བྱ་བ་ཆེ་ཆུང་གང་ལ་ཡིན་ཡང་ཨ་གསར་བྱེད་རྒྱུར་དགའ་བའི་གོམ་གཤིས་འདི་སུ་ལ་ཡོད་ན། དེ་ནི་ད་གཟོད་སྤྱི་ཚོགས་གང་ཞིག་གི་ཁྲོད་དུ་ཕམ་ཁ་ཉོ་མཁན་གྱི་མི་རིགས་དེ་ཡིན་ཟེར་ན་མ་ཆོག་པ་མེད་པ་ཡིན། མི་རིགས་ཤིག་གི་དངོས་ནས་བཤད་ན། ཨ་གསར་བྱེད་རྒྱུ་དེ་ནི་གཏམ་ཀུ་རེ་བྱས་པ་དང་གཏན་ནས་མི་འདྲ་བ་ཡིན།
མི་རིགས་ཤིག་སྡུག་ལ་ཐུག་ནས། འཆི་གསོན་གྱི་གནས་སྟངས་སྐྱོ་བོ་དེ་ཡི་ཁྲོད་དུ་ལྷུང་ཡོད་སྐབས། སུ་ཞིག་མི་རིགས་དེ་ཡི་ཁུངས་སུ་སྐྱེ་ཡོད་པ་ཡིན་ན། ཐོག་མར་རང་ངོས་ནས་མི་རིགས་དེ་ཡི་འགན་འཁུར་བ་ལ་དགེ་སྐྱོན་གང་ཡོད་མེད་དང་། མི་རིགས་དེ་མུ་མཐུད་དུ་འཛམ་གླིང་གི་མི་སྡེ་སྤྱི་ཚོགས་འདིར་གནས་པ་ལ་དོན་སྙིང་ཡོད་མེད་དེར་བསམ་གཞིགས་ཞིབ་མོ་ཞིག་བྱེད་དགོས་པ་ཡིན།
དེ་ཡང་མི་རིགས་གཞན་དག་དང་བསྡུར་ནས་ལྟ་དགོས་པ་ལས། རང་གི་མི་རིགས་ཀྱི་མིག་ཤེལ་ཆུང་ཆུང་ཞིག་གོན་ནས་བལྟས་པ་ཡིན་ན། ནོར་འཁྲུལ་ཡང་མི་ཤེས་ས་མང་བོ་ཞིག་ནས་ཡོང་རྒྱུར་གདོན་མི་ཟ་བ་དེ་ཡིན། ལྟ་སྟངས་ཀྱི་ཕྱོགས་ནས། ལས་སླ་བོའི་སྒོ་ནས་ལྟ་ཚུལ་ཞིག་ཡོད་པ་དེ་ནི། མིའི་རིགས་འདི་སུ་ཡིན་ཡང་རང་ལ་དགའ་བ་ནི་བཤད་མི་དགོས་པ་དེ་ཡིན་ལ། རང་ཉིད་ལ་དགའ་བ་དེ་ཡང་། རང་ཉིད་ལ་དཀའ་ངལ་མེད་པ་དང་འཚོ་བ་རྙོག་དྲ་མེད་པ་ཞིག་བྱུང་ན། བུ་ཕྲུག་ཚོའི་མ་འོངས་པ་དེ་ཡང་ཕན་ཚུན་ལ་བྱམས་བརྩེ་ཡོད་པ་ཞིག་བྱུང་ན་བསམ་པ་དེ་ཡིན་ཟེར་ན་མ་ཆོག་པ་མེད་ལ། དེ་ཡང་འགྲོ་བ་མིའི་རྨང་གཞི་རུ་བརྩི་དགོས་པ་ཡིན།
ད་གཟོད་འདི་ལྟར་བལྟས་པ་ཡིན་ན། ང་ཚོ་ནི་བོད་མི་ཡིན་ལ། བོད་སྐད་བཤད་ཤེས་པ་དང་བོད་སྐད་ཀྱི་སྟེང་ནས་རང་གི་བདེ་སྡུག་ཚང་མ་སྨྲ་ཐུབ་མཁན་དང་བོད་ཡིག་གི་སྟེང་ནས་རང་གི་བདེ་སྡུག་གླུ་རུ་ལེན་མཁན་གྱི་གྲངས་དུ་ཡོད་དུས། མི་རིགས་འདིའི་ཁྱད་ཆོས་ཆེས་མི་ཉུང་བ་ཞིག དམིགས་བསལ་གྱིས་འཚོ་བའི་དགོས་འཁོའི་ཁྲོད་མེད་དུ་མི་རུང་བའི་རང་གི་སྐད་ཁོ་ནའི་སྟེང་ནས་རོལ་མྱོང་བྱེད་ཐུབ་ཀྱི་ཡོད་པ་ཡིན། དེ་ཙམ་གྱིས་རང་གི་སྐད་ཀྱི་རང་ལ་བཞག་པའི་བག་ཆགས་དེ་དག་ལས། མི་ལ་བརྩི་བཀུར་གྱི་སྐོར། བསམ་ཤེས་ཀྱི་སྐོར། ཆེ་བཀུར་ཆུང་བྱམས་ཀྱི་སྒྲིག་སྲོལ། བྱམས་བརྩེའི་རང་བཞིན་གྱི་སེམས་གཤིས་སོགས། ང་ཚོས་རང་གི་སྐད། བོད་སྐད་དང་བོད་ཡིག་འདི་བརྒྱུད་དེ་ཐོབ་པ་ཡིན་ལ། འདི་ཉིད་ཀྱིས་ང་ཚོ་འཚོ་གནས་བསྐྲུན་པ་ཡིན།
སྐབས་དེང་སང་ང་ཚོས་རང་ཉིད་ཀྱི་འཚོ་གནས་དང་འབྲེལ་བའི་ལས་དབང་འདིའི་ཐད་ལ་བསམ་བློ་གཏོང་བ་ནས། རང་ཉིད་ཀྱི་བརྒྱུད་མྱོང་མཐོང་གསུམ་གྱི་ལམ་ཁར་ཞུགས་ཐེངས་རེར། རང་ཉིད་ཀྱིས་རང་གི་འཚོ་གནས་དང་འབྲེལ་བའི་མི་རིགས་འདི་ལ་འགན་ཞིག་ལེན་དགོས་པ་དེ་ནི། ཡིན་གཅིག་མིན་གཅིག་རྐུབ་སྟེགས་བརྫིག་པོ་ཞིག་དང་། ལས་ཁུངས་མིང་ཅན་ཞིག་གི་ནང་དུ་བསྡོད་ཐུབ་པ་དེ་ཙམ་ལ་ངེས་འཛིན་བྱས་ན་མི་འགྲིག་པར། འདི་ཉིད་ཀྱིས་མི་རིགས་འདིའི་ལུས་སེམས་གཉིས་ཀ་ལ་གསོ་ཐུབ་པའི་ཆེས་སྨད་བྱུང་གི་རིན་ཐང་གཞལ་དུ་དཀའ་བའི་གནས་ལུགས་ཤིག་ང་ཚོར་གནང་བ་དེས་ཆེད་དུ། ང་ཚོས་རང་རང་གི་ཉིན་རེའི་འཚོ་བ་དེ་ཡང་། མི་རིགས་འདི་ལ་འགན་ལེན་མི་བྱེད་ཐུ་མེད་དུ་གྱུར་ཡོད་པ་ག་གཟོད་ཁས་ལེན་དགོས་ཐུག་ཡོད།
ཁས་ལེན་དེ་ལྟར་བྱས་རྗེས་ཀྱི་ང་ཚོས་གཏན་ནས་ཨ་གསར་ཟེར་བའི་ཐ་སྙད་དེ་རང་གི་འགྲོ་འདུག་སྤྱོད་གསུམ་དང་གཏན་གྱེས་བྱེད་རྒྱུ་ལས་སླ་བོ་མེད་ཀྱང་། ལས་སྣེ་གང་ཞིག་ལ་མ་ཞུགས་གོང་དེར་བསམ་བློ་ཏན་ཏན་ཞིག་གཏོང་དགོས་པ་དེ་ཡིན། མཐའ་དོན་ངས་ཞ་འདོད་པ་དེ་ནི། ང་ཚོ་སྟེ། དྲ་ཐོག་སོ་སོ་ན་ཡོད་པའི་བོད་མི་སྤུན་ཟླ་ཚོས། ཟིན་བྲིས་སྤེལ་བ་ཚེ་ཐག་ཐུང་བ། མཆན་བུ་འདེབས་པ་དེ་ཡང་འགན་མི་འཁུར་བ། ལྷག་པར་དུ་ཟིན་བྲིས་དག རང་ཉིད་དུས་ཚོད་ཆུད་ཟོས་སུ་གཏོང་ས་ལྟ་བུ་ཞིག་ཆགས་ན་དངོས་ནས་སེམས་པ་སྐྱོ་བོ་རེད་ལ། ཟིན་བྲིས་གཉེར་མ་ཐག བསྐལ་བ་ཇི་སྲིད་བར་དུ་བོད་ཡིག་གི་དྲ་ཚིགས་དག་ལ་ཞབས་འདེགས་ཞུ་རབས་གླེང་ནས། ཟླ་ངོ་ཁ་ཤས་དང་ཉིན་མ་ཁ་ཤས་ཀྱི་རྗེས་སུ་གོ་མེད་ཚོར་མེད་ཀྱི་སྤུན་ཟླ་ཨ་གསར་ཅན་དེ་དག་ལ་རེ་སྐུལ་ཞིག་དང་འབོད་སྐུལ་ཞིག་ཞུས་པ་ཡིན།
ཁ་ཤས་ཀྱི་དེང་སང་དྲ་ཐོག་གི་བོད་ཡིག་དྲ་ཚིགས་དག་ན་སྐད་ཆ་རིན་ཐང་ཅན་མི་འདུག་ཟེར་ནས་གཉོབ་སྣང་གི་སྐོར་གསུང་། དེ་འདྲ་ཡིན་ན། སྤུན་ཟླ་དེ་ཡི་རིགས་ཀྱིས་དྲ་ཐོག་ལ་དམིགས་བསལ་གྱི་སྐད་ཆ་རེ་འཁུར་ནས་ཕེབས་ཤོག་དང་། སྤུན་ཟླ་གཞན་དག་གིས་ད་གཟོད་ཁྱེད་ཀྱི་སྐད་ཆ་ལ་གོང་ཚད་རྒྱགས་ངེས་ཡིན།
སྤུན་ཟླ་ཁྱེད་ཅག་གཅིག་རྗེས་གཅིག་གིས་བཟུང་དེ། ངེད་ཀྱི་ཟིན་བྲིས་སུ་ཕེབས་པ་སྤྲོ་ནས་ཡོད། དེ་རིང་ང་ལ་ལས་བྲེལ་ཞིག་གིས་དབང་གིས་སྤུན་ཟླ་རེ་རེ་བཞིན་ལན་འདེབས་བྱེད་ཁོམ་མ་བྱུང་བ་དེར་དགོངས་དག་ཞུ།
ཐ་སྐལ་ལགས། ཁྱེད་རང་ལ་བསམ་ཚུལ་འབྲི་རྒྱུ་མེད་ནོ་ཅི་རེད།
ཤ་ཁྲག་ལགས།
དགེ་ཆོས་མཆོག་གིས།
ཡུན་རིང་འགྲོགས་ན་ཚེ་འདིའི་བྱ་བཞག་ལ།
མི་སྐྱོ་བྱ་བ་གཅིག་ཀྱང་ཡོད་མ་ཡིན།
སྐྱོ་བའི་སེམས་གསོ་དམ་པའི་ལྷ་ཆོས་ཏེ།
སེམས་ཀྱི་ཁུངས་ཏུ་ལན་གཅིག་འོང་བ་ངེས།
འདི་འདྲ་གསུངས་འདུག་པས་ཡིན་པར་འདྲ།་མ་རེད་དམ།
མི་ཟེར་བ་དེས་བྱ་བ་ག་རེ་བསྒྲུབ་ཀྱང་དང་བོར་ཨ་གསར་ཞིག་དང་འགྲོགས་ནས་ཡོད།
ཁོ་རེ། རྩོམ་ཡིག་ཆ་ཚང་བཀླགས་ནས་བུད་སོང་། དེ་རིང་ཨང་གཉིས་པ་མ་གཏོགས་ལ་ལོན་ཐལ།
༧ཀརྨ་པ་ལ་གཟིགས་དང་།
དུས་རབས་ཉེར་གཅིག་པའི་སྐབས་འདིར་ཕྱི་ཡི་ཚན་རིག་ཡར་རྒྱས་དང་ནང་གི་མིའི་བསམ་བློ་འགྱུར་ལྡོག་གི་སྟོབས་ཀྱིས་འཛམ་གླིང་འདི་འཕོ་འགྱུར་ཆེན་པོ་སོང་ཡོད། སྤྱི་ཚོགས་དང་མི་སྒེར་གྱི་ལྟ་བ་དང་མཐུན་འབྲེལ་སོགས་ཀྱང་ཡར་རྒྱས་སོང་ཡོད་པས། དུས་རྒྱུན་མི་རྣམས་ཀྱིས་འཛམ་གླིང་འདི་ཆུང་དུ་འགྲོ་ཡི་འདུག་ཅེས་བརྗོད་ཀྱི་ཡོད། འོན་ཀྱང་ད་དུང་ཡང་ཀླད་རྙིང་གི་ལྟ་བ་མ་དོར་ཞིང་རྗེས་ལུས་ཐེབས་པའི་སྲིད་གཞུང་དང་ཚོགས་པ་སྐུ་དྲག་སོགས་ཕྱོགས་མང་པོ་ཡོད།
ཁོང་ཚོས་རང་ཉིད་ཀྱི་ལྟ་བ་དང་གོ་ས། ཆོལ་ཁ་དང་དཔུང་གཉེན་མ་གཏོགས་འགྲོ་བ་མི་ཡི་ཐོབ་ཐང་དང་མང་གཙོ་ཡི་ལྟ་གྲུབ། རྒྱལ་ཁབ་ཀྱི་ཆབ་སྲིད་དང་མི་མང་གི་རེ་འདོད་སོགས་སྤྱི་དོན་རྣམས་རྩིས་མེད་རྡོག་རོལ་གཏོང་གི་ཡོད་པ་མ་ཟད། ནག་ཉེས་མེད་པར་བཙོན་འཇུག་དང་དྲག་གནོན་སོགས་བྱས་ནས་འགྲོ་བ་མི་ཡི་ལྷན་སྐྱེས་འཚོ་སྡོད་ཀྱི་རང་དབང་ཡང་འཕྲོག་གི་ཡོད།
དཔེར་ན་རྒྱ་ནག་གིས་༸ཀུན་གཟིགས་པཎ་ཆེན་རིན་པོ་ཆེ་དང་༧བང་རི་རིན་པོ་ཆེ་སོགས་བོད་རིགས་རྣམས་བཙོན་འཇུག་བྱས་པ་བཞིན། དོན་དངོས་ཐོག་ཁོང་ཚོས་རང་ཉིད་ཀྱི་དབང་ཤུགས་བེད་སྤྱོད་ལོག་པར་བཏང་བའི་དབང་གིས་རྒྱལ་ཁབ་ཀྱི་སྟོབས་ཤུགས་དང་གཞུང་དམངས་ཀྱི་འབྲེལ་ལམ། སྤྱི་ཚོགས་ཀྱི་མཐུན་འབྲེལ་སོགས་ཉམས་ཆགས་ཆེན་པོ་བཏང་བ་དང། མ་འོངས་པའི་མི་རབས་རྣམས་ལ་ངོ་གནོང་དགོས་པའི་གནས་ཚུལ་ཞིག་ཆག་ཡོད། བསྟན་པ་སྤྱི་དང་བྱེ་བྲག་བོད་བསྟན་སྲིད་ཉག་ཕྲ་བའི་སྐབས་འདིར་༸རྒྱལ་དབང་ཀརྨ་པས་རྒྱ་ནག་གི་བརྩི་མཐོང་དང་སྒེར་གྱི་ཁེ་ཕན་སོགས་ལ་མ་ལྟོས་པར་བསྟན་པ་སྤྱི་དང་བྱེ་བྲག་བོད་བསྟན་སྲིད་ཀྱི་ཆེད་དུ་༸གོང་ས་མཆོག་དང་བོད་གཞུང་ལ་བློ་ཕུགས་བཏད་ནས་སྐྱབས་བཅོལ་དུ་ཕེབས་ཡོད། ཁོང་འདིར་སྐྱབས་བཅོལ་དུ་ཕེབས་ནས་ལོ་བཅུ་ཕྲག་སོང་ཟིན་ཡང་ཕྱིའི་རྒྱལ་ཁབ་ཏུ་ཕེབས་མི་ཆོག་པ་མ་ཟད་ཉེ་ཆར་སུ་ཇ་སློབ་གྲྭ་རུ་ཡང་ཕེབས་མ་བཅུག་པར་བཀག་འགོག་བྱས་ཡོད། ད་ཆ་ཁོང་ནི་མངོན་གསལ་མེད་པའི་ནག་མེད་བཙོན་པ་ཞིག་ཡིན་པ་ཕྱི་ནང་ཚང་མས་ཤེས་དགོས་པ་ནི་ཤིན་ཏུ་གལ་ཆེ། ༧ཀརྨ་པའི་དཀའ་ངལ་ནི་འཛམ་གླིང་འདིར་ནང་པ་ཡོངས་ཀྱི་དཀའ་ངལ་དང་བོད་ཀྱི་མི་རབས་གསར་པའི་དཀའ་ངལ་ཞིག་རེད་ལ། བསྟན་པ་སྤྱི་དང་བྱེ་བྲག་བོད་བསྟན་སྲིད་ལ་བརྗོད་དཀའ་བའི་ཕམ་ཉེས་ཤིག་བཟོས་ཡོད། རྒྱུ་མཚན་ནི་བསྟན་པ་དར་མ་དར་བསྟན་འཛིན་གྱི་སྐྱེས་བུ་ལ་རག་ལས་ཡོད་པ་དང་། རྒྱལ་ཁབ་ཀྱི་སྟོབས་ཤུགས་རྒྱས་མ་རྒྱས་ནང་གི་ཆིག་སྒྲིལ་ལ་རག་ལས་ཡོད། དེ་འདྲ་ཡིན་དུས་༧ཀརྨ་པ་ཕེབས་པ་ལ་བཀག་འགོག་བྱེད་པ་དང་གནོན་ཤུགས་སྤྲོད་མཁན་སུ་ཡིན་མིན་དང་ཁོའི་རེ་དོགས་གང་འདྲ་ཡིན་མིན་བཅས་ལ་ནང་པ་ཡོངས་དང་བོད་རིགས་རྣམས་ཀྱིས་ཞིབ་འཇུག་བྱེད་དགོས་པའི་དུས་ལ་བབ་ཡོད། འགའ་ཞིག་གིས་ནག་ཉེས་ཡོངས་རྫོགས་རྒྱ་གར་ལ་གཡོགས་ཀྱང་དམིགས་བསལ་འབྲེལ་བ་དང་རྒྱུ་མཚན་གང་ཡང་མེད། གལ་ཏེ་རྒྱ་ནག་གིས་རྒྱ་གར་ལ་གནོན་ཤུགས་སྤྲད་ཀྱང་རྒྱ་གར་རྒྱ་ནག་གི་གནོན་ཤུགས་ལ་སྐྲག་གི་མེད་པ་ནི་འདས་ཟིན་པའི་ལོ་རྒྱུས་ཐོག་རྒྱ་གར་གྱིས་༸གོང་ས་མཆོག་དང་བཙན་བྱོལ་གཞུང་ལ་བཅངས་པའི་ལ་རྒྱ་དང་སྤོབས་པ་སོགས་ཀྱིས་གསལ་པོར་མཚོན་ནུས། ཡང་སྤྱི་ཚོགས་ཁྲོོད་འགའ་ཞིག་གིས་༧ཞྭ་དམར་རིན་པོ་ཆེ་ལ་ཞྭ་མོ་གཡོགས་ཀྱང་ཁོང་གིས་བསྟན་པ་སྤྱི་དང་བོད་བསྟན་སྲིད་ལྷག་པར་དུ་བོད་མི་རིགས་ཀྱི་མཐུན་འབྲེལ་སོགས་ལ་བསམ་བློ་མ་བཏང་བར་ཐབས་སྡུག་གི་བྱ་བ་དེ་འདྲ་བྱེད་ཀྱི་མེད་པ་བཀའ་བརྒྱུད་པ་ཡོངས་ཀྱིས་ཤེས་གསལ་རེད།
གལ་ཏེ་༧རྒྱལ་དབང་ཀརྨ་པའི་གནས་ཚུལ་འདི་མུ་མཐུད་དུ་ལྷག་པ་ཡིན་ན། རྒྱ་གར་དང་བོད་གཞུང་དམངས་ཀྱི་མཐུན་འབྲེལ། བོད་གཞུང་དང་ཕྱི་རྒྱལ་ཁག་གི་འབྲེལ་ལམ། བོད་གཞུང་དང་མི་དམངས་ཀྱི་འབྲེལ་ལམ་སོགས་ལ་ཉེན་ཁ་ཡོད་པ་མ་ཟད། ཕྱོགས་མང་པོ་ཞིག་ནས་བློ་ཡུལ་ལས་འདས་པའི་གནས་ཚུལ་ཞིག་ཀྱང་ཡོང་ངེས་ཡིན་པ་ནི། ཉེ་ཆར་སྒང་ཏོག་ནས་མི་མང་སྟོང་ཕྲག་བཞི་བཅུ་ལྷག་གི་ལས་འགུལ་ལས་བྱུང་བའི་གནས་ཚུལ་གྱིས་གསལ་པོར་མཚོན་ནུས། དེས་ན་ང་ཚོ་བོད་ཀྱི་ཁ་དཔེ་ལ། ཆུ་མ་ཡོང་གོང་ནས་ཆུ་རགས་དང་། རྐྱེན་མ་ཡོང་གོང་ནས་བཟློག་པ། ཞེས་པའི་དཔེ་ལྟར། བོད་གཞུང་མང་དང་ལྷག་པར་བཙན་བྱོལ་གཞུང་གིས་གནས་ཚུལ་འདི་འགན་བླངས་ཏེ་གང་མགྱོགས་གཙང་སེལ་བྱེད་དགོས་པ་ནི་འོས་འགན་རེད་ལ་ཛ་དྲག་གི་གནས་ཚུལ་ཞིག་ཀྱང་རེད།།
རྫོང་སར་གྲྭ་ཤཱཀྱ་དང་དྲི་མེད་ནས།།