ཟླ་འདིའི་ཕྱི་ཚེས་ ༢༠ ཉིན་ཨ་རིའི་ཨོ་ཧ་ཡོ་མངའ་སྡེའི་སེན་སི་ནཱ་ཇི་གྲོང་ཁྱེར་ནང་རྟེན་གཞི་བྱས་པའི་རྒྱལ་ཡོངས་རང་དབང་ལྟེ་ནས་ཁང་གིས་༸གོང་ས་མཆོག་ལ་འདི་ལོའི་རྒྱལ་སྤྱིའི་འགྲོ་བ་མིའི་རང་དབང་སྣེ་འཁྲིད་པའི་གཟེངས་རྟགས་དེ་འབུལ་རྒྱུ་ཡིན་འདུག། དེ་ནི་༸གོང་ས་མཆོག་གིས་འདས་པའི་ལོ་མང་རིང་བོད་མིའི་རང་དབང་སླར་གསོའི་ཆེད་ཕྱག་ལས་རླབས་ཆེན་གནང་ཡོད་པ་མ་ཟད། འཛམ་གླིང་གི་འགྲོ་བ་མིའི་རིགས་ཡོངས་ཞི་བདེ་ཡོང་ཆེད་སྐུ་ཚེ་ཧྲིལ་བོར་འབད་བརྩོན་ལྷོད་མེད་གནང་དང་གནང་བཞིན་པ་བཅས་ལ་བརྟེན་ནས་ཕུལ་བ་ཞིག་ཡིན་འདུག
དེ་ག་ལྟེ་གནས་ཁང་གིས་འདས་པའི་ལོ་ངོ་དུ་མའི་རིང་འཛམ་གླིང་ནང་མིག་དཔེར་གྱུར་བའི་གང་ཟག་བྱེ་བྲག་པ་དང་ཚོགས་པ་སྒྲིག་འཛུགས། རང་དབང་གི་དོན་དུ་མཛད་རྗེས་འཇོག་མཁན་ཚོར་བརྩི་བཀུར་དང་ཆེ་བསྟོད་ཀྱི་ཆེད་དུ་གཟེངས་རྟགས་དེ་འབུལ་གྱིན་ཡོད་འདུག་ལ། ད་ལྟའི་ཆར་ལྷོ་ཨ་ཧྤི་རི་ཀའི་ཡེ་ཤེས་ཆོས་དཔོན་ཁྲུའུ་ཁྲུའུ་ལགས་དང་ཨ་རིའི་སྲིད་འཛིན་ཟུར་པ་བྷེར་ཁི་ལིན་ཌིན། སྲིད་འཛིན་ཟུར་པ་རྗོར་རྗི་བྷུ་ཤུ་བཅས་འཛམ་གླིང་ནང་འགྲོ་བ་མིའི་བདེ་སྡུག་ཐད་དོ་ཁུར་དང་མཛད་རྗེས་ཆེ་བའི་མི་སྣ་རླབས་ཆེན་དག་ལ་འབུལ་སྲོལ་ཡོད་པ་ལྟར། འདི་ལོར་༸གོང་ས་མཆོག་ལ་འབུལ་རྒྱུ་ཡིན་འདུག
གསར་འགོད་པ། དོན་གོ
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
༄༅།། ༸གོང་ས་ལྷ་མི་རྣམས་འབྲེན་མཆོག་ལ་བཀྲ་ཤིས་བདེ་ལེགས་ཞུ་བ་དང་སྤྱི་འཛམ་བུ་གླིང་དང་དགོས་སུ་སངས་རྒྱས་བསྟན་པ་ཡང་དགོས་སུ་བོད་ཁ་བ་ཅན་གྱི་མགོན་དུ་སྐུ་ཚེ་ཡུན་དུ་བཞུགས་པར་བསོལ་བ་འདེབས་
འགྲོ་ཕན་བྱམས་བརྩེ་ཆེན་པོས་རབ་རྒྱན་ཞིང།
པད་དཀར་འཛིན་པ་གངས་རིའི་མགོན་གཅིག་པོ།
ངུ་སྨྲིད་འཛིན་པ་བསྟན་འཛིན་རྒྱལ་མཚོ་མཆོག།
སྲིད་མཐའི་བར་དུ་བརྟན་པ་བཞུགས་བསོལ་འདེབས།
ལྷོ་ཨ་ཕ་རི་ཀའི་ཡེ་ཤུའི་ཆོས་དཔོན་ཊུ་ཊུ་ལགས་དང་ཨ་རིའི་སྲིད་འཛིན་ཟུར་པ་བཱིལ་ཁི་ལིན་ཌན། སྲིད་འཛིན་ཟུར་པ་ཇོཇ་བྷུཤ་བཅས་ཞེས་པ་སོགས་འབྲི་དགོས་གལ་དུ་མཐོང་། དེ་མིན་བོད་པའི་ཐ་སྙད་ལྟ་བུ་ཡེ་ཤེས་འདྲ་པོ་བྲིས་ན་ནོར་ཉེན་ཆེ་སྙམ། རྣལ་མའི་བསམ་འཆར་ཡིན་པས་དགོངས་འགལ་མེད་པ་ཞུ།
༸གོང་མཆོག་ལ་རང་དབང་གཟེངས་རྟགས་ཕུལ་རྒྱུ་བྱས་བ་སེམས་གཏིང་ནས་ཚོགས་ཆུང་ལ་ཐུགས་རྗེ་ཆེ་ཞུ་བ་དང་ཆབས་ཅིག་ཏུ་ཁོང་ལ་བཀྲ་ཤིས་བདེ་ལེགས་གྲངས་མེད་ཞུ་ཞུ།
ཡང་རྒྱ་དམར་གྱི་འགོ་གཙོ་དེ་ཚོས་ནུབ་ཕྱོགས་པའི་རང་དབང་གི་མིང་གིས་ཏ་ལར་གཟེངས་རྟགས་འབུལ་བ་ནི་དོན་དུ་ནུབ་ཕྱོགས་པས་ཀྲུང་གོར་ཆབ་སྲིད་ཀྱི་མགོ་གནོན་བྱེད་པར་སྙད་འདོགས་བྱ་རྒྱུ་ལས་དེ་མིན་ཁ་ནང་ལ་མཛུབ་མོ་རྒྱུས་ཏེ་བསྡོད་དགོས་པ་ལས་གང་ཡོད། ད་ངོ་ཚ་རྒྱུ་མེད་པའི་རྒྱ་རྒན་དེ་ཚོར་སྟོན་མོ་བཤམས་པ་རེད། ལིའུ་ཞོ་པུ་ལ་གཟེངས་རྟགས་འཐོབ་པར་རྒྱལ་ཁབ་ཁ་བྲལ་ཏུ་གཏོང་མཁན་དེ་འདྲ་བར་གཟེངས་རྟགས་སྤྲོད་པ་ནི་དོན་དུ་ཞི་བདེའི་གཟེངས་རྟགས་ལ་སྣང་ཆུས་བྱས་ཚུལ་དང་། ལུའུ་ཞོ་པོ་རྒྱལ་ཁབ་ཁ་བྲལ་བའི་ནག་ཉེས་ཅན་དེ་ལྟ་བུར་གཟེངས་རྟགས་སྤྲོད་པ་ནི་ནུབ་ཕྱོགས་པའི་ཀྲུང་གོར་ཆབ་སྲིད་ཀྱི་གཉའ་གནོན་བྱེད་པ་རང་རེད་ཟེར་བ་སོགས་ཉེས་མེད་སྙོན་འཛུགས་སོགས་གང་མང་བྱས་ཡོད།