རྫ་ཆུའི་སེར་ཤུལ་དགོན་པས་ངོ་རྒོལ།

སྐད་ཡིག་ནི་གསོག་རྩ་ཡིན

ངའི་བསམ་འཆར་འདི་ཅུང་ཟད་ཕྱིར་འགྱངས་སུ་ལོས་ཀྱང་།
འདི་ནས་འགོ་འཛུགས་ཏེ་གཟིགས་མཁན་རྣམ་པའི་ཐོག་མར་མཐོང་བ་ཡིན་
ཙང་འབྲི་ཆོག་པར་ཞུ།
དང་པོ་་་་་རྙོག་གྲ་འདི་བྱུང་རྐྱེན་གཙོ་བོ་ནི་་་་ཕྱི་ནང་དང་བཟང་ངན་ཅི་ཡང་མི་ཤེས་པའི་དཔོན་ངན་འགས་ལོ་མང་རིང་ལ་གྲངས་ཉུང་མི་རིགས་ཀྱི་སྐད་ཡིག་ལ་མཐོང་ཆུང་དང་དམར་འབེབས་གཏོང་མང་དྲགས་ནས་མཐར་ཞི་རྒོལ་གྱི་ལས་རིམ་འདི་འགོ་བརྩོམས་དགོས་བྱུང་བར་གསལ་པོ་རེད།
གཉིས་པ་་་་་་་ད་དུང་མུ་མཐུད་དེ་མི་རིགས་འདྲ་མཉམ་དང་སྐད་ཡིག་རང་དབང་མ་སྤྲད་ན་ཞི་བའི་ངོ་རྒོལ་འདི་འདྲ་རིགས་གཞིས་བྱས་གཉིས་ནས་ཇེ་མང་དུ་འགྲོ་བ་ལས་ཇེ་ཉུང་དུ་ནམ་ཡང་འགྲོ་མི་སྲིད་པས་་་་་དཔོན་ངན་ཚོས་བསམ་བློ་གསར་ཞིག་གཏོང་ན་ལེགས་པར་སེམས།
གསུམ་པ་་་་་སྤྱིར་སེལ་ཤུལ་དགོན་པ་ནི་་་་དཔལ་འབྱོར་དང་ཤེས་ཡོན་མཐུན་སྒྲིལ་དང་ལ་རྒྱལ་གང་ཅི་འཐད་ནས་བཤད་ན་ང་ཚོའི་མིག་དཔེ་བལྟ་འོས་པའི་དེང་རབས་ཀྱི་དགོན་པ་ཞིག་དངོས་གནས་ཡོད་པས་་་་ཡིད་རངས་བསྔགས་བརྗོད་ཞུ་རོགས།།

ཁྲིམས་དང་མཐུན་པའི་ལས་འགུལ་འདིའི་རིགས་བོད་ས་ཁྱོན་གང་སར་སྤེལ་ཐུབ་པའི་རེ་བ་དང་། དེ་ལྟར་བྱུང་ན་གྲུབ་འབྲས་ལྡན་པ་ཞིག་ཡོང་ངེས་ཡིན་པས། བོད་རང་བཙན་ཟེར་བ་དང་གོང་ས་མཆོག་བོད་དུ་ཕེབས་དགོས་བ་དེ་ཚོ་ཡག་པོ་ཡིན་ན་ཡང་།
ཁེ་ཕན་ག་རེ་ཆེ་བ་ཡོད་མེད་ཤེས་རྒྱུ་དེ་ལས་ཀྱང་གལ་ཆེ་བ་རེད།

བོད་མི་རིགས་ཀྱི་བདག་པོ་གཞིས་བཞུག་བོད་མི་ཚོའི་ལུས་འགུལ་རབ་དང་རིམ་པ་དུས་དང་རྣམ་པ་ཀུན་ཏུ་སྤེལ་བ་ལ་སྙིང་ཁུང་རས་བའི་གཏིང་ནས་ཐུགས་རྗེ་ཆེ་ཞུ་བ་དང་ཆབས་ཅིག་ཏུ་དགྱ་ནག་གི་བཙན་འོག་ནས་ལུས་འགུལ་སྤེལ་མཁན་དགྱ་གཅེས་དཔའ་བོ་དཔའ་མོ་ཚོའི་ལུས་འགུལ་ལམ་འགྲོ་ཡོངས་བའི་སྨོན་འདུན་ཞུ།

གཞིས་ལུས་རྒྱ་ཆེ་མི་མང་ནས་དྲག་པོའི་དབང་ཤུགས་ཀྱི་འཇིགས་སྣང་ལ་ཇི་མི་སྙམ་པར་རང་གི་སྐད་ཡིག་སྲུང་སྐྱོབ་ཀྱི་ཆེད་དུ་ལས་འགུལ་སྤེལ་བ་ནི་ངོ་མ་བསྔགས་བརྗོད་བྱ་འོས་པ་ཡིན་ རང་མི་རིགས་ཀྱི་རིག་གཞུང་དང་སྐད་ཡིག་ཉམས་ཆག་འགྲི་བཞིན་པ་ནི་ང་ཚོ་བོད་ཕྱི་ནང་གཉིས་ཀའི་དཀའ་ངལ་ཡིན་པས་དེ་ལ་ཐབས་ཤེས་གང་ཡོད་བསྟེན་ནས་འདི་ལས་སྐྱོབ་ཐབས་ལ་ཕྱོགས་ཀུན་ནས་འབད་དགོས་ སྤྱིར་ཁོ་བོས་བསམ་པར་བོད་རང་སྐྱོང་ལྗོངས་ཕྱི་རུ་གནས་པའི་བོད་ས་ཡོངས་རྫོགས་ལ་གུ་ཡང་བ་དང་དམ་དྲག་དང་བཙོན་འཇུག་གི་ཉེན་ཁ་ཆུང་བ་ཡོད་ན་ཡང་ད་དུང་ལས་འགུལ་འདི་ལྟར་སྤེལ་བ་ནི་དེ་བས་ཀྱང་བསྔགས་བརྗོད་བྱ་ཡིན་ཡོད་པ་ཡིན་ རྒྱ་ནག་གིས་འདམ་གླིང་ཕྱི་རུ་བོད་ཟེར་བ་ན་རང་སྐྱོངས་ལྗོངས་ཁོ་ན་མ་གཏོགས་ས་གནས་གཞན་རྣམས་བོད་ཀྱི་ས་ཁྲ་ནང་དུ་བཅུག་གིན་མེད་པས་འདི་ལ་ཡང་བརྡ་ལན་ཅིག་སྤྲད་པར་ངོས་ལེན་བྱེད་བཞིན་ཡོད་ ས་ཁུལ་འདི་དག་ནས་ལས་འགུལ་ཇི་ཙམ་ཤུགས་ཆེ་རུ་སྤེལ་བ་ཡིན་ན་ཡང་འདིས་ཁོང་ཚོས་བོད་ཟེར་བ་ངོས་འཛིན་བྱེད་ཕྱོགས་མི་འགྲིག་པ་གདོན་བཞིན་ཡོད་པ་ཡིན་

རྫ་སེར་ཤུལ་དགོན་པས་དུས་དང་རྣམ་པ་ཀུན་ཏུ་རང་མི་རིགས་ལ་བཅངས་བའི་བརྩེ་སེམས་དང་སྙིང་སྟོབས། ལ་ཞེན་སོགས་ལ་ཡི་རངས་བསྔགས་བརྗོད་ཞུ་རྒྱུ་དང་སྦྲགས་སྐད་གྱི་ལས་འགུལ་དུ་མདོ་དབུས་ཁམས་གསུམ་གཞིས་ལུས་བོད་མི་ཡོངས་དང་དང་ལྷག་པར་དུ་བཙན་བྱོལ་བོད་མི་ཡོད་དོ་ཅོག་གི་ས་གནས་སོ་སོར་རྒྱ་ཁྱབ་ཏུ་འགྲོ་ཐུབ་པའི་རེ་བ་ཡོད།

མི་རིགས་ཀྱི་ཆེད་དུ་ཅི་ཡང་བྱེད་ཕོད་པའི་གཞིས་ལུས་རྒྱ་ཆེའི་མི་དམངས་ནི་བོད་མི་རིགས་ཀྱི་ཆེས་མཐའ་མཇུག་གི་སྐྱབས་མགོན་དེ་ཡིན།

འདི་དག་གིས་ངས་སྙིང་ཁོང་དང་སེམས་ཀྱི་འུ་ཁུང་ཡོད་ཚད་ འཁྱག་སིབ་སེ་གཏོང་སོང་། རྗེས་ལུས་བོད་པ་ལགས། ཁྱེད་ཚོོར་བཀའ་དྲིན་ཆེ། གཟི་བརྗིད་ཆེ།

བོད་ཀྱི་སྐད་ཡིག་ལ་རྒྱུས་མངའ་མེད་པའི་དེང་རབས་སྤྱི་ཚོགས་ཁྲོད་ཀྱི་བོད་རིགས་མི་ངན་དག་གིས། བོད་སྐད་ཡིག་གིས་དེང་རབས་སྐད་ཡིག་གི་ཚབ་བྱེད་མི་ཐུབ་པར་རློམ་ནས། རང་རེའི་སྐད་ཡིག་གི་ནང་དུ་ཨིན་ཇིའི་སྐད་ཡིག་དང་རྒྱ་གར་སྐད་དང་རྒྱ་མིའི་སྐད་ལ་སོགས་སྐད་རིགས་གཞན་དང་མཉམ་བསྲེས་བྱས་ཏེ་སྦྲགས་སྐད་བེད་སྤྱོད་བྱེད་པ་ནི། ཐོན་མི་ཀུན་ཏུ་བཟང་པོས། རྗེས་འཇུག་བཅུ་བོའི་དོན་ཤེས་ན། །འབྲི་དང་ཀློག་དང་འཆད་རྣམས་ཀྱི། །མཚམས་སྦྱོར་སྒྲ་ལ་ཐོགས་མེད་ཅིང་། །འབྲེལ་བར་སྨྲ་བའི་མཆོག་ཏུ་འགྱུར། །ཞེས་གསུངས་པ་དང་ཡོངས་སུ་འགལ་བར་མ་ཟད། མཁས་པར་རློམ་པ་དེ་དག་ལ་བོད་སྐད་ཡིག་གི་ཤེས་ཡོན་དྲི་མ་ཙམ་ཡང་མི་མངའོ། །

འབྲོག་པ་དང་གྲྭ་བ་ཚོའི་ངོ་རྒོལ་ལས་སློབ་ཕྲུག་གི་ངོ་རྒོལ་ནུས་པ་བརྒྱ་འགྱུར་གྱིས་ཆེ། བོད་ཕྱིའི་ངོ་རྒོལ་ལས་ནང་གི་ངོ་རྒོལ་ནུས་པ་སྟོང་འགྱུར་གྱིས་ཆེ། དྲག་སྤྱོད་ཀྱི་ངོ་རྒོལ་ལས་ཞི་བའི་ངོ་རྒོལ་ནུས་པ་ཁྲི་འགྱུར་གྱིས་ཆེ། ཟིང་སློང་གི་ངོ་རྒོལ་ལས་ཁྲིམས་བསྟུན་གྱི་ངོ་རྒོལ་ནུས་པ་ཁྲི་འགྱུར་གྱིས་ཆེ།

གཞིས་ལུས་བོད་མི་ཚོས་རང་མི་རིགས་ཀྱི་བླ་སྲོག་ཏུ་འབོད་པའི་སྐད་ཡིག་ཐད་ལས་འགུལ་སྤེལ་པ་ལ་རི་ཆུ་ཁྲི་ཕྲག་གིས་ཕ་རོལ་ནས་སེམས་དམར་པོས་འཕར་ཁ་ལྡིང་བཞིན་སྤུན་ཟླ་ཚོའི་སྙིང་སྟོབས་ལ་གདུང་སེམས་མཉམ་བསྐྱེད་གྲངས་མེད་ཞུ།