ས་བྱི་ཞི་རྒོལ་ཆེན་མོའི་རྗེས་སུ་རྒྱལ་སྤྱིའི་གསར་འགོད་པ་ཁག་ཅིག་བོད་ནང་ལ་གནས་ཚུལ་རྒྱུས་ལོན་བྱེད་དུ་བསྐྱོད་སྐབས། བོད་ཀྱི་རྒྱལ་ས་ལྷ་སའི་གཙུག་ལག་ཁང་གི་དགེ་འདུན་པ་སྐོར་ཞིག་གིས་ལུས་སྲོག་ལོངས་སྤྱོད་དང་བཅས་པ་བོད་མི་རིགས་ཀྱི་ཆེད་དུ་བློས་གཏོང་བྱས་ཏེ། གསར་འགོད་པ་དེ་དག་ལ་བོད་ནང་གི་གནས་སྟངས་དངོས་འགྲེལ་བཤད་བརྒྱབ་ཡོད་ཅིང་། གནས་ཚུལ་དེ་འཛམ་གླིང་ལ་ཁྱབ་བསྒྲགས་ཤུགས་ཆེན་སོང་ཡོད། དགེ་འདུན་པ་དེ་དག་ཁྲོད་ཀྱི་བསྟན་འཛིན་ནོར་བུ་ཞུ་བ་ཁོང་ཉེ་ལམ་རྒྱ་གར་ནང་སྐྱབས་བཅོལ་དུ་འབྱོར་ཡོད་སྟབས། ཕྱི་ཚེས་ ༢༦ ཉིན་འདི་གའི་གསར་འགོད་པས་ཁོང་ལ་ཐུག་འཕྲད་བྱས་ཏེ། ས་བྱི་ཞི་རྒོལ་ཆེན་མོའི་གནས་ཚུལ་དང་འབྲེལ་ཏེ། ཉིན་དེར་ཁོང་ཅག་གིས་རྒྱལ་སྤྱིའི་གསར་འགོད་པ་ཚོར་སྐད་ཆ་བཤད་པའི་སྐོར་ལ་བཅར་འདྲི་ཞུས་ཡོད།
གྲྭ་བསྟན་འཛིན་ནོར་བུ་ལགས་ཀྱིས་ཐོག་མའི་བྱུང་རིམ་སྐོར་ནས་བརྗོད་དོན། ༢༠༠༨ ལོར་བོད་ས་ཡོངས་སུ་ཞི་བའི་ངོ་རྒོལ་བྱུང་རྗེས། རྒྱ་གཞུང་གིས་ཟླ་བ་ ༥ ལྷག་གི་རིང་ལྷ་སའི་གཙུག་ལག་ཁང་དུ་མཆོད་མཇལ་བ་བཀག་འགོག་བྱས་ཤིང་། ནང་ཁུལ་གྱི་གྲྭ་བ་ཚོ་ཕྱི་རུ་འགྲོ་སྐྱོད་བཀག་སྡོམ་བྱས་སོང་། ཟླ་གསུམ་པའི་ཚེས་ ༢༧ ཉིན་གྱི་ཞོགས་པར་གློ་བུར་དུ་མི་བརྒྱ་ཕྲག་མང་པོ་ཞིག་གཙིག་ལག་ཁང་ལ་མཆོད་མཇལ་དུ་བཏང་བྱུང་། སྐབས་དེར་ནང་ལོགས་ཀྱི་གྲྭ་བ་འགས་རྒྱལ་སྤྱིའི་གསར་འགོད་པ་ཡོང་གི་ཡོད་པ་ཤེས་ཡོད་སྟབས། བརྡ་ལན་གང་ཡང་མེད་པའི་ཐོག་ནས་མཆོད་མཇལ་བ་གཙུག་ལག་ཁང་ཏུ་བཏང་བ་དེ་ནི་གཡོ་སྒྱུ་ཞིག་བཀོལ་བཞིན་ཡོད་པ་ཤེས་ཏེ། ང་ཚོ་གྲྭ་བ་ཁག་ཅིག་གིས་གྲོས་བསྡུར་བྱས་ཏེ། རྒྱ་སྐད་ཤེས་མཁན་ཚོས་གསར་འགོད་པ་ཚོར་གནས་ཚུལ་བཤད་ཐབས་བྱ་རྒྱུ་དང་། གཞན་པ་ཚང་མས་མཐའ་གཅིག་ཏུ་རྒྱབ་སྐྱོར་བྱ་རྒྱུའི་ཁས་ལེན་བྱས་པ་ཡིན། ཉིན་དེར་སྣེ་ཤན་པ་དང་གྲྭ་བ་ཁག་ཅིག་གིས་རྒྱ་ཕྱོགས་ཀྱི་ངོ་སྤྲོད་མང་པོ་ཞིག་བྱེད་ཀྱི་འདུག སྐབས་དེར་ང་ཚོས་འཚང་ཁ་བརྒྱབ་སྟེ་གསར་འགོད་པ་དག་གི་མདུན་དུ་བརྒྱུགས་པ་ཡིན། ཞེས་དང་།
ང་ཚོས་ངུ་ཞོར་བཤད་ཞོར་གྱིས་བོད་ནང་གཏམ་བརྗོད་རང་དབང་དང་ཆོས་ལུགས་དད་མོས་རང་དབང་ཟུར་ཙམ་ཡང་མེད་པ་མ་ཟད། ཞི་བའི་ཡར་ལངས་སྐབས་བོད་པ་བརྒྱ་ཕྲག་མང་པོ་དམར་གསོད་བཏང་སོང་། ནམ་རྒྱུན་རྒྱ་གཞུང་གིས་གུང་ཁྲན་ཏང་མི་དང་གཞུང་གི་ལས་བྱེད་ཚོ་མཆོད་མཇལ་དང་བསང་གཏོང་བ་སོགས་ཆོག་གི་མེད་ལ། ཐ་ན་ལག་ཏུ་ཕྲེང་བ་ཙམ་ཡང་འཛིན་འཇུག་གི་མེད་ཀྱང་། ད་ལྟ་གཙུག་ལག་ཁང་ལ་མཆོད་མཇལ་དུ་འགྲོ་བཞིན་ཡོད་པ་དེ་དག་ཚང་མ་གུང་ཁྲན་ཏང་མི་དང་གཞུང་གི་ལས་བྱེད། དེ་དག་གི་ནང་མི་རྐྱང་རྐྱང་རེད། རྒྱ་གཞུང་གིས་བོད་པ་ཚོས་ཡར་ལངས་བྱས་པ་དེའི་རྒྱབ་ཏུ་ཕྱི་རྒྱལ་གྱི་བོད་མིའི་སྒྲིག་འཛུགས་དང་། ཏཱ་ལའི་བླ་མའི་ངན་སྐུལ་ཡོད་རབས་བཤད་དེ། གསར་ལམ་ཁག་ཏུ་ཁྱབ་བསྒྲགས་ཤུགས་ཆེན་བྱེད་ཀྱི་ཡོད་པ་དེ་དག་བདེན་པ་མ་རེད། བོད་པ་ཚོས་ཡར་ལངས་བྱས་པ་དེ་ནི། རྒྱ་ནག་གིས་བོད་ས་བཙན་བཟུང་བྱས་རྗེས་དངོས་ཤུགས་བརྒྱུད་གསུམ་ནས་བོད་པར་གཉའ་གནོན་དང་བརྙས་བཅོས། དྲག་གནོན་དང་འཇིགས་སྐུལ་ཡུན་རིང་བྱས་པའི་ན་ཟུག་མ་བཟོད་པར་ཐེངས་འདིར་ཕྱིར་བཏོན་པ་རེད། ཁྱེད་ཅག་གསར་འགོད་པ་ཚོ་གཙོས་པའི་འཛམ་གླིང་མི་མང་གིས་བོད་པ་ཚོར་ད་བར་རོགས་སྐྱོར་བྱས་པ་རེད་ལ། ད་དུང་མུ་མཐུད་དུ་བོད་པའི་གནད་དོན་ལ་རྒྱབ་སྐྱོར་ཡོང་བའི་རེ་སྐུལ་ཞུ་བཞིན་ཡོད་ཅེས་བཤད་པ་ཡིན་ཟེར།
ཡང་ཁོང་ལ་རྗེས་སུ་ཉེན་རྟོག་པས་འཛིན་བཟུང་སོགས་ཀྱི་གནས་ཚུལ་བྱུང་ཡོད་མེད་དྲིས་པར་ཁོང་གིས། སྐབས་དེར་ང་ཚོ་ཚང་མས་ཐེངས་འདིར་དམར་གསོད་མི་གཏོང་ཡང་། ཚེ་བཙོན་སོགས་ཀྱི་ཁྲིམས་ཐག་ལྕི་མོ་གཅོད་ངེས་ཡིན་པའི་ཚོད་དཔག་བྱས་པ་ཡིན། འོན་ཀྱང་བསམ་ཡུལ་ལས་འདས་པ་ཞིག་ལ། གྲྭ་ནོར་རྒྱལ་དང་བསྟན་འཛིན་གཉིས་འཛིན་བཟུང་གིས་གྲྭ་བཞིའི་བཙོན་ཁང་ནས་ཉིན་ ༡༦ ལྷག་ལ་བཀག་ཉར་བྱས་སོང་བ་མ་གཏོགས། ང་ཚོ་གཞན་རྣམས་འཛིན་བཟུང་སོགས་ཀྱི་གནས་ཚུལ་བྱུང་མ་སོང་མོད། ཕྱིས་སུ་བོད་པའི་ཉེན་རྟོག་པ་ཁ་ཤས་བསླེབས་ཏེ། རྒྱལ་སྤྱིའི་གསར་འགོད་པ་དག་ལ་བཤད་པའི་སྐད་ཆ་དེ་དག་རྫུན་གཏམ་ཡིན་ཟེར་ནས་ཁྱབ་བསྒྲགས་བྱས་ན་ཉེས་པ་མེད་ཟེར། འོན་ཀྱང་ང་ཚོས་གཏན་ནས་ཁས་ལེན་བྱས་མེད་སྟབས། གྲྭ་བ་འདི་དག་གིས་ཆབ་སྲིད་ཤེས་ཀྱི་མི་འདུག་ཟེར་ནས་ཆབ་སྲིད་སློབ་གསོ་མགོ་འཛུགས་བྱས་སོང་། ཉིན་ལྟར་སྤྱི་ཚོགས་རྙིང་པའི་སྐབས་སུ་བོད་པ་བྲན་གཡོག་ལམ་ལུགས་ཡིན་ཚུལ་དང་༸གོང་ས་མཆོག་དང་བཙན་བྱོལ་བོད་གཞུང་རྒྱལ་ཁབ་ཁ་བྲལ་གཏོང་མཁན་གྱི་གཏེ་བོ་ཡིན་སྐོར། ཏང་དང་རྒྱལ་ཁབ་བོད་མི་རིགས་ལ་བཀའ་དྲིན་ཆེན་པོ་ཡིན་ལུགས་སོགས་བཤད་དེ། དགོན་པའི་བྱེད་སྒོ་རྣམ་བཞག་དང་ཆོས་ཕྱོགས་ཀྱི་སློབ་གཉེར་གོ་སྐབས་རྦད་དེ་མེད་པ་བཟོས་སོང་། ཞེས་ཕྱིར་དྲན་ལ་སུན་སྣང་གི་རྣམ་པས་བརྗོད་བྱུང་།
ཁོང་གིས་ཐེངས་འདིར་རྒྱ་གར་ལ་ཡོང་དོན་སྐོར་བཤད་རྒྱུར། ཆབ་སྲིད་སློབ་གསོ་དང་དོ་དམ་སྟངས་འཛིན་ནན་མོའི་འོག སློབ་གཉེར་གྱི་དུས་ཚོད་མ་རག་སྟབས་ང་རང་དགོན་པ་ནས་ཕྱིར་བུད་པ་ཡིན། ཉིན་འགའི་རྗེས་ཉེན་རྟོག་པས་སྐད་བཏང་སྟེ་ངའི་སྡོད་གནས་དང་ཁ་པར་ཨང་གྲངས་སོགས་བླངས་སོང་། གལ་སྲིད་ཁ་པར་ཨང་གྲངས་བརྗེ་བོ་རྒྱག་པ་དང་སྡོད་གནས་སྤོར་བ་སོགས་ཀྱི་གནས་ཚུལ་བྱུང་སྐབས། འཕྲལ་དུ་ཉེན་རྟོག་ལས་ཁུངས་ལ་སྙན་གསེང་ཞུ་དགོས་ལ། ས་ཆ་གཞན་ལ་འགྲོ་ན་དགོངས་པ་མ་ཞུས་པར་རང་དགར་འགྲོ་མི་ཆོག་ཟེར། སྐབས་དེ་ནས་བཟུང་མི་མང་འདུ་འཛོམ་བྱེད་ས་དང་། ཐ་ན་བར་སྐོར་དུ་འགྲོ་ཡང་ཐོབ་ཐང་ལག་འཁྱེར་བཟུང་ནས་འགྲོ་དགོས་ཆགས་སོང་། དེ་ལྟར་སློབ་སྦྱོང་ཕར་ཟད་ཉིན་རྒྱུན་སྐྲག་དངངས་དང་སུན་གཙེར་འོག་སྡོད་དགོས་སྟབས། ཡུལ་ནས་སྡོད་མ་འདོད་པར་རྒྱ་གར་ལ་ཡོང་བ་ཡིན། ཞེས་བརྗོད་བྱུང་།
ཡང་ཁོང་ལ་ལྷ་ལྡན་གཙུག་ལག་ཁང་གི་སྐོར་ནས་གླེང་མོལ་བྱེད་སྐབས་ཁོང་གིས། གཙུག་ལག་ཁང་ལ་མཚོན་ན་ལོ་རེ་བཞིན་བོད་ཡུལ་ཆོལ་ཁ་གསུམ་གཙོས་པའི་འཛམ་གླིང་ཡུལ་གྲུ་ཁག་ནས་མཆོད་མཇལ་བ་ཁྲི་ཕྲག་མང་པོ་ཡོང་སྟེ། གཙུག་ལག་ཁང་གི་ལྷ་ཁང་རེ་རེ་བཞིན་དངུལ་དངོས་ཀྱི་ཡོང་འབབ་ཧ་ཅང་ཕོན་ཆེན་པོ་ཡིན། འོན་ཀྱང་དངུལ་དེ་དག་དགེ་འདུན་པ་ཚོར་དབང་གི་མེད་པར་གཞུང་གི་དངུལ་ཁང་ལ་བཞག་སྟེ། བསྐྱར་དུ་གཙུག་ལག་ཁང་གི་ལས་བྱེད་ཚོའི་ཟླ་ཕོགས་དང་། དགོན་པ་ཉམས་གསོའི་ཐད་གཏོང་གི་ཡོད་པ་རེད། ཅེས་དང་། ༢༠༠༨ ལོའི་ཞི་བའི་ངོ་རྒོལ་བྱུང་རྗེས་ནས་བཟུང་གཙུག་ལག་ཁང་གི་མཐའ་ཁོར་དུ་དམ་དྲག་སྔར་ལས་ཤུགས་ཆེ་རུ་བཏང་སྟེ། དེང་སྐབས་བོད་རིགས་ཡིན་ཕྱིན་ཆད་ལ་གཙུག་ལག་ཁང་གི་བར་སྐོར་ནང་འགྲོ་སྐབས། དམག་མི་ཚོས་འདྲི་རྩད་བྱ་རྒྱུ་དང་འཛིན་བཟུང་བྱ་མིན་ལ་སྐྲག་སྣང་གིས་འགྲོ་དགོས་པ་ཆགས་ཡོད། རྒྱ་རིགས་དང་མཉམ་དུ་ཚོང་དང་སྤྱིར་བཏང་གི་ཁ་རྩོད་ཙམ་བྱུང་ཡང་། ཆབ་སྲིད་ཀྱི་ངོ་བོ་བསྒྱུར་ཏེ་ཉེས་འཛུགས་སྣ་ཚོགས་བྱེད་ཀྱི་འདུག་ལ། དེ་བཞིན་རྒྱ་རིགས་ཚོར་གུ་ཡངས་དང་བོད་པ་ཚོར་དོགས་ཟོན་དམ་དྲག་གིས་མི་རིགས་དབྱེ་འབྱེད་ཤུགས་ཆེན་པོ་བྱེད་ཀྱི་འདུག ཅེས་བརྗོད་བྱུང་།
གསར་འགོད་པ། དོན་གོ
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
Goupon ཚོང་ལས་ཁང་དང་བོད་དོན།
སྤྱི་ཟླ་དང་པོའི་ཚེས་༦ ཉིན་ཨ་མི་རི་ཀའི་ནང་རྩེད་མོ་སྐད་གྲགས་ཅན་Super Bowl ལམ་བོད་པ་ཚོས་ཨོར་འཐོམ་པོ་ལོ་ཞེས་འབོད་པ་དེ་མཐའ་མའི་རྩེད་འགྲན་ཨ་རིའི་རྒྱལ་ཡོངས་བརྙན་འཕྲིན་ཐོག་བཏོན་པའི་ཉིན་ཨ་རིའི་རྒྱལ་ཡོངས་ནས་རྩེད་མོ་དེ་བལྟ་མཁན་མི་འབོར་ས་ཡ་༡༠༦ དང་གྲངས་ཆུང་༥ བྱུང་ཡོད་ཅིང༌། རྩོད་མོ་དེ་ནི་ཨ་རིའི་མི་དམངས་ཚོར་ཚོན་ན་གལ་ཆེ་དོན་ཆེན་གྱིས་བལྟ་འདོད་པ་ཞིག་དང་ལྟོ་མོ་བཏོནཔའི་སྐབས། ནང་མི་དང་དགའ་ཉེ། གྲོགས་གྲོགས་མོ། གྲོང་པ་ཁྱིམ་མཚེས་སོགས་མཉམ་འཛོམས་ཀྱིས་བལྟ་བ་ཡིན། རྩེད་མོ་སྐད་གྲགས་ཆེན་པོ་དེ་བཏོན་པའི་སྐབས། དེའི་དབར་ན་ཚོང་གི་དྲིལ་བསྒྲགས་སྐར་ཆ་༣༠ སོ་གྲངས་བཏོན་གྱི་ཡོད་པ་དེ་ཡང་ཉིན་དེར་ཨ་རི་རྒྱལ་ཡོངས་ནས་ལྟ་མོ་བལྟ་མཁན་གྱི་མི་འབོར་ཆེས་མང་བར་སོང༌། དྲིལ་བསྒྲགས་ཐུང་ངུ་དེར་ཡང་ཨ་རིའི་ཊོ་ལར་ས་ཡ་འགའ་ཤས་ཐོབ་པ་ཡིན། བསམ་ཡུལ་ལས་འདས་པ་ཞིག་ལ། ཨ་མི་རི་ཀའི་གྲོང་ཁྱེར་Chicago ནང་དུ་རྟེན་གཞི་བྱས་པའི་Groupon ཚོང་ལས་ཁང་གིས་བྱིན་བདག་བྱས་ཏེ། ཉིན་དེའི་རྩེད་མོའི་བར་གསེང་གི་དྲིལ་བསྒྲགས་སྐར་ཆ་༣༠ བྱས་པ་ཞིག་ལ་ཨ་མི་རི་ཀའི་གློག་བརྙན་འཁྲབ་སྟོན་པ་Timothy Hutton ཡིས།བོད་ནང་གི་བོད་མི་རྣམས་དཀའ་ངལ་ཐོག་ལྷུངས་ཡོད་པའི་གནས་སྟངས་གསལ་སྟོན་བྱས་ཡོད་པ་རེད། བོད་དོན་དྲིལ་བསྒྲགས་སྐར་ཆ་༣༠ བྱས་པ་དེར་ཨ་རིའི་ཊོ་ལར་ས་ཡ་༣ ཐོབ་ཡོད་པ་དང༌། Groupon ཚོང་ལས་ཁང་གི་ཚོང་གི་དྲིལ་བསྒྲགས་ནང་བོད་དོན་འདེམས་དགོས་པའི་དགོས་པ་ཇི་ཡིན་སྐོར་ལ་བསམ་ཚུལ་ཤོད་མཁན་འདྲ་མིན་ཡོད། བཟང་ཕྱོགས་དང་ལྡོགས་ཕྱོགས་གཉིས་ཀའི་བསམ་ཚུལ་འཛིན་མཁན་ཡོང་གི་ཡོད། བཟང་ཕྱོགས་འཛིན་མཁན་ཚོས་ཨ་རིས་བོད་དོན་རྒྱབ་སྐྱོར་བྱས་པ་གཞི་རྒྱ་ཆེ་ཤོས་ཡིན་པར་ངོས་འཛིན་བྱེད་ཀྱི་འདུག་ གལ་ཏེ་ཁྱེད་རང་གིས་དྲིལ་བསྒྲགས་དེ་གཟིགས་འདོད་ན། གཤམ་འོག་གི་Youtupe ཁ་བྱང་ཐོག་ཡོད།
http://www.youtube.com/watch?v=pOwJOcp-Mxk
གྲྭ་བསྟན་འཛིན་ནོར་བུ་ལགས་ལ་འཚམས་འདྲི་དང་འབྲེལ་ཞུ་རྒྱུ་ཞིག་ལ། ཁྱེད་ཅག་གཙུག་ལག་ཁང་གི་དགེ་འདུན་པ་འགའི་སྙིང་སྟོབས་དང་ཆོད་སེམས་དེས་མང་བོ་ཞིག་ལ་སེམས་འགུལ་ཐེབས་བཅུག་སོང་། ད་དུང་ཁ་ཕྱོགས་གསར་བ་ཞིག་དང་རེ་བ་གསོན་པོ་ཞིག་བསྟན་སོང་། རྒྱུ་མཚན། ནམ་རྒྱུན་བོད་ཀྱི་སྤྱི་ཚོགས་ནང་དུ་གཙུག་ལག་ཁང་གི་ལས་བྱེད་དགེ་འདུན་པ་ཚོ་ནི་རྒྱ་མིའི་ཕོག་ཟ་མཁན་ཞིག་ལས་ལ་རྒྱ་ཅན་ཞིག་དང་མི་རིགས་ཀྱི་བདེ་སྡུག་བསམ་མཁན་ཞིག་རེ་བའི་ཡིད་དུ་མེད་པ་རེད། ཁྱེད་ཅག་གིས་རང་སྲོག་ཕངས་མེད་དུ་བཏང་སྟེ་རྒྱལ་སྤྱིའི་གསར་འགོད་པའི་མཐོང་སར་བདེན་དཔང་དང་བཅས་བསྟན་པ་དེ་རེད། བཀའ་དྲིན་ཆེ་ཞུ།
གཞན་བཙན་བྱོལ་གཞུང་སྒེར་གཉིས་ཀྱི་དགེ་འདུན་པ་བསྟན་འཛིན་ནོར་བུ་ལགས་ལ་དཀའ་ངལ་འཕྲད་འཇུག་མི་ཉན་པ་དང་། རང་འདོད་ཀྱི་དགོན་པ་དང་སློབ་གྲྭ་གང་དུ་འགྲོ་ན་དེ་ལྟར་བྱེད་རྒྱུ་དང་། དཔའ་འབྱོར་ཕྱོགས་ནས་ཀྱང་ཐུགས་ཡིད་ཚིམས་འཇུག་རྒྱུ་གལ་ཆེན་རེད། དེ་མིན་བོད་ནང་ནས་དཀའ་སྡུག་མྱོང་མཁན་མང་བོ་ཞིག་གིས་བཙན་བྱོལ་ལ་རེ་བ་བརྒྱབས་ནས་ཡོང་དུས། བཙན་བྱོལ་ནས་སེམས་ཤུགས་ཆགས་བཅུགས་ཡོད་ནི་མང་བོ་རེད།
བུ་རྒོད་པོའི་བསམ་དོན་འགྲུབ་པར་ཤོག
བསྟན་འཛིན་ནོར་བུ་ལགས་རྒྱ་གར་དུ་ཕེབས་ཐོབ་པར་བཀྲ་ཤིས་བདེ་ལེགས་ཞུ།
ད་དུང་ཁོང་ལ་རོགས་པ་མང་པོ་ཡོད་པ་དེ་རྣམས་གང་དུ་ཡོད་པ་ད་དུང་ཤེས་ཀྱིན་མི་འདུག་ག།