མདུན་ངོས།
About Us
  • English
Advertisement
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
English
No Result
ཆ་ཚང་གཟིགས།

ཧིན་སྒོར་བརྒྱད་ཁྲི་ལྷག་རྙེད་ནས་ཕྱིར་བདག་པོར་སྤྲད་པ།

བོད་ཀྱི་དུས་བབ།
༢༠༡༠/༡༠/༡༢
Share on FacebookShare on TwitterShare on EmailShare on Whatsapp
ཁ་སང་དགོང་མོར་ངྷ་ས་མེག་གྷན་དུ་མིང་ལ་ཚེ་འཛིན་འབོད་པའི་བོད་མི་གཞོན་སྐྱེས་ཤིག་གིས་མེག་གྷན་འཁོར་ཁང་ཉེ་འགྲམ་གྱི་ཚོང་ཁང་ཞིག་ནས་ཧིན་སྒོར་རྐྱང་པ་ ༧༥༧༧༠ དང་ཧིན་སྒོར་ ༥༤༠༠ གོང་ཚད་གནས་པའི་འཛིན་བྱང་ཞིག་བཅས་ཁྱོན་སྡོམ་ཧིན་སྒོར་ ༨༡༡༧༠ རྙེད་དེ། དེ་རིང་ཞོགས་པར་ཕྱིར་བདག་པོར་རྩིས་སྤྲོད་བྱས་འདུག
མིའི་ལྷད་མེད་པའི་རང་གཤིས་རྣལ་མ་ནི་ཤོག་བུར་རི་མོ་བྲིས་པ་བཞིན་མཐོང་ཐུབ་པ་ཞིག་མིན་པར། གནད་འགག་གི་སྐབས་སུ་སླེབས་སྐབས་ད་གཟོད་ཕྱི་ལ་མངོན་ཡོང་བ་ཞིག་ཡིན་ལ། དེ་ནི་སྙིག་མས་མ་སྦག་པའི་འགྲོ་བ་མིའི་ལྷད་མེད་པའི་རང་གཤིས་དྭངས་མ་དེ་ཡིན་ཨང་།
དེ་རིང་ཞོགས་པར་བཞུགས་སྒར་ངྷ་ས་ཀིརྟི་བྱེས་པ་གྲྭ་ཚང་གི་གྲྭ་པ་ཞིག་གིས་ཁ་པར་འབྱོར་ཏེ། ཁ་སང་དགོང་མོར་བོད་མི་གཞོན་སྐྱེས་ཤིག་གིས་སྒོར་ཁུག་ཅིག་དང་མཉམ་དུ་ཧིན་སྒོར་རྐྱང་པ་བདུན་ཁྲི་ལྷག་ཅིག་རྙེད་དེ་ད་ནངས་ཞོགས་པར་ཕྱིར་བདག་པོར་རྩིས་སྤྲོད་བྱས་ཡོད་སྐོར་བརྗོད་པ་ལྟར། ཞོགས་པའི་ཆུ་ཚོད་ ༡༠ ཡས་མས་སུ་འདི་གའི་གསར་འགོད་པ་མེག་གྷན་དུ་སྒོར་ཁུག་རྙེད་མཁན་གྱི་བོད་མི་དེ་བཙལ་དུ་ཕྱིན།
བོད་མི་དེའི་མིང་ལ་ཚེ་འཛིན་ཟེར་ཞིང་ཕ་ཡུལ་མདོ་སྨད་རྔ་པ་ནས་ཡིན་ལ་ཕྱི་ལོ་ ༢༠༠༡ ལོར་རྒྱ་གར་དུ་འབྱོར་ཏེ་ད་ལྟ་ངྷ་སར་ཡོད་པའི་རྒྱལ་སྤྱིའི་བོད་གནས་ལྟ་ཞིབ་ཁང་གི་ལས་བྱེད་ཡིན། ངས་ཁོང་དང་ཧིན་སྒོར་རྙེད་པའི་སྐོར་གླེང་མོལ་བྱེད་སྐབས་ཁོང་གིས་གསུངས་དོན། ཕལ་ཆེར་ཁ་སང་དགོང་མོའི་ཆུ་ཚོད་བརྒྱད་པ་ཡས་མས་རེད། ངས་ལས་མཚམས་བཞག་སྟེ་ང་དང་ཆུང་མ་གཉིས་ཕྱིར་རང་ཁྱིམ་དུ་ལོག་པའི་ལམ་བར་དུ། ངེད་གཉིས་ཀྱིས་མེག་གྷན་འཁོར་ཁང་ཉེ་འགྲམ་གྱི་ཚོང་ཁང་ཞིག་ཏུ་སྐོམ་ཆུ་ཞིག་ཉོས་པ་ཡིན། སྐབས་དེར་ཚོང་ཁང་དེའི་ཅ་ལག་བརྩིགས་པའི་ཚུར་ཕྱོགས་དེར་སྒོར་ཁུག་མཐུག་པོ་ཞིག་ཟགས་འདུག་ལ། ཕར་བལྟས་ཚོད་ལ་དེའི་ནང་དུ་དངུལ་མང་བོ་ཡོད་པར་མ་ཟད། དེ་ནི་ཚོང་ཁང་བདག་པོའི་མིན་པར་མི་ཞིག་གི་བོར་བརླག་བྱུང་བ་གསལ་བོར་ཤེས་ཐུབ་ཀྱི་འདུག དེར་བརྟེན་ངས་ཚོང་ཁང་བདག་པོར་སྐད་ཆ་མ་དྲིས་པར་སྒོར་ཁུག་དེ་བླངས་པ་ཡིན་ལ། ཚོང་ཁང་ཕྱིར་བསླེབས་རྗེས་ངས་རང་གི་ཆུང་མར་དེ་རིང་འུ་གཉིས་ལ་གློག་ཀླད་ཉོ་བྱེད་ཀྱི་དངུལ་རེག་སོང་ཞེས་བརྗོད་པ་ཡིན། དེ་ནི་ངེད་གཉིས་ཀྱིས་གློག་ཀླད་ཅིག་མངགས་གཏོང་བྱས་ཏེ་བསྒུགས་ནས་བསྡད་ཡོད་སྟབས་ཡིན། ཡིན་ནའང་། ཆུང་མས་ང་ལ་ཡིད་ཆེས་བྱེད་ཀྱི་མི་འདུག
ངེད་གཉིས་རང་ཁྱིམ་དུ་འབྱོར་རྗེས་ངས་ཆུང་མར་སྒོར་ཁུག་ཅིག་རྙེད་པའི་སྐོར་བརྗོད་པ་དང་། སྒོར་ཁུག་བཏོན་ནས་ནང་གི་ཧིན་སྒོར་རྣམས་རྩིས་བརྒྱབས་པས་ངེད་གཉིས་ཧང་སང་བྱུང་། དེའི་ནང་དུ་སྟོང་ལོ་རྐྱང་པ་ ༧༠ དང་ལྔ་བརྒྱ་ལོ་ ༡། བརྒྱ་ལོ་ ༢། ལྔ་བཅུ་ལོ་ ༡། ཉི་ཤུ་ལོ་ ༡ བཅས་བསྡོམས་ཧིན་སྒོར་ ༧༥༧༧༠ འདུག
སྐབས་དེར་ངེད་གཉིས་ཀྱིས་བསམ་པར་འདི་ལྟ་བུའི་དངུལ་མང་བོ་འབོར་མཁན་དེ་སྙིང་རྗེ། གལ་སྲིད་དངུལ་འདི་དག་འབོར་མཁན་དེ་ངེད་གཉིས་ཡིན་ཚེ། ཅི་འདྲའི་བརྗོད་མི་ཤེས་པའི་སྡུག་བསྔལ་ཞིག་མེད་དམ་སྙམ་སྟེ་ཕྱིར་སྟེར་རྒྱུའི་ཐག་གཅད་པ་ཡིན་ལ། དེའི་རྗེས་ངེད་གཉིས་ཀྱིས་སྒོར་ཁུག་དེའི་ཟུར་ཁུག་ཆུང་ངུ་དག་བསྔོགས་སྐབས་ནང་དུ་པར་མགོ་ཞིག་འདུག པར་སྟེང་གི་མི་ནི་ངྷ་ས་མེག་གྷན་དུ་གནས་སྡོད་བྱེད་མཁན་བོད་མི་ངག་དབང་ལགས་རེད་ལ། ཡང་སྒོར་ཁུག་ནང་ཧིན་སྒོར་ ༥༤༠༠ ཅན་གྱི་འཛིན་བྱང་ཞིག་ཀྱང་འདུག ངེད་གཉིས་ཀྱིས་འབྲེལ་ཡོད་ཀྱི་མི་ཞིག་བརྒྱུད་ནས་ངག་དབང་ལ་འབྲེལ་བ་བྱེད་ཐུབ་པ་བྱུང་སྟེ་ཁོང་གི་དངུལ་རྙེད་པའི་སྐོར་བརྗོད་པ་ཡིན་ལ། དེ་རིང་ཞོགས་པར་དངུལ་ཚང་མ་ཕྱིར་སྤྲད་པ་ཡིན། སྐབས་དེར་ཁོང་གིས་ཐུགས་རྗེ་ཆེ་གསུངས་གི་འདུག་པར་མ་ཟད། ལམ་སང་སྒོར་ཁུག་ལས་ཧིན་སྒོར་སུམ་སྟོང་ཙམ་བཏོན་ཏེ་རྔན་པར་སྤྲོད་རྒྱུ་བྱས་ནའང་བླངས་མེད་ཅེས་ཟེར།
དེ་ལྟར་མ་བརྐུས་མ་འཕྲོག་པར་ལག་ཏུ་ཧིན་སྒོར་རྐྱང་པ་བརྒྱད་ཁྲི་ལྷག་རྙེད་ནའང་། ཉམ་ཆུང་ཞིང་སྤྱིར་བཏང་བའི་འཚོ་བ་དཀྱུས་མར་རོལ་མཁན་གྱི་བཟའ་ཟླ་ལོ་ཆུང་འདི་གཉིས་ཀྱིས་རང་ཉིད་དངུལ་འབོར་མཁན་གྱི་ས་ནས་བསྡད་དེ། གལ་སྲིད་རང་གིས་ཁབ་གསོག་འབུག་གསོག་བྱས་ཏེ་བསགས་པའི་དངུལ་རྣམས་དུས་ཡུན་སྐད་ཅིག་ཙམ་ནང་མེད་པར་གྱུར་ཚེ། རང་ཉིད་ལ་ཅི་འདྲའི་སེམས་སྡུག་ཅིག་ཡོད་ཨང་སྙམ་པའི་ངེས་ཤེས་རྙེད་ཐོག དངུལ་དངོས་གཅིག་ཀྱང་མ་ཆད་པར་ལྷག་བསམ་རྣམ་དག་གིས་ཕྱིར་བདག་པོར་སྤྲད་པ་དེས་རྒྱ་མཚོ་ལས་གཏིང་ཟབ་པའི་བོད་བརྒྱུད་ནང་བསྟན་ཆོས་ལུགས་དང་། ༧གོང་ས་མཆོག་གིས་བོད་མི་རྣམས་ལ་དུས་རྒྱུན་མི་བཟང་བོ་ཞིག་དང་། ལྷག་པར་དུ་བོད་མིའི་ཡབ་མེས་ཡང་མེས་ནས་བརྒྱུད་པའི་མི་གཤིས་ཀུན་སྤྱོད་བཟང་བོ་དག་མ་བརླག་པ་བྱ་དགོས་པའི་བསླབ་བྱ་གནང་གི་ཡོད་པར་སློབ་སྦྱོང་དང་། གནད་འགག་གི་སྐབས་སུ་ལག་ལེན་དངོས་ལ་ཐེངས་ཤིག་བསྟར་བ་ཡིན་ཨང་།
དེའི་རྗེས་གསར་འགོད་པས་སྒོར་ཁུག་འབོར་མཁན་གྱི་བོད་མི་ངག་དབང་ལགས་དང་ཐུག་འཕྲད་ཀྱིས་ཁོང་ལ་སྐད་ཆ་དྲིས་པར་ཁོང་གིས་བརྗོད་དོན། ཁ་སང་དགོང་མོར་ང་ལ་གྲོགས་པོ་ཞིག་གིས་ཁ་པར་བསླེབས་ཏེ་གཞན་གྱིས་ངའི་སྒོར་ཁུག་རྙེད་འདུག་ཟེར་སྐབས་གཞི་ནས་ངས་རང་གི་སྒོར་ཁུག་མེད་པ་ཤེས་བྱུང་། ཡིན་ནའང་། སྐབས་དེར་ཁ་པར་ལས་སྒོར་ཁུག་རྙེད་ཟིན་པ་མ་ཟད་ཕྱིར་སྤྲོད་རྒྱུ་ཡིན་སྐོར་ཡང་བརྗོད་སྟབས། སེམས་བདེ་བོ་ཆགས་སོང་།
དེ་རིང་ཞོགས་པར་དངུལ་བསྐྱལ་ནས་བསླེབས་སོང་ལ། སྐབས་དེར་ངས་ཧིན་སྒོར་སུམ་སྟོང་བླངས་ནས་རྔན་པར་བྱིན་ཡང་རྩ་བ་ནས་བླངས་མ་སོང་། དངོས་གནས་ཧང་སང་དགོས་པ་རང་རེད། སྤྱིར་ཁ་སང་དེ་རིང་ང་རང་ཉིད་ཕྱི་རྒྱལ་དུ་འགྲོ་གྲབས་ཡོད་སྟབས་ཧིན་སྒོར་དེ་དག་ལག་ཏུ་ཉར་ཡོད་ལ། དངུལ་དགོས་མཁོར་ཐུག་ཡོད་པ་མ་གཏོགས། ཁ་སང་ངས་མ་མཐར་ཡང་ཧིན་སྒོར་ཆིག་ཁྲི་ཞིག་རྔན་པར་སྤྲོད་དགོས་བསམ་ཡོད། ཡིན་ནའང་། སྐྱོན་མི་འདུག ངས་མ་འོངས་པར་སེམས་ནས་བརྗེད་ཀི་མ་རེད་ལ། དུས་ནམ་ཞིག་ངས་ཁོང་བཟའ་ཟླ་གཉིས་ལ་ཕན་ཞིག་ཐོགས་ཀི་རེད་བསམ་ཡོད་ཅེས་ཟེར།
ཡང་ཁོང་ལ་ཐེངས་འདིར་བོར་བརླག་བྱུང་བའི་དངུལ་ཚང་མ་ཕྱིར་རེག་པར་ཚོར་སྣང་གང་འདྲ་བྱུང་མིན་སྐོར་དྲིས་པར། ཁོང་གིས། སེམས་ནང་ཁོང་བཟའ་ཟླ་གཉིས་ནི་དངོས་གནས་མི་ཚད་ལྡན་ཟེར་བ་རེད་དྲན་སོང་། མི་སུ་ཡིན་རུང་གནད་འགག་གི་སྐབས་སུ་བསླེབས་ན་ད་གཟོད་མི་གཤིས་རྣལ་མ་དེ་ཕྱི་ལ་མངོན་གི་རེད། ལྷག་པར་དུ་ཁོང་བཟའ་ཟླ་གཉིས་ལ་མཚོན་ན་འབྱོར་ལྡན་པ་དང་དཔལ་འབྱོར་ཐོག་དཀའ་ངལ་མེད་པ་མིན་པར་ནམ་རྒྱུན་གྱི་འཚོ་བ་དཀྱུས་མར་རོལ་མཁན་རེད།  དེར་བརྟེན་དངོས་གནས་ཁོང་གཉིས་མི་ཚད་ལྡན་རེད་བསམ་ནས་སེམས་ལ་བག་ཆགས་ཟབ་མོ་ཞིག་བཞག་སོང་ཞེས་ཟེར།
ཡང་ཁོང་གིས་སྒོར་ཁུག་བོར་བརླག་བྱུང་བའི་སྐོར་བརྗོད་དོན། ད་ལྟ་ངས་ཕྱིར་འདང་བརྒྱབ་ན་ཁ་སང་དགོང་མོར་ངོ་ཤེས་ཤིག་གིས་སྐད་བཏང་བ་ལྟར་ཟ་ཁང་དུ་ཟ་མ་ཟ་རུ་ཕྱིན་ཏེ་ཕྱིར་རང་ཁྱིམ་དུ་ལོག་སྐབས་བུ་མོ་ ༼ མཚེ་མ། ༽ གཉིས་ལ་ཚོང་ཁང་ཆུང་ཆུང་ཞིག་ནས་མངར་ཁུ་རེ་ཉོས་རྗེས། སྒོར་ཁུག་ཕྱིར་གློ་ཁུག་ནང་ཡག་པོ་བཅུག་ཐུབ་མི་འདུག་ཅེས་སྒོར་ཁུག་བོར་རྐྱེན་འགྲེལ།
མཇུག་མཐར་ཁོང་གིས། སྤྱིར་དངུལ་འབོར་མཁན་མང་བོ་ཡོད་ནའང་། ཕྱིར་རང་ལག་ཏུ་རེག་མཁན་ཉུང་ཉུང་མ་གཏོགས་ཡོང་གི་མེད། ལོ་འདི་འགར་ངྷ་སའི་གཡས་གཡོན་གྱི་གྱང་ངོར་དངུལ་བོར་བའི་སྐོར་གྱི་གསལ་བསྒྲགས་མང་བོ་མཐོང་རྒྱུ་ཡོད་ནའང་། ཕྱིར་བདག་པོར་སྤྲད་སྐོར་གྱི་གསལ་བསྒྲགས་གཅིག་ཀྱང་མཐོང་རྒྱུ་མི་འདུག དེར་བརྟེན་འདི་དང་འདི་ལྟ་བུ་དག་ཧ་ཅང་གི་གལ་ཆེན་པོ་རེད་ལ་མིག་དཔེར་ལྟ་དགོས་པ་རང་རེད། ཅེས་གསུངས།
 
གསར་འགོད་པ། ཨ་རིག་འགྱུར་མེད།

འབྲེལ་ཡོད་གསར་འགྱུར།

བོད་ནང་གི་ན་གཞོན་གཞས་པ་ཨ་སངས་ལགས། པར་དུས་བབ་ཀྱིས་ཕྱོགས་སྒྲིག་བྱས།
Mobile App

གཞས་པ་ཨ་སངས་ལགས་མུ་མཐུད་བཀག་ཉར་འོག་ཡོད་འདུག

ཆུ་ཚོད་ ༡༨ སྔོན་ལ།
Zhang Youxia (front), newly-elected Vice Chairman of the Central Military Commission of the People's Republic of China, swears an oath with members of the Central Military Commission (L-R) Zhang Shengmin, Liu Zhenli, He Weidong, Li Shangfu, and Miao Hua, after they were elected during the fourth plenary session of the National People's Congress (NPC) at the Great Hall of the People in Beijing. photo credit: Reuter
Mobile App

རྒྱ་ནག་གཞུང་གིས་དམར་ཤོག་དཔོན་རིགས་དགུ་ཕྱིར་ཕུད་བཏང་།

ཆུ་ཚོད་ ༡༩ སྔོན་ལ།
མོན་ཡུལ་འཕགས་བོད་མཛའ་འབྲེལ་ཚོགས་པས་༧གོང་ས་མཆོག་ལ་མནྜལ་བརྟན་གསུམ་འདེགས་འབུལ་ཞུས། ༢༠༢༥།༡༠།༡༨ དུས་བབ་ཀྱི་པར།
Mobile App

མོན་ཡུལ་འཕགས་བོད་མཛའ་འབྲེལ་ཚོགས་པས་༧གོང་ས་མཆོག་ལ་མནྜལ་རྟེན་གསུམ་འདེགས་འབུལ་ཞུས།

ཆུ་ཚོད་ ༢༡ སྔོན་ལ།
Richard Gere receiving the Human Rights First Visionary Award. Photo: ICT
Mobile App

བོད་དོན་རྒྱབ་སྐྱོར་བ་རེ་ཆར་ཌི་གྷེ་རེ་ལགས་སུ་འགྲོ་བ་མིའི་ཐོབ་ཐང་གི་གཟེངས་རྟགས་ཐོབ།

༢༠༢༥/༡༠/༡༧
Mobile App

སེར་བྱེས་མཁས་སྙན་གྲྭ་ཚང་གིས་༧སྐུའི་གོ་སྟོན་གྱི་བྱམས་བརྩེའི་ལོ་སྲུང་གཙི་ཞུས།

༢༠༢༥/༡༠/༡༧
Mobile App

བོད་ནང་ཤོག་སྦག་གི་སྒྱུ་རྩལ་འགྲེམས་སྟོན་བྱེད་མཁན་ལ་ཉེས་ཆད་བཅད།

༢༠༢༥/༡༠/༡༦

མཆན། 55

  1. མིག says:
    ལོ་ 15 སྔོན།

    སྤྱི་ཚོགས་སྟེང་མི་འདི་འདྲ་ཧ་ཅང་དཀོན་པོ་རེད་ལ་ང་ཡིན་ནའང་དེ་འདྲའི་དངུལ་འབོར་ཆེན་ཞིག་རྙེད་ཚེ་བདག་པོར་སྤྲད་པའི་བསམ་བློ་འཁོར་ཐུབ་ཐབས་དཀའ་འདུག

    Reply
  2. ཇོ་བོ་རྣམས་གཉིས། says:
    ལོ་ 15 སྔོན།

    དེ་རིང་གི་དངུལ་བོར་མཁན་དེ་ཕྱི་རྒྱལ་བ་ཞིག་དང་སྙིད་མཁན་དེ་རང་ཅག་བཟའ་ཚོ་དེ་གཉིས་ཡིན་ཚེ་དངོས་གནས་སྟབས་ལེགས་པོ་ཞིག་རེད་ལ་རིག་པ་འདོན་མཁན་ཡང་དེ་ལས་མང་བ་ཡོད་རྒྱུ་རེད།

    Reply
  3. ཇོ་བོ་རྣམས་གཉིས། says:
    ལོ་ 15 སྔོན།

    ངའི་རེ་བ་ལ་དེ་ཁྲབ་སྟོན་ཡིན་རྒྱུ་མ་རེད་ལ་དེར་སྟེན་ནས་མ་འོངས་པར་ཡ་རབས་བཟང་སྤྱོད་དང་ལྡན་པའི་བོད་མི་དག་ལ་དྲ་རྒྱ་དང་གསར་ཤོག་སོགས་ཀྱི་ཐོག་ནས་བསྔགས་བརྗོད་དང་མི་བོད་རྣམས་ལ་མིག་དཔེར་སྟན་དགོས་གལ་ཆེན་པོ་འདུག་པས་དེ་ཐད་ལ་དུས་བབ་དྲ་རྒྱ་ལ་སོགས་པས་བསམ་ཞིས་གནང་གལ་ཆེ། ང་བོད་པ་ཞིག་ཡིན་པའི་ཆ་ནས་ཡ་རབས་བཟང་སྤྱོད་དང་ལྡན་པའི་བཟའ་འཚོ་གཉིས་ལ་ཁྱེད་གཉིས་ཀྱིས་ང་ཚོ་བོད་མིས་ཕྱིར་ངོམ་ཆོག་པའི་ཡ་རབས་བཟང་སྤྱོད་དེ་དངུལ་གྱི་འགྲམ་དུ་མ་དོར་བ་དེར་ཐུགས་རྗེ་ཆེ།

    Reply
  4. འབྲོང་བུ་རང་རྐྱ་བ། says:
    ལོ་ 15 སྔོན།

    ཚེ་འཛིན་བཟའ་མི་གཉིས་ལ་ཐུགས་རྗེ་ཆེ་ཞུས་པ་ཡིན།ངོ་ཡ་མཚན་དགོས་བ་རེད་ཐུགས་རྗེ་ཆེ་རྗེས་སུ་ཡི་རང་ཡོད་པ་ཟད་དུས་དང་རྣམ་པ་ཀུན་དུ་འདི་འདྲའི་ཡ་རབ་རླབས་ཆེན་གྱི་བྱ་བ་རྗེས་སུ་ཡི་རང་བྱེད་རྒྱུ་གལ་ཆེན་པོ་རེད་

    Reply
  5. Ngawang Norbu says:
    ལོ་ 15 སྔོན།

    ༄། །ཚྭ་སྒང་ཕོ་ཉ་ལགས་སུ་བཀའ་འདྲི་ཞུ་རྒྱུ་ལ། ཁྱེད་རང་གིས་གསུང་དོན་ལྟར་འཁྲབ་སྟོན་གསུང་པ་དེ་གང་འདྲ་ཞིག་ལ་འཁྲབ་སྟོན་གསུང་གི་ཡོད། བཟང་ངན་དབྱེ་འབྱེད་ཀྱི་བསྔགས་བརྗོད་གནང་བར་འཁྲབ་ནས་སྟོན་ཡ་གང་ཡང་ཡོད་མ་རེད། འཁྲབ་ནས་ཁེ་ཕན་གང་ཡང་ཡོད་མ་རེད། བཟང་ངན་དབྱེ་བ་མ་ཤེས་ན་དུད་འགྲོ་རེད། དགོང་དག་ཁ་ནས་ཤོར་ལག་ནས་ཐལ་སོང་།

    Reply
རྗེས་མ།

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

+91-98823-47075 | +91-92189-38041 | +91-81972-44372

Welcome Back!

OR

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist

No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese