རྒྱུད་སྟོད་ཀརྨ་བླ་བྲང་དུ་དངུལ་གྱི་དོན་རྐྱེན་ཞིག་བྱུང་བར་རྒྱ་གར་ཉེན་རྟོག་པས་ཚད་ལས་བརྒལ་བའི་བྱ་སྤྱོད་སྤེལ་བ་དང་། རྒྱ་གར་གསར་ལམ་ཁག་ཏུ་གཞི་མེད་ཉེས་འཛུགས་སྣ་ཚོགས་བྱེད་ཀྱིན་ཡོད་པའི་ཐད། བཞུགས་སྒར་ངྷ་ས་གཙོས་པའི་ལྡི་ལི་རྡོ་རྗེ་གདན། འབྲས་ལྗོངས་བཅས་སུ་བོད་རིགས་གཙོས་པའི་ཧི་མ་ལ་ཡའི་རི་རྒྱུད་ཀྱི་མི་མང་ཚོས་གདུང་སེམས་མཉམ་སྐྱེད་དང་། གསར་ལམ་ཁག་གི་བསྙོན་འཛུགས་ལ་ངོ་རྒོལ་གྱི་ལས་འགུལ་སྤེལ་གྱིན་ཡོད་པ་དེར། ཕྱི་ཚེས་ ༤ ཉིན་རྒྱ་གར་ཧི་མ་ཅལ་མངའ་སྡེ་བློན་ཆེན་ Prem Kumar Dhumal མཆོག་གིས་གོམ་བགྲོད་ཀྱི་ལས་འགུལ་དེ་རིགས་མཚམས་འཇོག་ཡོང་བའི་འབོད་སྐུལ་ཞུས་འདུག
མངའ་སྡེ་བློན་ཆེན་གྱིས་གསར་འགོད་པ་ཚོར་བརྗོད་དོན། ཀརྨ་པ་དང་འབྲེལ་བའི་དངུལ་གྱི་དོན་རྐྱེན་ཞིག་བྱུང་བ་དེའི་ཐད་བོད་པ་ཚོས་གོམ་བགྲོད་སོགས་ཀྱི་ལས་འགུལ་སྤེལ་བ་དེ་མཚམས་འཇོག་རོགས། མི་མང་པོས་མུ་མཐུད་གོམ་བགྲོད་སོགས་ཀྱི་ལས་འགུལ་སྤེལ་བ་ཡིན་ན། ཧི་མ་ཅལ་མངའ་སྡེའི་ནང་གི་ཁྲིམས་སྒྲིག་དང་འགལ་བའི་གནས་ཚུལ་འབྱུང་སྲིད་པ་རེད། དབུས་གཞུང་དང་མངའ་སྡེ་གཞུང་གི་འབྲེལ་ཡོད་ལས་ཁུངས་ཁག་གིས་སོ་སོའི་ལས་འགན་ལག་བསྟར་བྱེད་པའི་སྐབས་འདིར། མང་ཚོགས་ཀྱིས་འདི་ལྟར་གོམ་བགྲོད་སོགས་ཀྱི་ལས་འགུལ་སྤེལ་ན་འགྲིག་གི་མ་རེད། ད་ཆར་བརྟག་དཔྱད་ཞིབ་བཤེར་བྱེད་ཀྱི་ཡོད་པས་མཇུག་འབྲས་ལ་བསྒུག་དགོས་པ་རེད་ཅེས་སོགས་བརྗོད་འདུག
ཚུར་ཕུ་བླ་བྲང་གི་མཁན་པོ་དགའ་དབང་ལགས་ཀྱིས་ཐེངས་འདིའི་དོན་རྐྱེན་ཁྲོད་ཀྱི་དངུལ་འབོར་སྐོར་གསལ་བཤད་གནང་པ་ལྟར་ན། ཐེངས་འདིའི་དོན་རྐྱེན་ཁྲོད་ཐོག་མར་ཧིན་སྒོར་འབུམ་བརྒྱ་ཐོན་པ་དེ་ནི། ཀརྨ་པར་བླ་བྲང་རྒྱག་ཆེད་ས་བདག་ལ་སྤྲད་ཟིན་པའི་དངུལ་རེད། དེ་ཚུར་ཕུ་བླ་བྲང་དང་འབྲེལ་བ་ཡོད་པ་མ་རེད། དེའི་རྗེས་ཉེན་རྟོག་པས་སྔོག་བཤེར་སྐབས་བླ་བྲང་རང་ནས་ཐོན་པ། ཧིན་སྒོར་འབུམ་ ༥༣ ལྷག་དང་། ཨ་སྒོར་འབུམ་ ༦ ལྷག རྒྱ་སྒོར་འབུམ་ ༡༢ ལྷག་བཅས་ཐོན་པ་དངོས་ཡོད་གནས་ཚུལ་རེད། ཅེས་གསལ་བཤད་གནང་འདུག
ཡང་ཁོང་གིས་ཐེངས་འདིའི་དོན་རྐྱེན་བརྒྱུད་དེ། གནད་དོན་གཉིས་ཀྱི་ཐད་རྐྱེན་ངན་གྲོགས་ཤར་ཆགས་རྒྱུ་རེད་བསམ་ཡོད། དང་པོ། ད་བར་དཔལ་རྒྱལ་བ་ཀརྨ་པ་མཆོག་རྒྱ་གར་གཞུང་གི་ལྟ་རྟོག་འོག་ཡོད་པ་དེ། ཐེངས་འདིའི་ཞིབ་བཤེར་བརྒྱུད་དེ་རྒྱལ་བ་ཀརྨ་པ་རྒྱ་གར་གཞུང་ལ་དཀར་པོ་དཀར་རྐྱང་ཆགས་ཡོང་གི་རེད། གཉིས་པ། ཚུར་ཕུ་བླ་བྲང་གི་ལས་བྱེད་དག་གི་ལས་དོན་ཚགས་ཚུད་མེད་པ་དང་། འགྲོ་སྟངས་འདུག་སྟངས་མ་ཤེས་པར་འཐུས་ཤོར་དང་ནོར་འཁྲུལ་བཟོས་ཡོད་པའི་རིགས་མ་འོངས་པར་གཙང་མ་ཞིག་ཆགས་ཡོང་གི་རེད། ཅེས་བརྗོད་འདུག
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
ལྷ་ཐོག་སད་བུ་ལགས་ཐུགས་རྗེ་ཆེ། ཁྱོད་དང་ང་གཉིས་བར་ལ་བརྩོད་གཞི་གང་ཡང་མེད། ཐུགས་བློ་བདེ་པོ་གནང་རོགས།
ཡ་བརྩེ་བའི་བོད་རིགས་སྤུན་གྲོགས་ཀརྨ་རྣམ་རྒྱལ་ལགས།།ངས་ཀརྨ་རྡོ་རྗེ་ཞེས་འབྲི་ནོར་ཤོར་ཀྱང་ཁྱེད་རང་གིས་གནོང་རང་ལེན་གྱིས་ལེན་འདེབས་གནང་བར་ཐུགས་རྗེ་བླ་མེད་ཆེ།།ངས་ཁྱེད་ཉིད་ཀྱི་གསུང་ལ་རྟེན་ནས་ཁྱེད་ཉིད་ཀྱི་ཀུན་སློང་དཔོག་པ་ལས་།།ནང་ཁུལ་གྱི་ནད་རོ་ནི་མ་བསླངས་།།༧དཔལརྒྱལདབང་ཀརྨ་པ་ལ་བོད་རིགས་ཡོངས་ཀྱིས་གདུང་སེམས་གཉམ་བསྐྱེད་གནང་དུས་།།བྱ་བརྒྱའི་ཁ་ཤར་ལ་གྱུ་དུས་ཕ་ཝང་རྨོག་ཀེས་ཁ་ནུབ་ལ་བསྐོར་བའི་དཔེ་ལྟར་ནི་མ་བྱས་།།ཀརྨ་བླ་བྲང་གི་གནས་ཚུལ་ཚབ་ཆེ་ན་ཆེ།།ངས་ག་རེ་གནོང་རང་ལེན་བྱས་འདུག་གསུང་དང།།ངས་ཁྱེད་རང་བོད་རིགས་ཤིག་ཡིན་པའི་ཆ་ནས་སྤུན་ཟླར་བརྩིས་ཏེ་གུས་བཀུར་དང་བཅས་ཉན་ཆོག།འོན་ཀྱང་འཕྲལ་ཕུགས་གང་ལའང་མི་ཕན་པའི་ཚིག་རྩུབ་ནི་མི་གསུང་བར་ཞུ་ཞུ་ཞུ།།
འདི་ལྟར་དྲྭ་གྲོགས་ཚོ་བཤད་རེས་མི་བྱེད་པར་ཀླུ་སྨྱོན་ཧེ་རུ་ཀ་ཞེས་པའི་དཔྱད་རྩོམ་ནང་ཅུང་ཙམ་གཟིགས་ཁར་ཕེབས་དང་ཁྱེད་རྣས་ལ་ངེས་ཤེས་དང་གོ་བ་རྣལ་མ་ཞིག་སྐྱེ་ངེས། སྤྱིར་བོད་པའི་མི་རིགས་འདི་ཕྱོགས་གཅིག་ནས་བལྟས་ན་བླུན་པོ་རང་མཐོང་ཅན་མི་རིགས་ཀྱི་གདུག་རྩུབ་ཅན་གཉང་འཕྲང་ཛ་དྲག་ཅན་ལ་ག་འདྲ་ཞིག་ལ་ཐུགས་ན་ཡང་ཇི་མི་སྙོམས་པ་མ་ཚད་ཧཧཧ་ཧོཧོཧོ་གི་སྐད་ཆ་སུ་ཡིས་བལྟས་ན་ཡང་མི་སྙན་པ་དང་མི་མཛའ་བ། བོད་ཆོལ་ཁ་གསུམ་གྱི་དབུ་ཡི་མཆོད་གནས་ཉི་ཟླ་སྐར་གསུམ་ཞེས་དེང་གི་ཁ་རྒྱུན་དུ་དར་བའི་སངས་རྒྱས་དངོས་ལྟ་བུའི་སྐྱེས་ཆེན་འདི་ལྟ་བུ་ལ་ཅིག་ཅིག་མ་མ་ཞེས་ངན་སྐྱུར་དང་ངན་ཁག་གི་ཚིག་དམོད་དང་སློབ་གསོ་བཏང་ཁུལ་སོགས་ལ་བློ་གཟུ་བོར་གནས་པའི་མི་ཞིག་གི་ངོས་ནས་ཀྱང་(བོད་ཀྱི་ཁ་དཔེ་ལ། ཁྱི་ཕིག་ཕིག་གི་ཆུ་འབོག་ན། རང་གི་སྣ་མགོ་ལ་མཐོ་འཇལ་དགོས།)ཞེས་པ་བཞིན་དང་པོ་རང་ལ་གང་ཅིའི་ཐད་དེ་ལྟར་བཤད་རིན་ཆོག་པའི་ཆོས་སྲིད་གཉིས་ཐད་ནས་ནུས་འཇོན་གང་ཙམ་ཡོད་པའི་འཁོར་ཡུག་ལ་བྱ་ར་ཙམ་ཡང་མི་བྱེད་པར་(ཕྱོག་སྔའི་ནམ་མ་ལང་གང་། དགག་པའི་ཉི་མ་ཤར་བ་འདི་དག་ནི་ཆེས་མི་འོས་པ་དང་བྱེད་མི་ཉན་པ་ཞིག་དངོས་སུ་ཡིན་པར་སེམས། སྔོན་གྱི་ལོ་རྒྱུས་ལ་གཞིག་དང་ངའི་ཆོས་ལུགས་དང་གྲུབ་མཐའ། ངའི་ཆོལ་ཁ་དང་ཕ་ཡུལ། ངའི་ཕ་ཚོ་དང་རུ་ཚོ། ངའི་བསྐོར་པ་དང་ཕྱོགས་གཏོགས། ངའི་གྲོང་ཚོ་དང་ས་མཚམས་ཞེས་པ་གླད་རྙིང་འཁྲེགས་པོ་དེ་ཚོས་དུས་ད་ལྟའི་བར་དུ་ཕུང་འདུག་གམ་གསོ་འདུག ལེགས་པར་གཟིགས་དང་། དེར་བརྟེན་ངེད་ཚོ་གསར་སྐྱེས་སྨྱུག་ཐོག་པ་དག་གི་ལས་འགན་ནི་རང་ལ་ནུས་ཤུག་ཞིག་ཡོད་ན་མི་རིགས་འདི་ལ་ཕན་པའི་དོན་ཆེན་ཞིག་སྒྲུབ་དགོས་པ་ལས་དེ་ལ་གནོན་ཤུག་བྱ་ངན་སོགས་ཀྱི་གནབ་སེམས་གཏན་ནས་བསགས་མི་རུང། ངེད་ཚོ་བོད་མི་རིགས་འདི་མཐུན་དགོས་ཀྱི་རྩོད་མི་དགོས། ངེད་ཚོ་བོད་མི་རིགས་འདི་རྡོག་རྩ་གཅིག་དྲིལ་དགོས་ཀྱི་གཏོར་གཤིག་མི་དགོས། ངེད་ཚོ་བོད་མི་རིགས་འདི་དར་དགོས་ཀྱི་རྒུད་མི་དགོས། ངེད་ཚོ་བོད་མི་རིགས་འདི་གཅིག་བཤད་གཅིག་གི་ཉན་དགོས་ཀྱི་འཁྲུགས་རྩོད་མི་དགོས། གཅིག་ཡིད་གཅིག་ལ་ཆེས་དགོས་ཀྱི་མགོ་བསྐོར་བསླུ་བྲིད་གཏན་ནས་བྱེད་མི་རུང་། ངེད་ཚོ་བོད་མི་འདི་འཛམ་གླིང་ཞི་བའི་སྣེ་ཁྲིད་ཞིག་དགོས་ཀྱི་སྒྱིད་མ་ལུག།། སྤུན་ཟླ་ཚོ་ཐུགས་བསམ་ནང་ནས་བཞེས་རོག སྙིང་ནས་འབོད་བསྐུལ་ཞུ་གི་ཡོད།།།།།།།།།།།།།།་་་་་་་་་་
ལྷ་ཐོག་སད་བུ་ལགས། ༼ཁྱོད་ཀྱི་རིགས་བཟང་ཞེས་པ་འདི་དང་ཀརྨ་རྡོ་རྗེ་ཞེས་པ་འདི་གཉིས་ལ་གཞན་གྱི་སྐྱག་པ་ཟ་བའི་རྒྱ་གར་གི་གསར་འགོད་པ་དེ་དག་གི་རྒྱབ་ཤེད་དང་འདྲ་བར་༧ཀརྨ་པ་ལ་སྡང་ཟུག་ཆེ་བས།ད་རིས་ཀྱི་དོན་རྐྱེན་དེས་དགའ་བ་དང་།དེས་༧ཀརྨ་པ་ལ་མི་གནོད་པའི་སེམས་ཁྲལ་གཉིས་ཀ་ཆེ་རབ་བསླངས་ཡོད་པར་འདུག་ཏེ།རང་གི་ཁོག་པ་དོག་མོ་དུས་བབ་དྲ་བ་དོ་དམ་པས་ཞིབ་གཤེར་བཏང་སྙོམ་དུ་སོང་བའི་ཡིག་རིས་དེ་དག་གིས་དམར་རྗེན་དུ་འཕངས་འདུག་པས་སོ་༽སོགས་ནི། རང་གནང་རང་གི་ངོས་ལེན་པ་ཞིག་མ་ཡིན་ནམ། ད་ལམ་ཀརྨ་པ་བླ་རང་དང་འབྲེལ་བའི་གནས་ཚུལ་ནི་ཆུང་ཆུང་མ་ཡིན་པ་འཛམ་གླིང་གང་སར་གསར་འགྱུར་བསྒྲགས་བཞིན་པ་མ་ཟད། རྒྱ་གར་རྒྱལ་ཁབ་ཀྱི་ཕྱི་སྲིད་དང་ནང་སྲིད་བློན་ཆེན་སོགས་ཧི་མ་ཅལ་མངའ་སྡེ་བློན་ཆེན་གཙོས་མཐོ་རིམས་མི་སྣ་མང་པོ་དངོས་སུ་འདི་ཐད་ཐེགས་ཇུས་བྱེད་བཞིན་པ་མཐོང་གསལ་ལ། མ་གཞི་རང་རིགས་བོད་པ་རྣམས་རང་གནང་རང་གི་བཀོད། གཞན་སྐྱོན་འདོགས་རྒྱ་དགའ་བོ་རེད། ད་ཕྱིན་རང་སྐྱོན་རང་གི་ངོ་ལེན་བྱེད་ནས་འཛམ་གླིང་ཡར་མཐོན་གྱི་རྗེས་སུ་འབྲོང་ནས་ཆོས་དང་འཇིག་རྟེན་གཉིས་ཀའི་སྤྱོད་བཟང་དང་མི་འགལ་བ་བྱེད་རྒྱུ་གལ་ཆེ།
རིགས་བཟང་ཞེས་པ་འདི་དང་ཀརྨ་རྡོ་རྗེ་ཞེས་པ་འདི་གཉིས་ལ་གཞན་གྱི་སྐྱག་པ་ཟ་བའི་རྒྱ་གར་གི་གསར་འགོད་པ་དེ་དག་གི་རྒྱབ་ཤེད་དང་འདྲ་བར་༧ཀརྨ་པ་ལ་སྡང་ཟུག་ཆེ་བས།ད་རིས་ཀྱི་དོན་རྐྱེན་དེས་དགའ་བ་དང་།དེས་༧ཀརྨ་པ་ལ་མི་གནོད་པའི་སེམས་ཁྲལ་གཉིས་ཀ་ཆེ་རབ་བསླངས་ཡོད་པར་འདུག་ཏེ།རང་གི་ཁོག་པ་དོག་མོ་དུས་བབ་དྲ་བ་དོ་དམ་པས་ཞིབ་གཤེར་བཏང་སྙོམ་དུ་སོང་བའི་ཡིག་རིས་དེ་དག་གིས་དམར་རྗེན་དུ་འཕངས་འདུག་པས་སོ།།
བཀྲ་ཤིས་བདེ་ལེགས
༄༅།།སྐབས་འདིར་ང་ཚོ་ཚང་མས་༧རྒྱལ་བ་ཀརྨ་པ་མཆོག་ལ་གདུང་སེམས་མཉམ་བསྐྱེད་དང་རྒྱབ་སྐྱོར་ཆེད་རང་རང་གི་ས་གནས་སུ་མང་ཚོགས་འདུ་འཛོམས་ཀྱིས་རྒྱལ་མཚན་རྩེ་མོའི་བཟུང་། ཁ་མཆུ་ནག་པོའི་བཟུང་དང་། དེ་མིན་གསང་གསོལ་རླུང་རྟ་སོགས་གང་མང་བྱེད་གལ་ཆེ་བ་མཐོང་། དེ་མིན་མར་མེ་ཁྲོམ་བསྐོར་དང་ངོ་རྒོལ་སྐད་འབོད་སོགས་ཀྱི་ལས་འགུལ་བརྩམས་ཡུལ་ཁྲིམས་དང་ཡུལ་མི་རྣམས་དང་འགལ་ཟླ་ཆགས་སྲིད་པས་ས་གནས་གཞུང་གི་ཉེན་རྟོགས་པ་དང་དེ་བཞིན་དབུས་གཞུང་ནས་གནང་དགོས་སོགས་གང་ཅིར་འགོག་རྐྱེན་མི་བཟོ་བར་མཐིལ་ཕྱིན་གནང་ན་མཐའ་མ་བདེན་པ་ང་ཚོར་ཡོད་པས་བདེན་མཐའ་གཙང་མ་ཐོན་དང་ཐོན། དེས་ན་༧དཔལ་རྒྱལ་བ་ཀརྨ་པ་མཆོག་ལ་མི་དགའ་བའི་མི་ངན་རེ་བཟུང་གིས་ངན་བྱུས་རྣམས་ཕམས་ཤིང་ཁ་ནང་ལ་འཛུབ་མོ་རྒྱུས་ཏེ་བསྡོད་དགོས་ཆགས་རྒྱུ་ཉག་ཅིག་རེད། དེ་སོང་ཙང་ད་རེས་ཀྱིས་དོན་རྐྱེན་འདི་ནི་རྐྱེན་ངན་གྲོགས་ཤར་ངོ་མ་རེད། ཐུགས་རྗེ་ཆེ། བདེན་པ་རྒྱལ་ལོ། ༧རྒྱལ་བ་ཀརྨ་པ་རྒྱལ་ལོ། བོད་རྒྱལ་ལོ། །
རྒྱུད་སྟོད་ཀརྨ་བླ་བྲང་དང་རྣམས་པ་ལྷན་རྒྱས་ལ་ཞུ་རྒྱུ། གནས་ཚུལ་ཚང་མ་མི་འབོར་བསྡུ་རུབ་ཀྱི་ཐགས་ཆོད་གི་མ་རེད། ད་རེས་རྒྱུད་སྟོད་ཀརྨ་བླ་བྲང་དང་འབྲེལ་བའི་གནས་ཚུལ་འདི་རྒྱ་གར་རྒྱལ་ཁབ་ཀྱི་ཁྲིམས་དང་འགལ་བའི་གནས་ཚུལ་སོང་ཙམ། རྒྱལ་ཁབ་ཀྱི་རྩ་ཁྲིམས་ལ་བརྩི་བསྲུང་བྱེད་རྒྱུ་གལ་ཆེ། ཡང་ན་རྒྱལ་ཁྲིམས་དང་མ་འགལ་པའི་དཔང་པོ་ཡོད་ན་ཐབས་ཤེས་གནང་རེན་སོང་།
རྒྱུད་སྟོད་ཀརྨ་བླ་བྲང་གི་མཁན་པོ་དགའ་དབང་ནས་གསལ་བཤད། ད་ལམ་ཀརྨ་བླ་བྲང་གི་བོད་སྤྱིའི་ཞབས་འདྲེན་ཞུས་པ་ལ་ངོ་ལེན་རྣམ་པར་ཙམ་ཡང་མེད་པ། དཔའ་ངམ་བལྟའུ་གནད་དོན་གཉིས་ཀྱི་ཐད་རྐྱེན་ངན་གྲོགས་ཤར་ཆགས་རྒྱུ་རེད་བསམ་ཡོད་ཞེས་པའི་སྟོང་བསམ་ལ་ལྟོས་དང། སྔོན་འཞིན་རྒྱུ་ནོར་ཡོད་ན་ག་རེ་བྱས་ན་འགྲིག་གི་རེད་བསམ་པའི་སྤོབས་པ་དེ་ད་དུང་ཞུམ་མི་འདུག གཞི་བྱས་བོད་མི་ཡོངས་ལ་དགོངས་སེལ་དང་མ་འོངས་དེ་བཞིན་མི་ཡོང་བའི་མཁས་ལེན་བྱས་ན་ལེན་པོ་མི་འདུག་གམ།
༧རྒྱལ་བ་ཀརྨ་པ་ལ་མ་འོངས་པའི་འདུན་ལམ་ཡོད་མེད་སུས་ཀྱང་བཤད་མི་ཐུབ་ལ། གལ་ཏེ་གང་ཟག་ཆེ་གེ་མོ་ཞིག་གིས་རྨོང་འཆར་དེ་ལྟ་བུ་ཞིག་འདོན་ནའང་དེ་བཞིན་འགྱུར་བའི་རེ་དྭོག་གཉིས་ཀའི་སྟོང་པ་ལས་མ་འདས་ལོ།
གོང་གསལ་གནད་དོན་རྣམས་ལ་ངོས་ལེན་རྩ་བ་ནས་མེད། གང་ལགས་ཤེས་ན། གསར་འགོད་པའི་ཚོང་དོན་ལ་བསམ་ནས་གསལ་བསྒྲགས་བྱས་པ་ལས། དངོས་ཡོད་ལ་གཞིག་ནས་གསལ་བསྒྲགས་མ་ཡིན་པས་སོ།
dhumaཞེས་པའི་མངའ་སྡེའི་བློན་འདི་ཞེ་གཏིང་ནས་བོད་པ་སྐྱབས་བཅོལ་བ་དང་ཧི་མ་ལ་ཡིའི་ནང་ཆོས་ཀྱི་རྒྱུད་འཛིན་པ་ཡོངས་ལ་མི་དགའ་བའི་རྣམ་འགྱུར་དམར་རྗེན་དུ་སྟོན་པ་མ་ཚད་མངའ་སྡེའི་བློན་ཆེན་གཞན་དང་མ་འདྲ་བའི་གཏམ་བཤད་ཀྱང་ཛ་དྲག་ཅན་མང་པོར་སྤེལ་གི་འདུག་པས་གུས་པའི་བསམ་ཚུལ་ལ། དང་པོ་ནས་རྙོག་གྲ་མ་བྱུང་བའི་ཐབས་ལ་འབད་དགོས་པ་ནི་ཤིན་ཏུ་གལ་ཆེ་ན་ཡང་། དེ་ལྟར་མ་བྱུང་ནས་དོན་རྐྱེན་འདིས་༸རྒྱལ་དབང་རིན་པོ་ཆེ་ལ་ཕོག་ཐུག་ཚབ་ཆེན་ཤོར་ཚར་བ་རེད། ད་དུང་ཁོ་རང་གི་ཁ་ལ་མ་ཉན་ནས་མི་མང་གི་འུར་ལོང་མང་པོ་ཞིག་བྱེད་ཆེ་ན་༸རྒྱལ་དབང་རིན་པོ་ཆེའི་མཛད་ཕྲིན་ལ་གནད་དོན་གཉིས་པོ་དེ་ལམ་ལྷོང་འགྲུབ་རྒྱུ་དང་ལྟ་ཞོག་གང་ལ་ཡང་ཕེབས་འབྱོན་མི་ཆོག་པ་སིདྡྷི་རིན་པོ་ཆེ་ལྟ་བུ་ཞིག་འབྱུང་བའི་ཉེན་ཤིན་ཏུ་ཆེ་བས། བླ་བྲང་རང་ནས་མི་མང་ལ་འབོད་སྐུལ་དེ་ད་དུང་ཡང་བསྐྱར་ཁྱབ་བསྒྲགས་ཤིག་བྱེད་དགོས་པར་གནད་ཆེ་སྙམས།
མངའ་སྡེའི་བློན་ཆེན་ནས་ཐོག་མར་༧རྒྱལ་བ་ཀརྨ་པའི་བླ་བྲང་ལ་གནས་ཚུལ་དེ་བྱུང་འཕྲལ། གཟུགས་མཐོང་རླུང་ཕྲིན་བརྒྱུད་ལམ་སེང་རྒྱ་ནག་གི་དངུལ་དོན་པ་དེ་ཧ་ཅང་གི་ཚབས་ཆེན་ཡིན་པ་དང་། དགོས་གལ་བྱུང་ཚེ་ཕྱིར་ཐོན་གྱི་སྒོ་ཡང་བཏོན་རྒྱུ་ཡིན་པའི་ཉེན་བརྡ་ཞིག་གནང་སོང་བར། ལམ་སེང་ང་ཚོ་འབྲས་ལྗོངས་རྒྱ་གར་མི་སེར་རྣམས་ཀྱི་ངོས་ནས་དེ་ལ་ངོས་ལེན་མེད་པ་དང་། ༧རྒྱལ་བ་ཀརྨ་པ་མཆོག་ཧི་མ་ཅལ་ལ་བཞུགས་མ་ཆོག་ནའང་འདི་ག་འབྲས་ལྗོངས་སུ་ཕེབས་ན་རང་ཁྱིམ་དུ་སླེབ་པ་ཡིན་པའི་སྐོར་གྱི་སྐད་འབོད་དང་། རྒྱ་གར་གཞུང་ལ་ཡང་དེ་བཞིན་མུ་མཐུད་འབོད་བསྐུལ་ཞུས་ཡོད། ཡང་དེ་རིང་ཧི་མ་ཅལ་མངའ་སྡེའི་བློན་ཆེན་ནས་བོད་མིས་གཙོས་༧རྒྱལ་བ་ཀརྨ་པ་ལ་རྒྱབ་སྐྱོར་ཞུ་མཁན་ཡོད་དོ་ཅོག་ལ་སྐད་འབོད་རིགས་མི་ཡོང་འབོད་བསྐུལ་གནང་འདུག་པ་འདི་ཐོག་མར་བརྙན་འཕྲིན་བརྒྱུད་དེ་ལྟར་གནང་ན་ཆོག་པ་ལས་ད་ཆ་ཅུང་ཕྱི་དྲག་པའི་རྣམ་པ་ཞིག་རང་བཞིན་གྱི་ཡོང་གི་འདུག་ལ། མ་ཚད་བོད་མི་ཚོའི་སྟེང་ཞིབ་བཤེར་བྱ་རྒྱུའི་རྡིག་བསྐུལ་བྱས་པ་དེའང་། རྒྱ་གར་རང་ཉིད་ཀྱི་ཆབ་སྲིད་ལ་ཞིབ་པར་དཔྱོད་དགོས་པ་ལས། བོད་མི་དེ་རྣམས་འགྲོ་ས་མེད་པ་དེ་འདྲ་ཨ་ཡིན་ན།
ཧ་ཧཧཧཧཧ་
རྒྱ་མི་ཚང་ལྟ་བུ་ཞིག་གིས་བདག་སྐྱོང་མ་བྱས་ན་གཞན་པས་བྱེད་མི་ཐུབ་ཡ།
ད་དུང་མཁྲེགས་པ་ལ།
ཧཧཧཧཧཧ
རྒྱལ་གཅེས་དྲ་གྲོགས་ཚོ་གཟིགས་དང། ཐེངས་འདིའི་དཔལ་རྒྱལ་བ་ཀརྨ་པའི་བླ་བྲང་དུ་ཐོན་པའི་དངུལ་གྱི་གནས་ཚུལ་དེ་ལ་ང་ཚོ་དད་ལྡན་བོད་མི་ཚང་མས་བློ་ཚབ་བྱས་པ་ནི་ནོར་མེད་གནད་དོན་དེས་རྒྱལ་བ་ཀརྨ་པ་ལ་མཚན་སྨྲས་བཞུས་པ་ཙམ་མ་ཡིན་པར་ང་ཚོ་བོད་པའི་ཚོགས་སྡེ་མི་ཆེན་ཚང་མར་རྒྱ་གར་གཞུང་གི་དམ་དྲག་བྱེད་དགོས་པའི་གནད་དོན་ཞིག་ཏུ་གྱུར་ཡོད། ཡིནའང་ཁོང་གི་ཞབས་རྗེ་མཁན་པོ་དགའ་དབང་གིས་བོད་མི་རྣམས་ལ་དགོངས་སེལ་དང་མ་འོངས་དེ་དོན་མི་ཡོང་རྒྱུའི་སྐོར་མ་བཤད་པར་སྤྱོད་ངན་ངོམས་སུས་ཐེངས་འདིའི་དོན་རྐྱེན་བརྒྱུད་དེ། གནད་དོན་གཉིས་ཀྱི་ཐད་རྐྱེན་ངན་གྲོགས་ཤར་ཆགས་རྒྱུ་རེད་བསམ་ཡོད་ཞེས་པའི་སྟོང་བསམ་ལ་ལྟོས་དང། ཐེངས་འདིའི་དོན་རྐྱེན་བརྒྱུད་དེ། གནད་དོན་གཉིས་ཀྱི་ཐད་རྐྱེན་ངན་གྲོགས་ཤར་ཆགས་རྒྱུ་ཕར་བཞགས་དེ་ལས་ལྡོག་ཏེ་མ་འོངས་པར་བོད་པའི་ཚོགས་སྡེ་དང་བླ་ཆེན་ཚོང་ཆེན་ཁག་ལ་དོ་དམ་ནན་ཏུ་རྒྱུ་ནི་བརྗོད་མི་དགོས།
རང་དབང་དམངས་གཙོ་ལྡན་གྱུར་ན། ངོ་རྒོལ་ཅི་ཡང་བྱེད་པ་མཚང།
མངའ་སྡེའི་བློན་ཆེན་གསུང་བཤད་འདི། གཟིར་གནས་ལེགས་པར་བཤད་པ་ཉིད།
རྒྱ་གར་ཧི་མ་ཅལ་མངའ་སྡེ་བློན་ཆེན་མཆོག་གི་བཀའ་ལ་གཟབ་དགོས་། རང་རིགས་བོད་ཀྱི་མ་འོངས་པའི་རྩ་དོན་གལ་ཆེན་པོ་རེད་། རྒྱལ་གར་གཞུངས་གི་སྒྲིག་ཁྲིམས་ལ་མི་མང་གམ་བགྲོད་བྱེས་ནས་འགྱུར་བ་བཏང་ཐུབ་གི་མ་རེད་། མཁན་པོ་དགའ་དབང་ལགས་ཀྱི་གསུང་འཕྲིན་བསྙེན་པོ་འདུག དེ་བཞིན་ཡོངས་བའི་སྨོན་ལམ་ཡོད་། གོ་ཐོས་ཁ་ཤས་ལ་ད་རེས་བརྒྱུད་སྟོད་ཀརྨ་པ་བླ་རང་དང་འདྲེལ་བའི་གནས་ཚུལ་འདིའི་བརྐྱེན་པས། ཨོ་བརྒྱན་འཕྲིན་ལས་རིན་པོ་ཆེ་ལ་རྒྱ་གར་ནང་མའོངས་འདུན་ལམ་མེད་པ་གྱུར་བའི་གནས་ཚུལ་མང་དག་ཞིག་བཤད་གི་འདུག