༧གོང་ས་མཆོག་གིས་ཁོང་རིང་མིན་བགྲེས་ཡོལ་ཆ་ཚང་དུ་ཕེབས་རྒྱུའི་ཐུགས་འདུན་ཡོད་པའི་བཀའ་ནན་སྔ་རྗེས་སུ་བསྩལ་བ་དེས། དེང་སྐབས་ང་ཚོའི་སྤྱི་ཚོགས་ནང་སྐྱབས་མེད་མགོན་མེད་ཀྱི་ཚོར་སྣང་ལྟ་བུ་སྐྱེས་ཏེ། ཚོགས་སྒེར་མང་པོས་གཏན་བཞུགས་གནང་བའི་གསོལ་བ་ཕུར་ཚུགས་སུ་འདེབས་ཀྱིན་ཡོད་ནའང་། སྔ་རྗེས་སུ་བསྩལ་བའི་བཀའ་སློབ་རྣམས་དང་། ལྷག་པར་ཉེ་དུས་ཝཱ་རཱ་ཎ་སཱིར་ཆོས་ཞུ་བ་རྣམས་ལ། ངོས་རང་ཕྱེད་རྒན་ཡོལ་ཞེས་པ་དེ་ཕྱི་ལོ་ ༢༠༠༡ ནས་ཡིན་ལ། ད་ཆར་ད་དུང་ངོས་ཀྱིས་སྲིད་འཛིན་གྱི་མིང་འཛིན་ལྟ་བུ་བྱས་ཏེ། ཡིག་ཆ་དེ་འདྲ་ལ་མིང་རྟགས་འགོད་རྒྱུས་མཚོན་པའི་ལས་འགན་འགའ་རེ་ཡོད་པ་དེ་དག་བསྒྱུར་བཅོས་གཏོང་དགོས་ཀྱི་འདུག །ཅེས་བསྩལ་བ་དང་། བཀའ་ཁྲི་མཁས་དབང་ཟམ་གདོང་རིན་པོ་ཆེས། བོད་ནས་གསར་དུ་འབྱོར་བ་རྣམས་ལ། འབྱུང་འགྱུར་ཕྱི་ཟླ་ ༣ པའི་ནང་བགྲེས་ཡོལ་ཆ་ཚང་ཕེབས་རྒྱུ་དང་། བཙན་བྱོལ་བོད་མིའི་སྒྲིག་འཛུགས་ཀྱི་ཆབ་སྲིད་ཀྱི་གནས་བབ་ཐོག་༧གོང་ས་མཆོག་གིས་ཐུགས་འགན་བཞེས་མི་དགོས་རྒྱུའི་བཀའ་བསྩལ་ཡོད། ཅེས་གསུངས་པ་རྣམས་ལ་བལྟས་ན་ཏན་ཏན་ཁོང་བགྲེས་ཡོལ་དུ་ཕེབས་གནང་གི་རེད།
ཁོང་བགྲེས་ཡོལ་དུ་ཕེབས་པའི་དགོས་དམིགས་ཡེ་ཤེས་དབྱིངས་དཔྱད་ཡིན་པའི་རྒྱུ་མཚན་གྱིས་ང་ཚོས་དཔྱིས་ཕྱིན་ཞིག་ཤེས་པར་དཀའ་ནའང་། ཕར་བལྟས་ཚོད་ལ། རྒྱ་ནག་གཞུང་གི་ཕྱི་ནང་གསང་བའི་བྱེད་བབས་གང་ཐད་ནས་གནས་སྐབས་རིང་བོད་དོན་ཐག་གཅོད་མི་ཡོང་བ་མངོན་གསལ་དུ་གྱུར་པས། ང་ཚོའི་བཙན་བྱོལ་སྒྲིག་འཛུགས་འདི་ཡུན་གནས་ཡོང་ཆེད་གཞོན་སྐྱེས་རྣམས་ལ་སྤྱི་ཡོངས་ནས་བརྒྱུད་སྤྲོད་བྱས་ཏེ་འགན་འཁུར་གྱི་སྦྱོང་བརྡར་བྱ་བཅུག་པ་དང་། རྒྱ་རིགས་གདུལ་བྱའི་གཙོ་བོར་བྱས་པའི་ཤར་ནུབ་ཀྱི་ཡུལ་གྲུ་རྣམས་ལ་ཟབ་ཅིང་རྒྱ་ཆེ་བའི་ཆོས་འཁོར་སྔར་ལྷག་གིས་བསྐོར་ཏེ། གོང་ས་ལྷ་མིའི་རྣམ་འདྲེན་གྱི་མཚན་གནས་མཐར་ཕྱིན་པ་ཞིག་དང་། ཆབ་སྲིད་ཀྱི་རྙོག་མིང་འདྲ་མིན་མེད་པའི་གོ་སྐབས་དང་བསྟུན་ཏེ་ཕ་ཡུལ་བོད་དང་། རྒྱ་ནག་གི་ས་ཆ་རྣམས་སུ་ཆིབས་སྒྱུར་བསྐྱང་ཐུབ་པའི་འབད་འབུང་གནང་རྒྱུ་མ་ཚད། རི་བོ་ཧི་མ་ལ་ཡའི་ལྷོ་ཕྱོགས་ཀྱི་རི་སུལ་ཡས་མས་རྣམས་སུ་ཕེབས་བཞུགས་ཀྱིས་མདོ་སྔགས་ཀྱི་ཉམས་ལེན་དཔྱིས་ཕྱིན་གནང་བས་ཉམས་རྟོགས་གོང་འཕེལ་དུ་མཛད་དེ། དེང་སྐབས་འཛམ་གླིང་ཐོག་གླེང་སློང་ཆེ་གྲས་ཡིན་པའི་ཁོང་གི་ཡང་སྲིད་གོང་ས་བཅོ་ལྔ་པའང་གང་ཟག་གཞན་པའི་ཐག་གཅོད་ལ་ལྟོས་འདུག་མི་དགོས་པ། ཀརྨ་པ་སྐུ་ཕྲེང་ན་རིམ་རྣམས་ཀྱི་ལུགས་ལྟར། འདའ་ཁའི་ཞལ་ཆེམས་རང་གིས་ཁྲི་ལ་འཁོད་ཐུབ་པ་ཞིག་གནང་བ་སོགས་ཡིན་སྲིད།
ཁོང་བགྲེས་ཡོལ་དུ་ཕེབས་རྗེས་ནམ་རྒྱུན་གྱི་འཛིན་སྐྱོང་ལ་ཇུས་གཏོགས་དང་། གླེང་རྙོག་ཆུང་ཚེགས་ཐག་གཅོད་མི་དགོས་པ་དེས། བོད་མི་སྤྱི་ཡོངས་ཀྱི་ངོས་ནས་གུས་མཐོང་སྔར་བས་ཆེ་རུ་འགྲོ་ངེས་ཤིང་། ཁོང་གིས་གཞི་རྩའི་བོད་མིའི་བདེ་སྡུག་ནམ་ཡང་བློས་གཏོང་གནང་མི་སྲིད་པའི་ཕྱིར་ན། ཁོང་གི་སྐུ་ཚེ་ཞབས་པད་བརྟན་རིང་ང་ཚོའི་མགོན་སྐྱབས་ཀྱི་ལྷ་དང་། ལམ་སྟོན་གྱི་ཉི་མ་མེད་པ་ཡོང་གི་མ་རེད། ཁོང་བགྲེས་ཡོལ་དུ་ཕེབས་པའི་སྐུ་ཚབ་ནི། ཁོང་གིས་བོད་དོན་ཐད་ཡུན་རིང་སྐུ་ལས་བསྐྱོན་པའི་གྲུབ་འབྲས་གཙོ་བོ། ཆོས་སྲིད་ཟུང་འབྲེལ་གྱི་བཙན་བྱོལ་བོད་མིའི་སྒྲིག་འཛུགས་འདི་ཡིན་ཅིང་། འདི་ཉིད་བོད་མི་ཁག་གཅིག་ལྟར་བོད་དོན་ཁ་ལ་ཁྱེར་ཞོར་དགྲ་གྱོད་ཀྱི་ནང་དུ་གཡུག་མ་བཞག་པར། བོད་དོན་གྱི་རྩ་བའི་སྲོག་གནད་དུ་ཤེས་པའི་རྩི་མཐོང་གིས་ཡུན་གནས་དང་ཡར་རྒྱས་ཡོང་ཐབས་ལ་འབད་ན་དེ་གས་ཆོག་བསྡད་ཡོད། འདི་ལས་ལྷག་པའི་སྐུ་ཚབ་ཅིག་རྙེད་ཐབས་མེད་ལ་དགོས་དོན་ཀྱང་མེད་དོ། །
བབ་འོས་བགྱིས་ན་ལས། མ་རྟོག་ལོག་རྟོག་གིས་གང་སར་ལག་པ་འཆང་དགོས་དོན་མི་འདུག
༼ཁ་གཏད་རྒྱ་ཕྱོགས་མཁྲེགས་དབང་༽གིས་ཟེར་བ་ལྟ་བུའི་བསམ་ཚུལ་འདི་རིགས་གང་དུ་འཐེན་ཆོག་ཆོག་ཅིག་ཡིན་སྟབས། ཁ་ཙམ་ལས་ནང་མ་སྟོང་བ་ཞིག་ལབ་དགོས་ཀྱི་རེད།
དེ་མིན་༧གོང་ས་མཆོག་གི་ཡང་སྲིད་ཕེབས་ཕྱོགས་གཞན་དཔེ་མཚུངས་བསྡུར་མི་དགོས་པའང། ༧སྟོན་པ་རང་ཉིད་བསྟན་པའི་ནང་དོན་ལ་མངའ་བརྙེས་པས་རེད།
དཔེར་ན། འདི་ལོའི་ལོ་འགོར་རྒྱ་རིགས་ཚོར་དྲ་ལམ་ནས་བཀའ་བསྩལ་བ་ལྟར་རོ།
དྲྭ་གྲོགས་ལྷ་མོ་དོན་གྲུབ་ལགས། བོད་ཀྱི་དུས་བབ་ཁང་ནས། ༸གོང་ས་མཆོག་བགྲེས་ཡོལ་དུ་བཞུགས་འོས་མིན་སྐོར་ལ་འོས་ཤོག་བསྡུས་ནས་བགྲེལ་ཡོལ་དུ་ཕེབས་བཞེད་བཞིན་གནང་བར་མོས་མཐུན་གནང་མཁན་བརྒྱ་ཆའི་བརྒྱད་ཅུ་ཟིན་པ་བདུན་ཕྲག་སྔོན་མའི་དུས་བབ་ཚགས་ཤོག་ཏུ་བཀོད་ཟིན་པ་རེད།
སྤྱི་འཐུས་ནས་༸གོང་ས་མཆོག་གྲེས་གཡོལ་དུ་མི་ཕེབས་རོགས་ཞུས་པར་བློ་ཕམ་ཡོད། སྤྱི་འཐུས་ལྷན་རྒྱས་ནས་རྩོམ་འདིར་བསམ་བློ་ཞིབ་ཚགས་ཤིག་ཐོངས་རོགས། ༸གོང་ས་མཆོག་གིས་བཙན་བྱོལ་བོད་མིའི་སྒྲིག་འཛུགས་བསྲ་བརྟན་དང་རང་མགོ་རང་འཐོན་བཟོ་རྒྱུའི་ཐབས་ཤེས་མཛད་བཞིན་པ་འདིར་ཟམ་གདོང་རིན་པོ་ཆེ་ལྟར་སྤྱི་འཐུས་ནས་ཀྱང་རྒྱབ་སྐྱོར་གནང་གལ། ཕྲན་གྱིས་སྔ་མོ་ནས་རྒྱབ་སྐྱོར་ཆ་ཚང་ཞུ་ཡི་ཡོད།
བོད་ཀྱི་དུས་བབ་ཁང་ནས། ༸གོང་ས་མཆོག་བགྲེས་ཡོལ་དུ་བཞུགས་འོས་མིན་སྐོར་ལ་འོས་ཤོག་ཅིག་བསྡུས་ན་ག་འདྲ་འདུག
༧གོང་ས་མཆོག་ངེས་པར་དུ་བགྲེས་ཡོལ་དུ་ཕེབས་དགོས། ཁོང་བགྲེས་ཡོལ་དུ་ཕེབས་ན་དགེ་མཚན་ཤིན་ཏུ་ཆེ། བོད་ཀྱི་གནད་དོན་འཕྲལ་མར་མི་འགྲུབ་ཀྱང་བོད་དོན་ཐོག་ཕ་ཚ་བུ་རབས་བརྒྱུད་ནས་འཛིན་དགོས་པ་དང་དེ་ཉིད་མི་ཉམས་རྒྱུན་འཛིན་བྱེད་སའི་ས་གནས་དང་གཞུང་ཅིག་ངེས་པར་དུ་དགོས་པས། ད་ལྟ་༧གོང་ས་མཆོག་བཞུགས་ཡོད་པའི་སྐབས་ནས་བོད་ཀྱི་དབུ་འཁྲིད་ཞིག་ཡོད་ན་གཞུང་གི་འགྲོ་སྟངས་རྣམས་ཚགས་ཚུབ་པོ་ཡོང་བ་དང་ལྷག་པར་དུ་༧གོང་ས་མཆོག་གློ་བུ་ར་གཤེགས་ཀྱང་གནང་དག་མེད་པར་བརྟན་པོར་གནས་ཐུབ། དེ་མིན་གོང་ས་མཆོག་བཞུགས་པའི་སྐབས་འདིར་ཁོང་དགོངས་པ་མ་རྫོགས་བར་དུ་བོད་ཀྱི་དབུ་འཁྲིད་གནང་ཞེས་གསོལ་བ་འདེབས་ན་ཁོང་ཞིང་དུ་ཕེབས་རྗེས་ག་འདྲ་གནང་གི་ཡིན་ནམ། ཡང་ན་ཁོང་བསྐལ་བརྒྱར་སྐུ་མི་གཤེགས་པར་བཞུགས་ཀྱི་རེད་དམ། ཁོང་སྐུ་མི་གཤེགས་པར་དུ་གསོལ་བ་རང་འདེབས་ནས་བོད་ཀྱི་དབུ་འཁྲིད་གནང་དགོས་ལབ་བསྡད་ན་ཉིན་གཅིག་༧གོང་ས་མཆོག་སྐུ་གཤེགས་པ་དང་བོད་ཕྱི་ནང་གཉིས་སུ་གཏན་གཏན་གནས་ཚུལ་ངན་པ་ཞིག་ལྷག་གི་རེད།
ད་དུང་༧གོང་ས་མཆོག་ནས་ཏན་ཏན་གྱི་ཁོང་གི་ཡང་སྲིད་འདི་ཡིན་ཞེས་པའི་ཕྱག་ཡིག་ཞིག་མ་གནང་ཚེ་དེ་ནས་བོད་འདི་གོང་ས་མཆོག་གི་ཡང་སྲིད་ཐད་ལ་གནད་དོན་ཆེན་པོ་ཞིག་ལྷག་ཡོང་བ་མངོན་གསུམ་རེད། བོད་ཕྱི་ནང་གཉིས་ནས་རེ་རེ་ཡོང་གི་རེད་ལ་དེའི་ཐད་ལ་ཆོས་རྒྱུད་ཁག་དང་ཆོལ་ཁའི་བར་དུ་གནད་དོན་མང་པོ་ཞིག་ལྷག་གི་རེད། རབ་བྱུང་ན་༧གོང་མཆོག་གིས་ངའི་ཡང་སྲིད་འདི་ཡིན་ཞེས་དང་ཡང་ད་ནས་བཟུང་ཡང་སྲིད་མེད་ཞེས་གསུངས་ན་ཡག་ཤོས་རེད། བོད་ཀྱི་དབུ་འཁྲིད་ནི་བཀའ་ཁྲིས་གནང་གི་རེད་ལ་ཆོས་ལུག་ཁག་ནི་སོ་སོའི་དགེ་བཤེས་དང་མཁན་པོ་གྲུབ་དབང་རྣམས་ཀྱི་སྐྱོང་གི་རེད། བོད་གཞུང་རང་ལ་ཆོས་ལུགས་མེད་ཀྱང་མཆོག
སྐྱོ་བྲག་དགའ་དབང་ལགས་སུ་༽. ཀརྨ་པ་འདའ་ཁའི་ཞལ་ཆེམས་རང་གིས་ཁྲི་ལ་འཁོད་ཐུབ་པ་སོགས་༽ ་ཞེས་ཁ་གསལ་མཚན་འཁོད་མེད་འདུག་། དེར་རྟེན་སི་ཏུ་ཞ་དམར་གཉིས་ཀའི་ཀརྨ་རྣམ་གཉིས་ལ་ངོ་འཛིན་ཞུས་ན་ཆོག་གམ་??????????ཆོག་ན་གང་དགེ་ཞུ་རྒྱུ་། དེ་མིན་གཅིག་རང་རེད་ཟེར་ནས་གསུངས་རྒྱུ་འདྲ་ཡོད་ན་། ????!
༧གོང་ས་མཆོག་གི་བགྲེས་ཡོལ། – སྐྱོ་བྲག་དགའ་དབང་། ལགས་ཀྱི་རྩོམ་འདི་རྨད་དུ་བྱུང་བ་རེད་འདུག་པས། རྒྱབ་སྐྱོར་བརྒྱ་ཆ་བརྒྱ་ཐམ་པ་ཡོད་ལགས། ཐུགས་རྗེ་ཆེ།