ཨ་རིའི་ཀུ་ཤུ་རྟགས་ཅན་གྱི་བཟོ་གྲྭས་གསར་ཏུ་བཟོས་པའི་ ios4.2.1 ཞེས་པའི་ནང་། ཕྱི་ཚེས་ ༢༣ ཉིན་༼ ཀེ་ལ་ཤ་བོད་ཡིག ༽གསར་སྣོན་བྱས་ཡོད་འདུག་ལ། ཐེངས་འདིར་ཀུ་ཤུ་རྟགས་ཅན་གྱི་བཟོ་གྲྭས་བོད་ཡིག་གསར་སྣོན་བྱས་པ་བརྒྱུད་དེ། བཟོ་གྲྭ་དེ་ནས་ཐོན་པའི་ལག་འཁྱེར་ཁ་པར་ Iphone དང་། གསར་ཐོན་རྩིས་འཁོར་ Ipad དེ་བཞིན་ Ipod སོགས་སུ་བོད་ཡིག་ཚགས་མེད་དུ་བེད་སྤྱོད་གཏོང་ཐུབ་པར་གྱུར་ཡོད་འདུག
བོད་ཡིག་དེ་རྒྱལ་སྤྱིའི་གཅིག་གྱུར་ཨང་རྟགས་ཅན་དུ་བསྒྱུར་བའི་ཚུན་ལ། ད་ཆར་བོད་ཡིག་འཛམ་གླིང་སྟེང་དངོས་སུ་བེད་སྤྱོད་བྱེད་ཀྱིན་པའི་ཡིག་རིགས་ ༡༠༠ ཡི་གྲས་སུ་བསླེབས་ཡོད་པ་མ་ཟད། དེང་གི་བརྡ་འཕྲིན་བརྒྱུད་ལམ་ཐོག་བེད་སྤྱོད་ཐུབ་པའི་ཡིག་རིགས་ ༥༠ གྲས་སུའང་ཚུད་ཡོད་འདུག
གོང་གི་གནས་ཚུལ་དེ་ཐོན་མ་ཐག་བོད་ཕྱི་ནང་གི་གསར་ལམ་ཁག་གཅིག་ཏུ། ཐེངས་འདིར་ཀུ་ཤུ་རྟགས་ཅན་གྱི་ཐོན་རྫས་ནང་བོད་ཡིག་གསར་སྣོན་བྱས་པ་དེ་༼ སྨོན་ལམ་བོད་ཡིག་གསུམ་པ ༽ཡིན་པར་ངོས་འཛིན་བྱེད་ཀྱི་ཡོད་པ་དེ་ནོར་འཁྲུལ་ཡིན་ཞིང་། ཕྱི་ཚེས་ ༢༣ ཉིན་ཨ་རིའི་ཀུ་ཤུ་རྟགས་ཅན་གྱི་ཐོན་རྫས་ནང་བོད་ཡིག་གསར་སྣོན་བྱས་པ་དེ་ནི་༼ ཀེ་ལ་ཤ་བོད་ཡིག ༽ཡིན།
དེ་རིང་གློག་ཀླད་ཆེད་མཁས་པ་གྲྭ་བློ་བཟང་སྨོན་ལམ་ལགས་ཀྱིས་གསལ་བཤད་གནང་དོན། སྤྱིར་བཏང་ཀུ་ཤུ་རྟགས་ཅན་གྱི་གློག་ཀླད་ནང་ལོ་ཤས་གོང་ནས་བོད་ཡིག་ཡོད། དེ་ནི་ཉི་ཧོང་གི་ཨོ་ཏ་ལེ་གཙུག་ལག་སློབ་གྲྭ་དང་ཨ་རིའི་ཀུ་ཤུ་རྟགས་ཅན་གྱི་བཟོ་གྲྭ་གཉིས་མཉམ་འབྲེལ་བྱས་ཏེ། ༼ ཀེ་ལ་ཤ་བོད་ཡིག ༽ དང་ ༼ ཀོ་ཀོ་ནོར་བོད་ཡིག ༽ ཟེར་བ་དེ་བཟོས་ཡོད། དེ་གཉིས་རྒྱལ་སྤྱིའི་གཅིག་གྱུར་ཨང་རྟགས་ཐོག་ཐོན་པའི་བོད་ཡིག་དང་པོ་རེད། དེའི་རྗེས་ཨོ་ཏ་ལེ་གཙུག་ལག་སློབ་གྲྭ་དང་ང་ཚོ་མཉམ་འབྲེལ་ཐོག་༼ སྨོན་ལམ་བོད་ཡིག་གསུམ་པ ༽ ཀུ་ཤུ་རྟགས་ཅན་གྱི་གློག་ཀླད་ནང་བཅུག་པ་ཡིན།
ཉེ་ཆར་ ༢༣ ཉིན་ ios4.2.1 ནང་གསར་སྣོན་བྱས་པ་དེ་ཉི་ཧོང་གི་ཨོ་ཏ་ལེའི་གཙུག་ལག་སློབ་གྲྭས་བཟོས་པའི་༼ ཀེ་ལ་ཤ་བོད་ཡིག ༽ བོད་ཡིག་རེད། ཁ་ཤ་ཀྱིས་སྨོན་ལམ་བོད་ཡིག་གསུམ་པ་རེད་ཟེར་ནས་ཁྱབ་བསྒྲགས་བྱེད་ཀྱི་ཡོད་པ་དེ་ནོར་བ་རེད། འོན་ཀྱང་ཁོང་ཚོའི་ལས་གཞི་དེར་ང་ཚོས་རོགས་པ་བྱས་ཡོད་པ་རེད། ཐེངས་འདིར་རྒྱལ་སྤྱིའི་ནང་སྐད་གྲགས་ཡོད་པའི་ཀུ་ཤུ་རྟགས་ཅན་གྱི་ཐོན་རྫས་ནང་བོད་ཡིག་བཅུག་པ་དེ་དོན་དག་གལ་ཆེན་ཞིག་རེད། ཅེས་གསལ་བཤད་གནང་འདུག
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
ད་ཡིན་ན་iPad སོགས་ཀྱི་ནང་བོད་ཡིག་བདེ་བླག་སྤྱད་ཐུབ་ཀྱི་འདུག ད་ལྟ་ངས་ipad ནས་བྲིས་པ་ཡིན།
བོད་ཀྱི་སྐད་ཡིག་གི་ལས་དབང་ཇེ་དར་ཇེ་དར་དུ་འགྱུར་བ་ནི་དགའ་འོས་པའི་གནས་ཚུལ་ཞིག་རེད།
ཡ་བཀྲ་ཤིས་པའི་གནས་ཚུལ་ཇེ་མང་ཇེ་མང་རེད། ངོ་མ་བོད་ཀྱི་སྐད་ཡིག་གཉིས་དུས་རབས་དང་མཐུན་པར་མདུན་སྐྱོད་ཀྱི་གོམ་སྒྲ་སྒྲོག་པ་ཐོས་སྐབས་ངའི་སེམས་ཁམས་སུ་དགའ་ལྷང་ལྷང་གི་ཚོར་བ་ཞིག་འཕྱུར་གྱིན་འདུག་པས། གྲོགས་པོ་བློ་བཟང་སྨོན་ལམ་མཆོག་ལ་སོགས་པ་སྐུ་ལས་སྐྱོན་མཁན་ཡོངས་རྫོགས་ལ་སྙིང་ནས་ཐུགས་རྗེ་ཆེ་ཞུ།
དྲ་གྲོགས་ཇ་མ་ལགས་ དདདད རྟ་རྒྱུགས་བརྡུལ་ཡལ་ཚར་བ་རེད། རྒྱབ་པའི་མདའ་ལ་ལོགས་ཤོག་ཟེར་ཟ་ཡོད་མ་རེད་། དེ་ནི་དང་པོ་ནས་ནོར་བ་ཞིག་རེད། མ་གཞི་ནས་ང་ཚོ་བོད་པ་རྣམས་ཚིགས་གསར་བེད་སྤྱོད་བཏང་རྒྱུར་དགའ་དྲག་པའི་སྐྱོན་རེད།།།
དྲ་གྲོགས་རྡོ་རྗེ་ཚེ་རིང་ལགས་ ཁྱེད་རང་དེ་འདྲའི་ཟུར་ཟ་གནང་དགོས་ཡོད་མ་རེད་། གང་ལྟར་རུང་བོད་ཡིག་དེ་ཡི་ང་དང་ང་འདྲ་བའི་བོད་རིགས་གཞོན་ནུ་མང་པོར་ཕན་པ་ཆེན་པོ་ཡོང་སྲིད། ཁྱེད་རང་ལ་དགོས་པའི་ཇོ་མོ་གླང་མའི་ཡིག་གཟུགས་དེ་འདི་ལ་གཟིགས་དང། http://www.yalasoo.com/Tibetan/docs/yalasoo_bo_font.php ཁྱེད་སྤྲོ་པོ་ཡོང་བ་ཤོག་།།
དེེ་མིན་གྲོགས་པོ་ཚོ་གལ་སྲིད་ཁྱེད་རྣམས་ཀྱི་iphone ipod སོགས་ལ་བོད་ཡིག་འཇུག་འདོད་ན་ གུས་པས་ཡང་བསྐྱར་བཞུ་མི་དགོས་པར་ཁྱེད་རྣམས་ནས་ དྲ་གྲོགས་ར་ས་ཕོ་ཉ་ལགས་གི་གསུང་པ་བཞིན་བྱས་ན་འགྲིགས་གི་རེད་ དེ་ནི་ ཁྱེད་རང་ཁ་པར་དང་གློག་ཀླད་མཐུད་རྗེས་ new version update བྱས་རྗེས་སྐར་མ་25གཡས་གཡོན་ནང་རང་བཞིན་གྱི་ལེགས་འགྲུབ་ཡོང་གི་རེད། དེ་རྗེས་ཁྱེད་རང་གི་ཁ་པར་ནང་ཕྱིན་ཏེ་ 1,Setting 2,General 3,Keyboard 4,International keyboards 5,Add new keyboard དེ་རྗེས་ཁྱེད་རང་ནས་བོད་ཡིག་དེ་གདམས་ན་འགྲིགས་། ཧ་ཅང་ལས་སླ་པོ་རེད། གུས་པ་ཡང་བེད་སྤྱོད་མང་པོ་བཏང་གི་ཡོད། རང་ཉིད་ཀྱི་རིགས་གཞུང་དེ་དེང་དུས་ཀྱི་འཕྲུལ་ཆས་གསར་པའི་ནང་བེད་སྤྱོད་བཏང་དུས་ཧ་ཅང་དགའ་སྣང་ཆེན་པོ་འདུག། དེ་ནི་བྱུང་མྱོང་མེད་པའི་ཚོར་བ་གསར་པ་ཞིག་འདུག། རང་ཉིད་ཀྱི་རིགས་གཞུང་དེ་རྩ་ཆེན་ཡིན་པ་ཚོར་གི་འདུག།
༼ པཎ་ཊ་ཏ་ ༽རྒྱ་གར་སྐད།༼ ཀེ་ལ་ཤ་བོད་ཡིག ༽ཟེར་ན་རྒྱ་གར་སྐད་དང་ ༼ ཀོ་ཀོ་ནོར་བོད་ཡིག ༽ཟེར་ན་སོག་སྐད་ཡིན་པས་བོད་ཀྱི་ཡི་གེར་བོད་རང་གི་མིང་ཞིག་བཏགས་ན་ག་འདྲ་མི་ཆོག་པ་རེད།
ཐོན་མི་སམ་པོ་དྲ་གཉིས་པ་བློ་བཟང་སྨོན་ལམ་ཁ་དྲོ་བཀྲ་ཤིས། བྱ་བ་ལམ་འགྲོ་ཡོང་བར་ཤོག
བོད་སྐད་མི་ཤེས་མཁན་ཇེ་མང་རེད། བོད་ཡིག་གི་ཚན་རྩལ་ཇེ་མགྱོགས་རེད། བོང་བུ་སྔོན་ལ་ཕྱིན་ས་ལམ་རྗེས་ལ་ཟེར་བའི་དཔེ་རང་རེད། འོན་ཀྱང་ཕྱི་གླིང་བ་ཨ་གསར་ཅན་རེ་ཟུང་དང་བོད་སྐད་ཚོང་བསྒྱུར་བ་རེ་ཟུང་ལ་ཏན་ཏན་ཕན་ཐོགས་རྒྱུ་རེད། དེ་ལས་དྲྭ་གྲོགས་ཚོས་ཇོ་མོ་གླང་མའི་ཡིག་གཟུགས་ཕབ་ལེན་གྱི་དྲྭ་འབྲེལ་ཤེས་ཀྱི་ཡོད་ན་གུས་པར་གནང་རོགས།
ད་ཡིན་ན་ལྟད་མོ་འདུག བོད་སྐད་མི་ཤེས་མཁན་ནི་ཇེ་མང་རེད། བོད་ཡིག་གི་ཚན་རྩལ་ཇེ་མགྱོགས་རེད།
ཁོ་བོས་ཚོད་དཔག་བྱས་ན། ཁྱེད་རྣམ་པར་ iphone དང་ ipad་དང་ ipod touch སོགས་ཡོད་པ་ཡིན་ན། དེའི་ནང་གི་གཉེན་ཆས་དེ་ དེང་སང་གསར་དུ་འཐོན་པའི་གཉེན་ཆས་༤་༢་༡་ ios4.2.1 ཞེས་པ་དེ་དང་གོ་ས་བརྗེ་དགོས་པ་འདྲ། དེ་གོ་ས་བརྗེ་སྟངས་ནི་ཉིད་ཀྱི་iphone ལྟ་བུ་དེ་ གློག་གླད་ནང་གི་ iTUNE ལ་འཐུད་རྗེས་ new vesion update གནང་དགོས། འོན་ཀྱང་ཁོ་བོར་ད་ལྟ་དྲ་རྒྱ་མཐུན་རྐྱེན་མ་འདང་པས་ཚོད་ལྟ་ཐུབ་མ་སོང་། ཟླ་བ་རྗེས་མའི་ནང་ཚོད་ལྟ་བྱ་ངེས་ཡིན།
གྲྭ་བློ་བཟང་སྨོན་ལམ་ལགས་ཀྱིས་རྣམ་དཔྱོད་ལྡན་པའི་ལྷག་བསམ་འཁུར་ལེན་གྱི་བྱ་ལས་ལ་རྒྱབ་སྐྱོར་གཙང་མ་ཡོད།།
འཇམ་གྲགས་ལགས། ཀེ་ལ་ཤ་དང་ཁོ་ཁོ་ནོར་ཅེས་པའི་བོད་ཡིག་གི་མཐེབ་དང་ཡིག་གཟུགས་གཉིས་ནི་ཀུ་ཤུ་རྟགས་ཅན་གྱི་ནང་དུ་རང་ཆས་སུ་ཡོད་པ་རེད། འདི་གཉིས་ཕལ་ཆེར་ཧི་མ་ལ་ཡའི་བོད་ཡིག་ལས་ཀྱང་སྔ་ཙམ་ཡོད་པ་རེད། དེང་སྐབས་སྨོན་ལམ་བོད་ཡིག་ནི་ཀུ་ཤུ་རྟགས་ཅན་གྱི་གློག་ཀླད་དང་ཁ་པར། འབྲི་དེབ་བཅས་ཀྱི་ནང་དུ་ཆུ་བཞུར་བཞུར་བྱས་ནས་ཡོང་གི་འདུག
ཀེ་ལ་ཤ་བོད་ཡིག་ཀུ་ཤུའི་རྟགས་ཅན་ནང་རང་ཆས་སུ་ཡོད་པ་རེད་དམ། ཡང་ན་ཕབ་ལེན་དགོས་གསལ་བཤད་ཞིག་གནང་རོག་ཞུ།
ཐུགས་རྗེ་ཆེ་།།།། ངའི་iphone ལག་ཐོག་ཁ་པར་ཐོག་བེད་སྤྱོད་ཧ་ཅང་སྟབས་བདེ་པོ་བཏང་ཐུབ་གི་འདུག།།།། གོང་གསལ་གྱི་ལས་མི་ཡོང་ལ་བཀའ་དྲིན་ཆེ་བཞུ་རྒྱུ་ཡིནནནནནནནནནན དེ་ནི་བོད་ཀྱི་རིགས་གཞུང་ཉམས་པ་གསོར་བཅུད་དང་མི་ཉམས་གོང་འཕེལ་ཡོང་བའི་གོམས་པ་ཆེན་པོ་ཞིག་རེད།།
མ་ཡུམ་གྱི་འོ་སྤྲི་ལས་ཞིམ་པའི་བོད་སྐད་ཡིག་གི་ཚེ་སྲོག་ཡུན་དུ་གནས་པར་མཛད་རྗེས་རླབས་ཆེན་བཞག་པའི་གྲྭ་བློ་བཟང་སྨོན་ལམ་ལ་སྙིང་ཐག་པ་ནས་རྗེས་སུ་ཡི་རངས་ཞུ།
ཀེ་ལ་ཤ་བོད་ཡིག་ཟེར་བ་དེ་གང་ནས་ཕབ་ལེན་ཐུབ་རྒྱུ་ཡིན་ནམ།
གོང་གསལ་གནས་ཚུལ་དེར་བཀྲ་ཤིས་བདེ་ལེགས་ཞུ་རྒྱུ་ཡིན་ཀྱང་། འདིར་ད་ལྟ་འཐོན་ཟིན་པའི་iPAD དང་iPhone སོགས་ལ་བོད་ཡིག་འཇུག་སྟངས་ཤིག་བསླབ་ན་ཅི་འདྲ་མི་ལེགས་སམ།
གང་ལྟར་ཡར་རྒྱས་ཀྱི་རྣམ་པ་རེད། འོན་ཀྱང་སུས་བྱས་པ་དང་སུས་ལས་པ་དེར་འགྲེལ་བརྗོད་ཡག་པོ་ཡོད་དགོས་པ་ལས་ཤ་ཞིམ་པོ་ཝ་མོས་བཟས་མིང་ངན་པ་སྤྱང་ཀིར་ཟེར་བ་ལྟར་མ་ཡིན་པ་བྱུང་ན་ཡག་པོའདུག།
ཞུ་སྙིང་།
དྲ་གྲོགས་ཚོ་དེ་སྔོན་ཕྱི་ཟླ་བ་༡༠ པའི་ཚེས་༡༥ ཉིན་དུས་བབ་དྲ་རྒྱས་སྤེལ་གནས་ཚུལ་གོང་ས་མཆོག་པྱེད་བགྲེས་ཡོལ་སྐོར་ལ་ཀླུ་མཁར་བྱམས་ཟེར་བ་ཞིག་མཆན་བུ་བཏབ་བསུབ་པ་རྣམས་སུ་ལ་ཡོད་ཀྱང་གུས་པར་མཁོ་སྤྲོད་གནང་རོགས། གཤམ་དུ་ཡིག་ཟམ་བཀུར་ཡོད། ད་དུང་སྐབས་དེར་ནད་ཟེར་བ་ཞིག་གིས་ཀྱང་མཆན་བུ་བཏབ་པ་ད་དུང་མཐོང་རྒྱུ་འདུག་པས་ཤེས་ལྡན་པ་རྣམས་ཀྱིས་ཞིབ་དཔྱད་ཀྱིས་ལན་ཞིག་དགོས་པ་ཁ་ཚ་དགོས་གཏུགས་རེད་སྙམ། དེ་མིན་ཆོ་མེད་ཀྱི་རྩོམ་བྲིས་འདྲ་འདིར་སྤེལ་བ་ནི་དུས་ཚོས་འཕྲོ་བརླག་ཏུ་བསམ།
གཟུ་ལས་བློ་ལྡན་ལགས་ཀླུ་མཁར་བྱམས་ཀྱི་མཆན་བུ་ཁོ་བོའི་ཡིག་ཟམ་དེར་གནང་རོགས་ཞུ། ttseten33@yahoo.com
བོད་མི་རིགས་ཀྱི་སྐད་ཡིག་འདི་བཞིན། འཛམ་གླིང་གི་སྤྱི་ནོར་ཞིག་ཏུ་འགྱུར་གྱིན་ཡོད་སྟབས། བོད་མི་ཚོས་ནོར་བུ་རང་ལག་ཏུ་ཡོད་སྐབས་ནོར་ངོ་ཆོད་པ་ཞིག་གནང་སྟེ། དུས་ཁོམ་ནམ་ཡོད་ལ་བོད་མི་རིགས་ཀྱི་ཚེ་སྲོག་དང་འབྲེལ་ཞིང་འཛམ་གླིང་གི་སྤྱི་ནོར་བོད་ཡིག་གི་རིན་ཐང་ཤེས་པར་བྱ་རྒྱུ་ནི། བོད་མི་ཚོའི་འཚོ་བའི་ཁྲོད་ཀྱི་གཡོལ་དུ་མེད་པའི་ལས་འགན་ཞིག་ཡིན།
ད་དུང་བོད་ཡིག་གི་ཚེ་སྲོག་བསྲིང་རྒྱུར་ཐབས་ལམ་དང་། བརྒྱུད་ལམ་སོགས་ཀྱི་སྟོང་ཆ་མང་པོ་བསྐང་དགོས་སྟབས། བོད་མི་རང་རང་གི་རྣམ་དཔྱོད་ཀྱི་རྩལ་སྤྲུགས་ཏེ་ད་དུང་རིམ་པར་བསྐྱོད་དགོས།།
རླབས་ཆེན་གྱི་ལས་གཞི་ཞིག་ལེགས་གྲུབ་བྱུང་བར་སྙིང་དབུས་རྗེས་སུ་ཡི་རང་ཞུ།།