྒེར་བའི་ཐོབ་ཤོར་གཙོ་བོར་འཛིན་པ་ལས་བོད་ཀྱི་སྤྱི་དོན་གཙོ་བོར་འཛིན་གྱི་མི་འདུག་པ་ཆེས་བློ་ཕམ་དགོས་པ་ཞིག་རེད་ལ་བོད་ཀྱི་སྤྱི་དོན་ཐོག་ཏུ་ཉེན་ཁ་ཆེན་པོ་ཞིག་ཀྱང་རེད། སྔོན་ཟམ་གདོང་རིན་པོ་ཆེ་ཡང་བསྐྱར་བཀའ་ཁྲིར་སླེབས་སྐབས། ༧གོང་ས་མཆོག་གིས། ད་རེས་གཞོན་སྐྱེས་ཤིག་བཀའ་ཁྲིར་སླེབས་རྒྱུའི་རེ་བ་བྱས་ཀྱང་། ཡང་བླ་རྒན་མགོ་དཀར་ཞིག་སླེབས་འདུག་ཅེས་ཀུ་རེ་དང་སྦྲགས་ནས་དོན་དམ་གྱི་གོ་བརྡ་སྤྲད་ཡོད། མའོ་ཙེ་ཏུང་གིས། འཛམ་གླིང་འདི་ང་ཚོའི་ རེད་དམ་ཡང་ན་ཁྱོད་ཚོའི་རེད། མཐར་གཏུགས་ན་ཁྱོད་ཚོས་རེད་ཅེས་བཤད་མྱོང་བ་ལྟར། མ་འོངས་པའི་བོད་འདི་མི་རབས་གསར་བའི་གཞོན་སྐྱེས་ཚོའི་རེད་དམ་ཡང་ན་མི་ཚེ་ཕལ་ཆེར་རྫོགས་ཟིན་པའི་རྒས་འཁོག་ཚོའི་རེད། མཐར་གཏུགས་ན་མི་རབས་གསར་བའི་གཞོན་སྐྱེས་ཚོའི་ཡིན་པ་སྨྲོས་མ་དགོས། དེར་བརྟེན་༧གོང་ས་ཆེན་པོ་སྐུ་འཚོ་བཞུགས་ཀྱི་སྐབས་འདིར་མི་རབས་གསར་བའི་གཞོན་སྐྱེས་རྣམས་ལ་གོ་སྐབས་སྤྲོད་དགོས་པ་དང་། མ་མཐའ་ཡང་སྦྱོང་བརྡར་སྤྲོད་དགོས་པ་གཡོལ་ཐབས་མེད་པའི་ལས་འགན་ཞིག་ཡིན། འོ་ན་གཞོན་སྐྱེས་ཚོའི་ཕྱོགས་ནས་བཤད་ན་ད་སྐབས་མཁས་དབང་བློ་བཟང་སེང་གེ་ལས་ལྷག་པ་ཞིག་གཅིག་ཀྱང་མེད་པས། ཁོང་ལ་ ༢༠༡༡ ལོའི་བཀའ་ཁྲིའི་རྒྱལ་ཁ་ངེས་པར་དུ་ཐོབ་དགོས་པ་དང་། གལ་སྲིད་ཁོང་ཕམ་པ་ཡིན་ན་མི་རབས་གསར་བའི་གཞོན་སྐྱེས་རྣམས་ཕམ་པ་དང་། མཐར་གཏུགས་ན་བོད་པའི་སྤྱི་དོན་ཕམ་པ་ཡིན།
བློ་བཟང་སེང་གེ་ལ་བཀའ་ཁྲིའི་རྒྱལ་ཁ་ཐོབ་ན་བཀའ་ཁྲིའི་འོས་གཞི་གཞན་རྣམས་ལ་མེད་པའི་ཁྱད་ཆོས་གང་མང་ཞིག་ཡོད། &nb sp; དཔེར་མཚོན་ཁ་ཤས་ཤིག་བཀོད་ན།
༡༽ སྟོང་ལོ་འདིའི་ནང་འཛམ་གླིང་ན་མདུན་བསྐྱོད་ཀྱི་མཚན་སྙན་བླ་ན་འབར་བའི་ཨ་རིའི་སྲིད་འཛིན་བྷ་རག་ཨོ་བྷ་མ་དང་སློབ་གྲྭ་གཅིག་ནས་སློབ་མཐར་ཕྱིན་མཁན་ཞིག་ཡིན་པས་ཨ་རིས་མཚོན་པའི་རྒྱལ་སྤྱིའི་ཐོག་ཏུ་མཚན་མཐོང་དང་སྙན་གྲགས་གདེངས་འཇོག་རྣམས་གཞན་ལས་ཆེ་བ་ཡོད།
༢༽ རྒྱ་ནག་གཞུང་གིས་བོད་དོན་ཟེར་བ་འདི་རང་ཉིད་ཀྱི་ཐོབ་ཐང་རྩོད་པའི་སྐུ་དྲག་ཁག་ཅིག་གི་རྙོག་དྲ་ཡིན་པ་དང་། སྐུ་དྲག་དེ་ཚོ་ཞི་བར་གཟིམ་ཚར་ན་བོད་དོན་ཡང་ཞི་བར་གཟིམ་རྒྱུ་ཡིན་ཚུལ་ཤོད་བཞིན་པར་ཁ་ཆུ་འཐོར་བའི་འགྲམ་ལྕགས་ཆེན་པོ་ཞིག་རྒྱག་ཐུབ།
༣༽ རྒྱ་ནག་གཞུང་དང་བོད་ཕྱི་ནང་གང་སར་བཙན་བྱོལ་བོད་གཞུང་འདི་སྐུ་དྲག་གི་ཁྱིམ་ཚང་ཆེན་པོ་གསུམ་གྱིས་གྲུབ་པར་ངོས་འཛིན་བྱེད་བཞིན་པའི་བག་ཆགས་ངན་པ་དེ་གཙང་མར་བཀྲུ་ཐུབ།
༤༽ གལ་སྲིད་བློ་བཟང་སེང་གེ་ཕམ་ན་བོད་ཕྱི་ནང་གི་གཞོན་སྐྱེས་རྣམས་སེམས་ཤུགས་ཆགས་སྲིད་པ་དང་། བོད་དོན་ལ་དོ་སྣང་བྱེད་རྒྱུར་ཤུགས་རྐྱེན་ངན་པ་ཐེབས་སྲིད་ལ། བློ་བཟང་སེང་གེ་བཀའ་ཁྲིར་སླེབ་ན་མི་རབས་གསར་བའི་གཞོན་སྐྱེས་ཚོའི་སེམས་ཤུགས་འཕར་ནས་བོད་དོན་ལ་སྔར་ལས་ལྷག་མེད།
བློ་གྲོས་མཐའ་ཡས་ཀྱིས་གསུངས་པ་དངོས་ཡོད་དང་འཚམ་པ་ཞིག་རེད་འདུག་མཁས་དབང་བློ་བཟང་སེང་གེ་ཕམ་པ་ཡིན་ན་མི་རབས་གསར་པ་ཕམ་པ་ལས་རྒྱལ་ཁ་ཐོབ་པ་ནི་ག་ལ་ཡིན།རྒྱུ་མཚན་ནི།བཀྲས་མཐོང་ནི་སྤྱི་ཚོགས་རྙིང་པའི་ཁྱིམ་རྒྱུད་ཀྱི་མིང་གྲགས་དང་གོ་གནས་ཡོད་པའི་མི་སྣ་ཞིག་ཡིན་པའི་ཆ་ནས་ཁོང་ལ་རྒྱབ་སྐྱོར་བྱེད་མཁན་གང་མང་ཞིག་ཡོད་པ་དང་།མཁས་དབང་བློ་བཟང་སེང་གེ་་ལ་དེང་དུས་ཀྱི་ཤེས་ཡོན་ཅན་དང་གཞོན་སྐྱེས་གང་མང་ཞིག་གི་རྒྱབ་སྐྱོར་ཐོབ་ཀྱི་ཡོད་པའི་ཆ་ནས་བཀྲས་མཐོང་ལ་འོས་ཤོག་གྱི་རྒལ་ཕམ་འགྲན་ཟླ་ལྕོགས་ཐུབ་མཁན་དེང་དུས་ཀྱི་མཁས་དབང་བློ་བཟང་སེད་གེ་ལས་ལྷག་པའི་མི་སྣ་ཞིག་བཀའ་ཁྲིའི་འོས་གཞི་ཁག་ལ་མེད་པ་ནི་ཀུན་གྱིས་མཐོང་གསལ་རེད།འགའ་ཤས་ཀྱིས་་ཚོགས་གཙོ་སྤེན་པ་ཚེ་རིང་དང་རྒྱ་རི་སྒྲོལ་མ་གཉིས་ལ་ཤེས་ཡོན་དང་འཇོན་ཐང་བློ་བཟང་སེང་གེ་ལས་ལྷག་པ་ཞིག་ཡོད་རབས་ཀྱི་འཆལ་གཏམ་མང་དག་ཞིག་བཀོད་སྟངས་ལ་བལྟས་པ་ཡིན་ན།ཕྱོགས་ལྷུང་གི་རྣམ་པ་དང་སྒྱུས་མངའ་མེད་པ་རང་རེད།དཔེ་མཚོན་ཆུང་ཆུང་ཞིག་གཞག་པ་ཡིན་ན།བློ་བཟང་སེང་གེ་ལ་ཨ་རིས་གཞུང་གིས་གནང་བའི་མཚན་མཐོང་དང་གོ་གནས་དེ་དང་འདྲ་བ་ཞིག་སྤེན་པ་དང་སྒྲོལ་མ་གཉིས་ལ་མི་ཚེ་འདི་ཙམ་མ་ཚད་སྐྱེ་བ་རྗེས་མ་ལ་ཡང་མི་རགས་པ་ནི་བརྒྱ་ཆ་བརྒྱ་ཐམས་པ་བརྗོད་ཆོག་པ་ཞིག་རེད།མ་ཟད་ཁོང་གཉིས་ཀྱི་འཇོན་ཐང་དང་ཤེས་ཡོན་ཀུན་སྤྱོད་ཆ་ཚང་ང་ཚོས་མ་ཤེས་པ་དེ་འདྲ་རྩ་བ་ཉིད་ནས་མ་རེད་ཚང་མས་ཧ་གོ་དོན་གསལ་རེད།དེ་འདྲ་སོང་ཙམ་དངོས་ཡོད་དང་བསྟུན་ནས་བཤད་དགོས་པ་ལས་ཕྱོགས་ལྷུང་དང་འཆལ་གཏམ་རིགས་སྤེལ་དགོས་དོན་གྱི་དགོས་པ་རྒྱུ་མཚན་གང་ཡང་མ་མཐོང་།དེ་དོན་མཁས་དབང་བློ་བཟང་སེང་གེ་ཕམ་ན་མི་རབས་གསར་པ་ཕམ་པ་རེད་ཟེར་བ་རྒྱུ་མཚན་དེ་དག་ལ་བརྟེན་ནས་བརྗོད་ཀྱི་ཡོད་རེད།
གྲོགས་པོ་ཚོའི་ཁེ་བཟང་ག་བ་ཡོད་མེད་ཤེས་མི་འདུག།ངས་བལྟས་ན་བློ་སེང་དང་སྤེན་ཚེ་གཉིས་ནི་རྒྱབ་དཔུང་དང་རྒྱུ་སྟོབས་མེད་པ་གཅིག་པ་ཡིན་ཙང་ལྷ་རང་མགོ་ཐོན་ན་འདྲེ་ཤ་ཐག་རང་རེད།བཀྲས་མཐོང་ནི་ལོ་ལྔ་རིང་བཀའ་ཁྲི་ཞབས་ཀྱག་གོང་དུ་སྐྱིད་ཉལ་བྱེད་བའི་ཞོར་དུ་ཕྱོགས་ཞེན་གྱི་འབྲུག་སྒྲ་ལས་གཞན་ང་ཚོ་ལ་ཁེ་བཟང་གང་ཡང་མི་སྤྲོད།
ད་ཁྱེད་ཕྱི་རྒྱལ་འགྲོ་འདོད་ཡོད་ན་ཨ་ཅག་རྒྱ་སྒྲོལ་ལགས་འོས་བླུགས་དང་མོས་ཕྱི་རྒྱལ་གཏང་གིས་ཡིན་ཟེར་མ་སོང་ངམ།གསར་འབྱོར་གཞི་ཆགས་མེད་མཁན་ཚོར་ཁྱོད་ལ་གཞི་ཆགས་དགོས་ན་ཨ་ཅག་རྒྱལ་སྒྲོལ་ལགས་འོས་བླུགས་དང་གསར་འབྱོར་ཚོ་ལ་གཞི་ཆགས་ཐབས་ཤེས་བྱ་རྒྱུ་ཡིན་གསུངས་མ་སོང་ངམ།སྤྱི་འཐུས་བྱེད་སྐབས་གོ་རྒྱུ་ཚོ་རྒྱུ་མེད་པར་བཀའ་ཁྲི་ཕེབས་ན་དུས་ཐོགས་ཆར་བ་རང་ཡིན་པ་འདྲ།ད་ཡིན་ན་དགོད་མོ་ཆེན་པོ་ཞིག་དང་མཉམ་དུ་ཁེ་བཟང་ལེན་དུ་འགྲོ་ཧཧ་ཧཧཧཧཧཧ་་་་ཁེ་བཟང་་་་ཁེ་བཟང་་་་་་་
བློ་བཟང་སེང་གེ་ཕམ་ན་མི་རབས་གསར་བ་ཕམ་དགོས་དོན་གང་ཡང་མེད། བློ་བཟང་སེང་གེ་ལས་ལྷག་པའི་མི་རབས་གསར་བའི་འཐུས་ཚབ་མང་པོ་ཡོད། དཔེར་ན་ཚོགས་གཙོ་སྤེན་པ་ཚེ་རིང། རྒྱ་རི་སྒྲོལ་མ་སོགས་རེད། ལྷག་པར་དུ་གོང་ས་མཆོག་གི་དགོངས་པ་ལ་གཞི་འཇོག་དགོས་ན་བུད་མེད་ཅིག་སླེབས་ན་དེ་བས་བཟང་བ་ཡིན། མི་རབས་གསར་རྙིང་ཁ་ལ་འཁྱེར་ནས་འོས་གཞི་རྣམས་ཀྱི་རྒྱལ་ཕམ་གླེང་ན་མི་འགྲིག གཙོ་བོ་ནུས་པ་ཐོན་དགོས་བ་དེ་རེད། མའོ་ཙེ་ཏུང་གིས་སྐད་ཆ་དེ་ལྟར་བཤད་ཡོད་ན། ཏིན་ཞོ་ཕིན་གྱིས་སྐད་ཆ་འདི་འདྲ་ཞིག་བཤད་ཡོད། ཞི་མི་དཀར་པོ་ཡིན་ན་ཡིན། ནག་པོ་ཡིན་ན་ཡིན། ཙི་ཙི་འཛིན་ཐུབ་ན་འགྲིག་གི་རེད་ཟེར་བ་དེ་རེད། གཙོ་ཆེ་ཤོས་ནི་མི་མང་གི་འདོད་པ་དང་བསྟུན་རྒྱུ་དང་ནུས་པ་ཐོན་རྒྱུ་དེ་རེད། གལ་སྲིད་མི་ཉིས་སྟོང་གིས་བཀྲས་མཐོང་བསྟན་འཛིན་ལ་རྒྱབ་སྐྱོར་བྱེད་རྒྱུ་བྱུང་ཚེ་དགའ་འོས་བ་ཞིག་རེད། ཁོང་ཚོས་ཀྱང་རང་གི་འདོད་པ་ལྟར་འོས་བླུགས་རྩིས་རེད། ང་ཚོས་མཐའ་གཅིག་ཏུ་རང་གིས་སུ་འདོད་པ་དེ་ཡིན་གཅིག་མིན་གཉིས་འོས་ཐོབ་སྟེ་རྒྱལ་ཁ་ལེན་དགོས་ཟེར་ཚུལ་ནི་ཅུང་ཡ་མཚན་པོ་ཞིག་རེད། མང་གཙོ་ནང་དུ་མི་དེ་རིགས་ནི་མི་མང་གི་མངོན་འདོད་དང་འཚམ་གྱི་མེད། གང་ལྟར་དོན་དག་རྡོག་རྡོག་ག་རེ་བཤད་འདོད་བྱུང་ཟེར་ན། རང་གི་གང་ལ་འོས་འཕེན་འདོད་ན་དེའི་ལོ་རྒྱུས་དང་ཤེས་འཇོན་གསལ་བསྒྲགས་བྱས་ཏེ་ལས་འགུལ་སྤེལ་ན་ལེགས་པ་ཡིན། དེ་མིན་མི་རབས་གསར་རྙིང་ཟེར་ནས་ཁ་མཆུ་རྩོད་པ་ལྟ་བུའི་བཤད་སྟངས་དེ་ཡག་པོ་མི་འདུག ལྷག་པར་རིག་གནས་གསར་བརྗེ་སྐབས་ཀྱི་སྐད་ཆ་དེ་ཚོ་ལ་ཡིད་ཆེས་རྩ་ནས་མེད་ལ། ལྷག་པར་མའོ་ཙེ་ཏུང་གི་སྐད་ཆ་དེར་དེ་བས་ཀྱང་རྒྱུ་མཚན་མི་འདུག མ་འོངས་པ་ནི་གཞོན་སྐྱེས་ཚོའི་ཡིན་ནའང་ད་སྐབས་ཀྱི་གནས་སྟངས་དངོས་ནི་མི་རབས་གསར་རྙིང་གཉིས་ཀྱི་ཡིན་པ་རེད། དེ་མིན་ཨོ་བྷ་མ་མི་ནག་པོ་ཡིན་པའི་རྒྱུ་མཚན་གྱི་ཨ་རི་སྲིད་འཛིན་ལ་སླེབས་དགོས་པའི་འདོད་ཚུལ་དེ་ཏག་ཏག་ཅིག་བསྡད་མེད། གཙོ་བོ་ཨོ་བྷ་མ་ཨ་རིའི་སྲིད་འཛིན་ལ་སླེབས་ནས་ཨ་རིའི་དཔལ་འབྱོར་ཉམས་ཉེས་སླར་གསོ་ཐུབ་མིན་དང། ཨ་རིའི་མཚན་མཐོང་འཛམ་གླིང་ནང་བསྐྱར་གསོ་ཐུབ་མིན་ལ་བརྟེན་ནས་མ་མང་གིས་འདེམས་པ་རེད་ལ། དེ་ནི་ཁོང་སྲིད་འཛིན་ལ་རྒྱལ་ཁ་ཐོབ་པའི་རྐྱེན་གཙོ་བོ་རེད། དཔེར་ན་ཁོང་ལ་རྒྱབ་སྐྱོར་བྱེད་མཁན་ཨ་རིའི་མི་རིགས་དཀར་པོ་གནད་འགག་ཅན་མང་པོ་བྱུང་བས་རེད། དེ་མིན་མི་དཀར་ནག་གཉིས་དབར་ལ་ཤ་མདོག་རྩད་ནས་ཨོ་བྷ་མ་ཨ་རིའི་སྲིད་འཛིན་སླེབས་དགོས་བྱུང་ན་རྩ་བ་ནས་སླེབས་ཐུབ་ཀྱི་མིན་པ་གསལ་བོ་རེད། དེར་བརྟེན་མི་རབས་གསར་རྙིང་ཟེར་བ་དང། རྩོམ་རིགས་གསར་རྙིང་ཟེར་བ། གསར་འབྱོར་རྙིང་འབྱོར་ཟེར་བ། སྐུ་དག་དང་མི་དྲག་ཟེར་བ་སོགས་ཀྱི་སྐད་ཆ་འདི་དག་ནི་ཕན་ཐོགས་ཅི་ཡང་མེད་པ་ཞིག་རེད། འདི་དག་གིས་ནུས་བ་ཅི་ཡང་ཐོན་རྒྱུ་མ་རེད།
ལྷག་བསམ་དང་ཤེས་འཇོན་གང་ཡོད་པའི་མི་བུ་ཞིག་བཀའ་ཁྲིར་འཁོད་ན་དེ་ནི་བོད་མི་རིགས་ཀྱི་བདེ་སྐྱིད་རེད་ལ།
ལ་རྒྱ་དང་ཤེས་འཇོན་མེད་པའི་མི་ཞིག་བཀའ་ཁྲིར་སླེབས་ན་དེ་བོད་མི་རིགས་ཀྱི་གྱོང་གུན་རེད།
མི་རབས་གསར་པ་ཕམ་སོང་མི་རབས་རྙིང་པ་ཐོབ་སོང་།
ངའི་འོས་མི་ཕམ་སོང་ཁོང་གི་འོས་མི་ཐོབ་སོང་ཞེས་སྤྱི་དོན་ལ་བསམ་བློ་མ་བཏང་བར་སྒེར་གྱི་ཁེ་སྙན་ཆེད་དུ་ཕུ་དཀྲུགས་མདའ་དཀྲུགས་བཟོ་བའི་གཏམ་དེ་དག་ནི་བོད་མི་རིགས་ལ་ཕན་པ་ལས་གནོད་པ་མང་བར་སྣང་།
དགོངས་འགལ་མེད་པ་གཅིག
ཧ་ཧ་ཧ་ཕམ་སྲིད་པ་མང་པོ་ཞིག་ཕམ་སྲིད་པ་ནི་ཆོས་ཉིད་གཅིག་ཡིན་པ་ལས་ཕམ་མཁན་གཅིག་ཀྱང་མེད་ན་རྒྱལ་ཁ་ཐོབ་མ་ཐོབ་ཀྱི་ཐ་སྙད་ཇི་ལྟར་འཇུག
ཕམ་རྒྱུ་སྔོན་དཔོག་ཐུབ་ན་སྡུག་སྐད་རྒྱབ་པས་ཅི་ཕན། དེ་ལས་ཕྱི་འཐེན་བྱས་ན་མི་བཟང་ངམ། སྤྱིར་བོད་ཀྱི་གཏམ་དཔེར་འགོ་བཞུགས་ལོག་ནས་བལྟས་ན། འགོ་བཞུགས་སང་སང་ལོག་ནས་མཐོང་ཟེར་བ་བཞིན་རང་རང་སོ་སོའི་བལྟ་ཚུལ་ཞིག་ཡིན་ཀྱང་བདེན་པ་ཡིན་མིན་བསྲེགས་བཅད་བསྡར་ནས་དཔྱད་དགོས། བློ་སེང་ཕམ་ན་བོད་ཀྱི་གཞོན་སྐྱེས་ཕམ་པ་འདོད་པ་ནི་རང་གི་ལག་པ་ཤུགས་ཡོད་པར་སྟོན་བྱེད་དུ་རྡོ་ཆེན་པོ་ཞིག་བཏེགས་ནས་རང་གི་རྐང་པའི་སྟེང་འཕེན་པའི་བླུན་པོ་ཞིག་གི་བྱ་སྤྱོད་ལས་མ་འདས། བསྟོད་མི་ཤེས་པའི་བསྟོད་ཞིག་ཏུ་འགྱུར་འདུག་པར་སེམས་སོ།
བློ་བཟང་སེང་གེ་ཕམ་ན་མི་རབས་གསར་པ་ཕམ་པ་ཡིན་ཟེར་བ་ནི་གུ་དོག་གི་བསམ་བློ་ལས་མ་འདས། བློ་སེང་ལགས་སུ་གཞོན་སྐྱེས་དང་ཚོགས་པ་སྐྱིད་སྡུག་མང་པོས་རྒྱབ་སྐྱོར་ཡོད་པས་རྒྱལ་ཁ་ལོན་པའི་རེ་བ་ཆེ། གལ་སྲིད་རྒྱལ་ཁ་མ་ལོན་ཡང་བློ་སེང་ལགས་མི་ཤེས་ཡོན་དང་བློ་རྒྱ་ཆེན་པོ་ཧ་ལས་དགོས་པ་ཞིག་རེད། དགའ་སྡུག་སྲང་མདའི་མཐོ་དམའ་ལྟར་གནང་མཁན་ཞིག་རྩ་བ་ནས་མིན། ཁོང་གིས་ང་བཀའ་ཁྲིར་འོས་ཐོབ་མིན་ལ་མ་ལྟོས་པར་མི་ཚེ་འདི་བོད་གཞུང་དང་མི་མང་གི་ཆེད་དུ་གཏོང་རྒྱུར་ཕ་དམ་པའི་ཞལ་ཆེམས་ལྟར་སེམས་ཐག་གཙང་བཅད་ཡིན་ཞེས་ཡོངས་གྲགས་བྱས་ནས་གསུངས་སོང་། དེ་ནི་རླབས་ཆེན་གྱི་བཀའ་མོལ་རེད། རྗེས་སུ་ཡི་རང་ཡོད།
བློ་གྲོས་མཐའ་ཡས། ཁྱོད་ཀྱི་ལམ་ཕྱོགས་དེ་མ་ནོར་བ་གྱིས་ཤིག
བསམ་བློ་སྔོན་ལ་གཏང་ན་མཁས་པ་ཡིན།
མགྱོད་པ་འཇུག་ལ་སྐྱེས་ན་བླུན་པོ་ཡིན། ཟེར་བའི་གཏམ་དཔེ་སེམས་ལ་ཞོག
དྲྭ་གྲོགས་བློ་གྲོས་མཐའ་ཡས་ལགས།
མ་ནོར་བའི་བཀའ་ཁྲི་འདིར་ངེས་པ་དུ་རྒྱབ་སྐྱོར་དང་ཐོབ་ཐབས་བྱེད་དགོས།
འདི་ནི་གསར་སྟོད་དང་མདུན་བསྐྱོད་འདོད་པའི་གཞོན་སྐྱེས་ཚོས་ནམ་ཡང་།
འདོར་མི་ཕོད་པའི་འགན་འཁྲི་གཙོ་བོ་ཞིག་རེད་ལ།
ཕྱོགས་ལྷུང་དང་ཞེན་ཁོག་གི་དབང་དུ་མ་སོང་པར་དྲང་བདེན་དང་།
གཟུར་གནས་ཀྱི་ལས་རིམ་ཞིག་ཀྱང་རེད་སྙམ།
དེས་ན།
སྒོ་ཀུན་ནས་འབད་དེ།
བཀའ་ཁྲིར་འདི་བདོམས་ཤིག
འོས་ཤོག་འདིར་འཕངས་ཤིག
གཞོན་སྐྱེས་འདི་རྒྱལ་ལོ།
ཕོ་རབ་འདི་རྒྱལ་ལོ།
མཁས་དབང་འདི་རྒྱལ་ལོ།
རྒྱལ་ལོ་རྒྱལ་ལོ་བློ་བཟང་སེང་གེ་རྒྱལ་ལོ།
བློ་གྲོས་མཐའ་ཡས་ཁྱེད་བདེན་ ད་ཁག་པོ་འདུག་ མི་རིགས་འདི་་ནམ་ཡང་ལངམི་ཐུབ་ རང་རང་གི་མདུན་ལམ་འཚོལ་ དེ་དགའ་ས་རེད་ བློ་མ་ཕམ་
གོ་བ་མེད་པ་འདི་ཚོར་བརྡ་ལན་ཇི་ཙམ་སྤྲད་ཀྱང་རང་ཉིད་ངལ་བའི་རྒྱུ་ལས་མི་འདུག ༼བློ་བཟང་སེང་གེ་ཕམ་ན་བོད་ཀྱི་མི་རབས་གསར་བ་ཕམ་པ་ཡིན༽ཟེར་བ་དེ་ཁོང་ལས་གཞན་པའི་གཞོན་སྐྱེས་ཤེས་ཡོན་ཅན་ཞིག་མེད་པ་གཏན་ནས་བཤད་ཀྱིན་མེད། ཁོང་ནི་དེང་སོང་མི་རབ་གསར་པའི་བསམ་བློའི་ཚབ་མཚོན་པ་མང་པོ་ཞིག་སོམས་ཁོང་ན་ཐོལ་གྱིས་མཆེད་པའི་རི་ཞིག་ཡིན་པས་ཆ་ནས་རེད།
འདི་ནི་བཀྲས་མཐོང་དང་བློ་སེང་སོགས་ཀྱི་བར་གི་རྒྱལ་ཕམ་མ་རེད། འདི་ནི་ཐབས་བཅོས་སམ་ཆབ་སྲིད་ལངས་ཕྱོགས་མི་འདྲ་བའི་བར་གྱི་རྒྱལ་ཕམ་རེད། ལངས་ཕྱོགས་མི་འདྲ་བ་ཚོས་ཕྱོགས་སོ་སོ་ནས་རང་རང་དགའ་སའི་འོས་མི་དེ་དྲིལ་བསྒྲགས་དང་དེའི་ཆེད་ལས་འགུལ་སྤེལ་ནས་རྒྱལ་ཁ་ཐོབ་པར་བྱེད་དགོས། སུ་ལ་རྒྱལ་ཁ་ཐོབ་ན་དེ་ནི་ཐབས་བཅོས་དང་ལས་འགུལ་སྤེལ་མཁས་པ་དང་ཁོ་ལ་རྒྱབ་སྐྱོར་བྱེད་མཁན་ལ་སེམས་ཤུགས་ཡོད་པའི་་རྟགས་རེད། མི་དེའི་སྤྱི་དོན་ལས་ན་ཡང་དེ་ལྟར་ཡོང་གི་རེད།དེ་ལ་རྒྱལ་ཁ་ཐོབ་འོས་ཞིག་ཡང་རེད་། ཕམ་མཁན་དེ་ལ་ཐབས་བཅོས་དང་ལས་འགུལ་གྱི་ནུས་་པ་དང་ཁོ་ལ་རྒྱབ་སྐྱོར་བྱེད་མཁན་གྱི་ནུས་པའི་་མ་འདངས་་པའི་རྐྱེན་རེད་ལ། ཕམ་དགོས་པ་ཞིག་ཡང་རེད། ཁོས་ལས་དཀའ་ཡང་དེ་ལྟར་ཡོང་སྲིད་གི་རེད། དེང་སྐབས་ཁ་ཤས་ཀྱིས་རང་གི་འོས་མིའི་ཕྱོགས་ལ་ལས་འགུལ་མི་སྤེལ་བར་ང་ཚོ་ཕམ་སོང་ཟེར་ནས་གཞན་ལ་ཚིག་རྩུབ་རེ་བརྗོད་ནས་འདུག་མཁན་ཚོ་ཕམ་གི་རེད་ལ་།ཕམ་དགོས་པ་ཞིག་ཡང་རེད། ཁོ་ཚོ་ནམ་རྒྱུན་ཁ་གསོན་པོ་དང་ལག་ཤི་རོ་ཡིན་མཁན་ཚོ་རེད། མདོར་ན་འོས་བསྡུ་འདི་ནི་ལངས་ཕྱོགས་མི་འདྲ་བའི་བར་གྱི་སེམས་ཤུགས་སུ་ཆེ་དང་ལས་འགུལ་དང་དྲིལ་བསྒྲགས་ལ་སུ་མཁས་འགྲན་ས་ཞིག་རེད།
བློ་བཟང་སེང་གེ་བཀའ་ཁྲིར་ཕེབས་ཐུབ་ཀྱི་མེད་པ་ཕལ་ཆེར་གཏན་འཁེལ་བ་རེད། ཁོང་ལ་རྒྱབ་སྐྱོར་བྱེད་མཁན་ཡིན་ཁུལ་གྱི་མི་སྐོར་ཞིག་ནས་འོས་གཞི་གཞན་ལ་བརྙས་འཛུགས་སྣ་ཚོགས་བྱེད་བཞིན་པ་ནི་དགོད་བྲོ་བ་ཞིག་རེད།
བཀའ་ཁྲི་དངོས་གཞིའི་འགྲན་རྩོད་བཀྲས་མཐོང་དང་སྤེན་ཚེ་གཉིས་ཀྱི་རྩོད་རྒྱུ་ཡིན་པ་འདྲ། སུ་ཐོབ་ཀྱང་དགའ་བསུ་ཡོད། བློ་སེང་ཐོབ་ཀྱང་དགའ་བསུ་ཡོད།
བློ་བཟང་སེང་གེས་བོད་ཀྱི་ན་གཞོན་ཡོད་ཚད་ཀྱི་ཚབ་མཚོན་མི་ཐུབ་ལ་དུས་རབས་དང་མཐུན་པའི་ལྟ་བ་འཁྱེར་སྟངས་ཐད་ལའང་ཁོང་དང་མི་མཐུན་པའི་གཞོན་སྐྱེས་མང་པོ་ཡོད། ལོ་ཚོད་ཀྱི་གཞོན་སྐྱེས་ཡིན་ནའང་འདྲ་བསམ་བློའི་གཞོནསྐྱེས་ཡིན་ནའང་འདྲ། ཁོང་གི་ལྟ་བ་ལས་གཞན་པའི་དེང་རབས་ཀྱི་ལྟ་བ་འཛིན་མཁན་ཤིན་ཏུ་མང་། ཧ་ཝརཌི་སློབ་ཆེན་གྱི་ནང་དུ་སློབ་སྦྱོང་བྱེད་བཞིན་པའམ་བྱེད་མྱོང་བའི་སློབ་མ་དང་མཁས་དབང་ཡོད་ཚད་ལྟ་བ་དང་བསམ་བློ་གཅིག་མཚུངས་རེད་ཅེས་བཤད་མི་ཐུབ་པ་དང་འདྲ། དེའི་ཕྱིར། བློ་བཟང་སེང་གེ་ཕམ་པའི་མི་ཚད་ཡར་ལང་རྒྱུ་མེད་པར་གྱུར་ཀྱང་བོད་ཀྱི་གཞོན་སྐྱེས་ཚོ་ནི་ད་དུང་གསོན་ཤུགས་དང་ང་རྒྱལ་གྱིས་འཚོ་ཐུབ་ལ། གདེངས་སྤོབས་དང་བརྩོན་འགྲུས་ཀྱིས་ལང་ཐུབ།
བློ་གྲོས་མཐའ་ཡས་རེད་མི་འདུག བློ་གྲོས་གཏན་མེད་རེད་འདུག ཁྱོད་ཀྱིས་བློ་བཟང་སེང་གེ་མ་ཡིན་པའི་བོད་མི་ན་གཞོན་མི་རབས་གསར་པའི་ནང་བཀའ་ཁྲིར་འོས་པ་མི་འདུག་བསམ་པ་དེ་རང་གི་མི་རིགས་ལ་མཐོང་ཆུང་དང་། རང་ཉིད་ཁྲོན་པའི་ནང་གི་སྦལ་པ་ཞིག་ཡིན་ཟེར་བ་དང་མཚུངས།
དྲྭ་འབུ་ནག་པོས་གཞུང་ལུགས་གང་ལ་ཡང་མི་གཏོགས་པའི་གཞོན་སྐྱེས་ཤིག་འདོད་
བཞིན་འདུག
འགྲོ་བ་མིའི་སྐྱེ་རུམ་ནས་འཆི་བའི་པར་གྱིས་མངལ་གྱི་གནས་སྐབས་ལྔ་དང་སྐྱེས་པའི་གནས་སྐབས་ལྔ་སོགས་གང་གིས་ཁུངས་སུ་མི་གཏོགས་མིའི་འཕེལ་རུམ་ཞིག་བཤད་ཀྱིན་འདུག
དྲྭ་འབུ་ལགས་ཁྱོད་ལྟར་ལ་རྒན་མགོ་དཀར་ལ་ཡང་གཞོན་སྐྱེས་ཤིག་འདོད་དགོས་ན་་་་ཁུངས་ལུང་ཅི་ཞིག་ཡོད
དྲྭ་འབུ་ནག་པོས་གཞུང་ལུགས་གང་ལ་ཡང་མི་གཏོགས་པའི་གཞོན་སྐྱེས་ཤིག་འདོད་
བཞིན་འདུག
འགྲོ་བ་མིའི་སྐྱེ་རུམ་ནས་འཆི་བའི་པར་གྱིས་མངལ་གྱི་གནས་སྐབས་ལྔ་དང་སྐྱེས་པའི་གནས་སྐབས་ལྔ་སོགས་གང་གིས་ཁུངས་སུ་མི་གཏོགས་མིའི་འཕེལ་རུམ་ཞིག་བཤད་ཀྱིན་འདུག
དྲྭ་འབུ་ལགས་ཁྱོད་ལྟར་ལ་རྒན་མགོ་དཀར་ལ་ཡང་གཞོན་སྐྱེས་ཤིག་འདོད་དགོས་ན་་་་ཁུངས་ལུང་ཅི་ཞིག་ཡོད
བློ་བཟང་སེང་གེ་ཕམ་ན་བོད་ཀྱི་མི་རབས་གསར་བ་ཕམ་པ་ཡིན་ཞེས་པར་མོས་མཐུན་སུ་ཞིག་གིས་བྱེད་ཐུབ། མཁས་དབང་བློ་བཟང་སེང་གེ་ཡིས་མི་རབས་གསར་པའི་རྗེས་སུ་འགྲོ་ལྡོག་ཇི་ལྟར་བྱེད། འོན་ཀྱང་བློ་བཟང་སེང་གེ་ལགས་བཀའ་ཁྲིའི་འོས་ཆོས་ལྡན་པའི་ཕུལ་བྱུང་མི་སྣ་ཞིག་ཡིན་སྟབས་འབྱུང་འགྱུར་བཀའ་བློན་ཁྲི་པར་འདེམས་སྒྲུག་གནང་ཐུབ་ན་ཡག་པོ་འདུག་སྙམ།།
༼བློ་བཟང་སེང་གེ་ཕམ་ན་བོད་ཀྱི་མི་རབས་གསར་་ཕམ་པ་ཡིན།༽ ཟེར་བའི་ཁ་བྱང་བཀླགས་པ་ཙམ་གྱིས་མི་རབས་གསར་པ་ལ་ཁོ་ལས་མེད་པར་སྟོན་པས་དྲྭ་གྲོགས་ཚོ་་་་་་་ཇི་ལྟར་སེམས། བོད་ཀྱི་མི་རབས་གསར་པ་ང་ཚོ་འདི་འདྲའི་ཐབས་སྡུག་ཨེ་ཡིན།
༼བློ་བཟང་སེང་གེ་ཕམ་ན་བོད་ཀྱི་མི་རབས་གསར་པ་ཕམ་པ་ཡིན།༽ ཟེར་བའི་ཁ་བྱང་དེ་བཀླགས་ཙམ་གྱིས་བོད་ཀྱི་མི་རབས་གསར་པ་ལ་ཁོ་ལས་གཞན་མེད་པར་གསལ་པོར་སྟོན་པས་དྲྭ་གྲོགས་ཚོ་་་་ཇི་ལྟར་སེམས། བོད་ཀྱི་མི་རབས་གསར་པ་ང་ཚོ་འདི་འདྲ་ཐབས་སྡུག་ཨེ་ཡིན།
འཆར་སྣང་རིང་ལུགས་པ་འགའ་ཞིག་གིས་དོན་དངོས་དང་མི་མཐུན་མིན་ལ་མི་ལྟོས་པར་ག་དུས་ཡིན་ནའང་རང་ཉིད་ཀྱི་འཆར་བརྗོད་ཀྱིན་འདུག
ཁྱེད་ཚོས་བསམ་བློ་རྣལ་དུ་ཕབ་ནས་ལྟོས་དང་འགའ་ཞིག་གིས་སྐས་འཛེག་མི་འཛེགས་པར་ཐོག་ཁར་འཛེག་འདོད་བྱེད་ཀྱིན་འདུག
སྤྱི་འཐུས་ཀྱི་ཚོགས་གཙོ་ལས་ཐོག་པ་སྐུ་ངོ་སྤེན་པ་ཚེ་རིང་ལགས་དང་ཚོགས་ཟུར་པད་མ་འབྱུང་གནས་ལ་སོགས་པ་ཉམ་མྱོང་ཅན་དེ་གཞོན་སྐྱེས་མ་རེད་དམ་དམ་དམ།
ཡང་ན་ཁྱོད་ཀྱི་མིག་ཤེལ་དམར་པོ་དེས་དམར་པོ་མ་གཏོགས་མཐོང་མི་ཐུབ་པ་རེད་དམ།
བློ་གྲོས་མཐའ་ཡས་ལགས་ཀྱིས་གསུངས་པར་མངོན་པར་བསྟོད་དོ།། ཞོར་དུ་དྲ་གྲོགས་མཆན་འགོད་པ་གཉིས་པ་དང་དང་པོ་གཉིས་ལ་སྐད་ཆ་ཞིག་བཤད་ན་འདོད། ཁྱེད་རྣམ་པ་གཉིས་ཀྱི་དགོངས་ཚུལ་ལྟར་ན་གཞོན་སྐྱེས་ཞེས་པ་ལོ་ཚོད་གཅིག་པོའི་སྟེང་ནས་འཇོག་གིན་ཡོད་པ་ཞིག་མཐོང་སོང་། དེ་ལ་བདག་གཏན་ནས་མོས་མཐུན་མེད། ན་གཞོན་ཟེར་བ་ནི་སྤོབས་པ་དང་ང་རྒྱལ། དཔྱོད་ཤེས། དཀྱེལ་ཡངས་སོགས་དུས་རབས་ཀྱི་ན་གཞོན་དང་མཉམ་དུ་མདུན་ནས་མདུན་དུ་བསྐྱོད་ཐུབ་མཁན་ཞིག་ལ་གོ་བ་ལས་ན་སོ་གཅིག་པོས་ཇི་ལྟར་མཚོན། དེའི་ཕྱིར་སྤྱི་འཐུས་ཚོགས་གཙོ་གཞོན་གཉིས་དང་བློ་བཟང་སེང་གེའི་བར་ལ་དུས་རབས་ལ་འཚམ་པའི་དཀྱེལ་ཡངས་ཀྱི་ལྟ་གྲུབ་དང་བསམ་བློ། མདུན་བསྐྱོད་ཀྱི་སྤོབས་པ་དང་ང་རྒྱལ། མ་འོངས་པའི་ཕུགས་འདུན་དང་རེ་སྨོན་སོགས་ཁོར་ཡུག་དང་ཆོས་ཉིད་ཀྱི་རྐྱེན་གྱིས་གནམ་ས་ལྟ་བུའི་ཧེ་བག་ཡོད་པ་མཁྱེན་པར་མཛད་ན་མི་ལེགས་སམ། དྲ་གྲོགས་རྣམ་པ་དེ་འདྲ་ཞིག་རེད་དམ།
བློ་སེང་བཀའ་ཁྲིར་སླེབས་ན་རྒྱ་ནག་ལ་བརྡ་ལན་གང་ཡང་སྤྲོད་ཐུབ་ཀྱི་མ་རེད་ལ། མི་རབས་གསར་པའི་ཕམ་ཁ་གང་ཡང་མ་རེད། སྤྱིར་བློ་སེང་དང་སྤེན་ཚེ་རྒྱ་སྒྲོན་གསུམ་གྱི་བར་ལོ་ཁ་ཤས་ཀྱི་ཁྱད་པར་ཙམ་རེད། ལྷག་པར་བློ་སེང་ད་ཐེངས་བཀའ་ཁྲིར་མ་སླེབས་ན་ལེགས་བསམ། ག་རི་ཡིན་ཟེར་ན། ཁོ་རང་ཉམས་མྱོང་མེད་ཅིང༌། བོད་ཡིག་ཡང་འབྲི་ཤེས་ཀྱི་མེད། དེ་འདྲ་སོང་ཙམ་ཁོ་རང་འོས་མཚམས་མི་འདུག
གང་ལྟར་ངའི་དེ་ལྟར་མི་འདོད
བློ་སེང་ཕམ་ན་གཞོན་སྐྱེས་ཚོ་ཅི་ལྟར་ཕབ་པ་རེད། འོ་ན་གཞོན་སྐྱེས་ཚཽའི་ནང་ན་ལྕེ་རིང་ལག་ཐུང་ཞིག་ལས་མེད་སོང་བ་རེད་དམ
ད་མིང་པོ་བཤད་ནས་ཕན་པ་མེད། བཀའ་ཁྲིའི་གནས་བབ་ལ་ཞིག་ནས་བཤད་ན་སྤེན་པ་ཚེ་རིང་དང་རྒྱ་རི་བ་བློ་སེང་སོགས་གཞོན་སྐྱེས་འདྲ་ཉམས་རེད
གཅིག་གིས་གཞོན་སྐྱེས་མཚོན་ཐུབ་ཀྱང་གཅིག་ཕམ་པའི་གཞོན་སྐྱེས་ཕམ་པ་མཚོན་ག་ལ་ཐུབ།
དུས་ལ་བབས་བཀའ་ཁྲི་དེ་ནི་བློ་བཟང་སེང་གེ་རེད་ བཀྲས་མཐོང་ལ་གོ་སྐབས་ཆ་ཚང་ཐུབ་ཟིན་པས། ད་ནི་གསར་པ་གང་ཡང་གནང་རྒྱུ་མེད་པ་ཐག་གིས་ཆོད།
གཅིག་བྱེད་ན་ཡང་ཁོང་གིས་བྱུང་སོང་ཁ་མ་ཐུག་པ་ཞིག་བཟོ་བསམ་པ་རེད།