བཀའ་ཁྲི་ཟམ་གདོང་རིན་པོ་ཆེ་མཆོག་གི་གཞིས་ཆགས་ཁག་ཏུ་སྐོར་བསྐྱོད་ཀྱི་མཛད་འཆར་ཁག་གྲུབ་ཏེ་ཉིན་ཤས་ལས་ཕྱིན་མེད་པའི་སྐབས་ཏེ། དེ་རིང་ཕྱི་ཚེས་ ༦ ཉིན་བཀའ་ཁྲི་མཆོག་བསྐྱར་དུ་ངྷ་ས་ནས་ཕེབས་ཐོན་གྱིས་ལྡི་ལི་བརྒྱུད་གནས་མཆོག་རྡོ་རྗེ་གདན་དུ་ཕེབས་རྒྱུ་ཡིན་པ་དང་། ཚེས་ ༨ ཉིན་གྱི་སྔ་དྲོར་རྡོ་རྗེ་གདན་དུ་གོ་སྒྲིག་ཞུས་པའི་ཀརྨ་པ་སྐུ་ཕྲེང་དང་པོ་དུས་གསུམ་མཁྱེན་པ་སྐུ་འཁྲུངས་ནས་ལོ་ ༩༠༠ འཁོར་བའི་དུས་དྲན་མཛད་སྒོའི་སྟེང་ཞུགས་འཆར་ཡོད་འདུག་ཅིང་། ཚེས་ ༩ ནས་ ༡༡ ཉིན་བར་ལིག་ནོ་གྲོང་ཁྱེར་དུ་༧གོང་ས་མཆོག་གི་ཆིབས་ཞབས་སུ་བཅར་རྒྱུ་དང་། ཁོང་གི་ལས་འཆར་ཁག་ལེགས་པར་འགྲུབ་རྗེས་ཕྱི་ཚེས་ ༡༢ ཉིན་ལྡི་ལི་བརྒྱུད་ཕྱིར་ངྷ་སར་ཕེབས་རྒྱུ་ཡིན་འདུག
བསྡུ་སྒྲིག་བྱེད་མཁན། དཔལ་ལྡན།
