མཆོག་སྤྲུལ་ཀརྨ་པ་མཆོག་ནི་བོད་ཀྱི་སྤྲུལ་སྐུའི་ལམ་སྲོལ་སྲོལ་འབྱེད་ཀྱི་ཤིང་རྟ་བ་ཡིན་ལ། ཁོང་ནི་བོད་བརྒྱུད་ནང་བསྟན་ཁྲོད་ཀྱི་བླ་སྤྲུལ་ལོ་རྒྱུས་རིང་ཤོས་དེ་ཆགས་ཡོད་པ་མ་ཟད། བོད་མིའི་བྱུང་རབས་ཀྱི་མི་སྣ་གལ་ཆེན་ཞིག་ཆགས་ཡོད། ཁོང་གི་ཡང་སྲིད་ཕེབས་སྟངས་ནི་འདའ་ཁའི་ཞལ་ཆེམས་གཞིར་བཟུང་ཡབ་ཡུམ་གྱི་རིགས་རུས་དང་། ཁྱེའུའི་ལོ་ཁམས། ས་དབྱིབས་སོགས་མངོན་རྟོགས་ཁྱད་པར་ཅན་ལ་བརྟེན་ནས་ངོས་འཛིན་གནང་སྲོལ་ཡོད་པ་ནི། བོད་མི་ཚོས་བརྩི་བཀུར་དང་ཡིད་ཆེས་ཞུ་འོས་པའི་ལམ་ལུགས་མཆོག་གྱུར་ཞིག་ལ་ངོས་འཛིན་གནང་གི་ཡོད།
མཆོག་སྤྲུལ་བཅུ་བདུན་པ་ཨྱོན་འཕྲིན་ལས་རྡོ་རྗེ་མཆོག་ནི་འདའ་ཁའི་ཞལ་ཆེམས་གཞིར་བཟུང་༧གོང་ས་མཆོག་གིས་ངོས་འཛིན་གནང་བ་ཞིག་ཡིན་ལ། ཁོང་གིས་རྒྱ་ནག་གཞུང་གི་འཇམ་རྩུབ་ཀྱི་ཐབས་ཤེས་ཡོད་རྒུས་ཁོང་ཉིད་བཙན་བྱོལ་བོད་གཞུང་དང་༧གོང་ས་མཆོག་གི་ཁ་གཏད་དུ་བེད་སྤྱོད་གནང་རྒྱུར་ངོ་རྒོལ་གྱིས་བཙན་བྱོལ་དུ་ཆིབས་བསྒྱུར་བསྐྱངས་པ་ནི། བོད་བསྟན་སྲིད་ཞབས་ཞུའི་ལོ་རྒྱུས་ནང་གསེར་མདོག་གིས་དགོད་འོས་པ་ཞིག་ཡིན་ཞིང། བཙན་བྱོལ་ཏུ་འབྱོར་བ་ནས་ཁོང་གི་སྐྱོང་ཡུལ་ཀམ་ཚང་ལས་བརྒལ་ཏེ། ཁོང་ལ་དགའ་མོས་དང་ཡིད་ཆེས་བློ་གཏད་ཞུ་མཁན་གྱི་བོད་རིགས་གྲངས་ཀྱིས་ངལ་བའི་རང་བཞིན་དུ་སོང་། ཁོང་ནི་༧སྐུ་མདུན་གྱིས་མངོན་གསལ་དོད་པའི་རེ་བ་རྒྱགས་ས་ཞིག་དང་། བོད་མི་རིགས་ཀྱི་གནས་བབ་ཐད་ལས་འགན་དམིགས་བསལ་བ་ཡོད་པའི་གང་ཟག་ཞིག་ཏུ་གྱུར་ཡོད།
ཉིན་འགའི་སྔོན་བྱུང་བའི་ཤོག་སྒོར་གྱི་གནས་ཚུལ་དེ་ནི་ཁོང་གི་སློབ་སྟོན་པ་སྐུ་ཞབས་ཀརྨ་སྟོབས་ལྡན་ལགས་དང་ཁྲིམས་རྩོད་པ་ནཱ་རེ་ཤུམ་ཏྲིར་གཉིས་ཀྱིས་གསུངས་པ་ལྟར། “ ཧིན་སྒོར་དངུལ་ཁང་ལ་འཇོག་རྒྱུར་རྒྱ་གར་དབུས་ལྷན་ཁང་ Enforcement Department and Income Department ་ཆོག་མཆན་ཞུས་ཡོད་ཀྱང་། ད་བར་རྒྱ་གར་གཞུང་གིས་ཡ་ལན་སྤྲད་མེད་སྟབས། ཕྱི་དངུལ་རིགས་བླ་བྲང་ནས་མི་ཉར་ཐབས་མེད་བྱུང་ཡོད། དེའི་ཐད་རྒྱ་གར་གཞུང་ལ་ཡང་འགན་ཡོད་པ་རེད” ཡང་། “ བླ་བྲང་གིས་རྒྱ་གར་གཞུང་དང་མངའ་སྡེ་གཞུང་ལ་སྙན་གསེང་ཞུས་ཏེ་ས་ཉོ་རྩིས་བྱས་ཤིང་། ས་རིན་ལྡི་ལི་ནས་ལུགས་མཐུན་ཐོག་བླ་བྲང་གི་དངུལ་གཉེར་བས་ས་བདག་རྒྱ་གར་བ་དེ་གཉིས་ལ་རྩིས་སྤྲོད་བྱས་ཟིན་པའི་བྱུང་འཛིན་ཁ་གསལ་ཡིན་སྟབས། ཧིན་སྒོར་འབུམ་ ༡༠༠ དེ་ཀརྨ་བླ་བྲང་ལ་འབྲེལ་བ་མེད་པ་ལྟ་བུ་རེད” དེ་དག་ཡུལ་མིའི་ཁྲིམས་ལྟར་ཐག་གཅོད་ཡོང་རྒྱུར་ཁོང་གི་བླ་བྲང་གིས་བཟང་སྤྱོད་ལྡན་པའི་ངང་དགའ་བསུ་ཞུ་བཞིན་ཡོད་པ་རེད།
སྐབས་དེར་བཙན་བྱོལ་བོད་གཞུང་གི་དཔལ་འབྱོར་བཀའ་བློན་མཆོག་ཆེད་ཕེབས་གནང་ཡོད་པ་དང་། ཁྲིམས་བཟོ་ལྷན་ཚོགས་ནས་གནས་ཚུལ་བྱུང་མ་ཐག་དངོས་ཡོད་འགྲེལ་བརྗོད་གནང་བ་དག་གིས་བོད་མི་ཚོའི་བདེ་སྡུག་དང་མཆོག་སྤྲུལ་ཀརྨ་པའི་ལས་དབང་ལ་འབྲེལ་བ་དམ་ཟབ་ཡོད་པ་མངོན་གསལ་བྱས་ཡོད།
གནས་ཚུལ་འདིའི་བྱུང་རིམ་ལ་ལྟོས་རྗེས། རྒྱ་གར་གྱི་གསར་ལམ་ཁག་གཅིག་ནས་གནས་ཚུལ་འདྲ་མིན་ཐོན་པ་དག་ནི། རུལ་སུངས་དང་ཚོང་ལས་ཀྱི་ངོ་བོར་ཁོ་ནར་ཕྱིན་པའི་སྤྱི་ཚོགས་ཤིག་གི་འགྲོ་སྲོལ་ཡིན་དུ་ཆུགས་ཀྱང་། བོད་མི་ཚོའི་བསམ་འདུན་དང་དོན་དངོས་ལ་སྐུར་འདེབས་བྱས་པ་དག་ལ་བློ་ཕམ་ཚད་མེད་བྱུང་། ང་ཚོས་ཕ་ཡུལ་གཉིས་པར་བརྩི་བའི་རྒྱ་གར་གཞུང་དང་ཡུལ་མིའི་བར་གྱི་བརྩེ་བ་གོང་དུ་སྤེལ་ཆེད། ནོར་འཁྲུལ་ཤོར་ཟིན་པའི་གསར་ལམ་དག་གིས་ཀྱང་རྗེས་སུ་བཟང་སྤྱོད་དང་མཐུན་པའི་རོགས་འདེགས་ཡོང་བར་ཡིད་ཆེས་བྱེད་བཞིན་ཡོད།
གནས་ཚུལ་དམིགས་བསལ་ཞིག་དང་། བཟོད་པ་བསྟེན་མི་ཐུབ་པ་ཞིག་ནི། བོད་མིའི་དབུ་ཁྲིད་མཆོག་ལ་༧རྒྱ་གར་གསར་འགོད་པས་གནས་ཚུལ་འདིའི་སྐོར་བཅའ་འདྲི་བྱས་པ་ནི་ཤིན་ཏུ་ནས་མ་རན་པ་དང་བོད་མི་མང་གི་སེམས་ལ་ཕོགས་ཐུག་བཏང་བ་ཞིག་རེད། ༧གོང་ས་མཆོག་ནི་ང་ཚོའི་དབུ་ཁྲིད་ཙམ་མ་ཟད། འདི་ཕྱི་གཉིས་ཀྱི་སྐྱབས་གནས་ཡིན་ཁར། རང་ཅག་ཨེ་ཤ་ཡའི་མཁས་པའི་རྣམ་དཔྱོད་དང་བྱམས་བརྩེ་དག་གི་གཙུག་ལས་བརྒལ་ཏེ། འཛམ་གླིང་ཤར་ནུབ་ཀུན་ཏུ་བླ་ན་མེད་པའི་དབུ་ཁྲིད་ཞིག་ཡིན་པས། གསར་འགོད་པས་དོན་ཆུང་འདི་ལྟ་བུར་བཅའ་འདྲི་བྱས་པ་ནི་༧གོང་ས་མཆོག་ལ་བརྩི་བཀུར་མ་ཞུས་པ་ཞིག་ལ་ངོས་འཛིན་བྱེད་ཀྱི་ཡོད། གང་ཡིན་ཞེ་ན། རྒྱ་གར་གྱི་མཛེས་མ Katrina Kaif ལྟ་བུ་ཞིག་གིས་སྐར་མ་ཁ་ཤས་རིང་འཁྲབ་སྟོན་བྱས་ན་ཐོབ་པའི་དངུལ་འབོར་ཆུང་ཆུང་ཞིག་རེད། འཇིག་རྟེན་གྱི་འགྲོ་སྲོལ་དང་མཐུན་པའི་བཟང་པོའི་ལམ་ལུགས་ཐོག བོད་མི་ཚོ་དམིགས་བསལ་ཏུ་ཡོད་པ་ཞིག་ནི། ཡ་རབས་དང་བག་ཡོད། བརྩི་བཀུར། ཧམ་པ་མི་བྱེད་པ་སོགས་ཡིན་པས། ལར་ནས་བོད་དང་འབྲེལ་བའི་གནས་ཚུལ་ལ་ཞུགས་སྐབས། བོད་མི་རིགས་ཀྱི་ངོ་བོའི་རང་བཞིན་ལ་ངེས་པར་དུ་བརྩི་བཀུར་བྱེད་དགོས་ཀྱི་ཡོད།
ཀརྨ་རྣམ་རྒྱལ་གང་ནས་ཅིའི་ཕྱིར་བྱོན་མིན་གྱི་རེ་དོགས་བསྐྱུར་ནས། མི་ཞིག་ཡིན་པའི་གདེང་འཇོག་གིས་ཉ་ཉོག་ལས་དངོས་མ་ཞིག་སྨྲ་བར་སྤྲོ་སྟེ།
དེ་ཡང་༼ མཆོག་སྤྲུལ་ཀརྨ་པ་ཐུགས་བསྐྱེད་སྨོན་ལམ་དུས་སུ་བབས་པའི་སྐྱེས་ཆེན་ཡིན་པར ༽་གསུངས་པ་ཁོ་བོས་སྔོན་མ་ནོར་གླིང་དུ་རིས་མེད་གྲུབ་མཐའི་ཚོགས་ཆེན་སྐབས་༧གོང་ས་མཆོག་གི་ཞལ་དྲོན་མོ་ནས་དངོས་སུ་ཐོས་པས།
ར་རི་སྒྲིབ་པས་ཆོས་ཉིད་རྣལ་མ་མཐོང་རྒྱུར་རང་བློ་རང་བློ་རང་ལ་ལྐོག་ཏུ་མ་གྱུར་ཡང། རིགས་པ་དང་མཐུན་པའི་གྲུབ་མཐའ་ཁས་བླངས་པ་བཞིན་ཁོ་བོར་གསུངས་འདི་ནི་བཅོམ་ལྡན་རང་གི་ཞལ་ནས་ཐོབ་པའི་ང་རོ་རྒོད་དོ།
ཤར་ཕྱོཊ་ཁུག་རྟ་ལགས། ཁྱོད་ཀྱི་༼མཆོག་སྤྲུལ་བཅུ་བདུན་པ་ན་འཕྲིན་ལས་རྡོ་རྗེ་མཆོག་ནི་འདའ་ཁའི་ཞལ་ཆེམས་གཞིར་བཟུང་༧གོང་ས་མཆོག་གིས་ངོས་འཛིན་གནང་བ་ཞིག་ཡིན་ལ།༽ཞེས་བྲིས་འདུག་པ་ནི་ཅུང་ཧམ་པ་ཆེ་དྲག་འདུག ༡ ༧གོང་ས་མཆོག་གི་ངོས་ལེན་གནང་པ་མ་གཏོགས་ངོས་འཛིན་གནང་མེད་པ་ཡོངས་གྲགས་རེད། ༢ འདའ་ཁའི་ཞལ་ཆེམས་གཞིར་གཟུང་བྱས་ན་ཁུང་སྐྱེལ་ཐུབ་མིན་ཐེ་ཚོམ་གྱི་ངང་དུ་གནས་ཡོད་པའང་ཡོངས་གྲགས་རེད། གལ་སྲིད་ཁུང་སྐྱེལ་ཐུབ་པའི་གདེངས་ཚད་ཡོད་ན་མཁས་དབང་སྟོབས་དགའ་ལགས་ཀྱི་༼གཏམ་སྣ་ཚོགས་གི་རི་མོ་༽ཞེས་པ་དེ་ལ་ལན་པོ་ཞིག་བྲིས་ན་མི་ལེགས་སམ།
ཤར་ཕྱོགས་ཁུག་རྟ་ལགས་ཀྱི་གནས་ཚུལ་ཡག་པོ་ཞིག་བྲིས་འདུག་མུ་འཐུད་འདི་འདྲ་རེ་སྤེལ་གནང་ན་ཐེང་འདིས་དོན་རྐྱེན་དེ་བཟང་ཕྱོགས་ཀྱི་རྣམ་པ་ཞིག་ཐོན་སྲིད།
འཇིན་རྟེན་གྱི་དཔེར། ཁྱི་ཆགས་ནས་མི་དཀྲི་རྔ་མ་མི་ཆགས་ས་ནས་དཀྲི་ཞེས་པ་ལྟར་རྒྱ་གར་བས་ཚག་དགོས་པའི་དངུལ་དེ་ཡི་བསྐོར་ལ་དྲི་གནས་གང་བཏོན་རྒྱལ་ཁབ་དེ་གི་རྒྱལ་ཁྲིམས་གཞིར་བཟུང་ཞིབ་དཔྱོད་བྱེད་དགོས་པ་ནི་ཉན་རྟོགས་པའི་ལས་ཀ་ངོ་མ་ཡིན་དང་ཡིན་བྱེད་ཀྱང་དགོས་དང་དགོས། དེ་འདྲ་མ་ཡིན་པར་༸རྒྱལ་དབང་ཀརྨ་པ་ཉིད་ཀྱི་སྐུ་དོན་ལྟ་བུ་ཞིག་ཡིན་ན་རང་གི་ཕ་ཡུལ་དྲོན་མོ་ནང་རྒྱ་མིའི་ཆེས་མཐོང་གི་བླ་ཆེན་དེ་གང་ལ་མེད་པའི་གུས་བསྐུར་ཚད་མེད་ཞིག་ཡོད་ས་ཡིན་ན་ཡང་མ་འོང་པའི་བོད་ཆོལ་གསུམ་གྱི་རེ་བའི་ཤིང་རྟ་གཅིག་ཏུ་དྲིལ་བའི་༸གོང་ས་ཡིད་བཞིན་ནོར་བུ་མཆོག་ལ་བཙན་བཀའི་སྒོ་ནས་མཚན་སྨོད་བཏང་དགོས་པ་དང་གཅིག པཎ་ཆེན་ཡང་སྲིད་མ་ཡིན་པ་ལ་ཡིན་པའི་མི་ཆོས་བླ་མའི་རྫུན་སྨྲ་མི་ཐུབ་པ་དང་གཉིས། རྒྱལ་དབང་གོང་མའི་དབང་ཁྲིད་མན་ངག་གི་བརྒྱུད་པ་འཁྲུལ་མེད་འཕགས་ཡུལ་འདིར་བཞུགས་པ་དེ་དག་ཉམས་མེད་བུམ་པ་གང་བྱོའི་ཚུལ་དུ་ནོད་ཐུབ་དགོས་པ་དང་གསུམ། ༸གོང་ས་ཡིད་བཞིན་ནོར་བུ་དང་གསེར་ཞལ་མཇལ་ལྷན་དུ་འཛོམ་པའི་དགའ་སྟོན་ནམ་རྒྱུན་སྐོམ་པ་ཆུ་འདོད་བཞིན་ཉིན་མཚན་ཀུན་ཏུ་ཡོད་པ་དེ་མངོན་སུམ་མྱོང་བའི་སྐལ་བཟང་ཐོབ་པའི་ཕྱིར་དང་བཞི། རིས་མེད་ཀྱི་བླ་མ་གོང་མ་རྣམས་དང་བོད་ཀྱི་ཆོས་རྒྱུད་ཆེན་པོ་བཞི་གཡུ་དྲུང་བོན་དང་བཅས་པའི་ཆོས་བརྒྱུད་འཛིན་པའི་བླ་ཆེན་རྣམས་དང་ཟབ་རྒྱས་ཆོས་ཀྱི་སྒྲོ་འདོགས་མ་ལུས་པ་བཅད་ཅིང་ཕྱིའི་འབྱུང་གངས་ཅན་པའི་མི་རིགས་འདི་ལ་སྨན་པའི་ལས་དོན་ཞིག་སྒྲུབ་ཐུབ་ན་ཅི་རུང་སྙམས་པའི་མོས་བློ་དང་ལྔ་བཅས་ཀྱིས་རྒྱ་གར་ལ་ཕེབས་ཤིང་རྒྱ་དམར་བ་ཅི་བྱེད་འདི་བྱེད་མེད་པར་ཕྱི་ལ་བོད་ཀྱི་ཆོས་དད་རང་མོས་ཡོད་ཡོད་ཡོད་ཀྱི་སྐད་ཆ་ཐམས་ཅད་རྐུབ་དིབ ནང་ནས་ཆོས་ལུགས་ལ་མི་དགའ་མདོགས་བྱེད་པའི་མཚངས་བུད་ནས་ངོ་ཚ་ཁ་སྐྱེང་དུ་བཞག་ནས་སྐུ་སྲོག་ཀྱང་ཇི་མི་སྙོམ་པའི་སྙིང་སྟོབས་དང་ཆོད་སེམས་ཆེན་པོས་ཧི་མ་ལ་ཡིའི་རི་བརྒྱུད་བརྒལ་ནས་བཙན་བྱོལ་དུ་འབྱོན་པ་མ་ཚད་བྱེས་ཀྱི་བོད་མི་ཡོངས་དང་འཛམ་ཀླིང་ཤར་ནུབ་ཀུན་གྱི་དགའ་བསྐུར་འོས་པའི་སྐྱེས་བུ་ཆེན་པོ་བླ་ན་མེད་པ་ཞིག་ཡིན་པ་མ་ཚད་གངས་ཅན་བོད་པ་ཡོངས་ཀྱི་སྙིང་གི་ནོར་བུ་རིན་པོ་ཆེ་འདི་ལྟ་བུ་ལ་གཞི་མེད་པའི་སྙོན་འཛུག་ཚད་ལས་བརྒལ་བ་དང་གསང་ཉུལ་གྱི་སྐྱོན་འདོག་འདི་ནི་ཆེས་ཤིན་ཏུ་མི་འོས་པ་དང་བྱེད་དུ་མི་རུང་བ་ཞིག་ཡིན། མ་ཚད་རྒྱ་མི་ལྟ་བུ་ཡིན་ན་གོང་དུ་བཤད་པ་བཞིན་གནས་ཚུལ་དེ་འདྲ་ཞིག་གི་ཕན་ཚུན་འབྲེལ་བ་མེད་པའི་སྒང་ལ་ད་དུང་གསང་ཉུལ་གྱི་མིང་འདོགས་བྱེད་པ་ཡིན་ན་རྒྱ་མིའི་ཁོག་ཏུ་ཚི་དྲེགས་འཐུག་པོ་ཞིག་རྒྱ་གར་བས་དངོས་སུ་བསྐུས་པ་རེད། ཡིན་ན་ཡང་དོན་རྐྱེན་འདི་ད་དུང་མཐའ་གཅིག་ཏུ་ཕྱི་གསལ་ནང་གསལ་བཟོ་དགོས་པ་ནི་ཤིན་ཏུ་གལ་ཆེ་སྙམས།
དངོས་གནས་བཤད་ན། ཁུག་རྟའི་ཁ་བརྡུང་འདི་རྒྱ་གར་གསར་འགྱུར་བརྒྱུད་ལམ་དག་ལ་འབབ་ངེས་ཤིག་རེད། འོན་ཀྱང་དེའི་སྐོར་ནས་ལས་འགུལ་འདྲ་སྤེལ་བ་ལ་མཇུག་འབྲས་ཅི་འབྱུང་མི་ཤེས་པ་ཞིག་ཏུ་མཐོང་། ཁུག་རྟའི་དགོངས་གཞི་བཞིན་ཚགས་ཤོག་ཁང་དང་བརྙན་འཕྲིན་ཁང་དག་ལ་གཞི་མེད་དཀྲོག་གཏམ་གྱི་ཁུངས་སྐྱེལ་ར་སྤྲོད་བྱེད་དུ་འཇུག་དགོས་པ་རེད། ནུས་པ་ཅན་རེ་ཡོད་ན་དེ་ལ་ཁྲིམས་གཏུགས་ཀྱང་བྱེད་ཆོག་གི་རེད།
རྒྱལ་དབང་ཀརྨ་བའི་སྒོར་གྱི་གནད་དོན་འདིས་ཐད་གོ་ཐོས་སུ་སྐད་འབོད་འདྲ་བོ་མང་དུ་བྱེད་ཀྱིན་པ་ཐོས།
དེ་ཁྲིམས་དང་ཐུག་ཡོད་དུས་གཞན་བྱེད་ཡ་ཁག་པོ་རེད་དེ། བོད་པ་ཚོ་ལ་ཡང་དམིགས་གསལ་ཅིག་དགོས་ཀྱི་མེད་འགྲོ།
དེ་ཡིན་ཕྱིན་རྒྱལ་བ་ས་སྐྱ་བ་དང་། རྒྱལ་བ་ཅོ་ནང་བ། རྒྱལ་བ་འབྲི་གུང་བ། སོགས་བོད་ཀྱི་བླ་ཆེན་ཀརྨ་པ་དང་མཉམ་པ་དག་གིས་རོགས་མགོན་རེ་ཞུས་ན་ཕན་གྱི་རེད།
ལྷན་རྒྱས་ཕེབས་པར་དགའ་བསུ་ཞུ། ཡིན་ནའང། བསྟན་པ་ཡར་འཕེལ་ཟེར་བ་ཁྱེད་རང་ཚོར་བའི་དབང་དུ་མ་འགྲོ་རོགས། ངའི་མ་རྩོམ་ནང་དུ་རྒྱལ་དབང་དང་རྒྱལ་བ་ཟེར་བའི་མིང་དེ་མེད། ངའི་རྩོམ་ལ་མཆན་འབྲི་སྐབས་དེ་དག་ལ་བརྩི་བཀུར་བྱེད་དགོས་ཀྱི་རེད། ང་ཚོས་ས་མཚམས་ཡོད་པ་དང་རྩ་དོན་ཡོད་པའི་ཐོག་ནས་ཕྱག་ལས་གནང་དགོས་ཀྱི་འདུག
ཨ་ཁུ་རྨོག་རུ་དང་སྤོབས་གཉིས་ཕེབས་པར་འཚམས་འདྲི་ཡོད།
རྒྱལ་སྤྱིའི་ཆབ་སྲིད་མཁས་དབང་ཞིག་གིས་རྒྱ་གར་གྱི་གསར་ཤོག Hindustan Times ཞེས་པར་རྒྱལ་དབངཀརྨ་པའི་སྐོར་རྒྱ་གར་གསར་འགོད་པ་ཚོས་མི་བདེན་རྫུན་སྒྲིག་བྱས་ཚུལ་གྱི་རྩོམ་ཡིག་ཅིག་སྤེལ་འདུག་པ་འདི་ནས་གཟིགས། http://www.hindustantimes.com/Buddha-s-not-smiling/Article1-657332.aspx
ཀརྨ་པའི་སྐུ་འཁོར་དེ་ཚོ་ཡུལ་་ཁྲིམས་ལ་ཐོགས་པ་ད་རེས་ཐེངས་དང་པོ་མ་རེད། སྔོན་མ་ཞིག་ལ་སྐུ་འཁོར་ནང་མ་གཅིག་རྒྱ་ནག་དང་འབྲེལ་ཡོད་དོག་གཞིས་ཆུ་ཚོད་བཞི་བཅུའི་ནང་ལ་རྒྱ་གར་ནས་ཕྱི་ལོགས་གཏན་འབུད་དགོས་པའི་བཀའ་རྒྱ་འབྱོར་བ་ཐོས་མྱོང་། དངུལ་བཅོལ་འཇོག་ལ་དཀའ་ངལ་ཡོད་པ་ཤེས་ན་དངུལ་དེ་འདྲ་མང་པོ་བསྡུས་ནས་ག་རེ་བྱེད་པ་ཡིན་ནམ། དངུལ་མི་དགོས་ལབ་ན་མི་ཆོག་པ་ཡིན་ནམ། དངུལ་ལེན་ཤེས་ས་ནས་ཉར་མི་ཤེས་པ་འདི་ཁྱད་མཚར་རེད།
ཤར་ཕྱོགས་ཁུག་རྟ་ལགས། གོང་གི་ལེའུ་དུམ་བུ་འདི་ཡི་ནང་འུ་ཅག་ཀརྨ་པ་འདི་ཡི་རྣམ་ཐར་འདྲ་པོ་ཞིག་བཤད་བཟོ་བྱས་འདུག་ཀྱང་། དེ་ལ་སྟོབས་དགའ་ཡིས་བྲིས་པའི་༼གཏམ་སྣ་ཚོགས་ཀུན་རྟོགས་ཀྱི་རི་མོ་༽ཡི་ས་བཅད་དང་པོ་དེས་ཚིག་འབྲེལ་བསྟན་ཟིན་པ་མ་ཡིན་ནམ།
མ་ཟད་ད་ཐེངས་ཀརྨ་པ་མཆོག་གི་སོ་ཐར་སྡོམ་པ་དེ་ཁ་ཆག་སྣ་རལ་ཞིག་སོང་བ་མ་ཡིན་ནམ། དེ་ལ་དོག་དཔྱོད་ཞིག་བྱེད་རོགས
བདེན་པ་རེད། ད་ཐེངས་རྒྱལ་བ་ཀརྨ་པ་བེད་སྤྱད་པ་ཙམ་ལས་འབེན་ངོ་མ་ནང་པ་ཡིན་ཡང་སྲིད། གོང་ས་མཆོག་ལ་མཐོང་ཆུང་། ཀརྨ་པ་ལ་ཁྱད་གསོད། བོད་མི་མང་ལ་བརྙེས་བཅོས། ལ་དྭགས་དང་འབྲས་ལྗོངས་བ་ལ་སྣང་མེད་བྱེད་སྟངས་འདིས་ཡུན་རིང་ཁོང་དུ་ཉར་བའི་ཧིན་ནང་གི་ཕྱོགས་ཞེན་ཞིག་ཕྱི་རུ་བཏོན་པ་མིན་ནམ་སྙམ་གྱི་འདུག ད་ཧི་མ་ལ་ཡ་བ་ཚོས་ཀྱང་ག་ལེར་བསྡུ་གསོག་བརྒྱབ་ཏེ་ཡུལ་ངོ་མ་ཞིག་བཙལ་ན་དགའ་སྙམ།
འབྲུག་སྒྲ་སྐྱབས་ལགས། སེམས་ཁྲལ་གནང་སྟངས་ནོར་མི་འདུག་ཀྱང། རང་མིར་རང་མྱིའི་གནད་འགག་ཅིག་ངོ་སྤྲོད་བྱས་ན་བསམ་པས་འདིར་སྐད་ཡིག་ཐོག་བཀོད་པ་ལས། དབྱིན་ཡིག་ནང་ཁོང་ཚོ་བཏང་ཟིན་པ་ཡིན་ལགས།
ཁྱོད་དུས་བབ་ནང་དུ་སྐད་ག་ཚོད་བརྒྱབ་ཀྱང་ཁོང་ཚོས་རྣ་བའི་ནང་དུ་གོ་གི་རེད་དམ།
ཤར་ཕྱོགས་ཁུག་རྟ་ལགས།འདི་ལྟ་བུའི་སྐད་སྙན་མོ་རེ་བསྒྲགས་ན་ངོ་མ་བཟང་གི
གནད་དོན་དབྱེ་ཞིབ་དང་འབྲེལ་བའི་རྩོམ་ཡིག་ཡག་པོ་ཞིག་བྲིས་འདུག
ཁུ་བྱུག་གིས་ཁྱེད་ལ་ལེགས་གསོལ་གྱི་ཚབ་ཏུ་ཀུ་ཀོ་འཐེན།
ཀུ་ཀོ་་་་་ཀུ་ཀོ་་་་་