ཟླ་འདིའི་ཕྱི་ཚེས་ ༡༩ བོད་ལྗོངས་ལྷོ་ཁ་སྨིན་གྲོལ་གླིང་དགོན་པའི་དགེ་འདུན་པ་ཚོས་གདུང་སྲས་རིན་པ་ཆེ་མཆོག་དགོན་པར་གདན་ཞུ་བྱ་དགོས་པའི་ཐད་གོང་རིམ་ལ་སྙན་ཞུ་ཕུལ་ཡོད་ཀྱང་། དེར་ཡོད་ས་གནས་མགོ་ཁྲིད་ཀྱིས་ངོས་ལེན་མ་བྱས་མེད་སྟབས། དགོན་པའི་གནད་ཡོད་མགོ་ཁྲིད་དང་སྲིད་གཞུང་གི་ལས་བྱེད་ཕན་ཚུན་བར་ཁ་རྩོད་ཤོར་ཡོད་ལ། སྐབས་དེར་དགོན་པའི་དགེ་འདུན་པ་ཡོངས་ཀྱིས་རིན་པོ་ཆེ་གདན་ཞུ་བྱ་དགོས་པའི་སྐད་འབོད་བྱས་ཡོད་འདུག་ལ། སྐབས་དེར་ཉེན་རྟོག་མི་སྣ་དང་དམག་མི་འབོར་ཆེན་ཡོང་སྟེ་དགོན་པའི་མཐའ་བསྐོར་ཞིང་། དགོན་པའི་མདུན་ངོས་ཀྱི་རི་འདབས་སུ་མེ་སྒྱོགས་གྲ་སྒྲིག་གིས་དགེ་འདུན་པར་དམ་དྲག་དང་འཇིགས་སྐུལ་བྱས་ཡོད་ཡོད་འདུག ཉིན་དེའི་དགོང་མོ་དགོན་པའི་མགོ་ཁྲིད་འགྱུར་མེད་བསྟན་འཛིན་དང་། དགེ་འདུན་པ་གཞན་ཞིག་བཅས་འཛིན་བཟུང་བཙན་འཁྲིད་བྱས་ཡོད་འདུག ད་ཆར་རྒྱ་ནག་གཞུང་གིས་སྨིན་གྲོལ་གླིང་དགོན་པར་དམ་དྲག་གིས་མཆོད་མཇལ་བར་འགྲོ་འོང་བཀག་སྡོམ་བྱེད་ཀྱིན་ཡོད་པ་མ་ཟད། གཞུང་གི་ལས་བྱེད་ ༨༠ མངགས་གཏོང་གིས་དགོན་པའི་དགེ་འདུན་པ་ ༥༠ ལྷག་ལ་བསམ་བློའི་སློབ་གསོ་ཟེར་བའི་བྱ་འགུལ་ཞིག་སྤེལ་ཀྱིན་ཡོད་འདུག
གསར་འགོད་པ། དོན་གོ།
འདིར་ལྟར་རྒྱ་གཞུང་གིས་མུ་མཐུད་དེ་བོད་མི་རིགས་ཀྱི་སེམས་ཁམས་ནང་ས་མིག་མཐོ་ས་བཟུང་བའི་དགེ་འདུན་པའི་སྡེ་ལ་དམ་དྲག་བྱས་ན་སྐྱ་སེར་གཉིས་ཀའི་སེམས་ལ་རྨ་ཁ་སྔར་ལས་ཆེས་ཆེར་བྱས་པ་མ་ཡིན་ནམ།
མི་ཡུལ་གྱི་དམྱལ་བ་ཞིག་ཡོད་ན་ ད་ ་་་་་་་