མདུན་ངོས།
About Us
  • English
Advertisement
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
No Result
ཆ་ཚང་གཟིགས།

བོད་ལུཊ་རླུང་འཕྲིན་འཕྲུལ་ཆས།

བོད་ཀྱི་དུས་བབ།
༢༠༡༡/༠༡/༡༢
Share on FacebookShare on TwitterShare on EmailShare on Whatsapp

ཁ་སང་ཕྱི་དྲོར་མཚོ་སྔོན་བོད་སྐད་རླུང་འཕྲིན་ལས་ཁུངས་ཀྱིས་ཟི་ལིང་དུ་བོད་ལུགས་ཀྱི་སྒྲ་སྡུད་གཏོང་འཕྲུལ་ཆས་ ༼ ཚངས་དབྱངས། ༽ ཞེས་པ་ཚོང་རར་འགྲེམ་སྤེལ་གྱི་མཛད་སྒོ་ཞིག་བསྡུས་ཡོད་པ་དང་། མཛད་སྒོའི་སྟེང་མཚོ་སྔོན་མི་དམངས་ཀུན་ཁྱབ་རླུང་འཕྲིན་ལས་ཁུངས་ཀྱི་འགན་འཛིན་གཞོན་པ་རྡོ་རྗེ་རིན་ཆེན་དང་། མཚོ་སྔོན་བོད་སྐད་རླུང་འཕྲིན་ཁང་གི་སྤྱི་ཁྱབ་ལྟ་སྐུལ་བ་ཆོས་ཕྱུག་རྒྱལ་དང་སྤྱི་ཁྱབ་ལྟ་སྐུལ་བ་གཞོན་པ་ལྷ་བརྟན་དང་དབྱངས་ཅན། མཚོ་སྔོན་བོད་སྐད་རླུང་འཕྲིན་དང་མཉམ་ལས་གནང་མཁན་ཏི་ཧྲིན་ཀུང་ཟིའི་ནུབ་བྱང་ས་ཁུལ་གྱི་ཚབ་འཚོང་པ་ཀྲིག་ལེང་། མཚོ་སྔོན་རླུང་འཕྲིན་ཚོང་རའི་མདོ་དབུས་ཁམས་གསུམ་གྱི་ཡན་ལག་ཚོང་ཁང་སོ་སོའི་སྦྱིན་བདག་ཁ་ཤས་བཅས་མཉམ་ཞུགས་བྱས་ཡོད་འདུག  

གསར་དུ་ཚོང་རར་ཐོན་པའི་རླུང་འཕྲིན་འཕྲུལ་ཆས་འདིའི་མིང་ལ་ཚངས་དབྱངས་ཞེས་བཏགས་འདུག་ལ། འདི་ནི་མཚོ་སྔོན་བོད་སྐད་རླུང་འཕྲིན་ཁང་གིས་ཇུས་འགོད་བྱས་ཤིང་། ཏི་ཧྲིན་སྒྲ་སྡུད་འཕྲས་ཆས་བཟོ་གྲྭ་དང་མཉམ་ལས་བྱས་ཏེ་བཟོས་པའི་བོད་ལུགས་ཀྱི་རླུང་འཕྲིན་འཕྲུལ་ཆས་ཐོག་མ་དེ་ཆགས་ཡོད་འདུག་ལ། འདི་ནི་འདས་པའི་ལོ་གསུམ་རིང་ཚོད་ལྟ་དང་ཇུས་འགོད་བྱས་པ་བརྒྱུད་ལེགས་འགྲུབ་བྱུང་བ་ཞིག་ཡིན་འདུག འདིའི་ཕྱི་དབྱིབས་གའུ་ལྟར་དུ་བཟོས་ཏེ་སྟེང་དུ་འཁོར་ལོའི་པ་ཏྲ་ཡོད་ཅིང་། གཡུ་དང་མུ་ཏིག་བཅས་ཀྱིས་ཕྲ་བརྒྱན་བཏབས་ཤིང་། ནང་དུ་ཆུ་ཤེལ་ལས་གྲུབ་པའི་མ་ཎི་འཁོར་ལོ་ཞིག་ཡོད་པར་བོད་ཀྱི་དད་མོས་ལྟར་དུ་གཟུངས་འཇུག་ཀྱང་དབུལ་ཆོག་པ་སོགས་བོད་ཀྱི་ཁྱད་ཆོས་འབུར་དུ་འཐོན་པ་བྱས་འདུག

འཕྲུལ་ཆས་དེར་འདར་སྙོམ་དང་རླབས་འབྲིང་། རླབས་ཐུང་། སློབ་རའི་རླུང་འཕྲིན་བཅས་ཀྱི་འཕྲིན་ལམ་བརྒྱུད་དེ་རླུང་འཕྲིན་ལ་ཉན་པའི་ནུས་པ་ཡོད་ཐོག ད་དུང་ MP3 དང་གསོག་སྡེར། གསོག་བྱང་སོགས་ལ་བརྟེན་ནས་སྒྲ་གཏོང་བའི་ནུས་པའང་ཡོད་ཟེར།

རླུང་འཕྲིན་འཕྲུལ་ཆེས་དབུ་འབྱེད་ཀྱི་མཛད་སྒོའི་སྟེང་། མཚོ་སྔོན་མི་དམངས་ཀུན་ཁྱབ་རླུང་འཕྲིན་ལས་ཁུངས་ཀྱི་འགན་འཛིན་གཞོན་པ་རྡོ་རྗེ་རིན་ཆེན་གྱིས་བཤད་རྒྱུར། ཚངས་དབྱངས་རྟགས་ཅན་གྱི་བོད་ལུགས་སྒྲ་སྡུད་གཏོང་འཕྲུལ་ཆས་ལ་ཕྱི་དབྱིབས་དང་བྱེད་ནུས་གཉིས་ཀྱི་ཆ་ནས་བོད་ཀྱི་ཁྱད་ཆོས་མངོན་གསལ་ལྡན་ཞིང་། དེ་ཚོང་རར་བཀྲམས་པ་དེས་བོད་མི་རིགས་ཀྱི་རིག་གནས་ཡར་རྒྱས་གོང་འཕེལ་དུ་སོང་བ་མཚོན་ལ། དེས་བོད་རིགས་མང་ཚོགས་ཀྱི་རིག་གནས་འཚོ་བ་ཕུན་སུམ་ཇེ་ཚོགས་སུ་གཏོང་བར་ནུས་པ་མི་དམན་པ་འདོན་ཐུབ་ངེས་རེད། ཅེས་བརྗོད་འདུག

 

གསར་འགོད་པ། ཨ་རིག་འགྱུར་མེད།

འབྲེལ་ཡོད་གསར་འགྱུར།

Uyghur Scholar Rahile Dawut [Photo: Uyghur Human Rights Project]
Mobile App

ཡུ་གུར་གྱི་སློབ་དཔོན་ཆེན་མོ་ཞིག་ལ་ཚེ་བཙོན་གྱི་ཁྲིམས་ཐག་བཅད།

ཆུ་ཚོད་ ༢༠ སྔོན་ལ།
EU trade chief Valdis Dombrovskis speaks at the Bund Summit in Shanghai on Saturday. Photo: Reuters
Mobile App

འཛམ་གླིང་གི་ཚོང་ཤག་ཆེ་ཤོས་གཉིས་ཀྱི་འབྲེལ་བ་ཇེ་སྡུག་ཏུ་འགྲོ་ཉེན་འདུག 

ཆུ་ཚོད་ ༢༠ སྔོན་ལ།
པད་མ་ཚེ་བརྟན་ལགས་བྱང་ཨ་རིར་གློག་བརྙན་དབུག
ས་ལྒང་གི་ཆེས་ཐོག་མའི་གཟིགས་འབུལ་ཞུ་ཆེད།
ཅི་ཀ་ཀོར་ཕེབས་པའི་སྐབས། (༢༠༡༩)
པར་དབང་། རིག་འབྱུང་དོན་གྲུབ་བཀྲ་ཤིས།
ཆོག་མཆན་ཞུས་པའི་ཐོག་ནས་པར་འདྲེན་བཀོད་བྱས།
Mobile App

བོད་ཀྱི་གློག་བརྙན་འཁྲབ་ཁྲིད་པ་གྲགས་ཅན་པད་མ་ཚེ་བརྟན་གྱི་མི་ཚེའི་ལོ་རྒྱུས།

༢༠༢༣/༠༩/༢༥
༸གོང་ས་མཆོག གསར་འགྱུར།

རྒྱ་གར་བོད་དོན་རྒྱབ་སྐྱོར་བའི་སྐུ་ཚབ་ཚོགས་ཆུང་ཞིག་བཞུགས་སྒར་ཁུལ་དུ་གཟིགས་སྐོར་གནང་བཞིན་འདུག

༢༠༢༣/༠༩/༢༢
སྤྱི་འཐུས་ཉི་ཤུ་ལྷག་གཞི་རིམ་མི་མང་གི་ལས་འགུལ་སྤེལ་སར་ཕེབས། བོད་ཀྱི་དུས་བབ་ཀྱི་པར།  ༢༠༢༣། ༠༩། ༢༢
Mobile App

དེ་རིང་ཉིན་གང་བོར་གྲོས་ཚོགས་འཚོགས་ཐུབ་མ་སོང་།  

༢༠༢༣/༠༩/༢༢
Mobile App

ཨ་རིའི་རི་འཛེགས་པ་གཉིས་བོད་ནང་འགྲོ་བསྐྱོད་བཀག་འགོག་བྱས་འདུག

༢༠༢༣/༠༩/༢༢

མཆན། 11

  1. ཇོ་རུ་ཚེ་རིང་། says:
    ལོ་ 13 སྔོན།

    རྭ་བློ་ལགས། སྤྱི་ཚོགས་ནི་མི་མང་གི་རེད། སྤྱི་ཚོགས་ཀྱི་གནད་དང་ལེགས་མཐའ་དག་སྤྱི་ཚོགས་དེའི་མི་མང་གིས་གླེང་ཞིང་བརྡར་ཤ་གཅོད་པའི་ཐོབ་ཐང་ཡོད་ནི་རེད། གནད་དོན་ལ་མཛུབ་མོ་བཙུགས་ནས་སྐད་ཆ་བཤད་རོགས། གང་བྱུང་བྱོ་སྡིག་མ་བྱེད། སྒྲ་སྡུད་འཁོར་ལོ་ཞིག་གའུ་གཟུགས་སུ་བཟོས་ཤིང་། དེའི་ནང་ལ་གཟུངས་བཞུགས་ཕུལ་ཏེ་ཁྱོད་ཀྱི་ལག་ཏུ་བཞག་ན། ཁྱོས་དེ་དད་རྟེན་གྱི་དངོས་བོ་ཞིག་ལ་ངོས་འཛིན་བྱེད་དམ། ཡང་ན། ཅི་དགར་སྤྱོད་ཆོག་ལ་གང་སར་གཡུགས་ཆོག་པའི་ཅ་དངོས་ཕལ་བ་ཞིག་ཏུ་ངོས་འཛིན་བྱེད་རྒྱུ་ཡིན། མ་གཞི་མི་རིགས་ཤིག་རང་རྐྱ་ཐུབ་པའི་སྒོ་ནས་ཡར་རྒྱས་སུ་འགྲོ་ཐུབ་མིན་དེ། མི་རིགས་རང་ཉིད་ཀྱི་སྤྱི་ཚོགས་ཀྱི་འཕེལ་རྒྱས་དེ་མི་རིགས་རང་གི་རྣམ་དཔྱོད་ལ་བརྟེན་རྒྱུ་དང་། མི་རིགས་སྤྱི་ཚོགས་ཀྱི་མཁོ་དངོས་རྣམས་རང་གི་ལག་པས་བཟོ་ཐུབ་པ་ཞིག་བྱུང་རྒྱུ་དེ་ཡིན་པས་ལས། མི་རིགས་རང་གི་དགའ་མོས་དང་དད་འདུན་སོགས་གཞན་གྱི་སྒོ་མོ་བསོགས་བྱེད་དུ་འགྱུར་རྒྱུ་དེ་མ་རེད་བསམ་གི།
    ད་དུང་། གསལ་བཤད་ཞུ་འདོད་པ་ཞིག་ལ། ངས་རེ་བར་རང་སྣང་གང་ཤར་གྱིས་གཞན་ལ་ཁ་རྡུང་གཏོང་འདོད་ཀྱི་སྣ་མགོའི་སྣང་བ་དག་གང་འདོད་མ་གཡུགས་རོགས་ཞུ།

    Reply
  2. གཟི་མིག་༣པ says:
    ལོ་ 13 སྔོན།

    ཐོག་མར་་མཚོ་སྔོན་རླུང་འཕྲིན་ལས་མི་ཡོངས་ལ་བཀྲིས་བདེ་ལེགས་ཞུ་།།།།།།།།།།
    ད་དུང་ཡང་འདི་དང་འདི་འདྲ་བ་མང་པོ་བཟོ་དབྱིབས་བསྒྱུར་རྒྱུ་ལྷག་ཡོད་པས་ཁྱེད་རྣམ་པས་གནང་རོགས་ཞུ་
    གོ་སྐབས་ཚང་མ་ཁྱེད་རྣམ་པར་ཡོད་པས་བློ་བརྩེ་འགྲིམས་རོགས་གནང་
    མདོ་དབུས་ཁམས་གསུམ་ནི་ཁྱིམ་གཞི་གཅིག་ཡིན་པས་སུས་བྱ་ཐུབ་ནས་ཁྱད་མེད་ཡིན་།

    Reply
  3. རྭ་རྒྱ་བློ་དབང་། says:
    ལོ་ 13 སྔོན།

    “རྨོངས་ཤིང་རྙིང་ཞེན་ཆེ་བའི་རྒན་པོ་རྒན་མོ་རེ་འགས་ནི། སྒྲ་སྡུད་འཕྲུལ་ཆས་དེའི་དབྱིབས་ཙམ་བཟུང་སྟེ་ཕྱག་འཚལ་བ་དང་། དེའི་ནང་ནས་ཅི་བཤད་ཚང་མ་བླ་མའི་གསུང་དུ་བརྩིས་ནས་དད་པའི་ཡུལ་དུ་མི་སྒོམ་པའི་ངེས་པའང་མེད་པས། ” ཞེས་ཟེར། འདི་ནི་ཧ་ཅང་ཐལ་མ་ཆེས་སམ། ང་ཚོའི་གཞོན་རབས་སམ་ཡང་ན་སྙུ་གུས་ཅི་ཞིག་འབྲི་བཞིན་པ་ཕལ་མོ་ཆེར་ཐུན་མོང་དུ་མངའ་བའི་ཁྱད་ཆོས་ཤིག་ནི། རང་ཉིད་ཀུན་མཁྱེན་དུ་རློམ་པ་དང་། གཞན་དག་གི་སྒོ་གསུམ་ནི་དོན་མེད་པ་ཞིག་ཏུ་སེམས་ཤིང་སྒྲོག་པ་འདི་རེད། ཐེངས་འདིའི་བོད་ལུགས་ཅ་ལག་འདིའི་ཐོག་ནས་ཀྱང་ཁ་མང་ལག་མེད་ཚོས་མང་པོ་ཞིག་བཤད་སོང་མོད། ཉལ་འདང་ལག་པ་བྲག་ཐོག་བཞག་ནས་རང་ལ་རྒྱུས་ཅུང་ཙམ་རེ་ཨེ་ལོན་ལྟོས་དང་ལེགས་ཉེས་ཀྱི་གསལ་ཁ་དེ་ནས་ཕྱེ་གི་རེད། སྤྱིར་བཏང་། ཅ་ལག་འདི་འདྲ་ཞིག་བྱུང་ན་འདྲ། མ་བྱུང་ན་འདྲ། སྐོར་ཞིག་ཧ་ཅང་རྨོངས་ཤིང་འཐོམ་ལ། སྐོར་ཞིག་ལྷག་ཏུ་སྤྱང་གྲུང་འཛོམས་ངེས་པ་ནི་ཆོས་ཉིད་ལྟ་བུ་ཞིག་རེད། དཔེར་ན། རང་རེའི་དྲ་ཐོག་དང་དེབ་ནང་གི་རྩོམ་འབྲི་བ་ཚོས་དུས་ནམ་ཡང་། རང་ལ་མི་ལྟ་རོགས་གཏམ་རྐྱང་རྐྱང་བཤད་པར་འཚེར་སྣང་ཙམ་ཡང་མེད་པ་ལྟ་བུ་རེད།

    Reply
  4. ཁ་བ་ནག་པོ། says:
    ལོ་ 13 སྔོན།

    མ་ཎི་རླུང་འཕྲིན་འདི་ནི་ཆོས་སྲིད་ཟུང་འབྲེལ་དང་ཆོས་སྲིད་མཉམ་གནས་ཡོང་ཐུབ་པའི་དཔང་རྟགས་གསོན་པོ་ཞིག་རེད། ཡ་ད་ཚང་མས་དགའ་བསུ་ཞུས།
    ཚང་མས་མཉམ་དུ།
    ཆོས་སྲིད་ཟུང་འབྲེལ། མ་ཎི་རླུང་འཕྲིན།
    ཆོས་སྲིད་ཟུང་འབྲེལ། མ་ཎི་རླུང་འཕྲིན།
    ཆོས་སྲིད་ཟུང་འབྲེལ། མ་ཎི་རླུང་འཕྲིན།
    ཆོས་སྲིད་ཟུང་འབྲེལ། མ་ཎི་རླུང་འཕྲིན།
    ཆོས་སྲིད་ཟུང་འབྲེལ། མ་ཎི་རླུང་འཕྲིན།

    Reply
  5. མི་ says:
    ལོ་ 13 སྔོན།

    ཆོས་འཁོར་དང་མ་ཎིའི་ཁོག་ནས་རྒྱལ་གཅེས་ཆོས་དང་ཏང་གི་སློབ་གསོ་གྲགས་ན་དགོད་བགྱི་ཡོང་གི་ཡ། ཚོང་པ་ཧེ་སྐྱ་ཞིག་གི་བྱ་རེད།

    Reply
  6. ཇོ་རུ་ཚེ་རིང་། says:
    ལོ་ 13 སྔོན།

    མ་གཞི་ཕྱཽགས་ཡོངས་ནས་མི་རིགས་འདི་ཉམ་ང་ཉག་ཕྲ་བའི་དུས་སྐབས་འདིར། བོད་ལུགས་སུ་བཟོ་བ་དང་། བོད་མིང་འདོགས་པ་བཅས་ཀྱི་ལས་གཞི་ཆེ་ཕྲ་ཆུང་གསུམ་ལ་དགའ་འགུ་ཡི་རངས་བྱེད་དགོས་སུ་མཆིས་མོད། སྒྲ་སྡུད་འཁཽར་ལོ་གའུ་གཟུགས་སུ་བཟོས་པ་དང་གཟུངས་བཞུགས་ཕུལ་བ་དེ་ནི། ཕྱོགས་ངོས་གཞན་ཞིག་ནས་བལྟས་ན། དད་རྟེན་དང་འཚོ་བའི་ཡོ་བྱད་གཉིས་གཞི་གཅིག་ཏུ་བསྲེས་པ་འདིས། བོད་མི་རིགས་ཀྱི་ཡུལ་སྲོལ་གོམས་གཞིས་ཅུང་ཙམ་མི་འཚམ་པར་འདོད་ལ། དེ་བཞིན། ཚོང་བ་དག་གིས་མི་རིགས་འདིའི་ཐུན་མིན་གྱི་དད་སྣང་དེ་བེད་སྤྱོད་བྱས་ཏེ་མགོ་སྐོར་གཏོང་བཞིན་པའི་བཟོ་ཞིག་ཀྱང་མངོན་འདུག ཡང་གཅིག་བཤད་ན། རྨོངས་ཤིང་རྙིང་ཞེན་ཆེ་བའི་རྒན་པོ་རྒན་མོ་རེ་འགས་ནི། སྒྲ་སྡུད་འཕྲུལ་ཆས་དེའི་དབྱིབས་ཙམ་བཟུང་སྟེ་ཕྱག་འཚལ་བ་དང་། དེའི་ནང་ནས་ཅི་བཤད་ཚང་མ་བླ་མའི་གསུང་དུ་བརྩིས་ནས་དད་པའི་ཡུལ་དུ་མི་སྒོམ་པའི་ངེས་པའང་མེད་པས། འདི་ནི་མཁས་པའི་ནོར་ན་འདོགས་གང་གི་རྗེས་སུ་སོང་བ་ཞིག་ཏུ་ཕྲན་མཐོང་ངོ།

    Reply
  7. ཚྭ་སྒང་ཕོ་ཉ། says:
    ལོ་ 13 སྔོན།

    དབྱིན་མིང་ཅན།
    བོད་ཡིག་དྲ་བ་འདིར་བོད་པ་ཞིག་གིས་རང་གི་མིང་དེ་བོད་ཡིག་ཐོག་མི་འབྲི་བ་དེ་ཡང་སེམས་པ་སྐྱོ་དགོས་པ་ཞིག་རེད་དྭ། གཞན་སྤྱི་མཐུས་ནས་བཟུང་སྟེ་མ་ཤེས་རབ་དང་མ་བྱུང་རབ་རྐྱང་རྐྱང་བཤད་ན་ཕན་པ་གང་ཡང་མེད་རང་ཉིད་ནས་མགོ་རྩམ་དགོས་རྒྱུ་ནི་དུས་ལ་བབ་པའི་འོས་འགན་ནོ།

    Reply
  8. རིགས་བཟང་། says:
    ལོ་ 13 སྔོན།

    མཚོ་སྔོན་རླུང་འཕྲིན་ཁང་ལ་བཀྲ་ཤིས་བདེ་ལེགས་ཞུ་བ་ཡིན།
    ཡིན་ན་ཡང་རླུང་འཕྲིན་འཕྲུལ་ཆས་འདིའི་སྟེང་ན་་སྲོལ་རྒྱུན་གྱི་བག་ཆགས་སྟུག་དྲག་བྱ།

    Reply
  9. GYAMTSO says:
    ལོ་ 13 སྔོན།

    ང་ཚོ་རང་དབང་ལུང་བའི་ནང་ཡོད་པའི་བོད་མི་ཚོས་ལྟོས་དང་གཞིས་སྡོད་མི་མང་གིས་སེམས་ཤུགས་སྙིང་སྟོབས་སྤོབས་པ་འདིས་མི་ལོ་ལྔ་བཅུའའི་རིང་ལ་འཐབ་རྩོད་གནང་བའི་བཀའ་དྲིན་ལ་བོད་མི་རིགས་འདི་གནས་ཐུབ་བྱུང་ཡོད། ངོ་ཚ་དགོས་པ་ཞིག་ལ་རང་དབང་ལུང་བའི་ནང་གི་ང་ཚོའི་འགོ་སྤྱི་འཐུས་ནས་བཟུང་རང་དགའ་གཉེན་སྡུག་གི་ཕྱོགས་སུ་ལྷུང་ནས་དུས་ནས་དུས་སུ་ངའི་ཁ་་་་་ཁྱོའི་རྣ་་་་་་ཟེར་ནས་འཐབ་རྩོད་བྱེད་པ་ལས་ལྷག་བསམ་རྣམ་དག་གིས་་རྩ་དོན་ལ་ཕན་པའི་ལས་ཀ་བྱེད་མཁན་སུ་སུ་ཡོད། གཞན་མཚོ་སྔོན་བོད་སྐད་རླུང་འཕྲིན་ལས་ཁུངས་ཀྱི་ཕྱག་ལས་གོང་འཕེལ་ཡོང་བའི་སྨོན་འདུན་དང་ཐུགས་རྗེ་ཆེ་ཞུ།

    Reply
  10. ཀརྨ་རྡོ་རྗེ། says:
    ལོ་ 13 སྔོན།

    བོད་པས་བཟོ་དགོས་པ་ལས། བོད་ལུགས་བཟོས་པས་ཕན་ཐོགས་ཆེར་མེད།

    Reply
  11. གངས་བུ་ལྷག་བསམ་ཅན། says:
    ལོ་ 13 སྔོན།

    དངོས་ཉིད་ཡག་པོ་འདུག བོད་ལུགས་ཀྱི་འཛམ་གླིང་དང་འགྲན་དགོས་པ་ཤེས་མཁན་དེ་མདོ་དབུས་ཁམས་གསུམ་ནང་ནས་ཨ་མདོ་ཆགས་སོང་། ལྷ་རྒྱལ་ལོ།

    Reply

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

+91-98823-47075 | +91-92189-38041 | +91-81972-44372
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese

Welcome Back!

OR

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist