བོད་པའི་བཀའ་བློན་ཁྲི་པའི་དྲ་རྒྱ་( www.kalontripafortibet.org ) ཞེས་པའི་དྲ་རྒྱ་བརྒྱུད་མང་ཚོགས་ཀྱི་དྲི་བ་མང་པོ་ཞིག་འབྱོར་ཡོད་པ་དག་ལས་གལ་གནད་ཅན་ ༡༠ བདམས་གསེས་བྱས་ཏེ། དྲ་ཚིགས་དོ་དམ་པ་རིན་ཆེན་དོན་འགྲུབ་ཀྱིས་བློ་བཟང་སེང་གེ་མཆོག་ལ་བཅར་འདྲི་ཞུས་དོན་ལྟར། འདོན་ཐེངས་སྔ་མའི་འཕྲོས་ཀྱི་ལས་ཚན་གཉིས་པའི་ངོ་བོར་ཕུལ་ཡོད།
དྲི་བ། ད་ལྟའི་བར་ཁྱེད་རང་གཞིས་ཆགས་ཁག་ག་ཚོད་ནང་སོང་བ་དང་། ཡོངས་རྫོགས་བསྡོམས་ན་ས་ཆ་ག་ཚོད་དང་མི་མང་ཅི་ཙམ་ལ་ཐུག་འཕྲད་གནང་ཡོད་དམ།
ལན། ད་ལྟའི་སྐབས་ང་ལྷོ་ཕྱོགས་སྦེལ་ཀོབ་དང་དྷ་ས། ལྡི་ལི་བཅས་ཀྱི་ནང་བཀའ་ཁྲིའི་འོས་མིའི་བགྲོ་གླེང་ལ་སོང་བ་ཡིན། དེ་བཞིན་ཉེ་དུས་ང་གཅིག་པུ་བདེ་སྐྱིད་གླིང་དང་སྤོན་ཊ། སྤུ་རུ་ཝ་ལ། ཀ་ལི་མན་ཊོན། རྒྱ་གར་བྱང་ཤར་ཁུལ་གྱི་ས་ཁུལ་ཀ་རྡོར་སྒང་གསུམ། ཏེ་རྫུ། མེ་འོས། ལ་དྭགས་བཅས་ཀྱི་ནང་གཏམ་བཤད་ཀྱི་ཆེད་དུ་སོང་བ་ཡིན། བོད་ནང་རྩ་བ་ནས་འགྲོ་མ་མྱོང་བ་ང་ལྟ་བུར་མཚོན་ན། ལ་དྭགས་ལ་སླེབས་སྐབས་བོད་དང་ཉེ་པོ་ཡིན་པ་དང་། བོད་པའི་སྲོལ་རྒྱུན་གྱི་གོམས་གཤིས་ལྡན་པས་དམིགས་བསལ་གྱི་ཚོར་སྣང་ཡོང་གི་འདུག ང་ཕར་ཚུར་ཕྱོགས་བསྐྱོད་སྐབས་རྒྱ་གར་གྱི་ལག་དེབ་སེར་པོའི་ཐོག་འགྲོ་ཡི་ཡོད་པས། བལ་ཡུལ་གཞུང་ནས་དེའི་ཐོག་བལ་ཡུལ་དུ་ཕྱོགས་བསྐྱོད་ཀྱི་ཆོག་མཆན་ཐོབ་ཁག་པོ་ཡིན་པས་འགྲོ་ཐུབ་མ་སོང་། ཁ་སྣོན་ཙམ་ཞུས་ན། ཕྱི་ལོ་ ༢༠༡༠ ཟླ་ ༡ ནས་ང་རྡོ་རྗེ་གླིང་དང་ཨོ་རི་སཱ། ཅི་ནཱ། བྷེང་ལོར། ཧུན་སུར། ཀོ་ལི་གྷལ། སྦེལ་ཀོབ། མོན་གྷོ། དེ་བཞིན་བོད་མི་གནས་སྡོད་བྱེད་སའི་ཕྱི་རྒྱལ་གྱི་ས་ཁུལ་ཁག་དང། ཡུ་རོབ་དང་བྱང་ཨ་རི་སོགས་བརྗོད་མི་དགོས་པ་རེད། བསྡོམས་བརྒྱབ་ན་བགྲོ་གླེང་བརྒྱུད་ནས་མིར་ཐུག་པ་དང། དེ་བཞིན་སློབ་ཕྲུག གྲྭ་པ། བཙུན་མ། མི་སྐྱ་བཅས་སྒེར་གྱིས་ཐུག་འཕྲད་བྱས་པ་སོགས་ཁྱོན་མི་གྲངས་ ༢༦༠༠༠ ལྷག་ཙམ་ཆགས་འདུག མི་དེ་དག་ལ་འབྲེལ་ལམ་དམ་པོ་འཛིན་པ་དང་། ཁོ་ཚོ་བརྒྱུད་ནས་གནད་དོན་མང་པོ་ཞིག་ལ་ཤེས་རྟོགས་ཐུབ་པ་ནི་དགའ་བ་སྒོམ་དགོས་པ་ཞིག་རེད་འདུག
དྲི་བ། ཁྱེད་རང་ལ་བཀའ་ཁྲིའི་རྒྱལ་ཁ་ཐོབ་ཀྱང་རུང་མ་ཐོབ་ཀྱང་རུང་། བཀའ་ཁྲིའི་གནས་བབ་ཀྱི་འོས་མིའི་ནང་འཛུལ་ཞུགས་བྱས་པ་དེའི་ཐོག་ནས། ཁྱེད་རང་གིས་བརྡ་ལན་གང་ཞིག་གཏོང་འདོད་ཡོད་དམ།
ལན། ངས་རྒྱ་ནག་དབུས་གཞུང་དང་སྲིད་འཛིན་ཧུའུ་ཅིན་ཐའོ་གཙོས་པའི་དཔོན་རིགས་ཚོར། བཙན་བྱོལ་ནང་གི་མི་རྒན་པ་ཚོ་རྫོགས་འགྲོ་ཡི་ཡོད་རེད་དེ། བཙན་བྱོལ་བོད་གཞུང་དང་འདིའི་ལས་འགུལ་སོགས་རྩ་ཡལ་འགྲོ་ཡི་མ་རེད། བོད་པའི་མི་རབས་གཞོན་པ་ཚོས་མདུན་སྐྱོད་བྱས་ཏེ། ད་དུང་འབྱུང་འགྱུར་གྱི་ལོ་ ༥༠ ཆེད་དུ་གཞི་རྒྱ་ཆེ་བའི་ཆབ་སྲིད་ཀྱི་ལས་འགུལ་སྤེལ་ཏེ་འཐབ་རྩོད་བྱེད་ཀྱི་རེད་ཅེས་བརྡ་གཏོང་འདོད་ཡོད། ད་དུང་བོད་ནང་ཡོད་པའི་བོད་མི་ཚོར་བརྡ་གཏོང་འདོད་པ་ཞིག་ནི། རྒྱ་ནག་གཞུང་གི་དྲིལ་བསྒྲགས་ནང་། བཙན་བྱོལ་བོད་གཞུང་གིས་བཀས་བཀོད་བརྒྱུད་འཛིན་དང་ཀླད་རྙིང་མཁྲེགས་བཟུང་གི་ལམ་ལུགས་བསྐྱར་གསོ་བྱེད་རྒྱུར་འབད་བརྩོན་བྱེད་ཀྱི་ཡོད་ཟེར་ནས་ཁྱབ་བསྒྲགས་བྱེད་ཀྱི་ཡོད་པ་རེད། བཙན་བྱོལ་བོད་གཞུང་གི་ངོས་ནས་འདིའི་ཚབ་ཏུ། མང་གཙོའི་ལམ་ལུགས་ཀྱི་ཕྱོགས་སུ་བསྐྱོད་ནས། ད་ལྟའི་བོད་ནང་གི་མི་སེར་སྤེལ་ཡུལ་ལམ་ལུགས་ཀྱི་བཙན་འཛུལ་དེ་བརྗེ་བསྒྱུར་བྱ་རྒྱུ་དེ་རེད། འདི་ནི་བོད་མི་ས་ཡ་དྲུག་གི་ཡིད་ཆེས་བྱེད་བཞིན་པའི་གནད་དོན་ཞིག་རེད། བོད་པའི་ཁ་དཔེར། ཨ་མའི་བུ་ལ་ཡོན་ཏན་ཡོད་ན། དགའ་ལྡན་ཁྲི་ལ་བདག་པོ་མེད་ཅེས་ཟེར་སྲོལ་ཡོད་པ་བཞིན། དོན་དངོས་ཐོག་ངའི་རྒྱབ་ལྗོངས་ཀྱི་ལོ་རྒྱུས་དེའི་ཐོག་ནས། ད་ལྟའི་བཀའ་ཁྲིའི་འོས་མི་ཆགས་པ་ནི་བོད་པའི་གཏམ་དཔེ་དེ་བདེན་དཔང་བྱས་པ་ཞིག་རེད་དྲན་གྱི་འདུག
དྲི་བ། གལ་སྲིད་ཁྱེད་རང་ལ་བཀའ་ཁྲིའི་རྒྱལ་ཁ་ཐོབ་པ་ཡིན་ན། གནས་བབས་དེའི་ཐོག་ནས་ལེགས་སྐྱེས་ག་རེ་འབུལ་རྒྱུ་ཡིན་ནམ།
ལན། བཀའ་ཁྲི་ལ་འོས་འགན་ཆེན་པོ་ལྔ་ཡོད་རེད་དྲན་ཡོད། དང་པོ། བོད་ནང་གི་བོད་མི་ཚོའི་གནས་བབ་རེད། གཉིས་པ། རྒྱལ་སྤྱིའི་ཚོགས་སྡེ་ཁག་ནས་རྒྱབ་སྐྱོར་འཚོལ་ཐབས། གསུམ་པ། རྒྱ་གཞུང་གིས་འཛིན་པའི་བོད་ནང་གི་སྲིད་བྱུས་ལ་གདོང་ལེན་བྱ་རྒྱུ་དང་། རྒྱ་རིགས་ཚོ་དང་ལྷན་དུ་འབྲེལ་ལམ་འཛིན་རྒྱུ། བཞི་པ། རྒྱ་གར་དབུས་གཞུང་གི་རྒྱབ་སྐྱོར་རྒྱུན་གནས་ཐུབ་ཐབས་དང་། རྒྱ་གར་མི་མང་བོད་ཀྱི་གནད་དོན་ཐོག་སྲ་བརྟན་ངང་གནས་ཐུབ་ཐབས། ལྔ་པ། བཙན་བྱོལ་བོད་གཞུང་དང་བཙན་བྱོལ་ནང་གི་ཚོགས་པ་རེད། གོང་བརྗོད་ཀྱི་གནད་དོན་དེ་དག་ལག་བསྟར་ཐུབ་ན། དོན་ཕན་ལྡན་པ་དང་ནུས་ཤུགས་ཅན་གྱི་བསྒྱུར་བཅོས་ཡོང་བ་ལ་གདེང་ཚོད་ཆེན་པོ་ཡོད། ༧གོང་ས་མཆོག་གི་དབུ་ཁྲིད་འོག་ཞབས་ཞུ་བསྒྲུབ་རྒྱུ་བྱུང་ན། ཆེས་དགའ་བ་སྒོམ་དགོས་པ་ཞིག་ཡིན་པ་ནི་བརྗོད་མི་དགོས་པ་ཞིག་རེད།
དྲི་བ། ཁྱེད་རང་གི་ལས་དོན་བསྒྲུབ་དགོས་པའི་རྩ་དོན་གལ་ཆེན་དེ་འདྲ་ཡོད་དམ།
ལན། ངས་ལས་དོན་བསྒྲུབ་པར་རྩ་དོན་གསུམ་གྱི་རྗེས་སུ་འགྲོ་རྒྱུ་ཡིན། དེ་ཡང་། ཆིག་སྒྲིལ་དང་། གསར་གཏོད། རང་མགོ་རང་ཐོན་བཅས་ཡིན་ཞིང་། ཆིག་སྒྲིལ་ནི་རྩ་བའི་རྨང་གཞི་ཆགས་རྒྱུ་ཡིན་པ་དང་། གསར་གཏོད་དང་རང་མགོ་རང་ཐོན་དམིགས་ཡུལ་འགྲུབ་པའི་མཐུན་རྐྱེན་ཉེ་ཤོས་དེ་རེད། ང་ཚོའི་མཐའ་མཇུག་གི་དམིགས་ཡུལ་བོད་མིའི་རང་དབང་སྐྱར་གསོ་བྱེད་རྒྱུ་དེ་བརྗོད་མི་དགོས་པ་རེད། ཆིག་སྒྲིལ་ཞེས་པའི་ནང་དོན་ནི། སྤྱི་ཚོགས་ཀྱི་གཞི་རྟེན་ནང་ཆོས་ལུགས་དབྱེར་མེད་དང་ཕོ་མོ་འདྲ་མཉམ་ཐོག་གནས་དགོས་པ་ལ་གོ་ཞིང་། མཉམ་རུབ་བྱེད་པ་ཙམ་གྱིས་ཆིག་སྒྲིལ་གྱི་ངོ་བོ་མཚོན་མི་ཐུབ། འཚེ་མེད་ཞི་བའི་ཐོག་ནས་ལས་འགུལ་སྤེལ་མཁན་ཞིག་ལ་ཆ་མཚོན་ན། ཆིག་སྒྲིལ་ནི་མེད་དུ་མི་རུང་བའི་ཆ་རྐྱེན་ཡིན་པ་དང་། དཔེ་མཚོན་བཟང་ཤོས་ནི། མི་རིགས་དཀར་པོ་གྲངས་མང་མི་རིགས་ཆགས་ཡོད་པའི་ཨ་རིའི་ལུང་པའི་ནང་། གྲངས་ཉུང་མི་རིགས་ཡིན་པའི་མི་རིགས་ནག་པོ་ཨོ་བྷ་མ་སྲིད་འཛིན་ལ་བདམས་ཡོད་པ་དང་། རྒྱ་གར་ནང་ཧིན་རྡུ་གྲངས་མང་མི་རིགས་ཀྱིས། སཱིཀ་གྲངས་ཉུང་མི་རིགས་ཀྱི་མན་མོ་ཧན་སིང་སྲིད་བློན་བདམས་པ། འཇར་མན་གྱི་སྲིད་བློན་ཨན་ཇི་ལཱ་མར་ཁལ་བུད་མེད་ཡིན་པ་དང་། ཤར་འཇར་མན་ནས་ཡོང་བ་ཞིག་དེང་སྐབས་འཇར་མན་གྱི་སྲིད་བློན་ལ་བདམས་ཡོད་པ་རེད། ང་ཚོ་བོད་པས་ཀྱང་ཆིག་སྒྲིལ་གྱི་ལག་ཆ་བཟུང་ནས། ནང་ཁུལ་མ་འཆམ་པ་དང་རིགས་རུས་དབྱེ་འབྱེད་སོགས་མེད་པ་བཟོས་ནས། རྒྱ་ནག་མི་མང་སྤྱི་མཐུན་རྒྱལ་ཁབ་ལ་ཁ་གཏད་གཅོག་དགོས་པ་རེད། ཆིག་སྒྲིལ་མེད་ན་ང་ཚོའི་རང་དབང་འཐབ་རྩོད་ཀྱི་ལས་འགུལ་སྣུམ་ཟད་ཀྱི་མར་མེ་བཞིན་འགྱུར་ངེས་ཡིན་ལ། དུས་རབས་༡༩ པའི་གནས་བབ་བཞིན་ཆོས་ལུགས་དང་གྲུབ་མཐའ་ཕྱོགས་རིས། རང་ཉིད་ཀྱི་རིགས་རུས་མཐོན་པོ་འཛིན་པའི་ལམ་ལུགས་ཀྱི་ཕྱོགས་སུ་འགྲོ་ངེས་ཡིན་པ་ལས། དེ་ལས་གཞན་པའི་གདམ་ཁ་གང་ཡང་ལྷག་མེད་པ་རེད།
གསར་གཏོད་ནི། འཚེ་མེད་ཞི་བའི་འཐབ་རྩོད་ལམ་སློང་ཡོང་བ་ལ། འཛམ་གླིང་འདིའི་སྒང་གིས་ས་ཁུལ་དང་ས་གནས་ཆབ་སྲིད་ཀྱི་ཁོར་ཡུག་ལ་ནུས་ཤུགས་བསྐྱེད་ཐབས། ས་གནས་དེ་དང་དེའི་འཐབ་རྩོད་རྒྱུན་གནས་ཐུབ་ཐབས་སུ་གསར་གཏོད་དགོས་གལ་ཆེན་པོ་ཡིན། དེ་བཞིན་ཤེས་ཡོན་སློབ་གསོ་དང་འབྲེལ་ལམ། ཁོར་ཡུག དཔལ་འབྱོར་ཡང་ན་ལས་གནས་མཁོ་སྤྲོད་ཀྱི་གནད་དོན་བཞི་དེ། ངས་བསྒྲུབ་དགོས་པའི་ལས་དོན་གལ་ཆེན་ཞིག་ལ་ངོས་འཛིན་བྱེད་ཀྱི་ཡོད། ཤེས་ཡོན་ཀྱི་ཐད། ང་རང་ཆེད་ལས་པ་ཆགས་ཡོད་པ་བཞིན། ངས་བོད་པའི་ན་གཞོན་ཚོར་ཤེས་ཡོན་གྱི་ཐད་ལ་གང་ཐུབ་ཅི་ནུས་བྱས་ཏེ། ཤེས་སྤྱོད་གཉིས་ཀའི་ཆ་ནས་ཆེད་ལས་པ་ཚད་ལྡན་ཞིག་ཆགས་ཐབས་བྱེད་རྒྱུ་ཡིན། འབྲེལ་ལམ་ཟེར་བ་དེ། རྒྱལ་སྤྱིའི་ཚོགས་སྡེ་ཁག་ལ་འབྲེལ་ལམ་བྱས་ཏེ་ཁོ་ཚོའི་རྒྱབ་སྐྱོར་ཐོབ་པ་བྱེད་རྒྱུ་དང་། དེ་བཞིན་བོད་ནང་གི་བོད་མི་ཚོ་རྡོག་རྩ་ཆིག་སྒྲིལ་ཐོག་གནས་ཐབས། འཛམ་གླིང་གི་ས་གནས་གང་སར་ཡོད་པའི་རྒྱ་རིགས་དང་། དམིགས་སུ་བཀར་ནས་རྒྱ་ནག་གཞུང་གིས་བོད་ནང་བཙན་འཛུལ་བྱས་པའི་དངོས་ཡོད་གནས་ཚུལ་ཤེས་ཐབས། རྒྱ་གར་གཞུང་ཕྱོགས་ཀྱི་ལྷག་བསམ་ཟོལ་མེད་ཀྱི་རྒྱབ་སྐྱོར་མུ་མཐུད་གནས་ཐབས་བཅས་རེད། ཁོར་ཡུག་གི་ཐད་དུ། གནམ་གཤིས་འགྱུར་ལྡོག་གི་རྐྱེན་གྱིས་གོ་ལའི་ཚ་དྲོད་ཆེ་རུ་འགྲོ་བཞིན་ཡོད་པས། བོད་ཀྱི་གནད་དོན་འདི་ཁོར་ཡུག་གི་འགྱུར་ལྡོག་དང་འབྲེལ་ཆེ་བས། བོད་དོན་རྒྱལ་སྤྱིའི་རང་བཞིན་ཅན་གྱི་གནད་དོན་ལ་བསྒྱུར་ཐབས་བྱེད་དགོས། དཔལ་འབྱོར་རམ་ཡང་ན་ལས་གནས་མཁོ་སྤྲོད། བཙན་བྱོལ་ནང་ཡོད་པའི་བོད་པའི་གཞིས་ཆགས་ཁག་སྲ་བརྟན་དང་རང་མགོ་རང་ཐོན་བྱེད་དགོས། རང་མགོ་རང་ཐོན་ལ་ཆ་མཚོན་ན། བདག་ཉིད་ཆེན་མོ་གྷན་རྡི་མཆོག་གིས། རང་འགོ་རང་ཐོན་དེ་རྒྱ་གར་གྱི་རང་དབང་འཐབ་རྩོད་ནང་གི་རྩ་དོན་གལ་ཆེ་ཤོས་ཤིག་ལ་ངོས་འཛིན་གནང་བ་རེད། གང་ཡིན་ཞེ་ན། གལ་སྲིད་ལས་འགུལ་དེ་རང་ཉིད་ཀྱི་རྐང་པའི་ཐོག་ནས་ལངས་མ་ཐུབ་པ་ཡིན་ན། ཕྱི་ལོག་གི་རྒྱབ་སྐྱོར་མེད་པའི་སྐབས་ལ་ལས་འགུལ་དེ་རང་བཞིན་གྱིས་ནུས་མེད་ཆགས་འགྲོ་ཡི་ཡོད་རེད། འདས་པའི་ལོ་ ༥༠ རིང་ལ་ང་ཚོའི་ཕ་མ་དང་ཕ་མའི་ཕ་མ་ཚོ་གཞིས་དང་པོ་ཆགས་སྐབས། གཞན་ལ་བརྟེན་དགོས་པ་དང་གཙོ་བོ་རྒྱ་གར་གཞུང་ལ་མ་བརྟེན་རང་བརྟེན་ཆགས་ཡོད་པ་རེད། འབྱུང་འགྱུར་གྱི་ལོ་ ༥༠ ནང་ང་ཚོས་གཞན་རྟེན་གྱི་བསམ་བློ་དོར་ནས་རང་མགོ་རང་ཐོན་ཆགས་པ་བྱ་དགོས། དེ་ལྟར་བྱུང་ན་ང་ཚོའི་འཐབ་རྩོད་ཀྱི་ལས་འགུལ་སྲ་བརྟན་ངང་གནས་ཐུབ།
དྲི་བ། ཁྱེད་ཀྱིས་བཀའ་ཤག་གི་སྒྲོམ་གཞིའི་ལས་དོན་ཁག་ཇི་ལྟར་གནང་འདོད་ཡོད་དམ།
ལན། གལ་སྲིད་བྱུང་བ་ཡིན་ན་བཀའ་ཤག་ལོ་དང་པོ་ནས་གཞིས་ཆགས་ཁག་ལ་བསྐོར་བསྐྱོད་བྱེད་རྒྱུ་དང་། དེ་མ་བྱུང་ན་ལོ་གཉིས་པའི་ནང་ངེས་པར་དུ་སྐོར་སྐྱོད་བྱ་རྒྱུ་ཡིན། དེ་དང་ཕྱོགས་མཚུངས་ལས་ཁུངས་ཁག་གི་བཀའ་བློན་ཚོ་ལས་འཆར་གྱི་ཆེད་དུ་སྐོར་སྐྱོད་བྱེད་རྒྱུ་དང། འབད་བརྩོན་འདི་འདྲའི་ཐོག་ནས་མི་མང་དང་བཀའ་ཤག་གཉིས་དབར་བློ་ཐག་ཉེ་པོའི་ཆིག་སྒྲིལ་ཡོང་ཐུབ་ཀྱི་རེད། གལ་སྲིད་གནད་དོན་གང་ཞིག་ས་གནས་ནས་སེལ་མ་ཐུབ་ན། མི་སུ་འདྲ་ཞིག་ཡིན་ནའང་དྷ་སར་ཡོང་ནས་ཁ་ཐུག་བཀའ་བློན་ལ་ཐུག་ཆོག བཀའ་ཤག་དེ་ཡང་མི་རྒན་པའི་གྲས་དང་བཀའ་ཤག་ལས་ཐོག་ནང་ཡོད་པ་བཀའ་བློན་ལ་བསྐོ་རྒྱུ་ཡིན། དེ་ལྟར་བྱུང་ན་བཀའ་ཤག་གསར་རྙིང་བར་ཕྱག་ལས་གནང་སྐབས། ལས་དོན་གང་ཅིའི་ཐད་ལ་སྤྱི་སྙོམས་ཡོང་ཐུབ་པ་དང། ད་ལྟའི་བར་བཀའ་ཤག་གིས་གནང་བའི་ལས་དོན་དགོས་གལ་ཆེ་རིགས་ལ་གྲོས་བསྡུར་གནང་ཕྱོགས་སོགས་ཐུགས་ཕན་ཆེན་པོ་ཡོད་པ་རེད། དེ་བཞིན། འཛིན་སྐྱོང་གི་གནད་དོན་ཆེ་རིགས་ལ་དགོས་གལ་བྱུང་དུས། མཁས་དབང་ཟམ་གདོང་རིན་པོ་ཆེ་མཆོག་ལ་བཀའ་འདྲི་ཞུ་རྒྱུ་ཡིན། ད་དུང་མི་རབས་གཞོན་པའི་ཁོངས་ནས་བཀའ་བློན་བཞི་བདམས་པའི་ནང་ནས། ཆོལ་ཁ་གསུམ་གྱི་ཁོངས་དང་། དེའི་ནང་དུ་དགེ་འདུན་པ་ཡོད་པ། བོད་ནས་ཕེབས་མཁན་ཡོད་པ། བུད་མེད་ཡོད་པ་བཅས་བྱེད་ཀྱི་ཡིན། དེ་བཞིན་བཀའ་ཤག་ལས་དོན་དེ་མཉམ་རུབ་ཀྱི་ཐོག་ནས། སྲོལ་རྒྱུན་དང་དེང་རབས། ཆོས་ལ་མཁས་པ་དང་ཆེད་ལས་པ་སོགས་ཀྱིས་འཛིན་སྐྱོང་བྱེད་རྒྱུ་ཡིན་པས། རྩ་དོན་ཐོག་ཆིག་སྒྲིལ་ཡོང་གི་རེད་བསམ་གྱི་འདུག
དྲི་བ། དེང་སྐབས་མི་འགའ་རེ་ཡིས་བདུན་ཅུ་དོན་གྲངས་ནང་ཁྱེད་རང་གིས་དཔྱ་དངུལ་ལག་དེབ་ཀྱི་ཁྲལ་སྤྲད་མེད་ཚུལ་དང་། ཡང་སྤྲད་པ་དེའང་ ༢༠༠༨ ལོའི་ཕྱེད་ཆག་སྐབས་སྤྲད་པ་རེད་ཟེར་གྱི་འདུག་ལ། ཁ་ཤས་ཀྱི་ཁྱེད་ཀྱི་བཟའ་ཟླ་བོད་རིགས་གཙང་མ་མིན་སྐོར་ཡང་བཤད་མཁན་འདུག་སྟབས། འདིའི་སྐོར་གང་འདྲ་ཡོད་མེད་གསལ་བཤད་ཅིག་གནང་རོགས།
ལན། གཞི་རྩ་མེད་པའི་འཆལ་གཏམ་རྣམས་རྫོགས་རྒྱུ་མེད་པ་འདྲ་པོ་འདུག དང་ཐོག་ང་ལ་ཧྭ་ཝར་ཌིའི་ཁྲིམས་ཀྱི་སློབ་གྲྭའི་ནང་སློབ་མཐར་ཕྱིན་མེད་རབས་དང་། དེ་བཞིན་སློབ་གྲྭའི་ནང་ཁྲིམས་ཀྱི་ལས་ཀ་གཏན་འཇགས་མེད་རབས་སོགས་མང་པོ་ཞིག་བཤད་པ་རེད། དོན་དངོས་ཐོག་བོད་གཞུང་ཤེས་རིག་ལས་ཁུངས་དང་། ཨ་རིའི་དོན་གཅོད་ལས་ཁུངས། ཧྭ་ཝར་ཌིའི་ཁྲིམས་ཀྱི་སློབ་གྲྭ་སོགས་ནས་གནང་བའི་ཡིག་ཆ་མང་པོ་ཞིག་ཚགས་པར་ཁག་དང་དྲ་རྒྱ་བཅས་ཀྱི་ནང་ཁྱབ་བསྒྲགས་བྱས་པ་རེད། ད་ལྟའི་སྐབས་དཔྱ་དངུལ་ལག་དེབ་ཀྱི་སྐོར་འཆལ་གཏམ་འདྲ་མིན་བཟོ་ཡི་ཡོད་ཚོད་འདུག་པས། ངས་གང་མགྱོགས་ཨ་རིའི་དོན་གཅོད་ལས་ཁུངས་ཀྱི་ཡིག་ཆ་དེ་འགྲེམས་སྤེལ་བྱ་རྒྱུ་ཡིན། སྤྱིར་ངའི་ཕ་མ་གཉིས་ཀྱིས་ ༡༩༧༠ ནས་དཔྱ་ཁྲལ་ཕུལ་ཡོད་པས་ངའང་དེ་བཞིན་རེད། གནད་དོན་འདིའི་ཐད་སྟབས་བདེ་པོ་བྱས་ནས་ཤེས་ཀྱི་རེད། ངས་གཞི་རིམ་སློབ་གྲྭར་སློབ་སྦྱོང་བྱས་པ་རེད། དཔྱ་དངུལ་ལག་དེབ་མེད་ན་སློབ་ཞུགས་བྱེད་ཐུབ་ཀྱི་མ་རེད། དེ་བཞིན་ཤེས་རིག་ལས་ཁུངས་བརྒྱུད་ནས་ངས་མཐོ་སློབ་ཁག་ནང་སློབ་སྦྱོང་བྱེད་སྐབས་དཔྱ་དངུལ་ལག་དེབ་ནི་མེད་ཐབས་མེད་པ་རེད། མཐའ་མཇུག་ཏུ་ཨ་རིར་སློབ་སྦྱོང་གི་གོ་སྐབས་ཐོབ་པ་རེད། དེའང་དཔྱ་དངུལ་ལག་དེབ་མེད་ན་འགྲོ་ཐབས་བྲལ་བ་ཞིག་རེད། ༡༩༩༥ ལོར་ངས་ཨ་རིའི་ནང་སློབ་དཔོན་གྱི་སློབ་སྦྱོང་བྱེད་སྐབས་ངའི་དཔྱ་དངུལ་ལག་དེབ་དང་རྒྱ་གར་ནང་གནས་སྡོད་ཆོག་པའི་ལག་འཁྱེར། དེ་མིན་གྱི་ཡིག་ཆ་ཡོངས་རྫོགས་ནང་གི་ཕ་མ་གཉིས་ལ་བཅོལ་བ་རེད། ༡༩༩༧ ལོར་ངས་ཨ་རིའི་ནང་འབུམ་རམས་པའི་སློབ་སྦྱོང་བྱེད་སྐབས། ཨ་རིའི་ནང་དུས་ཡུན་རིང་པོར་སྡོད་དགོས་པས། ཨ་རིའི་བྷོ་སི་ཊོན་བོད་རིགས་ཚོགས་པའི་ནང་དཔྱ་དངུལ་ཕུལ་བ་རེད། དེ་ནས་ངའི་བཟའ་ཟླ་དང་ངེད་གཉིས་ཀས་ཆད་ལྷག་མེད་པར་ས་གནས་འདི་རང་ལ་ཕུལ་བ་རེད། ད་ལྟའི་སྐབས་ང་ཕར་ཚུར་འགྲོ་སྐབས་ལག་དེབ་སེར་པོའི་སྒང་ལ་འགྲོ་ཡི་ཡོད་པས། གནད་དོན་འདིའི་ཐད་ལའང་དཔྱ་དངུལ་ལག་དེབ་དགོས་ཀྱི་ཡོད་པ་རེད། ངའི་རེ་བ་ལ་འཆལ་གཏམ་སྤེལ་མཁན་ཚོས་དོགས་པ་ཡོད་ན། རྡོ་རྗེ་གླིང་གི་རང་བདེན་ཚོགས་ཆུང་དང་། དྷ་སའི་དཔལ་འབྱོར་ལས་ཁུངས། ནེའུ་ཡོག་དོན་གཅོད་ལས་ཁུངས་བཅས་ལ་དོགས་འདྲི་གནང་ན་གསལ་པོ་ཆགས་ཀྱི་རེད་བསམ་གྱི་འདུག ངའི་བཟའ་ཟླ་བོད་རིགས་གཙང་མ་ཡིན་མིན་སྐོར་དེ་ (www.kalontripafortibet.org) ཞེས་པའི་དྲ་གནས་སུ་བཀོད་ཡོད་པ་རེད། ངའི་བཟའ་ཟླ་དབུས་གཙང་ཁུལ་གྱི་བོད་རིགས་གཙང་མ་ཞིག་ཡིན་པ་དང་། ཁོང་མོའི་ཕ་དམ་པ་བོད་ལྷོ་ཁ་ཤག་བྱང་ཚང་དང་། ཨ་མ་ཕག་རི་ནོར་བུ་ཁང་གསར་ཚང་རེད། མོའི་དབུས་སྐད་སོགས་ང་ལས་གཙང་བ་དང་ལེགས་པ་ཡོད།
དྲི་བ། ཁྱེད་རང་ལ་ཁ་གཏད་གཅོག་མཁན་གྱི་ལས་འགུལ་སྤེལ་བཞིན་པར་ཁྱེད་ལ་དགོངས་ཚུལ་ག་རེ་ཡོད་དམ།
ལན། ང་མང་གཙོའི་ལམ་ལུགས་དང་སྨྲ་བརྗོད་རང་དབང་ལ་བརྩི་འཇོག་བྱེད་མཁན་ཞིག་ཡིན། སྨྲ་བརྗོད་རང་དབང་གིས་མང་གཙོའི་ལམ་ལུགས་ལ་ནུས་ཤུགས་སྐྱེད་ཀྱི་ཡོད་པ་དང་། སྐྱོན་འཛུགས་དང་རྒོལ་གཏམ་རྣམས་སྨྲ་བརྗོད་རང་དབང་གི་ཆ་ཤས་ཤིག་ཆགས་ཀྱི་ཡོད་པ་རེད། དོན་དངོས་ཐོག་མང་གཙོའི་ལམ་ལུགས་ལ་ནུས་ཤུགས་བསྐྱེད་རྒྱུའི་རྒོལ་གཏམ་དེ། དངོས་ཡོད་གནས་ལུགས་དང་ལྡན་པ་ཞིག་ཡིན་དགོས། ངས་མི་མང་ལ་དངོས་ཡོད་གནས་ཚུལ་དང་རྒྱུ་མཚན་གཞིར་བཞག་ནས། བཀའ་ཁྲིའི་འོས་མི་ཚང་མ་ལ་དཔྱད་ཞིབ་དང་རྒོལ་གཏམ་སྤེལ་དགོས་པར་ནན་བརྗོད་བྱེད་ཀྱི་ཡོད། དེས་ན་མི་མཐུན་ཕྱོགས་ཀྱི་ལས་འགུལ་དེའང་འོས་འགྲན་འདིའི་བརྒྱུད་རིམ་གྱི་ཆ་ཤས་ཆགས་ཀྱི་ཡོད་པ་རེད། གལ་སྲིད་རྒོལ་གཏམ་གང་ཞིག་ལ་གནས་ལུགས་ཡོད་ན་ངས་ཉན་ནས་དོ་སྣང་བྱེད་ཀྱི་ཡོད། གནས་ལུགས་མེད་ནའང་སུན་སྣང་སྐྱེས་ཀྱི་མི་འདུག ང་སྡོད་གནས་ཨ་རིའི་བྷོ་སུ་ཊོན་ལྟ་བུར་མཚོན་ན། ངས་སྤོབས་པ་ཆེན་པོའི་ཐོག་ནས་བརྗོད་ཐུབ་པ་ཞིག་ནི། ང་ལ་རྒྱབ་སྐྱོར་བྱེད་མཁན་མི་མང་དང་དེའི་ནང་ནས་ལས་ཀྱི་སྣེ་མོ་བ་ཚོ་སྒེར་གྱི་ཐོག་ནས་ཡོང་གི་ཡོད་པ་དང་། ཁོང་རྣམས་ཀྱི་རྒྱབ་སྐྱོར་ཡི་གེ་དྲ་གནས་http://www.kalontripafortibet.org/Boston.aspx འདིའི་ཐོག་བཀོད་ཡོད་པས་སུ་ཞིག་གིས་ཀློག་ན་དགའ་བསུ་ཞུ་རྒྱུ་ཡིན། དེ་བཞིན་བོད་ཀྱི་ཚོགས་པའི་ལས་ཀྱི་སྣེ་མོ་བ་གང་ཟག་སྒེར་ http://bostontibet.org/contact.html འདིའི་སྐོར་འབྲེལ་བ་གནང་ནའང་འགྲིག
དྲི་བ། ཁྱེད་རང་བཀའ་བློན་ཁྲི་པའི་འོས་མིའི་ཐོག་ནས་ས་གནས་གལ་ཆེན་ཁག་ལ་སྐོར་སྐྱོད་གནང་ཡོད་པ་དེ། གཙོ་བོ་གང་གི་ཆེད་དུ་རེད་དམ།
ལན། གནད་དོན་དེ་དག་ལ་ཆ་མཚོན་ན། ང་བཀའ་ཁྲིའི་འོས་མི་ནང་འཛུལ་ཞུགས་ཀྱི་ལས་འགུལ་དང་། དེ་དང་འབྲེལ་ནས་ང་གཞིས་ཆགས་ཁག་དང་། འཛམ་གླིང་འདིའི་ནང་ཡོད་པའི་བོད་ཀྱི་ཚོགས་སྡེ་ཁག་ལ་སྐོར་སྐྱོད་ཕྱིན་པ་རེད། ངས་བོད་མི་རྒན་པ་དང་གཞོན་པ། སྐྱེས་པ་དང་བུད་མེད། དགེ་འདུན་པ་དང་བཙུན་མ་བཅས་མི་མང་གི་ཁྲོད་དུ། བཀའ་ཁྲི་དང་སྤྱི་འཐུས་ཀྱི་འོས་འཕེན་འདི་དང་འབྲེལ་ནས་དོ་སྣང་བྱེད་དགོས་པའི་རིགས་ཡོད་པ་དང་། དེའང་ལྷག་བསམ་རྣམ་དག་གི་ཐོག་ནས་བྱེད་དགོས་པ་རེད། དེས་ན་ང་ཚོའི་མང་གཙོའི་ལམ་ལུགས་སྲ་བརྟན་དང་ནུས་ཤུགས་དང་ལྡན་པ་ཞིག་ཆགས་ཀྱི་རེད། དེ་བཞིན་ང་ཚོའི་རྩ་དོན་འཐབ་རྩོད་ཀྱི་ལས་འགུལ་ལ་ནུས་ཤུགས་བསྐྱེད་ན། ང་ཚོའི་མང་གཙོའི་ལམ་ལུགས་འདིའི་ནང་གཞན་དག་འཛུལ་ཞུགས་ཡོང་གི་རེད།
དྲི་བ། བཀའ་ཁྲིའི་འོས་མི་ཚོའི་ཁྱབ་བསྒྲགས་ཀྱི་འགྲོ་སོང་གི་ཐད་ལ་སྒྲིག་གཞི་དགོས་སྐོར་སོགས་ཀྱི་བསམ་ཚུལ་བཤད་མཁན་འདུག་པས། ཁྱེད་རང་ལ་འདིའི་ཐད་དགོངས་ཚུལ་དང་འགྲོ་སོང་གི་སྐོར་གསུང་རྒྱུ་ཡོད་དམ།
ལན། སྤྱིར་བཏང་ངའི་ངོས་ནས་ཁྱབ་བསྒྲགས་ཀྱི་འགྲོ་སོང་བཏང་བ་ལ་མཚོན་ན། པར་རིས་སྦྱར་ཡིག་དང་དེབ་ཆུང་། དྲ་རྒྱ་དང་འོད་སྡེར་བཅས་རེད། དེ་དག་བཀའ་ཁྲིའི་འོས་མི་གཞན་དག་གིས་ཁྱབ་བསྒྲགས་གནང་པ་ལྟར་ངས་ཀྱང་བྱས་པ་རེད། ཁྱབ་བསྒྲགས་ཀྱི་ཁ་ཕྱོགས་ལ་འདིའི་རིགས་མེད་དུ་མི་རུང་བ་ཞིག་ཆགས་ཡོད་པ་རེད། ངའི་ཁྱབ་བསྒྲགས་ཀྱི་འགྲོ་སོང་གི་ཐད། པར་རིས་དང་དེབ་ཆུང་གཉིས་ཀྱི་སྦྱིན་བདག་མཇུག་ཏུ་བཀོད་ཡོད། དེ་བཞིན་དྲ་རྒྱ་ནི་ང་ལ་རྒྱབ་སྐྱོར་བྱེད་མཁན་དང་བླངས་བ་ཚོས་གསར་བཟོ་བྱས་པ་ཞིག་རེད། འོད་སྡེར་ལ་ཆ་མཚོན་ན། ངས་སཱ་ར་མཐོ་སློབ་ནས་མགོ་བཙུགས་ནས་ནོར་གླིང་མཐོ་སློབ་དང་། མཚན་ཉིད་སློབ་གྲྭ ཧུན་སུར། ཀོ་ལའི་གྷལ། སྦེལ་ཀོབ། མོན་གྷོ་སོགས་སུ་བོད་ཀྱི་ལས་འགུལ་གྱི་གནས་བབས་ཞེས་པ་ནུས་པ་བཅུའི་སྐོར་གཏམ་བཤད་བྱས་སྐབས། མི་མང་གིས་ཡིག་ངག་གཉིས་ཐོག་ནས་ནུས་པ་བཅུ་དེ་ཡིག་ཐོག་ཕབ་པའམ། ཡང་ན་འོད་སྡེར་གྱི་ལམ་ནས་ལྟ་ཐུབ་པ་བཟོས་ན་ཡག་པོ་ཡོད་ལུགས་བརྗོད་པ་ལྟར། ངས་མི་མང་གི་རེ་བ་བཞིན་འོད་སྡེར་བཟོ་རྒྱུ་བྱས་ཏེ། ཨ་རིའི་ནང་གི་ང་རང་གི་ངོ་ཤེས་ཨ་ཅག་ཅིག་ཡོད་པ་དེར་རེ་འདུན་ཞུས་པ་བཞིན་ཁོང་མོས་ནུས་པ་བཅུའི་སྐོར་གྱི་འོད་སྡེར་གཅིག་དང་། རྒྱལ་ཚོགས་ཀྱི་སྒོ་འགྲམ་དུ་བོད་དོན་ལས་འགུལ་སྐབས་བཤད་པའི་གཏམ་བཤད། ཨ་རིའི་གྲོས་ཚོགས་ནང་གི་གཏམ་བཤད་སོགས་འོད་སྡེར་བཟོས་པ་རེད། སྤྱིའི་ཆ་ནས་འོད་སྡེར་དེ་རིན་གོང་ཆུང་ཆུང་རེད། དཔེར་ན། སྤུས་ཀ་སྐྱོ་བ་ལ་ཨ་རིའི་པེ་ཤག་ ༥༠ དང་ཡག་པ་ལ་ཨ་སྒོར་༡ རེད། དེ་བཞིན། ཟླ་རེའི་ནང་བདུན་ཕྲག་གཉིས་གསུམ་ནང་རྟག་པར་ཕྱི་རུ་ཚོགས་འདུ་སོགས་སུ་འགྲོ་ཡི་ཡོད་པས། མཁས་དབང་གི་ཚོགས་འདུ་དང་། ཤེས་ཡོན་སྐོར། བོད་དོན་དང་འབྲེལ་བའི་ཚོགས་འདུ་སོགས་ལ་འགྲོ་སྐབས། ངའི་ལས་ཁུངས་ཧྭ་ཝར་ཌི་རང་ནས་འགྲོ་སོང་གཏོང་གི་ཡོད། ང་རྒྱ་གར་ནང་མང་ཆེ་བ་བོད་དོན་ཚོགས་འདུ་དང་འབྲེལ་ནས་འགྲོ་ཡི་ཡོད་རེད་ལ། ད་ལོའི་ཕྱི་ཟླ་ ༦ ནང་མོན་གྷོ་སོགས་སུ་གངས་ལྗོངས་རང་བདེན་རྩོད་ལེན་མཐུན་ཚོགས་ཀྱིས་འགྲོ་གྲོན་བཏང་བ་རེད། ཟླ་ ༨ པའི་ནང་St. Joseph College ནང་རྒྱ་གར་དང་རྒྱ་ནག བོད་ཀྱི་གནས་བབ་ཞེས་པར་གཏམ་བཤད་ཀྱི་ཆེད་དུ་སོང་བ་རེད། ཟླ་ ༩ པའི་ནང་དྷ་ས་དང་ལྡི་ལི། བདེ་སྐྱིད་གླིང་བཅས་ཀྱི་ནང་བོད་རྒྱལ་ཡོངས་མང་གཙོ་ཚོགས་པས་འགྲོ་གྲོན་བཏང་བ་རེད། ཟླ་ ༡༡ པའི་མཇུག་དང་ ༡༢ པའི་ཟླ་འགོར་ཨིན་དྷོ་ནི་ཤ་ཡ་ནང་ཨེ་ཤ་ཡའི་ན་གཞོན་མགོ་འཁྲིད་ཚོའི་ཚོགས་འདུའི་སྐབས་དང་ཁེལ་ཡོད་ལ། དེ་བཞིན་ཉི་ཧོང་ནང་གཙུག་ལག་སློབ་གྲྭ་ཁག་ ༦ ཙམ་གྱི་ནང་བོད་དོན་དང་འབྲེལ་བའི་གཏམ་བཤད་ཀྱི་ཆེད་དུ་འགྲོ་དགོས་པས། ཞོར་ལ་ཀ་རྡོར་སྒང་གསུམ་དང་ཏེ་རྫུ། མེ་ཡོས་བཅས་ཀྱི་ནང་སྐོར་སྐྱོད་བྱས་པ་ཡིན། སྐབས་དེའང་ས་གནས་དེ་དང་དེའི་གཞོན་ནུ་དང་བུད་མེད་ཚོགས་པ་སོགས་ཀྱིས་སྣེ་ལེན་གནང་སྟེ། སྡོད་ས་དང་ཞལ་ལག་བཅས་ལ་འགྲོ་སོང་གང་ཡང་མི་འདུག དེ་དང་འབྲེལ་ནས་རྒྱ་གར་གྱི་ས་ཁུལ་ཁག་ཏུ་ཡར་མར་འགྲོ་སྐབས། ཨ་སྒོར་ ༡༠༠ ཡིས་ཕར་ཚུར་མང་པོ་འགྲོ་ཐུབ་ཀྱི་འདུག སྤྱིར་འོས་མིའི་འགྲོ་གྲོན་གྱི་ཐད་ལ་དབུས་འོས་བསྡུ་ལས་ཁུངས་ཀྱིས་འགན་བཞེས་ནས་སྒྲིག་གཞི་བཟོས་ན། ད་ལྟའི་སྐབས་དེ་འདྲ་ཞིག་རེད་དེ་ཕུགས་ལ་ཕན་གྱི་རེད་དྲན་གྱི་འདུག ཨ་རི་སོགས་དམངས་གཙོའི་རྒྱལ་ཁབ་སྟོབས་ཆེན་སོགས་ལ་འོས་མིའི་འགྲོ་གྲོན་གྱི་སྒྲིག་གཞི་ཡོད་པ་བརྗོད་མི་དགོས་ལ། མཐའ་ན་འབྲུག་རྒྱལ་ཁབ་ཆུང་ཆུང་དེ་ལའང་འོས་མིའི་འགྲོ་གྲོན་གྱི་སྒྲིག་གཞི་ཡོད་པ་རེད།
དྲི་བ། མཐའ་མཇུག་འབོད་སྐུལ་འདྲ་ཡོད་དམ།
ལན། ངས་སྔོན་མ་འོས་ཤོག་མ་ཚར་སྔོན་ལ། གཞིས་ཆགས་ཁག་དང་བོད་མི་ཡོད་སའི་ས་ཁུལ་བརྒྱ་ཆ་ ༧༥ ནང་སྐོར་སྐྱོད་ཐུབ་པ་བྱེད་ཀྱི་ཡིན་ཞེས་ཞུས་ཡོད་པས། ད་ལྟའི་སྐབས་མང་ཆེ་བར་སྐོར་སྐྱོད་ཟིན་པ་ཡིན། སྐོར་སྐྱོད་ཟིན་པའི་ས་གནས་ཁག་གི་ས་གནས་བུད་མེད་དང་གཞོན་ནུ། དེ་མིན་གྱི་གོ་སྒྲིག་གནང་མཁན་ཚོགས་པ་ཁག དེ་དང་ཕྱོགས་མཚུངས་གང་ཟག་སྒེར་བཅས་ནས་རོགས་རམ་མཐུན་འགྱུར་གནང་བར་ཐུགས་རྗེ་ཆེ་ཞུ་འདོད་བྱུང་། རྣམ་པ་ཚོའི་རྒྱབ་སྐྱོར་དེ་དང་འཚམ་པར་ང་ལངས་ཀྱི་ཡོད་པ་དང་། ངས་རང་ཉིད་ཀྱི་ནུས་ཤུགས་ཡོངས་རྫོགས་བཏོན་ནས། ཁྱེད་རྣམ་པའི་རེ་བ་བསྐོང་ཐབས་ཞུ་རྒྱུ་ཡིན་ཞེས་བརྗོད་འདོད་བྱུང་།
དྲ་གྲོགས་ཚང་མ་ལ་བཀྲིས་བདེ་ལེགས། ཁྱེད་རང་ཚང་མས་བོད་དོན་ལ་ལྷག་བསམ་རྣམ་དག་ཡིན་པས་རང་དོན་མ་རེད་ཚང་མ་ལ་ཐུགས་རྗེ་ཆེ།
སྐྱེ་སར་དང་ལྷ་བཟང་གཉིས་ཀྱི་རྩོམ་འདི་རེད།
རང་ཉིད་ཀྱིས་བཀའ་ ཁྲིའི་འོས་བླུགས་སའི་འོས་མི་དེ་ཇི་ཙམ་མཐོ་བོར་སླེབས་ཡོད་པ་དེའི་ཚོད་ཀྱིས་ རང་ལ་སྤྲོ་སྣང་ཞིག་དང་། དེ་དང་དེའི་ཁ་གཏད་ལྟ་བུ་ཕམ་པར་མཐོང་ཚེ་རང་བཞིན་གྱིས་ཁོང་དགོད་ཅིག་ཡོང་བཞིན་ པ་ནི། དེ་རིང་ཁ་སང་གི་བཙན་བྱོལ་སྤྱི་ཚོགས་ནང་སྐབས་ཐོག་གི་དོ་སྣང་བྱེད་ཡུལ་ཞིག་ ཡིན། འདི་ལྟར་བལྟས་ན། བཙན་བྱོལ་གྱི་གནས་སྟངས་དེ་ཧ་ཅང་ཉམས་ངན་གྱི་གནས་སུ་ལྷུང་ངེས་པ་དང་། འགྲོ་སྲིད་པའི་རྟགས་མཚན་ཁག་ཅིག་ད་ལྟའི་བཀའ་ཁྲིའི་འོས་བསྡུའི་ནང་མངོན་པར་ སླེབས་བཞིན་པ་དེ་ཡིན། ཨ་རིིར་གནས་སྡོད་བློ་བཟང་སེངྒེ་བཀའ་ཁྲིའི་འོས་མིར་ལངས་ནས་རང་གི་མིང་མཐོང་ ཙམ་གྱི་ཆེད། གང་ལ་ཡང་བསམ་ཤེས་མེད་པར། བཀའ་བློན་ཁྲི་པའི་མིང་ཙམ་ལ་འཐམ་ནས་སླེབས་བཞིན་པ་དེར་བོད་རིགས་ན་གཞོན་མང་པོ་ ཞིག་གིས་དགའ་བསུ་བྱེད་པ་ནི། མགོ་སྟོང་གིས་མགོ་སྟོང་བསུས་པ་ལས་གཞན་ཅི་ཡང་མིན་སྟབས། ང་ཚོ་ཀླད་པ་སྟོང་བའི་ལས་འགུལ་དེར་ཡིད་ཐང་ཆད། ངས་ནམ་རྒྱུན་བཙན་བྱོལ་སྤྱི་ཚོགས་འདི་ནས་སྐྱུག་བྲོ་བའི་ཟློས་གར་མང་པོ་ཞིག་ མཐོང་མྱོང་བའི་ལེ་ཚན་ཞིག་ནི། བཙན་བྱོལ་སྤྱི་ཚོགས་ཀྱི་མི་འབོར་བརྒྱ་ཆའི་མང་ཆེ་བ་ནི། བོད་དང་བོད་ཀྱི་ཆོས་དང་རིག་གཞུང་ཐད་རྒྱུས་ལོན་གང་ཡང་མེད་པར། ས་གནམ་གཉིས་ཀའི་བར་ནས་ཐལ་རྡུལ་དང་མཉམ་དུ་གུ་ཅོ་སྒྲོག་བཞིན་རླུང་ཐན་ཞིག་གིས་ ཁུར་ནས་འགྲོ་བཞིན་པའི་གནས་སྟངས་དེ་རེད། ངས་ཧ་ཅང་གསལ་ཁ་དོད་པོ་དང་། ལྷག་བསམ་རྣམ་དག་སྒོས་བོད་རིགས་ཚོར་རེ་འབོད་བྱེད་འདོད་པ་ཞིག་ནི། ང་ཚོའི་བསམ་བློའི་གོ་རྟོགས་དང་། ཤེས་ཡོན་གྱི་ཆུ་ཚད་མཐོར་འདེགས་གཏོང་ཐུབ་མཁན་ཞིག་དགོས་པ་ལས། ད་ལྟའི་བཀའ་བློན་ཁྲི་པ་ཞིག་གིས་རྒྱ་ནག་གཞུང་གི་ལག་ནས་རང་དབང་རང་བཙན་སོགས་ གང་ཡང་ལེན་མི་ཐུབ་པ་ནི་བརྗོད་མི་དགོས་པ་ཞིག་ཡིན་སྟབས། ང་ཚོས་མུ་མཐུད་རང་ཉིད་ཀྱི་མི་རིགས་སྲུང་སྐྱོབས་བྱེད་ཐབས་ལ་སྲི་ཞུ་སྒྲུབ་ ཐུབ་མཁན་ཞིག་བཀའ་ཁྲིར་འདེམས་དགོས་པ་ལས། ཀླད་པ་སྟོང་བའི་ཕོ་སར་ཞིག་བཀའ་ཁྲིར་འདེམས་པ་ནི། རང་རེ་མལ་ས་ནས་འཆི་ལམ་དུ་སྙེག་པའི་སྟ་གོན་ངོ་མ་རེད་ཅེས་ཤོད་འདོད་བྱུང་། བློ་བཟང་སེངྒེས་ཆེས་དགོད་བྲོ་བའི་སྐད་ཆ་འདི་ལྟ་བུ་ཞིག་བཤད་ཡོད་དེ། ང་ནི་བོད་ཀྱི་ཆོས་དང་རིག་གཞུང་ལ་རྒྱུས་ལོན་ཟབ་པོ་ཡོད། གང་ལགས་ཤེ་ན་ངའི་པ་ལགས་དང་། བཟའ་ཟླ་དེ་ཚོ་ཞལ་འདོན་འདོན་རྒྱུར་དགའ་བོ་ཡོད་ཅེས་བཤད་་་་་་སྐད་ཆ་འདིས་ནི་ རྩོད་གླེང་གང་ཡང་མི་དགོས་པའི་ཐོག་ནས་བློ་བཟང་སེངྒེའི་བོད་ཀྱི་ཆོས་དང་རིག་ གཞུང་གི་གོ་རྟོགས་གསལ་འདོན་བྱས་པ་རེད། དེར་བརྟེན་ངས་ནམ་ཡང་རང་ཉིད་བླུན་པོ་ཞིག་ལ་དབུ་ཁྲིད་བླུན་པོ་ཞིག་མི་ཡོང་བར་ རེ་སྒུག་བྱས་ནས་ཡོད།
འཇམ་དབྱངས་ནོར་བུ་ཡིས་ བློ་བཟང་སེང་གེ་ཡིས་ཁོང་རྒྱ་ནག་གི་ཨོ་སྦ་མ་བྱེད་འདོད་ཡོད་ཅེས་པའི་གཏམ་བཤད་ འདི་མི་མང་ལ་གསལ་སྟོན་བྱེད་པ་ལ་ཐུགས་རྗེ་ཆེ། འདིས་མི་མང་ལ་ཁོང་གི་གཏམ་བཤད་ནང་གི་སྐྱོན་ཆ་ཡོད་པ་ཤེས་སུ་འཇུག
ཨ་རི་མི་རིགས་ནག་པོས་ ཐོབ་ཐང་གི་རྩོད་པའི་ལས་འགུལ་ནང་ཞུགས་པ་དང། རང་གིས་གཅེས་པའི་ཨ་རིའི་ལུང་པའི་ནང་དུ་ཐོབ་ཐང་རྩོད་བཞིན་ཡོད། ཡིན་ན་ཡང། ང་ཚོ་བོད་ཀྱི་འཐབ་རྩོད་དེ་དེ་དང་མི་འདྲ་བ་ཡིན། བོད་མིའི་འཐབ་རྩོད་ནི་རྒྱལ་ཁབ་གཞན་གྱིས་དབང་བསྒྱུར་ལས་གྲོལ་ནས་ཆབ་སྲིད་དང་ རྒྱལ་ཁབ་ཀྱི་རང་དབང་ཐོབ་ཐབས་བྱེད་པ་དེ་ཡིན་པས་དེ་གཉིས་མི་འདྲ།
བློ་བཟང་སེང་གེ་ཡིས་ འབྲེལ་བ་གཏན་ནས་་མེད་པའི་གནད་དོན་དེ་གཉིས་མཚུངས་བསྡུར་བྱས་པ་ནི་ཁོང་གི་ནོར་ འཁྲུལ་ཡིན། ཡིན་ན་ཡང་དེ་ལ་གནད་འགག་དེ་ཙམ་མེད། ནོར་འཁྲུལ་ནི་སུ་ལ་ཡང་ཡོང་སྲིད་པ་ཡིན། སྐྱོན་ཆ་ནི། ཁོང་གིས་རང་གི་ནོར་འཁྲུལ་ལ་ངོས་ལེན་གཏན་ནས་མི་བྱེད་པ་དེ་རེད། འདིས་ང་བསྟན་ཅེ་ན། ཁོང་ལ་འགོ་ཁྲིད་ཀྱི་ཉམས་མྱོང་ཞན་པ་མ་ཟད། དྲང་ བདེན་མེད་པ་དང། རང་སྐྱོན་ངོས་ལེན་བྱེད་ཐུབ་པའི་ནུས་པ་མེད་པ་བསྟན། རང་སྐྱོན་དེ་ལས་གྲོལ་བའི་ཕྱིར་དུ་ཁོང་གིས་རང་གི་ཨོ་སྦོ་མའི་གཏམ་བཤད་དེ་ འཆོབ་སླངས་པ་ཙམ་ཡིན་གྱི་གནད་འགག་ཆེན་པོ་མིན་ཟེར་ཡོད།
གཞན་སུ་གཅིག་གིས་ཀྱང་ གནད་དོན་མ་གླེང་བའི་ཁོང་གི་སྐྱོན་ཆ་ནི་འདི་ཡིན། ང་ཚོ་བོད་ཀྱི་མའོངས་གནད་དོན་དེ་འཆོབ་སླང་ཡས་ཀྱི་གནད་དོན་ཅིག་ཨེ་ཡིན་ནམ། ང་ཚོ་བོད་ཀྱི་ནང་དུ་རིག་གཞུང་དང་སྐད་ཡིག ཐ་ན་མི་རིགས་བཅས་ལ་ཡང་འཆར་གཞི་ལྡན་པའི་ཐོག་ནས་གཏོར་བཤིག་ཐེབས་བཞིན་ཡོད། གནད་དོན་འདི་འཆོབ་སླང་ཡས་ཀྱི་གནད་དོན་ཅིག་ཨེ་རེད། ང་ཚོ་འཚོ་ཐབས་ཀྱི་ཆེད་དུ་རང་དབང་རྩོད་བཞིན་ཡོད། དེ་ཡང་དུས་ཚོད་རྫོགས་འགྲོ་བཞིན་ཡོད། གནད་དོན་འདི་འཆོབ་སློང་ཡས་གཅིག་རེད་འདུག་གམ།
དེས་ན་བློ་སེང་ཁྱེད་ ཀྱིས་རང་སྐྱོན་ངོས་ལེན་བྱེད་དགོས། དེས་མ་ཚད། ཁྱེད་ལ་འཆི་སོན་ལ་ཐུག་པའི་བོད་རྒྱལ་ཁབ་ཀྱི་དབུ་ཁྲིད་བྱེད་ཐུབ་པའི་ཉམས་མྱོང་ མེད་པ་ཡང་ངོས་ལེན་བྱེད་དགོས།
ཁ་བྱང་འདི་མ་རྗེད་རོགས།
http://www.khabdha.org/?p=13559
སྙིང་ཉེ་བའི་ཀློག་པ་ པོ་རྣམ་པ་ལགས། སྤྱིར་བཏང་གི་ངས་ཅི་ཡང་མི་ཤེས་པ་དང་ང་ཚོས་ཁོར་ཡུག་གི་རྨོངས་བ་ཧ་ཅང་སྟུག་པ། མི་བུ་མང་མང་གི་བསམ་བློའི་མིག་ཁ་ཕྱེས་མེད་པ་སོགས་གཞི་བྱས་ཐོག སྐད་ཆ་དྲང་མོ་རེ་བཤད་ཀྱང་ནུས་པ་ཆེར་མེད་མོད་ང་ནི་རང་ཉིད་རང་གི་བསམ་བློའི་ ཆེད་དུ་གསོན་པ་ཞིག་ཡིན་ཕྱིར་དང་་་་་་།
གོང་ཞུས་རྒན་ལྷ་བཟང་ཚེ་རིང་དང་སྐྱེས་སར་ཀླུ་སྒྲུབ་སོགས་དྲ་གྲོགས་ཁ་ཤས་ཀྱིས་ བཤད་པར་གནས་ལུགས་ཧ་ཅང་ཡོད་པར་སྙམ་ལ། འདི་ནི་དོན་དངོས་ཐོག་གཟབ་དགོས་ས་ཞིག་ཀྱང་རེད་འདུག གལ་སྲིལ་མི་རིགས་རང་གི་སྐད་ཡིག་གི་སྟེང་ནས་ཟིན་བྲིས་ཙམ་ཡང་འབྲི་མི་ནུས་པའི་ སྐྱེས་བུ་ཞིག་རྒྱལ་ཁབ་ཞིག་གི་བཀའ་ཁྲིར་བསྡད་པ་ཡིན་ན་མི་རིགས་གཞན་དང་རྒྱལ་ ཁབ་བཞན་གྱིས་ང་ཚོར་ཅི་ཞིག་ཟེར་རམ། ཐ་ན་རྒྱ་ནག་གཅིག་པུས་ཀྱང་་་་་་།
ད་དུང་ད་ལོའི་ཉིན་ཞིག་ལ། བློ་བཟང་སེང་གེ་མཚན་ཉིན་གྲྭ་ཚང་གིས་གདན་ཞུས་ལྟར་ང་ཚོ་ཕྱི་དྲོའི་ཆུ་ཚོད་ལྔ་ པའི་སྟེང་མཚན་ཉིད་ཚོགས་ཁང་དུ་འཛོམས་ཤིང་ཆུ་ཚོད་གསུམ་ཙམ་དུ་གཏམ་བཤད་དང་བགྲོ་ གླེང་བྱས། མཐར་གྲྭ་བཙུན་ཞིག་གིས་བཀའ་འདྲི་ཞུ་རྒྱུར་་་ཁྱེདཀྱིས་རྩོམ་ཡིག་མང་པོ་འབྲི་ བཞིན་ཡོད་གསུང་པ་དེ་དག་བོད་ཡིག་གི་སྟེང་ནས་འབྲི་བཞིན་ཡོད་དམ་དབྱིན་ཇིའི་ སྟེང་ནས་འབྲི་བཞིན་ཡོད། ཡང་རྗེས་སོར་ང་ཚོའི་དུས་དེབ་དང་ཚགས་པར་གང་ཞིག་ལས་མཇལ་ཐུབ་པ་རེད་་་ཅེས་དྲིས་ པར་ཁོང་གིས་གསུང་དོན། དུས་བབ་དང་པང་ཆེན་སོགས་ལས་མཐོང་ཐུབ་ཀི་རེད་གསུང་པ་ལས་དྲི་བ་དང་པོ་དེར་ཁྱོན་ ནས་ལན་བརྒྱབས་མ་སོང་ལ་དེར་གནད་དོན་ཞིག་ཡོད་པ་ནི་ཁོ་རང་གི་གསང་པ་ཤོར་འགྲོ་ བས་ཡིན་པ་ནི་བདེན་པ་དང་དངོས་ཡོད་་ཡིན་པ་དེ་འོ།།
http://www.khabdha.org/?p=13559
ཨ་རོགས་ཁ་བརྡའི་མཆན་འདི་མཐོང་ངམ།
བློ་སེང་གིས་དཔུང་ བསྒྲིགས་མ་མྱོང་བ་རེད་ཨེ། སྔོན་མ་ལྡི་ལི་ལ་ཡོད་དུས། དཔུང་བསྒྲིགས་ནས། འཆི་མེད་ཚེ་རིང་ཁོང་ཚོར་དཀའ་ངལ་ག་ཚོད་བཟོས་སོང་། ཆུ་བཞི་སྒང་དྲུག་གསར་རྙིང་གི་རྙོག་དྲ་ལངས་དུས། ཡང་དཔུང་བསྒྲིགས་ནས་ཆུ་སྒང་གསར་བ་ཟེར་བ་དེའི་ནང་ལས་ཀ་བྱས་སོང་། ཨ་རི་ལ་དམིགས་བསལ་བྱས་ནས་བཏང་དོན་ག་རེ་རེད། ཆབ་སྲིད་འཁྲབ། དཔུང་བསྒྲིགས་པའི་སྟབས་ཀྱིས་བཏང་བ་རེད། ད་ཡང་འདི་ལ་དཔུང་བསྒྲིགས་ཡོང་གི་འདུག་ག
ཁ་ནས་དཔུང་བསྒྲིགས་པར་ཡོང་ཡིན་ཞེས་མངོན་གསལ་དུ་བཤད་ནུས་དུས། ལྐོག་ལ་ག་ཚོད་བྱེད་ཀྱིན་ཡོད་མེད་ཤེས་ཐུབ་བ་ཞིག་རེད།
དྲ་གྲོགས་གང་མང་ཞིག་གིས་དྲ་རྒྱ་བརྒྱུད་དགྲ་དགའ་གཉེན་རྡུང་གི་གཏམ་
རྙིགས་སྣ་ཚོགས་ཤིག་སྤེལ་བ་ནི་བོད་པའི་སྤྱི་ཚོགས་ནང་། ཆོལ་གསུམ་གཅིག་སྒྲིལ་གཏོར་བཤིག་དང་ཕན་ཚུན་དཀྲུག་ཤིང་ཁོ་ན་ལས་
དགེ་མཚན་གང་ཡང་མི་འདུག༎
རྒྱ་དམར་གཞུང་གི་དམིགས་ཡུལ་དང་ལས་འཆར་ནང་གལ་ཆེ་ཤོས་ཤིག་ནི་བོད་མི་ནང་ཁུལ་དཀྲུག་ཤིང་དང་བོད་མི་ནང་གཅིག་སྒྲིལ་མེད་པ་བཟོ་རྒྱུ་དེ་ཡིན་པ་ནི་གསལ་པོ་རེད༎
བོད་མི་རེ་ཟུང་ནས་ཆབ་སྲིད་ཀྱི་ལྟ་བ་ཅུང་ཟད་མི་མཐུན་པ་རྒྱུ་མཚན་དུ་བྱས་ནས་དགེ་མཚན་ཡོད་མེད་དང་རང་གནོད་གཞན་ཕན་གང་ཡོད་གང་ཡང་མི་སེམས་པར༎དགྲ་ཕྱོགས་ནས་འགྲོ་གྲོན་གཏོང་མི་དགོས་པ་དང་འབོད་སྐུལ་
དང་བཙན་བཀའ་གཏོང་མི་དགོས་པར་དགྲ་དགའ་གཉེན་རྡུང་གི་གཏམ་འཆལ་དང་དགྲ་བོའི་དམིགས་ཡུལ་ལྟར།ལས་ངན་གང་མང་ཞིག་རྩམས་པ་དང་ལས་འབྲས་ལས་བརྒལ་བའི་ཧམ་བཤད་དཔེ་ན་མི་སྣ་རེ་ཟུང་ནས་བལ་ཡུལ་དུ་འོས་སྒམ་འཕྲོག་པ་ཡང་བོད་མིའི་ངན་བྱུས་དང་་བྱས་ངན་ཡིན་ཁུལ་བཤད་པ་ནི་
ཚད་ལས་བརྒལ་བའི་དཀྲུག་ཤིང་དང་དེ་ལྟ་བུའི་སྐད་ཆ་ཁོངས་ལུང་མེད་པ་
རྣམས་ཀྱིས་༸་གོང་ས་མཆོག་གི་ཐུགས་དགོངས་ཡང་དཀྲུག་གཉེན་ཡོད།་
སྒྲུབ་པའི་མཆོད་པ་འབུལ་རྒྱུ་མེད་ན་ཡང་དེ་ལྟ་བུའི་དྲིན་ལེན་ལོག་འཇལ་གྱི་
སྐད་ཆ་མ་བཤད་རོགས༎མི་ཚེ་རི་ལ་བསྐྱལ་ནས་རི་དྭགས་ངོས་མ་ཤེས་པ་
མེད་ཞེས་པའི་དཔེ་ལྟར་མེ་ཚེ་ཕྱེད་ཀ་བལ་ཡུལ་སྐྱེལ་བའི་ཕྲན་གྱིས་བལ་ཡུལ་ཆབ་སྲིད་དང་རྒྱ་དམར་གྱིས་ནུས་ཤུགས་ལ་བརྟེན་ནས་བལ་ཡུལ་དུ་བོད་པ་ལ་འཕྲད་པའི་དཀའ་ངལ་རྣམས་ཞིབ་ཁྲ་དང་གསལ་པོ་ཤེས་ཀྱིས་ཡོད༎མ་ཟད་
འདིའི་ལོའི་འོས་སྒམ་འཕྲོག་མཁན་ནི་རྒྱ་དམར་ཁོ་ནའི་ངན་ཤུགས་འོག་བྱུང་
བ་ཞིག་རེད་མ་གཏོགས་
གཞན་སུ་ལ་ཡང་དོགས་པ་མེད༎
ཨ་རོགས་ཚོ་ཁ་བརྡ་ནང་གི་མཆན་འདི་རྒྱུ་མཚན་ཞིག་མི་འདུག་གམ
དགེ་བཤེས་ཐུབ་བསྟན་ སྦྱིན་པ་ལགས་ཀྱི་གསུང་ཚིག་རེ་རེ་ལ་ཞིབ་ཏུ་སེམས་པ་ན། དེ་ཡང་རྒྱུ་མཚན་མེད་པ་ཞིག་ག་ལ་ཡིན། འོན་ཀྱང་ང་རང་ཉིད་ཀྱི་ཐོག་མའི་སེམས་ནང་གི་གཏན་འབེབས་ནི་བློ་བཟང་སེང་གེ་ཡིན། རྒྱུ་མཚན། ལོ་ན་གཞོན་པ། རྒྱལ་སྤྱིའི་ཁྲིམས་དོན་ལ་མཁས་པ། ཤེས་ཡོན་ལྡན་པ། བློ་སྤོབས་ཆེ་བ། མི་རབས་གསར་བ་བཅས་རེ་རེ་ལ་རྒྱབ་ལྗོངས་ཡང་ཡོད། ངས་མི་རབས་གསར་བ་ཞེས་པའི་ཐ་སྙད་འདི་ངས་མུ་མཐུད་ཉར་བ་ན། སྐབས་འདིར་ངས་སོ་སོའི་མི་རིགས་དང་རྒྱལ་དོན་ལ་འགན་མ་འཁུར་བའི་ཞེན་ཁོག་ཅིག་ རེད་སྙམ་སོང་། དེ་བཞིན་ཞིབ་ཏུ་བསམ་བློ་བཏང་ན་བློ་སེང་ནི་ལོ་ན་གཞོན་སྟབས། ཁོང་ལ་འཇོན་ཐང་དང་ནུས་པ་ཡོད་ན་ཕྱིས་སུ་རིམ་གྱིས་གོ་སྐབས་སྤྲད་ཆོག་པ་ཞིག་ རེད། ལ་ལས་ཨོ་བྷ་མ་དང་བློ་སེང་གཉིས་བསྡུར་གྱིན་འདུག དེ་ནི་གླེན་རྟགས་ཤིག་ལ་ངེས་འཛིན་བྱེད་ཀྱིན་ཡོད། རྒྱུ་མཚན་ཁོང་གཉིས་ལོ་ན་གཞོན་པ་བདེན་ནའང་ཨ་རིའི་རྒྱལ་ཁབ་དང་བཙན་བྱོལ་བོད་ གཞུང་བསྡུར་ཐབས་ག་ལ་ཡོད། གལ་སྲིད་ཨོ་བྷ་མས་ནོར་འཁྲུལ་བྱུང་ནའང་ཨ་རིའི་སྲིད་གཞུང་ནི་སྔོན་ལྟར་བརྟན་ པོ་རེད། བློ་སེང་གིས་འགན་འཁུར་དགོས་པའི་བཙན་བྱོལ་བོད་གཞུང་དེ་ལོ་ངོ་བརྒྱ་ཕྲག་མང་ པོའི་ལོ་རྒྱུས་ཡོད་པའི་ཨ་རིའི་སྲིད་གཞུང་དང་བསྡུར་ཐབས་ཨེ་ཡོད། དེ་ང་ཚོས་ངེས་པར་དུ་བསམ་བློ་གཏོང་དགོས་པ་ཞིག་རེད།
དེ་ཡིན་དུས་ངས་ད་ལྟའི་སྐབས་འདིར་བཀྲས་མཐོང་ལ་ངེས་པར་ཏུ་བསམ་བློ་གཏོང་དགོས་ པ་ཞིག་ཆགས་སོང་། ཁོང་གི་མཉམ་མྱོང་། འཇོན་ཐང་། ཤེས་ཚད། ཞེ་སྤོབས། བྱས་རྗེས། ལྷག་བསམ་བཅས་ཁོའི་ཐོག་མའི་བྱིས་དུས་ནས་ད་ལྟའི་བར། བཙན་བྱོལ་བོད་གཞུང་དང་བོད་མིའི་བདེ་སྡུག་གི་ཆེད། རླབས་ཆེན་གྱི་ལས་དོན་མང་པོ་ཞིག་བསྒྲུབས་ཡོད་པ་མ་ཟད། དེ་རེ་རེ་ལ་གྲུབ་འབྲས་ཡང་རླབས་ཆེན་ཐོན་འདུག དེའི་སྟབས་ཀྱིས་ད་དུང་ཁོ་ལ་གོ་ཐོབ་ཡག་པོ་རེ་སྤྲོད་ཐུབ་ན། སྔོན་ལས་ལྷག་པའི་བྱས་རྗེས་རེ་འཇོག་ཐུབ་པའི་ཡིད་ཆེས་དང་རེ་བ་ཆེ། ང་ཚོས་སྐུ་དྲག་གི་མི་རྒྱུད་ཅིག་ལ་ཞེ་གནག་ནས་དྲིན་ཆེན་ལ་དྲིན་ལོག་གིས་སྣང་ མེད་དུ་བཞག་ན། ང་ཚོ་དེ་བོད་མི་རིགས་ལ་གྱོང་གུད་རེད།
ངས་སྔོན་འགྲོའི་བཀའ་ཁྲིའི་འོས་བསྡུ་ནས་ད་བར་བསམ་བློ་བཏང་བ་མ་ཟད། དྲ་ཚིགས་ཁག་ཉུལ་ནས་མི་རེ་ཡི་ལོ་རྒྱུས་དང་བྱས་རྗེས་ལ་ཡང་བསམ་གཞིགས་མང་པོ་ བྱས། དེ་རིང་ང་རང་ཉིད་ཀྱི་འོས་ཤོག་གཅིག་པོ་དེ་བཀྲས་མཐོང་ལ་དབང་བ་ཡིན།
http://www.khabdha.org/?p=13559
བཀྲིས་བདེ་ལེགས
ཨ་མའི་བུ་ཁྱེད་བཀྲོག་འདྲ་མིན་སྤྱི་ཚོགས་ནང་གླིང་མོས་བྱེས་པས་ཁྱེད་ཁེ་འཕེན་གང་ཡོད་དམ
ཨ་རོགས་བསྟན་འཛིན་བཀའ་ཁྲིའི་འོས་མི་གཞན་ཚོར་སྐྱོན་བརྗོད་བྱེད་དུས་ཁྱེད་ཀྱི་གང་ཡང་གསུངས་ཀྱི་མི་འདུག
ད་རེབ་བློ་སེང་གི་སྐོར་་ལ་ཕྲན་བུ་རེ་བྲིས་དུས་ཁྱེད་སྨྱོ་གྲབས་བྱེད་ཀྱི་འདུག་རྒྱུ་མཚན་གང་ཡིན་ནམ།
བློ་སེང་གི་སྒོར་མོ་་་་་་་་་་་་་་་་་་་་་་་་་་་་་་་་་་་་་་་་་་་་་་་།
ཅོ་རི་ལགས་ཕྲན་དུས་བབ་ནས་རྒྱང་ཕུད་བཏང་ཡོད་མེད་ཁྱེད་ཀྱིས་མཁྱེན་བྱུང་ངམ། ཉིད་ནས་་འོས་སྒོམ་བཙན་འཕྲོག་བྱས་པ་དེ་དང་མདོ་སྟོད་གཉིས་ཀྱི་བར་དུ་འབྲེལ་བ་ཡོད་མདོག་མདོག་ངས་བཤད་ཀྱིས་འདུག་མདོག་མདོག་ཞིག་བཤད་ཀྱི་འདུག་དེ་ནི་བདེན་པ་མིན། ངས་བཤད་པའི་འོས་ཤོག་དང་འགྲེལ་བའི་བསྐོར་བཤད་པའི་ཚིག་དུམ་དེའི་ནང་མདོ་སྟོད་ཞེས་པའི་མིང་ཚིག་གང་ན་འདུག་བསྟན་རོགས་གནང་གལ་སྟེ་དེ་ལྟར་སྟོན་རྒྱུ་མེད་ན་དཀྲུགས་ཤིང་རྒྱག་མཁན་དེ་ཁྱོད་ཁོན་ཡིན་པ་ལས་ང་མིན་པ་མཁྱེན་ངེས། ངས་འོས་ཤོག་བསྐོར་བཤད་པའི་ཚིག་རིགས་ཇི་བཞིན་འདི་ན་ཡོད། ༼ད་ཆ་བོད་མི་མང་པོའི་སེམས་ནང་དེ་སྔོན་བལ་ཡུལ་བོད་མའི་འོས་ཤོག་ཉེས་རྟོགས་པས་བཙན་འཕྲོག་བྱས་པ་དེ་དོགས་གཞིའི་གནས་སུ་གྱར་ཡོད་པ་དང་། དེ་ཡང་མཆོད་རྟེན་ཁུལ་དུ་བཀའ་བློན་བཀྲས་མཐོང་ལ་རྒྱབ་བསྐྱོར་ཤུགས་ཆེན་ཡོད་ཀྱང་དེ་དག་བཙན་འཕྲོག་བྱས་ཡོད་པས་དེ་ནི་རྟེན་དབང་གི་བྱུང་བ་ཞིག་ཡིན་ནམ་ཡང་ན་ངན་ཇུས་གང་ཞིག་ཡོད་དོགས་འཆར་སྣ་ཚོགས་ཡོངས་བཞིན་ཡོད་པ་ཡིན། དེ་ནི་ཧ་ཅང་དངངས་ཚབ་སྐྱེ་དགོས་པ་ཞིག་ཏུ་གྱུར།༽
དྲི་རྒྱུ་གཞན་ཞིག་ལ་ཉིད་ཀྱང་ཆུ་སྒང་གསར་རྙིང་གཉིས་ཡོད་པའི་ཆུ་སྒང་རྙིང་པར་རྒྱབ་བསྐྱོར་དང་དེར་དབུས་ཆུ་སྒང་ངོས་འཛིན་གནང་མཁན་ཞིག་ཡིན་ས་རེད་དེར་རྟེན་ངེད་ཀྱི་བློ་བཟང་སེང་གེ་ལ་དྲི་བ་ཁ་ཤས་དྲིས་པའི་ནང་ཁྱོད་རང་གི་ལྟ་སྤྱོད་དང་མི་མཐུན་པའི་དྲི་བ་འདྲ་ཡོད་ན་དགོངས་དག། ངེད་ནས་ཆུ་སྒང་དབུས་རྒྱུན་ཆུ་སྒང་གསར་པར་ཆ་འཛིན་བྱ་བཞིན་ཡོད་པ་ལས་ཆུ་སྒང་རྙིང་པར་ཆ་འཛིན་བྱེད་ཀྱི་མེད་པ་ནི་ངེད་གཉིས་མི་མཐུན་པའི་འབྱུང་ཡིན་ལགས་ཆུ་སྒང་གསར་རྙིང་གཉིས་ཡོད་དུས་སུ་ལ་ཆ་འཇོག་དང་རྒྱབ་བསྐོར་བྱེད་མིན་ཡང་རང་དབང་ཡིན་པར་འདོད། སྤྱི་ན་ངེད་རང་བོད་འབངས་ཞིག་སོང་མ་འོངས་པའི་བཀའ་བློན་འོས་དམིགས་དེར་རང་ཉིད་ཀྱི་དོགས་འདྲི་དབང་ཡོད་པས་སེམས་ཕྲལ་བྱ་མི་དགོས།
ནུབ་ཕྱོགས་ཡོད་པའི་བོད་མི་ཚང་མ་སྤུ་མེད་ཕག་པ་རེད་ཞེས་ངས་བརྗོད་ཀྱི་འདུག་ཟེར་དེ་འདྲ་ཞིག་ངས་རྩ་བ་ནས་བཤད་མེད་ལ་ཡོད་ཁྱོད་ཀྱི་གསལ་སྟོན་གནང་བ་ཡིན་སྐྱེས་སྦྱིན་མཆོག ངས་བཤད་པའི་སྐད་ནི་བསམ་རྒྱུ་དངུལ་དང་དྲན་རྒྱུ་སྒྲོག་ལར་ལས་མེད་པ། ཕ་མ་རྒས་འཁོག་ལ་གཉེན་བཀུན་མེད་པར་བཙན་བྱོལ་ནང་གི་རྒན་གསོ་ཁག་ལ་རྩིས་འབུལ་བྱེད་ཐུབ་ཙམ་བྱ་མཁན་་དག་ནི་སྤུ་མེད་ཕག་པ་ཡིན་ཞེས་བཤད་ཡོད་པ་ཡིན་བྱས་ན་ནུབ་ཕྱོགས་ལ་འཕེབས་མཁན་ཚང་མ་དེ་འདྲ་ཡིན་ནམ།
བཟོད་པ་ལྷ་རྩེ་ལགས།
བལ་ཡུལ་གྱི་བོད་མི་རྣམས་ལ་དགྲ་དམར་པོས་གནོད་ཤུགས་འོག་ཏུ་བལ་པོའི་གཉེན་རྟོགས་པས་འོས་སྒོམ་བཙན་འཕྲོག་བྱས་ཡོད་པ་དང་བོད་དོན་འཐབ་རྕོད་ཀྱི་ཆེད་དུ་འདུས་འཛོམ་བྱས་དབང་མེད་པར་མིག་ལྡན་ཀུན་གྱིས་མཁྱེན་གསལ་རེད།
བལ་ཡུལ་བོད་མི་རྣམས་ཨ་རི་གཞུང་གིས་རང་དབང་ཡོད་ས་ཨ་རིའི་ལུང་པ་ནང་དུ་ལེན་གྱི་ཡིན་གསུངས་དུས་ཁྱོད་དང་ཁྱོད་འདྲ་བའི་མི་ངན་ཚོས་བོད་མིའི་རིག་གཞུང་དང་བཟང་སྤྱོད་ཉམས་རྒུད་འགྲོ་གི་འདུག་ཞེས་ཁ་ལ་ཁུར་ནས་དོན་དུ་བལ་ཡུལ་བོད་མི་རྣམས་དགྲ་དམར་པོའི་ནུས་ཤུགས་ཀྱི་འོག་ཏུ་བཅུག་གང་ཐུབ་བྱས་པ་རེད།
བྱས་འབྲས་ངན་པ་འདི་དག་བརྟེན་ནས་འོས་བསྡུའི་རང་དབང་ཀྱང་ཤོར་བ་རེད། སྔོན་ནས་བལ་ཡུལ་ནང་གི་འབྲུག་པ་སྐྱབས་བཅོལ་བ་རྣམས་ཕྱིན་པ་ལྟར་ཨ་རིའི་ཕྱིན་ཡོད་པ་ཡིན་ན་འོས་བསྡུའི་རང་དབང་ཤོར་དོན་མེད་ལ་སློབ་སྦྱོང་གི་གོ་སྐབས་ཀྱང་ཡག་པོ་ཞིག་རག་ངེས་ཡིན།
ཁྱོད་ཀྱིས་ནུབ་ཕྱོགས་བོད་མི་རྣམས་ཕག་པ་སྤུ་མེད་རེད་ཞེས་བཙན་བྱོལ་སྤྱི་ཚོགས་ནང་དུ་དཀྲུགས་ཤིང་བརྒྱབ་པའི་སྐད་ཆ་མང་པོ་བཤད་མྱོང་ཡོད་པར་དུས་བབ་བཀླགས་པ་པོ་ཀུན་གྱིས་མཁྱེན་གསལ་རེད། མ་ཟད་ཁྱོད་ཀྱིས་འོས་སྒོམ་བཙན་འཕྲོག་བྱས་པ་དེ་དང་མདོ་སྟོད་གཉིས་ཀྱི་བར་དུ་འབྲེལ་བ་ཡོད་མདོག་མདོག་བཤད་ཀྱི་ཡོད་རེད། སྐད་ཆ་འདི་དག་བཙན་བྱོལ་སྤྱི་ཚོགས་ནང་དུ་དཀྲུགས་ཤིང་རྫབ་ཆེན་ཞིག་བརྒྱབ་ཀྱི་ཡོད་པ་ངོས་ལེན་བྱས་ཀྱི་ཡིན།
མ་ཟད་ཁྱོད་ཀྱིས་ཁ་བརྡ་དྲ་རྒྱའི་སྟེང་གི་གཏམ་འཁྱམ་ཞིག་ཁུར་ཡོང་ནས་མ་འོང་བཀའ་ཁྲི་མཁས་དབང་བློ་བཟང་སེང་གེ་ལ་དྲི་བ་བཏང་མདོག་མདོག་བྱས་ཀྱི་ཡོད་རེད། བཀའ་བློན་ཅོ་ལྔ་བསྐོས་བཞག་བྱེད་ཀྱི་རེད་ཟེར་བའི་གཏམ་འཁྱམ་གྱི་མཆན་བུ་བཏབ་མཁན་ཁོ་རང་ལ་ཡང་གསལ་པོ་ལབ་ཀྱི་མི་འདུག་པས་རྫུན་གཏམ་ཡིན་པར་མངོན་སུམ་གྱི་གྲུབ།
ཡང་བསྐྱར་ཁྱོད་ཀྱི་དཀྲིགས་གཏམ་ཞིག་ལ་སྡི་ལིའི་ཆུ་བཞི་སྒང་དྲུག་ཞེས་ལབ་སྟངས་ལ་ལྟོས་དང་། ཁྱོད་ཀྱི་ལབ་སྟངས་ལྟར་བྱས་དགོས་པ་ཡིན་ན་རྡ་སའི་བོད་གཞུང་དང་ཡུལ་བལ་གྱི་བོད་གཞུང་ཟེར་ནས་ལབ་དགོས་སམ། བཙན་བོད་གཞུང་གི་བཀའ་བློན་ཁྲི་པ་ལ་ཡང་རྡ་སའི་བཀའ་བློན་ཁྲི་པ་ཞེས་འབོད་དགོས་པ་རེད་པས།
སྡི་ལི་ཡོད་པ་དེ་དབུས་མདོ་ཁམས་ཆུ་བཞི་སྒང་དྲུག་ཡིན་པར་༧གོང་ས་མཆོག་དང་བཙན་བྱོལ་བོད་གཞུང་གི་སྤྱི་འཐུས་གྲོས་འཚོགས་བཅས་ཀྱི་ངོས་ལེན་གནང་གི་ཡོད། ཁྱོད་ཀྱི་སྡི་ལིའི་ཆུ་སྒང་ཟེར་བའི་སྐད་ཆ་འདིའི་རྒྱབ་ལྗོངས་སྤྱི་ཚོགས་དཀྲིགས་བསམ་པ་ལས་རྡོག་རྩ་གཅིག་སྒྲིལ་གྱི་དམིགས་ཡུལ་མེད་པར་གསལ་པོ་རེད།
ངས་བྱས་ན་གདོང་དགྲ་བོས་མཐོང་དུས་དགའ་དགོས་པ་དང་གཉེན་ཕུ་ནུ་ཡིས་མཐོང་དུས་སྡུག་དགོས་པའི་དཀྲིགས་གཏམ་བཤད་མ་བསྡད་ཞེས་རེ་བ་ཡིན། ཐུགས་རྗེ་གཟིགས།
དེ་རིང་ཡང་བློ་བཟང་སང་གེ་ལགས་ལ་བཀྲ་ཤིས་བདེ་ལེགས་ཞུ་འདོད།
ཨ་མའི་བུ་ནམ་ཡང་སེམས་ཤུགས་མ་ཉམས་པ་བྱེད་དགོས་
ཁོགས་རྒྱ་ཡངས་པོ་བྱེད་དགོས
ཨ་མའི་བུ་ཟེར་བ་མི་ངན་འདི་
ངན་པར་ལམ་དུ་ཤོར་ནས་སྐྱག་པ་ལང་ནས་བཏང་མཁན་ཞིག་རེད་འདུག་།
ཁོང་གིས་བློ་སེང་ཁ་ལ་འཁྱེར་ནས་ཆུ་སྒང་གསར་རྙིང་བར་དཀྲུག་ཤིག་དང་་།
ཆོལ་ཁ་གསུམ་གྱི་མཐུན་ལམ་ལ་གནོད་པའི་བྱ་ངན་སོགས་།
ཕུ་དཀྲུག་འདའ་དཀྲུག་མང་དག་བྱས་ཀྱིས་ཡོད་པས་།
བོད་རིགས་སྤུན་ཟླ་སེར་སྐྱ་རྒན་གཞོན་ཚང་མས་ཡིད་གཟབ་གནང་གལ་ཆེ་བ་མཐོང་ངོ།
དགེའོ་
དེ་སྔ་བལ་ཡུལ་ནང་བོད་པ་བཙན་བྱོལ་བ་དག་ལ་བསྡུ་འཛོམས་རང་དབང་ཅུང་ཡོད་ནའང་། སྤྱི་ལོ་ ༢༠༠༨ ལོ་ནས་བཟུང་ད་བར་བལ་ཡུལ་ནང་བོད་པ་བཙན་བྱོལ་བ་རྣམས་ལ་བསྡུ་འཛོམས་ཀྱི་རང་དབང་མེད་པ་མ་ཟད་བོད་པའི་མཐུན་མོང་མ་ཡིན་པའི་དུས་དྲན་ཁག་ལ་དྲགས་ཆགས་ཡོངས་སུ་སྤྲས་པའི་བལ་པོའི་ཉེས་རྟོགས་པ་དག་གི་བོད་པ་གནས་སྡོད་བྱེད་པའི་དགོན་པ་གྲྭ་ཚང་སོགས་མཐའ་བསྐོར་ནས་ཕྱི་ལ་མི་གཏོང་བ་སོགས་ནི་རྒྱུན་ལྡན་གྱི་གནས་ཚུལ་ཞིག་ཡིན་ཀྱང་།
ཟླ་འདིའི་ཚེས་ཤར་ལ་བལ་ཡུལ་མདོ་སྟོད་མི་མང་གི་བསྡུ་འཛོམས་སྤྲོད་སྐྱིད་ཐུགས་དྲོ་ཟབ་རྒྱས་ཉིན་གསུམ་གཏང་ཡོད་པ་ཡིན། ཡ་མཚན་པ་ཞིག་ལ་བལ་ཡུལ་ཉེས་རྟོགས་པས་བཀའ་རྙོག་གཅིག་ཀྱང་བཤད་མེད། དེ་བས་ཀྱང་ཐུགས་སྤྲོ་དེར་ཤོ་སྦག་རྒྱན་འཛུགས་ཤུགས་ཆེན་བྱས་རྐྱེན་ནེ་སྒོར་འབུམ་བཅོ་ལྔ་བཅུ་དྲུག་ཤོར་བ་བྱུང་ཡོད་པས་དེ་དག་༸གོང་ས་མཆོག་གི་བཀའ་དང་ཡོངས་སུ་འགལ་བ་ཞིག་ཡིན་པས་དེ་དག་ལ་ངེས་པར་ཟབ་དགོས་པ་མ་ཟད། ད་ཆ་བོད་མི་མང་པོའི་སེམས་ནང་དེ་སྔོན་བལ་ཡུལ་བོད་མའི་འོས་ཤོག་ཉེས་རྟོགས་པས་བཙན་འཕྲོག་བྱས་པ་དེ་དོགས་གཞིའི་གནས་སུ་གྱར་ཡོད་པ་དང་། དེ་ཡང་མཆོད་རྟེན་ཁུལ་དུ་བཀའ་བློན་བཀྲས་མཐོང་ལ་རྒྱབ་བསྐྱོར་ཤུགས་ཆེན་ཡོད་ཀྱང་དེ་དག་བཙན་འཕྲོག་བྱས་ཡོད་པས་དེ་ནི་རྟེན་དབང་གི་བྱུང་བ་ཞིག་ཡིན་ནམ་ཡང་ན་ངན་ཇུས་གང་ཞིག་ཡོད་དོགས་འཆར་སྣ་ཚོགས་ཡོངས་བཞིན་ཡོད་པ་ཡིན། དེ་ནི་ཧ་ཅང་དངངས་ཚབ་སྐྱེ་དགོས་པ་ཞིག་ཏུ་གྱུར།
ཨ་རོགས་ཚོ་བློ་སེང་གིས་བཀོད་རྒྱུའི་བདེ་སྲུང་བཀའ་བློན་ད་ལྟ་ཨ་རི་ལ་འདུག
ཨ་རོགས་བློ་སེང་ཁྱེད་ཀྱིས་ཧམ་བཤད་བདག་ཧོན་ཐོར་ ༼༡༩༩༧ ལོར་ངས་ཨ་རིའི་ནང་འབུམ་རམས་པའི་སློབ་སྦྱོང་བྱེད་སྐབས། ཨ་རིའི་ནང་དུས་ཡུན་རིང་པོར་སྡོད་དགོས་པས། ཨ་རིའི་བྷོ་སི་ཊོན་བོད་རིགས་ཚོགས་པའི་ནང་དཔྱ་དངུལ་ཕུལ་བ་རེད། དེ་ནས་ངའི་བཟའ་ཟླ་དང་ངེད་གཉིས་ཀས་ཆད་ལྷག་མེད་པར་ས་གནས་འདི་རང་ལ་ཕུལ་བ་རེད།༽
ཁྱེད་ཀྱི་དཔྱ་དངུལ་ག་ཚོད་སྤྲད་ཡོད་མེད་ག་དུས་སྤྲད་ཡོད་མེད་སྐོར་ལ་བདག་གིས་ཉིན་ཤས་རྗེས་སུ་རྒྱས་ཤིང་རྒྱས་པ་ཞིག་ཁྱེད་རྣམ་པའི་འདྲེན་བྱེད་དབང་པོར་བཤམས་རྒྱུ་ཡིན།
བདག་་གིས་མུ་ཐུད་ནས་བློ་སེང་གི་སྐོར་ལ་ཞིབ་འཇུག་བྱ་དང་བྱེད་བཞིན་ཡོད།
རྗེས་སུ་་་་་་་་་་་་།
བློ་བཟང་སང་གེ་ལགས། བཀྲ་་ཤིས་བདེ་ལེགས། ཕ་བཟང་གི་བུ་ཁྱེད་ཀྱི་གསུངས་བ་བཞིན། བོད་རང་བཙན་མྱུར་དུ་རག་ནས་༸གོང་ས་མཆོག་བོད་ཀྱི་རྒྱལ་ས་ལྷ་སའི་ཕོ་བྲང་པོ་ཏ་ལ་རུ་མྱུར་ཕེབས་་ཡོང་བའི་སྨོན་འདུན་ཞུ།
མཁས་དབང་མཆོག་ལ་དྲི་བ་ཞིག་ཡོད། ཉིད་ནས་བཀའ་བློན་གྱི་ཐུགས་འགན་མ་བཞེས་གོང་ནས་བཀའ་བློན་ཕྱག་རོགས་བཅོ་ལྔ་བསྐོས་འཚར་བའི་གནས་ཚུལ་ཞིག་ཁ་བརྡ་དྲྭ་བའི་མཆན་བུའི་ནང་བཀོད་འདུག་པས་དེ་དག་སུ་དང་སུ་ཡིན་གསུངས་མཆོག་གམ།
ད་ལྟའི་ཆར་བོད་གཞུང་ནང་བཀའ་བློན་བརྒྱད་ལས་མེད་ཀྱང་བཀའ་བློན་བཅོ་ལྔ་དགོས་པའི་རྒྱུ་མཚན་གང་ཡིན་ནམ།
ཉིད་ཀྱི་ལོ་རྒྱུས་ལ་ཞིགས་ན་དེ་སྔ་ལྡི་ལི་ཆུ་སྒང་གི་དྲུང་ཆེ་ནང་གནང་མྱོང་ཡོད་ཀྱང་ཉིད་ནས་དེའི་སྐོར་མི་མང་ལ་རྩ་བ་ནས་མི་ཤོད་པའི་རྒྱུ་མཚན་གང་ཡིན་ནམ།
ཉིད་ཀྱི་སློབ་སྟོན་པ་གཙོ་བོ་བཀའ་ཟུར་འཇུ་ཆེན་ཐུབ་བསྟན་ཡིན་བཞིན་ཏུ་ད་དུང་མི་མང་ལ་ཟབ་གདོང་རིན་པོ་ཆེ་ཉིད་ཀྱི་སློབ་སྟོན་པ་ཞུ་ཡུལ་ཡིན་ཞེས་གསུངས་དགོས་པའི་རྒྱུ་མཚན་གཙོ་བོ་གང་ཡིན་ནམ
བློ་སེང་གིས་བོད་ནས་ སླེབས་པའི་མི་ཞིག་ཀྱང་བཀའ་བློན་དུ་འདེམས་རྒྱུ་ཡིན་ཞེས་པའི་བོད་ནས་ཕེབས་པའི་ བཀའ་བློན་ནི་དགའ་ལྡན་གྲྭ་བག་གྲོ་ལགས་རེད།
དེ་མིན་བུད་མེད་ཡོད་པ་ ཞེས་པའི་བུད་མེད་གཅིག་ནི་ད་ལྡ་སྤྱི་འཐུས་ལས་ཐོག་པ་ཞིག་རེད། བུད་མེད་གཞན་པ་དེ་ད་ལྟ་ཕྱི་རྒྱལ་ལ་འཚོ་སྡོད་བྱེད་ཀྱི་ཡོད་རེད།
ད་དུང་ངས་ཁོང་གིས་བཀའ་བློན་གཞན་པ་སུ་སུ་ཡིན་མིན་ངས་ཞིབ་འཇུག་བྱེད་བཞིན་ཡོད།
རྗེས་སུ་་་་།
དྲ་གྲོགས་ཚོ་ལ་ཞུ་རྒྱུ་་་་་ང་ཚོའི་རྒྱལ་ཁབ་ཀྱི་བཀའ་ཁྲི་༢༠༡༡་ལོ་ཁོང་རྣམ་པ་གསུམ་པོ་གང་རུང་ངེས་པར་བཤད་མི་དགོས་པ་རེད་་་་དེས་ན་སོ་སོས་གང་འདོད་ལྟར་་་འོས་བླུག་པ་ལས་ཁོང་རྣམ་པ་གསུམ་ལ་དུས་རྟག་ཏུ་སྐྱོན་བརྗོད་མ་གནོངས་རོགས་ཡག་ཀྱང་འདྲ་སྡུག་ཀྱང་་འདྲ་མདོར་ན་བོད་ཀྱི་བཀའ་ཁྲི་ནི་ཁོང་གང་རུང་དུ་ངེས་པར་ཤེས་གསལ་རེད།་་་་་་སྐྱོན་ཆུང་ངུ་ཙམ་ཡང་མེད་པའི་བཀའ་ཁྲི་གཅིག་གལ་སྲིད་ཡོད་ན་ཁྱོད་རང་གིས་དང་པོ་ནས་མ་དཔྱད་པར་གང་ཡིན་་་་་་་ཐུགས་རྗེས་གཟིགས་་་གཞན་གྱི་ཕུན་ཚོགས་ལ་ཕྲག་དོག་མ་གནོངས་མ་རོགས་་་་་་་་་་་་་་་བོད་ཀྱི་རང་རྟགས་མ་སྟོན་རོགས་་་་་་་
འཇིག་རྟེན་ཡོངས་ཀྱི་མ་ཤེས་གང་།་དེ་ནི་ཐུབ་པའི་ལྟ་བུའི་མངོན།
དྲ་གྲོགས་ཚོ་ང་ཚོས་མཆན་སྤེལ་དུས་ངོ་མ་བསམ་བློ་ཡག་པོ་ཞིག་གཏོང་རོགས་ག་དུས་ཡིན་ཡང་ཁ་ཆགས་སྣ་རལ་ཁོ་ན་བརྗོད་ན་དགོས་པ་དང་རྒྱུ་མཚན་ཅི་ཡོད་དམ།
ང་རང་ཚོ་བོད་པས་བོད་པའི་མ་འོངས་པའི་བཀའ་ཁྲི་ཞིག་ནག་པོ་བཟོས་ཐབས་ཁོ་ན་བྱས་ན་དེ་ནི་དགྱ་གུང་ཁྲན་ལ་མཁོ་བའི་གཏམ་ཞིག་མ་རེད་དམ། རྗེས་སུ་གུང་ཁྲན་ཏང་གིས་ལག་ཆ་དེ་འཁྱེར་ནས་ང་ཚོར་ཚུར་རྒོལ་བྱེད་ངེས་རེད་སྙམ།
ཨ་མའི་བུ་ཟེར་བ་འདིའི་སྒོར་ག་ཚོད་རག་པ་ཡིན་ནམ་།
སྤྱི་ཚོགས་ནང་ཕུ་དཀྲུག་འདའ་དཀྲུག་མང་དག་བྱེད་ཀྱི་འདུག་།
ཨ་མའི་བུ་ཁྱོད་རངགིེས་བློ་སེང་ནས་ལྡི་ལི་ཆུ་བཞི་སྒང་དྲུག་གིས་ཆེད་མངག་ཕོ་གསར་དྲུག་བདུན་ཞིག་ལ་དངུལ་སྤྲད་དེ་ བཀྲས་མཐོང་བསྟན་འཛིན་རྣམ་རྒྱལ་ལགས་ཀྱི་འདྲ་པར་དེར་མཐོང་རྒྱུ་མེད་པ་བཟོས་ཡོད་ཞེས་པའི་སྐད་ཆ་དེར་དཔང་རྟགས་ཡོད་དམ་།ནང་ཁུངས་མ་དཀྲུག་ན་བཟང་།
ངས་བཀའ་ཁྲིའི་འོས་མི་ ཁོང་གཉིས་ཀྱི་སྐོར་ལ་མང་པོ་ཞིག་ཀློག་སྟེ་བསམ་གཞིགས་ཀྱང་མང་པོ་ཞིག་བྱས་པ་ཡིན། བློ་བཟང་སེང་གེ་ལྟ་བུ་མཚོན་ན། ང་ཚོ་བོད་རིགས་ཤིག་དངོས་གནས་ཧར་ཝར་ཌེ་གཙུག་ལག་ལ་ཁྲིམས་ཀྱི་སློབ་ཐོན་བྱུང་པ་ ནི་ཧ་ཅང་གི་ཡག་པོ་རེད་བསམ། ཡིན་ན་ཡང་ཁོང་རང་གི་སྟག་ཏུ་འུར་ཤོབ་ཆེན་པོ་བཤད་འདུག དཔེར་ན་ཁོང་རང་གི་ངོ་སྤྲོད་དེབ་ལྗང་ཁུ་དེའི་ནང་ལ་ཡང་དབུས་གཞོན་ནུ་ལྷན་ཚོགས་ ཀྱི་རྒྱུན་ལས་ཆུང་ཤོས་ཡིན་ཟེར་བ་དང་༢༠༠༣་ལོར་སྔོན་དུས་སུ་གང་གིས་གོ་སྒྲིག་ བྱེད་མ་མྱོང་༸གོང་ས་མཆོག་དང་རྒྱ་ནག་གི་མཁས་དབང་དབར་མཇལ་འཕྲད་ཀྱི་གོ་སྒྲིག་བྱས་ཟེར་བ་སོགས་མང་པོ་ཞིག་བྲིས་འདུག དེ་དག་དངོས་ཡོད་གནས་ཚུལ་མ་རེད།
བློ་བཟང་སེང་གེ་ལགས་དངོས་ཡོད་ཀྱི་གནས་ཚུལ་རྡ་ས་ཆོས་བཞི་སྒང་དྲུག་ཆེ་ལོ་གཅིག་དང་ཕྱེད་ཀ་ཙམ་བྱས་མྱོང་བའི་ཁོང་རང་གིས་མི་བཤད་པ་མ་ཟད་དེབ་ལྗང་ཁུ་དེའི་ནང་ལ་ཡང་རྩ་བ་བཀོད་མི་ འདུག
ལྡི་ལི་མན་ཇུ་ཁྲི་ལི་སོགས་ལ་བཀའ་ཁྲི་འོས་མི་བཀྲས་མཐོང་བསྟན་འཛིན་རྣམ་རྒྱལ་ལགས་ཀྱི་འདྲ་པར་གྱང་ སྡེབས་སོགས་ལ་རྩ་བ་ནས་མཐོང་རྒྱུ་མེད། ལྡི་ལི་ཆུ་བཞི་སྒང་དྲུག་གིས་ཆེད་མངག་ཕོ་གསར་དྲུག་བདུན་ཞིག་ལ་དངུལ་སྤྲད་དེ་ བཀྲས་མཐོང་བསྟན་འཛིན་རྣམ་རྒྱལ་ལགས་ཀྱི་འདྲ་པར་དེར་མཐོང་རྒྱུ་མེད་པ་བཟོས་ ཡོད། དེའི་ཐོག་ནས་ང་ཚོས་བཀའ་ཟུར་འཇུ་ཆེན་ཐུབ་བསྟན་དང་བློ་བཟང་སེང་གེའི་བར་གྱི་ འབྲེལ་བ་བསམས་གཞིགས་ཤིག་མ་བྱས་རང་བྱས་འཁེལ་སོང།
ང་ནི་བློ་བཟང་སེང་གེ་བཀའ་ ཁྲིར་བདམས་པ་ཡིན་ན་ཞེས་ནི་རེད། ན་ནིངས་གྲོས་ཚོགས་ནང་ལ་དཔུང་ཁག་བསྒྲིགས་ཏེ་གྲོས་ཚོགས་ཚུགས་མི་ཐུབ་པ་དགྲ་དགའ་སྙིང་སྡུག་བཟོས་སོང། ད་ལོ་བཀའ་ཁྲི་དཔུང་ཁག་སྒྲིག་མཁན་ཞིག་འདེམས་པ་ཡིན་ན། ན་ནིངས་ཀྱི་གནས་ཚུལ་ལྟར་ཡོང་རྒྱུར་ངེས་པས། ང་ཚོས་བསམ་བློ་་་་་་་་་་་་་་་་།
གྲོགས་པོ་ཚོ་ཁྱེད་ཚོས་༼ང་རང་མི་གཅིག་ཡིན་པ་ཡིན་ནའང་འདིར་དཔུང་སྒྲིག་པ་སླེབས་པ་ཡིིན༽ཞེས་པ་དེ་ཐེངས་གཅིག་ཉོན་དང་དེ་ནས་ཨ་ཕོ་བློ་སེང་མི་གང་འདྲ་ཡིན་མིན་ལ་བསམས་གཞིགས་སམ་བློ་སྟོབས་གསར་བ་ཞིག་སྟེར་ངེས།
དྲ་རྒྱའི་ཁ་བྱང་ནི་འདི་རེད། http://www.khabdha.org/?p=13559
༄༅། །ཨ་མའི་བུ་ཞུ་བ་ཁྱེད་ལ་དྲི་བ་ཞིག་ཡོད། དྲི་བ་ནི། ཁྱེད་རང་གིས་གོང་དུ་བསམ་ཚུལ་ལམ་ཡང་ན་རྐྱོན་འཛུག་ག་རེ་ཡིན་ཀྱང་ལྡི་ལི་”ཆོས་བཞི་སྒང་དྲུག་”ཟེར་བ་དེ་ཆོས་བཞི་དེ་ག་རེ་ག་རེ་རེད་གསུངས་རོགས་གནང་། དེ་ནི་སློབ་སྦྱོང་གསར་པ་ཞིག་རག་ངེས་རེད། “ཆུ་”བཞི་སྒང་དྲུག་ནི་ཤེས་ཀྱི་ཡོད། ཡིན་ན་ཡང་”ཆོས་བཞི་”གོ་མྱོང་མེད།
ཨ་མའི་བུ་ལགས་་་་ཁྱེད་རང་་མཁས་དབང་ བློ་སེང་ལགས་ཀྱིས་ཁོང་རང་གཏམ་བཤད་ཉན་དུ་གང་སར་ཕྱིན་པ་ཡིན་ན་
ཁྱེད་ཀྱི་དོག་པ་དེ་ཁོང་ལ་བཀའ་འདྲི་མི་གནང་བར་ཅི་ཡིན་ནམ
ད་འཆར་གཏམ་བཤད་དེ་མི་སེམས་མ་དཀྲུག་ན་བཟང་།
http://www.kalontripafortibet.org དགོངས་པ་མ་ཚོམས། ཀློག་ཀླད་ཀྱི་སྐྱོན་རེད་འདུག། ད་ངའི་བོད་ཡིག་མཐོང་སོང
གང་ལྟར་ཀྱང་མཐའ་མའི་འོས་གཞིའི་ནང་མི་གསུམ་རང་རེད། མང་མེད་ལ་ཉུང་ཡང་མི་འདུག།འོན་ཀྱང་དེའི་ནང་གཞོན་རབ་པ་གཅིག་ལས་མེད་པ་བློ་ཕབ་པ་ཞིག་རེད། དེ་རིང་ལས་དཀའ་མེད་ཐག་ཆོད་ནས་མཁས་དབང་བློ་སེང་ལགས་ལ་དྲི་བ་བཅུ་ཞེས་པ་འདི་ལ་བལྟ་བཞིན་ཡོད། དྲི་བ་༣་ལན༼ རྒྱལ་སྤྱིའི་ཚོགས་སྡེ་ཁག་ནས་རྒྱབ་སྐྱོར་འཚོལ་ཐབས། རྒྱ་གར་དབུས་གཞུང་གི་རྒྱབ་སྐྱོར་རྒྱུན་གནས་ཐུབ་ཐབས་དང༽
དྲི་བ་༤་བའི་ནང་༼འབྱུང་འགྱུར་གྱི་ལོ་ ༥༠ ནང་ང་ཚོས་གཞན་རྟེན་གྱི་བསམ་བློ་དོར་ནས་རང་མགོ་རང་ཐོན་ཆགས་པ་བྱ་དགོས།༽ཞེས་གསུངས་འདུག་ན། དྲི་བ་གཅིག་ཡོད་་་་་་་མཁས་དབང་ཁྱེད་འབྱུང་འགྱུར་གྱི་བཀའ་ཁྲིར་སླེབ་ནརྒྱ་གར་གཙོའི་རྒྱལ་སྤྱིའི་ཚོགས་སྡེ་ཁག་གི་རྒྱབ་སྐྱོར་འཚོལ་ཐབས་བྱེད་རྒྱུ་ཡིན་ནམ་ཡང་ན་གཞན་རྟེན་གྱི་བསམ་བློ་དོར་དེ་མི་རྐྱང་རྟ་རྐྱང་གི་རང་མགོ་རང་ཐོན་བྱེད་རྒྱུ་ཡིན།
དྲི་བ་༦་པའི་དཔྱ་དངུལ་ལག་དེབ་ཀྱི་ཁྲལ་སྤྲད་ཡོད་སྐོར་གསུངས་སྟངས་ལ་། དཔྱ་ཁྲལ་སྤྲད་པ་དེ་རང་ཉིད་ཀྱི་མདུན་ལམ་གྱི་རྒྱུད་རིམ་ཆེད་དུ་ཡིན་པ་ལས་གཞན་མི་འདུག་ཀྱང་། དེབ་སེར་པོའི་ཐོག་འགྲུམ་འགྲིལ་བྱེད་བཞིན་པ་དེ་ལ་ཡི་རིང་ཞུ་གིན་ཡོད།
བློ་སེང་ཁྱེད་རང་བཀའ་ཁྲི་ཐོབ་རྒྱུ་བོད་རིགས་སྤུན་སྲིང་གཞོན་ཀུན་གྱིས་འདོད་པ་ཡིན་ནོ།།
ཨ་མིའི་བུ་ལགས་།
ཁྱེད་ཀྱིས་རྙོག་གླེང་དེ་ཆུ་སྒང་གསར་རྙིང་དཀྲུག་ཤིག་རང་ལས་།
བོད་གཞུང་ལ་ཕན་ཐོག་དང་བློ་སེང་ལ་སྐྱོན་བརྗོད་བྱས་ཁུལ་ཧཧཧཧ།
བླུག་དང་མ་བླུག་སོ་སོའི་རང་དབང་རེད་ལོ་
ཨུག་ཚུག་རྒྱབ་མཁན་སུ་ཡང་མེད་ཧཧཧཧཧཧོ།
མཁས་པ་མཁས་པའི་ནང་དུ་མཛེས་།
ཟེར་བ་བཞིན་དུ་མཁས་དབང་བློ་སེང་མཆོག་མ་འོང་བཀའ་ཁྲིའི་འགྲེན་རྩོད་ལས་རྒྱལ་ཁ་ཐོབ་པའི་སྨོན་འདུན་ཞུ་།
ཁ་བརྡ་དྲ་ཁང་ནས་བཤུས།
http://www.khabdha.org/?p=14322#comments
༢༽ དོན་གྲུབ་ཚེ་རིང་ནས།
སྤྱི་ལོ་ ༢༠༡༠ ཟླ་ ༡༢ ཚེས་ ༢༠ གི་ཆུ་ཚོད་ ༠ སྐར་མ་ ༠༦
ང་ཡང་ད་ལོའི་བཀའ་ ཁྲི་དེ་མི་རབས་གསར་བ་གཞོན་སྐྱེས་ཤིག་དགོས་ཀྱི་འདུག་ཞེས་འུར་སྒྲོག་མཁན་གྱི་ གྲས་ཤིག་ཡིན། དེ་མ་ཟད་གང་ཟག་གཞན་དང་སློབ་མ་ཁག་ལ་འབོད་སྐུལ་བྱ་མཁན་ཞིག་ཀྱང་ཡིན། དེ་རྗེས་དྲ་ལམ་ཁག་ཏུ་མཁས་དབང་བློ་སེང་ལགས་ལ་རྒྱབ་སྐྱོར་བྱ་མཁན་དང་་དགག་བྱ་ བྱེད་མཁན་མང་བོ་གྲོག་ཚང་བརྡོལ་བ་ལྟར་རིམ་བཞིན་ཐོན་སོང་། དེར་བརྟེན་ངས་མཁས་དབང་བློ་སེང་གི་སྐོར་ལ་ཞིབ་འཇུག་ཕྲན་བུ་ཞིག་བྱས་པ་ཡིན། ཁོང་རང་མི་འུར་ཤོབ་ཚ་བོ་དང་ལྡི་ལི་ཆོས་བཞི་སྒང་དྲུག་དང་འབྲེལ་བ་ཡོད་མཁན་ ཞིག་རེད་འདུག
ལྡི་ལི་ཆོས་བཞི་སྒང་དྲུག་གི་གཙོ་བོ་བཀའ་ཟུར་འཇུ་ཆེན་ཐུབ་བསྟན་ལགས་རེད།
རྒྱུ་མཚན་དུ་མ་ཞིག་བརྟེན་ཏེ་ངའི་རིན་བྲལ་གྱི་འོས་ཤོག་དེ་ད་མཁས་བློ་བཟང་སེང་གེ་ལ་བླུགས་ཀྱི་མིན།
ཡིན་ནའི་བདག་མཁས་དབང་ བློ་སེང་ལགས་ཀྱིས་ཁོང་རང་གཏམ་བཤད་ཉན་དུ་གང་སར་ཕྱིན་པ་ཡིན་ཁོ་ཆོས་བཞི་སྒང་ དྲུག་གསར་པའི་དྲུང་ཆེ་བྱ་མྱོང་བའི་རྩ་བ་ནས་གསུང་གིན་མི་འདུག
དེར་མ་ཟད་ཁོང་རང་ངོ་སྤྲོད་དེབ་ལྗང་ཁུ་དེའི་ནང་ལའང་བཀོད་མི་འདུག
དེའི་རྒྱུ་མཚན་ཞིག་གསུང་རོགས་གནང།
བློ་སེང་ཁྱེད་རང་གི་བོད་ནས་སླེབས་པའི་མི་ཞིག་བཀའ་བློན་ནང་ལ་བཀོད་ཀྱི་ཡིན་ཞེས་བརྗོད་ཀྱི་འདུག བོད་ནས་སླེབས་པའི་མི་དེ་དགའ་ལྡན་བག་གྲོ་རེད་ཟེར་གྱི་འདུག་དེ་གནས་རེད་དམ། ལན་ཁ་གསལ་བརྗོད་རོགས།
དྲ་གྲོགས་ཚོས་བོད་པའི་རིན་ཐང་ཅན་གྱི་མིང་ཚིག་དེ་བེད་སྤྱོད་གང་བྱུང་མི་གཏོང་རོགས།
དུབ་བབ་ཚང་གི་བློ་སེང་གི་དྲི་བ་རྙིང་པ་རྣམས་དང་མཁས་དབང་ཁོང་གི་འདྲ་པར་ཁྱབ་བསྒྲགས་གནང་བར་དགོས་པ་རྒྱུ་མཚན་ཡོད་ད་ཡོད།
བློ་བཟང་སེང་གེ་ཟེར་བའི་མཁས་དབང་དེ་བོད་ཀྱི་ཐུན་མིན་རིག་གཞུང་རིག་གནས་ཆེ་ཁག་དང་ཆུང་ཁག་གང་ལ་མཁས་པ་རེད། ཁོང་བོད་པའི་མཁས་དབང་རེད་ད།
གལ་ཏེ་ཁོང་ངའི་ས་ཆར་སླེབས་ཏེ་མི་མང་ལ་དྲི་བ་དྲི་ལན་གནང་ཚེ་ངས་ཁོང་ལ་དྲི་བ་ཞིག་ཡོད་པ་ནི་དུས་བབ་དྲ་སྟེང་དུ་ཁྱེད་ཀྱི་མིང་ཅན་ནས་རྩོམ་བྲིས་སམ་བསམ་ཚུལ་བོད་ཡིོག་ཐོག་ཡོད་པའི་བོད་དྲུང་སུ་རེད་ཅེས་པ་དེ་རེད།
ལྷག་བསམ་དང་ཤེས་ཡོན་གཉིས་ལྡན་གྱི་མཁས་དབང་མཆོག་རྣམ་པར་རྒྱལ་བར་སྨོན། བོད་རྒྱལ་ལོ།
མཁས་དབང་ཟེར་མཁན་གྱི་མི་འདི་ཚོས། མཁས་དབང་ངམ་མཁས་པའི་དབང་བོ་ཞེས་པའི་ཚིག་དོན་ཙམ་ལའང་གོ་ཤེས་ཤིག་ཡོད་ན། ཁོ་ཚོའི་ཁ་ན་ཅི་འདྲའི་མཁས་དབང་མང་བ་ལ།
བོད་ཀྱི་ཡིག་རྨོངས་པའི་གྲོང་སྡེ་ཚོའི་ནང་དུ་ཁ་བེད་ལྕེ་བདེ་ཅན་གྱི་སྡེ་དཔོན་དང་གཏམ་བཤད་ལ་བྱང་ཆ་ཡོད་པ་ཚོར་མཁས་པ་ཟེར་བ་ལྟར། བཙན་བྱོལ་དུ་ཆེས་སྦྱོང་བ་ཁོང་ལྟ་བུ་ལ་མཁས་དབང་ཟེར་བ་གཉིས་ཅི་འདྲའི་ཡིད་སྐྱོ་བའི་གནས་ཤིག་རེད་ཨང་།
བློ་སེང་ལགས་བཀའ་ཁྲི་ཐོབ་པའི་སྨོན་འདུན་ཡོད། བཀྲ་ཤིས་བདེ་ལེགས། །
མཁས་དབང་ཁྱེད་ལ་སླད་མེད་ཀྱི་འཚམས་འདྲི་ཞུ་བཞིན་ཡོད་དྭ།
བསམ་ཤེས་ཅན་ཞིག་དང་བོད་དོན་ལ་སེམས་ཁུར་ཡོད་མཁན་ཞིག་ཡིན་ན་དགའ་བ་དང་ཡི་རང་བསྔགས་བརྗོད་འོས་པའི་གནས་སུ་མཐོང་ངེས་་་་་་་་་་་་་་་་
འབྱུང་འགྱུར་གྱི་བསམ་དོན་ཡིད་བཞིན་དུ་འགྲུབ་པའི་སྨོན་འདུན་ཡོད་་་་་་་་་་་་
མཁས་དབང་མཆོག་ལ་འཚམས་འདྲི་བཀྲ་ཤིས་བདེ་ལེགས་ཞུ།
མཁས་དབང་མཆོག་གི་བཀའ་ལན་རྣམས་ཀྱིས་མཁས་དབང་ཁོང་གི་སློབ་སྦྱོང་དང་སེམས་ཤུགས།སྤོབས་པ་དང་མཐོང་རྒྱ་སོགས་ཀྱིས་ཤེས་ཡོན་ཧ་ཅང་ཟབ་པོ་ཡོད་པ་མཚོན་པ་བརྟེན།བསམ་ཤེས་ཅན་ཞིག་དང་བོད་དོན་ལ་སེམས་ཁུར་ཡོད་མཁན་ཞིག་ཡིན་ན་དགའ་བ་དང་ཡི་རང་བསྔགས་བརྗོད་འོས་པའི་གནས་སུ་མཐོང་ངེས་རེད།
མ་འོང་འབྱུང་འགྱུར་གྱི་ལོ་ལྔ་ནང་མཁས་དབང་ཁོང་གི་བཀའ་ཁྲིའི་མཚན་
ཐོག་ནས།བོད་མི་དམངས་ལ་ཕན་པའི་ཕྱག་ལས་གནང་ཐུབ་པའི་ཡིད་ཆེས་
དང་རེ་བ་ཡོད་པ་ནི་ཕྲན་ཙམ་ག་ལ་ཡིན། འོན་ཀྱང་དགོངས་འཆར་ཡོད་པ་བཞིན་ལས་དོན་རྣམས་ལེགས་འགྲུབ་ཡོང་
ཐུབ་མིན་ནི་ཁོག་གི་ཕྱག་སྦྲེལ་བཀའ་སློན་རྣམ་པ་དང་མི་དམངས་ཀྱི་དངོས་
ཚབ་སྤྱི་འཐུས་རྣམས་ཀྱིས་ལྷག་བསམ་དང་དྲང་བདེན་ལ་འབྲེལ་བ་ཡོད་པ་དང་དེ་དག་གིས་རྒྱབ་སྐྱོར་དང་ཐག་གཅོད་ལ་རང་ལས་པས།་འབྱུང་འགྱུར་གྱི་སྤྱི་འཐུས་ནི་ཤིན་ཏུ་ནས་གལ་ཆེ་བ་ལགས་ན་མི་དམངས་རྣམས་ཀྱིས་དེ་བཞིན་
དགོངས་པ་བཞེས་ཕྱོགས་མ་ནོར་བ་གནང་དགོས༎
མཁས་དབང་མཆོག་ལ་བཀྲིས་བདེ་ལེགས་ཞུ།
མི་གཉིས་ཀྱི་ནང་ནས་སྐབས་འདིར་ཤིན་ཏུ་འོས་པ་དེ་ཁྱོད་རང་རེད་། ང་ཚོའི་འོད་རང་གི་
ཁྱོགས་སུ་ཡོད་པས། དུས་ནམ་ཡང་ མགོ་མ་འཁོར། དཔའ་མ་ཞུམ་། གསོན་ཤུགས་ཅན་གྱི་
ན་གཞོན་ལགས།
དྲི་བ་འདི་རྣམས་བློ་བཟང་མཆོག་ལ་ཕན་ཐོགས་ཆེན་པོ་ཡོང་ངེས་འདུག མ་འོངས་པའི་བཀའ་ཤག་གི་སྒྲོམ་གཞི་ཡང་ཁ་གསལ་ཙམ་འདུག ཕལ་ཆེར་བཀའ་ཁྲི་ཁོང་ཉིད་དུ་ངེས་པས་ད་དུང་ང་ཚོར་དུས་ཚོད་ཡོད་པས། ང་ཚོས་ད་དུང་མང་ཙམ་གླེང་དགོས་པ་གལ་ཆེན་དུ་མཐོང་།
མཁས་དབང་མཆོག་ལ་བཀྲ་ཤིས་བདེ་ལེགས་དང།
དྲ་བ་ཁག་ལ་གནད་འཁེལ་གྱི་གྱིས་བཀའ་ལེན་བྱུང་འདུག་པས་
ཕྲན་རང་འདོད་བློ་ཡོངས་སུ་ཚིམ་།
འབྱུང་འགྱུར་གྱི་བསམ་དོན་ཡིད་བཞིན་དུ་འགྲུབ་པའི་སྨོན་འདུན་ཡོད་