དོལ་རྒྱལ་བསྟེན་མཚམས་བཞག་སྟེ་མགྲོན་འབོད་བྱས་པ་ལྟར་ཡོང་བ་ཡིན།

འབྱུང་པོ་བསྟེན་པའི་མི་དང་འདྲེས་བྱས་ན་། མི་ཚེ་སྟོང་ཟད་འགྲོ་པའི་ཉེར་རྒྱུ་ཡིན་། དམ་ཚིག་ནམས་པའི་མི་དང་འགྲོག་པ་ན་། རྡོ་རྗེ་དམྱལ་བ་འགྲོ་བའི་ཉེར་རྒྱུ་ཡིན་།

ཟླ་བ་ཚེ་རིང་གིས་མཚན་རིང་སྦྲུང་གི་མི་འཆོལ་ཅེས་པའིརྩོམ་ཡིག་གི་ཡང་སྙིང་ནི། དབུ་མའི་ལམ་ལ་མི་འདོད་པའི་རྒོལ་གཏམ་ཞིག་དང་རང་བཙན་ལ་འུད་བསྟོད་ཞིག་ཡིན་པ་མངོན་ཏེ། ཐད་ཀར་ཡིད་བཞིན་ནོར་བུའི་མཚན་དངོས་སུ་མ་བཟུང་ཡང་། བསྐོར་ནས་ཟམ་གདོང་བླ་མའི་མ་འགྱོན་རབས་སོགས་སྐྱོན་བརྗོད་འབའ་ཞིག་བྱས་འདུག དངོས་གནས་བཤད་ན་ཁྱོད་ལ་ཤེས་འཇོན་དང་སེམས་ཤུགས་ཡོད་ན་བཀག་རྒྱ་གང་ཡང་མི་འདུག་པས། བོད་སྤྱི་བའི་དོན་ལ་བྱས་རྒྱས་རེ་འཇོག་ཐུབ་ན་ཨ་མའི་བུ་ཡིན། མ་གཞི་རང་གི་འགན་གང་ཡང་མི་ལེན་པར་གདོང་རྩེ་ནང་ལོག་རྐྱང་རྐྱང་ལ་བསྐོར་ནས་རྒྱགས་གཏམ་འབའ་ཞིག་གི་དུས་འདའ་ན་བཟང་བོའི་སྤྱོད་པ་ལས་ཕྱི་རོལ་དུ་གྱུར་བའོ།། ད་དུང་དེར་མ་ཚད་ཁྱོད་ཀྱིས་སྐྱབས་གསུམ་ལས་གཞན་པའི་སྐྱབས་བཞི་བ་ཞིག་འཚོལ་བར་བརྟག་ན། ཁྱོད་ཀྱི་རྒྱུ་ལ་སྐྱབས་འགྲོ་ཡོད་མེད་ཡང་གསལ་ལོ།། ཨ་ལེ་ཀུ་རེ་ཡིན། དེ་ཁྱོད་རང་གི་འདོད་པ་རེད།

སྐད་ཆ་མང་པོ་མ་ཤོད། དེ་ལས་འདི་ལ་བལྟ། http://www.westernshugdensociety.org/

རྒྱལ་སྲས་ཐོགས་མེད་ཀྱི་གསུང་རྒྱལ་སྲས་ལག་ལེན་ལས།
གཉེན་གྱི་ཕྱོགས་ལ་འདོད་ཆགས་ཆུ་ལྟར་གཡོ།
དགྲ་ཡི་ཕྱོགས་ལ་ཞེ་སྡང་མེ་ལྟར་འབར།
བླང་དོར་བརྗེད་པའི་གཏེ་མུག་མུན་ནག་ཅན།
ཕ་ཡུལ་སྤོང་བ་རྒྱལ་སྲས་ལག་ལེན་ཡིན།

ཞེས་དང་།

ནང་གི་ཞེ་སྡང་དགྲ་བོ་མ་ཐུབ་ན།
ཕྱི་རོལ་དགྲ་བོ་བཏུལ་ཤིང་འཕེལ་བར་འགྱུར།
དེ་ཕྱིར་བྱམས་དང་སྙིང་རྗེའི་དམག་དཔུང་གིས།
རང་རྒྱུད་འདུལ་བ་རྒྱས་སྲས་ལག་ལེན་ཡིན།

ཞེས་དང་།

ཉོན་མོངས་དབང་གིས་རྒྱས་སྲས་གཞན་དག་གི
ཉེས་པ་གླིང་ན་བདག་ཉིད་ཉམས་གྱུར་པས།
ཐེག་པ་ཆེ་ལ་ཞུགས་པའི་གང་ཟག་གི
ཉེས་པ་མི་སྨྲ་རྒྱལ་སྲས་ལག་ལེན་ཡིན།

ཞེས་དང་།

རྩུབ་པོའི་ཚིག་གིས་གཞན་སེམས་འཁྲག་འགྱུར་ཞིང་།
རྒྱལ་བའི་སྲས་ཀྱི་སྤྱོད་ཚུལ་ཉམས་འགྱུར་བས།
དེ་ཕྱིར་གཞན་གྱི་ཡིད་དུ་མི་འོང་བའི།
ཚིག་རྩུབ་སྤོང་བ་རྒྱས་སྲས་ལག་ལེན་ཡིན།

ཞེས་སོགས་གསུང་པ་ལྟར། ཉམས་བཞེས་ཀྱིས་རང་རྒྱུད་བཏུད་བའི་ཆོས་པ་ཚུལ་ལྡན་ཞིག་ཡིན་ཕྱིན་ཆོས་སྲུང་ལ་སྙད་ནས་རང་གི་རྩ་བརྒྱུད་ཀྱི་བླ་མ་ལྷ་སྲུང་ལ་སྐུར་འདེབས་དང་དགེ་འདུན་དབྱིན་འབྱེད་ཀྱི་བདུད་ལས་འདི་འདྲ་འབྱུང་ག་ལ་སྲིད།

ངས་ཀྱང་དོལ་རྒྱལ་འགོག་མཁན་སྙན་སྒྲགས་ཅན་གྱི་དགེ་བཤེས་བློ་བཟང་རྒྱ་མཚོ་ཞེས་པ་ཞིག་གོ་མྱོང་བ་དང་། ཡང་གཏམ་ངན་དང་དངུལ་ལོར་ནང་རུལ་པའི་དགེ་བཤེས་ཡིན་མིན་མི་ཤེས་ཀྱང་ལོན་ཊོན་ལ་སྐལ་བཟང་མཚོ་ཞེས་པའི་དམ་ཉམས་པ་གཅིག་ངོ་ཤེས་ལགས།

སྐར་མདའི་དགེ་བཤེས་བློ་བཟང་རྒྱ་མཚོ་དང་གཅིག ཟེར་བ་དེ་དགེ་བཤེས་སྐལ་བཟང་ལ་ཟེར་བ་འདྲ། ཡིན་ནམ། སྐར་མདའ་ལགས།

སྐར་མདའ་ལགས། དགེ་བཤེས་བློ་བཟང་རྒྱ་མཚོ་དང་གཅིག ་་་་ ཟེར་ན་སུ་རེད་ངོ་སྤྲོད་ཅིག་གནོངས་དང་།

ཞི་བདེའི་བཤད་པར་རྒྱབ་སྐྱོར་བརྒྱ་ཆ་བརྒྱ་ཡོད།
གང་ཡིན་ཟེར་ན་དོལ་རྒྱལ་གདོན་འདྲེ་དང་མི་ཤ་རློན་པ་ཟ་བའི་གདོན་ནག་དེར་ཡིད་ཆེས་བྱས་ནས་བོད་ག་ཚོད་ཀྱི་སེམས་ལ་སྡུག་བསྔལ་བཞགས་ཡོད་པ་མ་ཤེས་སམ།

ད་དུང་འདྲེ་གདོན་དེ་ལ་བསྐྱབས་སུ་འགྲོ་བ་ཡིན་ན་ཁེ་ཕན་གང་ཡོད་དམ།
སྔོན་ཆད་གདོན་འདྲེ་དེ་ལ་བསྐྱབས་སུ་བཅོལ་ནས་གངས་ཅན་པའི་གྲས་ནས་བུད་དེ་དགྲ་བོའི་དཔུང་རོགས་སུ་གྱུར་བ་དེ་ནི་ཡིད་ལ་དྲན་རྒྱུ་མི་འདུག་གམ།

ནུས་པ་ཡོད་ན་རང་མགོ་རང་གིས་སྐྱོངས༎
གཟུགས་མེད་གདོན་འདྲེ་ཞིག་ལ་བསྐྱབས་བཅོལ་ནས༎
གཉེན་ཉེ་མགོ་ལག་གཅོད་པའི་དགྲ་བོ་ཡིས༎
ཞེ་འདོད་སྒྲུབ་ན་དགྲ་བོ་དེ་ལས་གང་༎

ཞ་དམར་༧གོང་ས་མཆོག་གི་གསུང་ཆོས་ལ་བཅར་ཡོད་ནམ་།

ཞི་བདེ་འབོད་པའི་མི་གཟུགས་དེར་བཤད་རྒྱུར། ཁྱོད་ཀྱང་བོད་རིགས་ཤིག་ཡིན་པའི་ཆ་ནས་བོད་པའི་བརྩེ་བ་ཡོད། ཁྱོད་ཀྱིས་དོལ་མཆོད་བྱས་ནས་ཁེ་བཟང་ལེན་ཐུབ་ན་དེ་ནི་ཁྱོད་རང་ཉིད་ཀྱི་ཁ་བཟང་བྱོས། ང་ཚོར་ངོམ་སོ་བྱེད་དགོས་དོན་མི་འདུག་ལ། ངོམ་རིན་ཅན་ཞིག་ཡིན་པའང་མཐོང་མ་སོང་། སེམས་ཆུང་བྱེད་དགོས་བ་ཞིག་ལ་ཁོག་ལ་འགྲོ་ཚད་ཁ་རུ་བཅུག་ན་རྐུབ་ལ་དཀའ་ངལ་འཕྲད་ཡོང་ངོ། ༧གོང་ས་མཆོག་གི་སྐུ་དྲིན་ལ་གྲོད་ཁོག་མ་ལྟོགས་པས་ད་དུང་བསམ་ཤེས་མེད་པ་འདྲ། དོལ་འདྲེ་དམ་ལ་བཏག་ཟིན་པས་ད་ང་ཚོས་དེ་ལ་རྩོད་པ་བྱེད་དོན་མི་འདུག་པས་ངས་དེའི་སྐོར་ནས་ཅི་ཡང་མི་བཤད་དོ།

ང་ཚོ་བོད་ཀྱི་ཆོས་རྒྱུད་ནང་ཁུལ་མཐུན་ལམ་རྡོག་རྩ་གཅིག་བསྒྲིལ་ད་ལྟ་ལས་ལྷག་པ་བྱུང་མྱོང་མེད་ཅེས་ལབ་ན་མ་འགྲིགས་པ་མི་འདུག། དེ་ནི་བོད་ཀྱི་རྩ་དོན་འཐབ་རྩོད་ལ་མེད་དུ་མི་རུང་བའི་ཆ་རྐྱེན་ཞིག་མ་རེད་པས། དེ་བཞིན་བོད་ཀྱི་བླ་མའི་ཆོས་ལུགས་ནས་བོད་ཀྱི་སངས་རྒྱས་པའི་ཆོས་ལུགས་སུ་བསྒྱུར་འགྲོ་གི་འདུག། གནས་ཚུལ་དེ་ཚོ་ང་ཚོ་དགའ་དགོས་པ་ཞིག་མ་ཡིན་ནམ། དེ་ནི་གཙོ་བོ་༧གོང་ས་ཆེན་པོའི་ཐབས་མཁས་ཐུགས་རྗེའི་མཛད་རྗེས་ཤིག་མ་རེད་པས། བོད་མི་བརྒྱ་ཆ་དགུ་བཅུ་གོ་དགུ་ལྷག་གི་འདོད་པ་ཁེངས་ན་རེ་གཉིས་འདོད་པ་མ་ཁེངས་ནའང་བྱ་ཐབས་བྲལ་བ་རེད། དེ་ནི་མང་གཙོའི་འགྲོ་སྟངས་ཀྱང་རེད།།

ཀརྨ་རྡོ་རྗེ་ལགས། དོལ་རྒྱལ་ཞེས་པ་སྨོན་ལམ་ལོག་པ་ཡིན་ཚུལ་གང་འདྲ་ཡིན་ནམ།།རྒྱུ་མཚན་མཐའ་ཡས་པའི་ནང་ནས་རེ་གཉིས་གསུང་དང། ཁྱེད་རང་གི་ལུང་གསར་པ་གང་འདྲེན་རྒྱུ་ཡོད།།། ཁྱེད་རང་གི་གསུང་པའི་དུས་རབས་ཉེར་གཅིག་གི་ནང་པ་ཞེས་པ་དེ་གང་འདྲ་ཡིན་ནམ། རང་ཉིད་ཀྱི་སྐུ་ཕྲེང་རིམ་བྱོན་དང་བླ་མ་བཀའ་དྲིན་ཅན་རྣམས་ཀྱི་གཞུང་རྣམས་མེད་པ་བཟོ་ཐབས་དེ་ཡིན་ནམ། རི་བོ་དགེ་ལུགས་མགོན་སྡེ་རྣམས་ཁ་བྲལ་བཏང་ཐབས་དེ་ཡིན་ནམ། རང་ཉིད་ཀྱི་སྐུ་ཕྲེང་རིམ་བྱོན་དང་བླ་མ་རྣམས་ལ་བསྐྱོན་བརྗོད་བྱེད་ཡས་དེ་ཡིན་ནམ། ཧཧཧཧཧ
རང་ཚོད་ཟུང་ཞེས་ སྡིག་ར་བསྐུལ་གི་ཡོད་དམ། ཁྱེད་རང་གི་སྡིག་ར་དེ་རང་དབང་དང་དམངས་གཙོའི་ལུང་པར་འགྲོ་གི་མ་རེད། ཆོས་དད་རང་མོས་ཡིན་པ་ཁྱོད་རང་གི་བརྗེད་འདུག་གམ།།།།

འགྲོ་བ་མི་ཡི་ཤེས་རྟོགས་མཐོ་རུ་འགྲོ་བཞིན་པའི་དུས་རབས་ཉེར་གཅིག་འདིར་བོད་པ་རྣམས་ད་དུང་གཟུགས་མེད་ཀྱི་ལྷ་ཞིག་ལ་མགོ་འཁོར་དོན་གང་ཡིན་ནམ། བྱས་ན་ལྷ་དེ་མ་བརྟེན་པར་བཙན་བྱོལ་གཞུང་ལ་དམིགས་གསལ་གྱི་ནུས་པ་གང་ཐོན་ཡོད་དམ། བོད་རྒྱའི་འབྲེལ་ལམ་ཡག་དུ་སོང་ཡོད་དམ། བོད་རིགས་སྤུན་ཟླ་རྣམས་དང་གདན་ས་རྣམས་ཁ་བྲལ་བཏང་བའི་ཕན་པ་གང་ཡོད་དམ། བྱས་ན་ལོ་ངོ་ལྔ་བརྒྱ་ཙམ་གྱི་ནང་གདན་སའི་བླ་སྤྲུལ་དགེ་འདུན་རྣམས་ནས་ལྷ་དེ་བརྟེན་པར་གནོད་པ་གང་བྱུང་ཡོད་དམ། ལྷ་དེ་མ་བརྟེན་པར་བོད་རང་བཙན་རག་སྲིད་དམ།
འཛམ་གླིང་ཐོག་སྐད་གྲགས་ཡོད་པའི་གོང་ས་ཏཱ་ལའི་བླ་མ་མཆོག་ བོད་རྒྱལ་ཁབ་གྱི་དབུ་འཁྲིད་ནས་གཟུགས་མེད་ཀྱི་ལྷ་ཞིག་དང་བརྩོད་པ་བྱེད་དགོས་པའི་དགོས་པ་དང་ནུས་པ་གང་ཐོན་གི་ཡོད་དམ།།།།