རུས་པ་སྦར་མོ་གང་བོ་རང་ཡུལ་ནས་གཏོར་དགོས་བསམ་ཡོད།

ད་ཁྱོད་ཚོས་ཁྱི་ལབ་རྒྱག་གི་འདུག ལྐོག་ཟ་རུལ་སྲུང་གི་བྱ་ཐབས་སྤྱད་པ་དེ་དག་ཡང་དག་དུ་ངོས་བཟུང་། ད་དུང་བོད་གཞུང་དང་ལས་བྱེད་ག་གེ་མོས་འགྲིག་གི་མིན་འདུག་ཟེར་ན། རྒྱ་ནག་ལ་མགོ་སྒུར་ན་ཡག་ཤོས་རེད། ཁྱེད་ལ་གང་འདོད་གནང་ངེས་རེད།

རང་སྐྱོན་རང་གིས་ཤོད། བསྟོད་པ་གཞན་ལ་བྱེད་དུ་ཆུགས།
སྤྱི་ཚོགས་ཚགས་ཚུད་དང་ཉེས་སྐྱོན་ཐེར་འདོན་་བྱེད་ཆེད་བདག་གིས་ཀྱང་དྲ་གྲོགས་ཚོར་གནས་ལེན་ཁང་དང་འབྲེལ་བའི་གནས་ཚུལ་ཞིག་བཤད་འདོད་བྱུང། ཉིན་ཤས་སྔོན་གུས་པ་ལས་དོན་ཞིག་གི་ཆེད་དུ་རྡ་ཞོལ་ལ་ཕྱིན་པ་ཡིན། དེར་ཡུན་རིང་མ་ཐུག་པའི་གྲོགས་པོ་ཞིག་དང་འཕྲད་ནས་གླེང་མོ་བྱེད་དུས་ཁོང་གིས་བཤད་དོན། ཉེ་སྔོན་མཱེ་ལོག་གཱན་ཇིར་གནས་སྡོད་བྱེད་མཁན་གྱི་བུད་མེད་ཞིག་གནས་ལེན་ཁང་ལ་ཕྱིན་ནས་ལས་བྱེད་པ་ག་གེ་མོོ་ཞིག་ལ་རང་ཉིད་ལ་སྐྱབས་བཅོལ་ལག་དེབ་བཟོ་རྒྱུར་རོགས་རམ་བྱེད་རོགས་ཞིས་ཞུ་བ་འཐེན་དུས། ལས་བྱེད་པ་དེས་དེང་སྐབས་སྐྱབས་བཅོལ་ལག་དེབ་བཟོ་རྒྱུར་དེ་འདྲ་ལས་སླ་བོ་མེད་པ་དང་ངེས་པར་དུ་བཟོ་དགོས་ན་ཧིན་སྒོར་གཅིག་ཁྲི་ལྔ་སྟོང་དགོས་བཤད་འདུག།བུད་མེད་དེས་རང་ཉིད་ཀྱི་འཚོ་བར་དཀའ་ཁག་ཆེ་བས་དངུལ་དེ་འདྲའི་ཕོན་ཆེན་ཞིག་རེག་ཐབས་མེད་སྐོོར་བརྗོད་སྐབས། ལས་བྱེད་དེས་དེ་སླ་མོ་རེད། ཁྱེད་ལ་དངུལ་མེད་བཤང་བཙོང་ན་འགྲིག་གི་རེད། ཉོ་མཁན་ང་བྱེད་ཆོག་ལ་ང་ཚོ་སྐུ་ངོ་དང་ལས་བྱེད་གཞན་པས་ཀྱང་ཉོ་ངེས་རེད། དེ་འདྲ་བྱས་ན་ཟླ་གཅིག་ལ་སྒོར་གཅིག་ཁྲི་ལྔ་ལས་ལྷག་ཅིག་རེག་གི་རེད་ཅེས་ཆགས་གཏམ་འདྲ་མིན་གྱིས་བརྙས་བཅོས་བྱས་སྟབས། ཕྱི་ཉིན་དེར་བུད་མེད་དེའི་ཁྱོ་ག་གནས་ལེན་ཁང་ལ་ཡོང་ནས་ལས་བྱེད་ག་གེ་མོ་དེར་དེ་སྐོར་འདྲི་སྐབས་ཁོས་ཁས་ལེན་བྱས་མེད་པ་མ་ཟད་ད་དུང་གནས་ལེན་ཁང་གསར་བའི་དོན་མེད་ཀྱི་རྙོག་དྲ་དེ་འདྲ་བཤད་ན་རྟེན་འབྲེལ་ཡག་པོ་མེད་ཚུལ་གྱི་བསླབ་བྱ་གནང་ཁུལ་བྱས་འདུག་ཀྱང་། ཁྱོ་ག་དེ་དང་ཁོང་གི་གྲོགས་པོ་གཉིས་ཀྱིས་ལས་བྱེད་དེ་གནས་ལེན་ཁང་གི་སྒོ་ཕྱི་ལ་ཁྲིད་ནས་གཅར་རྡུང་དྲག་པོ་བྱས་རྗེས་གཞི་ནས་རང་སྐྱོན་ཁས་ལེན་དང་། གནས་ཚུལ་དེ་ཚགས་པར་དང་གསར་འགོད་པ་སོགས་སུ་གང་ལའང་མི་བཤད་རྒྱུའི་ཆེད་དུ་ཧིན་སྒོར་འབུམ་གཅིག་དང་ཁྲི་ལྔ་སྤྲད་འདུག གནས་ལེན་ཁང་གི་སྐུ་ངོས་ཀྱང་ལས་བྱེད་ག་གེ་མོ་དེས་གཞུང་ལ་ལོ་ངོ་ཉི་ཤུའི་་རིང་ཞབས་ཕྱི་བསྒྲུབས་པའི་ངོ་ལ་ལྟོས་ནས་ལས་རང་འཇག་དང་ཧིན་སྒོར་འབུམ་གཅིག་ལས་ཁུངས་ནས་སྔ་འདོན་གྱིས་གཡར་འདུག་ཟེར།
གནས་ཚུལ་དེ་གོ་རྗེས་ངས་མིག་ལམ་ལ་ཤར་ཡོང་བ་ནི་བཞི་བཅུ་ཞེ་གྲངས་ནང་གི་ཧྲང་ཧཱད་ཀྱི་དཔོན་ངན་ཚོས་བྱེད་སྟངས་དེ་རེད།

གོང་དུ་བཀའ་སློབ་ལུང་འདྲེན་ཞུས་པ་ལྟར།
བོད་གཞུང་གི་ལས་ཀྱི་སྣེ་མོ་བ་བྱེ་བྲག་པའི་སྐད་ཆ་ཤོད་སྟངས་དང་། བྱ་སྤྱོད་ངན་པའི་རིགས་དེ་བོད་གཞུང་གིས་བོད་གཞུང་གིས་བཀའ་བཏང་སྟེ་དེ་ལྟར་བྱེད་དགོས་ཞེས་གསུངས་པ་ཞིག་མ་རེད། མི་སྒེར་གྱི་སྐད་ཆ་དང་བྱ་སྤྱོད་ངན་པའི་རིགས་དེ་སྤྱི་པའི་སྒང་ལ་འཇོག་རྒྱུ་ཡོད་པ་མ་རེད། དེ་ལྟར་གནང་ན་བཙན་བྱོལ་ནང་༸རྒྱལ་བ་རིན་པོ་ཆེ་ལས་གང་ཡང་མི་འདུག་ཟེར་བའི་སྐད་ངན་དེ་ཡང་ཤོར་གྱི་རེད། ང་ཡང་བོད་ནས་ཡོང་བ་ཞིག་རེད། ཐོག་མར་མ་བརྟག་མ་དཔྱད་པའི་སྣང་ངོར་སེམས་ལ་དཀའ་ངལ་ཞེ་དྲགས་འཕྲད་བྱུང་། རེ་བ་ཡང་ཞེ་དྲགས་མེད་པ་ཚོར་བྱུང་། བོད་ནས་འབྱོར་བ་མང་པོ་ཞིག་ལ་ཚོར་སྣང་དེ་ཡོང་གི་ཡོད། འོན་ཀྱང་། དངོས་གནས་ལོ་གཅིག་ལོ་གཉིས་རིམ་པར་བཙན་བྱོལ་གཞུང་གི་བཀའ་དྲིན་དང་། ༸གོང་ས་མཆོག་གི་གཟི་བྱིན་ལས་ལུས་བདེ་སེམས་བདེའི་བདེ་སྣང་ཞིག་ཐོབ་བྱུང་། དེར་བརྟེན། མི་ཡི་ལུང་པར་རང་ཡུལ་ལྟར་སྐྱིད་སྣང་དང་བདེ་སྣང་མེད། དེ་དོན་ཡིད་སྐྱོ་དགོས་པའི་བཀའ་མོལ་དེ་རིགས་མ་གསུངས་ན་ལེགས།།

བཙན་བྱོལ་བོད་གཞུང་གི་འབྲེལ་ཡོད་ལས་བྱེད་ཆེ་ཕྲ་ཆུང་གསུམ་གྱིས་ཀྱང་གོང་གི་བཅར་འདྲིའི་ནང་དོན་ལས་བསླབ་བྱ་བླངས་ཏེ། བོད་ནས་གསར་དུ་ཕེབས་པའི་རིགས་ལ་སྐད་ཆ་ཚིག་གཅིག་ཚུན་ནས་ཐུགས་གཟབ་གནང་སྟེ་གསུངས་རོགས། ཅིའི་ཕྱིར་ཟེར་ན། བོད་གཞུང་གི་གཞུང་ཞབས་པའི་མཚན་འཁུར་ཡོད་སྟབས། མི་སྣ་སྤྱིར་བཏང་བའི་སྐད་ཆ་ཞིག་དང་འདྲ་གི་མ་རེད། དེ་དོན་ཐུགས་ལ་འཇོག་རོགས།།

བདག་གིས་ནུབ་ཕྱོགས་ན་ཡོད་པའི་བོད་མི་གཞི་སྡོད་ཁག་ལ་རྒྱུས་ལོན་གང་ཐུབ་བྱས་པ་ཡིན། དང་པོ་ཨོ་སུ་ཁྲོ་ལེ་ཡའི་མོལ་བྷན། ཁེན་བྷི་ར། སིད་ནིའི་སོགས་ཀྱི་བོད་རིགས་དང་། ཨ་རིའི་ནུས་ཡོར་ཁུ། ཁ་ལི་སྥོར་ཉ། ལོ་སུ་ཨེན་ཇི་ལི་སུའི་བོད་རིགས་དང་། གཞན་ཁེ་ན་ན་སྒྲ། བྷེལ་འཇམ་བཅས་ལ་གྱི་བོད་རིགས་ཕར་ཆེ་བས་བས་གནས་སྟངས་ལ་ཞིབ་འཇུགས་བྱས་རྗེས་བློ་ཕམ་གང་མང་བྱུང་སོང་། སྤྱིར་གོས་དུ་ ༼ བོད་ནང་ལ་མཚོན་ན་བོད་རིགས་ནང་ཁུལ་དུ་ཧ་ཅང་འཆམ་པོ་དང་། ཕན་ཚུན་ལ་རོགས་རམ་བྱེད་པའི་ལུགས་སྲོལ་བཟང་པོ་ཞིག་ཡོད། ཕན་ཚུན་སྐད་བཤད་སྐབས་ཀྱང་བོད་མི་རིགས་ཀྱི་ལས་དོན་ལ་དོ་སྣང་ཆེན་པོ་ཡོད་ཀྱང་། འདི་ནས་སྐད་ཆ་བཤད་སྟངས་ཚུན་ནས་རྩ་དོན་ལ་ཐུགས་འཁུར་དང་མི་རིགས་ཀྱི་ལ་ཞེན་མེད་པ་ཤེས་ཐུབ་ཀྱི་འདུག༽ནང་བཞིན་རེད། མ་ཟད་བོད་མི་ཚོའི་ལས་ག་འཕྲན་བུ་རེའི་ཆེད་ངོ་ཚ་ཁྲེལ་ཡོད་སོགས་དོར་ནས། ཕན་ཚུན་དངོས་སམ་བརྒྱུད་ནས་གནོད་གང་ཐུབ་བྱེད་པ་དང་། བོད་མི་ཕན་ཚུན་བར་ལ་ཕྲག་དོག་གི་འགྲན་བརྩོད་ཧ་ཅིང་མཐོན་པོ་རེད། ཧང་སང་དགོས་པ་ཞིག་ལ་བོད་མི་ཚོས་རྒྱ་རིགས་ལ་ཕྲག་དོག་བྱེད་མི་ཐུབ་པར་མ་ཟད། ཉིན་མཚན་ཀུན་དུ་རྒྱ་མི་ཟ་ཁང་སོགས་ལ་གཡོག་པོ་དང་གཡོག་མོ་བྱེད་རྒྱུ་ལ་ཧ་ཅིང་དགའ་པོ་རེད། འདི་ནི་བོད་མི་རིགས་ལ་ལས་ཀྱིས་བསྐོས་པའི་ལན་ཆགས་ཞིག་ཡིན་པ་འདྲ། གནས་ཚུལ་འདི་རིགས་ངོ་ཚ་དགོས་པ་དང་ཧང་སངས་དགོས་ཤིན་ཏུ་མང་།

གཞིས་ལུས་རྒྱ་ཆེིའི་མི་དམངས། {47}
འདིར་ཡོང་སྐབས་འདི་གར་ལས་ཀ་བྱེད་མཁན་དང་སྣེ་ལེན་བྱེད་མཁན་དེ་འདྲས་ཁ་ཐུག་ཁ་ཐུག་ལ་ངོ་འདྲ་བོ་བསུ་བ་སོགས་ཡག་པོ་ཞིག་མ་བྱུང་བར་(མི་ཐང་ཆད་པའི་སྐབས་སུ་ངོ་བསུ་མཁན་བྱུང་ན་སྐྱིད་པོ་ཡོད་རེད་ངོ་བསུ་མཁན་མ་བྱུང་ན་མ་སྐྱིད་པ་ཞིག་ཏན་ཏན་ཡོང་ཡོད་པ་ཆོས་ཉིད་རེད)དེ་འདྲའི་གནས་ཚུལ་གྱི་འོག་ནས་ཏན་ཏན་ཁྱེད་རང་ཚོ་བློ་ཕམ་པ་འདྲ་པོ་བྱུང་ཡོད་རེད། ད་དུང་ཡིན་ནའང་ཡོང་གི་རེད། ཡིནའང་ང་ཚོས་ཆེ་ས་ནས་བསམ་བློ་བཏང་ཚེ་བཙན་བྱོལ་བོད་གཞུང་ཟེར་བ་འདི་གལ་ཆེན་པོ་ཆགས་ཀྱི་ཡོད་རེད། རིགས་ཁ་ཤས་ཀྱིས་རྒྱ་གར་ལ་༸རྒྱལ་བ་རིན་པོ་ཆེ་མ་གཏོགས་གཞན་དག་གང་ཡང་མི་འདུག་ཅེས་དེ་འདྲ་ཟེར་གྱི་ཡོད་པ་འདྲ། དེ་ཕྱོགས་གཅིག་ནས་རྒྱུས་མ་ལོན་པའི་གནས་ཚུལ་རེད་ལ། ཕྱོགས་གཅིག་ནས་གང་ལྟར་དེ་འདྲ་བཤད་ན་ཡག་པོ་ཡོད་མ་རེད། ཅེས་དང་།

ཡང་། གཞིས་ལུས་རྒྱ་ཆེིའི་མི་དམངས། {༤༥}
ཚུར་ཙམ་འདིར་རྒྱལ་བ་རིན་པོ་ཆེ་ལས་གཞན་བོད་གཞུང་ལ་གང་ཡང་མི་འདུག་ཅེས་ཟེར་གྱིན་བསྡད་ན་སོ་སོའི་ཞབས་འདྲེན་སོ་སོས་ཞུ་བཞིན་ཡོད་རེད།།

བཀའ་སློབ་འདི་དག་གི་ནང་སྙིང་སེམས་ལ་ཉར་ནས་སྐད་ཆ་བཤད་དགོས། རྒྱལ་མཚན་ཟེར་བ་ཁོ་ལ་མཚོན་ནའང་གཟིགས་སྐྱོང་ཞེ་དྲགས་བྱེད་དགོས་པའི་ལས་ཀ་ཅང་བྱས་མི་འདུག་སྙམ། ཨ་རིག་སྒྲོལ་མ་སྐྱབས་སོགས་ཀྱི་གནས་ཚུལ་དེ་དག་ནི་ངོ་མ་བློ་ཕམ་དགོས་པའི་གནས་རེད།

གཞན་གྱི་དངོས་ཡོད་གནས་སྟངས་མ་ཤེས་པར་གང་བྱུང་དུ་གད་སྙིགས་ལྟ་བུའི་སྐད་ཆ་མ་བཤད་ན་ལེགས།
གཞན་གྱི་སྐད་ཆར་བློ་གཟི་བོའི་ངང་ནས་ཉན་ཞིང་བརྟག་དཔྱད་བཏང་རྗེས་ད་གཟོད་འགྲིག་མིན་ཐད་དཔྱད་བརྗོད་སྤེལ་ན་ལེགས།

གོང་གི་ངེད་ཅག་ལས་ཁུངས་ཀྱི་གསར་འགོད་པ་དོན་གོས་བྲིས་པའི་གསར་འགྱུར་དེ་བཀླགས་རྗེས། ངའི་མིད་སྒོར་ཡང་སྐད་ཆ་ཚིག་འགའ་འཚང་ཡོང་གི་འདུག ངའི་ངོ་ཤེས་ཤིག་ད་ལྟ་ཕྱི་རྒྱལ་ན་ཡོད། ཁོང་གིས་རང་གི་མི་རིགས་དང་སྐད་ཡིག་ལ་བཅངས་པའི་དུང་ཞེན་དང་། མི་རིགས་ཀྱི་ལ་རྒྱ་ནི་དངོས་གནས་བཤད་མི་དགོས་པ་ཞིག་ཡིན། དེའི་ཐོག་ཁོང་སྔོན་ཆད་ཐེངས་མང་བོར་བོད་དུ་བསྐྱོད་དེ་གསང་ཉུལ་གྱི་བྱ་བ་བྱས་ཤིང་། བོད་གཞུང་ལའང་གལ་ཆེའི་ཡིག་ཆ་མང་བོ་ཁྱེར་ཡོང་ལ། བོད་ནང་དུ་གསང་བའི་ཚོགས་པ་མང་བོ་བཙུགས་པ་སོགས་ཕན་ནུས་ལྡན་པའི་བྱ་བ་མང་བོ་བསྒྲུབས་ཡོད། ཐེངས་ཤིག་ཁོང་བཙོན་དུ་ཚུད་དེ་ཉེན་རྟོག་པས་གཅར་རྡུང་དྲག་པོ་བྱས་སྟབས་སྒ་པ་གཅོང་ནད་དུ་གྱུར་ཡོད་ལ། དེང་སྐབས་ཀྱང་ཁོང་གི་སྐུ་གཟུགས་བདེ་ཐང་མེད།
ཡིན་ནའང་། བློ་ཕམ་དགོས་པའི་དོན་དག་ཅིག་བྱུང་བ་ནི། ཁོང་གིས་དེ་ལྟར་བོད་མི་རིགས་དང་བསྟན་པ་ཆབ་སྲིད་ཀྱི་དོན་དུ་རང་སོགས་ཚུན་ཆད་བློས་བཏང་སྟེ་དཀའ་ལས་བརྒྱབ་བརྒྱབ་མཐར། བདེ་སྲུང་གི་འབྲེལ་ཡོད་ལས་བྱེད་ཅིག་གིས་ཁོང་ལ་ཁྱོད་ད་བར་དུ་རྒྱ་ནག་གིས་འཛིན་བཟུང་མ་བྱས་པ་འདི་ཡ་མཚན་རེད་ཅེས་བརྗོད་སྐད།
དེ་བཞིན་ཨ་རིག་སྒྲོལ་མ་སྐྱབས་ལྟ་བུ་ཁག་ཅིག་གིས་བཙོན་བྱོལ་དུ་རེ་བ་རེ་བཅོལ་ཏེ་ཡོང་ནའང་། བོད་གཞུང་གིས་བདག་པོ་མ་བརྒྱབ་པའི་ཁར་ད་དུང་ཁོང་གི་ལུས་སེམས་གཉིས་ལ་གནོད་ཤུགས་སྤྲད་ཡོད་པ་དེ་སྔོན་ཁོང་གི་བཙོན་ཁང་གི་བཙོན་གྲོགས་ཤིག་ལ་བརྗོད་འདུག་པ་དེ་རེད། འདིའི་རིགས་ལ་གཞུག་ཕྱོགས་འབྲེལ་ཡོད་མི་སྣས་གཟབ་ན་བཟང་གི
གོང་གི་བགྲས་སོང་ཁོང་གི་གསུངས་པ་ལྟར་ང་ཚོ་འདིར་ཟ་རྒྱུ་འཐུང་རྒྱུ་མེད་པར་ཡོང་གི་མེད་པ་དེ་ཙམ་པོ་མཁྱེན་ན་བཟང་གི