དེ་རིང་ཕྱི་ཟླ་ ༡༠ ཚེས་ ༡༠ ཉིན་གྱི་ཆུ་ཚོད་ ༡༠ ཐོག རང་བཙན་གོམ་བགྲོད་པ་འཇིགས་མེད་ནོར་བུ་མཆོག་གིས་ཨ་རིའི་ཨིན་ཌི་ཡ་ན་ནས་ཁེ་ཎ་ཌའི་ཊོ་རོན་ཊོའི་བར་གྱི་རང་བཙན་གོམ་བགྲོད་དེ་མགོ་འཛུགས་བྱས་ཡོད་པ་དང་། གོམ་བགྲོད་པ་ནི་སྐུའི་གཅེན་པོ་ལྟག་མཚེར་རིན་པོ་ཆེའི་སྲས་འཇིགས་མེད་ནོར་བུ་དང་། དེ་བཞིན་ཝི་ཏི་ནམ་ནས་ཡིན་པའི་སྐུ་ཞབས་མཐའ་ཡས་གཉིས་པ་ཡིན་པ་རེད། ཉིན་དང་པོར་ས་གནས་བོད་མི་དང་བོད་དོན་རྒྱབ་སྐྱོར་བ་ བཅུ་ཕྲག་ཙམ་གྲོང་ཁྱེར་གྱི་རྒྱལ་སའི་ཁྲོམ་དཀྱིལ་དུ་འཛོམས་པ་དང་། སྒོ་མང་དགེ་བཤེས་སྦྱིན་པ་བསོད་ནམས་མཆོག་གིས་ཐུགས་སྨོན་གནང་བ་དང་། དེ་བཞིན་ས་གནས་ཀྱི་ཚོགས་པ་དག་གིས་རྒྱབ་སྐྱོར་གྱི་གསུང་བཤད་གནང་བ་དང་བཅས་གོམ་བགྲོད་མགོ་བཙུགས་ཡོད་པ་རེད། འཇིགས་མེད་ནོར་བུ་ལགས་ཀྱིས་རང་གི་ཡབ་དམ་པས་ཤུལ་དུ་བཞག་པའི་ལས་འགུལ་འདི་མུ་མཐུད་ནས་སྤེལ་དགོས་པ་དང་། བོད་རང་བཙན་མ་ཐོབ་བར་དུ་བོད་འདི་བརྗེད་ཀྱི་མེད་པའི་རྣམ་པ་གསལ་པོ་སྟོན་དགོས་པ་མ་ཟད། རང་ཉིད་བོད་མི་ཞིག་ཡིན་པའི་ཆ་ནས་ རང་གི་བོད་དང་རང་གི་བོད་མིའི་ཆེད་དུ་ལས་ཀ་བྱེད་དགོས་པ་དེ་ལྷན་སྐྱེས་ཀྱི་འོས་འགན་ཞིག་རེད་ཅེས་གསུངས་ཡོད་པ་རེད། ཁོང་གིས་ཉིན་ལྟར་ མེལ་ལེ་སུམ་བཅུ་ཙམ་རེ་གོམ་བགྲོད་བྱེད་འཆར་ཡོད་པ་རེད། ལམ་ཐག་ནི་མེལ་ལེ་༥༠༠ ཙམ་ཡིན་པ་རེད། ཞིབ་གསལ་གྱི་གནས་ཚུལ་རྣམས་གཤམ་གསལ་གྱི་དྲ་རྒྱ་ན་གསལ་པོར་ཡོད་པ་རེད།
རང་བཙན་གོམ་བགྲོད་པ།
རང་བཙན་གོམ་བགྲོད་པ།
དེ་
ཧ་ཅིང་ཡག་པོ་རེད། གོམ་བགྲོད་ཡུན་རིང་བྱས་ན་ཁྱེད་ཀྱི་འཕྲོད་སྟེན་ལ་ཕན་ཐོག་ཡོད།
བུ་རྒོད་པོ་གནམ་སྔོན་པོ་ང་ཚོ་བོད་པ་ཚོའི་དེ་འདྲ་ནི་མ་ན་ཡུམ་དུམ་པ། གཤེས་གི་ཧྲ་གི་རྒྱབ་སྐྱོར་ཡོད།
བུ་རབ་པོ་དེ་འདྲ་དགོས་ནི་རེད།
མ་འོང་བོད་ཀྱི་སོན་ཙ་ཟེར་ན་འདི་འདྲ་བ་ལ་ཟེར་བ་རེད་དངོས་གནས་དགའ་འོས་པ་ཞིག་རེད་ཁོང་ལ་ཐུགས་དགོངས་ཡོངས་སུ་འགྲུབ་པའི་བཀྲ་ཤིས་སྨོན་ལམ་ཞུ།
ཡག་པོ་རེད་ཁྱེད་གཉིས་ཀྱི་བྱ་བ་ལམ་འགྲོ་ཡོང་བའི་སྨོན་ལམ་ཡོད།
བློ་སྟོབས་ལ་ཡི་རིང་ཞུ