ཟླ་འདིའི་ཕྱི་ཚེས་ ༡༥ ཉིན་གྱི་ཉིན་རྒྱབ་ཆུ་ཚོད་ ༢ པའི་སྟེང་སི་ཁྲོན་ཞིང་ཆེན་རྔ་པ་ཁུལ་མཛོད་དགེ་ལྕང་ཚ་དྲན་པ་དགོན་པའི་རང་ལོ་ ༣༩ ཡིན་པའི་གྲྭ་བཟོད་པ་རྒྱ་མཚོ་ལགས། ན་ཚའི་རྐྱེན་པས་རྒྱ་ནག་ཁྲིན་ཏུའུ་གྲོང་ཁྱེར་གྱི་སྨན་ཁང་ཞིག་ཏུ་སྨན་བཅོས་བྱེད་སྐབས། མཛོད་དགེ་རྫོང་ཉེན་རྟོག་པ་ ༧ ཙམ་བསླེབས་ཏེ་རྒྱུ་མཚན་གང་ཡང་འགྲེལ་བཤད་མེད་པའི་ཐོག་ནས་འཛིན་བཟུང་བྱས་ཡོད་འདུག
གྲྭ་བཟོད་པ་རྒྱ་མཚོ་ལགས་སྔོན་མ་རྒྱ་གར་ནང་ལོ་མང་རིང་སློབ་གཉེར་གནང་མྱོང་མཁན་ཞིག་ཡིན་པ་མ་ཟད། ཕྱིར་རང་ཡུལ་དུ་ལོག་རྗེས་དྲན་པ་དགོན་པའི་དགེ་འདུན་པ་གཙོས་ས་གནས་མང་ཚོགས་ལ་གཅན་གཟན་རི་དྭགས་ཀྱི་པགས་རིགས་གྱོན་མི་རུང་བའི་བསླབ་བྱ་དང་ཁོར་ཡུག་སྲུང་སྐྱོབ་དང་འབྲེལ་བའི་ཐོག་གོ་རྟོགས་སྤེལ་ཡོད་པ་མ་ཟད། དེ་སྔ་དྲན་པ་དགོན་པར་སྲུང་མ་འདྲ་མིན་བསྟེན་སྲོལ་ཡོད་པ་ཚོར་ཡང་ཁ་ཏ་སློབ་གསོ་བྱས་ཏེ་གཙང་སེལ་གནང་ཡོད་འདུག
གྲྭ་བཟོད་པ་རྒྱ་མཚོ་ལགས་ཀྱིས་རླབས་ཆེན་གྱི་ལས་དོན་མང་དག་ཅིག་བསྒྲུབས་དང་སྒྲུབ་བཞིན་ཡོད་སྟབས། གཞུང་ཕྱོགས་ཀྱི་མིག་ལ་མ་རན་པར་དེ་སྔ་ཁོང་ཐེངས་འགར་བཀག་ཉར་དང་འདྲི་རྩད་བྱས་ཡོད་འདུག་ལ། མ་འོངས་པར་འདུག་ཚོད་མ་ཟིན་ཚེ་ནག་ཉེས་ཅི་འགེལ་བཤད་དཀའ་བའི་ཉེན་བརྡ་ཡང་བཏང་ཡོད་སྟབས། ཐེངས་འདིར་ཡང་གནད་དོན་དེ་དག་དང་འབྲེལ་བ་ཡོད་པར་ཚོད་དཔག་བྱེད་ཀྱི་ཡོད་འདུག
གསར་འགོད་པ། དོན་གོ
ཨ་མདོ་བ་བསམ་གཞིགས་མང་ཙམ་གཏོང་རོགས། ཝ་ཡི་རིགས་དང་དུད་འགྲོའི་འདུ་ཤེས་འཛིན་པ་རྣམས་སྐྱིད་ཟ་སྐྱིད་ཉལ་བྱས་ནས་བསྡད་ན། འུ་ཚང་གི་རང་སྲོག་འབེན་ལ་བཞག་ནས་སྒང་བ་བོད་པ་ཚང་གི་བདེ་སྡུག་གླུ་རུ་གྱེར་དགོས་པ་རེད་དམ། འུ་ཚང་ལ་དམིགས་བསལ་གྱི་འོས་འགན་ཡོད་དམ། འུ་ཚོས་ཀྱང་སྐབས་བསྟུན་འཚོ་སྐྱིད་བྱས་ན་མི་བཟང་ངམ། ཅི་ཞིག་ལ་ང་ཚོ་ཤི་དགོས་པའམ། ཡང་ན་བཙོན་ཁང་དུ་འདུག་དགོས་པ་རེད།
ང་ཚོས་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་
ལྐུགས་པ་དངོས་ན་དེ་འུ་ཚང་རེད་པ།