ཁ་སང་རེ་གཟའ་མིག་མར་ཉིན་པ་ཀི་སི་ཐན་གྱི་ཆོས་ལུགས་རིས་མེད་རྩོད་ལེན་པ་དང་པན་ཇབ་མངའ་སྡེའི་སྲིད་སྐྱོང་བ་སྐུ་ཞབས་སཱལ་མན་ཊི་སེར་ Salman Taseer ལགས་སྐུ་སྲུང་བ་མཱ་ལེགུ་ Malik Mumtaz ཟེར་བ་ཞིག་གིས་ལྐོག་གསོད་བྱས་འདུག
སྐུ་ཞབས་སཱལ་མོན་ཟེར་བ་ཁོང་དེ་སྔོན་བརྒྱད་ཅུ་གྱ་གྲངས་ནང་པ་ཀི་སི་ཐན་གྱི་སྲིད་དབང་སྒེར་འཛིན་པ་མཱོ་ཧམ་མེ་ཌི་ Mohammad Zia ul-Haq ཡིས་བཙོན་འཇུག་བྱས་མྱོང་ཡོད་ཅིང་། ཁོང་གིས་འདས་པའི་མི་ལོ་ ༣༠ ལྷག་གི་རིང་ཁ་ཆེ་ཆོས་ལུགས་ལ་བརྟེན་ཏེ་རྒྱལ་ཁབ་གཅིག་གྱུར་བཟོ་པའི་རྩ་ཁྲིམས་དེར་ངོ་རྒོལ་དང་བཅོས་བསྒྱུར་བྱ་དགོས་པའི་ཐད་ལ་འབད་བརྩོན་གནང་ཡོད་པ་མ་ཟད།
ཉེ་ཆར་ཁོང་གི་སྣེ་ཁྲིད་འོག་སྔར་མཱོ་ཧམ་མེ་ཌིའི་སྐབས་གཏན་འབེབ་བྱས་པའི་རྩ་ཁྲིམས་ནང་། མི་སུ་ཞིག་གིས་ཁ་ཆེ་ཆོས་ལུགས་ལ་ངོ་ལོག་བྱས་ཚེ་སྲོག་ཁྲིམས་གཅོད་དགོས་ཞེས་པའི་ཁྲིམས་ཡིག་དེ་ལ་བཅོས་བསྒྱུར་བྱ་དགོས་པའི་ལས་འགུལ་སྤེལ་སྟབས། ཁ་ཆེ་ཆོས་ལུགས་ཀྱི་ཚོགས་པ་ཁག་གིས་པ་ཀི་སི་ཐན་རྒྱལ་ཡོངས་སུ་ཁོའི་བྱེད་སྟངས་ལ་སྐྱོན་བརྗོད་དང་ངོ་རྒོལ་ལས་འགུལ་སྤེལ་ཡོད་པ་མ་ཟད། ཁོང་གི་གློག་འཕྲིན་སོགས་སུ་འཇིགས་སྐུལ་གྱི་ཉེན་བརྡ་ཡང་བཏང་ཡོད་ཀྱང་། ཁོང་གིས་གནད་དོན་འདིའི་ཐད་ངས་ལངས་ཕྱོགས་བརྟན་པོ་འཛིན་རྒྱུ་ཡིན། གལ་སྲིད་མཐའ་མར་ང་གཅིག་པུ་ལས་མ་ལྷག་ཀྱང་དགོས་འདུན་ལ་འགྱུར་བ་མེད། ཅེས་བརྗོད་ཡོད་འདུག
པ་ཀི་སི་ཐན་གྱི་སྲིད་འཛིན་དང་དྲང་ཕྱོགས་པ་མང་པོས་ཁོང་ལྐོག་གསོད་བཏང་བར་བློ་ཕམ་ཆེན་པོ་བྱེད་ཀྱི་ཡོད་ལ། ཨ་རིའི་དྲང་ཆེ་ལྕམ་ཧེ་ལཱ་རེ་ Hillary Clinton ཡིས་སྐུ་ཞབས་ཌི་སཱེར་ལགས་ལྐོག་གསོད་ཐེབས་པ་དེ་ནི་གྱོང་གུད་ཆེན་པོ་ཞིག་རེད་ཅེས་བརྗོད་འདུག སྐུ་ཞབས་སཱལ་མན་ཌི་སེར་ལགས་ལྐོག་གསོད་བཏང་རྗེས་ད་ཆར་པ་ཀི་སི་ཐན་ནང་ཟིང་ཆ་ཆེན་པོ་སློང་ཉེན་ཡོད་འདུག
གསར་འགོད་པ། བནྡེ་སྐྱབས།
གནས་ལུགས་དང་དྲང་བདེན་ལ་མི་དགའ་བའི་མིའི་རིགས་ཀྱི་བྱེ་བྲག་པ་མི་ངན་དེ་དག་གིས་མིའི་རིགས་ཀྱི་བདེ་སྐྱིད་དང་རང་དབང་ལ་བསམ་གྱིན་རྡོག་རྫིས་གྲངས་མེད་བཏང་བ་དེ་ངོ་མ་མིའི་རིགས་ཀྱི་སྐྱོ་གར་རེ་རེའི་ལོ་རྒྱུས་གསོན་པོ་ཞིག་རེད།
ལྐོག་གསོད་པར་གྲགས་པའི་མི་དེ་ཚོ་ནི་མིའི་རིན་ཐང་དང་རྣམ་དཔྱོད་སོགས་ཕྱོགས་རིས་དང་མ་རབས་ཏག་ཏག་ལ་ཟད་པ་ནི་སྐྱོ་གར་ལས་ཀྱང་སྐྱོ་གར་རེད།ལས་རིགས་དེ་དག་ལ་ཚོད་འཛིན་དང་མཚམས་འཇོག་བྱེད་པའི་ཐབས་ལམ་གལ་འགངས་ཅན་དེ་ངེས་པར་དུ་གཏོང་རིན་ཡོད་པ་སྨྲོས་མེད་རེད།