ངྷ་སར་གནས་བཞུགས་སྐལ་བཟང་དམ་ཆོས་ལགས་ཀྱིས་གནས་ཚུལ་མཁོ་སྤྲོད་བྱས་དོན་ལྟར་ན། བཙོན་གྲོལ་ཐོབ་སྟེ་ཟླ་གཉིས་ལས་ཕྱིན་མེད་པའི་རྩོམ་པ་པོ་སྒྱིས་ཚང་སྟག་སྨིག་གམ། སྐལ་བཟང་ཚུལ་ཁྲིམས་ལགས་ ༢༠༡༠ ཟླ་ ༡༢ ཚེས་ ༡༦ ཉིན་ཀན་ལྷོ་ཁུལ་ཉེན་རྟོག་ལས་ཁོངས་ཀྱིས་འདྲི་རྩད་ཅིག་ལ་ཁ་གཡར་ཏེ་ཡང་བསྐྱར་བཀག་འགོག་བྱས་ཡོད་འདུག ད་བར་ཟླ་གཅིག་དང་ཉིན་ཉི་ཤུ་ལྷག་ཕྱིན་ཡོད་ཀྱང་ཁོང་ཕྱིར་བཏང་མེད་པ་མ་ཟད། ད་ལྟའི་ཆར་གནས་སྟངས་གང་འདྲ་ཆགས་ཡོད་མེད་ཀྱང་ཤེས་རྟོགས་ཐུབ་མི་འདུག
ཉེ་འཆར་ལུགས་རྙིང་ལོ་གསར་བསླེབ་ལ་ཉེ་སྐབས། ཁོང་གི་ནང་མི་ཚོས་ལོ་གསར་གྱི་ཟས་སྐལ་འཐུང་སྐལ་རེ་ཁྱེར་ཏེ། གཙོས་བཀག་བསྐྱིལ་ཁང་དུ་ཁོང་ལ་ཐུག་ཏུ་ཕྱིན་སྐབས། བར་ཐག་རིང་ས་ནས་ཁ་པར་བརྒྱུད་དུས་ཡུན་ཐུང་ངུའི་རིང་ཁ་བརྡ་བྱེད་བཅུག་ཡོད་ཀྱང་། ཐེངས་འདིར་ཁོང་ལ་ཉེས་འཛུགས་ག་རེ་བྱས་ཡོད་པ་དང་། དུས་ཡུན་ཅི་ཙམ་རིང་འགོག་རྒྱུ་ཡིན་མིན་ཤེས་མི་འདུག་ལ། བཀག་བསྐྱིལ་ཁང་དེའི་འབྲེལ་ཡོད་ལས་བྱེད་ལ་འདྲི་སྐབས། སྒྱིས་ཚང་སྟག་སྨིག་གིས་ཉེན་རྟོག་པའི་དྲི་བར་ལན་འདེབས་གསལ་བོ་བྱེད་ཀྱི་མི་འདུག་པས། ཁོང་ཕྱིར་ཁྱིམ་ལ་བཏང་མེད་སྐོར་བརྗོད་འདུག
སྒྱིས་ཚང་སྟིག་སྨིག་ལགས་དེ་སྔ་ ༢༠༡༠ ཟླ་ ༧ ཚེས་ ༢༧ ཉིན་གྱི་དགོང་མོ་སི་ཁྲོན་མཛོད་དགེ་རྫོང་ཐོག་ཏུ་རྫོང་ཉེན་རྟོག་པ་དང་ཀན་ལྷོ་ཁུལ་ཉེན་རྟོག་པ་གཉིས་ཟུང་འབྲེལ་ཐོག་འཛིན་བཟུང་བྱས་ཡོད་པ་མ་ཟད། སྐབས་དེར་ཁོང་གི་ལག་ནས་རྒྱ་སྒོར་ཉིས་ཁྲི་ལྔ་སྟོང་ལྷག་དང་། དཔེ་དེབ། འོད་སྡེར་མང་བོ་ཞིག་བཅས་བཙན་འཕྲོག་བྱས་ཏེ། ཀན་ལྷོ་གཙོས་གྲོང་ཁྱེར་སྤྱི་བདེ་ལས་ཁུངས་སུ་ཁྲིད་ཡོད།
གཙོས་བཀག་བསྐྱིལ་ལས་ཁུངས་ནས་ཟླ་གཉིས་དང་ཕྱེད་རིང་། བསམ་ཡུལ་ལས་འདས་པའི་མནར་གཅོད་སྣ་ཚོགས་བཏང་མཐར། ཁོ་ལ་ཆུ་ཚོད་ཉེར་བཞིའི་རིང་ཁོའི་ཁ་པར་སྒོ་རྒྱག་མི་ཆོག་པ་དང་། དུས་ནམ་ཞིག་ལ་ཉེན་རྟོག་ལས་ཁུངས་སུ་སྐད་བཏང་ན་དུས་ཐོག་ལ་འབྱོར་དགོས་པ་སོགས་ཀྱི་བཀའ་རྒྱའི་འོག་ཀློད་གྲོལ་བཏང་ཡོད། སྐབས་དེ་ནས་ད་ལྟའི་བར་སྒྲིག་ཁྲིམས་དེ་དག་བརྩི་སྲུང་བྱས་ཡོད་ཀྱང་། ཐེངས་འདིར་རྒྱུ་མཚན་གང་ཡང་འགྲེལ་བརྗོད་མེད་པའི་ཐོག་ནས་བསྐྱར་དུ་བཀག་བསྐྱིལ་བྱས་འདུག
རྒྱ་གཞུང་གིས་སྒྱིས་ཚང་སྟག་སྨིག་ལགས་ཐེངས་སྔོན་མར་འཛིན་བཟུང་བྱས་སྐབས། ཁོང་གིས་བརྩམས་པའི་༼ མི་ཡུལ་དུ་ཕུལ་བའི་སེམས་པ༽ཞེས་པའི་དཔེ་དེབ་དང་། ཡི་གེ་འབྲི་ཀློག་མི་ཤེས་མཁན་ཚོར་དམིགས་ཏེ། བོད་ནང་གི་དངོས་ཡོད་གནས་སྟངས་ངག་ཐོག་ནས་བརྗོད་ཡོད་པའི་གློག་བརྙན་འོད་སྡེར་༼ བོད་ལ་རང་དབང་མེད་པའི་སྐོར་གྱི་སྙན་ཞུ༽ཞེས་པ་གཉིས་འགྲེམས་སྤེལ་བྱས་པ་རྒྱལ་ཁབ་ཀྱི་ཆབ་སྲིད་དང་འགལ་ཡོད་པ་མ་ཟད། ཕྱི་ཕྱོགས་ཁ་བྲལ་བ་དང་ངན་འབྲེལ་གྱིས་རྒྱལ་ཁབ་མགོ་རྟིང་སློག་པའི་བྱ་ངན་བརྩམས་ཡོད་སྐོར་གྱི་ཉེས་འཛུགས་བྱས་ཡོད།
![A large crowd walks in a market area outside Dadar station in Mumbai, India, Friday, March 17, 2023. [AP Photo/Rajanish Kakade]](https://tibettimes.net/wp-content/uploads/2026/04/Screen-Shot-2026-04-02-at-5.36.58-PM-360x180.png)
དམར་པོ་ཏང་ནི་ཁྲག་ལ་དགའ། ཏང་གི་དརམ་དམར་ཁྲག་གིས་གྲུབ།
རྟ་ནག་སྒྲོག་གིས་བཅིངས་ན་ཡང། སྟག་ནག་སྒྲོག་གིས་ཇི་ལྟར་འདུལ།
དགོངས་དག འོག་གི་མཆན་འདི་འགོད་ས་ནོར་འདུག ཨ མཆོད་ལགས་ཀྱིས་ང་ལ་ལྡོག་ཕྱོགས་གསུང་གི་འདུག་ག
ལྷ་མོ་དོན་འགྲུབ་ཟེར་བ་འདིས་ཧ་ཅང་གནད་ཆེན་ཤེས་ཡོད་མདོག་མ་བྱེད།
འདི་ཙམ་ཞིག་ཤེས་དཀའ་བ་ཞིག་ཡང་མིན། གཞིས་བཞུགས་མི་མང་གི་བོད་གངས་ཅན་གྱི་ལས་དབང་ལ་བསམ་ནས་ལས་འགུལ་དེ་འདྲ་ཞིག་བརྩམས་པ་ན་ཁྱོད་ཀྱིས་རྒྱབ་སྐྱོར་མེད་རུང་འཁུན་སྒྲ་འབྱིན་གི་མ་འདུག ཧོར་གྱི་ཡིན་རུང་སོག་གི་ཡིན། རྒྱ་དང་མཉམ་དུ་མེད་པ་དང་། རང་ལ་ལོགས་སུ་ཡོད་པ་དེ་གནད་འགག་རེད།
བདེན་དོན་ཐམས་ཅད་བདེན་པ་ཡིན་ཞེས་འུར་འདོན་བྱེད་པ་ཙམ་ལ་བདེན་པ་སྨྲ་བའི་མཚན་སྙན་མི་འབྱོར། རྫུན་ནི་དུད་འགྲོས་ཀྱང་བཤད་མི་ཤེས།
སྐྱིད་སྡུག་མཉམ་མྱོང་བྱ་དགོས་ཟེར། སྐྱིད་ཀྱི་ལོ་སར་སོ་སོ་ཟེར། མི་རིགས་རིག་གཞུང་གཅིག་གྱུར་ཟེར། དུས་ཆེན་ལོ་སར་མི་གཅིག་ཟེར། རྒྱ་ལོའི་ལོ་སར་ཟེར་བ་འདི། དོན་ལ་ཧོར་གྱི་ལོ་སར་ཡིན། སྲིད་ཀྱི་འགྱུར་འགྲོས་མ་གོ་བར། སྲིད་མིན་ཐག་གཅོད་བྱེད་པ་མཚང།
ལོ་ནམ་སར་ཁྱད་པར་མི་ཆེ་ཡང། སྐྱིད་སྡུག་གི་ངོ་བོ་མཚོན་གལ་ཆེ།
སྲོལ་སར་བ་སར་བ་མ་ཕྱེས་ན། ལམ་སར་བ་སར་བ་གང་ནས་རྙེད།
ཁྱིམ་ཆེ་རུ་ཆ་རུ་མ་བཏང་ན། བོད་ཆོལ་གསུམ་ཁྱིམ་གཅིག་ག་ལ་ཤོང།དོན་འདི་ལ་གནད་འགག་མི་ཆེ་ན། རྒྱ་དམར་པོས་འགོག་སྡོམ་ཅི་ལ་བྱེད།
མི་རིགས་ཀྱི་ལ་ཞེན་ཆེན་པོ་རུམ་དུ་སྦས་ནས་མངོན་འདོད་ཀྱི་དུང་བ་ཕྱི་རུ་བཏོན་པའི་སྙན་ཞུ་དེས། མངོན་སུམ་གྱི་བདེན་དོན་ལ་དོག་པར་འཆའ་ཞིང་ཉེས་མེད་ལ་ཀྱོག་བཤད་ཀྱིས་རྫུན་མགོ་བསྐོར་ནས་མི་ཚེ་འདིར་མུན་ནག་དང་སྨུག་སྤྲིན་དུ་བཅུག་པ་ཟ་འདྲེ་དམར་པོ་ཚོས་ད་དུང་ཡང་བསྐྱར་གང་བརྗོད་ཀྱི་ཡོད་དམ། རྒྱལ་ཞེན་དང་ལ་རྒྱ་མི་རིགས་ལ་དུང་བ་ཆེ་བའི་བརྩམ་པ་པོ་ཁོང་ལ་གདུང་སེམས་མཉམ་བསྐྱེད་བྱེད་ཀྱི་ཡོད། མྱུར་དུ་བདེན་མཐའ་གསལ་བའི་སྨོན་འདུན་ཞུ། བདེན་པ་རྒྱལ་ལོ།
ད་ཡིན་ན་སྟག་སྨིག་འདི་ལ་ཁྲིམས་ཆད་ལྕི་ཐག་ཆོད་ཅིག་གཅོད་ངེས་པ་འདྲ། མི་འདི་དངོས་གནས་ལྷག་བསམ་དང་སེམས་ཤུགས་ཀྱིས་འདང་ཡོད་པ་ཞིག་ཡིན་པ་ཡོད། ད་གང་དྲག
ཨ་ཁ་ཁ་ད་དུང་ཁྱོད་ལས་དབང་ཅི་ཞིག་གི་མི་ཡུལ་གྱི་དམྱལ་ཡུལ་དུ་མྱོང་དགོས་པ་ཡིན་ནམ།