དབུས་བུད་མེད་ལྷན་ཚོགས་ཀྱི་གོ་སྒྲིག་འོག་ཁ་སང་ཕྱི་ཚེས་ ༢༢ ཉིན། ངྷ་ས་བདེ་དོན་ཚོགས་ཁང་དུ་ཨོ་སི་ཊི་ལི་ཡ་ནས་ཡིན་པའི་བོད་གནས་ཉམས་ཞིབ་པ་སྐུ་ཞབས་གྷ་བྷི་རེལ་ Gabriel Lafitte ལགས་ཀྱིས་བོད་ནང་གི་གནས་བབ་དང་འབྲེལ་ཏེ། རྒྱ་ནག་གིས་བོད་ཐོག་ལ་འཛིན་པའི་འཇིགས་སྣང་ལྐོག་གྱུར་མ་ཞེས་པའི་གཏམ་བཤད་ཅིག་གནང་སོང་།
ཁོང་གིས་བོད་དང་རྒྱ་ནག་གི་སྐོར་ལ་ཞིབ་འཇུག་སྙན་ཐོ་ཞིག་ཀྱང་བཏོན་འདུག་ལ། ཁ་སང་གི་གཏམ་བཤད་དེ་ཡང་ཞིབ་འཇིག་སྙན་ཐོ་དེའི་ནང་དོན་དང་འབྲེལ་ཏེ། ད་ལྟའི་རྒྱ་ནག་གི་དཀའ་ངལ་དང་མཐོ་རིམ་དཔོན་རིགས་ཚོའི་སེམས་ནང་གི་འཇིགས་སྐྲག་བཅས་ནང་གསེས་ཚན་པ་ ༧ དུ་བཀར་ཏེ་སྒྲོག་འདོན་གནང་བྱུང་། ཚན་པ་དེ་དག་ནི་༼རྒྱ་ནག་དེང་རབས་ཅན་ལ་བསྒྱུར་བ་ནི་ཕྱི་ཤུན་ཙམ་རེད ༽ ཅེས་པ་དང་ ༼ རྒྱ་ནག་དམར་པོའི་གཞུང་ལ་ཡོད་པའི་འབྱུང་འགྱུར་ཐད་ཀྱི་འཇིགས་སྣང ༽ ཞེས་པ། ༼ དོན་དངོས་ལ་འཚོལ་ཞིབ ༽ ༼ རྩ་ཁྲིམས་རྒྱུན་འཁྱོངས་དང་དྲག་གནོན་བསྐྱར་གསོ་གཉིས་ཀྱི་གདམ་ཀ༽ ༼ རྒྱ་གཞུང་གིས་ཆོས་ལ་ཞེད་སྣང་བྱེད་པའི་རྩ་བ ༽ ༼ རྣམ་དཔྱོད་ལྡན་པའི་དེང་རབས་ཅན་གྱི་ཁ་ཕྱོགས ༽ ༼ བོད་ནང་ཁུལ་གྱི་སྟོབས་ཤུགས་ནི་རྒྱ་ནག་གི་འཇིགས་སྣང་ཆེ་ཤོས་ཡིན ༽ བཅས་རེད།
ཁོང་གིས་བརྗོད་དོན། ད་བར་རྒྱ་ནག་གཞུང་གི་འཇིགས་སྣང་ཆེ་ཤོས་ནི་དེང་རབས་ཅན་ལ་ཁ་ཕྱོགས་པ་དེ་དོན་དངོས་ཐོག་འཛུགས་སྐྲུན་གྱི་ཕྱི་ངོས་ཙམ་ལས་སྤྱི་ཚོགས་ཀྱི་ཕྱོགས་ངོས་ཡོངས་དང་ལྷག་པར་དུ་དམངས་སེམས་ལ་བསྒྱུར་བཅོས་བྱས་ཐུབ་མེད་པ་དེ་རེད། མང་ཚོགས་ཀྱི་སེམས་ངོགས་ན་ཡོད་པའི་ད་ལྟའི་དེང་རབས་ཅན་གྱི་ཁེ་ཕན་འདི་ལ་གཡོ་འགུལ་དང་འགྱུར་བ་འགྲོ་སྲིད་པ་དེ་ཉིན་ཞིག་འབར་རྫས་བཞིན་འཐོར་མི་ཡོང་ངམ་བསམ་པའི་འཇིགས་སྣང་ཞིག་དུས་རྒྱུན་རྒྱ་ནག་གི་དཔོན་རིགས་ཚོར་ཡོང་གི་ཡོད། ཅེས་བརྗོད་བྱུང་།
སྐུ་ཞབས་གྷ་བྷི་རེལ་ལགས་ནི་བོད་དོན་ཐད་རང་དབང་ཅན་གྱི་ཉམས་ཞིབ་པ་ཞིག་ཡིན་ཞིང་། དེ་སྔ་བོད་གཞུང་དྲིལ་བསྒྲགས་ལས་ཁུངས་ཀྱི་ཁོར་ཡུག་སྡེ་ཚན་གྱི་སློབ་སྟོན་པའི་འགན་བཞེས་མྱོང་ཞིང་། བོད་ནང་ལ་ཐེངས་མང་ཕྱིན་ཏེ་རྒྱ་གཞུང་གིས་འཛིན་བཟུང་འོག་ཏུ་ཡང་ཚུད་མྱོང་ཡོད།
གསར་འགོད་པ། བནྡེ་སྐྱབས།
Gabriel Lafitteཁོང་གིས་བོད་དང་རྒྱ་ནག་གི་སྐོར་ལ་ཞིབ་འཇུག་སྙན་ཐོ། ཞེས་པ་དེ་བོད་བསྒྱུར་ཐུབ་ཡོད་དང་མེད་གལ་སྲིད་ཐུབ་ཡོད་ཚེ་དེ་གང་ནས་འཚོལ་ཐུབ་བམ།
དུས་བབ་གིས་ལས་བྱེད་རྣམས་ལ་ཞུ་རྒྱུ། གསལ་བསྒྲགས་གིས་ནང་ལ་ཇོ་ནང་གིས་སྨོན་ལམ་དེ་ལ་རིག་པ་འདོན་མི་ཆོག་པ་གང་ཡིན་ནམ་དེ་གསལ་བཤད་ཞིག་ངེས་པར་གནང་རོགས་གནང་།
རེད། སྐུ་ཞབས་Gabriel གྱིས་སྔོན་མ་ནས་ད་བར་དུ་ལོ་སུམ་ཅུ་ལྷག་ལ་བོད་དོན་ཉམས་ཞིབ་བྱས་དང་བྱེད་བཞིན་ཡོད་ལ། ཁོང་གིས་བོད་ཕྱི་ནང་གི་བོད་མི་རྒན་དར་གཞོན་གསུམ་ཚང་བཅར་འདྲི་ཡང་བྱས་དང་བྱེད་བཞིན་ཡོད། ཁོས་འདི་ལྟར་བོད་མི་ཚོར་བཅར་བྱས་པ་བརྒྱུད་བོད་མིའི་བསམ་ཚུལ་གང་འདྲ་ཡིན་ལ་ཧ་ཅང་རྒྱུས་མངའ་ཡོད། ཁོས་སྔོན་ཆེད་ཅིག་ལ་འདི་འདྲ་ཞིག་གསུངས་མྱོང་། ཁྱོད་ཚོས་རེ་བ་དང་མངོན་འདོད་གང་ཡིན་ལ་ཤོད། ང་སོང་ནས་ཁྱོད་ཚོའི་གཞུང་དང་མཐོ་རིམ་དཔོན་པོ་ཚོར་བཤད། དེ་མིན་ན་ཁྱོད་ཚོས་ཐད་ཀར་ཅི་བཤད་ལ་ཁོང་ཚོས་གསན་གི་རེད་ཅེས་བཤད།
གསར་གནས་འདི་ལ་འབྲེལ་བ་མེད་ཚེ་མ་བཀོད་ཀྱང་ཆོག
ཞིབ་འཇིག་སྙན་ཐོ་མ་རེད། ཞིབ་འཇུག་སྙན་ཐོ་རེད།
དབྱངས་ཨི་དང་ཨུ་གཉིས་ཀྱིས་གསར་འགོད་པ་ཁྱེད་སོགས་དྲ་གྲོགས་མང་པོ་ཞིག་ལ་མི་མངོན་པའི་ཚུལ་གྱིས་བརྙས་བཅོས་བྱེད་ཀྱིན་འདུག་པས་ཐུགས་གཟབ་གནང་རོགས།།