མདུན་ངོས།
About Us
  • English
Advertisement
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
English
No Result
ཆ་ཚང་གཟིགས།

བོད་ཀྱི་རྩོམ་པ་པོ་ཉེར་བདུན་གྱི་འབོད་སྐུལ།

བོད་ཀྱི་དུས་བབ།
༢༠༡༠/༡༠/༢༣
Share on FacebookShare on TwitterShare on EmailShare on Whatsapp

མཚོ་སྔོན་ཞིང་ཆེན་སྲིད་གཞུང་དང་སློབ་གསོ་ཐུན།

རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱི་མི་རིགས་ས་ཁོངས་རང་སྐྱོང་བྱེད་ཕྱོགས་སྐོར་ཀྱི་རྩ་ཁྲིམས་དོན་ཚན་བཅུ་པའི་ནང་《མི་རིགས་རང་སྐྱོང་ས་གནས་ཀྱི་རང་སྐྱོང་ལས་ཁུངས་ཀྱིས་ས་གནས་དེ་གའི་མི་རིགས་ཁག་ཚང་མར་རང་ཉིད་ཀྱི་སྐད་ཡིག་བེད་སྤྱོད་དང་དར་རྒྱས་སུ་གཏོང་བའི་རང་དབང་ཡོད་པ་དང༌། རང་ཉིད་ཀྱི་ཡུལ་སྲོལ་གོམས་གཤིས་སྔར་མུས་འཛིན་པའམ་བསྒྱུར་བཅོས་བྱེད་པའི་རང་དབང་ཡོད་པར་འགན་སྲུང་བྱ་རྒྱུ།》ཞེས་བརྗོད་དོན་ལྟར།  བོད་རིགས་ས་ཁུལ་ཁག་གི་ས་གནས་རང་སྐྱོང་ཁག་ལ་མི་རིགས་རང་ཉིད་ཀྱི་སྐད་ཡིག་ལག་བསྟར་བྱེད་རྒྱུའི་དབང་ཚད་ཆ་ཚང་ཡོད་ཆོག་པ་ཡིན་ན་ཐེངས་འདིར་བཙན་དབང་གིས་མཚོ་ལྷོ་བོད་རིགས་རང་སྐྱོང་ཁུལ།  རྨ་ལྷོ་བོད་རིགས་རང་སྐྱོང་ཁུལ།  མགོ་ལོག་བོད་རིགས་རང་སྐྱོང་ཁུལ་སོགས་མི་རིགས་ས་གནས་རང་སྐྱོང་ཁུལ་ཁག་ཅིག་གི་ནང་བཙན་གྱིས་བོད་རང་ཉིད་ཀྱི་སྐད་ཡིག་བེད་མེད་དུ་གཏོང་བཞིན་པ་འདི་ནི་རྒྱ་ནག་རང་གི་རྩ་ཁྲིམས་དང་འགལ་ཡོད་པ་མ་ཟད་ཁྱེད་ཅག་གིས་བརྗོད་བཞིན་པའི་ཡང་དག་པའི་ཀྲུང་གོའི་བྱ་གཞག་དང་འགལ་འདུག་པས་ཐོལ་བྱུང་གི་སྲིད་བྱུས་འདི་དག་གང་མགྱོགས་ཕྱིར་འཐེན་བྱེད་རྒྱུར་ང་ཚོས་འབོད་སྐུལ་ཞུ་བཞིན་ཡོད།

      དེ་མིན་མུ་མཐུད་གནད་དོན་འདི་ཐག་གཅོད་བྱེད་མ་ཐུབ་པར་རྒྱུན་མཐུད་དུ་གནས་ཚེ་མི་རིགས་དང་སྐད་རིགས་འཆམ་མཐུན་ལ་གནོད་སྐྱོན་ཚབས་ཆེན་ཐེབས་ངེས་ཡིན་པ་སྨྲོས་མེད་ཡིན།  སློབ་གསོ་བཅོས་བསྒྱུར་དང་འཕེལ་རྒྱས་གྱི་འཆར་འགོད་རྩ་གནད་ཅེས་པའི་ནང་《༢༠༡༥ལོར་སླེབས་ཚེ། སློབ་ཆུང་ཁག་ཏུ་རྒྱལ་ཁབ་ཀྱི་ཐུན་མོང་དུ་སྤྱོད་པའི་སྐད་དང་ཡི་གེ་གཙོ་བོ་བྱ་རྒྱུ་དང༌།  མི་རིགས་རང་གི་སྐད་དང་ཡི་གེ་ཕལ་བར་བཞག་ནས་༼སྐད་གཉིས༽ཀྱི་སློབ་ཁྲིད་བྱ་རྒྱུ་ལག་ལེན་དུ་བསྟར་དགོས། དེ་དང་འགྲོས་མཉམ་གྱིས་གྲངས་ཉུང་མི་རིགས་ཀྱི་སློབ་འབྲིང་སློབ་མ་ཚོར་རྒྱལ་ཁབ་ཀྱི་ཐུན་མོང་དུ་སྤྱོད་པའི་སྐད་དང་ཡི་གེ་སློབ་ཁྲིད་བྱ་རྒྱུ་》ཞེས་འཁོད་པའི་མི་རིགས་རང་ཉིད་ཀྱི་སྐད་ཡིག་རྨེག་མེད་དུ་གཏོང་འདོད་ཀྱི་ཡིག་ཆ་འདིར་ངོ་རྒོལ་མཐའ་གཅིག་ཏུ་བྱ་རྒྱུ་ཡིན།   

      རྩོམ་པ་པོ་ཞིག་གི་ངོས་ནས་བརྗོད་ན་སྐད་ཡིག་ནི་མི་རིགས་ཤིག་གི་མཚོན་དོན་གཙོ་བོ་ཡིན་པས་མི་རིགས་དེ་ཉིད་ཀྱི་ཤི་གསོན་སྐད་ཡིག་གི་ཚེ་སྲོག་ལ་ཐུག་ཡོད་པར་འདོད་ཀྱི་ཡོད་ན།  སྐད་ཡིག་མེད་པར་བཟོ་བ་ནི་མི་རིགས་མེད་པར་བཟོ་འདོད་ཡིན་པས་འདི་ལྟར་མུ་མཐུན་དུ་ཕྱིན་ཚེ་ཀྲུང་ཧཱ་རྒྱལ་ཁབ་ཀྱིས་ནམ་རྒྱུན་བརྗོད་བཞིན་པའི་གྲངས་ཉུང་མི་རིགས་སྲུང་སྐྱོབས་ཅེས་པ་སྟོང་བཤད་དུ་འགྱུར་ཉེན་ཆེ་བས་ཀྲུང་ཧྭ་རྒྱལ་ཁབ་ཀྱིས་རང་ཉིད་ཀྱི་རྩ་ཁྲིམས་སྣང་མེད་ལ་མི་འཇོག་པ་ང་ཚོའི་རེ་བ་བྱེད་ཀྱི་ཡོད། 

 

ཕྱི་ལོ་༢༠༡༠ཟླ ༡༠ ཚེས་༢༣ ཉིན་ཕྱི་སྡོད་བོད་ཀྱི་རྩོམ་པ་པོ་སྐོར་ཞིག་ནས།

 

མཚན་རྟགས་བཀོད་མཁན་རྩོམ་པ་པོ་རྣམས་ཀྱི་མཚན་གཞུང་གཤམ་གསལ།

 

ཤིང་བཟའ་རིན་པོ་ཆེ།                           ༼ རྩོམ་པ་པོ།  རྒྱ་གར་ལྷོ་ཕྱོགས།༽

སྤྲེལ་ནག་པ་བློ་གྲོགས་དཔལ་བཟང་།        ༼ཉམས་ཞིབ་པ། ནོར་གླིང་།༽ 

མཁན་པོ་ངག་དབང་རྡོ་རྗེ།                     ༼ ཉམས་ཞིབ་པ། ཨ་རི། ༽

བསྟན་འཛིན་བརྩོན་འགྲུས།                    ༼ སྙན་ངག་པ།  རྡ་རམ་ས་ལ།༽

བུ་ཆུང་བསོད་ནམས།                            ༼རྩོམ་པ་པོ། རྡ་རམ་ས་ལ།༽

བཅུད་པར་གཡང་ཁོ་རྒྱལ།                      ༼ རྩོམ་པ་པོ།  རྡ་རམ་ས་ལ།༽

ཨ་འཇམ།                                          ༼མཐོ་སློབ་དགེ་རྒན།  སྦེང་ལོར།༽    

ལྷ་སྡེ་གནམ་ལོ་ཡག                              ༼ རྩོམ་པ་པོ། ཨོ་སའི་ཌིར་ལེ་ཡ། ༽   

ལྕགས་མོ་མཚོ།                                     ༼ སྙན་ངག་པ།   ཨ་རི། ༽

གཟུངས་ཕྱུག་སྐྱིད།                                 ༼ སྙན་ངག་པ།  རྡ་རམ་ས་ལ། ༽  

སྟག་ལྷ་རྒྱལ།                                        ༼ གསར་འགྱུར་ལས་མི།  ཨ་རི། ༽

སྐྱེས་སར་ཀླུ་སྒྲུབ།                                    ༼ ཉམས་ཞིབ་པ། ཡུ་རོབ། ༽

འཇུ་བསྟན་སྐྱོངས།                                 ༼ རྩོམ་པ་པོ།   རྡ་རམ་ས་ལ། ༽

བྱ་དོར་ཕུན་ཚོགས་དབང་ཕྱུག                   ༼ སྙན་ངག་པ།  རྡ་རམ་ས་ལ། ༽ 

ཨ་འབྲུག་དཀོན་མཆོག                            ༼ ཉམས་ཞིབ་པ། ས་རཱ། ༽ 

སྒྲོལ་དཀར་སྐྱབས།                                   ༼ མཐོ་སློབ་འགན་འཛིན།  ནོར་གླིང་། ༽      

སྤྲོ་ཚིགས་ཆོས་གྲགས།                              ༼ཉམས་ཞིབ་པ། རྡ་རམ་ས་ལ།༽         

 རེ་མདོ་སེང་གེ                                      ༼ མཐོ་སློབ་དགེ་རྒན།  རྡ་རམ་ས་ལ༽       

ཚེ་རིང་དབང་མོ།                                    ༼ སྙན་ངག་པ།  ཨ་རི། ༽             

 ཚེ་རིང་རྒྱལ།                                         ༼ གསར་འགོད་པ།  རྡ་རམ་ས་ལ། ༽          

བྱ་ཁོག་ལོ་བྷེ།                                         ༼ རྩོམ་པ་པོ། ཡུ་རོབ། ༽                  

གངས་ལྷ་མོ།                                          ༼རྩོམ་པ་པོ། རྡ་རམ་ས་ལ༽               

ལྷ་ཆབ་སྦྱིན་པ།                                       ༼ སྙན་ངག་པ།  རྡ་རམ་ས་ལ། ༽         

ཀེ་ཐོ།                                                    ༼ གསར་འགོད་པ  ཨ་རི།  ༽            

ལྷ་ལུང་རྒྱལ།                                            ༼ མཐོ་སློབ་དགེ་རྒན།  ནོར་གླིང་།  ༽        

ཙོང་ཁ་ཚེ་བརྟན་རྒྱལ།                                ༼ རྩོམ་པ་པོ།  རྡ་རམ་ས་ལ། ༽          

འབྲོག་རི་ཆོས་གྲགས།                                 ༼སྐད་ཡིག་ཚགས་པར་རྩོམ་སྒྲིག་པ། རྡ་རམ་ས་ལ༽

འབྲེལ་ཡོད་གསར་འགྱུར།

Mobile App

བཙན་འོག་གི་གྲོས་མཐུན་དོན་ཚན་ ༡༧ ནུས་མེད་ཆགས་པ་རྒྱལ་སྤྱིའི་ཐོག་ཁ་གསལ་བཟོ་དགོས།

ཆུ་ཚོད་ ༡༦ སྔོན་ལ།
དབྱིན་ཇིའི་རྒྱལ་ཁབ་སི་ཀོ་ཊི་ལན་ཌིས་༧གོང་ས་མཆོག་གི་ཡང་སྲིད་ཀྱི་གནད་དོན་ཐད་ལངས་ཕྱོགས་གསལ་བོ་བཟོས་འདུག བོད་ཀྱི་དུས་བབ་གསར་ཁང་གིས་པར་སྒྲིག་སྦྱོར་བྱས། ༢༠༢༥།༥།༢༣
Mobile App

སི་ཀོ་ཊི་ལན་ཌིས་༧གོང་ས་མཆོག་གི་ཡང་སྲིད་ཀྱི་བདག་དབང་ཐད་ལངས་ཕྱོགས་བརྟན་པོ་བཟོས་འདུག

ཆུ་ཚོད་ ༡༦ སྔོན་ལ།
ཧཱ་ཝར་ཌི་གཙུག་ལག་སློབ་གཉེར་ཁང་། དྲ་ལམ་གྱི་པར།
Mobile App

ཧཱ་ཝར་ཌི་གཙུག་ལག་སློབ་གྲྭར་རྒྱལ་སྤྱིའི་སློབ་མ་བཀག་སྡོམ་གནང་འཆར་ཡོད་འདུག

ཆུ་ཚོད་ ༢༠ སྔོན་ལ།
དྷ་ས་ས་གནས་མགོ་འཛིན་དཀོན་མཆོག་མིག་དམར། དུས་བབ་ཀྱི་པར། ༢༠༢༢།༦།༤
Mobile App

དཀོན་མཆོག་མིག་དམར་ལགས་བསྐྱར་དུ་དྷ་ས་ས་གནས་མགོ་འཛིན་དུ་འདེམས་ཐོན་བྱུང་།

ཆུ་ཚོད་ ༢༡ སྔོན་ལ།
བོད་ཀྱི་གནས་མཆོག་གངས་རིན་པོ་ཆེ། དྲ་ལམ་གྱི་པར།
Mobile App

རྒྱ་གར་གྱི་གནས་མཇལ་བ་ ༧༥༠ གངས་རིན་པོ་ཆེར་གནས་མཇལ་དུ་གཏང་རྒྱུ་ཡིན་འདུག 

༢༠༢༥/༠༥/༢༢
༸གོང་ས་མཆོག གསར་འགྱུར།

ཡེ་ཤུ་ཆོས་དཔོན་ཕོབ་ལེའོ་མཆོག་ལ་༧གོང་ས་མཆོག་དང་ལྷན་དུ་མགྱོགས་མྱུར་མཇལ་འཕྲད་གནང་བའི་འབོད་སྐུལ་ཞུས།

༢༠༢༥/༠༥/༢༢

མཆན། 19

  1. ཁ་བ་སྐམ་པོ། says:
    ལོ་ 15 སྔོན།

    ཕྱི་ལོག་གི་རྩོམ་པ་པོ་ཉེར་བདུན་གྱིས་འབོད་སྐུལ་ལ་དབྱེ་ཞིབ་ཆེན་པོ་མེད་པ་ཞིག་རེད་མོད། ང་ཚོས་ཁ་རྒྱགས་པ་བཤད་ནས་འདུག་མི་ཉན། ཡང་གཅིག་བཤད་ན་ང་ཚོ་ཀྲུང་ཧྭ་མི་རིགས་ཀྱི་རྩ་ཁྲིམས་སྒྲོམ་གཞིའི་འོག་འགྲོ་གི་ཡིན་ཟེར་བ་མིན་ནམ།
    དྲ་འབུ་ཁ་ཅིག་གི་རྒྱ་ནག་གི་ཁྲིམས་འཁུར་མ་འདོད་ནས་ཡོང་བ་ཡིན་པའི་དེ་ལ་
    ཅིག་བཤད་པའི་དབང་ཆ་མེད་ཟེར་བ་ནི།
    ང་རང་ཚོའི་རྩ་དོན་མ་ཤེས་བ་ཡིན་པའི་དགོད་རྒྱུ་ཡོང་ག
    ད་དུང་འགྲོ་བ་མའི་ཐོབ་ཐང་ཕྱོགས་ལ་ཡང་བསམ་བློ་གཏོང་མ་མྱོང་བ་ཞིག་རེད་འདུག་ན་ཁྱི་ཁ་བཙུམ་རོགས།

    Reply
  2. ཀུན་དགའ། says:
    ལོ་ 15 སྔོན།

    ཚེ་རིང་དབང་མོ། ༼ སྙན་ངག་པ། ཨ་རི། ༽ཟེར་བ་དེ་ཨ་རིར་ཡོད་པའི་བོད་ཀྱི་མཛེས་མ་ཚེ་རིང་སྐྱིད་ཟེར་བ་རེད་དམ།   དྲ་གྲོགས་ཚོས་ཤེས་ན་ལན་ཞིག་གནང་རོགས།   ང་རྡ་སར་སླེབས་དུས་མོ་རང་ཕྱི་རྒྱལ་དུ་ཕྱིན་ཚར་འདུག   ངས་ནམ་རྒྱུན་མོ་རང་གིས་གཙོ་སྐྱོང་བྱེད་བཞིན་པའི་དྲ་སྣང་གི་བོད་ཅེས་པར་ལྟ་གིན་ཡོད།   
    རྒྱུ་མཚན་གཙོ་བོ་ངས་མོ་ལ་སྐད་ཆ་ཞིག་འདྲི་འདོད་ཡོད།   མོས་དྲ་སྣང་གི་བོད་ཅེས་ཟེར་གྱིན་ཡོད་པ་མ་ཟད།   བརྙན་འཕྲིན་ཐོག་དྲ་སྣང་གི་བོད་ཅེས་བྲིས་འདུག   ངས་བལྟས་ན་དྲ་ནང་གི་བོད་ཨེ་ཡིན་ནམ་བསམ་གྱི་འདུག      དེ་ཤེས་མཁན་ཡོད་ན་ལན་ཞིག་གནང་རོགས།   ངའི་དྲི་བ་འདི་སྐབས་སུ་མ་བབ་པ་ཞིག་ཡིན་ན།   དྲ་གྲོགས་ཚོས་ང་ལ་བཀའ་བཀྱོན་གནོངས་དང་ཆོག   

    Reply
  3. བསང་ཆུ་འབྲུག་བྷེ། says:
    ལོ་ 15 སྔོན།

    ད་ཐེངས་བོད་ནང་གི་སློབ་གསོའི་ལས་འགུལ་འདིར་ཁྲོམ་སྐོར་གྱི་རྣམ་པ་ཞིག་དང་། ཕྱི་ཕྱོགས་གོ་སྐབས་རིང་ལུགས་པ་ཁ་ཤས་ཀྱིས་དྲིལ་སྒྲོག་བྱས་པའི་ཁ་གཡང་ཙམ་ལས།་ཉམས་ང་བའི་བོད་ཀྱི་སློབ་གསོའི་ཐད་ལ་རེ་བ་ཞིག་ཡོང་རྒྱུ་མཐོང་དཀའ། དྲན་དབང་པན་ཆེན་སྐུ་ཕྲེང་བཅུ་བ་ཆེན་མོ་སྐུ་གཤེགས་པ་ནས་བཟུང་བོད་ནང་གི་སློབ་གསོ་དེ་དབང་བོ་སྐྱོན་ཅན་གྱི་མི་ནུས་མེད་ལྟ་བུ་ཞིག་ཆགས་ཡོད། བཀུར་འོས་གོང་གི་རྩོམ་པ་བོ་རྣམ་གྱི་ལྷག་བསམ་ལ་ཡི་རངས་ཞུ་འོས་མོ།འོན་ཀྱང་སློབ་གསོའི་ལས་དོན་འདིའི་ཐད་ཕྱི་ནས་རྣམ་འགྱུར་མ་བསྟན་ན་ཡག།

    Reply
  4. འཇམ་མགོན། says:
    ལོ་ 15 སྔོན།

    ཡག་པོ་རེད། གང་ལྟར་རང་རང་ས་ནས་གཅིག་གླེང་དགོས་པ་རེད། འདི་ལྟར་ཚང་མས་བྱས་ན་རྒྱ་ནག་ལ་སུན་གཙེར་ཅུང་ཡོད་ངེས། ར་མ་འཕག་ནས་རྫ་མ་མི་ཆག ཙི་གུ་རྒྱུག་ནས་བྱང་ལམ་མི་ཆོད་ཟེར་སྲོལ་ཡོད་མོད་གང་ལྟར་ང་ཚོའི་གཅིག་བསྒྲུབ་དགོས་པ་ཡིན། ཁ་བཤད་ལག་ལ་འཁྱོལ་དགོས་པ་དེ་གལ་ཆེན་ཡིན།

    Reply
  5. ཚེ་རིང་བཀྲ་ཤིས། says:
    ལོ་ 15 སྔོན།

    བཙན་བྱོལ། ཡིག་ནོར་དོན་ནོར་མེད་པ་ཞིག་སོགས་མང་བོ་ཞིག་ཆད་འདུག་པས། དགོངས་འགལ་མེད་པར་ཞུ

    Reply
  6. ཚེ་རིང་བཀྲ་ཤིས། says:
    ལོ་ 15 སྔོན།

    ང་ཚོའི་ངོས་ནས་ལྷག་བསམ་ཟོལ་མེད་ཀྱིས་སློབ་ཕྲུག་ཚོར་རྒྱབ་སྐྱོར་བྱ་འོས་པ་ཞིག་རེད། འོན་ཀྱང་། ཕལ་ཆེར་རྩོམ་པ་འདི་དག་མིང་གཞུང་ལ་བལྟས་ན་ངོ་རང་མི་ངོ་ཤེས་སྐོར་ཞིག་གི་མིང་ཐོ་བྲིས་ཏེ་བཙན་བྱོལ་རྩོམ་པ་པོ་དག་གི་ཚབ་ལྟ་བུ་ཞིག་ཡིན་བཟོ་བསྟན་འདུག དེ་ནི་ཧམ་ཆེ་དྲགས་པ་རེད། བཙན་བྱོལ་གཞུང་ན་འདི་དག་ལས་རྩོམ་པ་པོ་མེད་ད་ཚར་འདུག སྤྲེལ་ནག་པ་ནི་དངོས་གནས་བོད་རིག་པའི་གནས་ལ་བྱང་ཆུབ་པའི་ངེས་དོན་གྱི་རྩོམ་པོ་ཡིན་རབས་འདུག གང་ལྟར་འདི་དག་བཙན་རྩོམ་པ་པོའི་ཚབ་བྱེད་བསམ་ན་སྙན་ཞུ་འདི་ཕྱིར་འཐེན་བྱས་ཏེ་ཡིག་ནོར་དོན་མེད་པའི་གསལ་བོ་དག་པོ་ཞིག་བྲིས་ན་ཡག་པོ་འདུག དེ་མིན་མགོ་བདེ་ངང་གོ་སྐབས་བཙལ་ཏེ་སྔོན་ཐོན་གྱི་བཟོ་སྟོན་ཚུལ་ནི་ཐབས་སྐྱོ་བོ་ཞེ་དྲག་རེད།

    Reply
  7. ཀུན་དགའ། says:
    ལོ་ 15 སྔོན།

    བོད་ཀྱི་རྩོམ་པ་པོ་ཉེར་བདུན་བརྫས་ན་ཅུང་ཆེ་དྲག་འདུག་མོད།  གང་ལྟར་བསམ་བློ་ཞིག་བཏང་ནས་ལས་ཀ་ཞིག་བྱས་འདུག་པས་རྗེས་སུ་ཡི་རངས་ཡོད།   ཡིན་ན་ཡང་ང་ཚོ་ཕྱིར་སྡོད་བོད་མི་རྣམས་ཀྱིས་ད་ཐེངས་བོད་ཀྱི་སློབ་མའི་ལས་འགུལ་འདི་ལ་གཟབ་གཟབ་བྱས་ནས་རྒྱབ་སྐྱོར་བྱེད་དགོས།   རྒྱབ་སྐྱོར་བྱེད་སྟངས་མ་ཤེས་ན་ཕན་ལས་གནོད་ཆེ་བས་ངེས་པར་གཟོབས་ཤིག   དེ་རིང་ངས་ཁྱེད་ཅག་གི་ལས་ཀར་འགྲིག་མ་འགྲིག་གང་ཡང་ཟེར་གྱི་མེད།   རྗེས་ཕྱོགས་ལྟ་གི་ཡིན།   བོད་ནང་གཅེས་ཕྲུག་ཚེ་རིང་རྒྱུ་དེ་ཚོའི་སྐུ་ཚེ་དང་རླབས་ཆེན་གྱི་ལས་འགུལ་ལ་མ་གནོད་ན་འགྲིག་ཡོད་རེད།   བོད་ནང་ལ་ཕན་པའི་ལས་ཀ་ཞིག་བྱུང་ཕྱིར་སྡོད་བོད་མི་ང་ཚོས་བསྒྲུབ་ཐུབ་ཀྱི་ཡོད་ནི་མ་རེད།

    Reply
  8. མེག་རྒན says:
    ལོ་ 15 སྔོན།

    རྩོམ་པ་པོ་ཉེར་བདུན་གྱི་མཚན་རྟགས་བཀོད་པའི་འབོད་བསྐུལ་འདི་དུས་བབ་ལ་གང་ནས་འབྱོར་བ་རེད། རྩོམ་པ་པོ་ཉེར་བདུན་གྱི་མཚན་རྟགས་དངོས་སུ་བཀོད་ཡོད་ན་མཚན་རྟགས་རྣམས་དངོས་སུ་འདིར་བཀོད་རོགས། དེ་མིན་མི་འགའ་རེས་རང་སྣང་གང་དྲན་གྱི་རྩོམ་པ་པོ་འགའ་ཤས་ཀྱི་མཚན་བེད་སྤྱོད་བྱེད་ཀྱིན་ཡོད་པ་འདྲ། རྩོམ་པ་པོ་འདི་དག་གིས་གྲོས་བསྡུར་ཇི་ལྟར་བྱས་པ་རེད། གཙོ་འགན་སུས་ཁུར་ཡོད་པ་རེད། ངས་བལྟས་ན་འདིར་མཚན་བཀོད་ཡོད་པའི་མི་འགའ་རེས་ད་དུང་འབོད་སྐུལ་འདི་འདྲ་ཞིག་བྲིས་པ་གོ་ཐོས་ཙམ་ཡང་མེད་པར་སྣང་བས་ཞིབ་འཇུག་གནང་རོགས།

    Reply
  9. རླུང་རྟ་རྒྱལ། says:
    ལོ་ 15 སྔོན།

    དུས་རབས་ཉེར་གཅིག་པའི་སྐབས་སུའང་རྒྱ་ནག་པོས་ད་དུང་ང་ཚོ་ལ་འདི་འདྲ་བྱེད་སྲོལ་ག་ལ་ཡོད།རྒྱ་ནག་པོ་ཞེས་པའི་མིང་འདི་འང་ཁོ་ཚོ་ཞེ་ནག་པོ་ཡིན་པའི་སྟབས་ཀྱིས་བཏགས་པ་ཡིན་ཚེ།དེ་ནི་དངོས་གནས་མིང་དོན་མཚུངས་པ་ཞིག་རེད།རྒྱ་ནག་གིས་ང་ཚོའི་སྐད་ཡིག་གི་རང་དབང་འཕྲོག་དོན་ཅི་ཞིག་ཡིན།རྒྱ་ནག་པོ་ལ་འདི་འདྲའི་བསམ་སྦྱོར་གནག་པོ་མི་ལས་དགུ་ལས་བྱེད་པའི་ཐོབ་ཐང་དེ་སུས་སྤྲད་པ་ཡིན།ང་ཚོའི་རྒྱལ་ཁབ་འཕྲོག་ནས་མི་འབངས་དམར་གསོད་བྱས་པས་མ་ཟད།ཐ་ན་ང་ཚོ་ལ་རང་གི་སྐད་ཡིག་ཀྱང་སྤྱོད་དུ་མི་འཇུགངོ་མ་ལོ་བཅུའི་རྗེས་སུ་རྒྱ་མིས་ཐ་ན་འུ་ཅག་ལ་ཁ་ནས་བོད་སྐད་སྨྲ་ཚེ་ཁྲིམས་འགལ་ཡིན་ཞེས་སྐྱོན་འཛུགས་བྱེད་སྲིད་སྣྙམ་ཆེ།ལས་འབྲས་ཟེར་བ་ཞིག་ཡོད་ཚེ།དམྱལ་ཁམས་བཅོ་བརྒྱད་ཀྱི་མནར་གཅོད་ཀུན་མ་ལུས་པར་བསོད་ཟད་རྒྱ་ནག་པོའི་སྟེང་དུ་འཁོར་ངེས་པ་ཐག་ཆོད་ཡིན།

    Reply
  10. lobsang says:
    ལོ་ 15 སྔོན།

    སུ་ཞིག་རེད། རྩོམ་རེ་ཟུང་བྲི་མཁན་ཙམ་ཡིན་པ་རྒྱུ་མཚན་དུ་བྱས་ནས་བོད་ནང་སྐད་ཡིག་གི་ཐོབ་ཐང་དགོས་སྐོར་འབོད་ཚིག་སྒྲོག་སྐབས་རེ་ཟུང་གིས་ནམ་ཞིག་ཡིན་ན་ཡང་རང་མིང་གསར་འགྱུར་གྱི་བརྒྱུད་ལམ་ཁག་ཏུ་ཐོན་ཐབས་གཙོར་འཛིན་གྱི་ལས་ཀ་བྱེད་སྟངས་འདི་རིགས་ཀྱིས་ནོར་འཁྲུལ་ཚབས་ཆེན་བཟོ་མི་སྲིད་མ་རེད། འདྲེ་ཡི་མ་དྲན་གོང་ལ། ནད་པའི་དྲན་ཞེས་པའི་དོན་དུ་མི་འགྱུར་བའི་ངེས་པ་མེད་པས་རྒྱ་གཞུང་གི་བཀའ་བཞིན་མཚོ་སྔོན་ཞིང་ཆེན་ཁྱབ་ཁོངས་ལ་གཏན་འབེབས་བྱས་པའི་སྲིད་ཇུས་ཤིག་ཡིན་སྟབས་ལམ་སེང་འདི་ཡིན་དང་འདི་མིན་གྱི་གཏམ་ལན་སློག་རྒྱུ་དཀའ་མོ་ཡིན་པ་ཙམ་ཡང་མི་ཤེས་པར་རང་ཤེད་ཀྱིས་འདི་འདྲ་འུད་སྒྲོག་མ་བྱེད་རོགས། ང་ཚོ་བཙན་བྱོལ་དུ་གནས་པ་རྣམས་ལ་ཅི་ཡང་བྱེད་མཁན་མེད་ཀྱང། བོད་ནང་དུ་ཡོད་པ་རྣམས་མེ་མདའི་ཁར་གནས་ཡོད་པ་མཁྱེན་པར། བོད་ནང་དུ་དོན་དག་ཅུང་ཙམ་བྱུང་བ་དང་ང་ཚོས་དེ་ཐོབ་རྩོད་ཀྱིས་སྤེལ་ཐབས་ལས་དོན་གྱིས་ལྷག་བསམ་ཞིག་རྩ་བ་ཉིད་ནས་མ་རེད།

    Reply
  11. ནམ་མཁའ་བསྟན་འཛིན། says:
    ལོ་ 15 སྔོན།

    མི་རིགས་འདྲ་མཉམ་དང་སྐད་ཡིག་རང་དབང་གི་འབོད་སྐུལ་ཟེར་བ་དེ་རྒྱ་ནག་གི་རྩ་ཁྲིམས་ཀྱི་སྒྲོམ་གཞིའི་ནང་གི་སྐད་ཆ་ཞིག་རེད། རང་བཙན་གཙང་མ་མ་རེགས་ན་བོད་ལ་ལོག་གི་མིན་ཟེར་མཁན་ཚོར་རྒྱ་ནག་གིས་ད་ཐེངས་བརྡ་ལན་ཞིག་སྤྲོད་ཀྱི་རེད་དམ།

    Reply
  12. རི་བོང། says:
    ལོ་ 15 སྔོན།

    རྩོམ་པ་པོ་ཉེར་བདུན་གྱི་འབོད་སྐུལ་ཞུས་དུས་ད་རྒྱ་དམར་གྱིས་ལགས་སོ་ཞུ་རྒྱུ་རེད་པ། ཧ་་ཧ་་ཧ། བུག་བློ་རང་རེད་ད།

    Reply
  13. ཞྭ་ནག་བློ་གྲོས། says:
    ལོ་ 15 སྔོན།

    སྙན་ཞུའི་ནང་ན་ཡིག་ནོར་འདུག
    མིང་གཞུང་ནང་ན་ཡིག་ནོར་འདུག
    ངོ་རྒོལ་གྱི་རྣམ་པ་དང་རེ་འབོད་ཀྱི་རྣམ་པ་གཉིས་མཉམ་དུ་བྱེད་སྟངས་འདི། དེ་ཙམ་བདེ་པོ་ཞིག་མ་རེད། རྣམ་པ་ཚོའི་སེམས་ཤུགས་ལ་རྒྱབ་སྐྱོར་ཡོད།

    Reply
  14. བོན་རྒྱ་བསྟན་འཛིན་རབ་རྒྱས། says:
    ལོ་ 15 སྔོན།

    འབོད་སྐུལ་བྱས་པ་ཞིག་ལ་འགྲིག་མིན་གྱི་རྟགས་རྒྱག་ཁེགས་པོ་རེད། ཡིན་ནའང་། འདི་ལ་ཞིབ་འཇུག་གིས་མ་འདང་བ་དང་། གནད་དོན་དངོས་བཤད་མ་ཐུབ་པར་རྣམ་ཀུན་གྱི་ཁ་དོན་ལྟ་བུའི་འབོད་ཚིག་དེ་བསྐྱར་འདོན་བྱས་པ་ཙམ་ཡིན་པས་དེ་ཙམ་གྱི་སྙིང་བོ་ཆེན་པོ་མི་འདུག ཞུ་འབོད་བྱ་ན་དངོས་གནས་ཞིབ་འཇུག་ཚད་ལྡན་ཞིག་བྱས་ནས་ཕར་ནང་ཚུར་ནང་ཡོད་ཚད་ངོ་ཤེས་པའི་སྟེང་ནས་གནད་ལ་སྨིན་པ་ཞིག་ཕུལ་ཐུབ་ན་ཡག་པོ་རེད། དེ་མིན་འདི་ལ་ཤེས་ཡོན་པས་ཕུལ་བའི་འབོད་སྐུལ་གྱི་ཁྱད་ཆོས་གང་ཡང་མི་འདུག

    Reply
  15. གནས་ཚང་། says:
    ལོ་ 15 སྔོན།

    ཡག་པོ་རེད། ཚང་མ་ལོས་ཞིབ་ཀློག་གནང་རོགས། འབོད་བསྐུལ་གང་དང་གང་ཡང་ཕ་རོལ་བའི་འགྲོ་སྲོལ་གཞིར་འཇོག་པ་ནི་ཕྱི་འབྲེལ་གྱི་གུས་བརྩི་རེད་ལ། བོད་སློབ་ཚོའི་དགོས་འདུན་ལའང་མཐུན་གྱི་ཡོད་པ་རེད། དེ་བས། རྩ་ཁྲིམས་གཞིར་བཞག་མ་བཞག་གི་སྐད་ཆ་ཞིག་ལྷག་མི་འདུག་སྙམ།

    Reply
  16. ཤེལ་དཀར་བློ་བཟང་། says:
    ལོ་ 15 སྔོན།

    བཙན་བྱོལ་ནང་གི་རྩོམ་པ་པོ་ཉེར་བདུན་གྱིས་རང་རང་གི་མཚན་རྟགས་དང་བཅས་པའི་སྒོ་ནས་འབོད་སྐུལ་ཞུ་ཡིག་ཕུལ་བར་བསྔགས་བརྗོད་ཡོད། ཞུ་ཡིག་འདི་དྲང་བདེན་དང་རྒྱུ་མཚན་ལྡན་པ་ཞིག་ཡིན་སྟབས་འབུལ་ཡུལ་གང་དང་གང་ལ་ཡིན་ཀྱང་གནད་ཐོག་སྨིན་འཁེལ་ཡོང་བའི་རེ་སྐུལ་ཞུ་རྒྱུ་ཡིན།
    ང་ཚོ་བཙན་བྱོལ་ནང་རྩོམ་པོ་ཇི་སྙེད་ཅིག་ཡོད་ཀྱང་ཉེར་བདུན་ལས་མཚན་རྟགས་འདུ་རུབ་བྱེད་མ་ཐུབ་པ་ནི་ཡིད་ཕམ་དགོས་པ་ཞིག་རེད།
    གཞིས་ལ་ཡོད་པའི་བོད་མི་ཚོས་ལུས་སྲོག་བློས་བཏང་གིས་སོ་སོའི་རིག་གཞུང་དང་མི་རིགས་ཆེད་དུ་འབད་འབུང་ཇི་ཙམ་བྱས་ཀྱང་བྱེས་འཁོད་བོད་མི་རྣམས་ཀྱིས་མཚན་རྟགས་ཙམ་ཞིག་བཀོད་མ་ཐུབ་པ་ཅི་ཡིན་ལན།

    Reply
  17. སྤོབས་པ་མཐའ་ཡས། says:
    ལོ་ 15 སྔོན།

    འགྲིགས་མི་འདུག གྲུང་ཧྭ་མི་མང་སྤྱི་མཐུན་རྒྱལ་ཁབ་ཀྱི་རྩ་ཁྲིམས་གཞིར་བཞག་གིས་སྙན་ཞུ་འབུལ་བའི་ཐོབ་ཐང་ཁྱོད་ཚོར་ཡོད་པ་མ་རེད། ཁྱོད་ཚོས་གྲུང་ཧྭ་མི་མང་སྤྱི་མཐུན་རྒྱལ་ཁབ་ཀྱི་རྩ་ཁྲིམས་འཁུར་འདོད་མེད་ནས་ཕྱི་ལོགས་སུ་ཡོང་མཁན་སྐོར་ཞིག་རེད། ང་ཚོ་འདིའི་སྐོར་ལ་ད་དུང་ཁ་རོག་གེར་འདུག་པའི་དུས་ཚོད་རེད། བོད་ནང་གི་མིས་ང་ཚོའི་ལས་ཀ་ལས་དྲག་ཅིག་བྱེད་ཀྱིན་འདུག ཁྱོད་ཚོའི་འདྲེ་ལག་དེ་ད་དུང་བསྐུམས་ནས་འདུག་རོགས། བོད་ནང་གི་རྔམ་སྟོན་ཁྲོམ་སྐོར་དེ་ལ་ད་དུང་རྒྱ་ནག་གཞུང་གིས་ལན་གང་ཡང་སྤྲད་ཡོད་པ་མ་རེད། བཟང་ངན་གང་ཞིག་སྤྲོད་ལྟ་དགོས་པ་རེད། གལ་སྲིད་བརྡ་ལན་སྡུག་པོ་ཞིག་སྤྲད་ན་གཞི་ནས་ང་ཚོས་ཐལ་མོ་སྤར་བ་གང་ལས་གཏོར་མ་ཐུབ་ན་ཡང་རྒྱ་དམར་གྱི་ཕྱོགས་སུ་གཏོར་དགོས་པ་རེད། ང་ཚོ་ཕྱི་སྡོད་བོད་མིའི་འབོད་སྐུལ་ལ་རྒྱ་ནག་གིས་བརྡ་ལན་ཡག་པོ་ཞིག་སྤྲད་རྒྱུ་མིན་པ་ཚང་མས་ཤེས་བཞིན་པ་རེད། བོད་ནང་གི་མིའི་ཁོ་རང་ཚོའི་འཐབ་ཇུས་ཤིག་དང་ལངས་ཕྱོགས་ཤིག་བཟུང་ནས་ལས་འགུལ་སྤེལ་བའི་སར་ཁྱོད་ཚོས་འདྲེ་ལག་མ་རྐྱོངས་རོགས། ལས་ཀ་འདི་འདྲའི་མགོ་སློང་མཁན་དེ་སུ་རེད། རྩད་གཅོད་ཅིག་བྱེད་རོགས།

    Reply
  18. རླུང་རྟ་རྒྱལ། says:
    ལོ་ 15 སྔོན།

    འདི་ནི་ཕལ་ཆེར་བོད་ཡོངས་ལ་དམིགས་པ་ཡིན་པ་འདྲ།

    Reply
  19. རྟུལ་ཕོད། says:
    ལོ་ 15 སྔོན།

    རྩོམ་པ་པོ་ཉེར་བདུན་གྱི་འབོད་སྐུལ་ཞུ་ཡིག་འདི་ལ་རྒྱབ་སྐྱོར་ཡོད་ཞོར་དུ་ཞུ་རྒྱུ་ཞིག་ལ།”སྐད་ཡིག་རང་དབང་། མི་རིགས་འདྲ་མཉམ།” “བོད་ཡིག་གི་བདག་དབང་ཕྱིར་སྤྲད་དགོས།” “མི་རིགས་སྐད་ཡིག་སྲུང་སྐྱོབ། ཀྲུང་ཧེའི་ཤེས་རིག་དར་སྤེལ།” “བོད་ཡིག་འཇིག་མི་སྲིད། བོད་སྐད་ཉམས་མི་སྲིད།”ཅེས་པ་དག་ནི་བོད་ནང་གི་སློབ་ཕྲུག་ཚོས་ཤེས་རིག་གི་བདག་དབང་ལ་ཁྲིམས་མཐུན་གྱིས་རྩོད་ལེན་བྱེད་སྟངས་ཤིག་ཡིན་ཡང་། བཙན་བྱོལ་གྱི་སློབ་མ་ཚོར་འདི་འདྲིའི་འབོད་ཚིག་སྙན་མོ། ནང་དོན་ཟབ་མོ། ཁ་ལ་བདེ་མོ། སེམས་ལ་འཕྲོད་མོ་ཞིག་ཡོང་རྒྱུ་མེད་པ་ལྐུག་སོང་བ་ཡིན་ནམ?

    Reply

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

+91-98823-47075 | +91-92189-38041 | +91-81972-44372

Welcome Back!

OR

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist

No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese