བཤད་རེས་ཉན་རེས། གོ་ཤེས་བསྟུན་ཤེས། ཨ་རིག་འགྱུར་མེད།

སྤོབས་པ་སྐྱེ་འོས་པའི་གནས་ཚུལ་ཀློག་དུས་ཧ་ཅང་དགའ་པོ་བྱུང། ཡང་ཁ་ཤས་ཀྱིས་གསུངས་མ་བྱོན་པ་དེར་ཡང་ཐུགས་ཁག་མེད། ད་སྤྱི་འཐུས་ནང་ལོ་བཅུ་དང་ཡང་བཅུ་ཕྲག་གཉིས་གསུམ་བཞུགས་ཙང་གསུངས་ཡག་རྫོགས་པ་ཡིན་གྱི་རེད།

མི་མང་བོ་ཞིག་གིས་སྤྱི་འཐུས་དང་བཀའ་ཁྲི་ང་ཚོས་འདེམས་པ་ཡིན་ཟེར་ནས་སྐད་རྒྱགས་རྒྱུར་གོམ་གཤིས་ཤིག་ཆགས་ཡོད་་པ་རེད། ངས་དེ་ཡི་སྐོར་ལ་བསམ་བློ་མང་བོ་ཞིག་གཏོང་ཁུལ་བྱས། དངོས་ནས་བཤད་ན་དེ་ནི་མི་མང་གི་འདེམས་ཀྱི་ཡོད་དམ། དགའ་ཉེ་སྤུན་མཆེད་དང་། ཕྱོགས་རུས་འཐེན་འཁྱེར་ལ་དགའ་བའི་གོམ་གཤིས་ངན་ལངས་དུ་ཤོར་བ་དག་གི་ནད་ཚ་མ་དྲགས་པར་ལུས་ཡོད་མེད་དེ་ཡི་མཚམས་ཤིག་རེད། དངོས་ནས་བཤད་ན། ང་ཚོས་རང་གི་མི་མང་འདི་གོ་རྟོགས་སད་ཡོད་མེད་དེ་ལ་བསམ་བློ་གཏོང་དགོས་ཀྱི་འདུག མི་མང་སད་མེད་དུས་ཤིག་ལ། བཀའ་བློན་དང་སྤྱི་འཐུས་རེ་ཟུང་ཞིག་གཉིད་ལས་སད་ཡོད་ཀྱང་དེ་ཙམ་རེད། མཐའ་མཇུག་དུ་ང་ཚོས་རང་གི་མི་མང་དེ་ང་རང་དང་ཁྱེད་ཅག་གི་འགན་གང་ཞིག་འཁུར་ཡོད་མེད་ཀྱི་སྐོར་ལ་བསམ་བློ་གཏོང་རན་རེད་འདུག འདི་ནི་དམིགས་བསལ་གྱིས་ཨ་རིག་འགྱུར་མེད་ལ་ཞུས་པ་མིན། རྩོམ་ཡིག་འདི་དང་འབྲེལ་བའི་དྲ་ཐོག་གི་སྤུན་ཟླ་ཡོངས་ལ་ཞུས་པ་ཡིན།

རྩོམ་གི་དངོས་གཞི་ལས་ཁ་བྱང་འདེམས་སྟངས་ཡག་གི

བདེན་དོན་ལ་བརྟེན་པའི་གནས་ལུགས་རིགས་པ་དང་རྒྱུ་མཚན་དུ་མའི་ལམ་ནས་ངོ་སྤྲོད་ཇི་ཙམ་ཞུས་ཀྱང་། མང་ཆེ་བ་ཞིག་ལ་ཧ་ཅང་གོ་བརྡ་འཕྲོད་དཀའ་བ་དང་། ཡང་གཞན་དག་མང་པོར་གོ་བརྡ་འཕྲོད་ཀྱང་དགོས་དབང་གིས་གོ་བརྡ་མ་འཕྲོད་པའི་ཚུལ་བཟུང་སྟེ་བཞུགས་པ་དང་། ཡང་འགའ་རེས་གོ་བརྡ་འཕྲོད་མིན་ལ་མི་ལྟོས་པར་སྙན་རྒྱབ་ཀྱི་ལྷགས་པ་ལྟ་བུར་སྣང་མེད་བཏང་སྙོམས་སུ་བཞག་པ་ལ་བརྟེན་ནས་བསམ་ཚུལ་སྨྲ་བརྗོད་ཐམས་ཅད་རང་བཞིན་ནུས་མེད་སོང་བའི་གནས་ཚུལ་ཞིག་བྱུང་།

ཅེས་དང་། ཡང་།

བཙན་བྱོལ་ནང་གཞུང་འཛིན་དང་ཕྱོགས་འགལ་ཚོགས་པའི་དབྱེ་བ་མེད་སྟབས་ཚོགས་པ་འདི་གཉིས་ཀྱི་འགན་དེ་གྲོས་ཚོགས་ཀྱི་འཐུས་མི་ཚོས་འཁུར་དགོས་པ་ཡིན་མོད། འོན་ཀྱང་ད་ལྟ་བར་གྲོས་ཚོགས་ཀྱི་འཐུས་མི་ཚོས་བཀའ་ཤག་གྲོགས་མེད་ཁེར་རྐྱང་དུ་བཞག་པའི་ཚོར་བ་ཤུགས་ཆེ་བྱུང་།
༼འདི་ཁོང་གི་བརྗོད་ཚིག་ཇི་བཞིན་མིན། དོན་དག་དེ་འདྲ་ཞིག་ཡིན་སྙམ་ཡོད། ནོར་ན་དགོངས་དག༽

བཀའ་ཁྲི་མཆོག་གིས་འུ་ཐུག་གི་བཀའ་མོལ་འདི་འདྲ་གསུངས་པ་ཐེངས་གཅིག་གཉིས་མིན་བསམ་པ་ཡོད། འོན་ཀྱང་ད་ལན་གསར་འགོད་པས་གྲོས་ཚོགས་ཀྱི་འཐུས་མི་ཚོས་བཀའ་ཁྲིའི་ལན་འདེབས་དང་གསལ་བཤད་སོགས་ལ་རྒྱབ་སྐྱོར་བྱེད་རྐྱང་བྱེད་ཀྱི་ཡོད་པའི་བཟོ་འདྲ་ཞིག་གསུགས་འདུག

རྒྱུ་མཚན་རྡོ་ནང་བཞིན་གྱི་གཞོམ་མེད་མཁྲེགས་པོ་དེ་འདྲ་བཀོད་ཡོང་དུས་ཁོང་ཚོར་ལབ་རྒྱུ་གང་ཡང་མ་བྱུང་བས་ཡིན་འགྲོ་མ་གཏོགས་དེ་མིན་འཐུས་མི་འདི་ཚོས་ལས་སླ་པོར་མགོ་འཇོག་འཇོག་བྱེད་ཀྱི་མ་རེད། དམིགས་བསལ་འགའ་ཞིག་གི་བྱེད་སྟངས་ལ་བལྟ་དུས་བཀའ་ཤག་གི་ལན་འདེབས་དང་གསལ་བཤད། ལས་དོན་གྱི་བྱེད་ཕྱོགས་སོགས་ལ་རྒྱབ་སྐྱོར་དང་ལས་དོན་ལེགས་འགྲུབ་དོན་འཁྱོལ་ཡོང་བའི་ཆེད་རོགས་འདེགས་བྱ་རྒྱུའི་ཚབ་ལ་བརྒྱུད་རིམ་དེའི་ཁྲོད་ནས་སྐྱོན་འདོགས་བྱ་ས་ཞིག་ཇི་ལྟར་རྙེད་ཨེ་ཡོང་བསམ་བསམ་གྱི་རྔམས་སེམས་ཞིག་དང་དོ་སྣང་ཞིག་ཡོད་པ་ལྟ་བུའི་ཚོར་སྣང་བྱུང་།