བོད་ཡིག་གི་བདག་དབང་ཕྱིར་སྤྲོད་རོཊ།

དྲ་མཁན་ཨ་ཕོ་སྨར་དྷཱིཿཟེར་ཞེས་པ་འདིས་བཤད་སྟངས་རྒྱ་ནག་སྲིད་གཞུང་ལ་མཁོ་གལ་ཆེ་བའི་སྐད་ཆ་རིགས་ཡིན་སྲིད་པས། ཚང་མ་ལོས་བསམ་ཚུལ་བརྗོད་དུས་གཟབ་གཟབ་གནང་རོགས། ད་རེས་ཀྱི་སློབ་མའི་ཁྲོམ་བསྐོར་དེ་རྒྱ་ནག་གི་རྩ་ཁྲིམས་འོག་ནས་ཁེ་དབང་གཞིར་བཞག་གིས་སྲིད་ཇུས་ཤིག་ལ་འགྱུར་བ་གཏོང་ཐབས་ཡིན་པ་ལས་གཞན་གླེང་གི་མེད་པས་ཡིན།

ན་ནིང་ 2008 ལོར་ཆབ་སྲིད་ཀྱི་ངོ་རྒོལ་དེ་ཆོལ་ཁ་གསུམ་ལ་ཁྱབ་པ་རེད། དེས་བོད་ཀྱི་ཆབ་སྲིད་ཀྱི་འཐབ་རྩོད་ལ་གསོན་ཤུགས་གསར་པ་ཞིག་རྒྱས་ཡོད། ད་རེས་སྐད་ཡིག་སློབ་གསོའི་ངོ་རྒོལ་འདི་ཡང་ཆོལ་ཁ་གསུམ་ལ་ཁྱབ་ཐུབ་རྒྱུ་ན། འདིས་བོད་ཀྱི་རིག་གནས་སློབ་གསོའི་གནད་དོན་ལ་གསོན་ཤུགས་གསར་པ་ཞིག་རྒྱས་ངེས་ཡིན།
ད་རེས་ཀྱི་འདི་ཁྲིམས་འགལ་དུ་མི་འགྱུར་བ་དང་། དྲག་ཟིང་དུ་མི་འགྱུར་བ། སྲིད་དོན་དུ་མི་འགྱུར་བའི་སྒོ་ནས་བོད་ཡོངས་ལ་ཁྱབ་ཐུབ་པར་སྨོན།

བོད་མི་རིགས་ཀྱི་རིག་གཞུང་གི་ལ་རྒྱ་རྩོད་པའི་ན་གཞོན་སློབ་ཕྲུག་འདི་ཚོའི་སྙིང་སྟོབས་ཀྱིས་བོད་ཕྱི་ནང་གི་མི་དམངས་ཀྱི་ལུས་ངག་ཡིད་གསུམ་ལ་འགུལ་སྐྱོད་ཀྱི་ཚ་རླབས་ཤིག་ཅིས་ཀྱང་འཕྱུར་ངེས་རེད།།

དངོས་གནས་བོད་མིའི་སྙིང་སྟོབས་ལྷང་ལ་འབུད་ཀི་འདུག བོད་མིའི་རིགས་ཞེན་ལྷང་ལ་འབུད་ཀི་འདུག འདི་ལྟར་སོང་ན་འུ་ཚང་ལ་རེ་བ་ཡོད་པ་འདྲ། མུ་མཐུད་དུ་ངའི་ཨ་མའི་གཅེས་ཕྲུག་ཚོ།

རྒྱ་ནག་གཞུང་གིས་བོད་སྐད་ཡིག་སྦྱོང་བར་ཚོད་འཛིན་བྱེད་བཞིན་པ་འདི་ནི་གཞིས་ལུས་སྤུན་ཟླ་ཚོ་གཅིག་པུའི་དཀའ་ངལ་མིན་པར་ང་ཚོ་བོད་མི་ཡོད་དོ་ཅོག་གི་སྲོག་རྩ་ལ་ཐུག་ཡོད་སྟབས། ལས་འགུལ་འདི་འདྲ་སྤེལ་ཐེངས་རེར་བསྔགས་བརྗོད་དང་རྗེས་སུ་ཡིད་རིང་ཡོད་ཟེར་བ་གཅིག་པུས་མི་ཕན་པར། གཞུང་གི་ངོས་ནས་ཅི་ཞིག་བྱེད་དགོས་པ་དང་། མི་དམངས་ཚོས་ཅི་ཞིག་བྱེད་དགོས། དགེ་རྒན་ཚོས་ཅི་ཞིག་བྱེད་དགོས། སློབ་ཕྲུག་ཚོས་ཅི་ཞིག་བྱེད་དགོས། གསར་འགོད་པ་དང་རྩོམ་པ་པོ་ཚོས་ཅི་ཞིག་བྱེད་དགོས་སོགས་ཀྱི་བསམ་ཚུལ་བཤད་ཐུབ་ན་བཟང་པར་འདོད། དེ་མིན་བོད་ནང་ལ་ཤི་རྨས་མ་བྱུང་ན་ཁ་ཡ་མི་བྱེད་པའི་བཙན་བྱོལ་བའི་བློ་ཁ་འདི་ངེས་པར་དུ་བསྒྱུར་དགོས་པར་འདོད། མ་མཐའ་ཡང་ཁོ་ཚོར་རྒྱལ་སྐྱོར་ཡོད་པའི་རྣམ་འགྱུར་ཞིག་སྟོན་ཐུབ་དགོས་།

སྟོབས་ཤུགས་ཀྱིས་ཡོངས་སུ་བརྟས་པའི་མ་འོངས་པ་དེ་ན་གཞོན་ཚོའི་ལུས་སྟེང་ནས་མཐོང་བྱུང་། ན་གཞོན་ཚོའི་ངག་སྒོ་ནས་ཐོས་བྱུང་། བོད་ཀྱི་ན་གཞོན་ཚོ་རྒྱལ་གྱུར་ཅིག

བོད་ཡིག་གི་བདག་དབང་དང་འབྲེལ་བའི་གསར་འགྱུར་འདི་རྩ་ཆེན་པོ་རེད། དོ་སྣང་ངེས་པར་བྱེད་དགོས་པ་ཞིག་རེད། ཡིན་ནའང་། གལ་ཆེ་དོན་ཆེ་བའི་གསར་འགྱུར་འདིའི་ནང་དུའང་ཡིག་ནོར་ཤོར་འདུག འདི་ཚོ་བཟོ་བཅོས་གནང་རོགས། ཡིག་ནོར་ཐེར་འདོན་བྱས་ན་བསམ་ཚུལ་འགོག་གི་ཡོད་ཚུལ་འདུག་པས། ཐེར་འདོན་བྱས་མེད།

སློབ་མ་འདི་ཚོའི་སེམས་ཤུགས་ལ་ངོ་མ་ཡི་རང་ཡོད།

༡༩༨༤ལོའི་ཟླ༥ཚེས༣༡ཉིན་རྒྱལ་ཡོངས་མི་དམངས་འཐུས་མིའི་ཚོགས་ཆེན་སྐབས་དྲུག་པའི་གྲོས་ཚོགས་ཐེངས་གཉིས་པའི་ཐོག་གྲོས་འཆམ་བྱུང་ཞིང༌། ༢༠༠༡ལོའི་ཟླ་༢ ཚེས་༢༨ཉིན་རྒྱལ་ཡོངས་མི་དམངས་འཐུས་མིའི་ཚོགས་ཆེན་སྐབས་དགུ་བའི་རྒྱུན་ལས་ཨུ་ཡོན་ལྷན་ཁང་གི་གྲོས་ཚོགས་ཐེངས་ཉི་ཤུ་བའི་ཐོག་བཞག་པའི་མི་རིགས་ས་ཁོངས་རང་སྐྱོང་བྱེད་ཕྱོགས་སྐོར་གྱི་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་བཅའ་ཁྲིམས་ལ་བཟོ་བཅོས་རྒྱག་རྒྱུའི་སྐོར་གྱི་ཆོད་དོན་ལྟར་བཟོ་བཅོས་བརྒྱབ་ཡོད།
　དོན་ཚང་དང་པོ། མི་རིགས་ས་ཁོངས་རང་སྐྱོང་བྱེད་ཕྱོགས་སྐོར་གྱི་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་བཅའ་ཁྲིམས་འདི་ནི་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་རྩ་ཁྲིམས་གཞིར་བཟུང་ནས་གཏན་ལ་ཕབ་པ་ཡིན།
དོན་ཚན་བཅུ་པ། མི་རིགས་རང་སྐྱོང་ས་གནས་ཀྱི་རང་སྐྱོང་ལས་ཁུངས་ཀྱིས་ས་གནས་དེ་གའི་མི་རིགས་ཁག་ཚང་མར་རང་ཉིད་ཀྱི་སྐད་ཡིག་བེད་སྤྱོད་དང་དར་རྒྱས་སུ་གཏོང་བའི་རང་དབང་ཡོད་པ་དང༌། རང་ཉིད་ཀྱི་ཡུལ་སྲོལ་གོམས་གཤིས་སྔར་མུས་འཛིན་པའམ་བསྒྱུར་བཅོས་བྱེད་པའི་རང་དབང་ཡོད་པར་འགན་སྲུང་བྱ་རྒྱུ།ཞེསབཀོད་འདུག

ཁ་དོན་ཚིག་ལ་མ་གནས་པའི་མི་ངན་དང་རྩ་ཁྲིམས་ལག་ལེན་མེད་པའི་རྒྱལ་ངན་ཀྲུང་གོ་བ་ལ་ངོ་ཚ་རྒྱུ་ཡོད་དམ། ངས་བལྟས་ན་ངོ་ཚ་རྒྱུ་མེད། འདི་ནི་ཀྲུང་གོ་བའི་རྒྱུན་ལྡན་གྱི་བེད་སྤྱོད་བཏང་སྟངས་ཤིག་རེད།

གནས་ཚུལ་དུས་ལྟར་བཀོད་པར་ཐུགས་རྗེ་ཆེ། ཡིན་ནའང་ཡིག་ནོར་གཏག་ནོར་དག་ལ་དོན་སྣང་ཞིག་བྱ་རོགས། ཐུགས་རྗེ་ཆེ།