“བདེ་སྐྱིད་ལྡན་པའི་ལྷ་ས” – འོད་ཟེར།

དབྱིན་ཡིག་སོགས་སུ་བསྒྱུར་ཏེ་གནས་ཚུལ་མཁོ་གཏོང་གནང་ཚེ་དེར་དགག་བྱ་ཅི་ཡང་མེད།

གང་ཡིན་ཟེར་ན་ལོ་ངོ་ ༢༠ ནས་༣༠ ནང་ཚུད་རྒྱ་བོད་ཀྱི་དཀའ་ངལ་འདི་སེལ་མ་ཐུབ་ཚེ་ནམ་ཞིག་ལྷ་ས་གཙོས་པའི་བོད་ལྗོངས་དང་བོད་རིགས་མི་དམངས་རྣམས་ཀྱི་འཚོ་གནས་དང་། རིག་གཞུང་། སྐད་ཡིག ཆོས་ལུགས། ཁོར་ཡུག་སོགས་ཕྱོགས་གང་སར་གསོབ་ཏུ་མེད་པའི་བོད་མི་རིགས་ཀྱི་གྱོང་གུད་གཅིག་ཐེབས་རྒྱུར་ཐེ་ཚོམ་མེད།

ཡིན་ནའང་༸ བོད་ཀྱི་ཆེས་བླ་ན་མེད་པའི་དབུ་འཁྲིད་༸ གོང་ས་མཆོག་སྐུ་ཞལ་འཚོ་བཞིན་བཞེངས་པའི་སྐབས་སུ་རྒྱ་བོད་ཀྱི་གནད་དོན་ཐག་གཅོད་གཅིག་ཐུབ་ཚེ་བོད་རྒྱ་མི་རིགས་གཉིས་ཀར་ཁེ་ཕན་དང་། མཐུན་སྒྲིལ་ངང་ཡུན་རིང་མཉམ་གནས་ཐུབ་ལ་དེ་ལས་ལྡོག་ཏེ་༸ གོང་ས་མཆོག་གི་སྐུ་ཚེའི་མཐའ་མཇུག་ཏུ་བོད་ལྗོངས་དང་གང་ཉིད་ཀྱི་ལས་དབང་དེ་གཞན་ཡུལ་དུ་གཏན་ནས་ཁ་བྲལ་དུ་སོང་ཚེ་ད་གཟོད་གཞན་གྱིས་ཚབ་མཚོན་མི་ནུས་པའི་༸ གོང་ས་མཆོག་ཀྱང་མེད་ལ་བོད་ལྗོངས་སུ་བརྟན་བརླིང་དང་རྒྱ་བོད་ཀྱི་དཀའ་ཚེགས་གཏན་དུ་སེལ་ཐབས་བྲལ་ཡོད།

ཡིན་ནའང་ངས་གསལ་བཤད་གནད་ལ་འཁེལ་བ་ཞིག་གཅིག་བྱེད་འདོད་པ་དེ་གང་ཡིན་ཟེར་ན་ད་ལྟ་དུས་རབས་ཉེར་གཅིག་འདིའི་ནང་བོད་ཀྱི་ལས་དབང་དེ་རྒྱ་མིའི་ལས་དབང་ཡིན། རྒྱ་ནག་རྒྱལ་ཁབ་དེ་ཇི་ཙམ་སྟོབས་ཆེན་ཆགས་ཚེ་ད་གཟོད་བོད་ལྗོངས་དང་བོད་རིགས་ཡང་སྟབས་ཆེན་དུ་འགྱུར་ཐུབ་ལ་རྒྱ་ནག་དང་རྒྱ་མི་རིགས་དེ་ཇི་ཙམ་གུད་ན་བོད་ལྗོངས་དང་བོད་རིགས་རྣམས་ཀྱང་རང་བཞིན་སྐྱོ་པོ་ཆགས་རྒྱུར་ཐེ་ཚོམ་ཁྱོན་ནས་མེད།

དེ་འདྲ་སོང་ཙང་བོད་ཀྱི་གནད་དོན་དེ་གང་མགྱོསག་ཅི་མྱུར་དུ་སེལ་ཐབས་བྱེད་དགོས་ལ། ལར་ནས་༸ གོང་ས་མཆོག་གིས་གང་ཉིད་ལོ་ངོ་ ༡༠ ནས་ ༢༠ ནང་ཚུད་དུ་ངེས་པར་དུའང་རྒྱ་ནག་དང་བོད་ལྗོངས་སུ་མགྱོགས་ནས་མྱུར་དུ་ཕེབས་དགོས།

རྒྱ་བོད་མཐུན་སྒྲིལ་དང་། བོད་ཀྱི་སྤྱི་ཚོགས། བོད་རིགས་འཆམ་མཐུན། བཅས་བྱེད་པར་༸ གོང་ས་མཆོག་ལས་ལྷག་པའི་མི་གཅིག་རྒྱ་བོད་གཉིས་ཀྱི་ནང་དུ་མེད་སྟབས་རྒྱ་ནག་གཞུང་གིས་ངོས་ནས་བཤད་ན་༸ གོང་ས་ཏྰ་ལའི་བླ་མ་ནི་ཆེས་རྩ་ཆེའི་རིན་བྲལ་གྱི་ནོར་བུ་གཅིག་རང་ཉིད་ཀྱི་ལག་ཏུ་འབྱོར་བ་དང་ཁྱད་པར་མེད།

༸ གོང་ས་མཆོག་གི་ངོས་ནས་བཤད་ན་རང་གིས་གཅེས་པའི་ཕ་ཡུལ་དང་། རང་རིགས་བོད་རིགས་མི་དམངས་ཀྱི་རེ་བ། མེས་རྒྱས་ཁྱིམ་ཚང་ཆེན་པོའི་བདེ་སྐྱིད། རྒྱ་རིགས་དད་ལྡན་སྤྱི། མདོར་ན་རྒྱ་བོད་མི་རིགས་གཉིས་ཀྱི་འགྲོ་བ་མིའིརིགས་ཀྱི་འཚོ་གནས་དང་དགོས་མཁོར་གཞན་གྱིས་ཚབ་མཚོན་མི་ནུས་པའི་དབང་གྲགས་དང་ནུས་པ་ལྡན་ཡོད་སྟབས། མགོན་པོ་གང་ཉིད་ཀྱི་མཛད་འཕྲིན་གྱི་ཆེས་རླབས་ཆེ་བའི་མཐའ་མཇུག་གི་གྲུབ་འབྲས་དེས་རྒ྄བོད་གཉིས་ཀྱི་ལོ་རྒྱུས་དེབ་ཐེར་གྱི་ནང་དུ་ནམ་ཡང་བསྐལ་པར་གནས་ངེས་ཡིན།

དེ་ལས་ལྡོག་ཏེ་༸ གོང་ས་མཆོག་ཕྱི་རྒྱལ་དུ་སྐུ་གཤེགས་པའི་གནས་ཚུལ་བྱུང་ཚེ་ད་གཟོད་རྒྱ་ནག་གཞུང་གིས་ཨ་སྒོར་དུང་ཕྱུར་སྤྲད་ནས་ཉོ་ཐབས་མེད་ལ་བོད་ལྗོངས་མི་དམངས་ཀྱིས་ངོས་ནས་མཚོན་ན་རྦད་དེ་སེམས་སྡུག་དང་། ཡི་ཆད་། སྐྱོ་གདུང་གིས་གནས་སུ་གྱར་ཏེ་རྒྱ་བོད་མི་རིགས་གཉིས་འགལ་ཟླ་དེ་ནམ་ཡང་རྣོ་ངར་ཅན་ཞིག་ཏུ་འགྱུར་རྒྱུ་ལས་སུས་ཀྱང་བཅོས་ཐབས་མེད་པའི་ནད་གཞི་ཨེཙེ་ཟེར་བ་དང་ཆོས་མཚུངས་སུ་འགྱུར་རྒྱུ་རང་རེད།

དེར་བརྟེན་ངས་དྲ་གྲོགས་ཡོངས་ལ་རྒྱ་བོད་མི་རིགས་གཉིས་ཀྱི་མཐུན་སྒྲིལ་ཁྲི་ལོར་བརྟན་བའི་སྨོན་འདུན་ཞུ་རྒྱུ་ཡིན།

རྩོམ་པོ་འོད་ཟེར་ལགས་ཀྱིས་བདེ་སྐྱིད་ལྡན་པའི་ལྷ་ས་ཞེས་པའི་དཔྱད་རྩོམ་ཞིག་དྲ་ཐོག་ཏུ་སྤེལ་བར་བསྔགས་བརྗོད་ཞུ། ངས་རྩོམ་ཡིག་འདི་བཀླགས་མ་ཐག་ཏུ་ངས་རང་ཉིད་ཀྱིས་མིའི་ཚེའི་བརྒྱུད་རིམ་ནང་དུ་དངོས་སུ་མིག་མཐོང་ལག་ཟིན་བྱུང་བའི་བོད་ཀྱི་རྒྱལ་ས་ལྷ་སའི་སྐོར་ལ་ཅུང་ཟད་གཅིག་གླེང་འདོད་བྱུང་། དྲ་ཐོག་ཏུ་ཕེབས་མཁན་ཚོས་དངོས་ཡོད་གནས་ཚུལ་ཤེས་རྟོགས་ཐུབ་རྒྱུ་དེ་ངའི་རེ་བ་ཡིན།

བདེ་སྐྱིད་ལྡན་པའི་ལྷ་སར་བལྟས་ནས་ཕྱི་ནང་གཉིས་ཀྱིས་སྒོ་ནས་བལྟ་ཚུལ་མི་འདྲ་ཁག་གཉིས་ཡོད། དེ་ཡང་ཕྱི་རོལ་ཡུལ་གྱི་ངོས་ནས་བལྟས་ན་ལྷ་ས་གྲོང་ཁྱེར་ནི་ཕྱི་ལོ་ ༡༩༩༥ལོའི་ཡར་སྔོན་ལ་ངས་མཐོང་མྱོང་བའི་ལྷ་ས་ནི་ཕྱི་ཁང་བརྩེགས་ཐོག་ཅན་དེ་ཙམ་མཐོན་པོ་དང་ཆེས་མཛེས་སྡུག་ལྡན་པའི་ཁང་པའི་བཀོད་པ་ཡང་ཆེས་ཉུང་ཉུང་ཡིན།
དེ་བཞིན་མི་འགྲུལ་ལམ་དུ་འགྲོ་བར་བྱེད་པའི་ཆ་ནས་བལྟས་ན་དེ་བས་འཆར་གཞི་དང་ལྡན་པའི་འགྲོ་ལམ་ཡག་པོ་མེད་ཁར་གཡས་གཡོན་གང་སར་གད་སྙིགས་ཡང་ཧ་ཅང་མང་པོ་མཐོང་རྒྱུ་ཡོད། གྲོང་སྡེ་ཁག་ཏུ་གནས་སྡོད་མཁན་གྱི་མི་དམངས་ཚོའི་ཁང་པ་དང་། གློག འཐུང་ཆུ། གསང་སྤྱོད་སོགས་ཀྱི་གནས་སྟངས་ཀྱང་དེ་བས་ཧ་ཅང་གི་ཡག་པོ་མེད། མ་ཟད་ཚོང་ཁང་དང་། ཟ་ཁང་། ཇ་ཁང་། ཆང་ཁང་། ཁྲོམ་རྭ། གློག་བརྙན་ཁང་། ཞབས་བྲོ་ཁང་སོགས་ཀྱི་ཕྱིའི་མཐུན་རྐྱེན་དེ་བས་སྐྱོ་པོ་ཡིན། ད་དུང་གྲོང་ཁྱེར་གྱི་ནང་དུ་ཡར་མར་འགྲོ་འོང་བྱེད་དུས་ལྷ་སའི་གྲོང་དང་སྲང་ལམ་དག་ཏུ་རྒྱ་བོད་འདྲེས་མའི་མི་རྣམས་ཕར་འགྲོ་ཚུར་འོང་བྱེད་བཞིན་ཡོད་ནའང་མང་ཆེ་བ་བོད་རིགས་མི་དམངས་རྣམས་མིག་མདུན་དུ་མཐོང་རྒྱུ་ཡོད། དེ་ནི་རྒྱ་ནག་དབུས་གཞུང་གིས་བོད་རིགས་སྤྱི་དང་ལྷག་དོན་རྒྱལ་ས་ལྷ་སའི་བོད་དབུས་ཁུལ་དུ་ཆབ་སྲིད་ཀྱི་རླུང་ཡན་འཚུབ་འཚུབ་ཡང་ཡང་བྱུང་བའི་རྐྱེན་གྱིས་ཡིན་པར་མ་ཟད་ལར་ནས་བོད་ལྗོངས་གདེང་རབས་ཅན་དུ་བསྒྱུར་རྒྱུའི་ཐད་ལ་རྒྱ་ནག་གཞུང་གི་སྲིད་ཇུས་ལ་ནོར་འཁྲུལ་དང་རྗེས་ལུས་ཚབས་ཆེ་ཐེབས་ཡོད། དེ་ནི་ངས་དངོས་སུ་མཐོང་ཐོས་མྱོང་གསུམ་བྱུང་བའི་དངོས་ཡོད་ཀྱི་གནས་ཚུལ་ཤ་སྟག་ཡིན།

ཕྱི་ལོ་ ༢༠༠༧ ལོར་ང་ལོ་ངོ་ ༡༣ ཙམ་གྱིས་རྗེས་སུ་བོད་དུ་བསྐྱོད་དུས་ངའི་མིག་གིས་མཐོང་བའི་ལྷ་སའི་ཕྱིའི་བཀོད་པ་རྣམས་མཐོང་མ་ཐག་ཏུ་དེ་བས་ཆེས་མཛེས་སྡུག་ལྡན་པ་ཞིག་ངའི་མིག་ལམ་དུ་དངོས་སུ་མིག་ཟིན་ལག་མཐོང་བྱུང་བ་དག་ནི། སྔར་ལྟར་མི་འདྲ་བའི་ཁང་བརྩེགས་ཅན་གང་སར་མཐོང་རྒྱུ་འདུག་ལ་ལྷ་ས་གྲོང་ཁྱེར་གྱི་ཕྱིའི་བཀོད་པ་མཛེས་ལ་འཆར་གཞི་ལྡན་པ། འགྲོ་ལམ་ཡངས་ཤིང་རྒྱ་ཆེ་ལ་ངོས་གཙང་བ། གད་སྙིགས་སོགས་ཅུང་ཟད་མཐོང་རྒྱུ་མི་འདུག དེ་བཞིན་གློག་དང་། འཐུང་ཆུ། གསང་སྤྱོད། གྲོང་སྡེ་སོགས་ཕྱོགས་གང་སར་ཡར་རྒྱས་ཆེན་པོ་བཏང་འདུག

དེ་བཞིན་མཚན་མོ་ཡང་གློག་འོད་ཆེམ་ཆེམ་གྱིས་ཁྱབ་ཅིང་ཉིན་པར་ལས་ཀྱང་མཚན་མོ་དེ་བས་ཆེས་མཛེས་སྡུག་ལྡན་པའི་ལྷ་ས་གྲོང་ཁྱེར་ཞིག་ཏུ་འཛུགས་སྐྲུན་བྱས་དང་བྱེད་བཞིན་འདུག

ཡིན་ནའང་ངས་ཕྱི་ལོ་ ༡༩༩༥ ལོའི་སྔོན་གྱི་ལྷ་སའི་ནང་གི་ངོས་བལྟས་ན་སྲང་ལམ་ཁག་ཏུ་རྒྱ་མི་སྤྲང་པོ་མང་པོ་མཐོང་བྱུང་ཀྱང་ལོ་ངོ་ ༡༣ ཕྱིནཔའི་རྗེས་སུ་ལྷ་སའི་ཟ་ཁང་དང་སྲང་ལམ་ཁག་ཏུ་རྒྱ་མི་སྤྲང་པོ་གཅིག་ཀྱང་མཐོང་མ་བྱུང་། བོད་རིགས་ལྟོ་སློང་མཁན་གྱི་སྤྲང་འཁྱམས་མང་དག་གཅིག་ངས་མིག་གིས་མཐོང་བྱུང་།

ཕྱི་ལོ་ ༡༩༩༥ ལོའི་ཡས་མས་སུ་ཞོག་པ་སྲང་ལམ་ཁག་ཏུ་གད་ཕྱིས་རྒྱག་མཁན་མང་ཆེ་བ་རྒྱ་མི་ཡིན་ནའང་ལོ་ངོ་ ༡༣ འདས་པའི་རྗེས་སུ་འགྲོ་ལམ་གཙང་མ་བཟོ་མཁན་དང་གད་ཕྱིས་རྒྱག་མཁན་བོད་རིགས་ཤ་སྟག་མིག་གིས་མཐོང་ཐོས་བྱུང་།
ད་དུང་ ༡༩༩༥ ལོའི་དུས་སྐབས་སུ་ལྷ་སའི་གྲོང་དང་སྲང་ལམ་ཁག་ཏུ་ཕར་འགྲོ་ཚུར་འོང་བྱེད་མཁན་མང་ཆེ་བ་བོད་རིགས་མཐོང་རྒྱུ་ཡོད་ཀྱང་ ༢༠༠༧ ལོར་ང་ལྷ་སར་འབྱོར་མ་ཐག་ཏུ་སྔར་གྱི་ལྷ་སའི་བོད་རིགས་མི་དམངས་རྣམས་གང་དུ་ཕྱིན་ནམ་བསམས་པའི་འཚོར་སྣང་སྐྱེས་པ་མ་ཟད་མིག་གི་མདུན་དུ་མཐོང་ཚད་རྒྱ་རིགས་ཤ་སྟག་ཡིན་སྟབས་ཡང་སྙིང་ང་བོད་ལྗོངས་སུ་སླེབས་སམ་ཡང་ན་རྒྱ་མིའི་གྲོང་ཁྱེར་ཞིག་ཏུ་འབྱོར་རམ་བསམས་པའི་འཚོར་བས་ཉིན་ཤས་ང་བློ་སེམས་བདེ་པོ་མེད་པའི་འཚོར་བས་སེམས་ནང་སྟོང་ལྷང་ལྷང་གི་ན་ཟུག་གཅིག་འབྱིན་བྱུང་།

ཉིན་གཅིག་འཚོང་ཁང་ཆེན་པོ་ཞིག་ཏུ་གོས་ཉོ་བར་ཕྱིན་པས་ཚོང་ཁང་དེའི་སྦྱིན་བདག་རྒྱ་རིགས་རེད་འདུག་ ནང་དུ་འཚོང་རྒྱག་མཁན་བོད་རིགས་བུ་མོ་གཅིག་མཐོང་བས་ངས་མོ་ལ་སྐད་ཆ་ཁ་ཤས་དྲིས་ཏེ། ཁྱེད་རང་སློབ་གྲྭ་ཆེན་མོར་ཅིའི་ཕྱིར་མ་སོང་ཞེས་དྲིས་པར་མོས་ང་རང་ནང་སྐྱོ་པོ་ཡིན་སྟབས་སློབ་གྲྭ་ཆེན་མོར་འགྲོ་ཐུབ་མ་སོང་ཟེར། ཁྱོད་ལ་ཟླ་རེར་གླ་ཆ་ཇི་ཙམ་ཡོད་དྲིས་པར་མོས་ཉིན་གུང་ཁ་ལག་ཕུད་ཟླ་རེར་རྒྱ་སྒོར་ ༨༥༠། ལས་མེད་ཟེར།

དེ་ནས་ཉིན་གཅིག་ངས་འཕེན་པོའི་ཡུལ་དུ་ཇོ་བོ་བཀའ་གདམས་པའི་གདན་ས་དང་མཆོད་རྟེན་ ༡༠༨ ཟེར་བའི་སར་ཆེད་དུ་གནས་མཇལ་དུ་སོང་བ་ཡིན།
ཚུར་འཁོར་མ་ཐག་ལམ་བར་དུ་མོ་ཊ་ཁྲུས་ས་ཞིག་ཏུ་ཡུན་ཙམ་རླངས་འཁོར་གཙང་བཀྲུ་བྱས་ཏེ་བསྡད། སྐབས་དེར་མོ་ཊ་ཁྲུ་མཁན་ཡོངས་རྫོགས་བོད་ཀྱི་གྲོང་གསེབ་ཁག་ནས་སླེབས་པའི་བོད་རིགས་བུ་མོ་ལོ་ ༢༠ ནས་༣༠ བར་དུ་སླེབས་སྙམ་པའི་བུ་མོ་ ༡༠ ཙམ་འདུག ངས་བུ་མོ་གཅིག་འཁྲིས་སུ་ཕྱིན་ཏེ་ཁྱེད་ཚོ་གང་ནས་ཡིན་ཞེས་དྲིས། མོས་ང་ཚོ་ཚང་མ་བོད་ཀྱི་གྲོང་གསེབ་ཁག་ནས་གླ་འཚོལ་བར་ཡོང་བ་ཡིན་ཟེར། ཁྱོད་ཚོར་གླ་ཆ་ཇི་ཙམ་ཡོད་དྲིས་པར་མོས་ཁང་པ་དང་ལྟོ་ཕུད་པའི་ཟླ་རེར་སྒོར་ ༣༥༠། ཡོད་ཟེར།

ད་དུང་ཉིན་གཅིག་ལྷ་ས་སྨན་རྩིས་ཁང་གི་ཉེ་འཁྲིས་སུ་ཡོད་པའི་བོད་ཟས་ཁང་ཆེན་པོ་ཞིག་ཏུ་གྲོགས་པོ་ཁ་ཤས་དང་མཉམ་དུ་ཕྱིན། གྲོགས་པོས་ཟ་ཁང་དེའི་སྦྱིན་བདག་བོད་རིགས་གཅིག་རེད་ཟེར་བས་ངའི་སེམས་ལ་དགའ་བ་གཅིག་འབྱིན། འཚག་ཤ་རྩིབས་བཀྲག་སོགས་བྲོ་ལྡན་གྱི་ཟས་རིགས་འགས་ཤས་བཟས་ནས་ཕྱིར་ཐོན་ཁར་བོད་རིགས་སྤྲང་པོ་ལོ་ངོ་༧ །༨། ༡༦ ཙམ་སོན་པའི་ཕྲུ་གུ་འགའ་ཤས་ནང་དུ་ཡོང་ཏེ་ཁ་ལག་ལྷག་མ་རྣམས་ཧབ་ཐོག་བརྒྱབས་མ་ཐག་ཏུ་ཟ་ཁང་གི་སྣེ་ལེན་པ་དེས་ཕར་རྒྱུགས་སྤྲང་པོ་འདི་ཚོ་ཡིན་ན་་་་་ཞེས་ལབ་སོང་བས་ངས་མོར་གཡུག་ཞོག་ཁ་ལག་ལྷག་མ་བཟས་ན་ང་ཚོར་སྐྱོན་ཅི་ཡང་མེད་ཅེས་ལབ་པས་མོས་ཚུར་ཁོང་ཚོས་སྐུ་མགྲོན་ཚོ་དང་ཟ་ཁང་བཙོག་པོ་བཟོ་བཞིན་འདུག་ཟེར།

ངས་ལྷ་སར་ཉིན་གྲངས་ ༡༨ ཙམ་བསྡད་པའི་རིང་ཡར་མར་འགྲོ་འོང་བྱེད་སྐབས་གླ་གཏོང་མོ་ཊ་ taxi གླ་ནས་འགྲོ་ཡི་ཡོད། ང་ག་དུས་འགྲོ་ནའང་ངས་བོད་རིགས་མོ་ཊ་གཅིག་རག་ན་བསམས་པས་སྐར་མ ༥ ནས ༡༠ སྒུག་སྡོད་བྱས་ཀྱང་ང་ལྷ་སར་སྡོ་ཡུན་རིང་ལ་ངར་བོད་རིགས་ཀྱི་གླ་གཏོང་མོ་ཊ་གཅིག་ཀྱང་ལམ་བར་དུ་ཐུག་མ་བྱུང་སྟབས། ངས་ཉིན་གཅིག་ངའི་སྤུན་མཆེད་གཅིག་ལ་དེའི་སྐོར་སྐད་ཆ་དྲིས་པས་ཁོང་གིས་ལོ་ ༥ ཙམ་གྱི་སྔོན་ལ་བོད་རིགས་གླ་གཏོང་མོ་ཊ་མང་པོ་མཐོང་རྒྱུ་ཡོད་ཀྱང་ད་ཆ་བོད་རིགས་ཚོར་ཚོང་རྩ་་བ་ནས་མེད་ཟེར། ངས་རྒྱུ་མཚན་གང་ཡིན་དྲིས་པར་ཁོས་མོ་ཊ་ཉོས་ན་སྒོར་ཁྲི་ ༨ ཙམ་ཡིན་ལ་དེའི་སྟེང་དུ་ཡོད་པའི་ taxi ཞེས་པའི་ཡི་གེ་དེ་རག་རྒྱུར་སྒོར་ ཁྲི་ ༢༥ ཙམ་རེད། དེ་བོད་རིགས་ཚོར་རེག་རྒྱུ་དཀའ་ལས་ཁག་པོ་རེད་ལར་ནས་རེག་ཀྱང་རྒྱ་མིས་ལྟར་ཉིན་མཚན་ཆུ་ཚོད་ ༢༤ རིང་བོད་རིགས་ཚོས་མོ་ཊ་རྒྱུགས་ཐུབ་ཀྱི་མེད་སྟབས་བོད་པར་ཚོང་མེད་སོང་བ་རེད་ཟེར།

སྔོན་མ་ ༡༩༩༤། ༡༩༩༥ སྐབས་སུ་ལམ་བར་དུ་ལྷམ་རྩི་གཏོང་མཁན་དང་ལྷམ་བཟོ་མཁན་ཡོངས་རྫོགས་རྒྱ་རིགས་སྐྱོ་པོ་ཤ་སྟག་ཡིན་ཀྱང་། ༢༠༠༧ ལོར་མཚོན་ན་ལྷམ་བཟོ་མཁན་དང་ལྷམ་རྩི་གཏོང་མཁན་ཡོངས་རྫོགས་བོད་རིགས་ཤ་སྟག་རེད་འདུག ཉིན་ང་གཙུག་ལག་ཁང་དུ་མཆོད་མཇལ་དུ་འགྲོ་དུས་ལམ་ཟུར་ཞིག་གི་གཡས་ནས་བོད་རིགས་ཕོ་གསར་ལོ་ ༢༣ ཙམ་ཟིན་སྙམ་པ་གཅིག་གིས་རྒན་ལགས་སྐུ་མཁྱེན་ལྷམ་རྩི་གཅིག་གཏོང་ཡ་ཟེར་ཞིང་ངའི་རྐང་པར་བཟུང་ནས་ཨུ་ཚུགས་བྱེད་བཞིན་འདུག་དེར་ངས་ཡུན་ཙམ་བསྡད་དེ་ལྷམ་རྩི་གཅིག་བཏང་ནས་ཁྱེད་ལ་ཉིན་གཅིག་ལ་དངུལ་ཇི་ཙམ་རེག་གི་འདུག་གམ་དྲིས་པར་ཁོས་མང་པོ་ཞེ་དྲག་རེག་གི་མི་འདུག་རྒན་ལགས་ཟེར་ཞིང་ངོ་གདོང་སྐྱོ་སྙམ་ཆེན་པོས་ངར་ལྟ་བཞིན་འདུག་ངས་ལྷམ་རྩི་ཚར་རྗེས་དངུལ་གྱི་ལྷག་མ་རྣམས་མི་དགོས་ལས་ཀ་ཧུ་ཐག་བྱེད་ཨ་ཞེས་ཁ་ལྟ་འདྲ་གཅིག་བྱས་ནས་མཆོད་མཇལ་དུ་སོང་། དེའི་སྐབས་ངའི་མིག་ཟུང་མཆིལ་མས་རླན་ཞིང་ཅུང་ཟད་གཅིག་ངུ་ན་ཕན་སྙམ་པ་ལྟ་བུ་ཞིག་བྱུང་།

དེ་ནས་དགོང་དྲོ་ཆུ་ཚོད་ ༥ ཙམ་ཐོག་ཚལ་ཁྲོམ་ཆེན་པོ་གཅིག་ཏུ་ཚལ་ཉོ་བར་བསྐྱོད་པས་དེའི་ནང་འཚལ་རིགས་བཙོང་མཁན་དང་ཉོ་མཁན་ཚང་མ་རྒྱ་མིས་གང་འདུག་ང་ཚོ་ཚལ་ཉོས་ནས་ཕྱིར་ཐོན་མ་ཐག་ཏུ་སྒོ་འགྲམ་དུ་ལྷ་སའི་ཨ་མ་ལགས་གཅིག་དང་བུ་མོ་གཅིག་རང་ཐུག་པ་ལས་གཞན་བོད་རིགས་གཅིག་ཀྱང་མཐོང་ཡས་མི་འདུག དེས་ང་ལ་མཚོན་ན་ལྷ་ས་ནི་ད་ལྟ་རྒྱ་མིས་ཡོངས་སུ་གང་བ་ཙམ་མ་ཟད་ད་དུང་འབྱུང་འགྱུར་གྱི་ལོ་ངོ་ ༡༠ ནས་ ༢༠ བར་ལ་རྒྱ་མིས་དབང་བའི་ལྷ་ས་གཅིག་ལས་གཞན་འགྲོ་ལམ་གང་ཡང་མེད་མི་འདུག་སྙམ་ཏེ་༸ གོང་ས་མཆོག་གི་མིང་དོན་མཚུངས་པའི་རང་སྲིད་རང་སྐྱོང་ཟེར་བ་དེའི་གནད་འགག་དེ་རང་ཡིན་པའི་ངེས་ཤེས་གཟབ་མོ་གཅིག་རང་ཉིད་ཀྱིས་དངོས་སུ་མིག་མཐོང་ལག་ཟིན་དབང་ལས་ར་སྤྲོད་གསལ་པོ་ཐུབ།

ངས་ད་དུང་ཁྲོམ་རྭ་ཆེན་པོ་ཁག་དང་། ཚོང་ཁང་། ཟ་ཁང་། མགྲོན་ཁང་། རོལ་རྩེད་ཁང་། ཞབས་བྲོ་ཁང་། ལས་ཁུངས། ཐོག་བརྩེགས་ཁང་ཆེན་སོགས་ཡོངས་རྫོགས་ཀྱི་བདག་དབང་རྒྱ་རིགས་ཡིན་པ་ལས་ཆེས་ཉུང་ཤས་ཅན་གྱི་མགྲོན་ཁང་དང་། བོད་ཟས་ཁང་། ཇ་ཁང་། ལྷ་སའི་བར་སྐོར་གྱི་ནང་གི་ཚོང་ཁང་ཁ་ཤས་བཅས་ཀྱི་བདག་པོ་རིགས་ཡིན་ལས་གཞན་རྒྱ་མིས་གང་བྱས་ཆགས་འདུག

ཉིནགཅིག་ངས་མོ་ཊའི་ནང་དུ་ཕྱིན་ཏེ་སྟོད་ལུང་ཁུལ་ནས་ལྷ་སའི་གླིང་སྐོར་ཡོངས་རྫོགས་ལ་བལྟ་བར་བསྐྱོད་སྐབས་ནོར་བུ་གླིང་ཁའི་ཉེ་འགྲམ་ཐད་ལ་དེ་བས་རྒྱ་མིས་ཁེངས་འདུག
དེ་ནས་ཕོ་ཏ་ལའི་ཐང་ཆེན་དང་བར་སྐོར་ཉེ་མཁྲིས་སུ་བོད་རིགས་གང་ཙམ་མཐོང་རྒྱུ་འདུག་དེ་མིན་ས་ཆ་གང་སར་རྒྱ་མིས་ཡོངས་སུ་ཁེངས་འདུག

རིམ་བཞིན་བོད་ལྗོངས་སློབ་གྲྭ་ཆེན་མོའི་ཉེ་འགྲམ་གྱི་གཡོན་ངོས་སུ་བོད་ཀྱི་གྲོང་གསེབ་ཁག་དང་ལྷག་དོན་ཁམས་ནས་ཡོངས་བའི་བོད་རིགས་བུ་མོའི་གཞང་ཁང་རེད་ཟེར་བའི་ཁང་པའི་སྒོ་འགྲམ་དུ་བོད་རིགས་བུ་མོ་འགའག་ཤས་གཅིག་ཕྱི་རོལ་དུ་ཐ་མག་འཐེན་བཞིན་བསྡད་འདུག ལམ་གྱི་གཡོན་ངོས་རྒྱ་མོའི་གཞང་ཁང་རེད་ཟེར་བའི་ཁང་པས་ཁེངས་ཤིང་རྒྱ་མོ་མང་པོ་མཐོང་རྒྱུ་འདུག ད་དུང་ ༡༩༩༥ སྐབས་སུ་ལྷ་སའི་ནང་ལ་ཆ་མཚོན་ན་འཇག་མ་གླིང་ཁ་དེ་གཞང་ཁང་དུ་བརྩི་བཞིན་ཡོད་ཀྱང་ད་ཆ་སྔར་གྱི་འཇག་མ་གླིང་ག་དེའི་སྟེང་ཁང་བརྩེགས་ཅན་གྱིས་ཡོངས་སུ་ཁེངས་འདུག

ཉིན་ངའི་གྲོགས་པོས་མོ་ཊ་ཞིག་གིས་ནང་དུ་འཁྲིད་དེ་ལྷ་སའི་ལྷོ་བརྒྱུད་ཀྱི་གཙང་པོའི་ཉེ་འཁྲིས་སུ་བརྒྱབ་ཟིན་པའི་ཁང་པ་དེ་ཚོར་བལྟ་བར་བསྐྱོད། མདུན་དུ་ཟ་ཁང་དང་། བཏུང་ཇ་ཁང་། སྦུག་ཏུ་ཕྲུ་གུ་ཆུང་ཆུང་གི་རྩེད་མོ་རྩེད་ས། ད་དུང་གཡས་གཡོན་གང་སར་སྤྲོ་སྐྱིད་ཁང་། ཆུ་བརྒལ་ས། ལུས་འཁྲུས་ཁང་། ཤོ་སྦག་རྩེད་ས་སོགས་ཀྱི་ཁེངས་འདུག མ་ཟད་ངའི་གྲོགས་པོས་ཁང་པ་དེའི་ས་འོག་ཏུ་སོང་ན་ལོ་ན་ ༡༦ ནས་ ༢༥ བར་གྱི་རྒྱ་མོ་ ༨༠༠ ཙམ་ཡོད་རེད་ཟེར། དེའི་ནང་དུ་ཞབས་བྲོ་ཁང་དང་། རོལ་རྩེད་ཁང་། སྤྲོ་སྐྱིད་ཁང་སོགས་རང་ལ་གང་དགོས་ནའང་ཡོད་རེད་ཟེར།

དེའི་ནང་དུ་སོང་ན་མི་རེར་རྒྱ་སྒོར་ ༨༥༠ ཐམ་པའི་སྤ་སེ་ ticket སྤྲོད་དགོས་ལ་ནང་དུ་ཡང་བཏུང་རིགས་དང་ཟས་རིགས་སོགས་ཀྱི་རིན་གོང་ཧ་ཅང་གིས་ཆེན་པོ་རེད་ཟེར། དེའི་ནང་དུ་འགྲོ་མཁན་ཁག་ནི་ཕྱི་རྒྱལ་ཡུལ་བསྐོར་སྤྲོ་མཆམ་མཁན་དང་། དཔོན་རིགས་ཁག དམག་དཔོན་ཁག ཚོང་པ་ཁག ཕྱུག་བདག་ཁག་བཅས་ལས་མི་སྐྱོ་པོ་ཁག་འགྲོ་ཐབས་མེད་པ་ཞིག་རེད་ཅེས་གསལ་བཤད་བྱས་བྱུང་།

དེ་མིན་དགོན་པ་ཁག་དང་། ལྷག་པར་ཕོ་བྲང་པོ་ཏ་ལ། ནོར་བུ་གླིང་ཁ། གཙུག་ལག་ཁང་བཅས་ཀྱི་ནང་ཕྱི་རྒྱལ་ཁག་ནས་སླེབས་པའི་མི་རེར་སྒོར་༢༥༠། ༣༠༠ བཅས་ཀྱི་རེད་འདུག་ལ་པོ་ཏ་ལར་མཚོན་ ༡༩༩༥ ལོར་བོད་རིགས་སུ་ཞིག་ཕྱིན་ཀྱང་སྒོ་བྱང་ཉོ་དགོས་ཀྱི་མེད་ཀྱང་ ༢༠༠༧ ལོར་མཚོན་ན་བོད་རིགས་མང་ཚོགས་ཚོས་ཀྱང་སྒོ་བྱང་སྒོར་ ༡་༥༠ ཐམ་པའི་འཛིན་བྱང་ཉོ་དགོས་ཀྱི་འདུག

དེ་བཞིན་པོ་ཏ་ལར་ ༡༩༩༤ ལོའི་སྐབས་སུ་ནང་དུ་མེ་གཟོན་སྔོན་འགོག་ལས་གཞན་དམག་་མི་མང་པོ་མཐོང་རྒྱུ་མེད་ཀྱང་ ༢༠༠༧ མཚོན་ན་མཆོད་མཇལ་དུ་འགྲོ་དུས་ནང་རྒྱ་མིའི་དམག་མིས་ཡོངས་སུ་ཁེངས་ཏེ་གཡས་གཡོན་དུ་མེ་སྐྱོན་ལ་དོ་སྣང་བྱེད་དགོས་ཞེས་ཡི་གེ་སྦྱར་ཏེ་བཙོན་ཁང་ལྟ་བུ་ཞིག་གི་ནང་འགྲོ་གི་ཡོད་པའི་འཚོར་བ་ཞིག་སྤྲད་བྱུང་། མང་དངུལ་དེ་དག་ཀྱང་དགོན་པའི་གྲྭ་དམངས་་དང་དགོན་པའི་ཆོས་ཕྱོགས་སུ་གཏོང་རྒྱུའི་དབང་ཆ་ཅི་ཡང་མི་འདུག་ལ་ལོ་རེའི་ཡོངས་བབ་སྒོར་ཁྲི་ཚོ་མང་པོ་དམག་མི་དང་ལས་བྱེད་ཚོའི་ཆེད་དུ་གཏོང་བཞིན་འདུག་ལ་ལྷག་འཕྲོས་རྣམས་གཞུང་གིས་བརྩིས་ལེན་བྱེད་བཞིན་འདུག

དེ་མིན་ལྷ་སའི་སྟོད་ལུང་དང་། འབྲས་སྤུངས་ཀྱི་མདའ། སེར་རྭའི་གཤམ གཙང་ཆུའི་འགྲམ བར་སྐོར་གྱི་གཡས་གཡོན། འཕེན་པོའི་ཁུལ། ལྷ་སའི་ལྷ་ངོས་སུ་ཆགས་པའི་དྲིས་སོགས་གཡས་གཡོན་དག་ལ་མཚོན་ན་དམག་སྒར་གྱིས་མཐའ་ཡོངས་སུ་སྐོར་ནས་འདུག ད་དུང་ཟས་རིགས་དང་། འཐུང་རིགས གྱོན་གོས། ནང་ཆས། ཅ་དངོས་སོགས་ཉེར་མཁོའི་རིགས་ཆུང་ཚགས་ཚུན་ཆད་རྒྱ་མིས་བཙོང་བཞིན་འདུག དངོས་ཡོད་ཀྱི་གནད་ལུགས་དེ་ཚོར་ཞིབ་ཏུ་དཔྱད་དེ་བསམས་ན་ལྷ་ས་ནི་བདེ་སྐྱིད་ལྡན་པའི་གྲོང་གཅིག་ལས་ལྡོག་སྟེ་སྡུག་བསྔལ་གྱིས་མནར་བའི་ལྷ་ས་ཞིག་ཏུ་གྱུར་པ་དེ་རེད།

དེར་བརྟེན་ ༢༠༠༨ ལྷ་ས་གཙོས་པའི་བོད་ཡོངས་ལུ་ཞི་བའི་ངོ་རྒོལ་བྱེད་དགོས་པའི་གནད་དོན་འདི་ཚོར་ཐུག་ལ་དེ་ཡང་ཉིན་རེའི་འཚོ་བའི་དགོས་མཁོ་ཁག་དང་གྲལ་རིམ་དང་སྤྱི་ཚོགས་ཀྱི་དབུལ་ཕྱུག་དབར་ལྷག་དུ་རྒྱ་རིགས་དང་བོད་རིགས་གཉིས་ཀྱི་ཐོབ་ཐང་དང་། རང་དབང་། མི་འབོར། འཚོ་བའི་གནས་སྟབས་ཆ་མི་སྙོམ་པའི་གནད་དོན་དེ་དག་ལ་ཐུག་ཡོད།

ངས་རགགས་ཟིན་ཙམ་བྲིས་པའི་མིག་མཐོང་ལག་ཟིན་གྱིས་དངོས་ཡོད་གནས་ཚུལ་འདི་དག་དྲ་གྲོགས་ཚོས་རྒྱ་ཡིག་དང་། དབྱིན་ཡི

དངོས་གནས་རྩོམ་པ་པོ་འོད་ཟེར་ལགས་ཀྱི་སྐད་ཆ་དེ་དག་རྣ་བར་ཐོས་པ་དང་ཞིབ་འཇུག་གི་རང་བཞིན་ཅན་ཞིག་དང་། སྤོབས་པའི་གོ་མཚོན་འཆང་བ་རྐྱང་གོ་ཡོང་གི་འདུག

རྩོམ་པ་པོ་ཟོད་ཟེར་ལགས་རྒྱལ་གྱུར་ཅིག་ཅེས་ངང་གིས་ངའི་ངག་ནས་ཤོར་ཐལ།
འོད་ཟེར་ནི་འོད་ཟེར་རང་རེད། འོད་ཟེར་ལགས་རྒྱལ་ལོ། བོད་རྒྱལ་ལོ།
འོད་ཟེར་ལགས་རྒྱལ་ལོ། བོད་རྒྱལ་ལོ།འོད་ཟེར་ལགས་རྒྱལ་ལོ། བོད་རྒྱལ་ལོ།འོད་ཟེར་ལགས་རྒྱལ་ལོ། བོད་རྒྱལ་ལོ།