དེ་རིང་བཙན་བྱོལ་བོད་གཞུང་གི་དྲ་རྒྱས་ཀྲུང་གོའི་བོད་རིག་པའི་དུས་དེབ་ཀྱི་གནས་ཚུལ་ལུང་འདྲེན་བྱས་པ་ལྟར་ན། ད་ལོའི་ཀྲུང་གོའི་བོད་རིག་པའི་དུས་དེབ་འདོན་ཐེངས་གཉིས་པའི་སྟེང༌། ལིའུ་པིང་ཞེས་པའི་མིང་ཐོག་ནས་སྤེལ་བའི་༼ དུས་སྐབས་གསར་པའི་བོད་ཁུལ་གྱི་འཐབ་ཕྱོགས་གཅིག་འགྱུར་ལས་དོན་ཐད་ལ་བསམ་གཞིགས ༽ ཞེས་པའི་རྩོམ་ཡིག་ནང་འདི་ལྟར་བཀོད་ཡོད་འདུག ཕྱི་རྒྱལ་དུ་བསྡད་ཡོད་པའི་བོད་རིགས་སྤུན་ཟླའི་ལས་དོན་ཡག་པོ་སྒྲུབ་དགོས། ཕྱི་རྒྱལ་དུ་ཡོད་པའི་བོད་རིགས་སྤུན་ཟླའི་ལས་དོན་ཡག་པོ་སྒྲུབ་རྒྱུ་དེ་ནི། ང་ཚོས་ཏཱ་ལའི་རུ་ཚོགས་དང་འཐབ་རྩོད་ཀྱི་གལ་ཆེའི་གྲུབ་ཆ་ཞིག་ཡིན་པ་དང༌། བོད་རང་སྐྱོང་ལྗོངས་ཀྱི་འཐབ་ཕྱོགས་གཅིག་འགྱུར་གྱི་གལ་ཆེའི་ལས་འགན་ཞིག་ཀྱང་ཡིན། “རྒྱལ་གཅེས་ཁྱིམ་གཅིག་དང༌། རྒྱལ་གཅེས་ལ་སྔ་རྗེས་མེད།” ཀྱི་སྲིད་བྱུས་དང་དབྱེ་བ་ཡོད་པའི་སྤྱོད་ཚུལ་ལ་འཛིན་པའི་རྩ་དོན་རྒྱུན་འཁྱོངས་དང་དོན་ཐོག་ཏུ་འཁྱོལ་དགོས་ཤིང༌། སྔར་ལས་མང་བའི་ཕྱི་སྡོད་བོད་རིགས་སྤུན་ཟླ་མེས་རྒྱལ་གྱི་ཕྱོགས་སུ་སེམས་པ་འགུག་ཐབས་བྱེད་པ་དང༌། ཏཱ་ལའི་རུ་ཚོགས་ཀྱི་ཕྱི་རྒྱལ་སྤྱི་ཚོགས་རྨང་གཞི་ཇེ་ཞན་དུ་གཏོང་དགོས། ཁ་བྲལ་ལ་ངོ་རྒོལ་འཐབ་རྩོད་ཀྱི་གནས་ཚུལ་ཧྲིལ་པོར་དམིགས་པ་རྒྱུན་འཁྱོངས་བྱ་དགོས་པ་དང༌། ཐོག་མཐའ་བར་གསུམ་དུ་དབྱེ་བ་ཡོད་པའི་སྤྱོད་ཚུལ་འཛིན་པ་དང༌། འགལ་ཟླ་བེད་སྤྱོད་བྱེད་པ། ནང་དཀྲུག་ཁ་གཏོར་བྱེད་པའི་རྩ་དོན་དེ་ཕྱི་སྡོད་བོད་རིགས་སྤུན་ཟླའི་ལས་དོན་གྱི་རིམ་པ་ཁག་གི་ནང་དུ་ཁྱབ་དགོས།ཞེས་དང༌།
མུ་མཐུད་བསྟན་དོན། ད་ལྟ་ཕྱི་སྡོད་བོད་རིགས་སྤུན་ཟླའི་གནས་བབས་གཞིར་བཟུང་སྟེ།དམིགས་བཙུགས་ཀྱིས་ཕྱི་སྡོད་བོད་རིགས་ཀྱི་མི་རབས་གཉིས་པ་གསུམ་པའི་འབྲེལ་གཏུག་གི་ལས་དོན་ཡག་པོ་སྒྲུབ་དགོས་ཤིང༌།གྲོགས་པོ་གསར་པ་གཏིང་ཟབ་པ་དང་གང་མང་འགྲིག་དགོས་པ་དང༌།རྒྱལ་གཅེས་སྟོབས་ཤུགས་སྤྱི་འདུས་དང་འཕར་སྣོན་ཡོང་བར་རྒྱབ་སྐྱོར་དང་སྐུལ་འདེད་བྱེད་དགོས།དམིགས་བཙུགས་རང་བཞིན་དང་འདེམས་སྒྲུག་རང་བཞིན་གྱིས་རང་ཕྱོགས་ལ་ཕྱོགས་ཞེན་གྱི་ལྟ་ཚུལ་ཡོད་པ་དང༌།ཡིན་ནའང་ཏཱ་ལའི་རུ་ཚོགས་དང་འགལ་ཟླ་ཡོད་པའི་སྒྲིག་འཛུགས་དང་མཐོ་རིམ་མི་སྣར་འབྲེལ་བ་བྱེད་དགོས་ཤིང༌།སྟབས་བསྟུན་གྱིས་ལས་དོན་སྤེལ་དགོས་པ་དང༌།རང་ཕྱོགས་ཀྱིས་བེད་སྤྱོད་གཏོང་ཐུབ་པ་ཚུར་འགུག་བྱེད་དགོས།དབྱེ་བ་ཡོད་པའི་སྤྱོད་ཚུལ་འཛིན་པ་དང༌།སྟངས་འཛིན་ནན་པོ་བྱེད་རྒྱུ།ཞིབ་བཤེར་ཆོག་མཆན་གནང་བ་ནན་པོ་བྱེད་རྒྱུའི་རྩ་དོན་རྒྱུན་འཁྱོངས་བྱས་ཏེ་ཕྱི་སྡོད་བོད་རིགས་སྤུན་ཟླ་ཕྱིར་རྒྱལ་ནང་དུ་གཉེན་ཉེ་ཐུག་འཕྲད་སླེབས་པའི་ཞིབ་བཤེར་ཆོག་མཆན་དང་དོ་དམ་གྱི་ལས་དོན་ཡག་པོ་སྒྲུབ་དགོས་པ་དང༌།ཏཱ་ལའི་རུ་ཚོགས་ཀྱི་སིམ་འཛུལ་ནན་སྲུང་བྱེད་དགོས།
དུས་རབས་༢༠ལོ་རབས་༨༠བ་ནས་བཟུང་རྒྱལ་ཁབ་ནས་ཕྱིར་སོང་སྟེ་ཕྱི་རྒྱལ་དུ་གནས་སྡོད་བྱས་ཡོད་པའི་བོད་རིགས་སྤུན་ཟླའི་ལས་དོན་ལ་ཤུགས་སྣོན་རྒྱག་དགོས་པ་དང༌།ཁོང་ཚོ་དང་འབྲེལ་བ་བྱེད་རྒྱུར་ཤུགས་སྣོན་རྒྱག་དགོས།རྒྱལ་གཅེས་བོད་རིགས་སྤུན་ཟླས་ཕྱི་རྒྱལ་དུ་ཚོགས་སྡེ་དང་དཔལ་འབྱོར་ཚོང་གཉེར་ཁང་སོགས་བཙུགས་པར་རྒྱབ་སྐྱོར་བྱས་པ་བཅས་ནུས་ལྡན་གྱི་བརྒྱུད་ལམ་དང་བྱེད་ཐབས་བརྒྱུད་དེ་ཏཱ་ལའི་རུ་ཚོགས་དང་འགྲན་རྒོལ་བྱེད་ཐུབ་པའི་ཕྱི་སྡོད་བོད་རིགས་སྤུན་ཟླའི་སྟོབས་ཤུགས་གསོ་སྐྱོང་བྱ་དགོས།ཕྱི་སྡོད་བོད་རིགས་སྤུན་ཟླར་སྣེ་ལེན་དོ་དམ་གྱི་དྲ་བའི་མ་ལག་འཛུགས་པ་དང་འཐུས་ཚང་དུ་གཏོང་དགོས།ཏཱ་ལའི་འགྲམ་དུ་ཡོད་པ་དང་དེ་བཞིན་བར་གནས་ཀྱི་ལམ་ཕྱོགས་འཛིན་མཁན་གྱི་བོད་རིགས་སྤུན་ཟླ་གལ་སྲིད་ཀླད་རྙིང་མཁྲེགས་བཟུང་བྱེད་མཁན་མིན་ཚེ་ང་ཚོས་ཧུར་བརྩོན་གྱིས་ཚུར་འགུག་གི་བྱ་བ་སྒྲུབ་དགོས་པ་དང༌།ཁོང་ཚོ་རང་ཕྱོགས་སུ་ཕན་པའི་ཕྱོགས་ལ་བསྐྱོད་ཐུབ་པ་བྱ་དགོས།ཏཱ་ལའི་ཡི་རྗེས་འབྲང་རྣམ་དག་ཅན་དང༌།ཏཱ་ལའི་ཡི་མཁྲེགས་བཟུང་ཁ་བྲལ་ལམ་ཕྱོགས་ལ་རྒྱབ་སྐྱོར་བྱེད་མཁན་བོད་རིགས་སྤུན་ཟླ་ལ་དུས་ཐོག་ཏུ་རྗེས་འདེད་བྱས་ཏེ་ཁོང་ཚོའི་འགུལ་ཕྱོགས་རྒྱུས་ལོན་བྱེད་དགོས་པ་དང༌།གོ་སྐབས་འཚམ་དུས་སེམས་ཐག་གཙང་བཅད་ཀྱིས་རྡུང་རྡེག་གཏོང་དགོས། ཞེས་བཀོད་འདུག
དོན་འགྲུབ་བཀྲ་ཤིས་ཀྱིས་བསྡུ་སྒྲིག་བྱས།
གུང་ཁྲན་གྱིས་ལིའུ་པིང་སོགས་ངོས་བཟུང་ཡོད་པའི་མི་སྒེར་དང་ཡེ་རྡོར་སོགས་ངོས་བཟུང་མེད་པའི་བརྒྱུད་ལམ་ཅི་རིགས་ནས་བྱེད་ཐབས་དང་འཆར་གཞི། ངན་སྐུལ་དང་སིམ་འཛུལ་ཇི་སྙེད་ཅིག་གིས་ཁོ་ཚོའི་དབང་ལུང་ཁྱབ་སྒྱུར་བྱེད་ཀྱིན་ཡོད་པ་དངོས་ཡོད་རེད། འདི་ཚོ་ལས་ཀའི་ངོ་གདོང་དག་མ་དེ་དག་རེད། བྱས་ཙང་་་་་་་་་་་
ལིའུ་པིང་ཞེས་པར་བགྲོ་བར་བྱ་བ་ནི། ཏཱ་ལའི་རུ་ཚོགས་ནི་བོད་མི་ས་ཡ་དྲུག་ཙམ་མ་ཟད། དྲང་བདེན་ལ་དགའ་བའི་མི་ཡོད་དོ་ཅོག་དང་། ད་དུང་ཀོང་ཁྲན་ཏང་མི་དྲང་བདེན་དང་གནས་ལུགས་ལ་བརྩི་བཀུར་བྱེད་མཁན་མཐའ་དག་ཡིན་ངེས་པས། དེ་དག་དགྲ་རུ་འཛིན་དགོས་ཟེར་ན་སྨྱོན་བའི་ལབ་བརྡོལ་ཙམ་དང་བྱིས་པའི་ཁ་མཚར་ཙམ་ལས་མ་ངེས། དོན་དམ་གྱི་གནས་ལུགས་དང་དྲང་བདེན་གྱི་དབང་དུ་བྱས་ན་ཁྱོད་རང་ཉིད་ཀྱང་རང་ཉིད་ཀྱི་དགྲ་རུ་འཛིན་དགོས་པར་འགྱུར་མི་འགྲོ་འམ། འདིའི་རྩོམ་ཡིག་དེ་རྩོམ་ཡིག་ཙམ་དང་ཁ་རྒྱབ་ཙམ་གྱི་ཆེད་དུ་མིན་པར་ཉིད་ཀྱི་སེམས་གཏམ་ཡིན་སྲིད་ན། འཛམ་གླིང་མི་མང་ལ་ཁྱོད་རང་དྲང་བདེན་དང་གནས་ལུགས་མི་བརྩི་མཁན་གྱི་མི་ཐ་ཤལ་ཞིག་པ་གསལ་སྟོན་བྱས་པ་རེད།
དགྲ་བོ་དམར་གཞུང་གིས་རྡུང་རྡེག་གཏོང་ཐུབ་སའི་གོ་སྐབས་ཡོད་ས་ནི་བལ་ཡུལ་ནང་གི་བོད་མི་ཚོ་རེད། གཞན་ཕྱི་རྒྱལ་ཁབ་ཁག་གི་ནང་དུ་བོད་མིར་རྡུང་རྡེག་གཏོང་ཐུབ་པའི་གོ་སྐབས་ཤིག་རྒྱ་ནག་དམར་གཞུང་ལ་མེད།
བསམ་དང་བསམ་གྱི་ཡོད་རེད། རྡུང་དགོས་གསོད་དགོས་བསམ་གྱི་ཡོད་རེད། ཡིན་ནའང་འཛམ་གླིང་ཡོངས་སུ་བོད་མིས་གནས་བཅའ་ནས་བསྡད་ཡོད་པས་རྒྱ་སྤྲང་ཁྱེད་རང་ཚོས་ཉིན་མོའི་གཉིད་ལམ་མ་གཏོང་།
ང་ཚོས་ངོས་ནས་ཀྱང་དགྲ་བོ་རྒྱ་དམར་གཞུང་གི་མི་ཡིན་པ་ཧ་གོ་དོན་གསལ་བྱུང་ན་སེམས་ཐག་གཙང་བཅད་ཀྱིས་སྒོ་ནས་རྡུང་རྡེག་གཏོང་བསམ་བསྡད་ཡོད། ༧གོང་ས་མཆོག་སྐུ་མ་བཞུགས་པའི་ཉིན་མོ་ནས་འགོ་འཛུགས་ཏེ་དགྲ་བོ་དམར་གཞུང་དང་ཤི་གསོན་དམར་འཐབ་བྱེད་ཀྱི་བྱུང་ན་བསམ་ནས་སྒུག་བསྡད་ཡོད།
https://tibettimes.net/wordpress/blogs.php?id=314&post_id=11020
རྒྱ་རྒན་ཚང་གིས་མགོ་ཐོག་ཐོག་གཉིས་ཀྱིས་ང་ཚོར་གང་ས་ནས་འཇབ་དེ་འོང་ན་ཡང་། ང་ཚོ་བོད་མི་དག་མགོ་ཕྱི་ལ་བརྗེ་ནས་ལབ་རེ་བརྒྱབས་དེ་ཉིན་མ་འཁྱོལ་ཐབས་བྱེད་པ་འདི་མཐོང་དུས། དངོས་ནས་སེམས་པ་སྐྱོ་ཡི་འདུག