འབྲུག་ཆེན་རིན་པོ་ཆེར་གཟེངས་རྟཊ།

ཨ་པོ་མཐུ་ཆེན་ལགས་ཀྱིས་གསུངས་པ་ལྟར་ན་འབྲུག་ཆེན་རིན་པོ་ཆེ་༸གོང་ས་མཆོག་ལ་དད་པ་བརྟན་ཅིང་ཁོང་གི་བཀའ་དགོངས་ཐོག་ཤར་བསྐྱོད་མཛད་མཁན་ཞིག་རེད་གསུངས་འདུག་ཀྱང་༸གོང་ས་མཆོག་དང་མཇལ་འཕྲད་ཞུས་པ་ནམ་ཡང་གོ་མ་མྱོང།་མ་ཟད་༸གོང་ས་མཆོག་ས་གནས་གང་དུ་ཕེབས་ཀྱང་དེར་མ་ཕེབས་གོང་ནས་ཁོ་རང་ས་གནས་གཞན་དུ་ཕེབས་ཀྱི་ཡོད་པའི་གནས་ཚུལ་འདུག་ཞིབ་ཕྲ་ཇི་ཡིན་དཔོག་དཀའ།

སྒྲུབ་བརྒྱུད་བསྟན་པའི་སྲོག་ཤིང་དཔལ་༸ རྒྱལ་བ་འབྲུག་ཆེན་རིན་པོ་ཆེ་མཆོག་ལ་འཛམ་གླིང་མཉམ་འབྲེལ་རྒྱལ་ཚོགས་ནས་སྟོང་ལོ་གསར་པའི་ལས་གཞིའི་ཆེད་བསྟོད་གཟེངས་རྟགས་ཐོབ་པར་སྙིང་དབུས་ནས་བཀྲིས་བདེ་ལེགས་གྲངས་མང་ཞུ། མུ་མཐུད་ནས་བསྟན་དང་འགྲོ་བའི་དོན་དུ་སྐུ་ཚེ་ཡུན་རིང་བརྟན་པའི་སྨོན་འདུན་དང་གསོལ་འདེབས་ཞུ།

སེམས་གཏིང་ནས་དགའ་བསུ་ཞུ་འོ།

རིན་པོ་ཆེ་མཆོག་ལ་བཀྲ་ཤིས་བདེ་ལེགས་གྲངས་མེད་ཞུ།

ཚ་སྒང་ཕོ་ཉའི་དྲི་ལན།
རྒྱལ་དབང་འབྲུག་པའི་ཡབ་ནི་ལོ་ཆེན་བེེ་རོའི་རྣམ་སྤྲུལ་མདོ་ཁམས་ཞེ་ཆེན་དགོན་པའི་སྤྲུལ་སྐུ་བེེ་རོ་མཆོག་ཡིན། ད་ལྟ་བལ་ཡུལ་དུ་བཞུགས། དགོན་པ་ཡང་ཆེ་རབས་གཅིག་འདུག
ཁོང་གི་སྐྱེད་མ་ནི་ལྷོ་བྲག་ནས་ཡིན་པའི་དཀོན་མཆོག་དཔལ་སྒྲོན་ཞུ་བ་དེ་ཡིན། ཟེར་སྲོལ་ལ་མངའ་བདག་ཉང་གི་སྐུ་བརྒྱུད་ཡིན་ཟེར། དེ་ཡང་བལ་ཡུལ་དུ་བཞུགས་པར་གྲགས། ཞིབ་ཕྲ་མི་ཤེས།
ངའི་བསམ་ཚོད་ལྟར་ན་བཙན་བྱོལ་དུ་འཁྲུངས་ཤིང་འཚར་བའི་སྤྲུལ་སྐུའི་ཁྲོད་ཉམས་རྟོགས་དང་ལུང་བསྟན་གཉིས་ཅར་གྱི་བརྟག་ཐུབ་པའི་སྐུ་ཡོན་ལྡན་པའི་སྤྲུལ་སྐུ་ཞིག་ལ་ཁོང་ཙམ་ཡིན་པར་སྙམ།
གཅིག་བྱས་ན་ཁོང་རབ་བྱུང་བཅུ་དྲུག་པའི་ཆུ་ཡོས། ཧོར་ཟླ་དང་པོའི་ཚེས་བཅུའི་ཉི་ཤར་གྱི་མཚམས། གུ་རུ་མཚན་བརྒྱད་ཀྱི་གར་འཆམ་དང་པོ་ཕེབས་པའི་དུས་སུ་གནས་ཆེན་མཚོ་པདྨར་འཁྲུངས་འདུག་པས་སློབ་དཔོན་པདྨའི་བྱིན་རླབས་སྙིང་ལ་བཞུགས་པས་མིན་ནམ།
གང་ལྟར་རྟོགས་ལྡན་གྱི་བག་གཡའ་ཅུང་ཟད་མཆིས་ལ། ཆོས་དང་འབྲེལ་བའི་གསུང་རྩོམ་ཐོར་བུའི་རིགས་འགའ་ཞིག་འདུག་ཅིང་། དེ་དག་ལས་རེ་གཉིས་ཀྱི་སྙན་ཉམས་ནི་རང་གི་སྐུ་ཕྲེང་བཞི་པ་འབྲུག་པ་པད་དཀར་གྱི་སྙན་ཚིག་གི་འགྲོས་ལའང་བསྡུར་རུང་བ་ཙམ་དུ་སྣང་།

དངོས་གནས་ཁ་ཡོད་ལག་ཡོད་ཀྱི་ཉམས་ཐག་མི་སེར་ལ་རོག་སྐྱོར་བྱེད་མཁན་རིན་པོ་ཆེ་ཁོང་ལྟ་བུ་ལ་བྱ་དགའ་སྔགས་བརྗོད་ཐོབ་དགོས་ངེས་ཡིན། བཙན་བྱོལ་བོད་གཞུང་གྱི་ངོས་ནས་ཀྱང་བོད་མིའི་སྤྱི་ཚོགས་ཁྲོད་དེ་ལྟ་བུའི་གང་ཟག་ཡོད་སྲིད་པས་གོང་མཚུངས་ལྟར་བྱ་དགའ་བསྔགས་བརྗོད་གནང་དགོས་ངེས་ཞིག་རེད། དེ་མིན་རྒྱུ་ནོར་ལ་ཐོག་པ་མེད་པའི་འབྱོར་ཕྱུག་རྣམས་ཀྱིས་རྒྱུ་གོ་ཆོད་པ་ཞིག་བྱ་ཆེད་བཙན་བྱོལ་བོད་མིའི་ནང་ཤེས་ཡོན་ཆུ་ཚད་གང་ཙམ་ཡོད་ཀྱང་དཔལ་འབྱོར་དཀའ་ངལ་གྱིས་མཐོ་སློབ་དུ་འགྲོ་མི་ཐུབ་པའི་རིགས་ལ་རོག་ཕན་གང་ཐུབ་ཞིག་བྱེད་ཐུབ་ན། ནམ་ཞིག་ཁྱེད་ཉིད་ཀྱང་གོང་མཚུངས་ཀྱི་བྱ་དགའ་དང་བསྔགས་བརྗོད་ཐོབ་མི་སྲིད་པ་མ་ཡིན།

ངོ་མ་དགའ་ནི་ཞིག་རེད་རླབས་ཆེན་གྱི་བྱ་བཞག་བསྒྲུབས་མཁན་ཚོར་འདི་འདྲ་ཞིག་ལོས་འབབ་ཡ།

འབྲུག་པ་བཀའ་བརྒྱུད་ཀྱི་༸སྐྱབས་མགོན་འབྲུག་ཆེན་རིན་པོ་ཆེ་མཆོག་ལ་མཉམ་འབྲེལ་རྒྱལ་ཚོགས་ཀྱི་སྟོང་ལོ་གསར་པའི་ལས་གཞིའི་ཕུལ་བྱུང་གཟེངས་རྟགས་ཐོབ་གནང་དེར་རྗེས་སུ་ཡི་རང་དང་བཀྲ་ཤིས་བདེ་ལེགས་ཞུ།

http://www.facebook.com/profile.php?id=100000444072144#!/Gyalwang.Drukpa?v=photos འདི་ནས་ཕེབས་དང་༸སྐྱབས་མགོན་འབྲུག་ཆེན་རིན་པོ་ཆེའི་སྐོར་གྱི་དཔར་རིས་མི་ཉུང་བ་ཞིག་གཟིགས་ཐུབ་ཀྱི་འདུག

༸སྐྱབས་མགོན་འབྲུག་ཆེན་སྐུ་ཕྲེང་བཅུ་གཉིས་པ་ཆེན་པོ་མཆོག་གི་མཛད་འཕྲིན་ལ་གུས་བཀུར་ཞུ། ད་རེས་ཀྱི་གཟེངས་རྟགས་དེ་ནི་བོད་མི་ཚང་མས་གུས་བཀུར་འོས་པ་ཞིག་ཏུ་མཐོང། གང་ཡིན་ཞེ་ན་༸སྐྱབས་མགོན་འབྲུག་ཆེན་རིན་པོ་ཆེ་མཆོག་ནི་སྤྱིར་བོད་མི་ཞིག་ཡིན་པ་དང། ཡང་སྒོས་བོད་ཀྱི་བླ་ཆེན་ཡོངས་གྲགས་ཤིག་ཡིན་པས་ཁོང་གི་མཛད་རྗེས་དེར་འཛམ་གླིང་རྒྱལ་སྤྱིས་མཐོང་ཆེན་གནང་ཡོང་དུས་ང་ཚོ་བོད་པས་ཀྱང་དམིགས་བསལ་ཞིག་མེད་ནའང་དགའ་བའི་རྣམ་འགྱུར་ཞིག་སྟོན་རྒྱུ་ཧ་ཅང་གལ་ཆེ་བར་སེམས། དེང་སྐབས་དྲྭ་ལམ་ནས་སྐྱབས་མགོན་འབྲུག་ཆེན་རིན་པོ་ཆེ་ཟེར་དུས་ཁག་ཅིག་ལ་དེ་ཙམ་རྒྱུས་མངའ་མེད་པ་ཡོད་སྲིད། དེས་ན་༸སྐྱབས་མགོན་འབྲུག་ཆེན་རིན་པོ་ཆེའི་ལོ་རྒྱུས་ངོ་སྤྲོད་སྙིང་བསྡུས་ཤིག་ཞུས་ན། བོད་བརྒྱུད་ནང་བསྟན་དཔལ་ལྡན་འབྲུག་པ་དཀར་བརྒྱུད་ཀྱི་ཤིང་རྟའི་སྲོལ་འབྱེད་ཆེན་མོ་འགྲོ་བའི་མགོན་པོ་གཙང་པ་རྒྱ་རས་མཆོག་གི་སྐྱེ་འཕྲེང་བཞི་པ་མི་འཕྲོག་པའི་མཁྱེན་རབ་དང་ཐུགས་རྗེ་མངའ་བ། འཇིགས་བྲལ་གྱི་སློབ་དཔོན་ཆེན་པོ་ཀུན་མཁྱེན་པདྨ་དཀར་པོ་ཞེས་གྲགས་དཀར་གྱི་བ་དན་ཕྱོགས་མཐར་ཁྱབ་པ་དེ་ཉིད་ཡང་སྲིད་གཉིས་བྱོན་པ་ལས། བོད་ཡུལ་རང་དུ་གདན་ས་འཛིན་པ་རྒྱལ་བ་དཔག་བསམ་དབང་པོ་དང། འབྲུག་ཡུལ་དུ་ཕེབས་པ་རྗེ་ངག་དབང་རྣམ་རྒྱལ་ཏེ་གཉིས་སུ་གྱེས་པ་ལས་སྐབས་སུ་བབ་པ་དང་པོ་དཔག་བསམ་དབང་པོའི་སྐྱེ་ཕྲེང་དུ་གཏོགས་པ་ཞིག་རེད། ད་ལྟ་སྐུ་ཕྲེང་བཅུ་གཉིས་སུ་ཕེབས་ཤིང། དོན་བརྒྱུད་དཔལ་ལྡན་འབྲུག་པ་ཞེས་བྱ་རྒོད་པའི་ཉིན་ལམ་བཅོ་བརྒྱད་དུ་ཁྱབ་པ། མི་ཕྱེད་འབྲུག་པ། འབྲུག་ཕྱེད་སྤྲང་པོ། སྤྲང་ཕྱེད་གྲུབ་ཐོབ་ཅེས་ཡོངས་སུ་གྲགས་པའི་ཆོས་བརྒྱུད་ཆེན་པོ་དེའི་ཤིང་རྟའི་སྲོལ་འབྱེད་ཀྱི་གསེར་ཁྲི་འཛིན་མཁན་ནི་རྗེ་འདི་ཉིད་ཁོ་ནའོ།། འདི་ལས་གྱེས་པའི་བསྟན་པ་ལ་འབྲུག་པ་བཀའ་བརྒྱུད་ཅེས་གྲགས་པ་ཀུན་གྱི་མཁྱེན་གསལ་ལགས་པས་དེ་བཞིན་དགོངས་དབིངས་སུ་མངའ་བ་ཞུ།