དེ་རིང་ཀྲུང་གོའི་བོད་ལྗོངས་དྲ་བས་གནས་ཚུལ་སྤེལ་བ་ལྟར་ན། བོད་རིག་པའི་ཇོ་མོ་གླང་མའི་གླེང་སྟེགས་སྐབས་དང་པོ་ཞེས་པ་ཟླ་འདིའི་ཚེས་ ༢༣ ཉིན་གྱི་སྔ་དྲོར། པེ་ཅིན་གྱི་ཀྲུང་གོའི་བོད་རིག་པ་ཞིབ་འཇུག་ལྟེ་གནས་ཟེར་བ་རུ་ཚོགས་ཡོད་པ་དང་། ཚོགས་ཐོག་དེར་རྒྱལ་ནང་གི་ཞིབ་འཇུག་སྡེ་ཁག་དང་མཐོ་རིམ་སློབ་ཆེན་བཅུ་ཕྲག་ཁ་ཤས་ནས་ཕེབས་པའི་ཆེད་ལས་མཁས་པ་བརྒྱ་ལ་ཉེ་བ་ཚོགས་འདུར་ཞུགས་ཏེ། ཆེད་ལས་མཁས་པ་ ༤༠ ཡིས་སྤྱི་ཚོགས་དཔལ་འབྱོར་ཞིབ་འཇུག་དང་། དེང་རབས་ཆབ་སྲིད་ཞིབ་འཇུག ལོ་རྒྱུས་ཞིབ་འཇུག ཆོས་ལུགས་ཞིབ་འཇུག བོད་ཀྱི་གསོ་རིག་ཞིབ་འཇུག་བཅས་དང་འབྲེལ་ཏེ་གཏམ་བཤད་གནང་རྒྱུ་རེད་ཟེར།
ཚོགས་འདུའི་ཉིན་གསུམ་པ་སྟེ། དེ་རིང་ཀྲུང་གོའི་བོད་རིག་པ་ཞིབ་འཇུག་ལྟེ་གནས་ཀྱིས་གཙོ་སྒྲུབ་གནང་སྟེ། ཉེ་ལམ་གསར་དུ་དུ་བཟོ་སྐྲུན་ལེགས་འགྲུབ་བྱུང་བའི་ཀུ་ཤུ་གློག་ཀླད་པར་གཞིའི་“ཇོ་མོ་གླང་མ”ཞེས་པའི་བོད་ཡིག་གི་ཡིག་གཟུགས་མ་ལག་ཅིག་དབུ་འབྱེད་དང་ཕྱིར་བསྒྲགས་བྱས་འདུག་ལ། དེ་ནི་“ཇོ་མོ་གླང་མ”ཞེས་པའི་བོད་ཡིག་གི་ཡིག་གཟུགས་ཞིབ་འཇུག་སྐོར་གྱི་ཐོད་བརྒལ་གསར་བ་ཞིག་ཡིན་ཟེར།
ཡིན་ནའང་། གསར་དུ་བཟོ་སྐྲུན་ལེགས་འགྲུབ་བྱུང་བའི་ཇོ་མོ་གླང་མ་ཞེས་པའི་བོད་ཡིག་ཡིག་གཟུགས་ཀྱི་ཁྱད་ཆོས་དང་བཀོལ་སྤྱོད། ནང་འཇུག་བྱེད་སྟངས་བཅས་ཀྱི་ཐད་དུ་འགྲེལ་བརྗོད་གང་ཡང་བྱས་མི་འདུག་མོད། འདི་ནི་ཟླ་འདིའི་ཕྱི་ཚེས་ ༡༥ ཉིན་གྲྭ་བློ་བཟང་སྨོན་ལམ་ལགས་ཀྱིས་སྨོན་ལམ་ཚིག་མཛོད་དང་སྨོན་ལམ་བོད་ཡིག་ ༣.༡ སྤྱི་ཚོགས་ཁྲོད་རིན་མེད་འགྲེལ་སྤེལ་གནང་རྗེས་ཏེ། ཟླ་འདིའི་ནང་གི་བོད་སྐད་ཡིག་གི་འཕོ་འགྱུར་གཉིས་པ་དེ་ཡིན་འདུག
བོད་རིག་པའི་ཇོ་མོ་གླང་མའི་གླེང་སྟེགས་ཞེས་པ་ནི་ཀྲུང་གོའི་བོད་རིག་པ་ཞིབ་འཇུག་ལྟེ་གནས་ཀྱིས་ལོ་བཞིའི་ནང་ཐེངས་གཅིག་འཚོགས་པའི་པེ་ཅིང་བོད་རིག་པའི་བགྲོ་གླེང་ཚོགས་འདུ་དང་། ཀྲུང་གོའི་བོད་རིག་པ་ཞིབ་འཇུག་གི་ཇོ་མོ་གླང་མའི་བྱ་དགའ་དཔྱད་བསྡུར་གྱི་བྱ་འགུལ། རྒྱལ་ཡོངས་བོད་རིག་པའི་ལས་དོན་མཐུན་སྦྱོར་ཚོགས་འདུ་བཅས་ཀྱི་གཞུག་ནས་སྤེལ་བའི་བོད་རིག་པའི་ཁྱབ་ཁོངས་ཀྱི་བྱ་འགུལ་གཙོ་བོ་ཞིག་ཡིན་འདུག
གསར་འགོད་པ། ཨ་རིག་འགྱུར་མེད།
མཁྱེན་རླབས་མཚུངས་མེད་རྒན་བཀྲ་ཤིས་ཚེ་ིརང་ལགས་སུ་བཀྲ་ཤིས་བདེ་ལེགས་ཞུ་བ་དང་ཆབས་གཅིག་སྐུ་ཉིད་ཀྱིས་བོད་ནང་བོད་ཡིག་གཉེན་ཆས་ཇོ་མོ་གླང་མ་ཙམ་མིན་པར་མང་དག་ཞིག་འདོན་སྤེལ་གནང་བཞིན་སྤྱི་ཚོགས་ནང་ཕན་རླབས་ཆེན་པོ་ཡིང་བཞིན་པས་བོད་ཀྱི་ཞབས་ཞུ་རང་རེད།
རྣམ་དཔྱོད་ཀྱི་ལང་ཚོ་དར་ལ་བབས་པའི་སྐུ་ཞོགས་བློ་བཟང་སྨོན་ལམ་ལགས་ལ་འཚམས་འདྲི་བཀྲ་ཤིས་བདེ་ལེགས་དང་ཆབས་ཅིག ཁྱེད་སྐུ་བདེ་ཐང་ཡོང་བའི་སྨོན་ལམ་དང་གཅིག ཁྱེད་ཀྱིས་ལག་འགྲུབ་བྱུང་བའི་སྨོན་ལམ་ཡིག་གཟུགས་སོ་ཀྱི་རང་ལུགས་ཕྱོགས་གྱུར་རྒྱུས་བར་ཤོག
ངས་བཤད་སྟངས་མ་འགྲིག་པ་ཡིན་ནམ། གང་ལྟར་མི་འགའ་ཞིག་ནས་བློ་བཟང་སྨོན་ལམ་དང་འབྲེལ་བ་ཞིག་བཙུགས་འདུག སེར་སྨད་སྐུ་ཞབས་བློ་བཟང་སྨོན་ལམ་ཀློག་ཀླད་ལ་མཁས་པ་ཡོངས་གྲགས་རེད། ང་རང་ཁོང་ལ་དངོས་གནས་ཧང་སང་ཡོད། བཀྲ་ཤིས་ཚེ་རིང་ཡིན་ན་རྒྱ་ནག་གཞུང་གིས་འགྲོ་གྲོན་ཕོན་ཆེར་གཏོང་གིན་ཡོད་རེད། སྐུ་ཞབས་སྨོན་ལམ་གྲྭ་པ་གྲྭ་རྐྱང་གཅིག་གིས་སྙིང་རུས་ལ་ཧང་སང་བྱུང༌། ཁོང་གི་ཡིག་གཟུགས་དང་ཚིག་མཛོད་དེ་ཚོ་ངའི་གཅེས་ནོར་ཡིན།
འོ་རེད། ཀུ་ཤུ་རྟགས་ཅན་ཅན་གྱི་ཁ་པར་ནང་བོད་ཡིག་བཅུག་མཁན་དེ་བོད་ཕྱི་ནང་གང་གི་སྐུ་ཞབས་བློ་བཟང་སྨོན་ལམ་ཡིན་ནམ། ད་ང་ངོ་མ་འཁྲུགས་སོང༌། གསལ་བཤད་ཅིག་གནང་རོགས།
སྐུ་ཞབས་བཀྲ་ཤིས་ཚེ་རིང་དང་འབྲེལ་ཡོད་ཚང་མར་ཐུགས་རྗེ་ཆེ་ཞུ་རྒྱུ་དང་རྗེ་སུ་ཡང་སྐུ་ཞབས་བློ་བཟང་སྨོན་ལམ་སོགས་དང་མཉམ་འབྲེལ་གྱིས་ལེགས་ཆ་སྤེལ་བར་སྨོན།
༆ རྣམ་དཔྱོད་ཀྱི་ལང་ཚོ་དར་ལ་བབས་པའི་སྐུ་ཞོགས་བློ་བཟང་སྨོན་ལམ་ལགས་ལ་འཚམས་འདྲི་བཀྲ་ཤིས་བདེ་ལེགས་དང་ཆབས་ཅིག
དེང་དུས་ཕ་གཞིའི་དྲོད་མོའི་ཕ་སྐད་དེ་འཇིགས་ལ་ཉེ་བའི་སྐབས་འདིར་ཁྱེད་ཉིད་ཀྱིས་མ་སྐུལ་དང་དུ་བླངས་དེ་ཆོལ་གསུམ་གཞི་བྱེས་བོད་མི་ཡོངས་ལ་མུན་འཇོམས་ཀྱི་སྒྲོན་མེ་བཏེགས་པ་ཕྲན་ངས་སྙིང་ཐེགས་པ་ནས་ཐུགས་རྗེ་ཆེ་ཞུ ། ད་དུང་་་་་ ཉིད་ཀྱིས་མཁྱེན་དཔྱོད་ཀྱི་རྩལ་ལས་བཏོན་པའི་གསེར་མདོག་གི་ཉི་མ་དེ་་་་ རྒན་དར་གཞོན་གསུམ་གྱི་བོད་མི་ཡོངས་ནས་གངས་རིའི་ལྗོངས་སུ་ཤར་བར་སྒུག་ཡོད །
སླད་མར ། ཁྱེད་ཉིད་ཀྱིིིིིིི་སྐུ་ལུས་བདེ་ཞིང་བསམ་དོན་ཡིད་ཞིན་འགྲུབ་པར་སྨོན །།
སྨོན་ལམ་རྒྱ་མཚོ་ནས་གུས་ཕུལ །།
ད་བཀྲ་ཤིས་ཚེ་རིང་ཡིན་ན་ཆོག་གི་བློ་བཟང་སྨོན་ལམ་ཡིན་ན་ཆོག་གང་ལྟར་ཚེ་རིང་རྒྱུ་གཉིས་རེད། རང་གི་རིག་གཞུང་ཕྱོགས་ནས་བློས་གཏོང་གི་མི་འདུག
མིག་ཤེལ་རྒྱག་མཁན་དེ་བཀྲ་ཤིས་ཚེ་རིང་རེད། ཕ་ཡུལ་རྒྱལ་ཐང་པ། ངེད་གཉིས་ཆུང་དུས་ནས་སློབ་གྲོགས་ཡིན། ཁོང་དེང་སང་ཀློག་ཀླད་ཐོག་མཁས་ཤོས་སུ་བརྩི་བ་རེད།