དེ་རིང་ཉིན་རྒྱབ་ངྷ་སར་གནས་བཞུགས་བཀྲ་ཤིས་རྒྱ་མཚོ་ལགས་ཀྱིས་གནས་ཚུལ་མཁོ་སྤྲོད་བྱས་པ་ལྟར་ན། ཕྱི་ལོ་ ༢༠༡༠ ལོའི་ཕྱི་ཟླ་ ༦ པ་ཡས་མས་ནས་མཚོ་སྔོན་མགོ་ལོག་ཁུལ་སྲིད་གཞུང་དང་རྫོང་རིམ་པའི་འབྲེལ་ཡོད་ལས་ཁུངས་ཁག་གིས་ས་གནས་འབྲོག་པ་མང་ཚོགས་ཚོར། རྒྱ་གར་ལ་གནས་སྐོར་དུ་འགྲོ་འདོད་རིགས་ཚོས་ཐོ་འགོད་བྱོས་དང་གཞུང་འབྲེལ་ཐོག་འཁྲིད་ཆོག་གི་རེད། འགྲོ་མཁན་སུ་ཡིན་རུང་སྔོན་དུ་སྲིད་གཞུང་ལ་རྒྱ་སྒོར་ཆིག་ཁྲི་ལྔ་སྟོང་ ༡༥༠༠༠ གཏའ་མར་འཇོག་དགོས། གལ་སྲིད་རྒྱ་གར་ནས་བོར་བརླག་དང་ཕྱིར་མ་ལོག་པའི་གནས་ཚུལ་འདྲ་བྱུང་བ་ཡིན་ན། གཏའ་མར་བཞག་ཡོད་པའི་དངུལ་དེ་དག་ཕྱིར་སློག་བྱ་རྒྱུ་མིན། ཞེས་བརྗོད་ཡོད་འདུག སྐབས་དེར་འབྲོག་དམངས་ཚོས་ང་ཚོ་རྒྱ་གར་ལ་གནས་མཇལ་དུ་འགྲོ་འདོད་འདུག་ལ། གལ་ཆེ་ཤོས་༧རྒྱལ་བ་རིན་པོ་ཆེ་ལ་མཇལ་དགོས་སྐོར་བརྗོད་སྐབས། དེ་འགྲིག་གི་རེད། ༧རྒྱལ་བ་རིན་པོ་ཆེ་བཞུགས་སའི་ངྷ་རམ་ས་ལར་ཡང་འཁྲིད་ཆོག་གི་རེད། ཅེས་འབྲོག་པ་ཚོའི་དགོས་འདུན་ངོས་ལེན་བྱས་ཡོད་འདུག
ལོ་དེའི་ཕྱི་ཟླ་ ༡༠ ཙམ་ནས་མགོ་ལོག་ཁུལ་འོག་གི་འབྲོག་པ་མང་པོ་ཞིག་གིས་རྒྱ་གར་ལ་གནས་མཇལ་དུ་འགྲོ་རྒྱུར་ཐོ་འགོད་བྱས་ཤིང་། ཕྱི་ཟླ་ ༡༡ པའི་ནང་འབྲོག་པ་ ༦༠ ཙམ་གྱིས་ཐོ་འགོད་བྱས་ཟིན་ཡོད་འདུག་ཅིང་། དེའི་ཁྲོད་མགོ་ལོག་རྨ་ཆེན་རྫོང་སྡོམ་ཁོག་ཞང་གི་མི་ ༢༠ ལྷག་དང་། དེ་མིན་རྭ་རྒྱ་ཞང་སོགས་ས་གནས་གཞན་ནས་ཡིན་འདུག ཐོ་འགོད་བྱས་ཟིན་པའི་འབྲོག་དམངས་ཚོ་འབྲེལ་ཡོད་ལས་ཁུངས་ལ་ཕྱིན་ཏེ། ང་ཚོ་གང་མགྱོགས་རྒྱ་གར་ལ་བསླེབ་དགོས་ཀྱི་འདུག ཕྱི་ཟླ་ ༡ ནང་༧རྒྱལ་བ་རིན་པོ་ཆེ་མཆོག་གིས་ཝ་རཱ་ན་སི་རུ་བཀའ་ཆོས་གསུང་འཆར་ཡོད་པ་དེའི་རྗེས་ཆོད་དགོས་ཀྱི་འདུག་ཅེས་ཡང་ཡང་སྐུལ་འདེད་བཏང་ཡོད་འདུག
ཕྱི་ཟླ་ ༡༢ པའི་ཟླ་མཇུག་ཙམ་ལ་འབྲོག་པ་དེ་དག་ཟི་ལིང་དུ་འབྱོར་ཏེ། ཞིང་ཆེན་འབྲེལ་ཡོད་ལས་ཁུངས་ལ་ཕྱིན་སྐབས། ཉིན་འགར་སྒུགས་དང་། ཡིག་ཆ་ཞིག་གི་སྟེང་ལ་ཐམ་ག་ཞིག་རྒྱག་དགོས་སྐོར་བཤད་ཡོད་འདུག ཟླ་འདིའི་ཕྱི་ཚེས་ ༩ ཉིན་ཡང་བསྐྱར་ཕྱིན་སྐབས། ཐེངས་འདིར་ཡིག་ཆའི་སྟེང་ཐམ་ག་རག་མ་སོང་ལ། ཁྱེད་ཅག་འགྲོ་སའི་རྒྱ་གར་ས་གནས་ཁག་ཅིག་ནང་མགྲོན་ཁང་ཡང་རག་གི་མི་འདུག དེར་བརྟེན་དུས་ཡུན་ཐུང་ཐུང་ནང་འགྲོ་ཐུབ་ས་མ་རེད། ལོ་གསར་གྱི་རྗེས་ཙམ་ལ་ཡང་བསྐྱར་ཚོད་ལྟ་བྱེད་ཆོག མགྱོགས་པོར་འགྲོ་འདོད་ཡོད་མཁན་དང་སྒེར་ངོས་ནས་འགྲོ་མཁན་ཚོས། རྒྱུན་ལྡན་གྱི་འགྲོ་ལུགས་ལྟར་ཕྱི་སྐྱོད་ལག་འཁྱེར་བཟོས་ཏེ་ཕྱིན་ཆོག་གི་རེད། དེ་སྔ་སྲིད་གཞུང་ལ་གཏའ་མར་བཞག་ཡོད་པའི་དངུལ་དེ་དག་ག་དུས་དགོས་ཀྱང་ཕྱིར་སློག་བྱེད་ཆོག ཆེས་བརྗོད་ཡོད་འདུག
ཕྲན་གྱི་ཤ་རུས་གཅིག་པའི་འབྲོག་པ་ཚོ་གཟབ་གཟབ་གནང་དགོས་སྤྱང་ཀིའི་ཁ་ནས་ཁྲག་གི་ཐིག་པ་ཟག་ནི་མ་རེད།
མགོ་བསྐོར་བཏང་གི་མེད་ན་ཡག་པོ་རེད། ད་ཡིད་ཆེས་མེད་གང་ཡིན་ན་རྒྱུ་མཚན་ཞིག་ཡོད་ཁོ་ཐག་རེད་ ལོ་གསར་རྗེས་ལ་ཡང་ཁ་པོ་རེད་
གནས་ཚུལ་འདི་འཐབ་ཕྱོགས་གཅིག་འགྱུར་པུའུ་ཞེས་པས་འཆར་གཞི་འཐེན་པ་ཞིག་ཡིན་པ་ཐག་ཆོད། ཁོང་ཚོས་ད་ལྟའི་ཆར་གཞིས་ལུས་བོད་མི་ཚོས་༸གོང་ས་མཆོག་དང་ཕྱི་སྡོད་བོད་མི་ཚོར་ཡིད་ཆེས་དང་རེ་བ་ཇི་ཙམ་ཡོད་མེད་བལྟ་རྒྱུའི་ཆེད་དུ་རེད།
རྒྱ་གར་ལ་འཁྲིད་མི་ཡོང་ལ་ཁོ་ཚོའི་སྒོར་མོའང་ཕྱིར་སློག་ངེས་རེད། འོན་ཀྱང་ས་ཁུལ་དང་སྡེ་བ་གང་ནས་མིང་ཐོ་མང་བ་རྒྱག་ན་ཕྱིས་ནས་ས་གནས་དེ་ལ་དམ་དྲག་མང་བ་བྱ་རྒྱུ་རེད། དེ་སྤྲང་རྒན་དེ་ཚོའི་འཆར་གཞི་རེད།
ཡང་གཟབ་ནན་བྱས་ནས་བལྟ་རྒྱུར། ཡུལ་སྐོར་སྤྲོ་འཆམ་ལ་འཁྲིད་མཁན་ཚན་པ་དེ་འདྲར་ཡང་གཞུང་འབྲེལ་གྱིས་རྒྱུད་སྐུལ་བྱ་ངེས་རེད། དེར་ཡང་ཡིད་འཇོགས་བྱ་དགོས།
ལར་ནས་རྒྱ་ནག་རྒྱལ་ཁབ་ཆེན་པོ་དེས་རྒྱ་གར་ནང་མགྲོན་ཁང་ཙམ་ཡང་བཙལ་མི་ཐུབ་པའི་དཀའ་ངལ་ག་ལ་ཡོད། དོན་ངོ་མར་གཞུང་འབྲེལ་གྱིས་བོད་མི་སྐོར་ཞིག་རྒྱ་གར་ནང་བལྟ་སྐོར་རམ་གནས་སྐོར་ལ་འཁྲིད་འདོད་ཡོད་ན་རྒྱ་གར་གཞུང་ལ་ཁ་པར་རྒྱག་ཐེངས་གཅིག་རེད། དེ་མིན་བཙན་བྱོལ་བོད་གཞུང་ལའང་འབྲེལ་བ་བྱ་ཆོག་གི་རེད། བོད་མི་ཚོར་དེ་འདྲའི་མགོ་སྐོར་གཏོང་ཆོག་ཆོག་ཅིག་ག་ལ་ཡོད།
བླ་མ་མཁྱེན་མཁྱེན་་་་་་་ད་རྒྱ་ནག་འདིས་ང་ཚོ་བོད་ལ་ག་འདྲ་བྱེད་ཀྱིན་ཡོད་པ་རེད། བོད་པ་ཚོ་རྣམ་རིག་སྟོད། རྒྱ་རྒན་སང་ལ་ཡིད་ཆེ་བྱེད་མི་ཉན།
ད་འགྲིག་གི་ཡོད་པ་རེད། ང་ཚོའི་གཞུང་ཕྱོགས་ནས་ཀྱང་འདི་ལ་རེ་བ་རྒྱག་གི་ཡོད་པ་མ་རེད་དམ།
མགོ་ལོག་་པ་ཚོ་༸རྒྱལ་བ་མཇལ་ས་ལ་རྒྱ་ནག་གཞུང་གིས་ཁྲིད་མི་ཡོང་ཤ་ཚ།
ཡང་རྒྱ་ནག་གིས་ཡང་མགོ་བསྐོར་བཏང་སོང་།
༧གོང་ས་མཆོག་མཇལ་ཁར་བཏང་ན་ནི། གོ་སྒྲིག་སུས་བྱས་ཀྱང་ཡག་པོ་རེད་སྙམ།
ཡིད་ཆེས་མེད་དོ།།།།
མགོ་བསྐོར་བཏང་གི་མེད་ན་ཡག་པོ་རེད། ལོ་གསར་རྗེས་སུ་བཞུགས་སྒར་དུ་དཔྱིད་ཆོས་ཞུས་ཀྱང་མ་འགྲིགས་པ་མེད།
གཡོ་ཇུས་གསར་པ་ཞིག་ཡིན་གྱི་རེད། དེ་བཟང་ཕྱོགས་ཀྱི་འགྱུར་བ་ཞིག་ཡིན་མིན་མི་ཤེས། འབྲོག་པ་རྣམས་ཀྱིས་ཁ་རུ་ཁ་ཐུག་ལབ་ནས་རྒྱ་ནག་གིས་ཁོག་རྩིས་ག་རེ་བརྒྱབ་ཡོད་མི་ཤེས། འདིའི་སྐོར་དབྱེ་ཞིབ་ཡག་པོ་བྱས་ན་ལེགས།