ཁ་སང་ཕྱི་ཚེས་ ༩ ཉིན་བྷི་བྷི་སེ་གསར་ཁང་གིས་གནས་ཚུལ་སྤེལ་བ་ལྟར་ན། ཉེ་ཆར་ཐའེ་ཝན་གཞུང་གིས་ ༢༠༠༢ ལོ་ནས་ ༢༠༠༥ ལོའི་བར་རྒྱལ་ཁབ་ཀྱི་རྐང་དམག་གི་དམག་སྤྱི་ཆེན་མོ་དང་། རྒྱལ་ཁབ་ཆ་འཕྲིན་བརྡ་དག་ལས་ཁུངས་ཀྱི་འགན་འཛིན། ༢༠༠༨ ལོར་རྒྱལ་ཁབ་ཀྱིས་ཧྲོའོ་ཅང་གི་གོ་ཐོབ་སྤྲད་ཡོད་པའི་དམག་དཔོན་ལའོ་ཞན་ཀྲུག་གིས་ཐའེ་ཝན་རྐང་དམག་གི་འཐབ་རྩལ་ཁྱབ་ཁོངས་དང་དེ་འབྲེལ་གྱི་ཆ་འཕྲིན། འཐབ་རྩལ་གྱི་ས་ཁྲ། རྐང་དམག་གི་དམག་འཐབ་དང་འབྲེལ་ས་འོག་བརྒྱུད་ལམ་གྱི་ས་ཁྲ། ཨ་རི་དང་མཉམ་འབྲེལ་གྱིས་བསྒྲུབ་པའི་དམག་དོན་གསང་བའི་ཡིག་ཆ་སོགས་རྒྱལ་ཁབ་ཀྱི་གསང་བའི་གནས་ཚུལ་གང་མང་ཞིག་རྒྱ་ནག་གཞུང་ལ་མཁོ་གཏོང་བྱས་ཡོད་པའི་གནས་ཚུལ་ཤེས་རྟོགས་བྱུང་སྟེ་འཛིན་བཟུང་བྱས་ཡོད་འདུག
ཐེངས་འདིའི་གནས་ཚུལ་དེ་ནི། ཐའེ་ཝན་རྒྱལ་སྲུང་ལྷན་ཁང་གིས་ ༢༠༡༠ ལོར་ཐའེ་ཝན་བརྒྱུད་ལམ་ཁག་ལ་གསང་ཉུལ་དང་འབྲེལ་བའི་གནས་ཚུལ་དང་། ཨ་རིའི་གསང་འཕྲིན་དྲ་བ་སོགས་བརྒྱུད་ཤེས་རྟོགས་བྱུང་རྗེས། འབྲེལ་ཡོད་ལས་ཁུངས་ཁག་ལ་ཞིབ་འཇུག་བྱས་ཡོད་འདུག་ལ། ཕྱིས་སུ་ལའོ་ཞན་ཀྲུག་གི་གཞུང་ལས་ཁང་དང་ཁྱིམ་སོགས་སུ་ཞིབ་འཇུག་བྱས་ཏེ། གསང་བའི་གནས་ཚུལ་མཁོ་གཏོང་བྱས་ཡོད་པ་ར་སྤྲོད་གསལ་བོ་བྱུང་ཡོད་པར་མ་ཟད། ༢༠༠༤ ལོར་ཁོང་ཐེ་ལན་ཌིར་ཆེད་མངགས་ཀྱིས་དམག་དོན་ལས་འགན་བསྒྲུབ་པར་གཏོང་སྐབས། རྒྱ་ནག་གཞུང་གི་གསང་ཉུལ་བའི་ལས་ཀ་དངོས་སུ་འགན་ལེན་བྱས་ཡོད་པ་ར་སྤྲོད་བྱུང་ཡོད་འདུག
ད་ལྟའི་ཆར་ཁོང་གསང་ཉུལ་བ་ཡིན་པའི་གནས་ཚུལ་ཁག་ཅིག་ཤེས་རྟོགས་བྱུང་བ་ལས། ཁོང་གིས་ཨ་རིའི་དམག་དོན་དང་འབྲེལ་བའི་ལས་དོན་བསྒྲུབ་སྐབས་འཕྲུལ་རིག་དྲ་བའི་མ་ལག་སྐོར་གྱི་གསང་བ་ཕྱིར་འཚོང་བྱས་པའི་གནས་ཚུལ་གསལ་རྟོགས་བྱུང་མེད་ཀྱང་། དེ་ནི་ཐའེ་ཝན་གྱི་དམག་དོན་དང་འབྲེལ་བའི་གནས་ཚུལ་ཆེ་ཤོས་ཤིག་དང་། ༡༩༦༠ ལོར་ཐའེ་ཝན་སྲུང་སྐྱོབ་ལྷན་ཁང་གིས་དཔོན་རིགས་གཞོན་པ་ཞིག་གིས་དམར་བོའི་རིང་ལུགས་ཀྱི་གསང་ཉུལ་བ་ཚོར་རྡུང་རྡེག་ཚ་ནན་གྱི་ལས་འགུལ་བྱུང་བའི་རྗེས་ཀྱི་ཐའེ་ཝན་གྱི་ཧྲོ་ཅང་གོ་ཐོབ་ཡོད་མཁན་ཞིག་ལ་གསང་ཉུལ་བ་གནད་དོན་བུད་པ་ཐོག་མ་དེ་ཆགས་ཡོད་འདུག
རང་ལོ་ ༥༡ ཡིན་པའི་ལའོ་ཞན་ཀྲུག་ནི། རྐང་དམག་དཔོན་ཁག་ཨང་ ༥༡ པའི་ཆ་འཕྲིན་དམག་མིའི་སྡེ་ཚན་དང་ཐའེ་ཝན་རྒྱལ་སྲུང་སློབ་ཆེན། རྐང་དམག་སློབ་སྟོན་སློབ་གླིང་། རྒྱལ་སྲུང་སློབ་ཆེན་གྱི་དམག་འཁྲུག་སློབ་གླིང་བཅས་ནས་སློབ་མཐར་ཕྱིན་ཞིང་། ཕྱིས་སུ་ཐའེ་ཝན་རྐང་དམག་ཨང་ ༦ པའི་རུ་ཁག ༧༣ པའི་ཆ་འཕྲིན་དམག་དཔུང་གི་སློབ་སྟོན་པ་དང་དམག་དཔོན་གྱི་འགན་འཁུར་ཡོད་པར་མ་ཟད། ཐའེ་ཝན་དང་ཨ་རིའི་དྲག་ཆས་རྒྱལ་སྲུང་འབྲེལ་མཐུད་ཨང་ ༢ པའི་གསང་བའི་གནས་ཚུལ་མཁོ་སྒྲུབ་པ་དང་། རྒྱལ་ཡོངས་གསང་བའི་གནས་ཚུལ་མཁོ་སྒྲུབ་ཁང་གི་འགན་འཛིན་བཅས་ཀྱི་ལས་སྣེ་འཁུར་ཡོད་པ་རེད།
གསར་འགོད་པ། དོན་གོ
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
དྷ་ས་དང་། བཙན་བྱོལ་སྐྱིད་སྡུག་ནང་ལ་གཟབ་དགོས་པའི་ཉན་བརྡ་ཅིག་ཀྱང་མ་རེད་དམ།
བཙན་བྱོལ་གཞུང་གིས་དེ་འདྲའི་གསང་བ་ཞིག་ཤེས་དགོས་ན། ད་དུང་མི་རབས་གཉིས་གསུམ་ཙམ་གྱི་དུས་ཚོད་དགོས་རྒྱུ་འདུག
དེ་དམག་ལས་ཀྱི་བྱ་བ་ལ་མེད་དུ་མི་རུང་བ་ཞིག་རེད་ཡ་མཚན་རྒྱུ་གང་ཡང་ཡོད་པ་མ་རེད་
གནའ་ཞིག་ལ་གསང་ཉུལ་བ་ཡིན་ནི་རེད་ཟེར། དེང་སང་བཀའ་བློན་ཁྲི་བར་འདུག་རྒྱུ་ཟེར་གྱིན་འདུག
ཁོའི་རྐང་ལག་བཞི་བཅད་དེ་འགྲེམ་སྟོན་ཁང་དུ་བཤམ་དགོས་པ་རེད། བཙོན་པའི་མིང་ཞིག་བཏགས་ནས་བུ་མོ་བཞི་ཞབས་ཞུ་བར་བཞག་པ་ཡིན་ན་གསང་ཉུལ་བ་བྱེད་རྒྱུར་སུ་ལའང་ཞེད་སྣང་ཡོང་གི་མ་རེད། ང་ཚོ་ནང་པའི་རྗེས་འཇུག་ཡིན་པའི་ཆ་ནས་བསྟན་དགྲ་སྒྲོལ་བའི་དྲག་སྔགས་རེ་བགྲང་རོགས། ཨོཾ་མ་ཎི་པདྨེ་ཧཱུཾ་ཕཊ ཕཊ ཕཊ ཕཊ
ཕུལ་བྱུང་གསང་མྱུལ་ཞིག་གི་ནུས་པ་དེ། རྒྱལ་ཁབ་གང་གི་རྒྱལ་ཁའི་འབྲས་བཟང་གཅིག
འདི་ནི་ད་ལྟའི་བར་དུ་རྒྱལ་ཁབ་ཀུན། སྲིད་ལུགས་ཐབས་ཀྱི་འཕྲུལ་ཞིག་མ་ཡིན་ནམ།
ཡིན་ཡང་བཙན་བྱོལ་བོད་གཞུང་མཐོ་རིམ་ནང། འདི་འདྲ་ཡོད་སྙམ་དོགས་པ་བདག་མེད་ལ།།
ལྷག་པར་རྒྱ་གར་གཞུང་གིས་ཀརྨ་པར། དོགས་པས་སྲུང་སྐྱོབ་ཚུལ་འདི་འོས་མ་ཡིན།
ད་དེ་འདྲ་རེད་ངོ་ཚ་མེད་པའི་གླང་།རྒྱ་དམར་གཞུང་ནས་ལྐོག་དངུལ་དེ་ཁོའི་ཟླ་ཕོག་ལས་མཐོ་པ་ཡོད་པ་ཡིན་རྒྱུ་རེད། རང་ངོ་མི་ཤེས་པའི་རྒྱལ་འཚོང་མཁན་དེ་འདྲས་རང་གི་ཕོར་པའི་ནང་སྐྱག་པ་གཏོང་གིན་ཡོད་པ་རེད། དེའི་རིགས་གང་ས་གང་དུ་ཡོང་གིན་ཡོད་པ། ངོས་གནས་ཐབས་སྐྱོ་པོ་རེད།
གསང་ཉུལ་བ་ཟེར་བ་དེ་འདི་འདྲའི་དཔོན་རིགས་ཀྱི་ནང་དུ་ཡོང་གི་ཡོད་པ་རེད། ཐ་ན་ང་ཚོའི་བཙན་བྱོལ་ནང་གི་མི་འདི་ཚོས་གསང་ཉུལ་བ་ཟེར་བ་དེ་སྣེ་ལེན་ཁང་གི་ནང་གི་གསར་འབྱོར་སྤྲང་བོ་དག་ལ་མ་གཏོགས་ངོས་འཛིན་མི་ཐུབ་པ་དེ་ཤིན་ཏུ་སྐྱོ་བའི་གཞིའོ།།
གལ་སྲིད་ནུས་པ་མེད་པའི་གསང་ཉུལ་བ་ཟེར་བ་དེས་ག་རེ་བྱས་ཀྱང་གནོད་ཀི་མ་རེད། གསང་ཉུལ་བ་ནུས་ལྡན་དག་འདིལྟར་མཉམ་འཇོག་མི་བྱེད་ས་ནས་ཡོང་གི་རེད།
མཐར་ཞུ་རྒྱུར། གསར་འགྱུར་འདི་བསྡུ་སྒྲིག་ཚད་ལྡན་ཞིག་བྱས་འདུག འདིས་བཙན་བྱོལ་ནང་གི་མི་ཚོར་མིག་རྒྱ་ཞིག་སྐྱེད་དུ་བཅུག་སོང་།