དེ་རིང་ཞོགས་པའི་ཆུ་ཚོད་ ༨ པ་ཙམ་ལ་མཚོ་ལྷོ་ཁུལ་དགེ་ཐོན་སློབ་གྲྭ་ཆེན་མོ་དང་དགེ་འོས་སློབ་གྲྭ མི་རིགས་སློབ་འབྲིང་། ཁུལ་གསོ་རིག་སློབ་གྲྭ་གཉིས་ཀྱི་སློབ་མ་ཉིས་སྟོང་ ༢༠༠༠ ཙམ་སློབ་གྲྭའི་རྩེད་ཐང་དུ་འཛོམས་ཏེ་ངག་བཅད་ཀྱི་ངོ་རྒོལ་གཞི་རྒྱ་ཆེན་པོ་ཞིག་བྱས་ཡོད་ཅིང་། དེའི་རྗེས་སློབ་མ་རྣམས་རུ་བསྒྲིགས་ཏེ་ཆབ་ཆ་རྫོང་སྲིད་གཞུང་ནས་ཁུལ་སྲིད་གཞུང་གི་སྒོ་མདུན་བར་ཞི་བའི་གོམ་བགྲོད་ཀྱིས། ” བོད་ཡིག་གི་བདག་དབང་ཕྱིར་སྤྲོད་རོགས། ” ཞེས་པའི་འབོད་ཚིག་སྒྲོག་བཞིན་རྔམ་སྟོན་ཁྲོམ་སྐོར་བྱས་ཡོད་འདུག གཞན། མཚོ་སྔོན་ཟི་ལིང་དང་ཁྲི་ཀ་རྫོང་། རྩི་གོར་ཐང་བཅས་ཀྱི་བོད་རིགས་སློབ་མ་ཚོས་ཀྱང་ངོ་རྒོལ་སྐད་འབོད་བྱས་ཡོད་པའི་གནས་ཚུལ་ཐོན་འདུག་ཀྱང་། ཞིབ་ཕྲའི་གནས་ཚུལ་ཤེས་རྟོགས་ཐུབ་མ་སོང་།
ཉིན་འདི་གར་བོད་ནང་གི་སློབ་གྲྭ་ཁག་གི་བོད་རིགས་སློབ་མ་ཚོས་སྔ་རྗེས་སུ་རྒྱ་གཞུང་ལ་ཞི་བའི་ངོ་རྒོལ་སྐད་འབོད་བྱེད་ཀྱིན་ཡོད་པའི་རྒྱུ་མཚན་གཙོ་བོ་ནི། ལོ་འདི་འགར་རྒྱ་ནག་གཞུང་གིས་བོད་ཁུལ་གྱི་སློབ་གྲྭ་ཁག་ཏུ་བོད་སྐད་ཡིག་དང་དབྱིན་ཡིག་གཉིས་མ་གཏོགས་སློབ་ཚན་གཞན་ཚང་མ་རྒྱ་ཡིག་ཐོག་གཏན་འབེབས་ཀྱི་སྲིད་ཇུས་ཤིག་ལག་བསྟར་བྱེད་ཀྱིན་ཡོད་སྟབས། མི་རིགས་ཀྱི་ལ་ཞེན་ཆེ་ཞིང་སྐད་ཡིག་ལ་དུང་ཞེན་ཟབ་པའི་བོད་པའི་མི་རབས་གསར་པའི་སློབ་ཕྲུག་ཚོས་སྙིང་སྟོབས་ཆེན་པོ་དང་། ཆོད་སེམས་བརྟན་པོའི་ཐོག་ནས་རྒྱ་གཞུང་ལ་ངོ་རྒོལ་སྐད་འབོད་བསྟུད་མར་བྱེད་ཀྱིན་ཡོད་འདུག
གསར་འགོད་པ། དཔལ་ལྡན།
![A large crowd walks in a market area outside Dadar station in Mumbai, India, Friday, March 17, 2023. [AP Photo/Rajanish Kakade]](https://tibettimes.net/wp-content/uploads/2026/04/Screen-Shot-2026-04-02-at-5.36.58-PM-360x180.png)
སློབ་ཕྲུག་ཚོས་རང་མི་རིགས་ཀྱི་རིག་གཞུང་ལ་བཅངས་པའི་དྭང་གཙང་གཡོ་ལྷད་མེད་པའི་སེམས་ཤུགས་ལ་བསྔགས་བརྗོད་དང་རྒྱབ་བསྐྱོར་ངེས་པར་དུ་བྱེད་དགོས་ཀྱང་དགྱ་དམར་གྱི་ཁྲིམས་དང་མི་འགལ་བའི་ལས་འགུལ་དེ་ང་ཚོས་འདི་ནས་ཆབ་སྲིད་ཀྱི་ངོ་བོར་བསྒྱུར་མི་ཉན།
དྲ་མཁན་ཨ་ཕོ་སྨར་དྷཱིཿཟེར་ཞེས་པ་འདིས་བཤད་སྟངས་རྒྱ་ནག་སྲིད་གཞུང་ལ་མཁོ་གལ་ཆེ་བའི་སྐད་ཆ་རིགས་ཡིན་སྲིད་པས། ཚང་མ་ལོས་བསམ་ཚུལ་བརྗོད་དུས་གཟབ་གཟབ་གནང་རོགས། ད་རེས་ཀྱི་སློབ་མའི་ཁྲོམ་བསྐོར་དེ་རྒྱ་ནག་གི་རྩ་ཁྲིམས་འོག་ནས་ཁེ་དབང་གཞིར་བཞག་གིས་སྲིད་ཇུས་ཤིག་ལ་འགྱུར་བ་གཏོང་ཐབས་ཡིན་པ་ལས་གཞན་གླེང་གི་མེད་པས་ཡིན།
སྐད་ཡིག་ནི་མི་རིགས་ཀྱི་བླ་སྲོག་ཡིན་པས་བླ་སྲོག་གི་ཆེད་དུ་མདུན་སྐྱོད་བྱེད་བཞིན་པའི་རུ་དཔུངས་གསར་བ་རྣམས་མཐོང་ཐེངས་དང་ཐོས་ཐེངས་རེ་རེའི་འཁྱམ་པོ་ངའི་སེམས་ཁམས་ནི་སྨྲ་བརྗོད་ལས་འདས་པ་ཞིག་རེད།
དགའ་ཡང་དགའ་ལ།
སྐྱོ་ཡང་སྐྱོ།
ན་ནིང་ 2008 ལོར་ཆབ་སྲིད་ཀྱི་ངོ་རྒོལ་དེ་ཆོལ་ཁ་གསུམ་ལ་ཁྱབ་པ་རེད། དེས་བོད་ཀྱི་ཆབ་སྲིད་ཀྱི་འཐབ་རྩོད་ལ་གསོན་ཤུགས་གསར་པ་ཞིག་རྒྱས་ཡོད། ད་རེས་སྐད་ཡིག་སློབ་གསོའི་ངོ་རྒོལ་འདི་ཡང་ཆོལ་ཁ་གསུམ་ལ་ཁྱབ་ཐུབ་རྒྱུ་ན། འདིས་བོད་ཀྱི་རིག་གནས་སློབ་གསོའི་གནད་དོན་ལ་གསོན་ཤུགས་གསར་པ་ཞིག་རྒྱས་ངེས་ཡིན།
ད་རེས་ཀྱི་འདི་ཁྲིམས་འགལ་དུ་མི་འགྱུར་བ་དང་། དྲག་ཟིང་དུ་མི་འགྱུར་བ། སྲིད་དོན་དུ་མི་འགྱུར་བའི་སྒོ་ནས་བོད་ཡོངས་ལ་ཁྱབ་ཐུབ་པར་སྨོན།
མདོ་སྨད་མང་ར་རྫོང་གི་བོད་པའི་སློབ་གྲྭ་ཁག་སྤྱི་ཚེས་བཅུ་དགུ་ནས་ཉེན་རྟོག་པ་དང་དམག་མིའི་དམ་དྲག་འོག་སློབ་མ་གཅིག་ཀྱང་ཕྱི་ལོག་ལ་གཏོང་གི་མི་འདུག་ཟེར།
བོད་མི་རིགས་ཀྱི་རིག་གཞུང་གི་ལ་རྒྱ་རྩོད་པའི་ན་གཞོན་སློབ་ཕྲུག་འདི་ཚོའི་སྙིང་སྟོབས་ཀྱིས་བོད་ཕྱི་ནང་གི་མི་དམངས་ཀྱི་ལུས་ངག་ཡིད་གསུམ་ལ་འགུལ་སྐྱོད་ཀྱི་ཚ་རླབས་ཤིག་ཅིས་ཀྱང་འཕྱུར་ངེས་རེད།།
དེ་རིང་སྔ་དྲོ་རེབ་གོང་དགེ་འདུན་ཆོས་འཕེལ་སློབ་གྲྭའི་ནང་སྐད་འབོད་བྱས་འདུག
དངོས་གནས་བོད་མིའི་སྙིང་སྟོབས་ལྷང་ལ་འབུད་ཀི་འདུག བོད་མིའི་རིགས་ཞེན་ལྷང་ལ་འབུད་ཀི་འདུག འདི་ལྟར་སོང་ན་འུ་ཚང་ལ་རེ་བ་ཡོད་པ་འདྲ། མུ་མཐུད་དུ་ངའི་ཨ་མའི་གཅེས་ཕྲུག་ཚོ།
ད་ཐེངས་རྒྱ་ནག་གི་ཁོག་ནག་བཅིང་ནས་བོད་མགོ་ནག་གི་རིག་གཞུང་རྩ་མེད་གཏོང་བའི་ཇུས་ངན་དེ་མངོན་འགྱུར་བྱུང་བ་རེད། ཡང་ཅིག་བཤད་ན་རྒྱ་ནག་གི་ས་གནས་མི་རིགས་རང་སྐྱོང་ཁུལ་དག་ལ་བཟོས་བའི་ཁྲིམས་ལུགས་དེ་དོན་ལ་མ་གནས་བ་རེད། ས་གནས་མི་རིགས་རང་སྐྱོང་ཁུལ་གྱི་ཁེ་ཕན་དང་བཅའ་ཁྲིམས་འདི་སྐྱག་རྫུན་ཡིན་པ་མངོན་གྱུར་བྱུང་བ་རེད། མི་རིགས་ས་ཁུངས་རང་སྐྱོང་ཁུལ་གྱི་ལས་བྱེད་མཐོ་དམན་གང་ཡིན་རང་ས་ཁུལ་དེའི་སྐད་ཡིག་བེད་སྤྱོད་གཏོང་དགོས་ཞེས་བཤད་པ་མ་རེད་དམ།
རྒྱ་ནག་གཞུང་གིས་བོད་སྐད་ཡིག་སྦྱོང་བར་ཚོད་འཛིན་བྱེད་བཞིན་པ་འདི་ནི་གཞིས་ལུས་སྤུན་ཟླ་ཚོ་གཅིག་པུའི་དཀའ་ངལ་མིན་པར་ང་ཚོ་བོད་མི་ཡོད་དོ་ཅོག་གི་སྲོག་རྩ་ལ་ཐུག་ཡོད་སྟབས། ལས་འགུལ་འདི་འདྲ་སྤེལ་ཐེངས་རེར་བསྔགས་བརྗོད་དང་རྗེས་སུ་ཡིད་རིང་ཡོད་ཟེར་བ་གཅིག་པུས་མི་ཕན་པར། གཞུང་གི་ངོས་ནས་ཅི་ཞིག་བྱེད་དགོས་པ་དང་། མི་དམངས་ཚོས་ཅི་ཞིག་བྱེད་དགོས། དགེ་རྒན་ཚོས་ཅི་ཞིག་བྱེད་དགོས། སློབ་ཕྲུག་ཚོས་ཅི་ཞིག་བྱེད་དགོས། གསར་འགོད་པ་དང་རྩོམ་པ་པོ་ཚོས་ཅི་ཞིག་བྱེད་དགོས་སོགས་ཀྱི་བསམ་ཚུལ་བཤད་ཐུབ་ན་བཟང་པར་འདོད། དེ་མིན་བོད་ནང་ལ་ཤི་རྨས་མ་བྱུང་ན་ཁ་ཡ་མི་བྱེད་པའི་བཙན་བྱོལ་བའི་བློ་ཁ་འདི་ངེས་པར་དུ་བསྒྱུར་དགོས་པར་འདོད། མ་མཐའ་ཡང་ཁོ་ཚོར་རྒྱལ་སྐྱོར་ཡོད་པའི་རྣམ་འགྱུར་ཞིག་སྟོན་ཐུབ་དགོས་།
བོད་ནང་གི་སློབ་ཕྲུག་གཞོན་སྐྱེས་དག་གི་སྙིང་སྟོབས་དང་ལྷག་བསམ་ལ་ངག་བརྗོད་དང་ཡི་རིང་ཡོད།
མ་འོང་བ་རེ་བ་དང་ཡིད་ཆེ་བཤད་ས་ཡང་འདི་ཚོ་ཡིན།
སྟོབས་ཤུགས་ཀྱིས་ཡོངས་སུ་བརྟས་པའི་མ་འོངས་པ་དེ་ན་གཞོན་ཚོའི་ལུས་སྟེང་ནས་མཐོང་བྱུང་། ན་གཞོན་ཚོའི་ངག་སྒོ་ནས་ཐོས་བྱུང་། བོད་ཀྱི་ན་གཞོན་ཚོ་རྒྱལ་གྱུར་ཅིག
སློབ་ཕྲུག་ཚོས་ཞུམ་པ་མེད་པའི་སྙིང་སྟོབས་རྗེས་སུ་ཡིད་རིང་ཡོད།
བོད་ཡིག་གི་བདག་དབང་དང་འབྲེལ་བའི་གསར་འགྱུར་འདི་རྩ་ཆེན་པོ་རེད། དོ་སྣང་ངེས་པར་བྱེད་དགོས་པ་ཞིག་རེད། ཡིན་ནའང་། གལ་ཆེ་དོན་ཆེ་བའི་གསར་འགྱུར་འདིའི་ནང་དུའང་ཡིག་ནོར་ཤོར་འདུག འདི་ཚོ་བཟོ་བཅོས་གནང་རོགས། ཡིག་ནོར་ཐེར་འདོན་བྱས་ན་བསམ་ཚུལ་འགོག་གི་ཡོད་ཚུལ་འདུག་པས། ཐེར་འདོན་བྱས་མེད།
ངོ་མ་སློབ་ཕྲུག་དེ་ཚོས་གནས་ལུགས་བཤད་འདིག། མིའི་རིགས་ལ་ཆེས་ཤིན་ཏུ་མཁོ་བ་ནི་རང་ཉིད་ཡིན། རང་ཉིད་ནི་རང་གི་ཆེད་དུ་ཡར་ལངས་དགོས། འདི་ནི་མིའི་རིགས་ཀྱི་རང་གཤིས་རེད། རང་གཤིས་འདིའི་སྣེ་མོ་ཆད་སོང་ན། རང་ཉིད་འཇིག་རྟེན་འདི་དང་ཁ་བྲལ་བ་རེད། རང་ཉིད་གཏན་དུ་ཁ་བྲལ་བ་རེད། དེའི་ཕྱིར་ང་ཚོ་འདི་ལྟར་ནམ་ཡང་འགྲོ་མི་སྲིད། ཅིའི་ཕྱིར་ང་ཚོའི་ཁ་རྩང་གི་གཏམ་རྒྱུད་དང་དེ་རིང་གི་སློབ་ཕྲུག་ཚོས་སེམས་ཤུགས་དང་སྙིང་སྟོབས་ལ་བལྟས་ན་གསལ་བོ་རེད།
སློབ་མ་འདི་ཚོའི་སེམས་ཤུགས་ལ་ངོ་མ་ཡི་རང་ཡོད།
ན་གཞོན་འདི་ཚོའི་སྙིང་སྟོབས་ལ་དངོས་ཉིད་སེམས་གཏིང་ནས་སྔགས་བརྗོད་ཞུ།
རྒྱ་ནག་གཞུང་གི་ཏཱ་ལའི་བླ་མ་རྫོགས་ན་བོད་དོན་རྫོགས་རེ་བྱས་བཞིན་པའི་སྐབས་དེར་ན་གཞོན་འདི་ཚོས་རླབས་ཆེན་གྱི་བྱེད་རྗེས་ཕྱག་ལས་འདི་ལྟར་གནང་བར་བོད་མི་ས་ཡ་དྲུག་གི་ངོ་ཚབ་ཞུ་ནས་འཚམས་འདྲི་དང་འདོད་དོན་མྱུར་འགྲུབ་ཡོང་བའི་སྨོན་འདུན་ཞུ།
༡༩༨༤ལོའི་ཟླ༥ཚེས༣༡ཉིན་རྒྱལ་ཡོངས་མི་དམངས་འཐུས་མིའི་ཚོགས་ཆེན་སྐབས་དྲུག་པའི་གྲོས་ཚོགས་ཐེངས་གཉིས་པའི་ཐོག་གྲོས་འཆམ་བྱུང་ཞིང༌། ༢༠༠༡ལོའི་ཟླ་༢ ཚེས་༢༨ཉིན་རྒྱལ་ཡོངས་མི་དམངས་འཐུས་མིའི་ཚོགས་ཆེན་སྐབས་དགུ་བའི་རྒྱུན་ལས་ཨུ་ཡོན་ལྷན་ཁང་གི་གྲོས་ཚོགས་ཐེངས་ཉི་ཤུ་བའི་ཐོག་བཞག་པའི་མི་རིགས་ས་ཁོངས་རང་སྐྱོང་བྱེད་ཕྱོགས་སྐོར་གྱི་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་བཅའ་ཁྲིམས་ལ་བཟོ་བཅོས་རྒྱག་རྒྱུའི་སྐོར་གྱི་ཆོད་དོན་ལྟར་བཟོ་བཅོས་བརྒྱབ་ཡོད།
དོན་ཚང་དང་པོ། མི་རིགས་ས་ཁོངས་རང་སྐྱོང་བྱེད་ཕྱོགས་སྐོར་གྱི་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་བཅའ་ཁྲིམས་འདི་ནི་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་རྩ་ཁྲིམས་གཞིར་བཟུང་ནས་གཏན་ལ་ཕབ་པ་ཡིན།
དོན་ཚན་བཅུ་པ། མི་རིགས་རང་སྐྱོང་ས་གནས་ཀྱི་རང་སྐྱོང་ལས་ཁུངས་ཀྱིས་ས་གནས་དེ་གའི་མི་རིགས་ཁག་ཚང་མར་རང་ཉིད་ཀྱི་སྐད་ཡིག་བེད་སྤྱོད་དང་དར་རྒྱས་སུ་གཏོང་བའི་རང་དབང་ཡོད་པ་དང༌། རང་ཉིད་ཀྱི་ཡུལ་སྲོལ་གོམས་གཤིས་སྔར་མུས་འཛིན་པའམ་བསྒྱུར་བཅོས་བྱེད་པའི་རང་དབང་ཡོད་པར་འགན་སྲུང་བྱ་རྒྱུ།ཞེསབཀོད་འདུག
ཁ་དོན་ཚིག་ལ་མ་གནས་པའི་མི་ངན་དང་རྩ་ཁྲིམས་ལག་ལེན་མེད་པའི་རྒྱལ་ངན་ཀྲུང་གོ་བ་ལ་ངོ་ཚ་རྒྱུ་ཡོད་དམ། ངས་བལྟས་ན་ངོ་ཚ་རྒྱུ་མེད། འདི་ནི་ཀྲུང་གོ་བའི་རྒྱུན་ལྡན་གྱི་བེད་སྤྱོད་བཏང་སྟངས་ཤིག་རེད།
ཐུགས་རྗེ་ཆེ་ཞུ།
གནས་ཚུལ་དུས་ལྟར་བཀོད་པར་ཐུགས་རྗེ་ཆེ། ཡིན་ནའང་ཡིག་ནོར་གཏག་ནོར་དག་ལ་དོན་སྣང་ཞིག་བྱ་རོགས། ཐུགས་རྗེ་ཆེ།