གྲངས་ཉུང་མི་རིཊ་ཀྱི་རྩོམ་རིག

རྒྱ་ནག་པེ་ཅིན་དུ་ཟླ་འདིའི་ཕྱི་ཚེས་ ༡༢ དང་ ༡༣ ཉིན་གཉིས་རིང་གྲངས་ཉུང་མི་རིགས་ཀྱི་རྩོམ་རིག་དུས་དེབ་སྐོར་གྱི་ཚོགས་འདུ་ཞིག་ཚོགས་ཡོད་ཅིང་། ཚོགས་འདུ་དེའི་སྟེང་རྒྱ་ནག་རྒྱལ་ཡོངས་གྲངས་ཉུང་མི་རིགས་ཁག་གི་རྩོམ་རིག་དུས་དེབ་ཧ་ཅང་མང་པོ་ཞིག་མཉམ་ཞུགས་བྱས་ཡོད་འདུག་ལ། བོད་པའི་རྩོམ་རིག་དུས་དེབ་༼ སྦྲང་ཆར ༽ གྱི་རྩོམ་སྒྲིག་པ་ཟླ་བ་བློ་གྲོས་དང་། ༼ བོད་ཀྱི་རྩོམ་རིག་སྒྱུ་རྩལ ༽ གྱི་རྩོམ་སྒྲིག་པ་དཔལ་ལྷ། ༼ སྤང་རྒྱན་མེ་ཏོག ༽ གི་རྩོམ་སྒྲིག་པ་གཞོན་པ་བཀྲ་ཤིས་གླིང་ཆུང་བདག་བཅས་དང་། གཞན། བོད་རིག་རྩོམ་པ་པོ་བསྟན་འཛིན་དང་ཡེ་ཤེས་ཚེ་རིང་སོགས་མཉམ་ཞུགས་བྱས་ཡོད་འདུག

ཚོགས་འདུ་དེའི་སྟེང་རྒྱ་ནག་རྒྱལ་ཡོངས་གྲངས་ཉུང་མི་རིགས་ཁག་གི་དུས་དེབ་སྣ་ཚོགས་འགྲེམས་སྟོན་བྱས་ཡོད་ཀྱང་། བོད་པའི་རྩོམ་རིག་དུས་དེབ་གོང་སྨོས་གསུམ་ལས་ཞུགས་ཐུབ་མེད་སྟབས། སོག་པོ་དང་ཡུ་གུར་སོགས་གྲངས་ཉུང་མི་རིགས་ཆེ་ཁག་གཞན་དང་བསྡུར་ན། བོད་པ་ཅུང་ཉམས་ཞན་ལྟ་བུའི་མཐོང་ཚུལ་བྱུང་ཡོད་འདུག ཚོགས་འདུ་དེའི་ཟུར་དུ་བསྡུས་པའི་(མི་རིགས་རྩོམ་རིག་དུས་དེབ་ཀྱི་རྒྱ་ཡིག་པར་མ་སྤེལ་ཏེ་ལོ་འཁོར་སུམ་ཅུ་ལོན་པའི་མཛད་སྒོ) ཞེས་པའི་སྟེང་། བོད་རིག་ན་གཞོན་བརྩམས་སྒྲུང་རྩོམ་པ་པོ་དང་། གློག་བརྙན་འཁྲབ་གཞུང་རྩོམ་པ་པོ་པད་མ་ཚེ་བརྟན་ལགས་ཀྱི་གློག་བརྙན་འཁྲབ་གཞུང་ལྷིང་འཇགས་ཀྱི་མ་ཎི་རྡོ་འབུམ་སོགས་གློག་བརྙན་འཁྲབ་གཞུང་སྐོར་ཞིག་ལ་གྲངས་ཉུང་མི་རིགས་ཀྱི་ཕུལ་བྱུང་གློག་བརྙན་འཁྲབ་གཞུང་གི་བྱ་དགའ་ཐོབ་ཡོད་འདུག་ལ། ལོ་ཙཱ་བ་རྡོ་རྗེ་མཁར་ལ་མི་རིགས་ཀྱི་རྩོམ་རིག་དུས་དེབ་ཀྱི་ ༢༠༡༠ ལོའི་བྱ་དགའ་ཐོབ།