ཁ་སང་ཕྱི་ཚེས་ ༤ ཉིན་ཏེ་གཟའ་སྤེན་པའི་དགོང་མོའི་པེ་ཅིན་གྱི་ཆུ་ཚོད་ ༡༠ དང་སྐར་མ་ ༣༠ ཡས་མས་སུ། ད་ལྟའི་རྒྱ་ནག་ཀཱོས་ཀྲུག་མེའོ་རིགས་ཐུང་རིགས་རང་སྐྱོང་ཁུལ་གྲོང་ཁྱེར་གྱི་ཆིན་ཕེན་ལྷོ་ལམ་བཟོ་ཚོང་ཁྲོམ་ར་གཉིས་པའི་ཟམ་འོག་གི་དྲ་ཁང་ཞིག་ཏུ་འགལ་རྫས་འགས་གཏོར་གྱི་དོན་རྐྱེན་ཆེན་པོ་ཞིག་བྱུང་སྟེ། མི་ ༦ རྐྱེན་ལམ་དུ་ཕྱིན་ཡོད་པ་དང་། མི་ ༢༤ ལ་རྨས་སྐྱོན་ཕོག་ཡོད་འདུག ད་ལྟ་རྨས་མ་རྣམས་སྨན་ཁང་དུ་བསྐྱལ་ཏེ་མྱུར་སྐྱོབ་བྱེད་བཞིན་ཡོད་ནའང་། རྨས་སྐྱོན་ཚབ་ཆེན་ཕོག་ཡོད་པར་བརྟེན་འགས་གཏོར་དོན་རྐྱེན་ཁྲོད་རྐྱེན་འདས་སུ་སོང་བའི་མི་གྲངས་འཕར་སྲིད་པར་ཚོད་དཔག་བྱེད་ཀྱིན་ཡོད་ཅིང་། འགལ་རྫས་དེས་ཤུགས་ཚད་ཧ་ཅང་ཆེ་སྟབས། ཉེ་འགྲམ་གྱི་འཛུགས་སྐྲུན་ཐོག་ཁང་དང་མི་མང་གི་སྡོད་ཁང་སོགས་ཀྱི་སྒོ་དང་སྒེའུ་ཁུང་གི་ཤེལ་སྒོ་མང་པོ་ཆག་ཀྲུམ་ཤོར་ཡོད་འདུག ད་སྔ་འགས་གཏོར་དེའི་བྱུང་རྐྱེན་དང་འགས་གཏོར་བྱེད་མཁན་སུ་ཡིན་གྱི་གནས་ཚུལ་ཤེས་རྟོགས་ཐུབ་མི་འདུག
གསར་འགོད་པ། ཚེ་རིང་རྒྱལ།
དོན་རྐྱེན་འདིའི་རྒྱུ་རྐྱེན་གང་ཡིན་གསལ་ཁ་མེད་ཀྱང་འདི་རིགས་ནི་རང་གཞན་སུ་ལའང་མི་ཡོང་བ་དང་རྨས་སྐྱོན་ཕོག་པ་རྣམས་མྱུར་དུ་སོས་དྲག་ཡོང་བའི་སྨོན་ལམ་འདེབས།
འགས་གཏོར་འགྲོ་བའི་རྒྱུར་རྐྱེན་གང་ཡིན་ན།
ངའི་བསམ་བློ་གཏོང་ཕྱོགས་གཅིག་ནས་འདི་འགྲུབ་བཞག།