ཉིན་འགའི་གོང་ནས་རྒྱ་གར་བྱང་ཕྱོགས་ངྷ་རམ་ས་ལའི་གནམ་གཤིས་ཧ་ཅང་ཇེ་འཁྱག་ཏུ་ཕྱིན་སོང་ལ། ཕྱི་ཚེས་ ༢༩ ཉིན་ནས་བཟུང་ཆར་བ་ཡང་ཐེངས་ཁ་ཤས་ལ་བབ་སོང་། ཁ་སང་ཉིན་གང་བོར་ཆར་བ་བསྟུད་མར་བབ་ཅིང་། ཕྱི་དྲོའི་ཆུ་ཚོད་ ༥ ཙམ་ནས་ཆར་ཤུགས་ཆེ་རུ་ཕྱིན་ཏེ། མདང་ནུབ་མཚན་གང་བོར་ཧ་ལམ་འབབ་མཚམས་མ་བཞག་ལ། མཚན་དཀྱིལ་ནས་ཁ་ཆར་འདྲེས་མ་དང་། ཐོ་རངས་ཙམ་ལ་ཁ་བ་ལྷབ་ལྷུབ་ཏུ་བབ་སོང་། ད་ནང་ཞོགས་པ་ངྷ་རམ་ས་ལའི་རྒྱབ་རི་རྡོ་ལ་ངྷར་རི་རྒྱུད་ཡོངས་གངས་རི་ཞིག་དང་འདྲ་བར་དཀར་སང་ངེར་ཁ་བས་གཡོགས་འདུག་ལ། བཞུགས་སྒར་མེག་གྷན་གྱི་ཁྲོམ་སྲང་ལ་ཡང་ཁ་བ་སྲབ་པོ་ཞིག་ཆགས་འདུག
དེ་རིང་སྔ་དྲོའི་ངྷ་རམ་ས་ལའི་དྲོད་ཚད་ ༢༨ . ༩ C ཙམ་ལ་ཟགས་འདུག་ལ། ད་ནང་ཞོགས་པར་གནམ་མཁའ་གཡའ་དག་ཅིང་ས་གཞི་རྡུལ་དག་སྟེ། གནམ་གཤིས་ཧ་ཅང་དྭངས་འདུག་མོད། སྔ་དྲོའི་ཆུ་ཚོད་ ༡༢ ཙམ་ནས་ཡང་བསྐྱར་གནམ་རུབ་སོང་། བག་ཆགས་ཤིག་གམ་གོམ་གཤིས་ཤིག་གི་དབང་གིས་ནམ་རྒྱུན་བཞུགས་སྒར་ངྷ་རམ་ས་ལར་ཁ་བ་འབབ་སྐབས། བོད་མི་ཚང་མས་མཚར་སྣང་དང་དགའ་སྣང་འདྲེས་མིའི་རྣམ་འགྱུར་ཞིག་འཛིན་སྲོལ་ཡོད་པ་ལྟར། དེ་རིང་ཞོགས་པ་ཡང་ངྷ་སའི་མི་མང་ཚོའི་གདོང་ལ་ཅུང་གྲང་མདོག་གི་རྣམ་པ་ཞིག་མངོན་བཞིན་དཔར་རྒྱག་པ་དང་ཁངས་རྩེད་བྱེད་པ། ཕན་ཚུན་ལ་ཉིན་འདི་འགའི་གནམ་གཤིས་སྐོར་ལ་གཏམ་གླེང་བྱེད་པ། ས་གནས་གཞན་དུ་ཡོད་པའི་དགའ་བོ་ཉེ་བོ་དག་ལ་ངྷ་རམ་ས་ལའི་གནམ་གཤིས་སྐོར་གྱི་གསར་འགྱུར་བཤད་བཞིན་འདུག
བཞུགས་སྒར་ངྷ་རམ་ས་ལར་ཁ་བ་བབ་སོང་།
བཞུགས་སྒར་ངྷ་རམ་ས་ལར་ཁ་བ་བབ་སོང་།
བཞུགས་སྒར་ངྷ་རམ་ས་ལར་ཁ་བ་བབ་སོང་།
བཞུགས་སྒར་ངྷ་རམ་ས་ལར་ཁ་བ་བབ་སོང་།
དཔར་པ། ཨ་རིག་འགྱུར་མེད།
མདང་དགོང་ཡིག་ནོར་ཁ་ཤས་བཅོས་ཡིན་ཏེ་ད་ནང་ཞོགས་པ་མཐོང་རྒྱུ་མི་འདུག
བསྟུད་མུར། ཟེར་བ་དེ་གཅིག་པུ་ལས། གནམ་མཁའ་དང། གོམ་གཤིས། འདྲེས་མིའི། ཁངས་རྩེད་སོགས་བཅོས་མི་འདུག་རྒྱུ་མཚན་གང་བཤད་རྒྱུ་ཡོད་དམ།
གྲོགས་མཆོག་བསེ་རུ་ལགས་དེས་སང་མཐོང་མ་སོང་བས་འདི་ཚང་ཡིག་ནོར་མང་དུ་ཕྱིན་སོང་ཟིག
ཁ་བ་བབས་ཟེར་དུས་བབ་ཀྱི་རྗེས་སུ་སའི་ཡང་མཇུག་འཇོག་དགོས་པ་རེད།
དགེ་ལགས་བཀྲ་ཤིས་བདེ་ལེགས།་་་་་་་་་་ང་ཁ་བ་ལ་ཧ་ཅང་དགའ།
དྷ་སའི་ཁ་བ་མཐོང་དུས། །
ཆུང་དུས་ཕ་ཡུལ་དྲན་བྱུང་། །
གངས་འཁྲོད་དེ་ཚོའི་དཀྱིལ་ལ། །
འབྲི་གཡག་ར་ལུག་ཡོད་ན། །
་་་་་་་་་་་་་་
་་་་་་་་་་་་་་་་་་་་
་་་་་་་་་་་་་་་་་་་་་་་་་་་
་་་་་་་་་་་་་་་་་་་་་་་་་་་་་་་་་་་་་་་་་་་
ལོ་ལྟར་དགོན་ཁའི་དུས་སུ་།
སྐྱིད་པའི་རྡ་རམ་ས་ལ་།
ཁ་བ་འབབ་དུ་མ་བསམ་།
ཁ་རྒྱབ་ཉི་མས་གྲོས་ཡོངས་།།
རྡ་སར་ཁ་བ་བབ་པར་
ཧ་ལས་ཧང་སང་མ་གནང་
ལོ་ལྟར་དགུན་ཁའི་དུས་སུ་
དེ་ལྟར་བབ་བཞིན་ཡོད་རེད
འདི་ལྟ་བུའི་་གསར་འགྱུར་གྱིས་ལས་བྲེལ་གྱི་འཁྲུག་ཆའི་སེམས་ཁམས་ལ་སྤྲོ་སྣང་ཞིག་ངང་གིས་སྟེར་བཞིན་འདུག་པས། ཨ་རིག་ལགས་ཐུགས་རྗེ་ཆེ།
རྡོ་ལ་རི་བོའི་ཁ་བ་དེས་བདག་ཀྱང་ཆབ་སྲིད་ཀྱི་འཁྲུག་ཆ་དོད་པའི་སྒར་གྲོང་དེར་ངང་གིས་འཁྲེང་སོང་ལ། ཕ་ཡུལ་གྱི་རི་ལུང་ཞིག་ཀྱང་དྲན་པར་བྱས་སོང་། ཨོ། གཅན་ཚ་དཔལ་ལྡན་གྱིས་བཤད་པ་བཞིན་བཏུང་ཆུའི་དཀའ་ངལ་དེ་ཡང་སེལ་ཐུབ་པར་མ་ཟད། མ་འོངས་པའི་རྡ་སའི་ཞིང་ས་རྒྱས་པའི་ལེགས་རྟགས་ཤིག་ཀྱང་ཡིན།
ཨ་རིག་ལགས་ཐུགས་རྗེ་ཆེ། གསར་འགྱུར་འདི་ཧ་ཅང་སྤྲོ་ཉམས་དོད་པོ་ཞིག་རེད། ང་ཚོ་ཕ་ཡུལ་བོད་གངས་ཅན་ལས་ས་མཐའ་ན་ཡོད་པ་ཙམ་དུ་མ་ཟད། བཞུགས་སྒར་ངྷ་རམ་ས་ལ་ནས་ཀྱང་ས་མཐའ་ན་ཡོད་མཁན་ཚོར། གསར་འགྱུར་འདི་ནི་ཝུ་ཆང་ཤེལ་ཕོར་གང་དང་གཅུག་མཚུངས་ཡིན་པ། དེ་རིང་གི་ངའི་ཚོར་སྣང་འདི་ལས་གསལ་བཤད་བྱེད་ཐུབ།
འདི་ལྟ་བུའི་གསར་འགྱུར་ནི། ཡིག་ཚགས་རྒྱུ་ཆའི་གསར་འགྱུར་གྱི་རིན་ཐང་དེ་ཙམ་མེད་ཀྱང་། རྒྱལ་ཁབ་སྔོན་ཐོན་དང་མི་རིགས་སྔོན་ཐོན། སྤྱི་ཚོགས་ཀྱི་བསམ་བློ་སྔོན་ཐོན་དང་། གསར་འགོད་པ་དང་མི་དམངས་བར་གྱི་བསམ་བློའི་འབྲེལ་ཐག་གི་ཆུ་ཚད་མཐོ་བ། གསར་འགོད་པས་སྤྱི་ཚོགས་ལ་སེམས་འཁུར་དང་བརྩེ་དུང་ཡོད་པ་སོགས་མངོན་ཡོད།
ཁངས་བབ་ན་ཡག་པོ་རེད། ངྷ་སར་ད་ལོར་འཐུང་ཆུའི་དཀའ་ངལ་འཕྲད་ཀྱི་མ་རེད།