ཉེ་ལམ་ལྡི་ལི་ནས་ངྷ་སར་ཡོང་མཁན་རླངས་འཁོར་ཞིག་ལས་ཧིན་སྒོར་མང་པོ་ཞིག་ཐོན་པར་རྐྱེན་བྱས་ཏེ། རྒྱ་གར་ཉེན་རྟོག་པས་བརྒྱུད་སྟོད་ཀརྨ་བླ་བྲང་སྔོག་བཤེར་བྱས་ཏེ་རྒྱལ་ཁབ་འདྲ་མིན་གྱི་དངུལ་ཕོན་ཆེན་ཞིག་ཐོན་ཡོད་པ་དེར་རྒྱ་གར་གསར་ལམ་ཁག་ཏུ་ཁུངས་མེད་ཀྱི་དཀྲོག་གཏམ་སྣ་ཚོགས་ཤིག་ཐོན་པའི་ཐད། རེས་གཟའ་མིག་དམར་ཉིན་ཀརྨ་བླ་བྲང་གིས་དོན་གནད་གསུམ་གྱི་ཐད་ཡོངས་ཁྱབ་གསལ་བསྒྲགས་ཤིག་སྤེལ་འདུག
དང་པོ། བླ་བྲང་སྔོག་བཤར་སྐབས་རྒྱ་གར་གྱི་ཧིན་སྒོར་འབོར་ཆེན་ཐོན་ཡོད་པའི་ཐད་གསལ་བཤད་གནང་དོན། བླ་བྲང་སྔོག་བཤེར་སྐབས་ཧིན་སྒོར་འབུམ་ ༥༠༠ ཐོན་པ་རྣམས་ནི། འཛམ་གླིང་ས་ཕྱོགས་གང་སར་ཡོད་པའི་རྒྱལ་བ་ཀརྨ་པ་མཆོག་ལ་དད་གུས་བྱེད་མཁན་ཚོས་ཀརྨ་པའི་ཐེབས་རྩའི་སྤྱི་ཚོགས་བདེ་དོན་དང༌། ཆོས་ཕྱོགས་ཀྱི་བྱེད་སྒོ་དང་འབྲེལ་བའི་ལས་གཞི་རིགས་ལག་བསྟར་ཡོང་ཆེད་ཕུལ་བ་ཤ་སྟག་རེད། བླ་བྲང་གིས་ཕྱི་ལོ་ ༢༠༠༢ ལོར་འབུལ་བ་ཕུལ་བའི་དངུལ་དེ་དག་རྒྱ་གར་གཞུང་གི་ཕྱི་དངུལ་སྟངས་འཛིན་ཁྲིམས་ལུགས་ཀྱི་སྒྲིག་གཞི་དང་མཐུན་པའི་ཆོག་མཆན་ཞུས་ཀྱང་བཀའ་འཁྲོལ་མ་ཐོབ་སྟབས། དངུལ་སྒོར་དེ་དག་གི་ཁ་གྲངས་ཐོ་འགོད་ཐོག་ད་བར་དགོན་པར་དོ་ནན་ཐོག་ཉར་ཚགས་བྱེད་བཞིན་ཡོད་པའི་དཔང་རྟགས་གསལ་པོ་ཡོད་ཅིང༌། ད་ཆར་ང་ཚོས་དཔང་རྟགས་ཁ་གསལ་དེ་དག་རྒྱ་གར་གྱི་འབྲེལ་ཡོད་ལས་ཁུངས་ཁག་ལ་འབུལ་རྒྱུའི་ལས་གཞི་རྩོམ་བཞིན་ཡོད། ཅེས་བཀོད་འདུག
གཉིས་པ། བླ་བྲང་ནས་རྒྱ་སྒོར་ཁག་ཅིག་ཐོན་ཡོད་པའི་ཐད་གསལ་བཤད་གནང་དོན། རྒྱ་ནག་གི་དངུལ་དེ་དག་བོད་དང་རྒྱ་ནག་སྐམ་སའི་ནང་རྒྱལ་བ་ཀརྨ་པ་མཆོག་ལ་དད་གུས་ཞུ་མཁན་གྱི་ནང་པ་ཧ་ཅང་མང་པོ་ཡོད་པས་ཁོང་ཚོས་བླ་མར་ཕུལ་བ་རྣམས་རྒྱ་ནག་གི་དངུལ་(Yuan)འབུལ་བཞིན་ཡོད། སྐབས་འདིར་རྒྱལ་ཁབ་ ༢༠ ཙམ་གྱི་དངུལ་ཐོན་ཡོད་པ་ལས། རྒྱ་ནག་གི་དངུལ་གྱིས་བརྒྱ་ཆ་ ༡༠ ཙམ་ལས་ཟིན་མེད་པ་མ་ཟད། རྒྱ་དངུལ་ཐོན་པ་དེ་དག་ནང་རྒྱ་སྒོར་གཅིག་ཅན་དང་གཉིས་ཅན་བཅས་རིགས་སྣ་ཚོགས་དང་གྲངས་འདྲ་མིན་ཡོད་པ་དེས་མི་སྣ་འདྲ་མིན་གྱིས་ཕུལ་བ་ར་སྤྲོད་གསལ་པོ་བྱས་ཡོད། ཅེས་འཁོད་འདུག
གསུམ་པ། ཁྲིམས་མཐུན་མིན་པའི་ས་ཆ་ཉོ་ཚོང་བྱས་སྐོར་གྱི་རྙོག་གླེང་ཐད་གསལ་བཤད་གནང་དོན། ཁྲིམས་མཐུན་མིན་པའི་ས་ཆ་ཉོ་ཚོང་བྱེད་པའི་སྙོན་འཛུགས་བྱས་པ་དེའི་ཐོག་གསལ་བཤད་ཞུས་ན། རྒྱལ་བ་ཀརྨ་པ་མཆོག་ཕྱི་ལོ་ ༢༠༠༠ ལོ་ནས་རྡ་སར་གནས་སྐབས་ཀྱི་གཟིམ་ཆུང་ནང་བཞུགས་ཡོད། དེར་བརྟེན་(Karmae Garchen)ཐེབས་རྩས་ཕྱི་ལོ་ ༢༠༠༧ ནས་རྒྱལ་བ་ཀརྨ་པ་མཆོག་ལ་དགོན་པ་དང་གཟིམ་ཆུང་གསར་པ་ཞིག་བཞེང་རྒྱུར་འབད་བརྩོན་བྱེད་མུས་ཡིན། ཕྱི་ལོ་ ༢༠༡༠ ལོར་ཐེབས་རྩས་ས་ཆ་རན་པོ་ཞིག་ངོས་འཛིན་ཐོག་ངྷ་སར་རྟེན་གཞི་བྱས་པའི་རྫོང་དཔོན་ལས་ཁུངས་སུ་(District Collector)སྙན་ཞུ་ཕུལ་ཏེ་ས་ཆ་ཉོ་ཆོག་པའི་ཆོག་མཆན་ཞུས་ཡོད་པ་མ་ཟད། ཆོག་མཆན་ཞུས་པའི་སྙན་ཞུ་དེ་དང་ལྷན་དུ་བཙན་བྱོལ་བོད་གཞུང་གི་རྒྱབ་གཉེར་ཡིག་ཆ་ཞིག་ཀྱང་ཕུལ་བའི་གྲུབ་འབྲས་སུ་ཧི་མཱ་ཅལ་མངའ་གཞུང་གི་གྲོང་ཚོ་དང་གྲོང་གསེབ་འཆར་འགོད་ལས་ཁུངས་ཀྱིས་ས་ཆ་ཉོ་རྒྱུར་དགག་བྱ་མེད་པའི་ལག་ཁྱེར་(essentiality certificate)ཟེར་བ་ཞིག་དང་(no-objection certificate)ཟེར་བ་གཉིས་གནང་ཡོད། དེ་ལྟར་འབྲེལ་ཡོད་ལས་ཁུངས་ཀྱིས་ལག་ཁྱེར་དེ་འདྲ་གནང་བ་དེས་ས་ཆ་ཉོ་ཆོག་པ་གསལ་པོ་ཆགས་པ་རེད། ཅེས་སོགས་བཀོད་འདུག
མྱུར་དུ་བདེན་མཐའ་གསལ་བ་སྨོན
འདི་ལྟར་ནདེན་དཔང་གསལ་བཤད་ཡོད་ན་སྔ་མོ་ནས་གནང་མ་ཐུབ་པ་དེ་ནི་ལྐུགས་རྟགས་ཆེ་ཤོས་དེ་རེད། སྤྱིར་བདེན་པར་རྒྱལ་ཁ་ལོས་ཐོབ།
ཀརྨ་བླ་བྲང་ནས་འདི་ལྟར་གསལ་བཤད་གནང་བར་ཐུགས་རྗེ་ཆེ།
བུ་ཆུང་ཅུང་བློ་བདེ་བག་ཕེབས་ཤིག་བྱུང།
འོན་ཀྱང་འདི་འདྲའི་གསལ་བསྒྲགས་རྣམས་རྒྱ་གར་གྱི་གསར་ཤོག་ཁག་དང་ལྷག་པར་དུ་ཧིན་དྷིའི་སྐད་ཡིག་ཏུ་ཡོད་པའི་ཧི་མ་ཅལ་གྱིས་གསར་འགྱུར་ཁག་རྣམས་སུ་དྲིལ་བསྒྲགས་གནང་རྒྱུ་ཤིན་ཏུ་ནས་གལ་ཆེ་གསར་ཤོག་དེ་དག་ཏུ་ཀརྨ་པ་ཙམ་དུ་མ་ཟད་བོད་དང་བོད་རིགས་ཡོང་ལ་དོ་ཕོག་འགྲོ་གཞིའི་སྐད་ཆ་མང་པོ་ཞིག་བཤད་ཡོང་གི་འདུག
དབྱིན་སྐད་དུ་ཡོད་པའི་གསར་སོག་ཁག་རྣམས་སུ་དེ་ཙམ་ཤོད་ཀྱི་མི་འདུག
ཁྱེད་ལས་ཀྱི་སྣེ་མོ་བ་རྣམས་ཀྱི་རིན་པོ་ཆེའི་སྐུ་གསུང་ཐུགས་ལ་འགལ་རྐྱེན་མི་འབྱུང་བ་དང་རྟག་ཏུ་མི་གཞན་ལ་གུས་ཞབས་བརྩིགས་མཐོང་དང་ལས་ཀ་རྣམས་དུས་ཐོག་དང་ཁྲིམས་དང་མི་འགལ་བར་གནང་རྒྱུ་ནི་ཤིན་ཏུ་ནས་གལ་ཆེ་བར་བརྩི་རྒྱུའི་འབོད་སྐུལ་དང།
དངུལ་གྱི་དཀའ་ངལ་ནམ་ཡང་འབྱུང་མདོག་མ་རེད།
དེས་ན་དངུལ་ག་ཚད་ཕྱིན་པ་ཡིན་ནའང་སྐྱོན་པ་མེད་པས་དེས་ན་དངུལ་ལ་མ་ལྟོས་པར་ཁཨརིམས་དང་མཐུ་པར་གནང་རོགས།
ཀརྨ་པའང་དཀའ་ཚེགས་ཆེ་བའི་ལོ་རྒྱུས་འདི་ལྟ་བུས་ཚོད་བགམ་ཐེབས་མ་མྱོང་བའི་ལྷ་སྲས་ཤིག་མ་རེད། མ་གཞི་ནས་ཀརྨ་པ་སྐུ་ཕྲེང་རིམ་པའང་འདི་ལྟ་བུའི་ལོ་རྒྱུས་ལས་གྲགས་ཅན་གྱི་བླ་སྤྲུལ་དུ་ཆགས་པ་ཞིག་རེད། བོད་པ་ཚོའི་སེམས་ནང་དུ། ཀརྨ་པ་ནམ་ཡང་འཛུམ་མདངས་མི་གཏོང་བའི་དཔའ་བོ་ཞིག་ཡིན།
གསལ་བཤད་གནང་བ་ཡག་པོ་རེད།།།།།།།་ཡིནའང་སྔོན་ལ་སྒྲོ་བཏགས་ཀྱི་གསར་འགྱུར་བྲིས་པ་པོར་བླ་བྲང་ནས་བདེན་དཔང་ཡོད་པའི་ཡིག་ཆའི་ངོ་བཤུས་བཏང་སྟེ་གསལ་བཤད་བྱས་སྟེ་ནོར་བཅོས་ཚགས་དཔར་ནང་དགོས་སུ་འཇུག་དགོས་་་སྔོན་མའི་དཔེ་ལྟར་་་་་་་སྦྲུལ་གྱི་གཅུད་དྲིལ་སྦྲུལ་རང་གི་དཀྲོལ་དུ་འཇུག་དགོས་་་་དེ་འདྲ་མ་བྱས་ཚེ་ཁོང་ཁོ་ངན་པ་ལངས་ཤོར་དུ་འགྲོ་ངེས་ཆེ།།།།།།་་་་་་་ཐུགས་རྗེ་གཟིགས་་་་་ཁྱེད་ཕྱག་མཛོད་ནས་རྣམ་པས་གཟབ་གཟབ་བྱས་ཏེ་རིན་པོ་ཆེར་སྐུ་ངལ་མེད་པའི་ཕྱག་ལས་གནང་རོགས་གནང་་་་་་་་་་་་་་་་་་་་་་་་་་་་་་་་་་་ང་དངོས་གནས་ཕྱག་མཛོད་རྒྱག་པ་ཁྱེད་ཚོར་རྒྱུན་ནས་སྣང་བ་འགྲོ་གི་མིན་འདུག་་་་་་བླ་མ་ལས་ཀྱང་ཁྱེད་རྣམས་སྤོབས་སེམས་ཆེ་བ་འདུག་གའའའའའའའའ།།།།།།།།།།།།སྐྱབས་སུ་འཆི།།།།།།དཔལ་རྒྱལ་བ་ཀརྨ་པས་མཁྱེེེན།།།།།།།།།
གསལ་བཤད་ཞེ་བོ་བྱས་ཤག ད་ཕལ་ཆེར་རྒྱ་གར་གཞུང་གིས་མགྱོད་བཤགས་འབུལ་འདོག་ཁ་བོ་རེད། མགྱོགས་དང་མྱུར་གྱིས་བགྱོད་བཤད་འབུལ་བའི་སྨོན་འདུན་ཞུ།
བོད་ཀྱི་མགོན་སྐྱབས་དམ་པ་དཔལ་རྒྱལ་བ་ཀརྨ་པ་མཆོག་གི་དམིགས་མདུན་བྱ་བཞག་ཐམས་ཅད་མྱུར་དུ་གེག་མེད་ལྷུན་གྲུབས་ཡུང་བ་དོན་དམ་པ་ལ་སྐྱབས་སུ་མཆིའོ།། །།
ལ་སོ་བཀའ་དྲིན་ཆེ། ཡིད་ཆེས་བརྒྱ་ཆ་བརྒྱ་ཡོད། ད་དུང་མུ་མཐུད་ནས་ཕྱག་ལས་བརྟན་པོ་གནང་རོགས་ཞུ།