བཙན་བྱོལ་ནང་སྐད་གྲགས་ཆེ་བའི་གཞས་པ་བཞི་ཡིས་བཞུགས་སྒར་དུ་འོད་སྡེར་གསར་པ་འགའ་དབུ་འབྱེད་དང་སྦྲགས་རོལ་དབྱངས་འདུ་འཛོམས་ཤིག་བསྡུས་སོང་།
ཁ་སང་ཕྱི་ཚེས་ ༦ ཉིན་གྱི་དགོང་མོར་གངས་སྐྱིད་སྤྱི་ཐབ་ཚོགས་ཁང་དུ་བཙན་བྱོལ་སྤྱི་ཚོགས་ཁྲོད་སྙན་གྲགས་ཅུང་ཆེ་བའི་གཞས་པ་བཞི་ཡིས་འདི་ལོར་གསར་དུ་སྒྲིག་སྦྱོར་བྱས་པའི་འོད་སྡེར་དབུ་འབྱེད་ཀྱི་མཚན་ཚོགས་ཤིག་བསྡུས་སོང་ལ། འོད་སྡེར་དབུ་འབྱེད་ཀྱི་སྐུ་མགྲོན་གཙོ་བོར་བོད་མི་མང་སྤྱི་འཐུས་ཀརྨ་ཡེ་ཤེས་ལགས་ཕེབས་འདུག གཞས་པ་ཚེ་རིང་འགྱུར་མེད་ལགས་ཀྱི་འོད་སྡེར་གསར་བ་༼ ཁྲུང་ཁྲུང་དཀར་མོ། ༽ཞེས་པ་དང་། གཞས་པ་བཀྲས་ཆུང་ལགས་ཀྱི་འོད་སྡེར་གསར་བ་༼སེམས་གཞས། ༽། གཞས་པ་ཆོས་གྲགས་ལགས་ཀྱི་འོད་སྡེར་གསར་བ་༼ ལམ་ཆུང་ཆུང་། ༽ གཞས་པ་སྒྲ་སྙན་པ་སངས་ལགས་ཀྱི་འོད་སྡེར་གསར་བ་༼ མི་ཚེ། ༽། ཚེ་རིང་འགྱུར་མེད་ལགས་དང་སྒྲ་སྙན་པ་སངས་གཉིས་མཉམ་འབྲེལ་གྱིས་འོད་སྡེར་༼རབ་གསལ་ཟླ་བ།༽ཞེས་པ་བཅས་དབུ་འབྱེད་གནང་ཡོད།
ཐེངས་འདིའི་འཁོར་ཐག་དབུ་འབྱེད་ཀྱི་མཚན་ཚོགས་སྟེང་གོང་གསལ་གཞས་པ་བཞི་ཡིས་རང་རང་གི་འཁོར་ཐག་གསར་བའི་ནང་གི་གཞས་སྣ་ཁག་ཅིག་མི་མང་ལ་གཟིགས་འབུལ་ཞུས་པར་མ་ཟད། གཞས་རེ་རེའི་གཞས་ཚིག་ནང་དོན་དང་གཞས་སྣ་ཁག་གི་རྒྱབ་ལྗོངས་ཀྱི་གནས་ཚུལ་སོགས་མི་མང་ལ་འགྲེལ་བཤད་གནང་ཡོད་པར་མ་ཟད། ཐེངས་འདིའི་གོ་སྐབས་དང་སྟབས་བསྟུན་ཏེ་གཞོན་སྐྱེས་གཞས་པ་ཆོས་དབྱངས་ལགས་ཀྱིས་ཀྱང་ཉེ་ཆར་གསར་དུ་སྒྲིག་སྦྱོར་བྱས་པའི་འོད་སྡེར་ཁྲོད་ཀྱི་གཞས་སྣ་ཁག་ཅིག་གཟིགས་འབུལ་ཞུས་ཡོད་ལ། མི་མང་གི་ངོས་ནས་ཀྱང་ཁོང་ཚོའི་གཞས་གདངས་དང་གཞས་ཚིག་གི་ཐད་ནས་དྲི་བ་དྲིས་ལན་དང་མ་འོངས་ཡར་རྒྱས་གཏོང་ཕྱོགས་ཀྱི་ཐད་བསམ་འཆར་ཡང་བཏོན་ཡོད།
གསར་འགོད་པ། དོན་གོ
དྲ་གྲོགས་ཨུ་ཚུགས་ཅན་ལགས། ཁྱེད་ཀྱིས་བཏང་གནང་བའི་གཞས་དེའི་གདངས་རྙིང་པ་རེད་དམ། གཞས་ཚིག་རྙིང་པ་རེད། དངོས་གནས་གོ་མྱོང་མྱོང་ཞིག་འདུག་ད།
དེ་ཚོ་ཚང་མ་ག་ནས་ཕབ་བཤུས་བཟོ་བཅོས་གནང་བ་ཡིན་ནམ།
བོད་ནས་མིན་ན། རྒྱ་གཞས་ཡིན་གྱི་རེད། ཡང་ན་འབྲུག་ནས་མིན་ན། ཀོ་རི་ཡ་ནས་ཡིན་གྱི་རེད། ཧ་ཅང་སྙན་པོ་འདུག་་
དངོས་གནས་དེང་སང་གཞས་པའི་མིང་ཡོད་མཁན་མང་ཆེ་བ། ཆང་རག་མཆོད་ཡས་མང་དྲག་ནས་ཞིམ་པོ་རང་ད་ཡོད་ཀྱི་མ་རེད། ཡིན་ནའི་བློ་སྨན་ཡིན་དུས་མ་མཆོད་རང་མཆོད་རེད།
ལགས། བློ་སྨན་ཟེར་ན། བློ་ཁོག་ཆེ་རུ་འགྲོ་ཡས་ཀྱི་སྨན་ལ་ཟེར།
དང་པོ། ཁོང་ཚོས་བཏང་གནང་བའི་གཞས་དེ་ཚོ་མང་ཆེ་བ་གཞན་ནས་གདན་འདྲེན་ཞུས་པ་ཡིན་ཙང།
གཉིས་པ། སོ་སོས་བཏང་རྒྱུའི་གཞས་ལ་སོ་སོ་རང་གི་འདེང་ཚོད་མེད་དུས།
གསུམ་པ། གཞས་རའི་ནང་བུད་མེད་ལ་ཆགས་གཏམ་བརྗོད་རྒྱུ། བཅས་ལ་བློ་ཁོག་སླེབས་ཡས་ཆེད་དུ་རེད་ཟེར།
ད་དུང་ཁོང་ཚོས་བཏང་བའི་གཞས་མང་ཆེ་བ་ཡར་བཤུས་མར་བཤུས་ཡིན་པས་ཀླད་པ་ཐང་ཐང་ག་པར་ཡོང་གི་རེད། སོ་སོའི་གཞས་ཀྱི་རྒྱབ་ལྗོངས་སོ་སོས་ཀྱང་ཤེས་ཀྱི་མེད་པས་རེད།
ཨ་ཅོ་ཡག་དྲག་ནས་གྲལ་མགོར་སླེབས་མེད། ཨ་ཅོས་ཁྱིས་དེད་པ་རེད།
ཨ་ཙི་ང་ཚོ་བཙན་བྱོལ་ནང་གི་གཞས་པ་དེ་ཚོ་ཀྲོག་ཀྲོག་གནང་རྒྱུ་བཞག་ནས། དངོས་གནས་གཞས་པ་ངོ་མ་ཞིག་གནང་འདོད་ཡོད་ན། རོལ་དབྱངས་དང་གཞས་གདངས་སོགས་སོ་སོ་རང་གིས་གསར་རྩོམ་གྱི་ནུས་པ་འདོན་ཐུབ་པའི་སློབ་སྦྱོང་ཡ
ག་པོ་ཞིག་གནང་ན་དགའ་བ་ལ།།
དགའ་བསུ་ཡོད། ཀྲིག་ཀྲིག་ཀྲིག མགོ་ནང་གི་ཀླད་པ་དེ་ཐང་ཐང་རང་ད་མི་འདུག ཆང་ནང་གི་ཨ་རག་དེ་ཞིམ་པོ་རང་ད་མི་འདུག གཞས་སྙན་པོ་བཏང་ཡོད་དོ།