.jpg)
ཉེ་ལམ་ཁ་བ་ཅན་གློག་བརྙན་ཁྱབ་སྤེལ་ཁང་གིས་ཕབ་སྐྲུན་སྒྲིག་སྦྱོར་དང་། ཞི་བདེ་ཉི་མ་ལགས་ཀྱིས་འཁྲབ་ཁྲིད་བྱས་པའི་གློག་བརྙན་བརྩམས་ཆོས་གསར་པ་༼སྒྲོལ་མའི་མགུལ་རྒྱན༽ཞེས་པ་དེ་དབུས་སྐད་དང་ཨམ་སྐད་གཉིས་གཙོས་པའི་རྒྱ་སྐད་དང་། དབྱིན་སྐད་སོགས་ཀྱི་ཐོག་སྒྲིག་སྦྱོར་བྱས་ཏེ་ཡོངས་སུ་ལེགས་འགྲུབ་བྱུང་འདུག་ལ། བོད་ལྕགས་མོ་ཡོས་ལོའི་ལོ་སར་སྐབས་དང་བསྟུན་ཏེ། རྒྱ་ནག་དབུས་བརྙན་འཕྲིན་ཁང་དང་། མཚོ་སྔོན་བོད་སྐད་བརྙན་འཕྲིན་ཁང་བཅས་ནས་མང་ཚོགས་ལ་གཟིགས་འབུལ་བྱ་འཆར་ཡོད་འདུག
གློག་བརྙན་འདིའི་ནང་། མིང་ལ་སྒྲོལ་མར་འབོད་པའི་ཕྱུག་རྫི་བུ་མོ་ཞིག་གི་སྤྱིར་བཏང་གི་འཚོ་བའི་ཁྲོད་ཀྱི་ཆེས་བབ་ཆགས་དང་། ཆེས་མཛེས་སྡུག་ལྡན་པའི་ཡིད་འགུག་གི་གཏམ་རྒྱུད་ཅིག་གི་བྱུང་རིམ་བརྒྱུད་དེ། མཐར་བུ་མོ་དེས་རྒྱུ་འབྱོར་དང་ཕྱི་ཡུལ་གྱི་མཛེས་སྡུག་སོགས་ཡོད་ཚད་བློས་གཏོང་གིས་ནང་སེམས་ཀྱི་མཛེས་སྡུག་ལ་བསྙེགས་པའི་བརྒྱུད་རིམ་གསལ་བོར་བསྟན་ཡོད་ཅིང་། གློག་བརྙན་དེས་མཐོ་སྒང་ན་གཞིས་ཆགས་པའི་བོད་མིའི་འཚོ་བ་དངོས་རྗོད་ཀྱིན་པར་མ་ཟད། བོད་མི་རིགས་ཀྱི་སྙིང་རྗེ་དང་བྱང་སེམས། སེམས་ཅན་ཐམས་ཅད་ལ་བདེ་བ་ལྡན་ཞིང་སྡུག་བསྔལ་ཞི་བའི་གསོལ་འདེབས་ཀྱི་གོམས་སྲོལ་བརྒྱུད་དེ། མཐོ་སྒང་དུ་གནས་སྡོད་བོད་མི་རྣམས་ཀྱི་མི་ཚེའི་འཚོལ་སྙེག་གི་ཟུར་ངོས་གཞན་ཞིག་ཀྱང་བསྟན་ཡོད་ཟེར།
གསར་འགོད་པ། དོན་གོས་བསྡུ་སྒྲིག་བྱས།
མཐར་བུ་མོ་དེས་རྒྱུ་འབྱོར་དང་ཕྱི་ཡུལ་གྱི་མཛེས་སྡུག་ཡོད་ཚད་བློས་གཏོང་གི་ནང་སེམས་ཀྱི་མཛེས་སྡུག་ལ་བསྙེགས་པའི་བརྒྱུད་རིམ་གསལ་པོར་བསྟན་ཡོད་པ་འདི་འདྲ་ཞིག་ཡིན་ན་རྒྱ་ནག་དབུས་བརྙན་འཕྲིན་ཁང་ནས་སྟོན་དགོས་པ་ལ་ངོ་མ་རྒྱུ་མཚན་འདུག མི་རིགས་ཤིག་གི་མགོ་གནོན་དགོས་ན་བོད་མི་རིགས་ཀྱི་སྙིང་རྗེ་དང་བྱང་སེམས། སེམས་ཅན་ཐམས་ཅད་ལ་བདེ་བ་ལྡན་ཞིང་སྡུག་བསྔལ་ཞི་བའི་གསོལ་འདེབས་ཀྱི་རིགས་དར་ཞིང་རྒྱས་དགོས་པ་འདི་ལོ་རྒྱུས་ཀྱི་བདེན་དབང་བྱས་ཡོད་པས་དངོས་དོན་ཞིག་རེད། ང་ཚོའི་རང་མི་རིགས་ཀྱི་དཀའ་ངལ་སེལ་ཐབས་ལ་འབད་བརྩོན་བྱས་ཏེ་དེ་ནས་སེམས་ཅན་གཞན་གྱི་བདེ་སྡུག་ལ་གདོང་ལེན་བགྱིས་ན་འོས་འཚམས་ཤིག་མ་ཡིན་ནམ། གསོལ་འདེབས་ཀྱིས་གང་ཡང་འཐུས་ན་ང་ཚོའི་གནས་བབ་འདི་འདི་འདྲའི་ཉམ་ཆུང་དང་། ཉམ་ཐག ཉམ་ང་བ་ཞིག་ཏུ་ཅི་ལ་འགྱུར།
བཀྲ་་་ཤིས་བདེ་ལེགས། སྒྲོལ་མའི་མགུ་རྒྱན་ཞེས་པའི་གཟིགས་མོ་ཞིག་གསར་འགྱུར་སྤེལ་བ་ཐུགས་རྗེ་ཆེ། གང་ཡིན་ཟེར་ན་ང་རང་གློག་བརྙན་ལ་དགའ་བོ་ཡོད།
སྒྲོལ་མའི་མགུར་རྒྱན་ཞེས་པའི་གློག་བརྙན་དེ་དངོས་གནས་མཐོང་འདོད་ཞེ་དྲགས་བྱུང་། ཡིན་ན་ཡང་རྒྱ་ནག་པོའི་སྲིད་ཇུས་ཀྱི་སླད་མེད་པ་ཡོང་མི་སྲིད་པ་རེད་སྙམ། དེང་སང་ཁོང་ཚོས་དངོས་ཤུགས་བརྒྱུད་གསུམ་གྱི་ལམ་ནས་ཁྱབ་སྤེལ་དང་། ངོམས་སོ་བྱེད་ཀྱིན་ཡོད་པ་རེད།
གསར་འགོད་པ་ལགས་ཀྱིས་གློག་བརྙན་དེར་ལེའུ་ག་ཚོད་ཡོད་མེད་མ་གསུངས་བ་དེ་ཅུང་མ་འགྲིགས། གང་ཡིན་ཟེར་ན། སྒྲུང་རིང་ལེའུ་མང་པོ་ཡོད་པའི་སྒྱུ་རྩལ་ཅན་གྱི་སྟོན་མོ་ཞིག་ཡོད་ཚེ་བལྟ་འདོད་ཀྱི་ཚོར་ཤུགས་ལྷག་ཏུ་འབར་ཡིན།
ཨ་ཁུ་ཞི་བདེ་ལགས། བཀྲ་ཤིས་བདེ་ལེགས།
མང་པོ་ཞིག་གིས་ཁྱེད་རང་སྤྱང་གིས་རང་གཤིས་ལ་དགའ་བ་ནོར་འདུག་ཟེར་ཡང་། ང་ཁྱེད་ལ་ཧ་ཅང་དགའ། རྒྱུ་མཚན་ཁྱེད་རང་ནི་ངེས་དོན་གྱི་སྒྱུ་རྩལ་བྱང་ཆུབ་པ་ཞིག་རེད།
དེ་ནི་རྗེས་སུ་ཡིད་རིང་གི་གནས་ཤིག་རེད། འདི་ལྟར་རིག་གཞུང་གོང་སྤེལ་གཏོང་དགོས་པ་རེད།
ཨོ་ངོ་མ་ཡ་མཚན་ནི་ཞིག་རེད་
བོད་པ་ཞིག་གི་སེམས་ཤུགས་དང་བོད་ཞིག་གི་རྣམ་སྤྱོད་དེ་ལ་གུས་ཞབས་ཡོད་ཡ།
བོད་ནང་ནས་ད་ནི་སྙན་ངག་དང་སྒྲུང་གཏམ་སྐོར་གྱི་འགྲན་བསྡུར་མཚམས་བཞག་ནས་གློག་བརྙན་འགྲན་བསྡུར་མགོ་བརྩམས་པ་རེད། འོན་ཀྱང་ག་དུས་ཡིན་ན་ཞི་བདེ་ཉི་མ་སྔོན་དུ་ཤོར་ཡོད། སྔོན་སྙན་ངག་ཕྱོགས་ནས་ཤོར། དེའི་རྗེས་ཁ་ཤགས་སྐོར་ནས་ཤོར། ད་ནི་གློག་བརྙན་ཕྱོགས་ནས་ཀྱང་ཤོར་སོང་། མོ་སྟོན་ཕག་མགོ་ངས་སེམས་ནས་མི་བརྗེད་ཀི ། ཞི་བདེ་ཉི་མ་ཕྱོགས་ཀུན་ནས་རྒྱལ་གྱུར་ཅིག
ཨ་ཁུ་ཞི་བདེ་ལགས། བཀྲ་ཤིས་བདེ་ལེགས།
གྲྭ་བ་ཚོས་རྐང་འོག་ནས་འདས་ལོག་བརྒྱབ་ཡོང་བའི་བུ་རྒོད་པོ་ཁྱེད།
སྒང་བ་བོད་པ་ཚང་ལ་ཇི་འདྲའི་དགོས་མཁོ་ཆེ་བ་ལ།
ཁ་དྲོ་བཀྲ་ཤིས།
མོ་སྟོན་ཕག་མགོ་ནས་སྒྲོལ་མའི་འགུལ་རྒྱན་སླ་མོ་མ་རེད་ཡ། བཀྲ་ཤིས་བདེ་ལེགས་ཡོད།
《སྒྲོལ་མའི་སྐེ་རྒྱན》ལ་ལེའུ་ག་ཚོད་ཡོད་མེད་མ་ངེས་པ་འདིས་གསར་འགྱུར་ཕྱེད་ཀར་བཏང་འདུག