ཟླ་འདིའི་ཕྱི་ཚེས་ ༡ ཉིན་རྔ་པ་ཇོ་ལེབས་སྡེ་བའི་ན་གཞོན་རྩོམ་པ་པོ་ཇོ་ལེབས་ཟླ་བ་ལགས། རྒྱ་ནག་གི་གྲོང་ཁྱེར་ཁྲིན་ཏུའུ་ནས་འཛིན་བཟུང་བྱས་ཏེ། ད་ཆར་རྔ་པ་ཁུལ་ཁྲོ་ཆུ་རྫོང་དུ་བཀག་ཉར་བྱས་ཡོད་པའི་གནས་ཚུལ་ཐོན་འདུག ཇོ་ལེབས་ཟླ་བ་ལགས་ནི་ ༼ དུས་རབས་ཀྱི་ང་། ༽ ཞེས་པའི་དུས་དེབ་ཀྱི་རྩོམ་སྒྲིག་པ་ཡིན་ཞིང། ཁོང་ཐེངས་འདིར་འཛིན་བཟུང་བྱ་དགོས་པའི་རྒྱུ་མཚན་དང་། ད་ལྟའི་གནས་སྟངས་སོགས་གསལ་བོ་ཤེས་རྟོགས་ཐུབ་མེད་ཀྱང་། དེ་སྔོན་ཁོང་གི་རྩོམ་སྒྲིག་ལས་རོགས་གཉིས་འཛིན་བཟུང་བྱས་ཡོད་སྟབས། གནད་དོན་དེ་དང་འབྲེལ་བ་ཡོད་པ་ཞིག་ལ་ས་གནས་མང་ཚོགས་ཚོས་ཚོད་དཔག་བྱེད་ཀྱིན་ཡོད་འདུག ཁོའི་ཆུང་མས་རྔ་པ་རྫོང་ཐོག་ཏུ་དཔེ་ཚོང་ཁང་ཞིག་གཉེར་ཡོད་ཀྱང་། ཁོང་འཛིན་བཟུང་བྱས་མ་ཐག་རྔ་པ་རྫོང་ཉེན་རྟོག་མི་སྣས་དཔེ་ཚོང་ཁང་དེ་སྔོག་བཤེར་བྱས་ཏེ་བཅའ་དངོས་མང་པོ་ཞིག་བཙན་འཁྱེར་བྱས་ཡོད་ཀྱང་། བཅའ་དངོས་དེ་དག་ག་རེ་ཡིན་མིན་གསལ་བོ་ཤེས་མི་འདུག
ཇོ་ལེབས་ཟླ་བ་ལགས་ལོ་ཤས་སྔོན་རྔ་པ་ནས་བག་རིགས་ཀྱི་རྒྱན་གོས་མེ་བསྲེགས་གཏོང་སྐབས་ཀྱི་ལས་འགུལ་སྣེ་ཁྲིད་པའི་དོགས་གཞིའི་འོག ཟླ་གཅིག་ཙམ་རིང་རྔ་པ་རྫོང་ནས་བཀག་ཉར་དང་། ཕྱི་ལོ་ ༢༠༠༨ ལོའི་ཞི་རྒོལ་ཆེན་མོའི་སྐབས་སུ་ཡང་དོགས་ཡོད་ཉེས་ཅན་དུ་རྩིས་ཏེ། ལོ་དེའི་ཕྱི་ཟླ་ ༣ ཚེས་ ༡༦ ཉིན་གྱི་ཞོགས་པར་རང་ཁྱིམ་ནས་འཛིན་བཟུང་བྱས་ཏེ་ཟླ་ཤས་བཀག་ཉར་བྱས་ཡོད། རྩོམ་པ་པོ་ཇོ་ལེབས་ཟླ་བ་ལགས་ནི། རྔ་པ་རྫོང་གི་ཇོ་ལེབས་སྡེ་བའི་སྟག་ཀ་ཚང་ནས་ཡིན་ཞིང་། བཞག་ལྡོམ་བོད་ཡིག་སློབ་འབྲིང་དང་དར་རྩེ་མདོ་དགེ་འོས་སློབ་གྲྭ་བཅས་ནས་སློབ་མཐར་ཕྱིན་ཡོད་འདུག ཁོང་ད་ལྟ་རང་ལོ་ ༣༨ ཡིན་ཞིང་། ༼དུས་རབས་ཀྱི་ང་༽ཞེས་པའི་དུས་དེབ་ཀྱི་རྩོམ་སྒྲིག་པ་དང་། རྔ་པའི་སློབ་གྲྭ་ཞིག་གི་དགེ་རྒན་བཅས་ཀྱི་ཕྱག་ལས་གནང་མུས་ཡིན་འདུག ད་ཆར་ཁོང་བཟའ་མི་གཉིས་ལ་ཕྲུ་གུ་གཉིས་ཡོད་འདུག
གོང་གི་གནས་ཚུལ་དེ་མཁོ་སྤྲོད་བྱེད་མཁན། ཀིརྟི་གྲྭ་ཚང་གི་གྲྭ་ཚེ་རིང་ཡིན།
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
སྔོན་མ་སྔོན་མ་ཞིག་ལ་ཅོ་ལེབ་ཟླ་བས་འདི་ལྟར་གླེང་གི། ང་ལ་རིང་ཐུང་གྲུ་གསུམ་གྱི་མཚན་ཉིད་མི་འབབ་ཀྱང་ངས་ཐེག་དགོས་པ་ནི་ཁ་བ་ཅན་པའི་འོས་འགན་ཡིན་དགོས་ལ། ངས་བརྗོད་འོས་པ་ནི་དུས་རབས་འདིའི་སྙིང་སྟོབས་ཡིན། དེའི་ཕྱིར་ངས་ནི་དུས་རབས་ཀྱི་གླུ་དབྱངས་རི་ལུང་ཀུན་ཏུ་གྱེར་དགོས། ཟེར་གི
ད་རུང་ཁོས་འུ་ཅག་གི་མེས་པོ་ཚོ་དད་ཞེན་གླེང་འཛིན་གྱི་ཨུ་ཚུགས་འཛིན་རྒྱུ་དགའ་ཡང་། ང་ནི་དོགས་གཞི་དང་ཐེ་ཚོམ་སྟོན་རྒྱུར་དགའ་ལ། འུ་ཅག་གི་མེས་པོ་ཚོ་དྲང་བདེན་དང་ཡིད་ཆེས་བྱེད་རྒྱུར་དགའ་ཡང་། ང་ནི་བདེན་དོན་དང་གནས་ལུགས་འཚོལ་རྒྱུར་ལྷག་ཏུ་དགའ། དེའི་ཕྱིར་ངས་བདེན་པ་མ་ཡིན་པའི་གནས་ལུགས་རྣམས་སློག་དགོས་ལ། ངས་མ་རྙེད་པའི་ངོས་དག་ཅི་ནས་བཙལ་དགོས་ཟེར་གི་་་་་་་་་་་དྲྭ་རོགས་ཚོ།
ཅོབ་ལེབ་ཟླ་བ་ལགས་འཛིན་བཟུང་བྱས་པའི་གསར་འགྱུར་འདིས་སེམས་པ་མི་བདེ་བ་ཞིག་བཟོས་པ་མ་ཟད། སྐྲག་སྣང་འོག་གི་གྲོགས་པོ་རྩོམ་པ་པོ་གཞན་དག་རེ་ཡང་མིག་ལམ་དུ་ཤར་གི ད་ངོ་མ་འདུག་གི་མ་བཅུག་ཐ།
སྐལ་བཟང་སྦྱིན་པ་དང་ཅོ་ལེབ་ཟླ་བ་གཉིས་ཀྱིས་དུས་རབས་ཀྱི་ང་ཐོག་མར་དབུ་འཛུགས་གནང་བའི་སྐབས། ང་དང་ངའི་གྲོགས་པོ་གཞན་ཞིག་དང་མཉམ་དུ་བླ་བྲང་གི་ཟ་ཁང་ཆུང་ཆུང་ཞིག་ནས་མཉམ་འཛོམས་བྱུང་མྱོང་ལ། སྐབས་དེ་དུས་རྩོམ་སྒྲིག་པ་ཁོང་གཉིས་ཀྱི་སེམས་ཤུགས་དང་ཆོད་སེམས། ཕུགས་འདུན་བཅས་གཞི་ནས་འཚར་ལོངས་འབྱུང་བཞིན་པའི་སྒང་རེད། ད་ནི་གྲོགས་པོ་དེ་གཉིས་ཆ་རིམ་བཞིན་མུན་ནག་གི་འཇིག་རྟེན་དུ་ཁྲིད་ཚར་སོང་། དཀོན་མཆོག་མཁྱེན།
སྐུ་ཞབས་ཇོ་ལེབས་ཟླ་བ་ལགས་ཀྱིས་བོད་མི་རིགས་ཀྱི་ཆོས་དང་རིག་གཞུང་ལ་འདོར་མི་ཐུབ་པའི་ལ་ཞེན་ཞིག་་ཡོད་རྒྱ་དམར་སྲིད་གཞུང་གིས་ཤེས་ཡོད་པ་གསལ་བོ་རེད། ད་ང་ཚོ་ལ་བྱེད་ཐུབ་པ་ག་རེ་འདུག ངས་ལྟས་ན་ཆིག་སྒྲིལ་གྱི་ནུས་པ་ཞིག་གཏོན་ཨེ་ཐུབ་ལྟ་རྒྱུ་གལ་ཆེན་པོ་རེད། བོད་མི་རེ་རེ་ནས་ནུས་པ་རེ་ཁྱེར་དགོས་པ་མ་གཏོགས་ཁོང་འཛིན་ཚར་བ་རེད་ཟེར་ནས་སྡད་པ་ཙམ་ལ་གྱིས་ཕན་ཐོག་ཅི་ཞིག་ཡོད། རང་ངོས་བྱེད་ཐུབ་གང་ཡོད་པ་དེ་དུས་ནས་དུས་སུ་བྱེད་དགོས་པ་གལ་ཆེན་པོ་རེད། ཕྱོགས་ཞེན་སྤོང་དང་།ཁོང་ལ་ རྒྱབ་སྐྱོར་ཡིན། ལ་རྒྱ་སྐྱོང་དང་གདུང་སེམས་མཉམ་སྐྱེལ་ཡིན་སྤུན་ཟླ་ལགས།