བཀའ་བློན་ཁྲི་པར་ནམ་ཕེབས་རེད། – རྨོག་རུ་བསྟན་པ།

མཁས་དབང་བློ་བཟང་སེང་གེ་ལགས་ནི་བོད་མི་རིགས་ཀྱི་གསར་སྐྱེས་ཤེས་འཇོན་གཉིས་ལྡན་གྱི་མི་རབ་གསར་པ་ཞིག་དང་། བོད་མི་ཡོངས་ཀྱི་རེ་འདུན་ཞུ་འུས་པའི་མ་འོངས་པའི་བཀའ་བློན་ཁྲི་པ་ངོ་མ་དེ་ཡིན་།

སྐུ་ངོ་བཀྲས་དབང་མཆོག་གི་གདོང་རིས་གཞི་ནས་གསལ་སོང་། ང་ལྟ་བུར་མཚོན་ན་བཀྲས་དབང་མཆོག་ལ་དེ་ཙམ་གྱི་རྒྱུས་མངའ་མེད་ཀྱང་ད་ཐེངས་ཁོང་གིས་ཡ་མ་གཟུགས་ཀྱིས་གནང་སྟངས་དེ་རང་ནས་ཁོང་གི་འདས། མ་འོངས། ད་ལྟའི་གནས་བབ་ཡོངས་སུ་རྟོགས་སོང་། ད་རྒྱུག་ཁྱི་ཁྱོད་ཚར་སོང་། མཇུག་མ་གཡུགས་ཀྱང་སྟོང་པ་རེད།

མང་གཙོ་ཟེར་བ་གང་འདྲ་ཞིག་ལ་ཟེར་གྱི་ཡོད་མེད་མི་ཤེས་པའི་མི་བུ་དག་གིས། མང་གཙོའི་ཐོབ་ཐང་ལེན་པ་ནི། སྤྱི་ཚོགས་འདིའི་ཁུར་བོ་ཞིག་གམ་ཡང་ན་མང་ཚོགས་ནང་གི་ནད་རྙིང་ཞིག་ཡིན་པ་ལས། ང་དང་ང་འདྲ་དག་ལ་དགོས་མཁོ་ཡོད་པའི་སྨྲ་ཤེས་དོན་གོ་བའི་མི་ཞིག་མིན་པ་ནི། ཁོ་པ་ཚོའི་ནེ་ཙོས་མ་ཎི་འདོན་པ་དང་། འུག་པས་ཆོས་བཤད་བྱེད་པ་ལྟ་བུའི་སྐད་ཆ་དེ་དག་ལས་ཤེས་ཐུབ།
དོན་དང་ལྡན་པའི་སྐད་ཆ་འགའ་ཤས་ཤིག་དོགས་སེལ་གྱི་ཚུལ་དུ་ཞུ་འདོད་པ་ནི། བོད་གཞུང་སློབ་གྲྭ་མཐར་ཕྱིན་ཏེ་ལྷོ་ཨེ་ཤེ་ཡའི་ནང་དུ་མཁས་པའི་མཚན་སྙན་ཐོབ་པའི་གང་ཟག་ཁྱད་པར་བ་ཞིག་ལ་བོད་ཡིག་མི་ཤེས་པའི་སྐྱོན་བརྗོད་བྱེད་པ་ནི། ཞེ་སྡང་གི་མེ་ལྕེ་ཁོག་ནས་འབར་ཏེ། ཕྱོགས་ཞེན་གྱི་དུང་བ་ཁ་ནས་ཐོན་པ་ཞིག་ལས། གནས་ལུགས་དང་རྒྱུ་མཚན་ལྡན་པའི་བདེན་གཏམ་ཞིག་ག་ལ་ཡིན།

ཡང་བློ་གྲོས་རབ་བརྟན་ཟེར་བ་ཞིག་གིས། :གྲུབ་འབྲས།བཟང་སླ་ང་གང་བོ། ངན་སྐྱོགས་གང་གིས་བརླག་སོང་:ཞེས་བཀྲས་དབང་ལ་སྐྱོན་བརྗོད་བྱེད་ཁུལ་བྱས་ཀྱང་། ཁོས་བཤད་པ་ལྟར་ན་སྐུ་ངོ་བཀྲ་ཤིས་དབང་འདུས་ལགས་ཀྱི་རྐྱོན་ནི་ཁོང་བཀའ་ཁྲིའི་འོས་མིར་བཞངས་པ་དེ་རེད་འདུག དངོས་གནས་གད་མོ་ཤོར་ཡ་རང་རེད།

ཆབ་སྲིད་པ་ཆེ་གེ་མོ་ཞིག་གིས་མང་ཚོགས་ཀྱི་ཆུ་སྣ་གར་འཁྲིད་བྱས་སྟེ་བོད་མིའི་ལས་དབང་ངོ་མ་དེ་ནམ་ཡང་རྟོགས་མེད་ལ་། བཀའ་ཁྲིའི་མ་འོངས་པ་བློ་ཡུལ་ཙམ་ལ་ཡང་འཁོར་མྱོང་མེད །
བཀའ་ཁྲིའི་དར་རྒུད་ནི་བོད་མིའི་ཉམས་རྒུད་མིན་ཀྱང་བོད་མིའི་སྐྱིད་སྡུག་ནི་བཀའ་ཁྲི་ལ་ཁེད་དགོས་པ་༧་གོང་ས་མཆོག་གིས་ཆེས་བགྲེས་ཡོལ་ཞེས་པའི་བཀའ་གསུང་ལས་ཤེས་དགོས ། བོད་མིའི་བདེན་མཐའ་སེལ་ཐུབ་མིན་ནི་བཀའ་ཁྲི་ལོ་ཆེ་ཆུང་ལ་རེག་ལས་མེད །

སྙིང་ཉེ་བའི་ཀློག་པ་ པོ་རྣམ་པ་ལགས། སྤྱིར་བཏང་གི་ངས་ཅི་ཡང་མི་ཤེས་པ་དང་ང་ཚོས་ཁོར་ཡུག་གི་རྨོངས་བ་ཧ་ཅང་སྟུག་པ། མི་བུ་མང་མང་གི་བསམ་བློའི་མིག་ཁ་ཕྱེས་མེད་པ་སོགས་གཞི་བྱས་ཐོག སྐད་ཆ་དྲང་མོ་རེ་བཤད་ཀྱང་ནུས་པ་ཆེར་མེད་མོད་ང་ནི་རང་ཉིད་རང་གི་བསམ་བློའི་ ཆེད་དུ་གསོན་པ་ཞིག་ཡིན་ཕྱིར་དང་་་་་་།
གོང་ཞུས་རྒན་ལྷ་བཟང་ཚེ་རིང་དང་སྐྱེས་སར་ཀླུ་སྒྲུབ་སོགས་དྲ་གྲོགས་ཁ་ཤས་ཀྱིས་ བཤད་པར་གནས་ལུགས་ཧ་ཅང་ཡོད་པར་སྙམ་ལ། འདི་ནི་དོན་དངོས་ཐོག་གཟབ་དགོས་ས་ཞིག་ཀྱང་རེད་འདུག གལ་སྲིལ་མི་རིགས་རང་གི་སྐད་ཡིག་གི་སྟེང་ནས་ཟིན་བྲིས་ཙམ་ཡང་འབྲི་མི་ནུས་པའི་ སྐྱེས་བུ་ཞིག་རྒྱལ་ཁབ་ཞིག་གི་བཀའ་ཁྲིར་བསྡད་པ་ཡིན་ན་མི་རིགས་གཞན་དང་རྒྱལ་ ཁབ་བཞན་གྱིས་ང་ཚོར་ཅི་ཞིག་ཟེར་རམ། ཐ་ན་རྒྱ་ནག་གཅིག་པུས་ཀྱང་་་་་་།
ད་དུང་ད་ལོའི་ཉིན་ཞིག་ལ། བློ་བཟང་སེང་གེ་མཚན་ཉིན་གྲྭ་ཚང་གིས་གདན་ཞུས་ལྟར་ང་ཚོ་ཕྱི་དྲོའི་ཆུ་ཚོད་ལྔ་ པའི་སྟེང་མཚན་ཉིད་ཚོགས་ཁང་དུ་འཛོམས་ཤིང་ཆུ་ཚོད་གསུམ་ཙམ་དུ་གཏམ་བཤད་དང་བགྲོ་ གླེང་བྱས། མཐར་གྲྭ་བཙུན་ཞིག་གིས་བཀའ་འདྲི་ཞུ་རྒྱུར་་་ཁྱེདཀྱིས་རྩོམ་ཡིག་མང་པོ་འབྲི་ བཞིན་ཡོད་གསུང་པ་དེ་དག་བོད་ཡིག་གི་སྟེང་ནས་འབྲི་བཞིན་ཡོད་དམ་དབྱིན་ཇིའི་ སྟེང་ནས་འབྲི་བཞིན་ཡོད། ཡང་རྗེས་སོར་ང་ཚོའི་དུས་དེབ་དང་ཚགས་པར་གང་ཞིག་ལས་མཇལ་ཐུབ་པ་རེད་་་ཅེས་དྲིས་ པར་ཁོང་གིས་གསུང་དོན། དུས་བབ་དང་པང་ཆེན་སོགས་ལས་མཐོང་ཐུབ་ཀི་རེད་གསུང་པ་ལས་དྲི་བ་དང་པོ་དེར་ཁྱོན་ ནས་ལན་བརྒྱབས་མ་སོང་ལ་དེར་གནད་དོན་ཞིག་ཡོད་པ་ནི་ཁོ་རང་གི་གསང་པ་ཤོར་འགྲོ་ བས་ཡིན་པ་ནི་བདེན་པ་དང་དངོས་ཡོད་་ཡིན་པ་དེ་འོ།།

དྲ་གྲོགས་བསྟན་འཛིན་འཕགས་པ་ལ།
ཁྱེད་ཀྱི་ཟིན་བྲིས་ཀྱི་མདུན་ངོར་བཀོད་པའི་བསམ་གཞིགས་ཀྱི་ཁ་ཕྱོགས་དེ་དག་ལ་དགའ་བོ་བྱུང་།
ནམ་ཡང་ལངས་ཕྱོགས་དང་དམ་ཚིག་མི་འགྱུར་བའི་རེ་འདུན་ཡོད།

ངས་རྨོག་རུ་ལ་འདེབས་པའི་ཟིན་བྲིས་དྲ་བ་གཤམ་གསལ་ལྟར་ཡིན་པས་ལྷས་རྒྱས་ཀྱི་གཟིགས་རོགས་ཞུ་།https://tibettimes.net/wordpress/blogs.php?id=312&post_id=13353་

ལོ་ལྔ་བཅུའི་རྗེས་ཀྱི་ད་ ཆ་ལ་མཚོན་ན། རྒྱ་ནག་གཞུང་གིས་བོད་རྒྱའི་གནད་དོན་ཐག་གཅོད་བྱེད་པའི་གོ་རིམ་ནང་དུ། བཙན་བྱོལ་བོད་ཀྱི་དམངས་གཙོའི་ལམ་སྲོལ་འདི་མུ་མཐུད་གནས་ཤིང་། གཉིས་སྨན་དབུ་མའི་ལམ་ནས་བོད་དོན་ཐག་གཅོད་བྱས་པའི་རྗེས་སུ་བཙན་བྱོལ་བོད་ཀྱི་ དམངས་གཙོའི་ལམ་སྲོལ་འདི་ཆོལ་གསུམ་གཅིག་ཏུ་སྒྲིལ་བའི་ས་ཁོངས་ཧྲིལ་པོར་ཁྱབ་ རྒྱུར་ངེས་པ་འདི་ཉེན་ཁ་ཞིག་ཏུ་མཐོང་གི་ཡོད་པ་ལས། སྤྱི་ཚོགས་རྙིང་པ་ཟེར་བ་ཞིག་ཡོང་རྒྱུ་མེད་པ་ཤེས་ཀྱི་ཡོད་ནའང་། བོད་ཕྱི་ནང་བར་དང་བོད་གཞུང་མང་བར་གྱི་མཐུན་ལམ་ལ་གས་ཁ་གཏོང་ཆེད་དུ་སྤྱི་ ཚོགས་རྙིང་པ་རོི་ལངས་རྒྱག་གི་ཡོད་པ་དེ་དྲིལ་སྒྲོག་ཡོ་བྱད་ཚོའི་ནང་གི་ནུས་པ་ ཆེ་ཤོས་གཅིག་ལ་བརྩི་གི་ཡོད་པར་ལྟར་ཀླད་པ་སྟོང་བ་བསྟན་བཤིག་ཕག་པ་ལྟ་བུས་རྒྱ་དམར་རྒྱབ་སྐྱོར་ལྟ་བུའི་སྐུ་དྲག་ཞེས་པའི་མིང་ཚིག་དེ་བེད་སྤྱོད་བྱེད་ཀྱི་འདུག རྗེས་སུ་དེ་ལྟར་་་་་་་་་་།

སྒོར་མོས་བསླུས་པའི་མགོ་བོ་དེ་དག་ལ།
ངས་བློ་བཟང་སེང་གེར་རྒྱབ་སྐྱོར་ཕྱིར་འཐེན་བྱས་པ་ཡིན། དང་པོ་ན་གཞོན་ཞིག་སླེབས་ན་ཡག་པོ་ཞེ་དྲག་ཡོང་ས་རེད་དྲན་ནས་བློ་བཟང་སེང་གེར་རྒྱབ་སྐྱོར་བྱས་རེད། ཡིན་ཡང་ཟླ་ཤས་ནང་ངོས་ལེན་དང་དགའ་བསུ་བྱེད་མི་ཐུབ་པའི་གནས་ཚུལ་མང་བྱུང་སོང་། དཔེར་ན། བློ་བཟང་སེང་གེའི་རྒྱབ་སྐྱོར་བ་ཁག་གཅིག་གིས་ངེས་པར་དུ་ཁོ་ལ་ཐོབ་དགོས་པའི་ཨུ་ཚུགས་བྱེད་ཀྱི་འདུག གལ་སྲིད་ཁོ་ལ་ཐེངས་འདིར་བཀའ་ཁྲི་མ་ཐོབ་ན་རྗེས་མ་ནས་ཁོས་བོད་དོན་ཐོག་ལས་ཀ་བྱེད་ཀི་མ་རེད། ཐེངས་འདིར་ཁོ་ལ་བཀའ་ཁྲི་མ་ཐོབ་པ་ཡིན་ན་ཐེ་ཝན་ལ་འགྲོ་གི་རེད་ཟེར་ནས་ཞེད་སྣང་བཟོ་མཁན་ཡང་འདུག སྐད་ཆ་འདི་དག་གི་ཐོག་ནས་བློ་བཟང་སེང་གེ་ལགས་ད་བར་དུ་བོད་དོན་དང་འབྲེལ་བ་གཏིང་ཟབ་པོ་ཞིག་མེད་པ་མཚོན་གྱི་འདུག གལ་སྲིད་ཁོང་བོད་དོན་དང་འབྲེལ་བ་གཏིང་ཟབ་པོ་ཞིག་ཆགས་ཡོད་ན། ཐེངས་གཅིག་བཀའ་ཁྲིའི་འོས་ཤོག་མ་ཐོབ་པ་ཙམ་གྱིས་བོད་དོན་དང་ཁ་བྲལ་ནས་འགྲོ་ཆོག་ཆོག་ཡོད་དོགས་མེད། ཁོ་བོད་པའི་སྤྱི་ཚོགས་དང་འབྲེལ་བ་དམ་ཟབ་མེད་པར་འགྲོ་ཆོག་ཆོག་ཡོད་པའི་འགྲོན་པོ་ནང་བཞིན་ཡོད་པ་འདིས་ཐོག་ནས། ཁོ་ལ་བོད་དོན་ཆེད་བློས་མི་ཐོངས་པའི་མ་འོངས་འཆར་གཞི་གང་ཡང་མེད་པ་མཚོན་འདུག མ་ཟད་ད་ལྟ་ཡང་བོད་དོན་དང་འབྲེལ་བ་དེ་ཙམ་མེད་པ་མཚོན་གྱི་འདུག གལ་སྲིད་ཁོ་ལ་བོད་དོན་ཆེད་སེམས་ཤུགས་དང་འཆར་གཞི་དངོས་གནས་ཞིག་ཡོད་ན་ཐེངས་གཅིག་གི་བཀའ་ཁྲིའི་འོས་ཤོག་ཐོབ་མ་ཐོབ་གལ་ཆེན་པོ་བརྩི་གི་མ་རེད། གང་ཡིན་ཟེར་ན་བཀའ་ཁྲི་ཐོབ་ན་མ་ཐོབ་ན་རང་གི་མི་རིགས་དང་རང་གི་མི་རིགས་ལ་བཅིངས་པའི་ཤ་ཚ་དང་སེམས་ཤུགས། རང་གི་མི་རིགས་ཆེད་ཡོད་པའི་འཆར་གཞི་དང་རྨི་ལམ་རྣམས་ནམ་ཡང་བློས་གཏོང་གི་མ་རེད། འོན་ཀྱང་བཀའ་ཁྲི་ལྟ་བུའི་མིང་གནས་ཆེ་ཤོས་ཐོབ་ན་མ་གཏོགས་བོད་དོན་ཆེད་ལས་ཀ་བྱ་འདོད་མེད་པ་འདི་སྐྱོ་བོ་རེད། རྒྱབ་སྐྱོར་བྱེད་རིན་མི་འདུག བོད་ལ་ཕན་པའི་འཆར་གཞི་རྒྱ་ཆེ་གཏང་ཟབ་ཅིག་མེད་པར་གནས་སྐབས་ཀྱི་བཀའ་ཁྲིའི་འོས་བསྡུའི་གོ་སྐབས་དང་མཐུན་པའི་རྣམ་འགྱུར་བསྟན་པ་ཙམ་རེད། དེ་ཕྱིར་བོད་དོན་དང་ཤ་འདྲེས་ཁྲག་འདྲེས་ཆགས་མེད་པ་མ་ཟད། བོད་དོན་ཐོག་ཕུགས་བསམ་དང་འཆར་གཞི་སྲ་ཐག་ཐག་ཅིག་མེད་པའི་འགྲོན་པོ་འགྲོ་ཆོག་ཆོག་ཅིག་ལ་འོས་ཤོག་བླུགས་ན་ནོར་བ་རེད།
༢། ཁོས་འོས་ཤོག་ཐོབ་ཐབས་ཆེད་སྐད་ཆ་ག་རེ་བཤད་རྒྱུར་འཛེམ་ཟོན་བྱེད་ཤེས་ཀྱི་མི་འདུག མི་མང་ལ་འདོད་པ་ག་རེ་ཡོད་པ་ཚང་མ་དང་མཐུན་པའི་སྐད་ཆ་ཞིམ་པོ་རྐྱང་རྐྱང་བཤད་ཀྱི་འདུག མ་འོངས་པར་ལས་དོན་ག་རེ་འགྲུབ་དང་ག་རེ་འགྲུབ་མི་ཐུབ་པ་སོགས་ལ་སེམས་ཁྲལ་བྱེད་ཀྱི་འདུག འོས་ཤོག་ཐོབ་ཐབས་ཁོ་ན་ལས་དམིགས་ཡུལ་གསལ་བོ་མེད་པར་ག་རེ་ཐེབས་ཐེབས་བཤད་སྲིད་པའི་བྱེད་སྟངས་སླ་བོ་འདི་ལ་ཡིད་ཆེས་བྱེད་ཐུབ་མ་སོང་བས་ངའི་འོས་གཅིག་པོ་ཕྱིར་འཐེན་བྱས་པ་ཡིན།
༣། ད་དུང་མིང་མཇུག་སེང་གེ་ཡིན་པ་རྒྱུ་མཚན་དུ་བགྲང་མཁན་ཚོས་རྣམ་རྟོག་དང་རྨོངས་དད་རང་ལ་གཞི་བཞག་ནས་བཤད་པའི་སྐད་ཆ་དགོད་བྲོ་ཞིག་རེད། བཀའ་ཁྲི་འོས་འདེམས་སྐབས་རྣམ་རྟོག་དང་རྨོངས་དད་བྱེད་མི་རུང་བ་ཡིད་འཛིན་འཚལ།

ད་གང་དྲག་ཆོལ་གསུམ་བསམ་དོན་འགྲུབ་པར་ཕྱོགས་།
མ་འོང་བཀའ་ཁྲི་རྒྱས་གྱུར་ཅིག་།།

བཀའ་བློན་ཁྲི་པ་སུ་ལ་ཐོབ་མིན་ཁྱད་པར་མེད་ གཙོ་བོ་བོད་དོན་ལ་ཞབས་བཞུ་ཐུབ་ན་དེ་ནི་བཀའ་བློན་ཁྲི་པ་ཡག་པོ་ཞིག་རེད། བཀའ་ཁྲིའི་འོས་མི་ཚང་མར་རྒྱབ་བསྐྱོར་ཡོད། སྤྱི་ལོའི་ལོ་གསར་ལ་བཀྲ་ཤིས་བདེ་ལེགས་བཞུ།

བསྟན་འཛིན་འཕགས་པ་ལ།
༸གོང་ས་སྐྱབས་མགོན་ཆེན་པོ་འཕགས་པ་སྤྱན་རས་གཟིགས་ཀྱི་ཞིང་ཁམས་འདི་རུ་འུ་གཉིས་ལྟ་བུ་སྲང་ལམ་གྱི་བོང་བུ་དང་མ་ཧེར་གྱུར་བ་དེ་ཡང་སྐལ་བ་བཟང་པོ་རེད།
རང་ཉིད་ཀྱིས་ཀྱང་འདི་ལྟར་དགའ་བ་རེ་བསྒོམ་ཐུབ་ན་ས་ཁུག་རི་ཁུག་ཅིག་ནས་སྐྱབས་བཅོལ་བའི་མིང་བྱང་འཁུར་ནས་བསྡད་པའི་དགོས་དོན་ཙམ་རེད།
སྤྱིར་ང་རང་མི་སྒེར་གྱི་ངོས་ནས་བཀའ་ཁྲི་རྣམ་པ་གསུམ་གྱི་སུ་ཐོབ་ནའང་གཅིག་མཚུངས་ཀྱི་འདུ་ཤེས་ཡོད་ལ།ངའི་སེམས་ངོར་ཁོ་ཚོའི་རིན་ཐང་འདྲ་མཉམ་ཡིན།
ཡིན་ནའང་།ད་སྔར་བཞག་པའི་ཕྱིས་རྗེས་དང་དཀའ་ངལ་བརྒྱབ་པའི་ངོས་ནས་མི་རབས་རྒན་པ་གཉིས་ལ་ལྗིད་ཁོག་ཆེ་ཙམ་ཡོད།
ཁྱེད་ཀྱིས་སེམས་ཁྲལ་ཞིག་ལ་བློ་བཟང་སེང་གེ་ལགས་མ་ཐོབ་ན་ནོར་བུ་གཞན་ལ་ནོར་བ་ལྟ་ཚུལ་འཛིན་གྱིན་འདུག རི་བོང་གནམ་བརྡིབས་ཀྱི་སྡུག་བསྔལ་མ་བྱེད།
བློ་བཟང་སེང་གེ་ལགས་ཀྱི་དགོངས་གཞི་ནི་མ་ཤི་བར་བོད་མི་རིགས་ཀྱི་ལས་དོན་བསྒྲུབ་རྒྱུ་དེ་རེད་མ་གཏོགས།བཀའ་བློན་ཁྲི་བའི་རྐུབ་སྟེགས་མ་རག་ན་གཞན་ཞིག་ལ་ཤོར་འགྲོ་བ་ཞིག་རྩ་ནས་མ་རེད།
མི་ལ་རྒྱབ་སྐྱོར་བྱེད་པ་ལ་ཀྱོག་ནས་ཕན་ཐོགས་གང་ཡང་མེད་པ་རེད།དྲང་པོ་དང་།བདེན་པ།འཚེ་བ་མེད་པ་གསུམ་ནི་བཀའ་ཤག་སྲིད་གཞུང་གི་སྲིད་བྱུས་རེད།
རྩལ་འབྱོར་གཞུང་ཟེར་བ་དེ་ས་འོག་ཞིག་ཏུ་ཡོད་ན་ལས་ད་སྔར་མ་གྲགས་པ་ཞིག་ཡིན་མོད།གལ་སྲིད་བཙན་བྱོལ་གཞུང་ཡིན་དབང་དུ་བཏང་ན་ནི་ད་སྔར་བཀའ་ཤག་སྲིད་གཞུང་གི་ནང་ལྐོག་ཟ་རུལ་སུངས་གི་ལོ་རྒྱུས་ཤིག་མེད་པ་མིག་དང་ལྡན་ཚད་དང་།རྣ་ཅོག་ཀྲོང་ཀྲོང་ཡོད་མཁན་ཚང་མར་གསལ་པོ་ཆགས་ཚར་བ་ཡིན་པས་གོ་བ་མེད་པས་གླང་རྒན་ལ།།རྒྱལ་བའི་བཀའ་ལས་དབྱུག་པ་བཙན་ཞེས་པའི་རྗེས་འབྲངས་བ་ཡིན་ན་ནི་སྨྱོན་པ་དང་ལྷན་ཅིག་རྩོད་པར་མི་བྱའོ།
མི་གཞི་དང་མི་གཤིས་ལས་བརྒལ་བའི་ལུང་རིགས་ཀྱི་བགྲོ་གླེང་བྱེད་འདོད་ཡོད་ན་ཨ་ཁུ་ཚང་ཡོང་ཆོག་ཆོག་ཡིན་ལགས།

བློ་སེང་ཤོར་ན་སེམས་དྲན་མེད་། རྒྱལ་ཕམ་ནི་འགྲེན་རྩོད་ཀྱི་འགྲོ་སྟངས་ཡིན་།
ཡིན་ན་ནོར་བུ་རང་ལ་ཡོད་དུས་བདག་པོ་རྒྱབ་ན་དགའ་།
ནོར་བུ་གཞན་ལ་ཕྱོར་དུས་འགྱོད་པ་སྐྱོ་བ་བློན་པོ་ཡིན་།

རྨོག་རུ་བསྟན་པ་ལགས་ཀྱིས་དཔྱད་རྩོམ་ལེགས་པོ་ཞིག་བྲིས་འདུག
ཡིན་ནའང་སྐབས་གསུམ་པའི་བཀའ་ཁྲིའི་འོས་མི་བཀྲ་ཤིས་དབང་དུས་དང་བཀྲས་མཐོང་བསྟན་འཛིན་རྣམ་རྒྱལ་བློ་བཟང་སེང་གེ་བཅས་གསུམ་གྱིས་གསེབ་ནས་གདམ་ཀ་བྱས་ནས་གལ་སྲིད་བློ་བཟང་སེང་གེ་ལ་རྒྱལ་ཁ་ཐོབ་པ་ཡིན་ན།
ཁོང་གིས་ཆ་རྐྱེན་གསུམ་གསར་གཏོད་དང་རང་མགོ་རང་ཐོན་ཆིག་སྒྲིལ་དེ་གསུམ་ལག་བསྟར་ཡག་པོ་བྱེད་མ་ཐུབ་ན་སྔོན་འགྲོའི་འོས་བསྡུ་ཉེ་བའི་སྐབས་མི་མང་འདུ་འཛོམས་ཁག་ཏུ་ངས་བྱ་ཐུབ་མི་སྲིད་པ་འདི་སྲིད་པ་ཨ་མའི་བུ་ལ་འཇོན་ཐང་ཡོད་ན་བཀའ་བློན་ཁྲི་བར་ནམ་ཕེབས་རེད་ཟེར་ནས་བཤད་པ་རེད། ཁོང་བཀའ་ཁྲིར་ཆག་ཚར་རྗེས་གལ་སྲིད་ལམ་ལྷོངས་བྱུང་ན་བོད་མི་རིགས་ཀྱི་བསོད་ནམས་ཡིན་ལ་ལམ་འགྲོ་བྱུང་ན་བཙན་བྱོལ་སྤྱི་ཚོགས་ནང་སྔ་བྱུང་མྱོང་མེད་པའི་ལོ་རྒྱུས་ཆགས་སྲིད།
ད་ལྟ་ནས་ང་ཚོའི་བསམ་བློ་གཏོང་རྒྱུར་གལ་ཆེན་ཡིན། ནོར་བུ་རང་ལ་ཡོད་དུས་ནོར་ཉམས་མ་ཆོད་ན་ནོར་བུ་གཞན་ལ་ཞོར་དུས་འགྱོད་པའི་གླིང་ལ་སྐྱེལ་ཡོང་། དུས་ཚོད་ཐུང་དེའི་ནང་རང་ཉིད་སོ་སོར་འགན་འཁྲི་ཡོད་བསམ་ནས་རྟག་དཔྱད་བྱེད་རྒྱུ་སྨོས་མ་དགོས།

རྨོག་རུ་བསྟན་པ་ལགས་ཡག་པོ་ཞིག་བྲིས་གནང་འདུག་པས་ཡིད་རངས་ཡོད། འོན་ཀྱང་༼འབྱོན་ཐང་༽ཟེར་བའི་དོན་རྟོགས་དཀའ་བས་ཅི་འདྲ་རེད། དག་ཆ་ནོར་བ་ནི་ཡིན་རྒྱུ་མ་རེད་ཡ་མཚན། སྙན་ངག་པས་དག་ཆ་ཡང་སྙན་ངག་ཏུ་འབྲི་སྲོལ་ཡོད་པ་མིན་འགྲོ། ཨ་མའི་བུ་ལ་འཇོན་ཐང་ཡོད་ན། བཀའ་བློན་ཁྲི་པར་ནམ་ཕེབས་རེད། ཡག་པོ་འདུག་བློ་བཟང་སེང་གེ་རང་ད་ཆ་བཀའ་ཁྲིར་སྔ་སོང་བས་མི་རབས་གསར་པ་དང་། ན་གཞོན་གསར་པའི་སྐད་སྟོང་ཏུ་ཚུད་པའི་ན་གཞོན་ཚོས་བསམ་བློ་ནན་པོ་གཏོང་རན་པ་ལས་གསར་རྙིང་ཞེས་པའི་གཡོ་འོག་ཏུ་ནམ་ཡང་ཚུས་མི་ཉན། དེ་ནི་རྒྱལ་ཁབ་ཞིག་དང་མི་རིགས་ཤིག་གི་གལ་ཆེའི་དོན་ཆེན་རེད། ཡིད་གཟབ་གྱིས། བསམ་བློ་མཐོང་། ན་གཞོན་དང་མི་རབས་གསར་པ་ཟེར་བའི་གང་ཟག་ཚོ།

བློ་སེང་དང་འབྲེལ་བའི་ཁྱབ་བསྒྲགས་ཀྱི་དཔྱད་རྩོམ་ལེགས་པོ་ཞིག་འདུག བློ་བཟང་སེང་གེ་མཆོག་ལ་རྒྱལ་ཁ་ཐོབ་ངེས་མི་འདུག སྤྱི་ཚོགས་ནང་མང་གཙོའི་འཕེལ་ཁ་རྒྱས་བཞིན་རེད། ད་དུང་བསམ་བློ་མང་ཙམ་དང་དཔྱད་ཡིག་མང་ཙམ་མ་བྲིས་ན་བླེ་སེང་ཤོར་ཉེན་ཡང་ཆེན་པོ་འདུག ཐུགས་རྗེ་ཆེ།